ସବୁରି ସବୁ ଅଛି

News Story - Posted on 2016-12-16

ରଘୁ ଅରକ୍ଷିତ

(୧୬ଶ ଶତାବ୍ଦୀ)

 

ସବୁରି ସବୁ ଅଛି ମୋହର କେହି ନାହିଁ

ଏକା ମୋ ପ୍ରଭୁ ଜଗନ୍ନାଥ,

ତୁମ୍ଭରି ନାମ ଧରି ବିଷ ମୁଁ ଭକ୍ଷିଅଛି

ସେ ମୋତେ ହୋଇଛି ଅମୃତ ହେ, ମହାପ୍ରଭୁ।

 

ବାଲିରେ ପଡ଼ିଥାଇ ନୀଳଚକ୍ରକୁ ଚାହିଁ

ପ୍ରାଣ ମୋ ଶେଷ ହେଉଥାଇ,

ବାଲିରେ ପଡ଼ିକରି ମାଂସକୁ ମିଳାଇବି

ଚକ୍ର ଉହାଡ଼ିଥିବ ଧ୍ୟାଇ ହେ, ମହାପ୍ରଭୁ।

 

ସାଧୁମାନଙ୍କ ସଙ୍ଗେ ଦିନ ବଞ୍ଚିବି ରଙ୍ଗେ

ତୁମ୍ଭ ଚରଣେ ଚିତ୍ତ ଥାଉ,

ଛଡ଼ା ତୁଳସୀ ମୁଣ୍ଡେ ନିର୍ମାଲ୍ୟ ଥିବ ତୁଣ୍ଡେ

ହା କୃଷ୍ଣ ବୋଲି ପ୍ରାଣ ଯାଉ ହେ, ମହାପ୍ରଭୁ।

 

ବଗଡ଼ା ଅନ୍ନ ସଙ୍ଗେ ବଡ଼ି ମହୁର ରଙ୍ଗେ

ସେବାରେ ପୂରାଇବି ପେଟ,

କଳାର ହାତ ଠାରେ ଦର୍ଶନ କରୁଥିବି

ଛାମୁରେ ଧରି ମୁଁ ଆଲଟ ହେ, ମହାପ୍ରଭୁ।

 

ଏମନ୍ତେ କହୁଅଛି ଶୁଣ ହେ ଶିରବସ୍ଥି

ରୁକୁଣା ଦେବୀଙ୍କର କାନ୍ତ,

ରଘୁ ଯେ ଅରକ୍ଷିତ ଏ ଭାବରେ ଭଣିଲେ

ଏଥୁ ଉଦ୍ଧାର ଜଗନ୍ନାଥ ହେ, ମହାପ୍ରଭୁ।


ପ୍ରତିକ୍ରିୟା

ନିଜର ପ୍ରତିକ୍ରିୟା ଦିଅନ୍ତୁ-









© 2015. Samanya Kathan All Rights Reserved | Editor : Debendra Prusty     

To Top