ରାଜନୀତି

News Story - Posted on 2018-04-16

ପଂଚାୟତ କ୍ଷମତା ହଡ଼ପ!



ଏହି ଟର୍ମସ ଅଫ ରେଫରେନ୍ସରେ ରାଜ୍ୟ ସରକାର ଯଦି କିଛି ପପୁଲିଷ୍ଟ ଯୋଜନା ଚଳାଉଥିବା ଏହା ଉପରେ ନଜର ରଖିବାକୁ କୁହା ଯାଇଛି । ଶ୍ରୀ ପ୍ରଧାନ କହିଛନ୍ତି ଯେ ଗତ କିଛି ଦିନ ହେଲା ମୁଖ୍ୟମନ୍ତ୍ରୀ ଭିଡିଓ କନଫରେନ୍ସିଂ ମାଧ୍ୟମରେ କୋଟିଏ-ଦୁଇ କୋଟି ଟଙ୍କା ବାଂଟୁଛନ୍ତି । ହଜାରେ କୋଟି ଟଙ୍କାର ବିନା ଯୋଜନାରେ ଅର୍ଥ ବ୍ୟୟବରାଦ କରି ମୁଖ୍ୟମନ୍ତ୍ରୀ ବାଂଟୁଛନ୍ତି । ରାଜ୍ୟରେ ନିର୍ବାଚିତ ୱାର୍ଡ ମେମ୍ବରରୁ ସରପଂଚ ପର୍ଯ୍ୟନ୍ତ ଅଛନ୍ତି । ଜିଲ୍ଲା ପରିଷଦ ଅଛି, କ୍ଷମତା ପ୍ରାପ୍ତ କାର୍ଯ୍ୟନିର୍ବାହୀ ଅଧିକାରୀ ପିଡି ଡିଆରଡିଏ ଅଛନ୍ତି । ମାତ୍ର ଏମାନଙ୍କୁ କ୍ଷମତାର ବ୍ୟବହାର କରିବାକୁ ନ ଦେଇ ସାମନ୍ତବାଦୀ ଢାଂଚାରେ ମୁଖ୍ୟମନ୍ତ୍ରୀ ଭିଡିଓ କନଫରେନ୍ସିଂ ମାଧ୍ୟମରେ ଟଙ୍କା ବାଂଟିବା ପପୁଲିଷ୍ଟ ଯୋଜନା ନା ନାହିଁ ଏକଥାର ଆକଳନ ପଂଚଦଶ ଅର୍ଥ କମିଶନ କରିବେ । ଏହାର ପୀଡା ମୁଖ୍ୟମନ୍ତ୍ରୀଙ୍କୁ ହେବା ସ୍ୱାଭବିକ ବୋଲି ଶ୍ରୀ ପ୍ରଧାନ କହିଛନ୍ତି ।


News Story - Posted on 2018-04-16

ମୋଦିଙ୍କ ପାଇଁ ବିପଦ ହିନ୍ଦୁତ୍ୱ!



ବିମୁଦ୍ରାକରଣ, ଜିଏସଟି ଭଳି ଲୋକବିରୋଧୀ ପଦକ୍ଷେପ ଯେତେ ମୋଦି ଏବଂ ତାଙ୍କ ନେତୃତ୍ୱାଧୀନ ସରକାର ପ୍ରତି ପ୍ରତିକୂଳ ପ୍ରଭାବ ପକାଇ ନଥିଲା ବା ପକାଇ ନାହିଁ, ଡିଜେଲ୍‍-ପେଟ୍ରୋଲ୍‍ ଦର ଏବଂ ନିତ୍ୟ ବ୍ୟବହାର୍ଯ୍ୟ ସାମଗ୍ରୀର ଅହେତୁକ ଦରବୃଦ୍ଧି ସେତିକି ମୋଦି ଏବଂ ବିଜେପି ନେତୃତ୍ୱାଧୀନ ସରକାର ପ୍ରତି ଲୋକଙ୍କ ପକ୍ଷରୁ ଅନାସ୍ଥାଭାବ ସୃଷ୍ଟି କରିପାରିନଥିଲା କି ନାହିଁ । ହିନ୍ଦୁତ୍ୱବାହିନୀ ସଦସ୍ୟଙ୍କ ଅପରାଧ ଏବଂ ବିଜେପି ଶାସିତ ରାଜ୍ୟର ମୁଖ୍ୟମନ୍ତ୍ରୀ, ମନ୍ତ୍ରୀ ଏବଂ ସାକ୍ଷୀ ମହାରାଜ, ବିନୟ କଟିଆରଙ୍କ ଭଳି ବିଜେପି ନେତା ତଥା ମୋଦିଜୀଙ୍କ ସହଯୋଗୀଙ୍କ ପକ୍ଷରୁ ହିନ୍ଦୁତ୍ୱ ବାହିନୀର ସଦସ୍ୟଙ୍କ ଅପରାଧକୁ ଘଣ୍ଟ ଘୋଡ଼ାଇବା ଉଦ୍ୟମ ଏବଂ ବିବୃତ୍ତି ଦେଶର ସାଧାରଣ ନାଗରିକଙ୍କ ପାଇଁ ଅସହ୍ୟ ହୋଇପଡ଼ିଛି । ତିନି ଦଶନ୍ଧି ମଧ୍ୟରେ ବିଜେପିର ଯେଭଳି ଉତ୍ଥାନ ଘଟି ୧୩୩ ବର୍ଷର ସର୍ବପୁରାତନ କଂଗ୍ରେସ ଦଳକୁ ଧରାଶାୟୀ କରିଛି, କିନ୍ତୁ ହିନ୍ଦୁତ୍ୱବାଦୀ ସଂଗଠନର କେତେକ ସଦସ୍ୟ ଯେଭଳି ଧର୍ମ-ସଂପ୍ରଦାୟ ନାମରେ ଘୃଣା ପ୍ରସାର କରୁଛନ୍ତି, ହିଂସା ଭିଆଉଛନ୍ତି, ହତ୍ୟା କରୁଛନ୍ତି, ବଳାକ୍ରାର ଭଳି ଅପରାଧରେ ଜଡ଼ିତ ଅଭିଯୁକ୍ତଙ୍କୁ ସମର୍ଥନ ଦେଉଛନ୍ତି ତାହା ମୋଦି ଏବଂ ବିଜେପି ପାଇଁ ଆଉଥରେ କ୍ଷମତାକୁ ଫେରିବା ନେଇଥିବା ନିଶ୍ଚିତତାରେ ଅନିଶ୍ଚିତତାର ବାର୍ତ୍ତା ଦେଇଛି ।


News Story - Posted on 2018-04-15

ନବୀନଙ୍କ ଭୋଟ୍ ସୂତ୍ର



ଓଡ଼ିଶାର ୨୮ ପ୍ରତିଶତ ଲୋକ ନିରକ୍ଷର । ଏମାନଙ୍କ ସଂଖ୍ୟା ୧.୨୦ କୋଟିରୁ ଅଧିକ । ଆଉ କୋଟିଏରୁ ଅଧିକ ଲୋକ ଅଳ୍ପ ଶିକ୍ଷିତ- ମ୍ୟାଟ୍ରିକ ତଳେ । ଏ ୨.୫ କୋଟି ଲୋକଙ୍କର ରାଜ୍ୟର ସାଧାରଣ ସମ୍ବଳ, ରାଜ୍ୟର ଅର୍ଥନୀତି, ରାଜ୍ୟ ପରିଚାଳନା, ଟିକସ ବ୍ୟବସ୍ଥା, ସମ୍ବଳ ପରିଚାଳନା, ଯୋଜନାର ଭଲ ଓ ମନ୍ଦ ଦିଗ, ଦୁର୍ନୀତି ଆଦି ପ୍ରସଙ୍ଗରେ ଚେତନା ଟିକେ ସ୍ୱାଭାବିକ ଭାବେ କମ୍ । ଭାରତୀୟ ଗଣତନ୍ତ୍ରର ଏହା ଏକ ଦୁର୍ବଳତା ଯେ, ସାଧାରଣତଃ ଏଇ ବର୍ଗର ଲୋକମାନେ ହିଁ ଅଧିକ ସଂଖ୍ୟାରେ ଭୋଟ ଦିଅନ୍ତି । ଶିକ୍ଷିତ, ମଧ୍ୟବିତ୍ତ ଓ ଧନୀ ବର୍ଗର ଲୋକମାନେ ଯେଉଁମାନେ ଏସବୁ ବିଷୟରେ ସଚେତନ ସେମାନେ ସାଧାରଣତଃ ଭୋଟ ଦିଅନ୍ତି ନାହିଁ । 


News Story - Posted on 2018-04-12

ତୁଚ୍ଛା ରାଜନୀତି ସ୍ୱତନ୍ତ୍ର ପାହ୍ୟା



ଆନ୍ଧ୍ରର ପୋଲାଭରମକୁ କେନ୍ଦ୍ର ସରକାର ଜାତୀୟ ପ୍ରକଳ୍ପ ମାନ୍ୟତା ଦେଲେ । ନବୀନ ସରକାର ଓଡ଼ିଶା ପାଇଁ ସେମିତି ଗୋଟେ ପ୍ରକଳ୍ପ କଥା ଚିନ୍ତା କଲେଣି କି? ତା’ ନକରି ତାଙ୍କ ପ୍ରକଳ୍ପ ବନ୍ଦ କରିବାକୁ ଦାବି କରିବା କି ପ୍ରକାର ବୁଦ୍ଧି? ମହାନଦୀ ଉପରେ ଗୋଟେ ବଡ଼ ଧରଣର ଜାତୀୟ ପ୍ରକଳ୍ପ ହେଲେ କ’ଣ ଓଡ଼ିଶାର ଚାଷୀ ଜଳ ପାଇବେନି? ସହରବାସୀ ପାଣି ପାଇବେନି? ତା’ ନକରି ତୁଚ୍ଚାଟାରେ ଛତିଶଗଡ଼ ଆମ ପାଣି ନେଇଗଲା ବୋଲି ଚିକ୍ରାର କଲେ କ’ଣ ହେବ? ଆମ ପାଣିକୁ ତ ଆମେ ରଖିପାରୁନୁ, ସମୁଦ୍ରକୁ ଛାଡ଼ି ଦଉଛୁ । ଯାହା କିଛି ପାଣି ଆସୁଛି ତା’କୁ ଶିଳ୍ପ, ବନ୍ଦର ଓ ସହରକୁ ଦେଇ ଜଳକର ଆଦାୟ କରୁନୁ । ଜୀବନରେଖା ବୋଲି ଚିଲ୍ଲେଇବାର ମତଲବ କ’ଣ?


News Story - Posted on 2018-04-11

ବିଧାନସଭା କ’ଣ ମୋଦିଙ୍କ ଅଫିସ?



ମହାନଦୀ ପ୍ରସଙ୍ଗରେ ବିଜେଡିର ଦାବି ଥିଲା ଟ୍ରିବ୍ୟୁନାଲ । ବିଳମ୍ବରେ ହେଲେ ମଧ୍ୟ ସୁପ୍ରିମ କୋର୍ଟଙ୍କ ନିର୍ଦ୍ଦେଶକ୍ରମେ କେନ୍ଦ୍ର ସରକାର ମହାନଦୀ ଟ୍ରିବ୍ୟୁନାଲ ଗଠନ କରିଛନ୍ତି । ଏବେ ରାଜ୍ୟ ସରକାର ବଳିଷ୍ଠ ତଥ୍ୟ ପ୍ରମାଣ ସହକାରେ ଟ୍ରିବ୍ୟୁନାଲରେ ମାମଲା ଲଢ଼ିବା କଥା । ଖଣି ଓ ଚିଟ ଫଣ୍ଡ ଦୁର୍ନୀତିର ସିବିଆଇ ତଦନ୍ତକୁ ବିରୋଧ କରିବା ପାଇଁ ରାଜ୍ୟ ସରକାର ଯେପରି ହାଇକୋର୍ଟ ଓ ସୁପ୍ରିମ କୋର୍ଟରେ କୋଟିକୋଟି ଟଙ୍କା ଖର୍ଚ୍ଚ କରି ନାମୀଦାମୀ ଓକିଲ ନିଯୁକ୍ତ କରିଥିଲେ ସେହିପରି ମହାନଦୀ ପ୍ରସଙ୍ଗରେ ବରିଷ୍ଠ ଓ ବଳିଷ୍ଠ ଓକିଲ ଦେଇ ଛତିଶଗଡ଼ ଓ କେନ୍ଦ୍ର ସରକାରଠାରୁ ଓଡ଼ିଶାର ଜଳ ଛଡ଼େଇ ଆଣିବା କଥା । 


News Story - Posted on 2018-04-10

ବିଜେପିର ୮୧% ଆୟବୃଦ୍ଧି



ତେବେ ଏଡିଆର କହିଛି ଯେ ରାଜନୀତିକ ଦଳଗୁଡ଼ିକର ଆୟ ସୂତ୍ର ନେଇ ଏଣିକି ଅନେକ ତଥ୍ୟ ମିଳିବ ନାହିଁ । କାରଣ ଗତ ମାସରେ ସଂସଦରେ ଗୃହୀତ ହୋଇଥିବା ଏକ ସଂକଳ୍ପ ଅନୁସାରେ ରାଜନୀତିକ ଦଳଗୁଡ଼ିକ ୧୯୭୬ ମସିହାରୁ ଏ ପର୍ଯ୍ୟନ୍ତ ବିଦେଶୀ ସୂତ୍ରରୁ ଯେତେ ଟଙ୍କାର ଚାନ୍ଦା ପାଇଛନ୍ତି ତାହା ପ୍ରଘଟ କରିବେ ନାହିଁ । ସେହିପରି ୨୦୧୮ ଅର୍ଥ ବିଲ୍ ରେ ୨୧ଟି ସଂଶୋଧନ ପ୍ରସ୍ତାବ ଲୋକସଭାରେ ଗୃହୀତ ହୋଇଛି । ଏହା ମଧ୍ୟରେ ବିଦେଶୀ ଚାନ୍ଦା ନିୟନ୍ତ୍ରଣ ଆଇନ ୨୦୧୦ ମଧ୍ୟ ଅନ୍ତର୍ଭୁକ୍ତ । ଏହି ଆଇନରେ ଥିବା ବ୍ୟବସ୍ଥା ଅନୁସାରେ ବିଦେଶୀ କମ୍ପାନୀଗୁଡ଼ିକ ଭାରତର ରାଜନୀତିକ ଦଳଗୁଡ଼ିକୁ ଚାନ୍ଦା ଦେଇପାରିବେ ନାହିଁ । କିନ୍ତୁ ଏଥିରେ ହୋଇଥିôବା ସଂଶୋଧନ ଅନୁସାରେ ଯଦି କୌଣସି ଦଳ ବିଦେଶୀ ସୂତ୍ରରୁ ଚାନ୍ଦା ଗ୍ରହଣ କରିଛନ୍ତି ତାହା ଆଉ ପ୍ରଘଟ କରିବେ ନାହିଁ । ଅର୍ଥାତ ସେମାନଙ୍କର ବିଦେଶୀ ଚାନ୍ଦା ଗ୍ରହଣ ଆଉ ବେଆଇନ ବିବେଚିତ ହେବ ନାହିଁ ।


News Story - Posted on 2018-04-10

ଓଟ ବାହାଘରେ ଗଧ ମେଲୋଡ଼ି!



ଏହା ସତ୍ତ୍ବେ ଓଡ଼ିଶା ବିକାଶକୁ ନେଇ ସୁନେଲି ସ୍ୱପ୍ନ ଦେଖାଇବାରେ ସରକାର ପଛାଉନାହାନ୍ତି। କିନ୍ତୁ ସ୍ୱପ୍ନ ଅଧୁରା। ୩ କୋଟି ୫୦ ଲକ୍ଷରୁ ଅଧିକ ଓଡ଼ିଆଙ୍କ ପାଇଁ ଟଙ୍କିକିଆ ଚାଉଳ ହିଁ ଭରସା। ଏହା ତ ସୂଚାଉଛି ଓଡ଼ିଶା କେତେ ସମୃଦ୍ଧ? ସତ କଥା ହେଲା ଏହି ଟଙ୍କିକିଆ ଚାଉଳ ପାଉଥିବା ଗରିବ ଓଡ଼ିଆ ନିଜ ନିଜ ସୌଭାଗ୍ୟକୁ ଅଣ୍ଡାଳୁଛନ୍ତି। ୨୦ ଲକ୍ଷରୁ ଅଧିକ ଓଡ଼ିଆ ରାଜ୍ୟ ବାହାରେ ଦାଦନ ଖଟୁଛନ୍ତି। ଓଡ଼ିଶା ବିକାଶ ସଂପର୍କରେ ଆଲୋଚନା କଲାବେଳେ ମନେପଡ଼ୁଛି, ଓଟ ବାହାଘରରେ ଗଧ ସଂଗୀତ ଗାନର କଥା। ‘ଉଷ୍ଟ୍ରାଣାଂ ବିବାହହେତୁ ଗୀତଂ ଗାୟନ୍ତି ଗର୍ଦଭାଃ’, ପରସ୍ପର ପ୍ରଶଂସତି- ଅହୋ ରୂପଂ ଅହୋ ଧ୍ୱନି।’ ଅର୍ଥାତ୍ ଓଟର ବାହାଘରରେ ଗଧ ଗୀତ ଗାଉଛି। ଜଣେ ଆଉ ଜଣଙ୍କୁ ମହାନ ବୋଲି ପ୍ରଶଂସା କରୁଛି। ବାଃ କି ସୁନ୍ଦର, କି ସୁଲଳିତ ସ୍ୱର ମ! ଓଡ଼ିଶା ରାଜନୀତିର ଅବସ୍ଥା ଆଜିଦିନରେ ଓଟ ବାହାଘରରେ ଗଧ-ଓଟର ପରସ୍ପରର ପ୍ରଶଂସା ଭଳି।


News Story - Posted on 2018-04-06

୩୦ ଦିନରୁ ୨୩ ଦିନ ମୁଲତବୀ



ଏହା ୨୦୧୮ର ପ୍ରଥମ ଅଧିବେଶନ ହୋଇଥିବାରୁ ସମ୍ବିଧାନର ଧାରା ୮୭(୧) ଅନୁଯାୟୀ ସଂସଦରେ ଉଭୟ ଗୃହର ସଦସ୍ୟଙ୍କୁ ମିଳିତ ଭାବେ ରାଷ୍ଟ୍ରପତି ୨୦୧୮ ଜାନୁଆରୀ ୨୯ ତାରିଖରେ ଅଭିଭାଷଣ ପ୍ରଦାନ କରିଥିଲେ । ରାଷ୍ଟ୍ରପତିଙ୍କ ଅଭିଭାଷଣ ଉପରେ ଧନ୍ୟବାଦ ପ୍ରସ୍ତାବ ଲୋକସଭାରେ ରାକେଶ ସିଂଙ୍କ ଦ୍ୱାରା ଆଗତ ହୋଇଥିଲା ଏବଂ ଏହାକୁ ସମର୍ଥନ କରିଥିଲେ ପ୍ରହଲ୍ଲାଦ ଭେଙ୍କଟେଶ ଯୋଶୀ । ଲୋକସଭାରେ ଏହାର ଆଲୋଚନା ପାଇଁ ୧୦ ଘଂଟାର ସମୟ ଧାର୍ଯ୍ୟ ହୋଇଥିଲେ ମଧ୍ୟ ଏହା ନେଇଥିଲା ୧୦ ଘଂଟା ୪୩ ମିନିଟ । ରାଜ୍ୟସଭାରେ ଧନ୍ୟବାଦ ପ୍ରସ୍ତାବ ଆଗତ କରିଥିଲେ ଅମିତ ଶାହ ଏବଂ ସମର୍ଥନ କରିଥିଲେ ଡକ୍ଟର ବିନୟ ପି. ସହସ୍ରବୁଦେ୍ଧ । ଏହାର ଆଲୋଚନା ପାଇଁ ୧୨ ଘଂଟାର ସମୟ ଧାର୍ଯ୍ୟ ଥିଲେ ମଧ୍ୟ ଆଲୋଚନା ହୋଇଥିଲା ୧୨ ଘଂଟା ୪୫ ମିନିଟ । ଅଧିବେଶନର ପ୍ରଥମ ପର୍ଯ୍ୟାୟରେ ଧନ୍ୟବାଦ ପ୍ରସ୍ତାବ ଉଭୟ ଗୃହରେ ଆଲୋଚନା ପରେ ଗୃହୀତ ହୋଇଥିଲା ।


News Story - Posted on 2018-04-06

ଉପକୂଳରୁ ୮, ବାକି ଓଡ଼ିଶାରୁ ୨!



ପ୍ରାଦେଶିକ ରାଜନୀତିକ ଦଳ (ବିଜଦ) ଜାଣତରେ ହେଉ ଅବା ଅଜାଣତରେ ହେଉ ରାଜ୍ୟସଭା ପ୍ରାର୍ଥୀ ଚୟନରେ ଆଉ ଏକ ଧ୍ୟାନ ଆକର୍ଷକ କାର୍ଯ୍ୟ କରିଛି, ତାହା ହେଉଛି - ପଶ୍ଚିମ ଓଡ଼ିଶାର ତିନି ଜଣ ବିଦାୟୀ ସଦସ୍ୟ(ଆଚାରୀ ଭେଙ୍କଟ ସ୍ବାମୀ, ଦିଲ୍ଲୀପ ତିର୍କୀ, ଓ ଅନଙ୍ଗ ଉଦୟ ସିଂହଦେଓ)ଙ୍କ ସ୍ଥାନରେ ପୂର୍ବ ଓଡ଼ିଶାର ତିନି ଜଣ ଶପଥ ନେଲେ। ଫଳରେ ପଶ୍ଚିମ ଓଡ଼ିଶାର କେବଳ ଜଣେ ରାଜ୍ୟସଭା ସାଂସଦ ରହିଲେ - ପ୍ରସନ୍ନ ଆଚାର୍ଯ୍ୟ। ସେହିଭଳି ଦକ୍ଷିଣ ଓଡ଼ିଶାର ମଧ୍ୟ ଜଣେ ରାଜ୍ୟସଭା ସାଂସଦ - ଏନ୍. ଭାସ୍କର ରାଓ। ଆଉ ୮ ଜଣ ଯାକ ପୂର୍ବ ଓଡ଼ିଶାର। ସେମାନଙ୍କ ମଧ୍ୟରୁ କେବଳ ଅବିଭକ୍ତ କଟକ ଜିଲ୍ଲାର ଲୋକ ହେଲେ ୫ ଜଣ। ଅବଶ୍ୟ ଏହାକୁ ଭାରସାମ୍ୟହୀନ କହିବାକୁ କୌଣସି ଗଣମାଧ୍ୟମର ମଗଜରେ ଢୁକି ନାହିଁ। ହୁଏତ ରଣନୀତି ଏମିତି ହୋଇପାରେ - ୨୦୧୯ ନିର୍ବାଚନରେ ତିନି ପ୍ରମୁଖ ଦଳ ମଧ୍ୟରେ ବାଜି ଲାଗିବ, ଯେଉଁଥିରେ ବିଜଦ ଓ ଭାଜପାର ହାସଲ ହାର ୧୪୭ରୁ ୭୦:୫୦ ଅବା ୬୦:୪୦ ଅଥବା ଏହାର ବିପରୀତ ଅଙ୍କ ହୋଇପାରେ। ସେତେବେଳେ ବିଜଦ ନିଜର ୨୦୩୬ ସ୍ବପ୍ନକୁ ଚରିତାର୍ଥ କରିବାକୁ ଏବଂ ଝୁଲା ବିଧାନସଭା ଏଡ଼ାଇବାକୁ ନିର୍ବାଚନ-ପରବର୍ତ୍ତୀ ମେଣ୍ଟ କରିପାରେ, ଯେଉଁଠି ନବୀନ ମୁଖ୍ୟମନ୍ତ୍ରୀ ନହୋଇ କିଙ୍ଗମେକର ପାଲଟି ଯାଇ ରାଜ୍ୟସଭାକୁ ଆଶ୍ରା ରୂପେ ବାଛିପାରନ୍ତି। ଭାଜପା ସେଇ ନିର୍ବାଚନରେ ପଶ୍ଚିମ ଓଡ଼ିଶାକୁ ଆଖେଇ ଥିବାରୁ, ବିଜଦ-ଭାଜପା ମେଣ୍ଟ ସରକାର ହେବାର ଅନୁମାନ ଅଧିକ ପ୍ରାସଙ୍ଗିକ ଲାଗୁଛି।


News Story - Posted on 2018-04-05

୧୨୦ରୁ ଅଧିକ ପାଇବୁ: ଶାହ



ଉତ୍ତର ପ୍ରଦେଶ, ଉତ୍ତରାଖଣ୍ଡ ଓ ତ୍ରିପୁରାରେ ନିର୍ବାଚନ ପ୍ରଚାର ସମୟରେ ଯେଉଁ ଜନଭାବନା ଦେଖିଥିଲି ଓଡ଼ିଶାରେ ତା’ଠାରୁ ଅଧିକ ତୀବ୍ର ସରକାର ବିରୋଧୀ ଜନଭାବନା ଦେଖୁଛି ବୋଲି ବଲାଙ୍ଗୀରଠାରେ ବିଜେପି ଯୁବ ମୋର୍ଚ୍ଚା ଦ୍ୱାରା ଆୟୋଜିତ ଯୁବ ସମାବେଶରେ ଉଦବୋଧନ ଦେଇ କହିଛନ୍ତି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା । ତେଣୁ ବିଜେପିକୁ ଓଡ଼ିଶାରେ ୧୨୦ ଆସନ ନୁହେଁ ତା’ଠାରୁ ଅଧିକ ଆସନ ମିଳିବ ବୋଲି ଏହି ସଭାରେ ସେ ଦୃଢୋକ୍ତି ପ୍ରକାଶ କରିଛନ୍ତି । ସେ କହିଛନ୍ତି ଯେ, ଯେଉଁ ପର୍ଯ୍ୟନ୍ତ ପଶ୍ଚିମ ବଙ୍ଗ ଓ ଓଡ଼ିଶାରେ ବିଜେପି ଶାସନ ପ୍ରତିଷ୍ଠିତ ନ ହୋଇଛି ଦଳ ପାଇଁ ସେହି ପର୍ଯ୍ୟନ୍ତ ସୁବର୍ଣ୍ଣ ଯୁଗ ଆସିବ ନାହିଁ । 


News Story - Posted on 2018-04-05

ବଢ଼ୁଛି ବିଜେପି, ଛିଡ଼ୁଛି କଂଗ୍ରେସ



ସେହିପରି ଅତାବିରା ଏନଏସିର ମୋଟ ୧୨ ଆସନରେ ବିଜୁ ଜନତା ଦଳ ବିଜୟୀ ହୋଇଛି । ଏଠାରେ ବିଜେପି ଓ କଂଗ୍ରେସ ଖାତା ଖୋଲିପାରି ନାହାନ୍ତି । କିନ୍ତୁ ଭୋଟହାର ଦୃଷ୍ଟିରୁ ଏଠି ମଧ୍ୟ ଭାରତୀୟ ଜନତା ପାର୍ଟିର ଅଭ୍ୟୁଦୟ ଉଲ୍ଲେଖନୀୟ । ଏହି ଏନଏସରେ ବିଜେଡି ମୋଟ ୫୭୫୧ ଖଣ୍ଡ ଭୋଟ ପାଇଥିବାବେଳେ ବିଜେପି ୨୪୯୭ ଖଣ୍ଡ ଏବଂ କଂଗ୍ରେସ ୧୨୦୧ ଖଣ୍ଡ ଭୋଟ ପାଇଛି । ଏଠାରେ ବିଜେଡିର ଭୋଟହାର ୬୦ ପ୍ରତିଶତ, ବିଜେପିର ୨୫ ପ୍ରତିଶତ ଓ କଂଗ୍ରେସର ୧୨ ପ୍ରତିଶତ । ୨୦୧୩ ନିର୍ବାଚନରେ ଏଠାରେ ବିଜେଡିର ଭୋଟହାର ୪୪ ପ୍ରତିଶତ ଥିଲାବେଳେ କଂଗ୍ରେସ ୩୮ ପ୍ରତିଶତ ଏବଂ ବିଜେପିର ୬ ପ୍ରତିଶତ ଥିଲା । ଏଠାରେ ମଧ୍ୟ କଂଗ୍ରେସ ୨୬ ପ୍ରତିଶତ ଭୋଟ ହରେଇଥିବାବେଳେ ବିଜେଡି ୧୬ ପ୍ରତିଶତ ଓ ବିଜେପି ୧୯ ପ୍ରତିଶତ ଭୋଟ ଅଧିକ ପାଇଛି । 


News Story - Posted on 2018-04-04

ଅମିତଙ୍କ ମୁହଁରେ ନବୀନଙ୍କ ହିସାବ



ଶ୍ରୀ ଶାହ କହିଛନ୍ତି ଯେ, ଓଡିଶାରେ ପର୍ଯ୍ୟଟନର ବ୍ୟାପକ ସମ୍ଭାବନା ରହିଛି ମାତ୍ର ସେହି ସମ୍ଭାବନାକୁ ଉପଯୋଗ କରା ଯାଇ ଓଡିଶା ଲୋକଙ୍କ ପାଖରେ ବିକାଶ ପହଂଚାଯାଇ ପାରିନାହିଁ । ଓଡିଶାରେ ପ୍ରଚୁର ଖଣିଜ ସମ୍ପଦ, ଅମାପ ଜଳ ସମ୍ପଦ ଓ ମହାପ୍ରଭୁ ଶ୍ରୀଜଗନ୍ନାଥଙ୍କ ଆଶୀର୍ବାଦ ସହ ପରିଶ୍ରମୀ କୃଷକ ଓ ଶ୍ରମିକ ଅଛନ୍ତି । କାମ ପାଇଁ ଓଡିଆ ଲୋକ ମାନଙ୍କୁ ବାହାର ରାଜ୍ୟକୁ ଯିବାକୁ ପଡୁଛି । ଦେଶର ସବୁ ବିକଶିତ ରାଜ୍ୟରେ ଓଡ଼ିଆ ଲୋକମାନେ ପରିଶ୍ରମ କରି ସଂପୃକ୍ତ ରାଜ୍ୟକୁ ଆଗକୁ ବଢାଇଛନ୍ତି । ତେବେ ନିଜ ରାଜ୍ୟ ଓଡ଼ିଶା ପଛରେ ପଡ଼ିବା ପାଇଁ ରାଜ୍ୟ ସରକାରଙ୍କ ଅପାରଗତା ଦାୟୀ ବୋଲି ଶ୍ରୀ ଶାହା କହିଛନ୍ତି । 


News Story - Posted on 2018-04-04

ବିଜେଡ଼ିରେ ଅପମିଶ୍ରଣ ପର୍ବ!



ଶେଷରେ ନବୀନ ବାବୁଙ୍କ ମିଶ୍ରଣ ପର୍ବର ସଂଦେଶ ଥିଲା ଓଡ଼ିଶାର ବିକାଶ ପାଇଁ ଆମେ ସମସ୍ତେ କାମ କରିବା ଏବଂ ଓଡ଼ିଶାକୁ ଶ୍ରେଷ୍ଠ କରିବା । କୃଷି, ସ୍ୱାସ୍ଥ୍ୟ ବିକାଶ ସହ ରାଜ୍ୟ ବିକାଶକୁ ନେଇ ଆମର ଧାରା ଚାଲିଛି ଓ ଚାଲିବ । ଶେଷଖର ବିକ୍ରମ ପଣ୍ଡା ଓ ଭଗବାନ ଗନ୍ତାୟତଙ୍କୁ ବିଜେଡ଼ି କର୍ମୀ ଭାବରେ ଗ୍ରହଣ କରିବା ବିଷୟ ଘୋଷଣା କରିଥିଲେ । ମଂଚ ଆଗରେ ହଜାର ହଜାର ଦର୍ଶକ କରତାଳି ଦେଇ ସ୍ୱାଗତ କରିବା ସହ ହୁଳହୁଳି ମଧ୍ୟ ଶୁଭୁଥିଲା । ବହୁ କର୍ମୀଙ୍କ ମଧ୍ୟରେ ଚାପା ଗୁଂଜରଣର ଆଭାସ ମଧ୍ୟ ମିଳୁଥିଲା । ସଭାରେ ଯୋଗଦେଇଥିବା କେତେକ ଲୋକ କୁହାକୁହି ହେଉଥିଲେ, ଏହା ମିଶ୍ରଣ ପର୍ବ ନା ଅପମିଶ୍ରଣ ପର୍ବ? ସହରର କେତେକ ବୁଦ୍ଧିଜୀବୀ ମଧ୍ୟ ଆଲୋଚନା ପ୍ରସଙ୍ଗରେ କହିଛନ୍ତି ଜୀବନ ସାରା କଂଗ୍ରେସ ଆଦର୍ଶରେ ଅନୁପ୍ରାଣୀତ ନେତାମାନେ ବିଜୁ ଆଦର୍ଶର ପ୍ରବକ୍ତା ସାଜିବା ସହଜ ହେବ କି କଷ୍ଟ ତାହା ଆଗକୁ ଜଣାପଡ଼ିବ । ସେହିପରି ବିଜେଡିରେ ରହିଥିବା ଟିକଟ ଆଶାୟୀମାନଙ୍କର ଭୂମିକା ଆଗକୁ କ’ଣ ହେବ ତାହା ମଧ୍ୟ ଦେଖିବାକୁ ବାକି ରହିଲା ।


News Story - Posted on 2018-04-03

ଏପ୍ରିଲ ୪ କଂଗ୍ରେସ ପାଇଁ ବରଦାନ!



ଦକ୍ଷିଣ ଓଡ଼ିଶାର ପ୍ରମୁଖ କଂଗ୍ରେସ ନେତା ତଥା ଜୟପୁର ବିଧାୟକ ତାରାପ୍ରସାଦ ବାହିନୀପତି, ବରିଷ୍ଠ ଆଦିବାସୀ ନେତା ପ୍ରଦୀପ ମାଝୀ, ରାୟଗଡ଼ା ଜିଲ୍ଲା ପରିଷଦ ଅଧ୍ୟକ୍ଷ ପୁରୁଷୋତ୍ତମ ଗମାଙ୍ଗ ଏବଂ ତକ୍ରାଳୀନ ପୋଲିସ୍ ଅଫିସର ତଥା ଚିତ୍ରକୋଣ୍ଡା ନିର୍ବାଚନ ମଣ୍ଡଳୀର ଆଦିବାସୀ ନେତା ଶରତ ଚନ୍ଦ୍ର ବୁରୁଦା ଆଗାମୀ ୪ ତାରିଖରେ ଥିବା ମିଶ୍ରଣ ପର୍ବ କଂଗ୍ରେସ ପାଇଁ କିଛି ଫରକ ପଡ଼ିବନି ବୋଲି କହିଛନ୍ତି । ସେମାନଙ୍କ ମତରେ କଂଗ୍ରେସର ଜିଲ୍ଲା ସଭାପତି ପଦ ପାଇଥିବା ଭଗବାନ ଗନ୍ତାୟତଙ୍କର ବ୍ୟକ୍ତିଗତ ଲୋକପ୍ରିୟତା ନାହିଁ । ସେ ମଧ୍ୟ ଜଣେ ଭଲ ସଂଗଠକ ନୁହନ୍ତି । ସେଥିପାଇଁ ସେ ପଦରେ ଥାଇ ମଧ୍ୟ ଜିଲ୍ଲାରେ ଦଳୀୟ ସଂଗଠନ ଦୁର୍ବଳ ହୋଇଥିଲା । ପୂର୍ବତନ କେନ୍ଦ୍ରମନ୍ତ୍ରୀ ଚନ୍ଦ୍ରଶେଖର ସାହୁ ଏବଂ ପିସିସିରୁ ଏଆଇସିସିକୁ ଯାଇଥିବା ବିକ୍ରମ ପଣ୍ଡା ନିଜର କଂଗ୍ରେସରୁ ଜିତି ନପାରି କ୍ଷମତା ପାଇଁ ଆଉ କୌଣସି ବିକଳ୍ପ ନପାଇ ଶେଷରେ ବିଜେଡ଼ିରେ ମିଶିବାକୁ ନିଷ୍ପତ୍ତି ନେଇଛନ୍ତି । ସେମାନେ ଲୋକପ୍ରିୟ ହୋଇଥିଲେ ବାରମ୍ବାର ପରାସ୍ତ ହେଉ ନଥାନ୍ତେ । ବିକ୍ରମଙ୍କୁ ବାରମ୍ବାର ପରାସ୍ତ କରୁଥିବା ଡ଼. ରମେଶ ଚନ୍ଦ୍ର ଚ୍ୟାଉ ପଟ୍ଟନାୟକ ହିଁ ଏହି ନେତାମାନଙ୍କୁ ବିଜେଡିରେ ଶରଣ ଦେବା କ୍ଷେତ୍ରରେ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରିଛନ୍ତି । 


News Story - Posted on 2018-04-02

ଏପଟେ ଭିଡ଼, ସେପଟେ ଭ୍ୟାକେନ୍ସି!



ପ୍ୟାରୀ ମୋହନ ମହାପାତ୍ର ନବୀନ ପଟ୍ଟନାୟକଙ୍କର ରାଜନୀତିକ ସହାୟକ (ଗଣମାଧ୍ୟମ ତାଙ୍କୁ ମାର୍ଗଦର୍ଶକ ଭାବେ ଉପସ୍ଥାପିତ କରୁଥିଲା) ଥିଲାବେଳେ ତାଙ୍କୁ ନିଷ୍କଣ୍ଟକ କରିବା ପାଇଁ ପ୍ରତି ନିର୍ବାଚନ ମଣ୍ଡଳୀରେ ସମାନ୍ତରାଳ ନେତୃତ୍ୱ ସୃଷ୍ଟି କରିଥିଲେ । ଗୋଟେ ଗୋଟେ ଆସନରୁ ଲଢ଼ିବା ପାଇଁ ତିନି ଚାରି ଜଣ ନେତା ବାହାରୁଥିଲେ । ତାଙ୍କ ତାଙ୍କ ଭିତରେ ପ୍ରତିଯୋଗିତା ହେଉଥିଲା । ଜଣେ ଟିକଟ ପାଉଥିଲେ । ଅନ୍ୟମାନେ ନିରାଶ ହେଉଥିଲେ ବି କିଛି କିଛି ପାଉଣା ପାଇ ଚୁପ୍ ରହୁଥିଲେ । ଏବେ ବି ସେହିପରି ନେତାମାନେ ବିଜେଡିରେ ଅଛନ୍ତି । କଂଗ୍ରେସ ନେତାମାନେ ବିଜେଡ଼ିରେ ମିଶିବା ପରେ ସେମାନଙ୍କ ଭିଡ଼ ବଢ଼ୁଛି । ବ୍ଲକ, ପୌରପାଳିକା ଓ ଜିଲ୍ଲାରେ ପତିଆରା ସୃଷ୍ଟି ପାଇଁ ଏଭଳି ପ୍ରତିଯୋଗିତା ଆଗକୁ ବଢ଼ିବାର ସମ୍ଭାବନା ଯଥେଷ୍ଟ ଅଧିକ । କିଛି ଲୋକ ପସ୍ତେଇବେ, କିଛି ଲୋକ ପ୍ରତିଯୋଗୀଙ୍କ ଚେର କାଟିବା କାମରେ ଲାଗିବେ ।


News Story - Posted on 2018-04-02

ହାତ-ଶୂନ୍ୟ ହେବ ଗଞ୍ଜାମ!



ଆସନ୍ତା ନିର୍ବାଚନରେ ବିଜେପିକୁ ମୂଳପୋଛ କରିବା ଲକ୍ଷ୍ୟରେ ଏବେ ଅନ୍ୟ ଦଳରୁ ବିଜେଡି ନେତା ସଂଗ୍ରହ କରୁଥିବା ନେଇ ଚର୍ଚ୍ଚା ଆରମ୍ଭ ହୋଇଛି। ତେବେ କଂଗ୍ରେସର ଏଭଳି ନେତାଙ୍କୁ ଦଳରେ ସାମିଲ କରି ବିଜେଡି ନିଜ ଦଳର ନେତାଙ୍କୁ କିଭଳି ଥଇଥାନ କରିବ ସେଇ ଅଙ୍କ ଏବେ ଜଟିଳ ହୋଇ ପଡ଼ିଛି।


News Story - Posted on 2018-03-30

ମିଛ ଆଦର୍ଶ, ଭଣ୍ଡ ଶ୍ରେଷ୍ଠ!



ପ୍ରଶାସନିକ ଦକ୍ଷତାର ଅଭାବ ଯୋଗୁଁ ରାଜ୍ୟରେ ବହୁ ସରକାରୀ ଶିଳ୍ପ ଭୁଶୁଡ଼ି ପଡ଼ିଛି ବା ରୁଗ୍ଣ ହୋଇପଡ଼ିଛି । ରାଜ୍ୟରେ ସମସ୍ତ ଚିନିକଳ ଆପାତତଃ ବନ୍ଦ । ଚୌଦ୍ୱାର ଓଟିଏମ୍ କାରଖାନା, ଧାନମଣ୍ଡଳ ସ୍ପିନିଂ ମିଲ୍ ବନ୍ଦ କରାଯାଇଛି । ସରକାରୀ ନିଗମଗୁୁଡ଼ିକ ବ୍ୟାପକ କ୍ଷତିରେ ଚାଲିଛି । ରାଜ୍ୟରେ ହାରାହାରି ୫୦ ଭାଗ ସରକାରୀ ପଦବୀ ଖାଲିପଡ଼ିଛି । ବିଭିନ୍ନ ବିଶ୍ୱବିଦ୍ୟାଳୟରେ ଶିକ୍ଷକମାନଙ୍କ ପଦବୀ ବର୍ଷ ବର୍ଷ ଧରି ଖାଲି ପଡୁଥିବାରୁ ଶୈକ୍ଷିକ ବାତାବରଣ ବାଧାପ୍ରାପ୍ତ ହୋଇଛି । ପ୍ରାଥମିକ ଶିକ୍ଷାର ବିକାଶ ପାଇଁ ସିବିଏସ୍ଇ ଢାଂଚାରେ ସରକାର ୧୦୦ଟି ଆଦର୍ଶ ବିଦ୍ୟାଳୟ ଖୋଲିଲେ । କିନ୍ତୁ ଉକ୍ତ ୧୦୦ଟି ବିଦ୍ୟାଳୟରେ ଶିକ୍ଷକଙ୍କ ଅଭାବ, ଭିତ୍ତିଭୂମି ନଥିବା କୁପରିଚାଳନା ଯୋଗୁଁ ବିପର୍ଯ୍ୟସ୍ତ ହୋଇଯାଇଛି ।


News Story - Posted on 2018-03-29

ହାତ-ପକ୍ଷଘାତ ପାଇଁ ଶଂଖ-ସଂଜିବନୀ!



କଂଗ୍ରେସ ନହେଲେ ବି କଂଗ୍ରେସୀଙ୍କ ବିଜୁ ଜନତା ଦଳରେ ମିଶ୍ରଣ ହୋଇଯାଇଛି । ସେନାପତିଙ୍କୁ ବିଶ୍ୱାସକୁ ନନେଇ ଅକେ ରଥୀ ମହାରଥୀ ଛାତ୍ର ଭଂଗ ଦେଇ ଶାସକ ଗଡ଼ରେ ମିଶିବାର ଦୃଶ୍ୟ ଆଉ ଏକ ରାଜନୀତିର ରଙ୍ଗୀନ ଖେଳ । ଗୋଟିଏ ଦିଗରୁ ଜନସାଧାରଣ ଏହାକୁ ସୁବିଧାବାଦର ରାଜନୀତି ବୋଲି କହୁଥିଲା ବେଳେ ଆଉ କେତେକ କ୍ଷମତାର ଖେଳରେ ମଣିଷର ସ୍ୱପ୍ନ ଯେତେବେଳେ ଚୁରମାର ହୋଇ ପାଦତଳରୁ ମାଟି ଖସିଯାଏ ଶେଷରେ ସନ୍ଧି କରିବା ମଧ୍ୟ ରାଜନୀତିର ଏକ ଅଂଶ । 


News Story - Posted on 2018-03-28

କଟକରେ ଅଛି ଏସସିଏଲ ଅଫିସ!



ଅନ୍ୟପକ୍ଷରେ କେମ୍ବ୍ରିଜ ଆନାଲିଟିକା ସଂସ୍ଥାର ପୂର୍ବତନ କର୍ମଚାରୀ ଖ୍ରୀଷ୍ଟୋଫର ୱିଲି ପୁନର୍ବାର କହିଛନ୍ତି ଯେ ଏହି ସଂସ୍ଥା ଭାରତରେ ବିଭିନ୍ନ ରାଜନୀତିକ ଦଳ ପାଇଁ କାମ କରିଛି । ୨୦୦୭ ଉତ୍ତର ପ୍ରଦେଶ ନିର୍ବାଚନ, ୨୦୦୯ ସାଧାରଣ ନିର୍ବାଚନ, ୨୦୧୦ ବିହାର ନିର୍ବାଚନ, ୨୦୧୨ ଉତ୍ତର ପ୍ରଦେଶ ନିର୍ବାଚନ ଓ ୨୦୧୪ ସାଧାରଣ ନିର୍ବାଚନରେ ଏହି ସଂସ୍ଥା ବିଭିନ୍ନ ଦଳ ପାଇଁ ସର୍ବେକ୍ଷଣ କରିଛି । କେମ୍ବ୍ରିଜ ଆନାଲିଟିକା ସଂସ୍ଥାର ମୂଳ ମାଲିକ ଏସସିଏଲ ଗୋଷ୍ଠୀ ଭାରତରେ ଏସସିଏଲ ଇଣ୍ଡିଆ ନାମରେ କାର୍ଯ୍ୟ କରେ । ଏହି ସଂସ୍ଥା ଭାରତର ୬୦୦ ଜିଲ୍ଲା ଓ ୭ ଲକ୍ଷ ଗାଁର ତଥ୍ୟ ସଂଗ୍ରହ କରିଛି । ସଂସ୍ଥା ନିକଟରେ ବିଭିନ୍ନ ପରିବାରର ତଥ୍ୟ ମଧ୍ୟ ରହିଛି । ଭାରତରେ ଏହାର ମୁଖ୍ୟ କାର୍ଯ୍ୟାଳୟ ଗାଜିଆବାଦରେ ଅଛି । ଏହା ବ୍ୟତିତ ଅହମଦାବାଦ, ବେଙ୍ଗାଲୁରୁ, କଟକ, ଗୁଆହାଟୀ, ହାଇଦ୍ରାବାଦ, ଇନ୍ଦୋର, କୋଲକାତା, ପାଟନା ଏବଂ ପୁନେରେ ମଧ୍ୟ ସଂସ୍ଥାର ଅଫିସ ରହିଛି ବୋଲି ୱିଲି କହିଛନ୍ତି ।


News Story - Posted on 2018-03-28

ମୂର୍ତ୍ତିଭଙ୍ଗା ଆନ୍ଦୋଳନର କେତେ କଥା



ଦେଶ ବିଭାଜନ ସମୟରେ ଷ୍ଟାଚ୍ୟୁକୁ ପୃଷ୍ଠଭୂମିରେ ରଖି ଲେଖା ଯାଇଥିବା ପ୍ରଖ୍ୟାତ ଗାଳ୍ପିକ ସାଦାତ ହାସନ ମଣ୍ଟୋଙ୍କର ଏକ ଗଳ୍ପର ଉଲ୍ଲେଖ ଅପ୍ରାସଙ୍ଗିକ ମନେ ହୋଇ ନପାରେ। ଲାହୋର ସହରର ଅନେକ ସୁନ୍ଦର ଅଟ୍ଟାଳିକାର ସ୍ଥପତି ଇଞ୍ଜିନିୟର ତଥା ସମାଜସେବୀ ସାର ଗଙ୍ଗାରାମଙ୍କ ମୃତ୍ୟୁ ପରେ ତାଙ୍କର ଏକ ମାବର୍ବ ପ୍ରତିମୂର୍ତ୍ତି ସେହି ସହରର ଶୋଭା ମଣ୍ଡନ କରୁଥିଲା। ବିଭାଜନ ସମୟରେ ସଂଘଟିତ ଦଙ୍ଗାରେ ଦିନେ ଉତ୍ତେଜିତ ଜନତାଙ୍କ ରୋଷର ଶିକାର ହୋଇଥିଲା ସେହି ପ୍ରତିମୂର୍ତ୍ତି। ଲୋକେ ପ୍ରଥମେ ପ୍ରତିମୂର୍ତ୍ତି ଉପରକୁ ଟେକା ପଥର ଫୋପାଡିଲା ପରେ ତାକୁ ଜୋତାମାଳ ପିନ୍ଧାଇଲେ। ପୋଲିସ ଲୋକଙ୍କୁ ଘଉଡାଇ ସ୍ଥିତିକୁ ନିୟନ୍ତ୍ରଣାଧୀନ କରିଥିଲେ ମଧ୍ୟ ଇତି ମଧ୍ୟରେ ଜୋତାମାଳ ପିନ୍ଧାଇଥିିବା ଲୋକଟି ଗୁରୁତର ଭାବେ ଆଘାତପ୍ରାପ୍ତ ହୋଇଥିଲା। ତାକୁ ତୁରନ୍ତ ଯେଉଁ ଡାକ୍ତରଖାନାକୁ ନିଆଯାଇଥିଲା ତାହା ସେହି ସାର ଗଙ୍ଗାରାମଙ୍କ ନାମରେ ନାମିତ ଥିଲା।


News Story - Posted on 2018-03-21

ଗଣତନ୍ତ୍ର ହଡ଼ପ କରୁଛି ଫେସବୁକ୍!



ଏଠାରେ ଉଲ୍ଲେଖଯୋଗ୍ୟ ଯେ ବ୍ରିଟେନର ଚାନେଲ ୪ ଟିଭି ସଂସ୍ଥା କେମ୍ବ୍ରିଜ ଆନାଲିଟିକାର ଫେସବୁକ ତଥ୍ୟ ଚୋରି ସଂପର୍କରେ ଚାଞ୍ଚଲ୍ୟକର ଖବର ପ୍ରସାରଣ କରିଛି । ଏହି ସଂସ୍ଥା ୨୦୧୪ ମସିହାରେ ଫେସବୁକ ବ୍ୟବହାରକାରୀଙ୍କ ତଥ୍ୟ ଚୋରି କରିଥିଲା । ୨୦୧୬ ଆମେରିକାର ନିର୍ବାଚନରେ ଡୋନାଲ୍ଡ ଟ୍ରମ୍ପଙ୍କ ପାଇଁ ଏହି ସଂସ୍ଥା କରିଥିôବା ଭୋଟର ସର୍ବେକ୍ଷଣରେ ଏହି ସଂସ୍ଥା ଫେସବୁକରୁ ଚୋରି କରିଥିବା ତଥ୍ୟ ବ୍ୟବହାର କରିଥିଲା । ଚାନେଲ ୪ର ତଥ୍ୟ ଅନୁସାରେ କେମ୍ବ୍ରିଜ ଆନାଲିଟିକା ପ୍ରାୟ ୫୦ ନିୟୁତ ଫେସବୁକ ବ୍ୟବହାରକାରୀଙ୍କର ତଥ୍ୟ ଚୋରି କରିଛି । 


News Story - Posted on 2018-03-20

ନକ୍ସଲ ବାଦର ଦିଶା ଓ ନିଶା



ମାଓବାଦୀଙ୍କ ଘୋଷଣା ମାଓସେତୁଙ୍ଗଙ୍କ ସେହି ପଂକ୍ତି-ଯିଏ ଶୋଷକ ବିରୁଦ୍ଧରେ ଶୋଷିତ ପାଇଁ ଏବଂ ସାମ୍ରାଜ୍ୟବାଦ ବିରୋଧରେ ମରିବ ତା’ର ମୃତ୍ୟୁ ପାହାଡ ପରି ଟାଣ ଏବଂ ଯିଏ ସାମ୍ରାଜ୍ୟବାଦର ସ୍ତାବକ ହେବ ଏବଂ ଶୋଷଣକାରୀର ସମର୍ଥକ ହେବ ତା’ର ମୃତ୍ୟୁ ପକ୍ଷୀର ମୃତ୍ୟୁ ପରି କୋମଳ । ଏବେ ବି ଆମ ଦେଶ ଓ ରାଜ୍ୟରେ ବିଭିନ୍ନ ନାମରେ ଦମନ ପ୍ରତିରୋଧ ମଞ୍ଚ, ବିପ୍ଲବୀ ଗଣତାନ୍ତ୍ରିକ ସାମ୍ମୁଖ୍ୟ, ୱାଙ୍ଗା ସଂଘ, ଗଣନାଟ୍ୟ ମଣ୍ଡଳୀ ଭଳି ୮ରୁ ଅଧିକ ସଂଗଠନ ନାମରେ କାର୍ଯ୍ୟରତ ବୋଲି ଗୁଇନ୍ଦା ବିଭାଗ ତା’ ରିପୋର୍ଟରେ ପ୍ରକାଶ କରିଛି । ୨୦୦୬ ମସହା ଜୁନ୍‍ ୯ ତାରିଖରେ ଏହି ବେଆଇନ୍‍ ଘୋଷିତ ସଂଗଠନର କର୍ମକର୍ତ୍ତାଙ୍କୁ ଡାକି ସଶସ୍ତ୍ର ହିଂସା ପଥରୁ ଓହରି ଆସିବା ପାଇଁ ଓଡ଼ିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆହ୍ୱାନ ଜଣାଇଥିଲେ । ଛତିଶଗଡ଼ରୁ ପଶ୍ଚିମ ବଙ୍ଗ, ଆନ୍ଧ୍ର ପ୍ରଦେଶରୁ ତେଲେଙ୍ଗାନା, ଝାଡ଼ଖଣ୍ଡ ଭଳି ରାଜ୍ୟରେ ସକ୍ରିୟ ଥିବା ମାଓ ସଂଗଠନର ହିଂସା କିନ୍ତୁ ଥମୁନି । ମାଓ ଦମନ ନାମରେ ନିରୀହ ଲୋକ ବଳିପଡ଼ୁଛନ୍ତି । କିନ୍ତୁ ସରକାର ମାଓବାଦୀଙ୍କ ହିଂସାର କାରଣ ଓ ଏହାର ନିରାକରଣ ତଥା ଏହି ଅରାଜକତାବାଦୀଙ୍କୁ ଦମନ କରିବାରେ ସଫଳ ହୋଇପାରୁନାହାନ୍ତି । ନକ୍ସଲବାଦର ଦିଶା ଓ ନିଶା ଯେ ହିଂସାମୁକ୍ତ ତାହା ସମସ୍ତେ ଜାଣନ୍ତି । ସରକାର ମଧ୍ୟ ଏ ସଂର୍କରେ ସଚେତନ । କିନ୍ତୁ ହିଂସା ପଥରୁ ମାଓବାଦ ସଂଗଠନରେ ଥିବା ନାଗରିକଙ୍କୁ ଫେରାଇ ଆଣି ମୁଖ୍ୟ ସ୍ରୋତରେ ସାମିଲ କରିବାରେ ସରକାରଙ୍କ ଭୂମିକା ବାସ୍ତବପ୍ରଦ ହୋଇପାରୁନାହିଁ । ଜଣାପଡ଼ୁଛି ମାଓବାଦୀମାନେ ନିକଟ ଭବିଷ୍ୟତରେ ହିଂସାପଥ ପରିହାର କରିବାର ସମ୍ଭାବନା କମ୍‍ । ତେଣୁ ଆଗାମୀ ଦିନରେ ନକ୍ସଲ ହିଂସାର କୁପ୍ରଭାବରୁ ଜନମାନସକୁ ସୁରକ୍ଷା ଦେବା ସରକାରଙ୍କ ପାଇଁ ଚିନ୍ତାର ବିଷୟ ହୋଇପଡିଥିବା ବେଳେ ଶାନ୍ତିକାମୀ ଜନତାଙ୍କ ଉଦବେଗ ଅଧିକରୁ ଅଧିକ ବୃଦ୍ଧି ପାଇବାରେ ଲାଗିଛି, କାରଣ ନକ୍ସଲ ନାମରେ ବାମପନ୍ଥୀଙ୍କର ବାମବିଚ୍ୟୁତି ଘଟିଛି ଓ ହିଂସା ଏମାନଙ୍କର ଧର୍ମ ପାଲଟିଛି ।


News Story - Posted on 2018-03-20

କଂଗ୍ରେସ ଶିକାର ପରେ ନିଶାଣରେ ବିଜେପି



ଏବେ ଫଳ ଏଇଆ ହୋଇଛି ଯେ ଓଡ଼ିଶାରେ ବସ୍ତୁତ କଂଗ୍ରେସ ପାର୍ଟି ବିଜେଡି ଭିତରେ ହଜିଗଲାଣି । ବିଧାୟକ ଦଳ ନେତା, ବିଧାୟକ ଦଳ ସଂପାଦକ, ଯୁବ କଂଗ୍ରେସ ସଭାପତି, ଛାତ୍ର କଂଗ୍ରେସ ସଭାପତି, ପୂର୍ବତନ ମୁଖ୍ୟମନ୍ତ୍ରୀଙ୍କ ଦାୟାଦଙ୍କ ସମେତ ମୁଖପାତ୍ର, ପୂର୍ବତନ ବିଧାୟକ ଓ ସାଂସଦ ଗାନ୍ଧୀ କୀର୍ତ୍ତନ ଛାଡ଼ି ନବୀନ ଭଜନ ଗାଇବାରେ ଲାଗିଲେଣି । ଜଣକ ପରେ ଜଣେ କଂଗ୍ରେସ ନେତାଙ୍କୁ ଶିକାର କରି ଚାଲିଛନ୍ତି ନବୀନ । ଆଗକୁ ମଧ୍ୟ ଏହି ଧାରା ରହିବାର ଅନେକ ସଂକେତ ମିଳୁଛି । ଯେଉଁ ନିର୍ବାଚନ ମଣ୍ଡଳୀରେ ବିଜେଡି ବିଧାୟକଙ୍କ ବିରୋଧରେ କିଛିଟା ଅସନ୍ତୋଷ ସୃଷ୍ଟି ହୋଇଛି ସେଠାକାର ଟାଣୁଆ କଂଗ୍ରେସ ନେତାଙ୍କୁ ବିଜେଡି ଖାଳେଇରେ ପୂରେଇବାର ଉଦ୍ୟମ ଅବ୍ୟାହତ ରହିଛି । ବିଜେପିକୁ ଅଟକାଇବାକୁ ଯାଇଁ କଂଗ୍ରେସ ହାଇକମାଣ୍ଡ ଓଡ଼ିଶାରେ ପାର୍ଟିକୁ ନିଶ୍ଚିହ୍ନ କରିବାର ବାଟ ବାହାର କରିଛନ୍ତି ।


News Story - Posted on 2018-03-18

ମହାଭାରତର ଦ୍ୱିତୀୟ ପର୍ବ!



ସେ କହିଛନ୍ତି ଯେ ତୁମେ ୩୩ ହଜାର କୋଟି ଟଙ୍କା ସରକାରଙ୍କଠାରୁ ଚୋରି କରି ନୀରବ ରହିବ । ଅର୍ଥମନ୍ତ୍ରୀ ଓ ତାଙ୍କ ଝିଅ ଲୁଟେରାଙ୍କ ପାଇଁ କାମ କରିବେ । କିନ୍ତୁ ତୁମେ ଯଦି ଗରୀବ ତେବେ ତୁମେ ଠିକା ଶ୍ରମିକ ହେବ । ଏହା ହେଉଛି ମୋଦି ମାୟା- ଅଚ୍ଛେ ଦିନ, ସ୍ୱଚ୍ଛ ଭାରତର ଓ ୧୫ ଲକ୍ଷ ଟଙ୍କାର ଏକ କାଳ୍ପନିକ ପୃଥିବୀ ।


News Story - Posted on 2018-03-18

ନେତୃତ୍ୱର କଥା- ମିଛ ପ୍ରଚାର!



ପରିବର୍ତ୍ତନ-ବିକାଶ ରାସ୍ତା କେବଳ ଭାଷଣରେ । ଶାନ୍ତି ସଦଭାବନା-ଭ୍ରାତୃତ୍ୱର କଥା କହୁଥିବା ନେତୃତ୍ୱ କେବଳ ବାକପଟୁତାର ଆକର୍ଷଣକୁ ନେଇ ସେଇଠି ଅଟକି ଯାଇଛନ୍ତି । ନେତୃତ୍ୱ ପ୍ରଚାରଯନ୍ତ୍ରକୁ ହାତମୁଠାରେ ରଖି ସେ ନିଜେ ଠିକ୍‍ ଆଉ ସମସ୍ତେ ଭୁଲ ଏଭଳି ପ୍ରଚାର କରି ଜନମତକୁ ବିଭାଜିତ କରୁଛନ୍ତି । ପ୍ରତିଟି ପ୍ରଚାରରେ ଘୃଣା, ଘୃଣାକୁ ମଡେଲ । ଘୃଣା ଥିଲା ନୈତିକ ଭାବରେ; କିନ୍ତୁ ବୈଚାରିକ ଅସ୍ତ୍ର ଭାବରେ ଏହାକୁ ବ୍ୟବହାର କରିବାକୁ ଆବିଷ୍କାର କରାଯାଇଛି । ଏହା ଆଜିଦିନର ନେତୃତ୍ୱଙ୍କ ସ୍ୱତନ୍ତ୍ର ପାରଦର୍ଶିତା । ଯୋଡିବା ନୁହେଁ ଭାଙ୍ଗିବା ସୂତ୍ର ଦେଇ କ୍ଷମତାକୁ ଆସିବା ଏବଂ କ୍ଷମତାରେ ରହିବାର କୌଶଳକୁ ଆପଣାଯାଇଛି । ଏହା ଘୃଣା ମଡେଲର ବଡ଼ ଉପଲବ୍ଧି ବୋଲି ବୁଝିବାକୁ ହେବ । ହିନ୍ଦୁ, ମୁସଲିମ୍‍, ଖ୍ରୀଷ୍ଟିଆନ, କଳା-ଗୋରା, ସ୍ୱଦେଶୀ-ବିଦେଶୀ ଭଳି ବର୍ଗ, ବର୍ଣ୍ଣ, ରାଷ୍ଟ୍ର ଆଧାରରେ ବୈଷମ୍ୟ ସୃଷ୍ଟି କରାଯାଉଛି । ଲୋକଙ୍କୁ ଭାଗ ଭାଗ କରାଯାଉଛି । ଉଚ୍ଚବର୍ଗ, ନିମ୍ନବର୍ଗ, ବ୍ରାହ୍ମଣ, ଦଳିତ, ଆଦିବାସୀଙ୍କ ମଧ୍ୟରେ ଅସହିଷ୍ଣୁତାର ଜହର ସୃଷ୍ଟି ପଛରେ ରାଜନୈତିକ ନେତୃତ୍ୱଙ୍କ ଭୂମିକାକୁ ଏଡାଇ ଦିଆଯାଇପାରିବନି, ଯାହା ପଣ୍ଡିତ ନେହେରୁ, ଚର୍ଚ୍ଚିଲ, କେନେଡ଼ିଙ୍କ ସମୟରେ ଦେଖିବାକୁ ମିଳିନଥିଲା । ଆମ ଦେଶରେ ଶଙ୍କରାଚାର୍ଯ୍ୟଙ୍କ ସାଂସ୍କୃତିକ ଏକତା ହେଡ଼ଗେୱାରଙ୍କ ହିନ୍ଦୁ ରାଷ୍ଟ୍ରବାଦ, ଗୋଲୱାଲ୍‍ଙ୍କର ସମର ସତ୍ତାବାଦ, ଦୀନଦୟାଲଙ୍କ ଏକାତ୍ମ ମାନବବାଦ, ଚାଣକ୍ୟଙ୍କ ରାଜନୈତିକ ଏକତା-ଅଖଣ୍ଡ ଭାରତର ପ୍ରଚାର କରୁଛନ୍ତି ନେତୃତ୍ୱ । କିନ୍ତୁ ଗାନ୍ଧିଜୀ, ନେହରୁ, ଚର୍ଚ୍ଚିଲ, କେନେଡ଼ିଙ୍କ ଉଚ୍ଚାରଣ-ଆଚରଣର ସମୀକ୍ଷା କରି ଦେଶର ସମୂହ ଜନତାଙ୍କ ପାଇଁ ନେତା ଭାବେ କାର୍ଯ୍ୟ କରୁନାହାନ୍ତି ।


News Story - Posted on 2018-03-15

ଅଣବିଜେପି ମହାମେଣ୍ଟ ଉଦ୍ୟମ ତ୍ୱରାନ୍ୱିତ



ଗତକାଲି ଉତ୍ତର ପ୍ରଦେଶ ଓ ବିହାରରେ ଅଣବିଜେପି ମେଣ୍ଟର ପ୍ରାର୍ଥୀମାନେ ତିନିଟି ଲୋକସଭା ଆସନ ପାଇଁ ଅନୁଷ୍ଠିତ ଉପନିର୍ବାଚନରେ ବିଜୟୀ ହେବା ପରେ ଜାତୀୟ ସ୍ତରରେ ଏକ ମହାମେଣ୍ଟ ଗଠନ ପାଇଁ ବହୁ ଅଣବିଜେପି ନେତା ଆହ୍ୱାନ ଦେଇଥିଲେ । ଉତ୍ତର ପ୍ରଦେଶରେ ସମାଜବାଦୀ ପାର୍ଟି ଓ ବହୁଜନ ସମାଜ ପାର୍ଟି ଏକାଠି ଲଢ଼ିବା ଫଳରେ ରାଜ୍ୟ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ଗୋରଖପୁର ଏବଂ ଉପମୁଖ୍ୟମନ୍ତ୍ରୀ କେପି ମୌର୍ଯ୍ୟଙ୍କର ଫୁଲପୁର ଆସନରେ ବିଜେପି ପ୍ରାର୍ଥୀ ପରାସ୍ତ ହେଲେ । ସେହିପରି ବିହାରର ଆରାରିଆ ଲୋକସଭା ଉପନିର୍ବାଚନରେ ଆରଜେଡି ପ୍ରାର୍ଥୀଙ୍କ ସପକ୍ଷରେ କଂଗ୍ରେସ ମଇଦାନ ଛାଡ଼ିଦେବାରୁ ସେଠାରେ ମଧ୍ୟ ବିଜେପି ପ୍ରାର୍ଥୀ ପରାସ୍ତ ହେଲେ । 


News Story - Posted on 2018-03-15

ନିର୍ଗୁଣ ମାର୍କ୍ସବାଦର ଉପାସକ!



କମ୍ୟୁନିଷ୍ଟ ଦଳରେ ନୀତିଗତ ପଙ୍ଗୁତା ଅଧିକ ଭାବରେ ଦେଖିବାକୁ ମିଳୁଛି । ମାଣିକ ସରକାରଙ୍କୁ ସ୍ୱଚ୍ଛ, ଗରିବ ବୋଲି ଗ୍ରହଣ କରିବା ପରେ ବି ଲୋକମାନେ ତାଙ୍କ ସରକାରଙ୍କୁ ଗୋଟିଏ କଡ଼କୁ ଠେଲିଦେଇ ବିଜେପିକୁ କ୍ଷମତାସୀନ କରିଛନ୍ତି । ଲୋକ ଚେତନା ସୃଷ୍ଟି, ବୁଥ୍‍ ମେନେଜମେଣ୍ଟ କୌଶଳ ନାହିଁ । ତେଲେଙ୍ଗାନା ବିପ୍ଳବ ପରେ କମ୍ୟୁନିଷ୍ଟ କ୍ୟାଡରଙ୍କ ମଧ୍ୟରେ ଯେଉଁ ସଂଗ୍ରାମୀ ଚେତନା ଜାଗ୍ରତ ରହିବା କଥା ତାହା ଆଉ ନାହିଁ । ଜାତୀୟ ଏବଂ ଆଞ୍ଚଳିକ ସ୍ତରରେ ବୁର୍ଜୁଆ ଦଳ ସହ ମେଣ୍ଟ କରିବା ଦ୍ୱାରା ତୃଣମୂଳ ସ୍ତରର କ୍ୟାଡରଙ୍କ ବିଚାରରେ ବିଭ୍ରାଟ ସୃଷ୍ଟି ହେଉଛି । ପୁଞ୍ଜିବାଦୀ ଦଳ ସହ ମେଣ୍ଟ କରି ଭୋଟ ଦେବା ଅପେକ୍ଷା ସିଧାସଳଖ ପୁଞ୍ଜିବାଦୀ ଦଳ ସହ କ୍ୟାଡରମାନେ ମିଶିଯାଉଛନ୍ତି । ଓଡ଼ିଶାରୁ ପଶ୍ଚିମବଙ୍ଗ, ବିହାରରୁ ଆନ୍ଧ୍ର ପ୍ରଦେଶ ସବୁଠି କ୍ୟାଡର ପଳାୟନର ଦୃଶ୍ୟ । ଦୀର୍ଘ ଅକର୍ମଣ୍ୟତା, ଯଥାସ୍ଥିତିବାଦ ଏବଂ ତ୍ରୁଟିପୂର୍ଣ୍ଣ ଜନବାଦୀ ରାଜନୀତିର କୁକର୍ମର ପରିଣତି ନିର୍ବାଚନରେ କମ୍ୟୁନିଷ୍ଟ ଦଳର ପରାଜୟ । ତ୍ରିପୁରାରେ ମାର୍କ୍ସବାଦୀ ପାର୍ଟିର ପରାଜୟ ନୁହେଁ, ମାର୍କ୍ସବାଦର ପରାଜୟ ବୋଲି ଗ୍ରହଣ କରିବାକୁ କରାଯାଇଛି ।


News Story - Posted on 2018-03-11

ଭୋଟର ଆଇଡ଼ି ସହ ଆଧାର ଲିଙ୍କ!



୨୦୧୭ ଜୁଲାଇ ମାସରେ ଭାରତର ମୁଖ୍ୟ ନିର୍ବାଚନ କମିଶନ ଆଧାର ତଥ୍ୟ ସଂଗ୍ରହ କରି ଭୋଟର ପରିଚୟପତ୍ର ସହ ଯୋଡ଼ିବାକୁ ସୁପ୍ରିମ କୋର୍ଟରେ ଆବେଦନ କରିଥିଲେ । ତେବେ ଆଧାର ସଂପୃକ୍ତ ସମସ୍ତ ମାମଲା ଏବେ ସୁଦ୍ଧା ସୁପ୍ରିମ କୋର୍ଟଙ୍କ ସାମ୍ବିଧାନିକ ଖଣ୍ଡପୀଠରେ ବିଚାରାଧୀନ ରହିଛି । ଆଧାର ଆଇନକୁ ଅସାମ୍ବିଧାନିକ ବୋଲି ଦାବି କରି କର୍ଣ୍ଣାଟକର ମାଥ୍ୟୁ ଥମାସ ସୁପ୍ରିମ କୋର୍ଟରେ ଏକ ମାମଲା ଦାଏର କରିଛନ୍ତି । ଏହି ଆଇନ ବ୍ୟକ୍ତିଗତ ଗୋପନୀୟତା ଅଧିକାରର ଉଲ୍ଲଙ୍ଘନ କରୁଛି ବୋଲି ସେ ଯୁକ୍ତି କରିଛନ୍ତି । ପୂର୍ବରୁ ସୁପ୍ରିମ କୋର୍ଟ ବ୍ୟକ୍ତିଗତ ଗୋପନୀୟତାକୁ ଏକ ମୌଳିକ ସାମ୍ବିଧାନିକ ଅଧିକାର ବୋଲି ସ୍ୱୀକୃତି ଦେଇ ସାରିଛନ୍ତିି ।


News Story - Posted on 2018-03-11

ଚୀନ ସମ୍ରାଟ ଜି ଜିନପିଙ୍ଗ!



ଚୀନର ସମ୍ବିଧାନ ପ୍ରଥମେ ୧୯୫୪ ମସିହାରେ କାର୍ଯ୍ୟକାରୀ ହୋଇଥିଲା । ପରେ ତାହାକୁ ବଦଳାଇ ୧୯୮୨ ମସିହାରେ ଅନ୍ୟ ଏକ ସମ୍ବିଧାନ କାର୍ଯ୍ୟକାରୀ ହେଲା । ଏହି ସମ୍ବିଧାନ କାର୍ଯ୍ୟକାରୀ କରିଥିଲେ ଡେଙ୍ଗ ଜିଆଓପିଙ୍ଗ । ସେ ହିଁ ରାଷ୍ଟ୍ରପତି ପଦ ପାଇଁ ଦୁଇଟି କାର୍ଯ୍ୟକାଳ କଟକଣା ଜାରି କରିଥିଲେ । ଏହି ନୂଆ ସମ୍ବିଧାନରେ ଏଯାଏଁ ଚାରି ଥର ସଂଶୋଧନ ହୋଇଥିଲା । ୧୯୮୮, ୧୯୯୩, ୧୯୯୯ ଏବଂ ୨୦୦୪ ମସିହାରେ ଏସବୁ ସଂଶୋଧନ ହୋଇଥିଲା । ଏବେ ପଂଚମ ସଂଶୋଧନ ଜରିଆରେ ରାଷ୍ଟ୍ରପତି ଜିନପିଙ୍ଗକୁ ସବୁକିଛିର ଅଧ୍ୟକ୍ଷ ମାନ୍ୟତା ମିଳିଯାଇଛି । ତାଙ୍କୁ ଏବେ ଲିଙ୍ଗଜିଉ ଉପାଧି ମିଳିଛି । ଏହାର ଅର୍ଥ ହେଉଛି ଆଧ୍ୟାତ୍ମିକ ମୁଖ୍ୟ । ଚୀନ ନେତାମାନଙ୍କ ମଧ୍ୟରୁ କେବଳ ପ୍ରତିଷ୍ଠାତା ମାଓ ଜେଡଙ୍ଗ ଏହି ଉପାଧି ପାଇଥିଲେ ।


News Story - Posted on 2018-03-11

କାହା ପ୍ରସାଦରେ ପ୍ରସାଦ?



୨୦୦୯ ମାର୍ଚ୍ଚ ୨୬ ତାରିଖରେ ଦଳ ଛାଡ଼ିଲେ ପୂର୍ବତନ ଯୁବକଂଗ୍ରେସ ସଭାପତି ରୋହିତ ପୂଜାରୀ । ତାଙ୍କ ଅଭିଯୋଗ ଥିଲା ତାଙ୍କୁ ଦଳୀୟ ଟିକେଟ ମିଳିଲା ନାହିଁ? ସର୍ବ ସମକ୍ଷରେ ତାଙ୍କୁ ଅପମାନିତ କଲେ, ତକ୍ରାଳୀନ ସଭାପତି କାମାକ୍ଷା ପ୍ରସାଦ ସିଂହଦେଓ । ସେ ବିଜେଡିରେ ମିଶିଲେ ଓ ବିଧାୟକ ହେଲେ । ୨୦୧୪ ମାର୍ଚ୍ଚ ୮ ତାରିଖରେ ଦଳ ଛାଡ଼ିଲେ ତକ୍ରାଳୀନ ବିରୋଧୀ ଦଳ ନେତା ଭୂପିନ୍ଦର ସିଂହ ଓ କଂଗ୍ରେସ ବିଧାୟକ ଦଳର ସଂପାଦକ ଅନୂପ ସାଏ । ଭୂପିନ୍ଦର ଅଭିଯୋଗ କଲେ ତାଙ୍କୁ ଏଆଇସିସି ଅପମାନିତ କଲା, ସଭାକୁ ଡାକିଲା ନାହିଁ । ବିଜେଡି ତରଫରୁ ସେ ରାଜ୍ୟସଭା ଗଲେ । ୨୦୧୪ ଅଗଷ୍ଟ ୨୪ରେ ଦଳ ଛାଡ଼ିଲେ ପୂର୍ବତନ ଛାତ୍ର କଂଗ୍ରେସ ସଭାପତି ଚିନ୍ମୟ ସାହୁ ଓ ତାଙ୍କର ୧୦ ସରିକି ସମର୍ଥକ । ସେମାନଙ୍କ ମଧ୍ୟରେ ଥିଲେ ଛାତ୍ର କଂଗ୍ରେସର ତକ୍ରାଳନୀ ସାଧାରଣ ସଂପାଦକ ପ୍ରକାଶ ତ୍ରିପାଠୀ । ଏବେ ଦଳ ଛାଡ଼ି ବିଜେଡିର ରାଜ୍ୟସଭା ପ୍ରାର୍ଥୀ ହେଲେ ସୌମ୍ୟ ରଂଜନ ପଟ୍ଟନାୟକ, ଏକଦା ରାଜ୍ୟ କଂଗ୍ରେସର ସବୁଠୁ ଶକ୍ତିଶାଳୀ ନେତା ଜାନକୀ ବଲ୍ଲଭ ପଟ୍ଟନାୟକଙ୍କର ରାଜନୀତିକ ଉତ୍ତରାଧିକାରୀ । ଦଳ ତାଙ୍କୁ ବି ଅଟକାଇ ପାରିଲା ନାହିଁ । 


News Story - Posted on 2018-03-09

ଓଡ଼ିଶାର ଓଲିଗାର୍ଚି!



ବୁଝିବାର କଥା ହେଉଛି, ଏହି ସମସ୍ତ ମୁଖ୍ୟମନ୍ତ୍ରୀ ଏବଂ ସେମାନଙ୍କର ଦାୟାଦମାନଙ୍କର ଛଅ ଦଶନ୍ଧିର ଶାସନ କ୍ଷମତା ସତ୍ତେ୍ୱ ଓଡ଼ିଶା ତଥାପି କାହିଁକି ପଛରେ? କାହିଁକି ଏବେ ବି ଓଡ଼ିଶାର ୯୦ ପ୍ରତିଶତରୁ ଅଧିକ କୃଷକ ଗରୀବ? କାହିଁକି ଏହାର କାରିଗର ଓ ଶ୍ରମିକ ଶ୍ରେଣୀ ସରକାରୀ ସହାୟତା ବିନା ବଂଚିବାର ସମ୍ବଳ ହାସଲ କରିପାରି ନାହାନ୍ତି? କାହିଁକି ଓଡ଼ିଶା ଏବେ ବି ଖାଦ୍ୟ ପାଇଁ ଅନ୍ୟ ରାଜ୍ୟ ଉପରେ ନିର୍ଭରଶୀଳ? କାହିଁକି ଓଡ଼ିଶାବାସୀ ପୋଷାକ ପାଇଁ ବାହାର ରାଜ୍ୟକୁ ପୋଷୁଛନ୍ତି? କାହିଁକି ଏହାର ୯୦ ପ୍ରତିଶତ ଶିକ୍ଷିତ ଯୁବକଯୁବତୀ ବେକାର ରହୁଛନ୍ତି? କାହିଁକି ଏହି ନେତାପୁଙ୍ଗବମାନେ ରାଜ୍ୟର ଅଧେ ଚାଷଜମିକୁ ବି ଏଯାଏଁ ଜଳସେଚନର ସୁବିଧା ଦେଇପାରି ନାହାନ୍ତି? କାହିଁକି ଏବେ ବି ରାଜ୍ୟର ଅର୍ଦ୍ଧାଧିକ ଗାଁରେ ସ୍ୱଚ୍ଛ ପିଇବା ପାଣି ସ୍ୱପ୍ନ? ଶିକ୍ଷା ଓ ସ୍ୱାସ୍ଥ୍ୟ ସୁବିଧା କାହିଁକି ରାଜ୍ୟରେ ଗ୍ରାମବାସୀଙ୍କଠାରୁ ଅପହଂଚ ଦୂରରେ?


News Story - Posted on 2018-03-08

ଦକ୍ଷିଣପନ୍ଥର ଉଦୟ, ବାମପନ୍ଥର ଅସ୍ତ



ଆଜି ଭାରତ ସରକାରଙ୍କ ଋଣର ପରିମାଣ ହେଲା ୭୨ ଲକ୍ଷ କୋଟି ଟଙ୍କା । ବୈଦେଶିକ ଋଣ ପରିମାଣ ହେଲା ୨୦୧୭ ସେପ୍ଟେମ୍ବର ଶେଷସୁଦ୍ଧା ୩୨ ଲକ୍ଷ କୋଟି ଟଙ୍କା । ବର୍ଷକୁ ୪ ଲକ୍ଷ ୭୬ ହଜାର କୋଟି ଟଙ୍କାରୁ ଅଧିକ ସୁଧ ଦିଆଯାଉଛି । ଭାରତୀୟ ପ୍ରତିନାଗରିକଙ୍କ ମୁଣ୍ଡପିଛା ଋଣ ଭାର ହେଲା ୬୦ ହଜାର ୩୨୨ ଟଙ୍କା । ଏହିପରି ୨୦୧୭ ଗ୍ଲୋବାଲ୍‍ ହଙ୍ଗର୍‍ ଇଣ୍ଡେକ୍ସ ଅନୁଯାୟୀ ୧୧୯ଟି ଦେଶ ସୂଚୀରେ ଭାରତର ସ୍ଥାନ ୧୦୦ରେ । ଗୋଟିଏ ପଟରେ ଭୋକିଲା, ବେକାରୀଙ୍କ ସଂଖ୍ୟା ବଢ଼ିଚାଲିଛି । ପୁଷ୍ଟିହୀନତା ରକ୍ତହୀନତାରେ ସରକାରୀ ରିପୋର୍ଟ ଅନୁଯାୟୀ ୨୦ କୋଟି ଲୋକ ଅଛନ୍ତି । ଦେଶରେ ନିରକ୍ଷରଙ୍କ ସଂଖ୍ୟା ୨୮ କୋଟି । ଏଭଳି ଦୁର୍ଦ୍ଦଶାର ଚିତ୍ର ଦେଶରେ ଅପରିବର୍ତ୍ତିତ ରହିଛି । ଏହିପରି ମହାଧନୀଙ୍କର ଧନର ପରିମାଣ ଆକାଶଛୁଆଁ ବଢ଼ିଚାଲିଛି । ଏ ଦିଗରେ କ୍ଷମତାରେ ଥିବା ଦଳ ଚିନ୍ତା କରୁନାହିଁ । କେବଳ ଗୋଟିଏ ପରେ ଗୋଟିଏ ରାଜ୍ୟର କ୍ଷମତାକୁ ହାତମୁଠାକୁ ଆଣିବା ପାଇଁ ଉଦ୍ୟମ ଚଳାଇ ରଖିଛି । ସବୁଠାରୁ ଯେଉଁ ଅଭାବନୀୟ ଦୃଶ୍ୟ ଏବେ ଶାସକ ଦଳ ପକ୍ଷରୁ ଦେଖିବାକୁ ମିଳୁଛି, ତାହା ହେଲା ଗୋ ରକ୍ଷା ନାମରେ ମଣିଷ ହତ୍ୟା ଏବଂ ଧର୍ମରକ୍ଷା ନାମରେ ସଂଖ୍ୟାଲଘୁଙ୍କୁ ହତ୍ୟା, ସର୍ବୋପରି ଦେଶର ସ୍ୱାଧୀନତା ସଂଗ୍ରାମୀମାନଙ୍କୁ ସହାୟତା ଦେଇଥିବା ଋଷ୍‍ର ମହାନ ବିପ୍ଳବୀ ଭ୍ଲାଦିମିର୍‍ ଲେନିନଙ୍କ ପ୍ରତିମୂର୍ତ୍ତିକୁ ଭାଙ୍ଗିଦିଆଯିବାର ଦୃଶ୍ୟ । 


News Story - Posted on 2018-03-08

ଦକ୍ଷିଣରେ କଂଗ୍ରେସ ଦୁର୍ଗ ପତନ



ଦଣିକ୍ଷ ଓଡ଼ିଶାର ମାଲକାନଗିରି, କୋରାପୁଟ, ଭାବାନୀପାଟଣା, ରାୟଗଡ଼ା ଅଚଂଳରୁ ଆରମ୍ଭ କରି ଗଂଜାମ ଗଜପତି ପର୍ଯ୍ୟନ୍ତ ଯେଉଁ ହାତର ଅଖଣ୍ଡ କ୍ଷମତା ରହିଥିଲା ସେଇ ହାତ କାହାଣୀ କେବଳ ଇତିହାସ ପୃଷ୍ଠାର ଗୋଟିଏ ରୋଚକ ବିଷୟ ହୋଇ ରହିଯିବ- ଏଇ ସଂକେତ ମିଳୁଛି । ଚାରିରୁ ପାଂଚ ଦଶନ୍ଧି ଭିତରେ ହାତର କଥା କହୁଥିବା ସରଳ ଆଦିବାସୀ ମନରେ ପ୍ରାଣରେ ଯଦି କୌଣସି ରାଜନୈତିକ ଦଳର ନାଁ ଶୁଭୁଥିଲା ତାହା ଥିଲା କଂଗ୍ରେସ । ଇନ୍ଦିରା ଗାନ୍ଧୀଙ୍କଠାରୁ ଆରମ୍ଭ କରି ରାଜୀବ ଗାନ୍ଧୀ, ନରସିଂହ ରାଓ ଏବଂ ରାହୁଲ ଗାନ୍ଧୀଙ୍କ ରାଜନୀତିକ କାନ୍ଭାସରେ ଦକ୍ଷିଣ ଓଡ଼ିଶାର ଅନକେ ସ୍ମୃତି । କିଏ ଲୋକଙ୍କ ସହିତ ନାଚିଛନ୍ତି, କିଏ ଖାଇଛନ୍ତି, କିଏ ବସି ଦୁଃଖସୁଖ କଥା କହି ଦକ୍ଷିଣ ଓଡ଼ିଶାକୁ କଂଗ୍ରେସର ଦୁର୍ଗ ଭାବରେ ଗଢ଼ିଥିଲେ । 


News Story - Posted on 2018-03-06

ଝଡ଼ର ଇଗଲ‌



୧୯୧୬ ମସିହା ମାର୍ଚ୍ଚ ମାସ ୫ ତାରିଖରେ କଟକର ଆନନ୍ଦ ଭବନରେ ପିତା ଲକ୍ଷ୍ମୀନାରାୟଣ ପଟ୍ଟନାୟକ ଓ ମାତା ଆଶାଲତା ଦେବୀଙ୍କ ତୃତୀୟ ସନ୍ତାନ ଭାବେ କୋଳ ମଣ୍ଡନ କରିଥିଲେ। ସେ ପିଲାଟି ଦିନରୁ ଭାରତୀୟ ସ୍ୱାଧୀନତା ସଂଗ୍ରାମର ଅନ୍ୟତମ କର୍ଣ୍ଣଧାର ନେତାଜୀ ଓ ଗାନ୍ଧିଜୀଙ୍କ ଆଦର୍ଶରେ ଅନୁପ୍ରାଣିତ ହୋଇଥିଲେ। ପାଠପଢା ସମୟରୁ ହିଁ ଆକାଶରେ ଉଡ଼ିବା ନିଶା ତାଙ୍କୁ ଘାରିଥିଲା। ଯାହାର ପରିଣାମ ସ୍ୱରୂପ ଜଣେ ଦକ୍ଷ ତଥା କୁଶଳୀ ପାଇଲଟ ଭାବେ ସେ ଦେଶ ତଥା ବିଦେଶରେ ଖ୍ୟାତି ଅର୍ଜନ କରିଥିଲେ। ୧୯୪୧ରୁ ୧୯୪୫ ମଧ୍ୟରେ ବିଶ୍ୱଯୁଦ୍ଧ ସମୟରେ ରୁଷିଆକୁ ନିଜର ବ୍ୟକ୍ତିଗତ ଅବଦାନ ପାଇଁ ସେହି ଦେଶ ଦ୍ବାରା ସମ୍ମାନିତ ହୋଇଥିଲେ। ଇଣ୍ଡାନେସିଆ ମୁକ୍ତି ସଂଗ୍ରାମର ନେତାଙ୍କୁ ସହାୟତା କରି ଇଣ୍ଡୋନେସିଆର ସର୍ବୋଚ୍ଚ ବେସାମରିକ ସମ୍ମାନ ଭୂମିପୂତ୍ର ଉପାଧିରେ ଭୂଷିତ ହୋଇଥିଲେ।


News Story - Posted on 2018-03-04

ଭୋଟ୍ ବେଉସାରେ ଲାଭ କାହାର?



ଏଇ ଉପନିର୍ବାଚନ ପ୍ରଚାର ଚାଲିଥିବାବେଳେ ଏ ଲେଖକ ସୁବର୍ଣ୍ଣପୁରରେ ଆୟୋଜିତ ଇଙ୍କଫେଷ୍ଟ ପୁସ୍ତକ ମେଳାକୁ ଅତିଥି ବକ୍ତା ହୋଇ ଯାଇଥିଲେ । ସେଠାରେ ଦିନଟିଏ ରହଣୀ ମଧ୍ୟରେ ବିଜେପୁର ପ୍ରଚାର ଉପରେ ରିପୋର୍ଟିଂ କରିବାକୁ ଯାଇଥିବା ଜାତୀୟ ସ୍ତରର ଦୁଇଟି ଖବରକାଗଜର ଦୁଇ ଜଣ ପ୍ରତିନିଧିଙ୍କ ସହିତ ମିଶିଥିଲେ । ସେ ଦୁହେଁ ସୁବର୍ଣ୍ଣପୁରରେ ରାତ୍ରୀ ଯାପନ କରି ପୁଣି ପର ଦିନ ବିଜେପୁର ଯାଇଥିଲେ । ସେମାନଙ୍କଠାରୁ ଶୁଣିବାକୁ ମିଳିଲା, ପ୍ରତି ଗାଁରେ ମଦ ଓ ମାଂସର ଭୋଜି ଚାଲିଥିଲା । ଘରେ ଘରେ ଟଙ୍କା ବଣ୍ଟା ଯାଉଥିଲା । ଗୋଟେ ଗୋଟେ ଦଳ ଖଣ୍ଡେ ଖଣ୍ଡେ ଭୋଟ ପାଇଁ ୨-୩ ହଜାର ଟଙ୍କା ପର୍ଯ୍ୟନ୍ତ ନଗଦ ଦେଉଥିଲେ । ଏହା ବାଦ ଭୋଜିଭାତ ଖର୍ଚ୍ଚ, ଗାଁ କୋଠକୁ ଚାନ୍ଦା, ମନ୍ଦିରକୁ ବାସନକୁସନ, ତମ୍ବୁ ସାମଗ୍ରୀ, ଯୁବକ ସଂଘକୁ କ୍ରିକେଟ ସରଂଜାମ ଇତ୍ୟାଦି ବାବଦ ଖର୍ଚ୍ଚ । ଗାଁ ଲୋକଙ୍କ ହାବଭାବରୁ ସାମ୍ବାଦିକ ଦୁହେଁ ବୁଝିଥିଲେ, ଯେଉଁ ଦଳ ଅଧିକ ଦେବ ସେ ଦଳ ଅଧିକ ଭୋଟ ପାଇବ ।


News Story - Posted on 2018-03-01

କଂଗ୍ରେସ, ବିଜେପି- ରାଜ୍‌ ସମାନ!



ଗୋଟିଏ ସମୀକ୍ଷା ରିପୋର୍ଟରୁ ଜଣାପଡ଼ିଛି, ଗତ ୧୨ ବର୍ଷ ମଧ୍ୟରେ ହୋଇଥିବା ଲୋକସଭା ନିର୍ବାଚନରେ ରାଜନୈତିକ ଦଳଗୁଡ଼ିକୁ ୨୩୫୫ କୋଟି ଟଙ୍କା କର୍ପୋରେଟ‍୍‌ ଚାନ୍ଦା ଭାବେ ମିଳିଛି। ଅନ୍ୟ ପଟରେ ସରକାର କର୍ପୋରେଟ‍୍‌ ଜଗତକୁ ୪୦ ଲକ୍ଷ କୋଟି ଟଙ୍କା ଟିକସ ଛାଡ଼ କରିଛନ୍ତି। ଏହାକୁ କ’ଣ ନୀତିଯୁକ୍ତ ଏବଂ ସ୍ୱାର୍ଥରହିତ ତଥା ଦେଶର ମଙ୍ଗଳକାରୀ ଟିକସଛାଡ଼ ବୋଲି କୁହାଯାଇ ପାରିବ କି? ଗୋଟିଏ ପକ୍ଷରେ ନାଗରିକଙ୍କ ପାଇଁ ଗୋଟିଏ ଭୋଟର ଅଧିକାର ଥିବା ବେଳେ ଅନ୍ୟ ପଟରେ ରାଜନୈତିକ ଦଳର ରାଲି, ପୋଷ୍ଟର‍୍‌, ବ୍ୟାନର‍୍‌, ହୋଡ଼ିଂ, ସଭା, ସମାବେଶ, ଶୋଭାଯାତ୍ରା ଏବଂ ହାଙ୍ଗାମା ପାଇଁ କୋଟିଏ ଟଙ୍କା ଦରକାର ପଡେ଼। ଏହା ସ୍ପଷ୍ଟ ଯେ ରାଜନୈତିକ ଦଳଗୁଡ଼ିକୁ ଯେଉଁମାନେ ଚାନ୍ଦା ଦିଅନ୍ତି, ସେମାନଙ୍କ ସ୍ୱାର୍ଥ ସାଧନ ପାଇଁ ସରକାରକୁ ଆସିଲା ପରେ ସେହି ଦଳ ସେମାନଙ୍କର ଦାସ ପାଲଟିଯାଏ। କୃଷକ ଓ ସାଧାରଣ ନାଗରିକଙ୍କୁ ଶୋଷି କ୍ଷମତାସୀନ ଦଳ ଆଉଥରେ କ୍ଷମତା ହାସଲ ପାଇଁ କର୍ପରେଟ‍୍‌ ଜଗତର ସ୍ୱାର୍ଥ ରକ୍ଷା କରିଥାଏ। ଅଧିକରୁ ଅଧିକ ମୁନାଫା ଦେବା ପାଇଁ ବାଟ ତିଆରି କରିଥାଏ। ଏଇଥିପାଇଁ ହିଁ ଦେଶରେ ଆଜି ଦୁର୍ନୀତିର କାୟାବିସ୍ତାର ହୋଇଛି।


News Story - Posted on 2018-02-27

କେଉଁ ବାବୁ ବେଦାନ୍ତ ଏଜେଣ୍ଟ?



ପୁରୀ-କୋଣାର୍କ ବେଳାଭୂମିରେ ୧୫ ହଜାର କୋଟି ଟଙ୍କା ବ୍ୟୟରେ ଏକ ବିଶ୍ୱ ସ୍ତରୀୟ ବିଶ୍ୱବିଦ୍ୟାଳୟ ପ୍ରତିଷ୍ଠା କରିବାକୁ ରାଜ୍ୟ ସରକାର ବେଦାନ୍ତ ଫାଉଣ୍ଡେସନ ସହିତ ୨୦୦୬ ଜୁଲାଇ ୧୯ ତାରିଖରେ ବୁଝାମଣାପତ୍ର ସ୍ୱାକ୍ଷର କରିଥିଲେ । ପୂର୍ବରୁ ଏହି ଫାଉଣ୍ଡେସନ ଷ୍ଟେର୍ଲାଇଟ ଫାଉଣ୍ଡେସନ ନାମରେ ଖ୍ୟାତ ଥିଲା । ବେଦାନ୍ତ ଫାଉଣ୍ଡେସନ ଏକ ଘରୋଇ କମ୍ପାନୀ ଥିବାରୁ ଜମି ଅଧିଗ୍ରହଣରେ ଅନ୍ୟ ଏକ ଅସୁବିଧା ସୃଷ୍ଟି ହେବ ବୋଲି ଜଣାପଡ଼ିବା ପରେ ୨୦୦୬ ସେପ୍ଟେମ୍ବର ୬ ତାରିଖରେ ବେଦାନ୍ତ ଫାଉଣ୍ଡେସନର ନାମ ବଦଳାଇ ଅନୀଲ ଅଗ୍ରୱାଲ ଫାଉଣ୍ଡେସନ କରାଗଲା ଓ ତାହାକୁ ଏକ ପବ୍ଲିକ ବା ସାଧାରଣ କମ୍ପାନୀର ଦର୍ଜା ଦିଆଗଲା । କେବଳ ଏତିକି ନୁହେଁ, ଏହି ପ୍ରକଳ୍ପ ପାଇଁ ରାଜ୍ୟ ସରକାର କରିଥିବା ଜମି ଅଧିଗ୍ରହଣ ଏତଦ ସଂପର୍କୀତ ଆଇନର ଉଲ୍ଲଙ୍ଘନ ଥିଲା ବୋଲି ଲୋକପାଳ ଓ ହାଇକୋର୍ଟ ରାୟ ଦେଇଛନ୍ତି । 


News Story - Posted on 2018-02-27

ଏକାଠି ହେବେ ଦୁଇ ଦାୟାଦ!



ସୌମ୍ୟ ରଂଜନଙ୍କ ଶ୍ୱଶୁର ଜାନକୀ ବଲ୍ଲଭ ପଟ୍ଟନାୟକଙ୍କ ରାଜନୀତିକ କୌଶଳ ଓ ନବୀନବାବୁଙ୍କ ରାଜନୀତିକ କୌଶଳ ମଧ୍ୟରେ ବିଶେଷ କିଛି ତଫାତ ନାହିଁ । ଜାନକୀବାବୁ ନିଜର ରାଜନୀତିକ ସ୍ୱାର୍ଥର ସୁରକ୍ଷା ପାଇଁ ଗଣମାଧ୍ୟମକୁ ବ୍ୟବହାର କରୁଥିଲେ । ଖାସ୍ ସେଇ ଉଦ୍ଦେଶ୍ୟରେ ସେ ଜାମାତା ସୌମ୍ୟ ରଂଜନଙ୍କ ଜରିଆରେ ସମ୍ବାଦ ଖବରକାଗଜ ପ୍ରତିଷ୍ଠା କରିଥିଲେ । ନବୀନବାବୁ ମଧ୍ୟ ତାଙ୍କର ରାଜନୀତିକ ସ୍ୱାର୍ଥର ସୁରକ୍ଷା ପାଇଁ ଗଣମାଧ୍ୟମକୁ ବ୍ୟବହାର କରିଚାଲିଛନ୍ତି । ପ୍ୟାରୀବାବୁଙ୍କ ଜରିଆରେ ଖବର ପ୍ରକାଶନ ହେଉ ତ ରାଜ୍ୟର ଅନ୍ୟ ବିଭିନ୍ନ ଗଣମାଧ୍ୟମ ବ୍ୟକ୍ତିତ୍ୱଙ୍କୁ ବିଭିନ୍ନ ଉପାୟରେ ପ୍ରଭାବିତ କରି ନିଜ ସପକ୍ଷରେ ଲେଖେଇବା କୌଶଳ ତାଙ୍କ ଦଳଠାରୁ ଆଉ ଅଧିକ କେହି ଓଡ଼ିଶାରେ ପ୍ରୟୋଗ କରିପାରି ନାହାନ୍ତି । 


News Story - Posted on 2018-02-26

ଆପଣା ହସ୍ତେ ଜିହ୍ୱା ଚ୍ଛେଦି...



ରାଜନୀତିକୂ ମୂଲ୍ୟବୋଧର ଏହି ଅଧୋଗତିରୁ ମୁକ୍ତ କରିବା ପାଇଁ ଅପରାଧୀକ ତତ୍ତ୍ୱଙ୍କ ପ୍ରବେଶକୁ ନିଷିଦ୍ଧ କରିବା ପାଇଁ ସମସ୍ତ ରାଜନୈତିକ ଦଳ ଏକାଠି ହେବା ଉଚିତ । ଏହା ନହେଲେ ‘ଆପଣା ହସ୍ତେ ଜିହ୍ୱା ଛେଦି’, ଭାଗବତର ବାଣୀ ‘ଆପଣା କଲା କର୍ମମାନ, ବେଳୁ ହୋଇବ ସାବଧାନ’, ‘କର୍ମ କରିଣ ଫଳପାଇ, ପ୍ରାଣୀ ତା ଅବଶ୍ୟ ଭୁଞ୍ଜଇ’ ସଂପର୍କରେ ଅନୁଚିନ୍ତା କରିବା ଆବଶ୍ୟକ । ଏହି ପ୍ରବାଦ ଅନୁଯାୟୀ ରାଜନେତାମାନେ ସମୀକ୍ଷା ନକରିବେ ତେବେ ଜଣଙ୍କ ପରେ ଜଣେ ଅପରାଧୀଙ୍କ ଆକ୍ରମଣର ଶିକାର ହୋଇ ଚାଲିଥିବେ । ନାଗରିକମାନେ ମଧ୍ୟ ସୁରକ୍ଷିତ ଭାବେ ଜୀବନ ବିତାଇ ପାରିବେନି କି ନିର୍ବାଚନରେ ନିଜର ମତ ସାବ୍ୟସ୍ତ କରିପାରିବେ ନାହିଁ । କାରଣ ଆଜି ଦେଶ ଓ ରାଜ୍ୟରେ ରକ୍ଷକ-ଭକ୍ଷକ ଭୂମିକାରେ । ଶାସକ-ଶୋଷକ ଭୂମିକାରେ । ରାଜନୀତି କଳୁଷିତ । ଫଳରେ ରାଜନୀତିରେ ଅହିଂସା, ଶିଷ୍ଟତା ଓ ସହିଷ୍ଣୁତା ଦିଗହରା ଏବଂ ଧରାଶାୟୀ ସ୍ଥିତିରେ । ଏକ ଗଣତାନ୍ତ୍ରିକ ରାଷ୍ଟ୍ରର ରାଜନୀତିରେ ଅପରାଧୀକରଣ କେବଳ ନେତାଙ୍କ ପାଇଁ ନୁହେଁ, ସାଧାରଣ ନାଗରିକଙ୍କ ପାଇଁ ବିପଦର ବାର୍ତ୍ତା ଦେଉଛି । ରାଜନୀତିର ଅପରାଧୀକରଣ ଏହାର ପରିଣତି ଓ ପରିଣାମ ନେଇ ଆଶଙ୍କା ଉପୁଜିଛି ଯେ ଗଣତନ୍ତ୍ର ଭୁଶୁଡ଼ିବାର ଦିନ ଆଉ ବେଶି ଡେରିନାହିଁ ।


News Story - Posted on 2018-02-22

ସ୍ୱପ୍ନ, ସମ୍ମାନ ଅସ୍ତିତ୍ୱର ପ୍ରଶ୍ନ



୨୦୦୪ରୁ ବିଜେପୁର କଂଗ୍ରେସର ଗଡ଼ ହୋଇ ରହିଥିଲା । ଏହି ଉପନିର୍ବାଚନ ଓଡ଼ିଶାକୁ କଂଗ୍ରେସକୁ ବିଜେପୁର ଗଡ଼କୁ ଅକ୍ଷୁର୍ଣ୍ଣ ରଖିବା ପାଇଁ ସୁବର୍ଣ୍ଣସୁଯୋଗ ଦେଇଥିଲା । ମାତ୍ର ଦୁର୍ଭାଗ୍ୟ ଓ ପରିତାପର ବିଷୟ ଏହି ଦଳର ବଡ଼ପଣ୍ଡାମାନେ କାରଣ ଯାହାବି ହେଉନା କାହିଁକି ଏହାକୁ ହାତଛଡ଼ା କରି ଦେଇଛନ୍ତି । କଂଗ୍ରେସ ଗାଇସିଲେଟଠାରୁ ଆରମ୍ଭ କରି ବରପାଲି ପର୍ଯ୍ୟନ୍ତ କୌଣସିଠାରେ ପ୍ରତିଦ୍ୱନ୍ଦିତାରେ ପ୍ରାୟ ନାହିଁ । ଯେଉଁ ଆସନରୁ କଂଗ୍ରେସ ପ୍ରାର୍ଥୀ ଲଗାତାର ୩ ଥର ବିଜୟୀ ହୋଇ ହ୍ୟାଟ୍ରିକ୍ ଅର୍ଜନ କରିଥିଲେ ସେଠାରେ ଯଦି କଂଗ୍ରେସର ଏହିଭଳି ଅବସ୍ଥା ରାଜ୍ୟରେ କଂଗ୍ରେସର ଭବିଷ୍ୟତ କ’ଣ ହେବ ବୋଲି ଆଲୋଚନା ହେଉଛି ।


News Story - Posted on 2018-02-20

ଶଙ୍ଖର ବଳିଷ୍ଠ ସମ୍ଭାବନା ସଙ୍ଘମିତ୍ରା



ନାରୀ ନେତ୍ରୀ ଭାବରେ ସଂଘମିତ୍ରା ଦଳେଇ, ଜ୍ୟୋତ୍ସ୍ନା ନାୟକ ଦୁଇଟି ଚରିତ୍ର ଭିତରେ ଯଥେଷ୍ଟ ସାମଞ୍ଜସ୍ୟ ରହିଛି । ସଂଘମିତ୍ରା ଦଳେଇଙ୍କ ପତି ଭୀମ ଦଳେଇ କଂଗ୍ରେସ ଦୁର୍ଗର ସେନାପତି ପରି କାମ କରି ସହଧର୍ମିଣୀ ସଂଘମିତ୍ରାଙ୍କୁ ଜିଲ୍ଲା ସଭାନେତ୍ରୀ ପଦ ପର୍ଯ୍ୟନ୍ତ ବାଟ କଢ଼ାଇ ଆଣିଛନ୍ତି । ସଂଘମିତ୍ରାଙ୍କ ଅନୁଭବ, ଗୁଣ, ଜ୍ଞାନ, ବିଚାର, ଯୋଗ୍ୟତା ଆଦିରେ କୌଣସିଟି କମ୍ ନ ଥିଲେ ମଧ୍ୟ କଂଗ୍ରେସ ତାଙ୍କର ହୋଇପାରିଲା ନାହିଁ । ପ୍ରଥମେ ନିର୍ଦ୍ଦଳୀୟ କାଉନସଲର ଭାବରେ ନିଜର ପରାକାଷ୍ଠା ବଳରେ ସ୍ଥିତି ମଜବୁତ କରିବା ପରେ ସଂଘମିତ୍ରା ଶେଷରେ କଂଗ୍ରେସ ଛାଡ଼ି ବିଜୁ ଜନତା ଦଳର ଶଙ୍ଖକୁ ନିଜର କରିନେଲେ । ସହରରେ ବିଜେଡି ନାରୀ ନେତ୍ରୀ ଭାବରେ ମଧ୍ୟ ସଂଘମିତ୍ରା ଆଜି ଶୀର୍ଷରେ । ଜ୍ୟୋତ୍ସ୍ନା ନାୟକଙ୍କ ପତିଦେବ ଉନା ନାୟକଙ୍କ ପ୍ରଭାବ ତାଙ୍କୁ ଉପାଧ୍ୟକ୍ଷ ପଦ ଦେଇଛି । କିନ୍ତୁ ମାଧବୀଙ୍କ ପରେ ଜ୍ୟୋତ୍ସ୍ନା ନାୟକ ଓ ସଂଘମିତ୍ରା ଦଳେଇଙ୍କ ମଧ୍ୟରେ ତୁଳନା କଲେ ସଂଘମିତ୍ରା ନିଶ୍ଚୟ ଆଗରେ ରହିବେ ବୋଲି ବ୍ରହ୍ମପୁରରେ ଚର୍ଚ୍ଚା ଚାଲିଛି । ବିଧାୟକଙ୍କ ଶୁଭଦୃଷ୍ଟିରେ ଥିବା ସଂଘମିତ୍ରାଙ୍କର ନୂଆ ଜିଲ୍ଲା ସଭାପତି ଦାୟିତ୍ୱ ନେଇଥିବା ଡ. ପ୍ରଦୀପ ପାଣିଗ୍ରାହୀଙ୍କ ସହ ଭଲ ବୁଝାମଣା ରହିଛି ।


News Story - Posted on 2018-02-18

ଚୋର ଚୋର, ଧର ଧର!



ଏଇପରି ଭାବେ ଏମାନଙ୍କ ସଂଖ୍ୟା ବଢ଼ି ଚାଲିଛି । ଆଉ ଏଠି ଭାରତ ମାଟିରେ କଂଗ୍ରେସ ଓ ବିଜେପି ନେତାମାନେ ପରସ୍ପରକୁ ଆକ୍ଷେପ କରି ‘ଚୋର ଚୋର’ ବୋଲି ଚିକ୍ରାର କରିଚାଲିଛନ୍ତି । ଦେଖିଲାବେଳକୁ କେତେବେଳେ ରାହୁଳ ଗାନ୍ଧୀ ଚୋରଙ୍କ ସହ ଫଟୋ ଉଠାଇଛନ୍ତି ତ କେତେବେଳେ ନରେନ୍ଦ୍ର ମୋଦି । କାହାକୁ କହିବା ଚୋର କିଏ? ଚୋର ତ ହଜି ଯାଇଛି! ଆଗକୁ ଆଉ ଯେ ଏମିତି ଚୋରି ହେବନି, ତା’ ବି କହିପାରିବା ନାହିଁ । କାରଣ ଅନେକ ସମୟରେ ଚୌକିଦାରମାନେ ହିଁ ଚୋରି କରି ‘ଚୋର ପଳେଇଲା’ ବୋଲି ଚିକ୍ରାର କରିଥାନ୍ତି । ଲୋକେ ରାଗିଲେ ଚୌକିଦାର ବଦଳେଇ ଦିଅନ୍ତି । ଦେଖିଲା ବେଳକୁ ଚୋରଟିଏ ହିଁ ଜାଲ୍ ପ୍ରମାଣପତ୍ର ଦେଇ ଚୌକିଦାର ନିଯୁକ୍ତି ପାଇଯାଇଛି!


News Story - Posted on 2018-02-17

ଅଫିସର, ବ୍ୟବସ୍ଥା ଓ ବିରୋଧ



ବର୍ତ୍ତମାନର ବିବାଦ ପଛରେ ରାଜ୍ୟର ମାନ୍ୟବର ମୁଖ୍ୟମନ୍ତ୍ରୀଙ୍କର ପାଣ୍ଡିଆନଙ୍କର ଉପରେ ଅତ୍ୟଧିକ ନିର୍ଭରଶୀଳତାକୁ କାରଣ ବୋଲି କୁହାଯାଉଛି ଏବଂ ଯାହାକୁ ତାଙ୍କ ଦଳରେ ମଧ୍ୟ ନାପସନ୍ଦ କରାଯାଉଛି । ଆଉ କ୍ରମେ କ୍ରମେ ପାଣ୍ଡିଆନ ମହାଶୟ ଉଭୟ ଖବର ଏବଂ ବିରୋଧିଙ୍କ ଟାର୍ଗେଟକୁ ବେଶୀ ବେଶୀ ଆସୁଛନ୍ତି । ଏଠି ପାଣ୍ଡିଆନ କେବଳ ଉଦାହରଣ ମାତ୍ର । ସରକାରୀ ବିଧିବ୍ୟବସ୍ଥା ମଧ୍ୟରେ ବ୍ୟବସ୍ଥାକୁ ଜଟିଳ କରି ଏହାକୁ ଲୋକଙ୍କଠାରୁ ଦୂରକୁ ନେଇଯାଇ କ୍ଷମତା କେନ୍ଦ୍ରକୁ ଖୁସି କରିବାକୁ ଚାହୁଁଥିବା ଅଫିସର ଅନେକ ଅଛନ୍ତି ଯେଉଁମାନେ ବ୍ୟବସ୍ଥା ଭିତରେ ବିରୋଧକୁ ଜନ୍ମ ଦେବାରେ ସକ୍ଷମ । ଯେତେବେଳେ ଯାଏ ଅଫିସର ଜଣଙ୍କ ନିରପେକ୍ଷ ଯାଏ ନିଜର କାମ କରୁଥିବ ସେତେବେଳେ ଯାଏ ସିଏ ଲୋକଙ୍କର ସ୍ନେହ ଶ୍ରଦ୍ଧା ପାଇବାକୁ ସକ୍ଷମ ହେବ ।


News Story - Posted on 2018-02-14

ଧନୀଙ୍କ ଗରୀବତନ୍ତ୍ର!



ଏପରିକି ପଂଚାୟତ ସ୍ତରରେ ମଧ୍ୟ ଅଧିକ ଧନୀ ପ୍ରାର୍ଥୀ ବିଜୟୀ ହେଉଥିବା ଦେଖାଯାଉଛି । ଓଡ଼ିଶାର ଅନେକ ସରପଂଚ କୋଟିପତି ନହେଲେ ମଧ୍ୟ ଲକ୍ଷପତି । ଗୋଟେ ଗୋଟେ ପଂଚାୟତ ନିର୍ବାଚନରେ ୫-୧୦ ଲକ୍ଷ ଟଙ୍କା ପ୍ରଚାର ବାବଦରେ ଖର୍ଚ୍ଚ ହେଉଥିବା ଲୋକେ ଦେଖିଲେଣି । ଏହି ଧନୀମାନେ ଏତେ ଟଙ୍କା ପ୍ରଚାରରେ ଖର୍ଚ୍ଚ କରି ଜନସେବା କରିବାକୁ କାହିଁକି ଚାହୁଁଛନ୍ତି? ସେହି ଟଙ୍କାକୁ ସେମାନେ ଯଦି ଗରୀବଙ୍କୁ ସ୍ୱାବଲମ୍ବୀ କରିବାରେ ବିନିଯୋଗ କରନ୍ତେ ତେବେ ତ ବର୍ଷ କେଇଟାରେ ଏ ଦେଶର ଅଧିକାଂଶ ଗରୀବ ଦାରିଦ୍ର୍ୟ ସୀମାରେଖା ଉପରକୁ ଉଠି ଯାଆନ୍ତେ । ତା’ପରେ ସେମାନଙ୍କର ଲୋକପ୍ରିୟତା ବଢ଼ିଯାଆନ୍ତା ଓ ଅଳ୍ପ ଖର୍ଚ୍ଚରେ ସେମାନେ ନିର୍ବାଚିତ ହୋଇପାରନ୍ତେ । ଧନୀମାନେ ସେବାଟେ ନଯାଇ ନିର୍ବାଚନରେ କୋଟିକୋଟି ଟଙ୍କା ଖର୍ଚ୍ଚ କରି ଜିତିବାକୁ ଅଧିକ ଆଗ୍ରହ ପ୍ରକାଶ କରୁଛନ୍ତି କ’ଣ ପାଇଁ? ଏ ବାଟେ ଦାରିଦ୍ର୍ୟ ହଟୁଛି ନା ପ୍ରତି ବର୍ଷ ବଜେଟରେ ଦାରିଦ୍ର୍ୟ ଦୂରୀକରଣ ଯୋଜନାର ସଂଖ୍ୟା ଓ ବ୍ୟୟବରାଦ ବଢ଼ି ଚାଲିଛି? ଏ ଟଙ୍କା ହେଉଛି କ’ଣ? ଯାଉଛି କୁଆଡ଼େ? ଧନୀଙ୍କ ପକେଟକୁ ନା ଗରୀବ କୁଡ଼ିଆକୁ?


News Story - Posted on 2018-02-14

ରାଜନୀତିରେ ରାମଙ୍କ ଦୁର୍ଦ୍ଦଶା



ସମ୍ବେଦନଶୀଳ, ଧାର୍ମିକ, ସାଂସ୍କୃତିକ ପ୍ରସଙ୍ଗକୁ ରାଜନୈତିକ ଭାଷଣରେ ଦେଖିବା ଏବଂ ଦେଖାଇବା ଶ୍ରୀରାମଙ୍କ ଆଦର୍ଶର ବିରୁଦ୍ଧାଚରଣ। ରାମଙ୍କୁ କେନ୍ଦ୍ରରେ ରଖି କ୍ଷମତା ହାସଲର ଲକ୍ଷ୍ୟ ରଖିବା ଉଚିତ୍ ନୁହେଁ। ରାମଙ୍କ ବିବେକ, ଜ୍ଞାନ, କର୍ମ ଗଣତନ୍ତ୍ର ପାଇଁ କେଉଁ ବାର୍ତ୍ତା ଦେଉଛି ତାହାର ତର୍ଜମା କରି ସେହି ବାଟରେ ନିଜକୁ ତିଆରି କରିବା ପରିବର୍ତ୍ତେ ରାମ ନାମରେ କ୍ଷମତା ହାସଲର ଦୌଡ଼କୁ ସଂଗଠିତ କରିବା ଯୁକ୍ତିହୀନ ନିଶ୍ଚୟ, ଅଲୋଡ଼ା ଏବଂ ଅପ୍ରାସଙ୍ଗିକ। କାରଣ ରାମ-ରାବଣ ଯୁଦ୍ଧ ସୁର-ଅସୁର ଅର୍ଥାତ୍ ବିପରୀତ ସଭ୍ୟତା ମଧ୍ୟରେ ଯୁଦ୍ଧଥିଲା। ରାମଙ୍କ ପାଖରେ ବ୍ୟବସ୍ଥିତ ସେନା ନଥିଲେ। ଯାହା ଆଜି ଦିନରେ ରାମ ମନ୍ଦିର ନିର୍ମାଣ ଦୌଡ଼ରେ ଥିବା ବ୍ୟକ୍ତି ଏବଂ ସଂଗଠନ ପାଖରେ ରହିଛି। କୌରବ-ପାଣ୍ଡବ ମଧ୍ୟରେ ଯୁଦ୍ଧ ଥିଲା କୌଶଳପୂର୍ଣ୍ଣ। ଏହାକୁ ଯଥାର୍ଥରେ କୁହାଯାଏ ଅତିରିକ୍ତ ବୈଚାରିକ ଉତ୍କର୍ଷ। ମହର୍ଷି ବେଦବ୍ୟାସ ମହାଭାରତର ଶାନ୍ତିପର୍ବରେ ଯୁଦ୍ଧର ଚିତ୍ରକୁ ଚିତ୍ରିତ କରାଇଛନ୍ତି।


News Story - Posted on 2018-02-13

ମାଧବୀଙ୍କ ମେୟର ପଦ ଗଲା



ଗତ ପୌର ନିର୍ବାଚନରେ କେ. ସାଇଲକ୍ଷ୍ମୀ ନାମ ବଦଳାଇ କେ. ମାଧବୀ, ସ୍ୱାମୀ ଚୌଧୁରୀ ଭେଙ୍କଟରମଣ, ପିତା କେବିଜେଭିପିକେ ବାବୁଜୀ ବୋଲି ଦର୍ଶାଇଥିଲେ । ଭୋଟର ତାଲିକାରେ ମଧ୍ୟ ତାଙ୍କର ଏହି ନାମ ରେକର୍ଡଭୁକ୍ତ ହୋଇଥିଲା । ଏହି ନାମରେ ସେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିଥିଲେ । କିନ୍ତୁ ସେ ନିଜର ମନୋନୟନ ପତ୍ରରେ ତାଙ୍କ ପୂର୍ବନାମ କେ. ସାଇଲକ୍ଷ୍ମୀ ଓ ତାଙ୍କ ବିରୋଧରେ ବ୍ରହ୍ମପୁର ପୌର ସଂସ୍ଥାର ଜମି ହଡପ ମାମଲା ରହିଛି ବୋଲି ଉଲ୍ଲେଖ କରିନଥିଲେ । ଏହା ଜାଲିଆତି ବୋଲି ଅଭିଯୋଗ କରି ୨୮ ନମ୍ବର ୱାର୍ଡ କର୍ପୋରେଟର ଶିବ ଶଙ୍କର ଦାସ ଏହାର ତଦନ୍ତ ଦାବି କରିଥିଲେ । 


News Story - Posted on 2018-02-12

ଦୋଷୀ ନେତା ହେବେ କେମିତି?



ଜଣେ ଦୋଷୀ ସାବ୍ୟସ୍ତ ବ୍ୟକ୍ତିଙ୍କୁ କୌଣସି ରାଜନୀତିକ ଦଳର ମୁଖ୍ୟ କିମ୍ବା ଅନ୍ୟ କୌଣସି ଗୁରୁତ୍ୱପୂର୍ଣ୍ଣ ଦଳୀୟ ପଦବୀରେ ଅବସ୍ଥାପିତ କରାଯିବା ଉଚିତ ନୁହେଁ ବୋଲି ଯୁକ୍ତି କରି ଆଇନଜୀବୀ ଅଶ୍ୱିନୀ କୁମାର ଉପାଧ୍ୟାୟ ସୁପ୍ରିମ କୋର୍ଟରେ ଏକ ପିଟିସନ ଦାଏର କରିଥିଲେ । ଗତ ଡିସେମ୍ବର ମାସରେ ଦାଏର ହୋଇଥିବା ଏହି ପିଟିସନକୁ କୋର୍ଟ ବିଚାର ପାଇଁ ଗ୍ରହଣ କରିଥିଲେ । ଲାଲୁ ପ୍ରସାଦ ଯାଦବ ଗୋଖାଦ୍ୟ ଦୁର୍ନୀତିରେ ଦୋଷୀ ସାବ୍ୟସ୍ତ ହୋଇ ରାଷ୍ଟ୍ରୀୟ ଜନତା ଦଳର ମୁଖ୍ୟ ପଦରେ ଥିବାବେଳେ ଶିକ୍ଷକ ନିଯୁକ୍ତି ଦୁର୍ନୀତିରେ ଦୋଷୀ ସାବ୍ୟସ୍ତ ହୋଇଥିବା ଓମ ପ୍ରକାଶ ଚୌତାଲା ଭାରତୀୟ ଜାତୀୟ ଲୋକଦଳର ମୁଖ୍ୟ ପଦରେ ଅବସ୍ଥାପିତ ଅଛନ୍ତି । ସେମାନଙ୍କ ଉଦାହରଣ ଦେଇ ଉପାଧ୍ୟାୟ ଯୁକ୍ତି କରିଛନ୍ତି ଯେ ଏବେକାର ବ୍ୟବସ୍ଥା ଅନୁସାରେ ହତ୍ୟା, ଧର୍ଷଣ, ସ୍ମଗଲିଂ, ବେଆଇନ ଅର୍ଥ ଚାଲାଣ, ଦେଶଦ୍ରୋହ, ଲୁଟ୍, ଡକାୟତି ଆଦି ଭୟଙ୍କର ଅପରାଧରେ ଦୋଷୀ ସାବ୍ୟସ୍ତ ବ୍ୟକ୍ତି ମଧ୍ୟ ରାଜନୀତିକ ଦଳ ଗଠନ କରିପାରିବେ ଓ ତାହାର ସଭାପତି ହୋଇପାରିବେ । 


News Story - Posted on 2018-02-12

ସଙ୍ଘୀ ଛଡ଼ାଇ ଆଣିବେ ପୋକ୍!



ମୁଜାଫରପୁରରେ ସେ ତ ନିଜେ କହିଛନ୍ତି ଯେ ସଂଘ କର୍ମୀମାନେ ଦେଶ ପାଇଁ ଆତ୍ମବଳି ଦେବାକୁ ସଦାସର୍ବଦା ପ୍ରସ୍ତୁତ । ସୀମାନ୍ତରେ ସେମାନେ ପାକ୍ ଆତଙ୍କବାଦୀଙ୍କର ମୁକାବିଲା କରି ସେହି ବଳିଦାନର ନିଦର୍ଶନ ଦିଅନ୍ତୁ । ଏପଟେ ଚୀନ ସୀମାନ୍ତରେ, ଲାଦାଖ ଓ ଡୋକଲାମରେ, ସିଆଚୀନ ଗ୍ଲାସିଅରରେ ସଂଘୀମାନେ ଯାଇଁ ଚୀନ ସେନାର ମୁକାବିଲା କରନ୍ତୁ । ପ୍ରଧାନମନ୍ତ୍ରୀ ମୋଦି ଏଥିରେ ସେମାନଙ୍କୁ ସହାୟତା କରନ୍ତୁ । ଏବେ ତ ନେହରୁ ନାହାନ୍ତି କି ତାଙ୍କ ବଂଶର ରାଜୁତି ଚାଲି ନାହିଁ । ସେ ଡରୁଛନ୍ତି କାହିଁକି? ଏମିତି ବି ସ୍ୱୟଂସେବକମାନଙ୍କୁ ତ ସରକାରଙ୍କ ନିର୍ଦ୍ଦେଶର ଆବଶ୍ୟକତା ନାହିଁ । ସେମାନେ ସ୍ୱେଚ୍ଛାରେ ଦେଶମାତୃକାର ସେବା କରିବା ପାଇଁ କାଳେ ଶପଥ ନେଇଛନ୍ତି । ସେଇ ଶପଥ କଥା ମନେ ପକାଇ ଭାଗବତ ଓ ତାଙ୍କର ଅନୁଚର ବର୍ଗ କାଶ୍ମୀର ଓ ତିବ୍ବତରେ ଅନୁପ୍ରବେଶ କରି ନିଜ ଦେଶପ୍ରେମର ପରିଚୟ ଦେଲେ ଜଣାପଡ଼ିବ ଯେ ଭାରତର ସେନା ବାହିନୀ ମହାନ ନା ଆରଏସଏସର ଲାଠି ବାହିନୀ!


News Story - Posted on 2018-02-12

କଂଗ୍ରେସର ଆଶାର ପ୍ରଦୀପ!



ପୀଡ଼ିତାର ଅଭିଯୋଗ ପରଠୁଁ ଏହି ପ୍ରସଙ୍ଗର ପିଛା ଛାଡ଼ି ନାହାନ୍ତି ପ୍ରଦୀପ ମାଝୀ। ପୀଡ଼ିତା ଓ ତା’ ପରିବାରକୁ ନ୍ୟାୟ ଦେବା ପାଇଁ ସେ ଏହାକୁ ନେଇ ଜନ ଆନ୍ଦୋଳନ ଚଳାଇଛନ୍ତି। କୁନ୍ଦୁଲି ଓ କୋରାପୁଟ ପରେ ରାଜଧାନୀ ଭୁବନେଶ୍ବରରେ ମଧ୍ୟ ସେ ଏହି ପ୍ରସଙ୍ଗରେ ଜନମତ ସୃଷ୍ଟିକାରୀ ଆନ୍ଦୋଳନର ନେତୃତ୍ବ ନେଇଛନ୍ତି। ରାଜଧାନୀରେ ନବୀନ ନିବାସ ଘେରାଉ କରିବାକୁ ଯାଇଥିବା କଂଗ୍ରେସ କର୍ମୀ ଓ ନେତାଙ୍କ ସହ ପୁଲିସର ମୁହାଁମୁହିଁ ମୁକାବିଲା ଭିତରେ କେତେକ କର୍ମୀ ଅଣ୍ଡାମାଡ଼ କରିଥିଲେ। ଏହା ପରେ ପୁଲିସ କଂଗ୍ରେସ କର୍ମୀମାନଙ୍କୁ ନବୀନ ନିବାସର ଯଥେଷ୍ଟ ପୂର୍ବରୁ ଅଟକାଇଥ‍ଲେ। ଏହାର ପ୍ରତିବାଦରେ ପ୍ରଦେଶ କଂଗ୍ରେସ ସଭାପତି ପ୍ରସାଦ ହରିଚନ୍ଦନ ଓ ଯୁବନେତା ପ୍ରଦୀପ ମାଝୀ ସେଇଠାରେ ରାସ୍ତା ଉପରେ ଧାରଣାରେ ବସି ନିଜ ସଂଗ୍ରାମୀ ପରାକାଷ୍ଠାର ପରିଚୟ ଦେଇଥିଲେ।


News Story - Posted on 2018-02-11

ଗୋବର ବୁଦ୍ଧି!



ହେଲା, ଦେଶରକ୍ଷା ପାଇଁ ବେଳେବେଳେ ଯୁଦ୍ଧ ଦରକାର ପଡ଼େ । ଦେଶର ଲୋକମାନଙ୍କୁ ସୁରକ୍ଷା ଦେବାକୁ ବେଳେବେଳେ ଅସ୍ତ୍ର ଉଠାଇବାକୁ ପଡ଼େ । ଦେଶର ଜାତୀୟ ସଂପଦର ସୁରକ୍ଷା ପାଇଁ ବି ଯୁଦ୍ଧ ଦରକାର ପଡ଼େ । ଓଡ଼ିଶାର ଲକ୍ଷଲକ୍ଷ କୋଟି ଟଙ୍କାର ଖଣିଜ ସଂପଦ ଲୁଟ୍ ହେଉଥିଲାବେଳେ ଏ ଦେଶଭକ୍ତମାନେ କୁଆଡ଼େ ଥିଲେ । ଏବେ ବି ଓଡ଼ିଶାର ଲକ୍ଷଲକ୍ଷ କୋଟି ଟଙ୍କାର ଲଘୁ ଖଣିଜ ପଦାର୍ଥ ଚୋରି ହେଉଛି । ଏ ଦେଶଭକ୍ତମାନେ ସେହି ମାଫିଆମାନଙ୍କ ବିରୋଧରେ କେତେ ଥର ଗୋବରାସ୍ତ୍ର ଛାଡ଼ିଲେଣି? ଯେଉଁମାନେ ପେଟ୍ରୋଲ ଓ ଡିଜେଲ ଜରିଆରେ ଲୋକମାନଙ୍କୁ ଦିନ ଦି’ପହରେ ଲୁଟୁଛନ୍ତି ସେମାନଙ୍କୁ ଏହି ଦେଶଭକ୍ତମାନଙ୍କର ଜବାବ କ’ଣ? ଯେଉଁମାନେ ଦେଶର ସଂପତ୍ତି ନିର୍ଦ୍ଦିଷ୍ଟ କେଇ ଗୋଷ୍ଠୀର ଶିଳ୍ପପତିମାନଙ୍କ ହାତରେ ଟେକି ଦେଉଛନ୍ତି ସେମାନଙ୍କ ବିରୋଧରେ ଏମାନେ କେତେ ଟେକାପଥର ଫିଙ୍ଗିଲେଣି? 


News Story - Posted on 2018-02-11

ବିଜେପି ଅଙ୍କ ଛିଡ଼ୁଛି!



୨୦୧୪ ନିର୍ବାଚନରେ ଏହି ୧୫ ରାଜ୍ୟରୁ ୧୯୧ ଲୋକସଭା ଆସନରେ ବିଜୟୀ ହୋଇଥିଲା । କିନ୍ତୁ ଏହା ପରେ ରାଜ୍ୟ ନିର୍ବାଚନରେ ଏହାର ପ୍ରଦର୍ଶନ ୧୪୬ ଆସନର ଅନୁରୂପ ରହିଛି । ଅର୍ଥାତ୍ ୪୫ ଲୋକସଭା ଆସନରେ କ୍ଷତିର ସୂଚନା ମିଳିଛି । ଅନ୍ୟ ଅର୍ଥରେ ୧୫ ରାଜ୍ୟର ନିର୍ବାଚନ ପରେ ବିଜେପିର ଲୋକସଭା ଆସନ ସଂଖ୍ୟା ୨୩୭ ହେବାର ସୂଚନା ଦିଏ । ଏହି ପରିସଂଖ୍ୟାନ ୨୦୧୪ର ଆସନଠାରୁ ୪୫ କମ୍ । ଏହି ଭାବେ ଯଦି ରାଜ୍ୟର ନିର୍ବାଚନ ଆଗାମୀ ସାଧାରଣ ନିର୍ବାଚନ ପାଇଁ କୌଣସି ସଂକେତ ହୁଏ, ତେବେ ବିଜେପିର ଆସନ ସଂଖ୍ୟା ହ୍ରାସ ପାଉଥିବା ସ୍ପଷ୍ଟ ସଂକେତ ଦେଉଛି । ୨୦୧୪ରେ ବିଜେପି ଏହି ୧୫ ରାଜ୍ୟରେ ୧୧୭୧ ବିଧାନସଭା କ୍ଷେତ୍ରରେ ବିଜୟୀ ହୋଇଥିଲା । କିନ୍ତୁ ରାଜ୍ୟ ନିର୍ବାଚନରେ ମାତ୍ର ୮୫୪ ଆସନରେ ବିଜୟ ହାସଲ କରିଛି । ଅର୍ଥାତ୍ ୨୦୧୪ର ବିଧାନସଭା ଆସନ ମଧ୍ୟରୁ ହାରାହାରି ଏକ-ତୃତୀୟାଂଶ ଆସନ ବିଜେପିର ହାତଛଡ଼ା ହୋଇଛି । 


News Story - Posted on 2018-02-11

ସର୍ପକୁଳେ ଜାତ କଲୁ ମତେ...



ଆଉ ଏ ଯେଉଁ ପଞ୍ଝାଏ ଶାସକ ଦଳରେ ଅଛନ୍ତି ସେମାନଙ୍କ ଚରିତ୍ର ବି କେମିତି ଫୁଟି ବାହାରୁଛି ଦେଖନ୍ତୁ । ପାଣ୍ଡିଆନଙ୍କ ବିରୋଧରେ ବିଜେପିର ଧର୍ମେନ୍ଦ୍ର ପ୍ରଧାନ, ବିଜେଡିର ବୈଜୟନ୍ତ ପଣ୍ଡାଙ୍କଠାରୁ ଆରମ୍ଭ କରି ଅନେକ ନେତା ଅନେକ ସମୟରେ ସିଧାସଳଖ ଓ ବୁଲେଇବଙ୍କେଇ ଅନେକ କଥା କହିଛନ୍ତି । ସେ କାଳେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ କିମିଆ କରି ନିଜେ ରାଜ୍ୟ ଚଳାଉଛନ୍ତି- ଦଳ ଓ ସରକାରକୁ ନିୟନ୍ତ୍ରଣରେ ରଖିଛନ୍ତି । ତେବେ ଏଭଳି ଅଭିଯୋଗକୁ ବିଜୁ ଜନତା ଦଳର ମୁଖପାତ୍ରମାନେ ସବୁବେଳେ ଖଣ୍ଡନ କରିଛନ୍ତି । ମାତ୍ର, ପାଣ୍ଡିଆନଙ୍କ ଘରେ ଗୁଣ୍ଡା ପଶିବାରୁ ସେମାନେ କେଇ ମିନିଟ ଭିତରେ ସାମ୍ବାଦିକ ସମ୍ମିଳନୀ ଡାକି ତାହାର ନିନ୍ଦା କଲେ । ତାଙ୍କ ଘରେ ରୁଣ୍ଡ ହୋଇ ଏକତା ପ୍ରଦର୍ଶନ କଲେ । ରାଜ୍ୟର ଅନ୍ୟ ବହୁ ଅଫିସର ଏପରି ଅନେକ କ୍ଷେତ୍ରରେ ଗୁଣ୍ଡାଗିରିର ଶିକାର ହୋଇଛନ୍ତି । ପାଣ୍ଡିଆନଙ୍କ ଉପରେ ଆକ୍ରମଣ ଏକ ବିରଳ ଘଟଣା ନୁହେଁ । ଅନେକ ସମୟରେ ଶାସକ ଦଳ ସହିତ ଜଡ଼ିତ ଅନେକ ଖଣି ମାଫିଆ ଅନେକ ସରକାରୀ ଅଧିକାରୀଙ୍କ ଉପରେ ଆକ୍ରମଣ କରିଛନ୍ତି । ଏଇ ସପ୍ତାହେ ହେଇନି ଯାଜୁପରର ଲଘୁ ଖଣିଜ ମାଫିଆମାନେ ଜଣେ ପରିବହନ ଅଧିକାରୀଙ୍କୁ ଗାଡ଼ି ମଡ଼ାଇ ହତ୍ୟା କଲେ । ତାହାକୁ ବିଜେଡ଼ି ନେତାମାନେ ଏଯାଏଁ ନିନ୍ଦା କରି ନାହାନ୍ତି । ଏଭଳି ଘଟଣାର ସଂଖ୍ୟା ଗଣିଲେ ଗତ ୧୮ ବର୍ଷ ଭିତରେ ଶତାଧିକ ହେବ । କିନ୍ତୁ ପାଣ୍ଡିଆନଙ୍କ ପାଇଁ ପଦାକୁ ବାହାରି ସେମାନେ କ’ଣ ପ୍ରତିପାଦନ କଲେ? ଧର୍ମେନ୍ଦ୍ର ଓ ବୈଜୟନ୍ତ ସତ କହିଛନ୍ତି- ଏଇଆ ନା?


News Story - Posted on 2018-02-10

ଓଡ଼ିଶାରେ ମଳ-ରାଜନୀତି!



ପୁଲିସ କମିଶନର ଶ୍ରୀ ଖୁରାନିଆ କହିଛନ୍ତି ପାଣ୍ଡିଆନଙ୍କ ଘରକୁ ଆଉ ଯୋଉ ଯୋଉ ଲୋକମାନେ ଆସି ଫୁଲ କୁଣ୍ଡ ଭାଙ୍ଗିବା ସହ ଗୋବର ମାଡ଼ କରିଥିଲେ ସେମାନଙ୍କୁ ଅତିଶୀଘ୍ର ଗିରଫ କରାଯାଇ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ । ଘଟଣାର କିଛି ସମୟ ପରେ ମେୟର ଅନ୍ତ ନାରାୟଣ ଜେନାଙ୍କ ସହ ବିଜେଡ଼ିର ଦୁଇ ବିଧାୟକ ପାଣ୍ଡିଆନଙ୍କ ଘରେ ପହଞ୍ଚି ଘଟଣା ବିଷୟରେ ପଚରା ଉଚୁରା କରିଥିଲେ । ପରେ ବିଜେଡି ଓ ଛାତ୍ର ବିଜେଡି ପକ୍ଷରୁ ମୋଟର ସାଇକେଲ ର୍ୟାଲି ବାହାର କରାଯାଇ ରାଜଧାନୀର ବିଭିନ୍ନ ସ୍ଥାନରେ ଟାୟାର ଜାଳି ପାଣ୍ଡିଆନଙ୍କ ଘର ଉପରେ ହୋଇଥିବା ଆକ୍ରମଣକୁ ନିନ୍ଦା କରାଯାଇଥିଲା । ସେହିପରି ଭୁବନେଶ୍ୱର ବିଜେଡି ପକ୍ଷରୁ ମେୟର ଅନନ୍ତ ନାରାୟଣ ଜେନାଙ୍କ ନେତୃତ୍ୱରେ ଅନେକ ମହିଳା ମଧ୍ୟ ର୍ୟାଲି କରି ବିଜେପି ବିରୋଧରେ ସ୍ଲୋଗାନ ଦେଇଥିଲେ । ବିଜେଡି କର୍ମୀମାନେ କେନ୍ଦ୍ରମନ୍ତ୍ରୀ ତଥା ବିଜେପି ନେତା ଧର୍ମେନ୍ଦ୍ର ପ୍ରଧାନଙ୍କ କୁଶ ପୁତ୍ତଳିକା ଦାହ କରିବା ସହ ଉକ୍ତ କାଣ୍ଡ ଭିଆଇଥିବା କର୍ମୀମାନଙ୍କୁ ଗିରଫ ଦାବି କରିଥିଲେ ।


News Story - Posted on 2018-02-09

ମନ୍ଦିର ହେଉ କି ମସଜିଦ- ଭାରତ ହେଉ!



ଏହା କେମିତି ଏକ ଜମି ବିବାଦ ଯେଉଁଥି ପାଇଁ ସାରା ଦେଶରେ ନିଆଁ ଲାଗିଗଲା? ଏହା ଏମିତି ଏକ ଜମି ବିବାଦ ଯେଉଁଥିପାଇଁ ବଦଳୁଛନ୍ତି କେତେ ସରକାର, ଘଟି ଯାଉଛି କେତେ ଦଙ୍ଗା, ନିହତ ହେଉଛନ୍ତି କେତେ ନିରୀହ ଜନତା, ଉଜୁଡ଼ି ଯାଉଛି କେତେ ଲୋକଙ୍କ ଘର ଓ ପରିବାର! ଏହା କେମିତି ଏକ ଜମି ବିବାଦ ଯେଉଁଥିପାଇଁ ଦେଶର ଦୁଇ ମୁଖ୍ୟ ଧାର୍ମିକ ସଂପ୍ରଦାୟ ମଧ୍ୟରେ ଦଶନ୍ଧି ଦଶନ୍ଧି ଧରି ଜଳିଚାଲିଛି ବିଭେଦର ନିଆଁ, ବିଦ୍ୱେଷର ଭାବ ଓ ଘୃଣାର ରାଜନୀତି! ଏହା ଏମିତି ଏକ ଜମି ବିବାଦ ଯାହା ଦଶନ୍ଧି ଧଶନ୍ଧି ଧରି ନେତା ଓ ଜନତାଙ୍କୁ ବାନ୍ଧି ରଖିଛି ସଂକୀର୍ଣ୍ଣ ଭାବନା ଭିତରେ । ଏହା ଏମିତି ଏକ ଜମି ବିବାଦ ଯାହାର ସମାଧାନ ଦଶନ୍ଧି ଦଶନ୍ଧି ଧରି ହୋଇପାରୁ ନାହିଁ । ଫଇଜାବାଦର ତଳ କୋର୍ଟରୁ ଆରମ୍ଭ କରି ଆହ୍ଲାବାଦ ହାଇକୋର୍ଟ ଓ ସୁପ୍ରିମ କୋର୍ଟ ବି ଏହାର ସମାଧାନ କରିପାରି ନାହାନ୍ତି । ତଥାପି, ଏହି ବିବାଦର ତୁରନ୍ତ ସମାଧାନ ହେବ ବୋଲି ସମସ୍ତ ପକ୍ଷ ଆଶା କରନ୍ତି । ବିବାଦର ସମାଧାନ ଅବଶ୍ୟ ଦେଶ ପାଇଁ ମଙ୍ଗଳ, ଦେଶବାସୀଙ୍କ ପାଇଁ ମଙ୍ଗଳ । 


News Story - Posted on 2018-02-09

ମାଳଦ୍ୱୀପରେ ଭାରତ ହସ୍ତକ୍ଷେପ କରୁ



ଭାରତୀୟ ଉପମହାଦେଶରେ ଏଭଳି ଭାରତ ବିରୋଧୀ ଶକ୍ତି ସୁଦୃଢ଼ ହେଉଥିବାବେଳେ ଭାରତ ମହାସାଗରର ଦ୍ୱୀପଦେଶ ମାଳଦ୍ୱୀପରେ ଯଦି ନୂଆକରି ପକ୍ଷ ବିସ୍ତାର କରିଥିବା ଗଣତନ୍ତ୍ର ଲୋପ ପାଇବ ଓ ପୁଣିଥରେ ସେହି ଦେଶରେ ଏକଛତ୍ରବାଦୀ ଶାସନ ଚାଲିବ ତେବେ ତାହା ଭାରତ ପାଇଁ ଶୁଭଙ୍କର ନୁହେଁ । ବର୍ତ୍ତମାନର ରାଷ୍ଟ୍ରପତି ୟାମିନ ଭାରତ ଅପେକ୍ଷା ଚୀନ ସହିତ ଅଧିକ ସଂପର୍କ ରଖିଛନ୍ତି ଏବଂ ଚୀନ ମଧ୍ୟ ମାଳଦ୍ୱୀପରେ ଅନେକ ବିକାଶମୂଳକ ପ୍ରକଳ୍ପରେ ପୁଂଜିନିବେଶ କରିଛି । ଏବେ ସେଠାରେ ୟାମିନ ଯଦି ଏକଛତ୍ରବାଦୀ ଶାସନ ଚଳାଇବାରେ ସଫଳ ହୋଇଯାନ୍ତି ତେବେ ତାହା ଚୀନର ଏକ ଉପନିବେଶରେ ପରିଣତ ହୋଇପାରେ । ଏହି କାରଣରୁ ବେଳ ଗଡ଼ିଯିବା ପୂର୍ବରୁ ଭାରତ ସରକାର ସେଠାରେ ସାମରିକ ହସ୍ତକ୍ଷେପ କରି ବନ୍ଦୀ ପୂର୍ବତନ ରାଷ୍ଟ୍ରପତି ଓ ସୁପ୍ରିମ କୋର୍ଟ ବିଚାରପତିଙ୍କୁ ମୁକ୍ତ କରିବା ସହିତ ସେଠାରେ ସାନି ନିର୍ବାଚନ କରାଇ ନୂଆ ସରକାରକୁ ଦାୟିତ୍ୱ ଦେବା ଯାଏଁ ଶକ୍ତ ଭାବେ ଉପସ୍ଥିତ ରହିବା ଦରକାର ।


News Story - Posted on 2018-02-09

ହରଙ୍କ ହାତରେ ବାଜିବ ଶଙ୍ଖ!



ଜିଲ୍ଲାର ରାଜନୀତିକ ଇତିହାସରେ ଗଂଜାମ ଟାଇଗର ନାମରେ ଖ୍ୟାତ ରାମକୃଷ୍ଣ ପଟ୍ଟନାୟକଙ୍କ ଦୁର୍ଗ କୋଦଳା ନିର୍ବାଚନ ମଣ୍ଡଳୀ ସମ୍ଭାଳିଥିବା ହର ସାହୁଙ୍କୁ ନେଇ ବହୁ କଳ୍ପନା କରିଥିବା ଅଂଚଳବାସୀ ନିରାଶ ହୋଇଥିଲେ ଯେତେବେଳେ ହର ସାହୁ ବିଧାୟକ ପ୍ରାର୍ଥୀ ଭାବେ ଶାସକ ଦଳରେ ଗ୍ରହଣୀୟ ହୋଇ ପାରିଲେ ନାହିଁ। ଖଲିକୋଟ ରାଣୀ ସୁଜ୍ଞାନୀ ଦେବୀ ହିଁ ରାମକୃଷ୍ଣ ପଟ୍ଟନାୟକଙ୍କ ପରେ ସବୁଠୁ ଶକ୍ତିଶାଳୀ ହୋଇ ଖଲିକୋଟ, କବିସୂର୍ଯ୍ୟନଗର ଓ ନୂତନ ଭାବରେ ଗଢ଼ି ଉଠିଥିବା ପୋଲସରା ନିର୍ବାଚନ ମଣ୍ଡଳୀରେ ବେଶ‌୍‍ ଜନପ୍ରିୟ ହେବା ସହ ଅନେକ କର୍ମୀଙ୍କ ପ୍ରତ୍ୟକ୍ଷ ସଂପର୍କ ରଖିଲେ। ହର ସାହୁ କ୍ରମଶଃ ନିଷ୍ପ୍ରଭ ହୋଇଗଲେ ମଧ୍ୟ କୋଦଳା ଏନଏସିରେ ନିଜର ଦୃଢ଼ ସଂଗଠନ ବଜାୟ ରଖିଛନ୍ତି। ଏବେ ତାଙ୍କର ଧର୍ମପତ୍ନୀ କୋଦଳାର ଅଧ୍ୟକ୍ଷା ପଦରେ ଥିବାବେଳେ ହର ସାହୁ ନିଜେ ଉପାଧ୍ୟକ୍ଷ ଭାବରେ କାର୍ଯ୍ୟ କରୁଛନ୍ତି।


News Story - Posted on 2018-02-07

ସରକାର ତୁମ କେତେ ମୁହଁ?



ତେବେ, ୨୦୧୭ ଅକ୍ଟୋବର ୮ ତାରିଖରୁ ୨୦୧୮ ଫେବୃଆରୀ ୭ ତାରିଖ ମଧ୍ୟରେ କୁନ୍ଦୁଲି ଝିଅର ଧର୍ଷଣ ଅଭିଯୋଗ ନେଇ ମୁଖ୍ୟମନ୍ତ୍ରୀଙ୍କର ଅନେକ ପ୍ରକାର ତଦନ୍ତ ଘୋଷଣା ପରି ଅନେକ ପ୍ରକାର କଥା କହିଛନ୍ତି ରାଜ୍ୟ ପୁଲିସ, ଫୋରେନ୍ସିକ ଲାବୋରେଟୋରି, ରାଜ୍ୟ ସ୍ୱାସ୍ଥ୍ୟ ବିଭାଗର ଡାକ୍ତର ଓ ଶାସକ ଦଳର ନେତାମାନେ । ଯବାନ ଧର୍ଷଣ କରିନାହାନ୍ତି । ଧର୍ଷଣ ହୋଇନାହିଁ । ପ୍ରେମଜନିତ ଘଟଣା । ଝିଅର ସତୀତ୍ୱ ଅକ୍ଷୁର୍ଣ୍ଣ ଅଛି । ଝିଅ ମାନସିକ ଭାବେ ଦୁର୍ବଳ । ତା’ ଅନ୍ତର୍ବାସରେ ଦୁଇ ଜଣ ପୁରୁଷଙ୍କ ଶୁକ୍ର ଲାଗିଥିଲା । ନା, ସେଥିରେ ସେଭଳି କିଛି ଲାଗି ନଥିଲା । ହଁ, ଯାହା ଲାଗିଥିଲା ତାହା ପୁରୁଷର ଶୁକ୍ର ନୁହେଁ ନାରୀର ଯୋନିରସ । ଏଥିରୁ ଅନେକ କଥା ପରସ୍ପର ବିରୋଧୀ ।


News Story - Posted on 2018-02-07

ତୃତୀୟ ମହଲା ନା ତୃତୀୟ ନେତ୍ର!



କିନ୍ତୁ ତୃତୀୟ ମହଲା ବ୍ୟତୀତ ଓଡ଼ିଶାର ଶାସନ କ୍ଷମତା, ରାଜନୀତିର ବ୍ୟବସ୍ଥା ଭିତରେ ଆଉ ଗୋଟିଏ ତୃତୀୟ ନେତ୍ର ରହିଛି ଯାହାଙ୍କ ପରାମର୍ଶ ହୁଏତ ପ୍ୟାରୀ ମହାପାତ୍ରଙ୍କଠାରୁ ଅଧିକ ସଶକ୍ତ। ପ୍ୟାରୀବାବୁ ନବୀନଙ୍କ ଅଭେଦ୍ୟ ଦୁର୍ଗର ସେନାପତି ରହି କ୍ଷମତା ସହ ରାଜନେତାଙ୍କ ଭାଗ୍ୟ ଓ ଭବିଷ୍ୟତର ଅଙ୍କ କଷୁଥିଲେ। କିନ୍ତୁ ସଂପ୍ରତି ଏକ ଚର୍ଚ୍ଚିତ ବିଷୟ ହେଉଛି ତୃତୀୟ ନେତ୍ର ବାହ୍ୟ ରାଜ୍ୟରେ ମୁଖ୍ୟ ସଚିବ ଥିବା ଜଣେ ଓଡ଼ିଆ ଆଇଏଏସ‌୍‍ ଅଫିସରଙ୍କୁ ନେଇ। ତାଙ୍କ ସଂପର୍କରେ ପ୍ରଥମଥର ଆମେ ଏକ ରୋଚକ ସମ୍ୱାଦ ବିଶେଷ ସୂତ୍ରରୁ ପାଇବା ପରେ ଅନୁସନ୍ଧାନ କରିଲୁ। ଅନୁସନ୍ଧାନ କରିବା ପରେ ଜଣାପଡ଼ିଲା ଯେ ଏକଦା ନବୀନଙ୍କ ନିଜ ଜିଲ୍ଲାର ଜିଲ୍ଲାପାଳ ଥିବା ଓଡ଼ିଆ ଅଫିସର ଆଜି ତୃତୀୟ ନେତ୍ର ଭାବରେ ଓଡ଼ିଶା ଶାସନର ଅସଲ ମଙ୍ଗୁଆଳ। ଏଇ ନିକଟରେ ତାଙ୍କର ଝିଅ ବାହାଘର ହୋଇଥିଲା। ସେଠାରେ ଯାଇଁ ଡେରା ପକାଇଥିଲେ ଅନେକ ବିଜେଡି ନେତା।


News Story - Posted on 2018-02-06

ଚାଣକ୍ୟମାନେ ଗଲେ କୁଆଡ଼େ?



ଏହା ସ୍ୱୀକାର କରିବାକୁ ହେବ ଯେ ନବୀନବାବୁ ଜଣେ ମିଷ୍ଟଭାଷୀ ଭଦ୍ରବ୍ୟକ୍ତି । ସେ ଅନ୍ୟ ରାଜନେତାଙ୍କ ଭଳି ଘଣ୍ଟାଘଣ୍ଟା ଭାଷଣ ଦିଅନ୍ତି ନାହିଁ । ଗୁଡ଼ାଏ ଅପ୍ରାସଙ୍ଗିକ କଥା କୁହନ୍ତି ନାହିଁ । ଅଯଥାରେ ବକବକ ହୁଅନ୍ତି ନାହିଁ । ତାଙ୍କ ବିରୋଧରେ ଯେତେ ଯାହା କହିଲେ ଓ ଲେଖିଲେ ବି ସେ ନିଜେ କେବେ ପ୍ରତିକ୍ରିୟାଶୀଳ ହୁଅନ୍ତି ନାହିଁ । କଂଗ୍ରେସ ଅମଳରେ ଜାନକୀବାବୁ ଓ ତାଙ୍କ ସରକାର ବିରୋଧରେ ଲେଖି ଅନେକ ସାମ୍ବାଦିକ ଅନେକ ଦୁର୍ଦ୍ଦଶାର ସମ୍ମୁଖୀନ ହୋଇଥିଲେ । ଏବେ କିନ୍ତୁ ସେହି ପରିସ୍ଥିତି ନାହିଁ । ସାମ୍ବାଦିକମାନେ ତାଙ୍କ ସରକାର ବିରୋଧରେ ଲେଖିବାକୁ ଯଥେଷ୍ଟ ସ୍ୱାଧୀନତା ପାଇଛନ୍ତି । ଅଧିକାଂଶ ସେହି ସ୍ୱାଧୀନତାର ଉପଯୋଗ କରୁନାହାନ୍ତି, ତାହା ଅବଶ୍ୟ ଅନ୍ୟ ଏକ ପ୍ରସଙ୍ଗ ।


News Story - Posted on 2018-02-05

ମାଳଦ୍ୱୀପରେ ଜରୁରୀ ପରିସ୍ଥିତି



୨୦୧୩ ମସିହାରୁ ମାଳଦ୍ୱୀପରେ ଏକଛତ୍ରବାଦୀ ଶାସନ ଚଳାଇଥିବା ୟାମିନଙ୍କୁ ଏବେ ପଦ ହରାଇବାର ଭୟ । ତାଙ୍କ ଚାପରେ ସୁପ୍ରିମ କୋର୍ଟ ପୂର୍ବତନ ରାଷ୍ଟ୍ରପତି ମହମ୍ମଦ ନଶୀଦଙ୍କୁ ଆତଙ୍କବାଦୀ ଘୋଷଣା କରି ୧୩ ବର୍ଷ କାରାବାସ ଦଣ୍ଡ ଦେଇଥିଲେ । ସେ କିନ୍ତୁ ରାଜନୀତିକ ଆଶ୍ରୟ ପାଇ ଏବେ ଇଂଲଣ୍ଡରେ ରହୁଛନ୍ତି । କିନ୍ତୁ ମିଳିତ ଜାତିସଂଘର ଅନୁଧ୍ୟାନ ପରେ ବର୍ତ୍ତମାନର ସୁପ୍ରିମ କୋର୍ଟ ନଶୀଦ ଓ ଅନ୍ୟ ୧୨ ଜଣ ରାଜନୀତିକ ବନ୍ଦୀଙ୍କୁ ଦୋଷମୁକ୍ତ କରିବା ସହିତ ସେମାନଙ୍କୁ ତୁରନ୍ତ ମୁକ୍ତ କରିବାକୁ ରାୟ ଦେଇଛନ୍ତି । ଏହି ରାୟକୁ ଦେଶର ସଂଖ୍ୟାଧିକ ଜନତା ସମର୍ଥନ କରିଛନ୍ତି । କାରଣ ମହମ୍ମଦ ନଶୀଦ ଥିଲେ ମାଳଦ୍ୱୀପର ପ୍ରଥମ ଗଣତାନ୍ତ୍ରିକ ପଦ୍ଧତିରେ ନିର୍ବାଚିତ ରାଷ୍ଟ୍ରପତି ।


News Story - Posted on 2018-02-05

ଡେଙ୍ଗା ଲୋକର ଗେଡ଼ା ଦାୟାଦ!



ସେହି ବିଜୁବାବୁଙ୍କ ନାମରେ ଗଠିତ ହୋଇଛି ବିଜୁ ଜନତା ଦଳ । ଏହି ଦଳର ପ୍ରତିଷ୍ଠାତା ଓ ସଦସ୍ୟମାନେ ୨୦ ବର୍ଷ କହି ଆସୁଛନ୍ତି ଯେ ସେମାନେ ବିଜୁବାବୁଙ୍କ ନୀତି ଓ ଆଦର୍ଶ ଅନୁସାରେ କାମ କରୁଛନ୍ତି, ତାଙ୍କ ଅଧୁରା ସ୍ୱପ୍ନ ପୂରଣ କରିବାକୁ ରାଜନୀତି କରୁଛନ୍ତି । ତେବେ ଜଳେଶ୍ୱର ତଳସାରୀରେ ବିଜୁବାବୁଙ୍କ ପୁଅ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ମଂଚ ଉପରକୁ ଅଣ୍ଡା ଫୋଫାଡ଼ିଥିବା ମହିଳାଙ୍କ ବିରୋଧରେ ୩୦୭ ଦଫା ଲଗେଇବା କ’ଣ ବିଜୁବାବୁଙ୍କ ନୀତି ଓ ଆଦର୍ଶ? ବିଜୁ ଜନତା ଦଳର ନେତା ଓ କର୍ମୀମାନେ କ’ଣ ବିଜୁବାବୁଙ୍କ ବିଷୟରେ ଏଇଆ ବୁଝିଛନ୍ତି? 


News Story - Posted on 2018-02-04

ମାଳଦ୍ୱୀପରେ ସାମ୍ବିଧାନିକ ସଂକଟ



ଇତିମଧ୍ୟରେ ସରକାରୀ ଦଳ ତ୍ୟାଗ କରି ବିରୋଧୀ ଦଳରେ ସାମିଲ ହୋଇଥିବା ୧୨ ଜଣ ସାଂସଦ ଆଜି ସଂସଦ ଭିତରେ ପ୍ରବେଶ କରିଛନ୍ତି । ସେମାନେ ବିରୋଧୀ ଦଳରେ ଯୋଗଦେବା ପରେ ସରକାରଙ୍କ ଚାପରେ ସୁପ୍ରିମ କୋର୍ଟ ସେମାନଙ୍କ ସଭ୍ୟପଦ ରଦ୍ଦ କରିଦେଇଥିଲେ । କିନ୍ତୁ ଏବେ ପୁଣି ଥରେ ସୁପ୍ରିମ କୋର୍ଟଙ୍କ ରାୟ ଯୋଗୁଁ ସେମାନେ ସଭ୍ୟପଦ ଫେରି ପାଇଛନ୍ତି । ଏହା ଫଳରେ ୮୫ ସଦସ୍ୟ ବିଶିଷ୍ଟ ସଂସଦରେ ରାଷ୍ଟ୍ରପତି ଅବ୍ଦୁଲ୍ଲା ୟାମିନଙ୍କ ଦଳ ସଂଖ୍ୟାନ୍ୟୁନ ହୋଇଯାଇଛି । ସଂସଦୀୟ ଅଧିବେଶନ ଆରମ୍ଭ ହେଲେ ରାଷ୍ଟ୍ରପତିଙ୍କ ବିରୋଧରେ ସଂଖ୍ୟାଧିକ ସାଂସଦ ଭୋଟ ଦେଇ ତାଙ୍କୁ ବହିଷ୍କାର କରିବାର ଆଶଙ୍କା ରହିଛି । ସେହି କାରଣରୁ ଅଧିବେଶନକୁ ବାତିଲ କରିଦିଆଯାଇଛି ।


News Story - Posted on 2018-02-03

ଗଣ ବନାମ ତନ୍ତ୍ର



ସହରରେ ଏପରିକି ଗାଁ ପାଖ ବଜାରରେ ସନ୍ଧ୍ୟା ହେଲେ ମଦ ନିଶାର ଦୃଶ୍ୟ ଦେଖିବାକୁ ମିଳେ । ଗ୍ରାମୀଣ କ୍ଷେତ୍ରରେ ମଦ୍ୟପଙ୍କ ସଂଖ୍ୟା ବଢିବା ଦ୍ୱାରା ଗଣମାନଙ୍କର ଶାନ୍ତିପୂର୍ଣ୍ଣ ଜୀବନ ନିର୍ବାହ ପଥରେ ବାଧକ ହେଉଛି । କାରଖାନା ପ୍ରତିଷ୍ଠା ହେଉଛି, ନିଯୁକ୍ତି ଦେବାର ପ୍ରତିଶ୍ରୁତି ନେଇ । କିନ୍ତୁ ପରେ ଜମି ଦେଉଥିବା କୃଷକ ଜମିହରା ହେଲା ପରେ ଆଉ ନିଯୁକ୍ତି ତ ମିଳୁନି ବରଂ ଭୂମିହୀନ ହେଉଛି । ନିଯୁକ୍ତି ତ ମିଳୁନି ଶେଷରେ ଦାଦନ ଶ୍ରମିକ ହୋଇ ହାତଗୋଡ଼ ହରାଉଛି । ଜମି ଅଧିଗ୍ରହଣର ଏହା ହେଉଛି ଫଳାଫଳ । ବଜାର ଏପରି ଲୋଭନୀୟ ଦୃଶ୍ୟ ଦେଖାଉଛି ଯେଉଁଥିରେ କୃଷକ ପରିବାର ଜମି ବିକି ପରିବାର ପାଇଁ ଦାମି ଗାଡ଼ି, ଉପଭୋଗ ସାମଗ୍ରୀ କିଣୁଛି । ପିଲାମାନେ ଏଭଳି ବଜାରର ଶିକାର ହେଉଛନ୍ତି ଯାହା ଫଳରେ ଜମି ବିକ୍ରି ଟଙ୍କା ଖର୍ଚ୍ଚ ହୋଇଗଲା ପରେ ପରବର୍ତ୍ତୀ ସମୟରେ ଏହି ପରିବାରର ପିଲାମାନେ ଅପରାଧ ଦୁନିଆରେ ପାଦ ଦେଉଛନ୍ତି । ଏହା ହେଉଛି ପୁଞ୍ଜିବାଦର ନୀତି, ପରିଣାମ ଓ ପରିଣତି । ରାଷ୍ଟ୍ର ପୁଞ୍ଜିବାଦ ରାସ୍ତାରେ ଚାଲୁଥିବାରୁ ଭାରତୀୟ ଯୁବ ପ୍ରତିଭାଙ୍କ ପାଇଁ ନିଯୁକ୍ତିର ସୁଯୋଗ ମିଳୁନି । କ୍ଷୁଦ୍ର ଓ ଶିିଳ୍ପ ବନ୍ଦ ହେବାରେ ଲାଗିଛି । 


News Story - Posted on 2018-02-02

ନିର୍ବାଚନୀ ବଣ୍ଡ ଗଲା ସୁପ୍ରିମ କୋର୍ଟ!



ମୋଦି ସରକାର ପ୍ରଚଳନ କରିଥିବା ବ୍ୟବସ୍ଥା ଅନୁସାରେ କର୍ପୋରେଟ ସଂସ୍ଥାଗୁଡ଼ିକ ଷ୍ଟେଟ ବ୍ୟାଙ୍କର କେତେକ ନିର୍ଦ୍ଦିଷ୍ଟ ଶାଖାରେ ୧୦୦୦, ୧୦ ହଜାର, ୧ ଲକ୍ଷ, ୧୦ ଲକ୍ଷ ଓ ୧ କୋଟି ଟଙ୍କା ମୂଲ୍ୟର ନିର୍ବାଚନୀ ବଣ୍ଡ କିଣିପାରିବେ । ତାହାକୁ ସେମାନେ ସେମାନଙ୍କର ପସନ୍ଦର ପାର୍ଟିକୁ ଦେବେ ଏବଂ ପାର୍ଟିର ଖାତାକୁ ଏହା ୧୫ ଦିନ ଭିତରେ ହସ୍ତାନ୍ତର ହୋଇଯିବ । କିନ୍ତୁ ବଣ୍ଡ କିଏ କିଣିଲା ତାହାର ରେକର୍ଡ଼ ରହିବ ନାହିଁ । ସଦ୍ୟତମ ଲୋକସଭା ନିର୍ବାଚନରେ ଯେଉଁ ପଂଜୀକୃତ ଦଳ ୧ ପ୍ରତିଶତ ଭୋଟ ପାଇଥିବେ ସେହି ଦଳଗୁଡ଼ିକୁ ନିର୍ବାଚନ କମିଶନ ଏକ ଆକାଉଣ୍ଟ ପ୍ରଦାନ କରିବେ । ସେହି ଆକାଉଣ୍ଟକୁ ଏହି ଟଙ୍କା ହସ୍ତାନ୍ତର କରାଯିବ । କିନ୍ତୁ କମିଶନ ବି ଏହି ପାଣ୍ଠି କେଉଁ ସୂତ୍ରରୁ ଆସିଲା ତାହା ଜାଣିପାରିବେ ନାହିଁ ।


News Story - Posted on 2018-02-01

ମହିଳା କମିଶନ କରୁଛି କ’ଣ?



ଘଟଣାକୁ ୪ ମାସ ବିତିଯାଇଥିଲେ ସୁଦ୍ଧା ମହିଳା କମିଶନ ଅଧ୍ୟକ୍ଷା ଥରଟିଏ ବି ମୁହଁ ଖୋଲିନାହାଁନ୍ତି । ବରଂ ସେ ସତ ଲୁଚାଇବାରେ ସାହଯ୍ୟ କରୁଥିବା ନେଇ ବିଜେପି ମହିଳା ମୋର୍ଚ୍ଚା ଅଭିଯୋଗ କରିଥିଲେ । ନାରୀମାନଙ୍କୁ ସୁରକ୍ଷା ଓ ନ୍ୟାୟ ଦେବା ଦୂରର କଥା ସମ୍ବେଦନର ସହ ଦୁଇ ପଦ କଥା ହେଉନଥିବା ନେଇ କ୍ଷୋଭ ପ୍ରକାଶ କରିଥିଲେ ।


News Story - Posted on 2018-01-31

କୁନ୍ଦୁଲି: ନ୍ୟାୟ ଦେବ କିଏ ?



କୋରାପୁଟ ଜିଲ୍ଲା କୁନ୍ଦୁଲି ପାଖରେ ଥିବା ମୂଷାଗୁଡା ଗାଁର ଗଣବଳାତ୍କାର ଅଭିଯୋଗ ଆଣିଥିବା ପୀଡିତା ନାବାଳିକା ଆତ୍ମହତ୍ୟା କରିବା ଘଟଣା କେବଳ ସରକାର ଓ ପ୍ରଶାସନିକ ଅବ୍ୟବସ୍ଥାର ପରିଣାମ ନୁହେଁ ବରଂ ସାମାଜିକ ଓ ରାଜନୈତିକ ସମ୍ୱେଦନହୀନତାର ଏକ ବଡ ଦୃଷ୍ଟାନ୍ତ। ଗଣଦୁଷ୍କର୍ମର ଅଭିଯୋଗ ଆସୁଛି, କିନ୍ତୁ ଦୀର୍ଘଦିନ ପରେ ବି ତା’ର ପ୍ରମାଣ ଆମ ବ୍ୟବସ୍ଥା ପାଇପାରୁନି। ପୋଲିସ‌୍‍, କ୍ରାଇମବ୍ରାଂଚ ଓ ବିଚାର ବିଭାଗୀୟ ତଦନ୍ତ ଘୋଷଣା ସତ୍ତ୍ବେ ବି ପୋଲିସ‌୍‍ ଅଭିଯୁକ୍ତଙ୍କ ପାଖରେ ପହଞ୍ଚି ନପାରିବା ବ୍ୟବସ୍ଥାଗତ ତ୍ରୁଟି ନା ଜାଣିଶୁଣି ଅଭିଯୁକ୍ତଙ୍କୁ ଘଣ୍ଟ ଘୋଡାଇବା ପାଇଁ ପ୍ରୟାସ ତାହା ସବୁଠାରୁ ବଡ ପ୍ରଶ୍ନ।


News Story - Posted on 2018-01-30

ସିପିଏମ-ମତଭେଦ ବିଜେପି ପାଇଁ ଲାଭପ୍ରଦ



ସିପିଆଇଏମ୍‍ ସିକ୍ୟୁଲାର୍‍ ପାର୍ଟି ଅର୍ଥାତ ଧର୍ମନିରପେକ୍ଷ ଦଳଗୁଡ଼ିକୁ ଏକାଠି କରିବା ଦୌଡ଼ରେ ଯେପରି ସୁରଜିତ ଥିଲେ ଆଜି ଦିନରେ ସୀତାରାମ ସେହି ଲାଇନ୍‍ରେ ଆଗକୁ ବଢ଼ୁଛନ୍ତି । ସୁରଜିତ୍‍ ଲାଲୁ ଯାଦବ, ମୁଲାୟମ ସିଂହ ଯାଦବ, କରୁଣାନିଧି, ନବୀନ ପଟ୍ଟନାୟକଙ୍କ ଭଳି ନେତାଙ୍କ ସହ ଉତ୍ତମ ସଂପର୍କ ରଖିଥିଲେ । ଆଜି ଦିନରେ ସୀତାରାମ ଏହିଭଳି ସଂପର୍କ ରଖିଛନ୍ତି । କରାତଙ୍କ ଯୁକ୍ତି ହେଉଛି ଆର୍ଥିକ ନୀତି ଅନୁଯାୟୀ ବିଜେପି ଓ କଂଗ୍ରେସ ମଧ୍ୟରେ କୌଣସି ଫରକ ଥିବା ଦେଖିବାକୁ ମିଳିନି । ସିପିଆଇଏମ୍‍ ଗତ ୪୦ ବର୍ଷ ମଧ୍ୟରେ ଏହାକୁ ଅତି ପାଖରେ ଦେଖିଛି ଓ ପରଖିଛି । କଂଗ୍ରେସ ସହ ରହିଛି ଏବଂ କଂଗ୍ରେସକୁ ବିରୋଧ ମଧ୍ୟ କରିଛି । ବିଜେପି ସ୍ୱାଧୀନତା ପରେ ଏବେ ସବୁଠୁ ସଂଗଠିତ ଓ ସୁଦୃଢ଼ ଦଳ ହୋଇପାରିଛି, ଆଉ କଂଗ୍ରେସ ସବୁଠୁ ଦୁର୍ବଳ ଅବସ୍ଥାରେ । ରାଜୀବ ଗାନ୍ଧିଙ୍କ ପରେ ନରେନ୍ଦ୍ର ମୋଦି ହେଉଛନ୍ତି ଏକମାତ୍ର ନେତା, ଯାହାଙ୍କ ପାଖରେ ପୂର୍ଣ୍ଣ ବହୁମତ ବା ସଂଖ୍ୟା ଗରିଷ୍ଠତା ରହିଛି । କଂଗ୍ରେସ ଭାରତୀୟ ରାଜନୀତିରେ ମଧ୍ୟମ ମାର୍ଗୀ ଦଳ । ଇତିହାସ ସୂଚନା ଦିଏ ଯେତେବେଳେ କଂଗ୍ରେସ ସଂକଟରେ ଥାଏ, ସେତେବେଳେ ବାମଦଳର ସହାୟତା ନେଇଥାଏ । ୧୯୬୭ରେ କଂଗ୍ରେସର ଖରାପ ପ୍ରଦର୍ଶନ ପରେ ଇନ୍ଦିରା ଗାନ୍ଧି ବାମଦଳର ବିଚାର ଆଧାରରେ ବ୍ୟାଙ୍କକୁ ଜାତୀୟକରଣ କରିଥିଲେ । ଆଜି ଦିନରେ ସୋନିଆ ଗାନ୍ଧି ଯେଭଳି ବାମ ଦଳର ସହାୟତା ଲୋଡ଼ୁଥିଲେ ସେହିଭଳି ରାହୁଳ ଗାନ୍ଧି ଲୋଡ଼ୁଛନ୍ତି । କିନ୍ତୁ କଂଗ୍ରେସ ଦଳ ପୁଞ୍ଜିବାଦୀ ଦଳ ଏବଂ ଆମେରିକା ସାମ୍ରାଜ୍ୟବାଦୀ ସପକ୍ଷବାଦୀ ଦଳ । ବିଜେପିର ଫରକ ଏତିକି ଯେ ଏହି ଦଳ ସାଂପ୍ରଦାୟିକ ରାଜନୀତିକୁ ଅସ୍ତ୍ରକରି ଦଳର ଏଜେଣ୍ଡା ପ୍ରସ୍ତୁତ କରିଥାଏ । ଏଭଳି ସ୍ଥିତିରେ ବାମଦଳ କଂଗ୍ରେସ ସପକ୍ଷରେ ଯାଇ ବିଜେପି ବିରୋଧରେ ମେଣ୍ଟ କରିବାରେ ସଫଳ ହେବ ନା କରାତ-ୟେଚୁରୀଙ୍କ ମତଭେଦକୁ ନେଇ ଦଳ ଦୁଇଫାଳ ହେବ, ସେନେଇ ରାଜନୈତିକ ଶିବିରରେ ଚାଲିଛି ମନ୍ଥନ!


News Story - Posted on 2018-01-29

ବିଜେପୁର- ଛକାପଞ୍ଝା ଜୋରଦାର



ରାଜ୍ୟ ସରକାରଙ୍କ ବିଭିନ୍ନ ଲୋକାଭିମୁଖୀ କାର୍ଯ୍ୟ ତଥା ସରକାରଙ୍କ ସଫଳତା ଏବଂ କେନ୍ଦ୍ର ସରକାରଙ୍କ ବିଫଳତାକୁ ପ୍ରସଙ୍ଗ କରି ବିଜେଡି ନିର୍ବଚନୀ ବୈତରଣୀ ପାର ହେବାକୁ ଉଦ୍ୟମ କରୁଛି । ସେପଟେ ବିରୋଧୀ ଦଳ ରାଜ୍ୟ ସରକାରଙ୍କ ବିଭିନ୍ନ କାର୍ଯ୍ୟରେ ଅପାରଗତା ଓ ବିଫଳତାକୁ ପ୍ରସଙ୍ଗକରି ନିର୍ବାଚନ ମଇଦାନକୁ ଓହ୍ଲାଇବ । କୁନ୍ଦୁଲି ପ୍ରସଙ୍ଗ ଓ ସାଂସଦ ବୈଜୟନ୍ତ ପଣ୍ଡାଙ୍କୁ ଦଳରୁ ନିଲମ୍ବନ ରାଜ୍ୟ ସରକାରଙ୍କ ପାଇଁ ଅଡୁଆ ସୃଷ୍ଟି କରିପାରେ । ଗତକାଲି ଏନେଇ ନବୀନ ନିବାସରେ ଉଚ୍ଚସ୍ତରୀୟ ବୈଠକ ହୋଇଥିଲା । ଆସନ୍ତା ୫ ତାରିଖରେ ବିଜେଡି ପ୍ରାର୍ଥୀ ରୀତା ସାହୁ ପ୍ରାର୍ଥୀପତ୍ର ଦାଖଲ କରିବେ । ନିର୍ବାଚନର ବହୁ ପୂର୍ବରୁ ଦିବଂଗତ ବିଧାୟକ ସୁବଳ ସାହୁଙ୍କ ପତ୍ନୀ ରୀତାଙ୍କୁ ଦଳକୁ ଆଣି ପ୍ରାର୍ଥୀ ଘୋଷଣା କରିଛି । ନିର୍ବାଚନ ମଣ୍ଡଳୀକୁ ଚାରି ଭାଗରେ ବିଭକ୍ତ କରି ୧୫ ଜଣ ନେତାଙ୍କ ମଧ୍ୟରେ ଏସବୁ ଅଂଚଳକୁ ବାଣ୍ଟି ଦିଆ ଯାଇଛି । ସୁପ୍ରିମୋଙ୍କ ନିର୍ଦ୍ଦେଶ ଅନୁସାରେ ହେଭିୱେଟ ନେତାମାନେ ଖୁବ୍ ଶୀଘ୍ର ବିଜେପୁରରେ ଡେରା ପକାଇବେ । 


News Story - Posted on 2018-01-29

ସେବକ ଧନୀ, ମାଲିକ ଗରୀବ



ଏଇଭଳି ସାଂସଦମାନେ ଗଲା ୭୦ ବର୍ଷ ଧରି ଯେଉଁ ପ୍ରକାର ଦେଶସେବା ବା ଜନସେବା କରି ଆସିଛନ୍ତି ତାହାର ପରିଣାମ ହେଉଛି ସାଂପ୍ରତିକ ଭାରତର ଉକ୍ରଟ ଧନୀ-ଦରିଦ୍ର ତାରତମ୍ୟ । ଏଇ ନିକଟରେ ବିଶ୍ୱ ସ୍ତରୀୟ ସମାଜସେବା ଅନୁଷ୍ଠାନ ଅକ୍ସଫାମ ତରଫରୁ ପ୍ରକାଶ ପାଇଥିବା ଏକ ରିପୋର୍ଟ ଅନୁସାରେ ଗତ ବର୍ଷ ଭାରତରେ ଯେତେ ସଂପତ୍ତି ସୃଷ୍ଟି ହୋଇଥିଲା ତାହାର ୭୩ ପ୍ରତିଶତ ଉଚ୍ଚ ଧନୀକ ବର୍ଗର ୧ ପ୍ରତିଶତ ଲୋକଙ୍କ ହାତକୁ ଚାଲି ଯାଇଛି । ମୋଟ ଉପରେ ଦେଖିଲେ ଏବେ ଭାରତର ମାତ୍ର ୧ ପ୍ରତିଶତ ଉଚ୍ଚ ବର୍ଗର ଧନୀଙ୍କ ହାତରେ ଦେଶର ୬୦ ପ୍ରତିଶତ ସଂପତ୍ତି ଠୁଳ ହୋଇଛି । ୧୯୩୦ ଦଶକରେ ଏହି ଅନୁପାତ ଥିଲା ମାତ୍ର ୨୧ ପ୍ରତିଶତ । ଅର୍ଥାତ ସେତେବେଳେ ଭାରତର ୧ ପ୍ରତିଶତ ଉଚ୍ଚ ବର୍ଗର ଧନୀଙ୍କ ହାତରେ ଦେଶର ୨୧ ପ୍ରତିଶତ ସଂପତ୍ତି ଥିଲାବେଳେ ଏବେ ତାହା ୬୦ ପ୍ରତିଶତକୁ ବୃଦ୍ଧି ପାଇଛି । ଜନତାଙ୍କର ଏଇ ସେବା କରିବା ପାଇଁ କ’ଣ ସାସଂଦମାନେ ନିର୍ବାଚିତ ହୋଇଛନ୍ତି? 


News Story - Posted on 2018-01-27

ସଂଘ-ବିଜେପି ସଂପର୍କର ମିଶାଣ-ଫେଡ଼ାଣ



ଏବେ କିନ୍ତୁ ହିନ୍ଦୁତ୍ୱ ରାଜନୀତିରେ ବିଜେପି ଉପରେ ସଂଘର ପ୍ରଭାବ ପୂର୍ବସ୍ଥିତି ଅନୁଯାୟୀ ନାହିଁ ବରଂ ହ୍ରାସ ପାଇଛି । ବିଜେପି ନେତା ସ୍ଥିର କରୁଛନ୍ତି ଅନ୍ୟଦଳରୁ କେଉଁ ନେତାଙ୍କୁ ଅଣାଯିବ, କାହାଙ୍କୁ ଉପଯୁକ୍ତ ତାଲିକାରେ ରଖାଯିବ ଏବଂ କେଉଁ ନେତାଙ୍କୁ ଆଲୋଡା କରାଯିବ । କାଲି ଯିଏ ଆଡ଼ଭାନୀଙ୍କ ରଥକୁ ଅଟକାଇ ତାଙ୍କୁ ଗିରଫ କରିଥିଲେ- ସେ ସେହି ବିକେ ସିଂହ ଆଜି ବିଜେପିର ପ୍ରଭାବୀ ନେତା ତାଲିକାରେ । ଗୋଆରେ ଇଂରାଜୀ ଏବଂ କଂକଣ ଭାଷାକୁ ନେଇ ସଂଘ ପ୍ରଦେଶ ମୁଖ୍ୟ ସୁବାଷ ବେଲିଙ୍ଗକରଙ୍କ ସହ ମନୋହର ପାରିକରଙ୍କ ମତଭେଦ ହେଲା । ସଂଘ ପାରିକରଙ୍କୁ ବାଧ୍ୟ କରିପାରିଲା ନାହିଁ ବେଲିଙ୍ଗକରଙ୍କ ପ୍ରସ୍ତାବକୁ ମାନିନେବାକୁ, ଯଦିଓ ବେଲିଙ୍ଗକର ଏକଦା ପାରିକରଙ୍କର ଗୁରୁଥିଲେ । ଆଜି ସଂଘ ବିଜେପି ସରକାରଙ୍କ ଆଭ୍ୟନ୍ତରୀଣ ଆଲୋଚକ ଭୂମିକା ନିର୍ବାହ କରିବା ସ୍ଥିତିରେ ଆଉ ନାହିଁ । ବିଜେପି ଏକାକୀ ନେଉଛି ନୀତିନିର୍ଣ୍ଣୟ ।


News Story - Posted on 2018-01-26

ବିଜେଡି ବ୍ୟୁରୋକ୍ରାସିରେ ପଣ୍ଡାଙ୍କ ପରାଜୟ!



ସାଂସଦ ବୈଜୟନ୍ତ ପଣ୍ଡା ଆଗେ ତୃତୀୟ ମହଲା କଥା ଉଠାଇଲେ ନା ଆଗ ତାଙ୍କ ଉପରେ ଅଣ୍ଡା ଆକ୍ରମଣ ହେଲା? ଏକଥା ତୃତୀୟ ମହଲାର ଅଫିସର ବୁଝିବା ଉଚିତ ଥିଲା। ପଣ୍ଡାଙ୍କ ବିରୋଧରେ କେନ୍ଦ୍ରାପଡ଼ାର ଏକ ନିର୍ଦ୍ଦିଷ୍ଟ ଗୋଷ୍ଠୀର ବିଜେଡି ନେତା ଓ କର୍ମୀ ଆରମ୍ଭରୁ ଅସନ୍ତୁଷ୍ଟ ଥିବା ଦାଣ୍ଡରେ ପଡ଼ି ବାଟରେ ଗଡ଼ୁଥିଲା। ସେ ତାଙ୍କ ସାଂସଦ ପାଣ୍ଠିରେ ତାଙ୍କ ପାଇଁ ଡାକ ବଙ୍ଗଳା ତିଆରି କରୁ ନଥିଲେ କି ନିଜ ଜମିରେ ପୋଖରୀ ଖୋଳୁ ନଥିଲେ। ସେଥିରେ ସେ ଲୋକଙ୍କ ଆବଶ୍ୟକତା ପୂରଣ ପାଇଁ ବିଭିନ୍ନ ପ୍ରକଳ୍ପ ନିର୍ମାଣ କରାଉଥିଲେ। କିନ୍ତୁ ବୋଧହୁଏ ସେହିସବୁ କାର୍ଯ୍ୟରେ ଦଳୀୟ ଠିକାଦାରମାନଙ୍କୁ ସନ୍ତୁଷ୍ଟ କରିପାରୁ ନଥିଲେ। କାର୍ଯ୍ୟରେ ସ୍ବଚ୍ଛତା ରକ୍ଷା କରିବା ସହିତ ଯେପରି ତାହା ନିମ୍ନମାନର ନହୁଏ ସେଥିପାଇଁ ସେ ବାରମ୍ବାର ଯାଇଁ ତାହାର ସମୀକ୍ଷା ଓ ଅନୁଧ୍ୟାନ କରୁଥିଲେ। ସେ ଏପରି କରିବା କ’ଣ ଭୁଲ ଥିଲା? ଦଳୀୟ ଠିକାଦାରମାନେ ଲୋକଙ୍କ ପାଇଁ ଆସୁଥିବା ପାଣ୍ଠିକୁ ନିଜ ପାଣ୍ଠିରେ ପରିଣତ କରିବା କ’ଣ ସ୍ବଚ୍ଛ ଶାସନ ଓ ସଚ୍ଚୋଟ ଗଣତନ୍ତ୍ର? ପ୍ରକଳ୍ପର ଶିଳାନ୍ୟାସ ଓ ଉଦଘାଟନ ଆଦି ସଂପର୍କରେ ଦଳୀୟ ନେତାମାନଙ୍କୁ କାଳେ ସାଂସଦ ନିଜେ ଜଣାନ୍ତି ନାହିଁ, ତାଙ୍କ ବେତନଭୋଗୀ କର୍ମଚାରୀ ଜଣାଇଥାନ୍ତି। ଏହା ସତ ହୋଇଥାଇ ପାରେ। ତେବେ ନବୀନବାବୁଙ୍କ ଗସ୍ତ ଓ କାର୍ଯ୍ୟକ୍ରମ ବିଷୟରେ ସେ ନିଜେ କ’ଣ ତାଙ୍କ ଜିଲ୍ଲା ସଭାପତିମାନଙ୍କୁ ଫୋନ କରି ଜଣେଇଥାନ୍ତି? ସେ କାମ ତାଙ୍କର ବା ରାଜ୍ୟ ସରକାରଙ୍କର ବେତନଭୋଗୀ କର୍ମଚାରୀମାନେ କରି ନଥାନ୍ତି କି? ନବୀନବାବୁ ସେମାନଙ୍କୁ ନଜଣାଇ ତାଙ୍କ ଜିଲ୍ଲା ପାଇଁ ଅନେକ ପ୍ରକଳ୍ପ ଓ ଯୋଜନା ଘୋଷଣା କରିଥିବାରୁ କେତେ ବିଜେଡି କର୍ମୀ ତାଙ୍କ ଉପରକୁ ଅଣ୍ଡା ଫୋଫାଡ଼ିଛନ୍ତି?


News Story - Posted on 2018-01-26

କୁନ୍ଦୁଲିର କ୍ରନ୍ଦନ-ଶାସନର ଆତ୍ମହତ୍ୟା!



୨୦୧୬ ଅକ୍ଟୋବର ୮ ତାରିଖରେ କୁନ୍ଦୁଲିର ସେଇ ୧୪ ବର୍ଷ ବୟସ୍କା ବାଳିକାକୁ ୟୁନିଫର୍ମ ପିନ୍ଧା ‘ଚାରି ଜଣ ଯବାନ’ ଧର୍ଷଣ କରିଥିଲେ। ଏ ବିଷୟରେ ଅକ୍ଟୋବର ୧୦ ତାରିଖରେ ଅଭିଯୋଗ ହେଲା। ଅଭିଯୋଗ ଉପରେ ତୁରନ୍ତ ତଦନ୍ତ ଆରମ୍ଭ ହେଲା। ତଦନ୍ତ ନିୟମ ଅନୁଯାୟୀ ପୀଡ଼ିତାର ଅନ୍ତର୍ବସ୍ତ୍ରର ପରୀକ୍ଷା ପାଇଁ ଭୁବନେଶ୍ବର ସ୍ଥିତ ରାଜ୍ୟ ଫୋରେନ୍ସିକ ଲାବୋରେଟୋରିକୁ ପଠାଗଲା। କିନ୍ତୁ ସେହି ରିପୋର୍ଟ ଆସିବା ପୂର୍ବରୁ ନଭେମ୍ବର ୮ ତାରିଖରେ କୋରାପୁଟ ଜିଲ୍ଳା ଆରକ୍ଷୀର ଅଧୀକ୍ଷକ କହିଲେ ଯେ ଧର୍ଷଣ ଅଭିଯୋଗ ମିଛ। ସେ ଏହା ଡାକ୍ତରୀ ରିପୋର୍ଟ ଆଧାରରେ କହିଥିଲେ। ଏହି ରିପୋର୍ଟ ଆଧାରରେ କ୍ରାଇମ ବ୍ରାଞ୍ଚ ପୁଲିସ ବି ଏକ କାହାଣୀ ବନାଇ କହିଲା ଯେ ଏହା ଏକ ପ୍ରେମଜନିତ ବ୍ୟାପାର! ଠିକ ଯେମିତି କୃଷକମାନେ ପ୍ରେମ ବ୍ୟାପାରରେ ବିଫଳ ହୋଇ ବିଲମୁଣ୍ଡରେ ଆତ୍ମହତ୍ୟା କରୁଛନ୍ତି!


News Story - Posted on 2018-01-25

‘ଲୋକେ ହିଁ ଗଣତନ୍ତ୍ରର ମୂଳାଧାର’



ଭାରତର ରାଷ୍ଟ୍ରନିର୍ମାଣ ଅଭିଯାନର ଏକ ଗୁରୁତ୍ୱପୂର୍ଣ୍ଣ ଉଦ୍ଦେଶ୍ୟ, ଏକ ଉନ୍ନତ ବିଶ୍ୱ ନିର୍ମାଣରେ ମଧ୍ୟ ଯୋଗଦାନ ଦେବା-ଏପରି ବିଶ୍ୱ, ଯାହା ମିଳାମିଶା ଏବଂ ଆପୋସ ସୌହାର୍ଦ୍ଦ୍ୟରେ ପରିପୂର୍ଣ୍ଣ ହୋଇଥିବ ଏବଂ ଯାହାର ନିଜ ସହିତ ଏବଂ ପ୍ରକୃତି ସହିତ, ଶାନ୍ତିପୂର୍ଣ୍ଣ ସମ୍ପର୍କ ଥିବ । ଏହା ହିଁ ‘ବସୁଧୈବ କୁଟୁମ୍ବକମ’ର ସଠିକ ଅର୍ଥ ଅଟେ ବୋଲି ସେ କହିଛନ୍ତି । ଆଜିର ଉତ୍ତେଜନାପୂର୍ଣ୍ଣ ଏବଂ ଆତଙ୍କବାଦ ଦ୍ୱାରା ପ୍ରଭାବିତ ଯୁଗରେ ଏହି ଆଦର୍ଶ ହୁଏତ ବ୍ୟାବହାରିକ ଲାଗିନପାରେ, କିନ୍ତୁ ଏହି ଆଦର୍ଶ ହଜାର ହଜାର ବର୍ଷ ଧରି ଆମ ସମସ୍ତଙ୍କୁ ପ୍ରେରଣା ଦେଇ ଆସିଛି । ଏହାର ଝଲକ ଆମ ସମ୍ବିଧାନ ମୂଲ୍ୟବୋଧରେ ମଧ୍ୟ ପ୍ରତିଫଳିତ ହୋଇଥାଏ । ଆମ ସମାଜ ଏହି ସିଦ୍ଧାନ୍ତ ଉପରେ ଆଧାରିତ । 


News Story - Posted on 2018-01-25

ଗାଣ୍ଡିବ ଧରିବ କିଏ?



ବହୁ ବିଳମ୍ବ କରିଦେଲେ ଓଡ଼ିଶାର ଶାସକ । କିଏ କାହାକୁ ସମ୍ମାନ ଦେଲେନି । ଅପରାଧୀଙ୍କୁ ଖସାଇ ଦେବାର ପ୍ରୟାସ କରି ପୀଡ଼ିତାକୁ ପାଗଳି ପ୍ରାୟ କରିଦେଲେ, ବ୍ୟବସ୍ଥା ଜାଲଟିଏ ବିଛାଇଦେଲେ । ଅସହିଷ୍ଣୁ ହୋଇ ଉଠିଲା ପୀଡ଼ିତାର ମନ । କହିଲା ନା’ ଆଉ ପାରିବିନି, ନ୍ୟାୟ ନ ମିଳିଲେ ଆତ୍ମହତ୍ୟା । ଏପରି ଏକ କରୁଣ ବାକ୍ୟ ଧର୍ଷିତାଙ୍କଠାରୁ ସମସ୍ତେ ଶୁଣିଥିଲେ । ବିଜେପିର ବିଚାର ବେଟି ବଚାଓ ଓ ବେଟି ପଢ଼ାଓର ନାରା ଆଜି ନିରୁଦ୍ଦିଷ୍ଟ । ପଦ୍ମଫୁଲ କନା ଗଜ ପକାଇ ନାରୀନେତ୍ରୀମାନେ ନାରୀ ଶକ୍ତିର ପ୍ରତୀକ ବିଜେପି ବୋଲି କହନ୍ତି । କିନ୍ତୁ ସେଇ ନିଷ୍ପାପ ପ୍ରାଣରେ ପଦ୍ମଫୁଲ ହସଟିଏ ଫୁଟାଇ ପାରିଲେନି କାହିଁକି? କ’ଣ ପାଇଁ ଏମାନଙ୍କ ନୀରବତା? ଆଜି ବନ୍ଦ କରି କାହାପାଇଁ କାନ୍ଦୁଛନ୍ତି? ଏପରି ଛଳନାତ୍ମକ ସନ୍ଦେଶ କାହା ସ୍ୱାର୍ଥରେ? 


News Story - Posted on 2018-01-25

ଓଡ଼ିଶାରେ ଏବେ ଦୁଷ୍କର୍ମ ଋତୁ!



ଆମେ କେତେ ଆଧୁନିକତା ଆଡ଼କୁ ଗତିି କଲେ ମଧ୍ୟ ଏ ସମାଜ କେବେ ପୁରୁଷ ରୂପରେ ଥିବା ଏଭଳି ଜଘନ୍ୟ ଅପରାଧ କରୁଥିବା କାପୁରୁଷଙ୍କୁ ସମାଲୋଚନା କରେ ନାହିଁ, ପ୍ରଶ୍ନ କରେ ନାହିଁ କି କଳଙ୍କ ବି ଦିଏ ନାହିଁ । ଆମ ବ୍ୟବସ୍ଥା ଓ ସମାଜ ସବୁବେଳେ ଝିଅ ଆଡ଼କୁ ଅଙ୍ଗୁଳି ନିର୍ଦ୍ଦେଶ କରେ । କେବଳ ଲୋକଙ୍କର ଚାହାଣୀ ହିଁ ପୀଡିତା ପାଇଁ ଯଥେଷ୍ଟ । କାରଣ ଲୋକଙ୍କର ଚାହାଁଣି ସବୁ କିଛି ବୟାନ କରି ଦିଏ । ସତେ ଯେମିତି ସବୁ ଭୁଲ ଝିଅର । ଆଉ ସବୁଠୁ ବଡ ଭୁଲ ଝିଅ ହୋଇ ଜନ୍ମ ହେବା । ମହିଳାମାନଙ୍କୁ ତ୍ୱରିତ ନ୍ୟାୟ ଦେବା ପାଇଁ ପ୍ରତି ମହିଳା ଥାନାରେ ମହିଳା ଡେସ୍କ ଥିବାବେଳେ ରାଜଧାନୀରେ ମହିଳା କମିଶନ ମଧ୍ୟ ରହିଛି । କିନ୍ତୁ ଆଜିର ଲଜ୍ଜାଜନକ ଘଟଣା ସବୁକୁ ଦେଖିଲେ ମନେ ହୁଏ ସତେ ଯେମିତି ଏସବୁ ଆଦର୍ଶ ବ୍ୟବସ୍ଥାରେ କଳଙ୍କି ଲାଗି ଯାଇଛି । ତେବେ ଏ ବ୍ୟବସ୍ଥା କାହାପାଇଁ? ବାସ୍ତବରେ କେହି ନ୍ୟାୟ ଦେଇ ପାରେ ପୀଡିତାକୁ? ଶାରୀରିକ, ମାନସିକ ଓ ସାମାଜିକ ଯନ୍ତ୍ରଣା ସାଙ୍ଗକୁ ନିଷ୍ଠୁର ସତକୁ କହି କହି ଶେଷରେ ପୀଡିତା ଆତ୍ମହତ୍ୟା ଭଳି ଚରମ ପଦକ୍ଷେପ ବାଛି ନିଏ । ନା ଥାଏ କହିବାର ସାହସ ନା ସହିବାର? 


News Story - Posted on 2018-01-24

ଡେଙ୍ଗା ମଣିଷ, ବାମନ ମୃତ୍ୟୁ!



ଶେଷ ଜୀବନରେ ପରିବାରଠାରୁ ଦୂରେଇ ରହିଥିôବା ବିଜୁବାବୁଙ୍କୁ କିନ୍ତୁ ଏ ଜାତି ତାଙ୍କ ସ୍ୱର୍ଗବାସରେ ପ୍ରେମର ଯେଉଁ ପୁରସ୍କାର ଦେଲା ତାହାରି ଫଳଶ୍ରୁତି ହେଉଛନ୍ତି ନବୀନ ପଟ୍ଟନାୟକ ଏବଂ ତାଙ୍କର ବିଜୁ ଜନତା ଦଳ । ଏହି ଦଳ ବିଜୁବାବୁଙ୍କ ନାମକୁ ଅସ୍ତ୍ର କରି ୧୯୯୭ ପରଠାରୁ ସବୁ ନିର୍ବାଚନ ଜିତି ଚାଲିଛି ଏବଂ ୨୦୦୦ ମସିହାରୁ ରାଜ୍ୟର ମୁଖ୍ୟମନ୍ତ୍ରୀ ପଦରେ ଅଛନ୍ତି ନବୀନ ପଟ୍ଟନାୟକ । ପାପଠାରୁ ପ୍ରାୟଶ୍ଚିତ ବଳି ଗଲାଣି, ତଥାପି ‘ପ୍ରାଚୁର୍ଯ୍ୟ ଭିତରେ ଦାରିଦ୍ର୍ୟ’ର ଦୁଃସ୍ଥିତି ଦୂର ହୋଇନାହିଁ । ଓଡ଼ିଶାବାସୀ ଯଦି ବିଜୁବାବୁଙ୍କୁ ଏତିକି ଭଲ ପାଇବା ତାଙ୍କ ଜୀବଦ୍ଦଶାରେ ଦେଇଥାନ୍ତେ ତେବେ ଓଡ଼ିଶାର ଚେହେରା ଆଜି ନିଶ୍ଚୟ ଅଲଗା ହୋଇଥାନ୍ତା- ବର୍ତ୍ତମାନଠାରୁ ସଂପୂର୍ଣ୍ଣ ଭିନ୍ନ, ଅଧିକ ଉଜ୍ଜ୍ୱଳ । 


News Story - Posted on 2018-01-23

କୁନ୍ଦୁଲି କଥା-ବ୍ୟବସ୍ଥାର ପକ୍ଷାଘାତ



କୁନ୍ଦୁଲୀ ପୀଡ଼ିତାଙ୍କ ଆତ୍ମହତ୍ୟା ଆମ ସମସ୍ତଙ୍କ ପ୍ରତି ଏକ ଉପହାସ । ଆମ ବ୍ୟବସ୍ଥାରେ ତଥାପି ଖାଲି ପଡ଼ିଥିବା ଅନେକ ଶୂନ୍ୟସ୍ଥାନ ପ୍ରତି କେବଳ ଅଟ୍ଟହାସ୍ୟ । ବୋଧହୁଏ ବ୍ୟବସ୍ଥାକୁ ପରିଚାଳନା କରୁଥିବା ମଣିଷଟାର ଅଣସମ୍ବେଦନଶୀଳତା ହିଁ ଏଥିପାଇଁ ଦାୟୀ । ବ୍ୟବସ୍ଥା କରିଛେ ସତ, ମାତ୍ର ସମ୍ବେଦନଶୀଳ ଭାବେ ଏହାକୁ ପରିଚାଳନା କରିବାର କୌଶଳ ଆମପାଖରେ ନାହିଁ । ଦୁଃଖରେ ପଡ଼ିଥିବା ମଣିଷଟାର ଦୁଃଖ ଦୂରକରିବା ପରିବର୍ତ୍ତେ ଆମେ ତାକୁ କାଗଜପତ୍ରର ଗୋଲକ ଧନ୍ଦାରେ ଏମିତି ଛନ୍ଦି ଦେଉଛେ ଯେ ସେ ସେଠୁ ବାହାରି ପାରୁନାହିଁ । ଆଉ କୁନ୍ଦୁଲି ପୀଡ଼ିତା ପରି ବାଳିକାର ମୃତ୍ୟୁ ଦେଖାଇ ଦେଉଛି ଯେ ଆମ ବ୍ୟବସ୍ଥାକୁ ପକ୍ଷାଘାତ ହୋଇ ସାରିଛି । ଏବେ ବି ଆମେ ଅଣସମ୍ବେଦନଶୀଳ ଭାବେ ଆମେ ଧର୍ଷିତା ସହ ବ୍ୟବହାର କରୁଛେ । ଏତେ ବ୍ୟବସ୍ଥା ଭିତରେ କାହାରି ସହିିତ କାହାର ତାଳମେଳ ନାହିଁ । ପକ୍ଷାଘାତ ରୋଗୀ ପରି ଆମ ବ୍ୟବସ୍ଥା ବି ଏପରି ଧର୍ଷିତାମାନଙ୍କୁ ତୁରନ୍ତ ନ୍ୟାୟ ପ୍ରଦାନ ନିମନ୍ତେ କିଛି କରି ପାରୁନାହିଁ । ଧୀରେ ସୁସ୍ଥେ ଚାଲୁଥିବା ବ୍ୟବସ୍ଥାରେ ଧର୍ଷିତାମାନେ ବ୍ୟବସ୍ଥା ଉପରୁ ଭରସା ଉଠାଇ ଦେଉଛନ୍ତି । ଆଉ କିଛି ଦିନ ଏପରି ଚାଲିଲେ ପକ୍ଷାଘାତରେ ଚାଲୁଥିବା ଏହି ବ୍ୟବସ୍ଥାର ମୃତ୍ୟୁ ଘଟିବ । ଆଉ ଆମ ନିଜ ଭିତରେ ଟିକିଏ ସମ୍ବେଦନଶୀଳତା ଭର୍ତ୍ତି ନକରି ପାରିଲେ ଆମେ ମରିଯାଇଥିବା ବ୍ୟବସ୍ଥାର ଶବକୁ କାନେ୍ଧଇ ଚାଲିବାକୁ ବାଧ୍ୟ ହେବା ।


News Story - Posted on 2018-01-22

ଆଦର୍ଶର ଆତ୍ମହତ୍ୟା- କୁନ୍ଦୁଲିର କଥା



ଦାରିଦ୍ର୍ୟ ଓ ଦଳିତର ପରିଚୟ ନେଇ ସମାଜ କି ସରକାରକୁ ଭୟ କରି ନଥିଲା ନାବାଳିକା ଝିଅଟି । ନିଜ ଇଜ୍ଜତ ପାଇଁ ଲଢ଼ିଥିଲା । ରାକ୍ଷସମାନଙ୍କ ବିରୋଧରେ ଉଠାଇଥିଲା ଅଭିଯୋଗର ସ୍ୱର । ଆଦର୍ଶ ହୋଇଯାଇଥିଲା ତା’ରି ବୟସର ଅନ୍ୟ ଝିଅମାନଙ୍କର । ସାହସ ଭରି ଦେଇଥିଲା ସମସ୍ତଙ୍କ ମନରେ । ଆଜି ସେ ଆତ୍ମହତ୍ୟା କଲା । ଆଦର୍ଶର ଅପମୃତ୍ୟୁକୁ ସାମ୍ନା କଲା ଓଡ଼ିଶା ଶାସନ ।


News Story - Posted on 2018-01-22

ଟାର୍ଗେଟରେ କାହିଁକି କେବଳ ଆପ୍?



ତେବେ ଯାହା ବି ହେଲେ ସେମାନେ ଏହି ପଦରେ କିଛି ଦିନ ଥିଲେ । ସେଇ ଦୋଷ ପାଇଁ ସେମାନଙ୍କ ଅଯୋଗ୍ୟ ଘୋଷଣା କରାଯାଇଛି । ନିର୍ବାଚନ କମିଶନ ବିନା ବିଚାରରେ ଯେପରି ସୁପାରିଶ କଲେ ରାଷ୍ଟ୍ରପତି ମଧ୍ୟ ସେମାନଙ୍କୁ ନଶୁଣି ଦଣ୍ଡ ଘୋଷଣା କଲେ । ଏହା କ’ଣ ରାଜନୀତିକ ଉଦ୍ଦେଶ୍ୟ ପ୍ରଣୋଦିତ ନୁହେଁ? ଶୁକ୍ରବାର ସୁପାରିଶ ଓ ରବିବାର ନିଷ୍ପତ୍ତି । ରବିବାର ଏକ ଛୁଟିଦିନ ହୋଇଥିଲେ ବି ଆଇନ ମନ୍ତ୍ରଣାଳୟ ତରଫରୁ ବିଜ୍ଞପ୍ତି ଜାରି । ଏସବୁ ତରବରିଆ କାମରୁ କି ସଂକେତ ମିଳୁଛି? କେନ୍ଦ୍ରରେ କ୍ଷମତାରେ ଥିବା ଭାରତୀୟ ଜନତା ପାର୍ଟି ଓ ଦିଲ୍ଲୀରେ କ୍ଷମତାରେ ଥିବା ଆମ୍ ଆଦମୀ ପାର୍ଟି ମଧ୍ୟରେ ବିବାଦ କାହାକୁ ଅଛପା ନୁହେଁ । ସେହିପରି ମୁଖ୍ୟ ନିର୍ବାଚନ କମିଶନ ଅଚଳ କୁମାର ଜ୍ୟୋତି ଏକଦା ଗୁଜରାଟ ମୁଖ୍ୟମନ୍ତ୍ରୀ ନରେନ୍ଦ୍ର ମୋଦିଙ୍କର ପ୍ରମୁଖ ସଚିବ ଓ ମୁଖ୍ୟ ଶାସନ ସଚିବ ଥିଲେ । ସେ ଗୁଜରାଟ କ୍ୟାଡରର ଆଇଏଏସ ଅଧିକାରୀ । ରାଷ୍ଟ୍ରପତି ରାମନାଥ କୋବିନ୍ଦ ରାଷ୍ଟ୍ରପତି ହେବା ପର୍ଯ୍ୟନ୍ତ ଭାରତୀୟ ଜନତା ପାର୍ଟିର ନେତା ଥିଲେ । ସେ ମଧ୍ୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପରି ରାଷ୍ଟ୍ରୀୟ ସ୍ୱୟଂସେବକ ସଂଘର ଜଣେ ପ୍ରତିଷ୍ଠିତ କ୍ୟାଡର । ଏଭଳି ସଂପର୍କ ଭିତ୍ତିରେ ଏଭଳି ନିଷ୍ପତ୍ତି ନିଶ୍ଚୟ ଏହା ପଛରେ ରାଜନୀତିକ ଉଦ୍ଦେଶ୍ୟ ଥିବା ନେଇ ସନ୍ଦେହ ସୃଷ୍ଟି କରେ ।


News Story - Posted on 2018-01-21

ତୋଗାଡ଼ିଆଙ୍କ ଲୁହର ଅର୍ଥ



ଆତ୍ମଘୋଷିତ ହିନ୍ଦୁ ନେତା ଯେ ତୋଗାଡ଼ିଆଙ୍କ ନାମକୁ ଥରକୁ ଥର ଉଲ୍ଲେଖ କରିବାର ଆବଶ୍ୟକତା ଏହା ଯେ, ୯୦ ଦଶକରେ ଗୋଟିଏ ସ୍କୁଟରରେ ବସି ଗୁଜୁରାଟରେ ନରେନ୍ଦ୍ର ମୋଦି-ପ୍ରବୀଣ ତୋଗାଡ଼ିଆ ଭ୍ରମଣ କରୁଥିଲେ । ସାଥିହୋଇ ସଂଘ ପଦାଧିକାରୀଙ୍କୁ ସାକ୍ଷାତ କରୁଥିଲେ । ବନ୍ଧୁତ୍ୱ ୨୦ବର୍ଷ ଧରି ଘନିଷ୍ଠ ଥିଲା । ଆଜି ଶ୍ରୀ ତୋଗାଡ଼ିଆ ଶ୍ରୀ ମୋଦିଜୀଙ୍କ କାର୍ଯ୍ୟକୁ ନେଇ ପ୍ରଶ୍ନ କରିଛନ୍ତି, ସୁରକ୍ଷା ଏବଂ ତଦନ୍ତକାରୀ ସଂସ୍ଥା ତାଙ୍କୁ ଏନକାଉଣ୍ଟର୍‍ କରି ମାରିଦେବାକୁ ଷଡ଼ଯନ୍ତ୍ର କରୁଥିବା କହି ଆଖିରୁ ଲୁହ ଗଡ଼ାଉଛନ୍ତି ।


News Story - Posted on 2018-01-21

ମାସେ ପରେ- ଦାମ ବିଦା ହେଲେ କିଆଁ?



ହୋଇଥିବ, ଡାକ୍ତର ରାଉତ ଯାହା କହୁଛନ୍ତି ତାହା ସତ ହୋଇଥିବ । ମାତ୍ର, ରାୟଗଡ଼ା ନହେଲେ ବି ମୟୂରଭଂଜ ଦୁର୍ନୀତି କଥା ନେଇ ତାଙ୍କ ବିଷୟରେ କେତେକ ଗଣମାଧ୍ୟମରେ ଚର୍ଚ୍ଚା ହୋଇଛି । ତାହାକୁ ଡାକ୍ତର ରାଉତ ଏଯାଏଁ ଖଣ୍ଡନ କରି ନାହାନ୍ତି । କେତେକ ଓଡ଼ିଆ ଖବରକାଗଜରେ ପ୍ରକାଶିତ ରିପୋର୍ଟ ଅନୁଯାୟୀ ଡାକ୍ତର ଦାମୋଦର ରାଉତ କୃଷି ମନ୍ତ୍ରୀ ହିସାବରେ ମୟୂରଭଂଜରେ ପ୍ରାୟ ୨୫୦ କୋଟି ଟଙ୍କାର ଏକ ଚାରା ଘୋଟାଲା ଧରିଥିଲେ । ଉଦ୍ୟାନ କୃଷି ବିଭାଗ ତରଫରୁ ମୟୂରଭଂଜରେ ରବର, ଆମ୍ବ, କାଜୁ, ପଣସ, ପିଜୁଳି ଆଦି ଅନେକ ପ୍ରକାର ଚାଷ ପାଇଁ କାର୍ଯ୍ୟକ୍ରମ ହାତକୁ ନିଆଯାଇଥିଲା । ଏ ବାବଦ ପାଣ୍ଠି ଖର୍ଚ୍ଚ ହୋଇଥିଲେ ବି ଗଛ କି ବଗୀଚାର ଦେଖା ନାହିଁ । ମିଥ୍ୟା ବିଲ୍ ଜରିଆରେ ଏହି ୨୫୦ କୋଟି ଟଙ୍କା ହଡ଼ପ କରାଯାଇଛି ବୋଲି ରିପୋର୍ଟ ପ୍ରକାଶ ପାଇଛି ।


News Story - Posted on 2018-01-19

ପଦ ହରେଇବେ ୨୦ ଆପ୍ ବିଧାୟକ



ଏଭଳି ଅଭିଯୋଗ ଦାଏର ହେବା ପୂର୍ବରୁ ଆମ ଆଦମୀ ପାର୍ଟି ସରକାର ଦିଲ୍ଳୀ ବିଧାନସଭାରେ ଦିଲ୍ଲୀ ବିଧାୟକ ସଦସ୍ୟ ପଦ ରଦ୍ଦ ଆଇନ ୧୯୯୭ରେ ସଂଶୋଧନ କରି ସଂସଦୀୟ ସଚିବ ପଦ ଲାଭବାନ ପଦବୀ ନୁହେଁ ବୋଲି ସ୍ଥିର କରିଥିଲେ । ବିଧାନସଭାରେ ପାଶ୍ ହୋଇଥିବା ଏହି ବିଲ୍ ରାଷ୍ଟ୍ରପତିଙ୍କ ଅନୁମୋଦନ ଲାଭ କରି ନଥିଲା । ତକ୍ରାଳୀନ ରାଷ୍ଟ୍ରପତି ପ୍ରଣବ ମୁଖାର୍ଜୀ ଏଥିରେ ଦସ୍ତଖତ କରି ନଥିଲେ । ଫଳରେ ବିଲ୍ ଆଇନରେ ପରିଣତ ହୋଇନଥିଲା । 


News Story - Posted on 2018-01-19

ନବୀନ କ’ଣ ନାଲାୟକ?



ନବୀନ ନିବାସ ଓ ସଚିବାଳୟର ତୃତୀୟ ମହଲା ମଧ୍ୟରେ ଆତଯାତ ହେଉଥିବା ଏହି ଅଫିସର ଜଣକ ଯେ ଜିଲ୍ଲା ଓ ବ୍ଲକ ଗସ୍ତ କରି ରାଜନୀତି ବା ରାଜନୀତିକ ଷଡ଼ଯନ୍ତ୍ର କରୁଥିବେ ତାହା କୁହାଯାଇ ପାରିବ ନାହିଁ । କାରଣ ସେଥିପାିଁ ତାଙ୍କ ନିକଟରେ ସମୟ ନାହିଁ । ସେ ଫୋନ ଯୋଗେ ହୁଏତ ଦଳର ଅନେକ ନେତାଙ୍କ ସହିତ ଆଲୋଚନା କରୁଥିବେ । ତାଙ୍କ ଫୋନ୍ କଲ୍ ଯାଞ୍ଚ କଲେ ଏହା ସ୍ପଷ୍ଟ ହୋଇଯାଇପାରେ । ସେ ଅଫିସ ଫୋନରୁ ରାଜନୀତି ଆଲୋଚନା କରୁଥିଲେ ତାହାର ରେକର୍ଡ଼ ମଧ୍ୟ ସଂପୃକ୍ତ ଫୋନ୍ ଅଫିସରୁ ମିଳିଯିବ । ଫୋନ ଜରିଆରେ ସେ ଷଡ଼ଯନ୍ତ୍ର ରଚନା କରୁ ନଥିଲେ ଦଳର ଅନ୍ୟ କୌଣସି ନେତାଙ୍କ ଜରିଆରେ ସେପରି କରୁଥିବେ । ସେମାନେ ତେବେ କିଏ?


News Story - Posted on 2018-01-18

ଉତ୍ତରପୂର୍ବରେ ବାଜିଲା ନିର୍ବାଚନୀ ବିଗୁଲ



ମୁଖ୍ୟ ନିର୍ବାଚନ କମିଶନରଙ୍କ ଘୋଷଣା ଅନୁସାରେ ତ୍ରିପୁରାର ୬୦ ସଦସ୍ୟ ବିଶିଷ୍ଟ ବିଧାନସଭାର କାର୍ଯ୍ୟକାଳ ମାର୍ଚ୍ଚ ୧୪ ତାରିଖରେ ଶେଷ ହେଉଛି । ସେହିପରି ମେଘାଳୟର ୬୦ ସଦସ୍ୟ ବିଶିଷ୍ଟ ବିଧାନସଭାର କାର୍ଯ୍ୟକାଳ ମାର୍ଚ୍ଚ ୬ ତାରିଖରେ ଓ ୬୦ ସଦସ୍ୟ ବିଶିଷ୍ଟ ନାଗାଲାଣ୍ଡ ବିଧାନସଭାର କାର୍ଯ୍ୟକାଳ ମାର୍ଚ୍ଚ ୧୩ ତାରିଖରେ ଶେଷ ହେଉଛି । ତ୍ରିପୁରାରେ ବାମପନ୍ଥୀ ମେଣ୍ଟ ଶାସନ କ୍ଷମତାରେ ଥିଲାବେଳେ ମେଘାଳୟରେ କଂଗ୍ରେସ ଓ ନାଗାଲାଣ୍ଡରେ ନାଗା ପିପୁଲ୍ସ ଫ୍ରଣ୍ଟ ନେତୃତ୍ୱାଧୀନ ଡେମୋକ୍ରାଟିକ ଆଲିଆନ୍ସ କ୍ଷମତାରେ ରହିଛି । ଏହି ସରକାରକୁ ଭାରତୀୟ ଜନତା ପାର୍ଟି ସମର୍ଥନ କରୁଛି ।


News Story - Posted on 2018-01-18

ପାଣ୍ଡିଆନଙ୍କ ଦୋଷ କ’ଣ?



ଜଣେ ଅଧସ୍ତନ ଅଧିକାରୀ ମୁଖ୍ୟମନ୍ତ୍ରୀଙ୍କ ଆଦେଶକୁ ଅବମାନନା କରିପାରିବ କି? ହଁ, ଯଦି କିଛି ବେଆଇନ ଆଦେଶ ଦିଆଯାଇଛି, ଯାହା ଆଇନର ଶାସନ ବାହାରେ ତେବେ ସେ ତାହା କରିପାରିବେ । କାରଣ ଅନ୍ୟ ସମସ୍ତଙ୍କ ଭଳି ଆଇଏଏସ ଅଫିସରମାନେ ମଧ୍ୟ ଏ ଦେଶରେ ଆଇନର ଶାସନ ପାଇଁ ସଂକଳ୍ପବଦ୍ଧ । ଆଇନ ବାହାରେ କୌଣସି କାର୍ଯ୍ୟ କରିବା ପାଣ୍ଡିଆନ କାହିଁକି ପିଅନଠାରୁ ଆରମ୍ଭ କରି ପ୍ରଧାନମନ୍ତ୍ରୀଙ୍କ ପର୍ଯ୍ୟନ୍ତ ସମସ୍ତଙ୍କ ପକ୍ଷରେ ଦୋଷାବହ । ମାତ୍ର, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯଦି ପାଣ୍ଡିଆନଙ୍କୁ ତାଙ୍କର ବ୍ୟକ୍ତିଗତ ସଚିବ ଭାବେ ନିଯୁକ୍ତି ଦେବା ପରେ ତାଙ୍କର ପ୍ରାଶାସନିକ କାର୍ଯ୍ୟରେ ଅଧିକ ଭରସା କଲେ ଓ ଅଧିକ ଦାୟିତ୍ୱ ଦେଲେ, ତେବେ ପାଣ୍ଡିଆନ ମହାଶୟ ଜଣେ ଅଧସ୍ତନ ଅଧିକାରୀ ଭାବେ ତାହା ପ୍ରତ୍ୟାଖ୍ୟାନ କରିପାରିଥାନ୍ତେ କି?


News Story - Posted on 2018-01-15

ନିର୍ବାଚନୀ ବଣ୍ଡ୍- ଦୁର୍ନୀତିର ରାଜନୀତି



ଗଣତନ୍ତ୍ରରେ ଧନତନ୍ତ୍ରର ପ୍ରଭାବ ବଢିବଢି ଚାଲିଛି। ଏହି ସମୟରେ ରାଜନୈତିକ ଦଳର ପାଣ୍ଠି ସଂଗ୍ରହ ପଦ୍ଧତିକୁ ଏବଂ ନିର୍ବାଚନ ସଂସ୍କାରକୁ ନେଇ ଗୁରୁତ୍ୱାରୋପ କରାଯାଉଛି। ନିକଟରେ ସରକାର ଏକ ବିଧିବ୍ୟବସ୍ଥା ଅନୁଯାୟୀ ନିର୍ବାଚନୀ ବଣ୍ଡ୍ ବ୍ୟବସ୍ଥାକୁ କାର୍ଯ୍ୟକାରୀ କରିବା ପାଇଁ ନିଷ୍ପତ୍ତି ନେଇଛନ୍ତି। ବଣ୍ଡ ବ୍ୟବସ୍ଥା ଅନୁଯାୟୀ ଦଳଗୁଡ଼ିକୁ ଯେଉଁମାନେ ଚାନ୍ଦାଦେବେ ସେମାନଙ୍କ ନାମ ଗୋପନ ରହିବ। ସେମାନେ ଭାରତର ଷ୍ଟେଟ‍୍‌ ବ୍ୟାଙ୍କ୍ ଅଫ୍ ଇଣ୍ଡିଆ(ଏସ‍୍‌ବିଆଇ)ରୁ ୧ ହଜାର, ୧୦ ହଜାର, ୧ ଲକ୍ଷ, ୧୦ ଲକ୍ଷ ଏବଂ ୧ କୋଟି ଟଙ୍କାର ବଣ୍ଡ୍ କିଣି ରାଜନୈତିକଦଳକୁ ଚାନ୍ଦା ଭାବେ ଦେଇପାରିବେ। ଗୋଟିଏ ପକ୍ଷରେ କର୍ପୋରେଟ ହାଉସକୁ ଟିକସ ଛାଡ଼ କରାଯାଉଛି। ରାଜନୈତିକ ଦଳଗୁଡ଼ିକୁ ଗୋପନରେ ବ୍ୟକ୍ତି ଓ ସଂସ୍ଥାଗୁଡ଼ିକ ଚାନ୍ଦା ଦେଉଛନ୍ତି। ରାଜନୈତିକ ଦଳକୁ ଚାନ୍ଦା ଦେବାର ଯେଉଁ ନିୟମ ଥିଲା ତାହାକୁ ପରିବର୍ତ୍ତନ କରି ବିଦେଶୀ କମ୍ପାନୀ ଏଣିକି ଦଳଗୁଡ଼ିକୁ ଚାନ୍ଦା ଦେଇପାରିବେ ବୋଲି ନୀତି ପ୍ରଣୟନ ହେବାକୁ ଯାଉଛି। ଯେଉଁ କମ୍ପାନୀଗୁଡ଼ିକ ଦଳଗୁଡ଼ିକୁ ପାଣ୍ଠି ଦେବେ ସେମାନଙ୍କର ସ୍ୱାର୍ଥକୁ ଆଖିଆଗରେ ରଖି ହିଁ ଚାନ୍ଦା ଦେବେ। ପ୍ରଭାବିତ କରିବେ ସରକାରୀ ଦଳକୁ ଏବଂ ସରକାରଙ୍କୁ ତେବେ ନୂଆ ସମ୍ଭାବ୍ୟ ନିୟମ ଅନୁଯାୟୀ ଯେଉଁଦଳ ଗତ ନିର୍ବାଚନରେ ଏକ ପ୍ରତିଶତରୁ ଅଧିକ ଭୋଟ ପାଇଥିବେ ସେହି ଦଳଗୁଡ଼ିକକୁ ହିଁ ଚାନ୍ଦା ଦେଇପାରିବେ।


News Story - Posted on 2018-01-13

ନବୀନବାବୁଙ୍କୁ ଚିହ୍ନିଛନ୍ତି?



ଓଡ଼ିଶା ରାଜନୀତିରେ ପ୍ରବେଶ କରିବା ପୂର୍ବରୁ ସେ କେଉଁ ପୋଷାକ ପିନ୍ଧୁଥିଲେ? କି ପ୍ରକାର ଜୀବନଶୈଳୀ ତାଙ୍କର ପସନ୍ଦ ଥିଲା? ଦିଲ୍ଲୀରେ ସେ କିଛି କାମଧନ୍ଦା କରୁଥିଲେ କି? କି କାମ କରୁଥିଲେ? କେତେ ରୋଜଗାର କରୁଥିଲେ? ସେଥିରେ ସେ ସଫଳ ହୋଇଥିଲେ ନା ନାହିଁ? କାହିଁକି ସଫଳ ହୋଇନଥିଲେ? ନା ସେ କିଛି କାମଧନ୍ଦା ନକରି ଖାଲି ଖାଇପିଇ ବାତରାମି କରୁଥିଲେ? 


News Story - Posted on 2018-01-12

ଲୋକପ୍ରିୟଙ୍କ ପ୍ରିୟଲୋକ!



ଦଳ ଓ ଶାସନରେ ହୋଇଥିବା ତ୍ରୁଟିବିଚ୍ୟୁତ ପାଇଁ ଦଳୀୟ ନେତାମାନେ ପ୍ୟାରୀ, ପାଣ୍ଡିଆନ ଓଗେରଙ୍କୁ ଦୋଷ ଦେଇଛନ୍ତି । ବିରୋଧୀ ଦଳର ନେତାମାନେ ମଧ୍ୟ କିଛି ନବୁଝି ନବୀନଙ୍କ ଏଇ କୌଶଳରେ ଫଶିଛନ୍ତି । କେହି ବୋଧହୁଏ ଏଯାଏଁ ବୁଝି ନାହାନ୍ତି ଯେ ନବୀନ ହିଁ ସବୁ କରୁଛନ୍ତି । ସମସ୍ତ ଦୁର୍ନୀତି, ତ୍ରୁଟି, ଅବହେଳା ଓ ଅପାରଗତା ପାଇଁ କେବଳ ସେ ହିଁ ଦାୟୀ । କାରଣ ଲୋକେ ତାଙ୍କୁ ହିଁ ଭୋଟ ଦେଇଛନ୍ତି, ସେ ହିଁ ଉତ୍ତରଦାୟୀ । ସେ ମୁଖ୍ୟମନ୍ତ୍ରୀ ପଦରେ ରହିବେ, ଅଥଚ ଦୋଷ ମୁଣ୍ଡେଇବେ ଅନ୍ୟମାନେ! ଏହା କି ପ୍ରକାର ଗଣତନ୍ତ୍ର? କି ପ୍ରକାର ରାଜନୀତି? ବିଜେଡି ଓ ବିପକ୍ଷ ନେତାମାନେ ବାରମ୍ବାର ନବୀନଙ୍କୁ ଛାଡ଼ି ଅନ୍ୟମାନଙ୍କୁ କ୍ଷମତା କେନ୍ଦ୍ର ଭାବେ ପ୍ରଚାରିତ କରିବା ଦ୍ୱାରା ନବୀନଙ୍କ ନିଷ୍କଳଙ୍କ ଭାବମୂର୍ତ୍ତି ଅତୁଟ ରହିଛି । ତାହା ହିଁ ତାଙ୍କର ରାଜନୀତିକ ପୁଂଜି । ତାହା ହିଁ ତାଙ୍କର ଶକ୍ତି ହୋଇଯାଇଛି । 


News Story - Posted on 2018-01-10

କଂଗ୍ରେସ ନହେଲା ନାହିଁ, ବିକଳ୍ପ ଅନେକ!



ଆଜି ଚନ୍ଦ୍ରଶେଖର ସାହୁଙ୍କ ପାଇଁ କଂଗ୍ରେସ ଗୋଟିଏ ଆସେଟ୍ ହୋଇନପାରେ । ଦଳରେ ଥାଇ ଅଧିକ କାଳ ଅବହେଳିତ ରହିବା ଅପେକ୍ଷା ଜଣେ ବିଚକ୍ଷଣ ରାଜନେତା ଭାବରେ ଅନ୍ୟକୌଣସି ବିକଳ୍ପ ଦଳରେ ତାଙ୍କର ଯୋଗଦାନ ନିଶ୍ଚୟ ଶତ ପ୍ରତିଶତ ଗ୍ରହଣୀୟ ହୋଇପାରେ । ବର୍ତ୍ତମାନ ଶେଖର ଭାଇନାଙ୍କ ନୀରବତାର କାରଣ ହୁଏତ ଆତ୍ମସମୀକ୍ଷା ଓ ବିଚାର ବିମର୍ଶ ପାଇଁ ସେ ଚଳେଇଥିବା ବ୍ୟସ୍ତତା । ପାରିବାରିକ ଜଂଜାଳ ମୁକ୍ତ ଜୀବନରେ ସେ ଆଜି ବିପତ୍ନୀକ । ଜୀବନର ସାହଚର୍ଯ୍ୟ ଦେଇଆସୁଥିବା ପତ୍ନୀଙ୍କ ବିୟୋଗ ପରେ ସେ ହୁଏତ ମର୍ମାହତ । କିନ୍ତୁ ଆଜିର ସମୟରେ ସହରବାସୀ ଶେଖର ଭାଇନାଙ୍କ ପୁନରୁତ୍ଥାନ ପାଇଁ ସମ୍ଭାବନାମୟ ବିଚାର ନେଇ ତାଙ୍କୁ ଉତ୍ସାହିତ କରିବା ନିମନ୍ତେ କଂଗ୍ରେସ ନ ହେଲା ନାହିଁ ବିକଳ୍ପ ତ ଅନେକ ଅପେକ୍ଷାରେ । ଯେଉଁଥିରେ ଶେଖରଙ୍କ ରାଜନୈତିକ ଭବିଷ୍ୟତ ଶିଖରକୁ ଯେ ନ ଛୁଇଁବ କିଏ ବା କହିବ? ଏ ବିଷୟ ଆଜି ଚର୍ଚ୍ଚିତ । ୨୦୧୯ରେ ଶେଖରଙ୍କ ଭାଗ୍ୟ ଓ ଭବିଷ୍ୟତ ଅନେକ ସମ୍ଭାବନାର ଦୋ ଛକିରେ । ସମୟ ସାଥୀ ହେଲେ ହେଲା ।


News Story - Posted on 2018-01-09

ଦୁର୍ନୀତିର ସହଯୋଗୀ ନବୀନ ସରକାର!



ଏହା ପରଠାରୁ ଆଜି ପର୍ଯ୍ୟନ୍ତ ସରକାରୀସ୍ତରରେ କି କି ପଦକ୍ଷେପ ନିଆଯାଇଛି, ଏ ସମ୍ପର୍କରେ ସୂଚନା ଅଧିକାର ଆଇନ ବଳରେ ବିଡ଼ିଏ, ସିଡ଼ିଏ, ରାଜ୍ୟ ଗୃହ ନିର୍ମାଣ ସଂସ୍ଥା ଏବଂ ସାଧାରଣ ପ୍ରଶାସନ ବିଭାଗ ଅର୍ଥ ବିଭାଗକୁ ତଥ୍ୟ ମଗାଯାଇଥିଲା । ଗତ ତା ୪.୧୨.୨୦୧୭ରେ ସିଡ଼ିଏ ତରଫରୁ ଯୋଗାଇ ଦିଆଯାଇଥିବା ତଥ୍ୟ ଅନୁଯାୟୀ, ଇଚ୍ଛାଧୀନ କୋଟାରେ ପ୍ଲଟ ନେଇଥିବା ୧୦୯୧ ଜଣଙ୍କୁ କେବଳ ନୋଟିସ୍ କରାଯାଇଛି କିନ୍ତୁ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନାହିଁ । ସେହିପରି ଏକାଧିକ ପ୍ଲଟ ନେଇଥିବା ୧୨ ଜଣଙ୍କର ପ୍ଲଟକୁ ଖାରଜ କରାଯାଇଛି । କିନ୍ତୁ ଏହି ପ୍ଲଟଗୁଡ଼ିକୁ ସରକାରଙ୍କ ଅଧୀନକୁ ଅଣାଯାଇନାହିଁ । ସେହିପିର ୩.୧୦.୨୦୧୭ରେ ରାଜ୍ୟ ଗୃହ ନିର୍ମାଣ ସଂସ୍ଥା କି କି କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି, ଏହାର ତଥ୍ୟ ଦେଇଥିଲେ । ଉକ୍ତ ତଥ୍ୟରୁ ଜଣାପଡ଼ିଥିଲା ଯେ, ଇଚ୍ଛାଧୀନ କୋଟାରେ ଗୃହ ପାଇଥିବା ୬୭ ଜଣ ଏବଂ ମିଥ୍ୟା ସତ୍ୟପାଠ ଦେଇ ଦୁଇ ବା ତତୋଧିକ ଗୃହ ପାଇଥିବା ୨୪ ଜଣଙ୍କୁ କାରଣ ଦର୍ଶାଅ ନୋଟିସ୍ ଜାରି କରାଯାଇଛି । କିନ୍ତୁ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନାହିଁ । ପ୍ଲଟ ନେଇଥିବା ତିନିଜଣ ବ୍ୟକ୍ତି ସକଳ କୁମାର ମୌଲିକ, ପ୍ରଣବ ବଳବନ୍ତରାୟ ଏବଂ ସ୍ନିଗ୍ଧାରାଣୀ ସାହୁ ଜମି ଫେରସ୍ତ ପାଇଁ ଆବେଦନ କରିଥିଲେ ମଧ୍ୟ ଏପର୍ଯ୍ୟନ୍ତ ଗୃହ ନିର୍ମାଣ ସଂସ୍ଥା ସେମାନଙ୍କଠାରୁ ଫେରାଇ ଆଣିନାହାଁନ୍ତି । ବିଡ଼ିଏକୁ ସୂଚନା ଅଧିକାର ଆଇନ ବଳରେ ତଥ୍ୟ ମଗାଯାଥିଲେ ମଧ୍ୟ ଉକ୍ତ ସଂସ୍ଥା କୌଣସି ତଥ୍ୟ ଦେଇନଥିଲେ । ସାଧାରଣ ପ୍ରଶାସନ ବିଭାଗ କୌଣସି ପଦକ୍ଷେପ ଗ୍ରହଣ କରିନଥିଲା ବେଳେ ଅର୍ଥ ବିଭାଗ ଏପର୍ଯ୍ୟନ୍ତ ସ୍ୱତନ୍ତ୍ର ଅଡ଼ିଟ୍ ଶେଷ କରିବାରେ ସଫଳ ହୋଇପାରି ନାହିଁ । ସେହିପରି ରାଜ୍ୟ ଭିଜିଲାନ୍ସ କୌଣସି ତଥ୍ୟ ଦେବାକୁ ମନା କରିଥିଲେ ।


News Story - Posted on 2018-01-09

ନିର୍ବାଚନରେ ଚାଷୀଙ୍କ ରୋଷ



ଚଳିତ ବର୍ଷ କର୍ଣ୍ଣାଟକ, ରାଜସ୍ଥାନ, ମଧ୍ୟପ୍ରଦେଶ, ଛତିଶଗଡ ରାଜ୍ୟରେ ବିଧାନସଭା ନିର୍ବାଚନ ହେବାକୁ ଯାଉଛି। ଏ ସମସ୍ତ ରାଜ୍ୟରେ ଚାଷୀଙ୍କ ସମସ୍ୟା ଉତ୍କଟ। କର୍ଣ୍ଣାଟକରେ ଚାଷୀ ଆତ୍ମହତ୍ୟା ସଂଖ୍ୟା ଦୃଷ୍ଟିରୁ ଦେଶରେ ମହାରାଷ୍ଟ୍ର ପଛକୁ ଦ୍ବିତୀୟ ସର୍ବାଧିକ। ମଧ୍ୟପ୍ରଦେଶର ମାଣ୍ଡାସରରେ ପୋଲିସ ଗୁଳିରେ ୫ ଜଣ ଚାଷୀ ନିହତ ହେବା ଘଟଣା ସାରା ଦେଶରେ ଆଲୋଡନ ସୃଷ୍ଟି କରିଥିଲା। ଉତ୍ପାଦିତ ଶସ୍ୟର ଉଚିତ ମୂଲ୍ୟ ସହିତ ଋଣଛାଡ ଦାବିରେ ରାଜସ୍ଥାନର ଚାଷୀ ଆନ୍ଦୋଳନରତ। ମୋଦି ଶାସନକୁ ଆସିଲା ପରେ ଏମଏସପି କ୍ଷେତ୍ରରେ ବିକେନ୍ଦ୍ରିକୃତ ସଂଗ୍ରହ ଯୋଜନାରେ ପରିବର୍ତ୍ତନ ଆଣିଲେ କ୍ଷ ଫଳରେ ଚାଷୀଙ୍କୁ ଶସ୍ୟ ସଂଗ୍ରହ ଉପରେ ବୋନସ ଦେଉଥିବା ମଧ୍ୟପ୍ରଦେଶ ଓ ଛତିଶଗଡ ଭଳି ରାଜ୍ୟ ବୋନସ ଦେବା ବନ୍ଦ କରି ଦେଲେ। ଅବଶ୍ୟ ଚାଷୀଙ୍କ ଅସନ୍ତୋଷକୁ ଆଖିରେ ରଖି ଆଗରେ ନିର୍ବାଚନ ଥିବାରୁ ଛତିଶଗଡ ସରକାର ଚଳିତ ବର୍ଷ ପୁଣି ବୋନସ ଦେବାକୁ ଘୋଷଣା କରିଛନ୍ତି। ଗୋଟିଏ ପାଖରେ ଚାଷୀ ତାର ଉତ୍ପାଦିତ ସାମଗ୍ରୀର ଉଚିତ ମୂଲ୍ୟ ପାଉ ନଥିବା ବେଳେ ସରକାରୀ କର୍ମଚାରୀଙ୍କ ବେତନ ବୃଦ୍ଧି ନିଆଁରେ ଘିଅ ଢାଳିଲା ଭଳି କାମ କରୁଛି। ତା ଉପରେ କିଛି ରାଜ୍ୟ ଚାଷୀଙ୍କ ଋଣଛାଡ ଘୋଷଣା କରିଥିବା ବେଳେ ଅନ୍ୟ ରାଜ୍ୟର ଚାଷୀମାନେ ଋଣଛାଡରୁ ବଞ୍ଚିତ ହେବା, ପରିସ୍ଥିତିକୁ ଅଧିକ ଜଟିଳ କରୁଛି। ଏ ସମସ୍ତ ପ୍ରସଙ୍ଗ ଆଗାମୀ ନିର୍ବାଚନର ଫଳାପଳକୁ ପ୍ରଭାବିତ କରିବାର ଯଥେଷ୍ଟ ସମ୍ଭାବନା ରହିଛି।


News Story - Posted on 2018-01-09

ଧର୍ମରହିତ ହିନ୍ଦୁସ୍ଥାନ!



ଧର୍ମ ସଂପର୍କରେ ସମୀକ୍ଷା କଲେ, ବାସ୍ତବରେ ଆମେ କ’ଣ ଭାରତୀୟ ଧାର୍ମିକ? ଏକ ପ୍ରତିଶତ ଲୋକ ପ୍ରକୃତରେ ଧାର୍ମିକ ନୁହଁନ୍ତି। ଆମେ ପ୍ରାୟ ସମସ୍ତେ ନହେଲେ ବି ୯୦ ପ୍ରତିଶତରୁ ଅଧିକ ସାଂପ୍ରଦାୟିକ ପ୍ରଜାତିର ପ୍ରାଣୀ। ଜାତିଗତ ଏବଂ ସାଂପ୍ରଦାୟିକ ଦୌଡ଼ରେ ଆମେ ସମସ୍ତେ ଦୌଡ଼ୁଛନ୍ତି। ଏହାର ବଳୟରେ ବନ୍ଦୀ ହେବାର ପ୍ରୟାସରତ। ବୁଦ୍ଧ ଭାରତରେ ଜନ୍ମ ହୋଇଥିଲେ। କିନ୍ତୁ ହିନ୍ଦୁ ବୌଦ୍ଧ ସମୁଦାୟ ସହ ଜଡ଼ିତ ନହୋଇ ସନାତନୀ ହୋଇଥିଲେ। ଏଥିପାଇଁ ଭାରତରେ ବୁଦ୍ଧଙ୍କ ସମ୍ମାନ କମ‍୍‌ ଥିଲା। କିନ୍ତୁ ବୁଦ୍ଧ ବିଦେଶୀଙ୍କ ହୃଦୟକୁ ଜୟ କରିଥିଲେ। ଭାରତର ଲୋକ ପ୍ରଥମେ ସନାତନୀ, ପରେ ବିଦେଶୀ ସାଂପ୍ରଦାୟିକ। କିନ୍ତୁ ବିଦେଶୀ ଲୋକ ସାଂପ୍ରଦାୟିକତାରୁ ମୁକ୍ତ। ଭାରତର ଲୋକ ସାଂପ୍ରଦାୟିକତାକୁ ଆପଣେଇଲେ। ଚୀନ‍୍‌ ଲୋକମାନେ ବୁଦ୍ଧଙ୍କୁ ଆପଣେଇ ସମାନତାର ମନ୍ତ୍ର ଗାଇଲେ। ଭାରତୀୟ ଲୋକଙ୍କର ବିଦେଶୀ ଦ୍ରବ୍ୟ ଭାରି ପସନ୍ଦ, ସ୍ୱଦେଶୀ ଦ୍ରବ୍ୟ ଏଲର୍ଜି। ବିଦେଶୀ ଫେଶନକୁ ଆପଣେଇବାରେ ସବୁଠୁ ଆଗରେ, ଆଉ ସାଂପ୍ରଦାୟିକତାକୁ ନେଇ ବଳ କସାକସି ଜୋର‍୍‌। ଧର୍ମ ରକ୍ଷା ପାଇଁ କାହିଁ କେତେ ତଲ‍୍‌ୱାର‍୍‌ ଅବା ତ୍ରିଶୂଳ ଉଠୁଛି। ଏବେ ଆଉ ବ୍ରହ୍ମା, ବିଷ୍ଣୁ, ଶିବ ନୁହଁନ୍ତି, ପ୍ରତିଦିନ ନେତା-ବାବାମାନଙ୍କୁ ଧର୍ମର ଦୂତ ଭାବେ ପୂଜା କରାଯାଉଛି।


News Story - Posted on 2017-12-29

‘ସମ୍ବିଧାନ ହିଁ ସାର୍ବଭୌମ’



ଏହି ପରିପ୍ରେକ୍ଷୀରେ ସେ କହିଛନ୍ତି ଯେ ଆଇନଜୀବୀମାନଙ୍କର ଭୂମିକା କେବଳ ଅଦାଲତ ପରିସରରେ ସୀମୀତ ନୁହେଁ କିମ୍ବା ନିଜ କ୍ଲାଏଣ୍ଟଙ୍କୁ ପରାମର୍ଶ ଦେବାରେ ସୀମାବଦ୍ଧ ନୁହେଁ । ସେମାନେ ଆମର ନ୍ୟାୟ ପ୍ରଶାସନରେ ଓତଃପ୍ରୋତ ଭାବେ ଜଡ଼ିତ ରହିବା ଉଚିତ । ସେମାନେ କେବଳ ଆଇନଗତ ଦୃଷ୍ଟିକୋଣରୁ ନ୍ୟାୟ ପାଇଁ ଲଢ଼େଇ କରିବା ଉଚିତ ନୁହେଁ, ଅଧିକନ୍ତୁ ଆମ ସମ୍ବିଧାନର ମୁଖବନ୍ଧରେ ଉଲ୍ଲିଖିତ ସାମାଜିକ, ରାଜନୀତିକ ଓ ଆର୍ଥନୀତିକ ନ୍ୟାୟ ପ୍ରତିଷ୍ଠା ଦିଗରେ ମଧ୍ୟ କାର୍ଯ୍ୟ କରିବା ଉଚିତ ବୋଲି ପ୍ରଧାନ ବିଚାରପତି ମିଶ୍ର ପରାମର୍ଶ ଦେଇଛନ୍ତି । 


News Story - Posted on 2017-12-27

ମିଛ ଖବର- ନବୀନ ସନ୍ନ୍ୟାସ ନେବେ!



ଦିନକୁ କେତେ ପେଗ୍ କେଉଁ ବ୍ରାଣ୍ଡର ପିଇବା, କେତେ ଦାମୀ ସିଗାରେଟ ଟାଣିବା, କେତେ ମାଉଁସ ଓ ମାଛ ଇତ୍ୟାଦି ଖାଇବା, ଲବଷ୍ଟର ଚିଙ୍ଗୁଡ଼ି ଖାଇବା ସରଳ ଜୀବନ କି ନୁହେଁ ତାହା ବାବା ପାଟ୍ଟଶାଣୀ ସ୍ଥିର କରିବେ । ଭୁବନେଶ୍ୱରର କେଉଁ ପଂଚତାରକା ହୋଟେଲରେ ରାଜନୀତିକ ବୈଠକ ହେବ, ଝିଅପୁଅ ବାହାଘରରେ କେତେ ଶହ ପ୍ରକାରର ଖାଦ୍ୟ ପରିବେଷଣ କରାଯିବ, କେତେ ବାଣ ଫୁଟିବ, କେତେ ସାଜ୍ଜସଜ୍ଜା ହେବ, ନିମନ୍ତ୍ରଣ ପତ୍ରଟା କେତେ ଦାମର ହେବ ଏସବୁ ମଧ୍ୟ ବାବା କମିଟି ସ୍ଥିର କରିବେ । ଶେଷରେ ଭୋଟ୍ ଦେବାକୁ କେତେ ଲୋକଙ୍କୁ ମଦମାଉଁସ ଭୋଜି ଦେବା, କେତେ ଗାଡ଼ି ଓ ହେଲିକପ୍ଟର ବ୍ୟବହାର କରିବା, କେତେ କାନ୍ଥ ଓ ଖୁଣ୍ଟରେ କେତେ ପୋଷ୍ଟର ଓ ବ୍ୟାନର ଟାଣିବା, ଏସବୁ ମଧ୍ୟ ସ୍ପଷ୍ଟ ହେବ ।


News Story - Posted on 2017-12-26

ଶତାବ୍ଦୀର ଶ୍ରେଷ୍ଠ ଓଡ଼ିଆ!



ଏହା ନକରି ସରକାର ଯେଉଁ ନିଷ୍ପତ୍ତି ନେଇଛନ୍ତି ତାହା ଆଉ କିଛି ଅମଲାତାନ୍ତ୍ରିକ କସରତ ସାଧାରଣ ସମ୍ବଳର ଅପବ୍ୟୟ ପାଇଁ ସୁଯୋଗ ସୃଷ୍ଟି କରିବ । ଓଡ଼ିଆ ଭାଷାରେ ଦୋକାନବଜାର ଫଳକ ଲେଖିବା ପାଇଁ କ’ଣ ଗୋଟିଏ କ୍ୟାବିନେଟ ନିଷ୍ପତ୍ତି ଦରକାର ଥିଲା? ମୁଖ୍ୟମନ୍ତ୍ରୀ ଯଦି ବାସ୍ତବରେ ଓଡ଼ିଆ ଭାଷା ପ୍ରତି ନିଷ୍ଠାପର ତେବେ ତାଙ୍କର ଗୋଟିଏ କଡ଼ା ଚିଠିରେ ରାତାରାତି ତାଙ୍କୁ ଭଲ ପାଉଥିବା ଲୋକମାନେ ନିଜନିଜ ଦୋକାନର ଫଳକ ଓଡ଼ିଆରେ ଲେଖି ପକାଇଥାନ୍ତେ । ମୁଖ୍ୟମନ୍ତ୍ରୀ ନିଜେ ବହି କିଣିବା ପାଇଁ କେତେ ଦୋକାନକୁ ଯାଉଛନ୍ତି । ତାଙ୍କ କର୍ମଚାରୀ ଓ କର୍ମୀମାନେ ନିତ୍ୟନୈମିତ୍ତିକ ଭାବେ କେତେ ଦୋକାନ ଓ ବ୍ୟାବସାୟିକ ପ୍ରତିଷ୍ଠାନ ସଂପର୍କରେ ଆସୁଛନ୍ତି । ସେମାନେ ଚାହିଁଥିଲେ କ’ଣ ରାଜଧାନୀ ଭୁବନେଶ୍ୱରଠୁଁ ଆରମ୍ଭ କରି ଓଡ଼ିଶାର ପ୍ରାୟ ସମସ୍ତ ସହର ଆଜି ଇଂଲଣ୍ଡ କି ଆମେରିକାର କେଉଁ ଗୋଟେଗୋଟେ ଗଳି ପରି ବୋଧ ହେଉଥାନ୍ତା? କେବଳ କ୍ୟାବିନେଟ ନିଷ୍ପତ୍ତିରେ ଯଦି ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତିର ଉନ୍ନତି ଓ ସୁରକ୍ଷା ହୋଇପାରୁଥାନ୍ତା ତେବେ ଆଜି ନବୀନବାବୁଙ୍କ କ୍ୟାବିନେଟକୁ ଏପରି ଏକ ନିଷ୍ପତ୍ତି ନେବାକୁ ପଡ଼ୁ ନଥାନ୍ତା । କାରଣ ୧୯୫୪ ମସିହାରୁ କ୍ୟାବିନେଟ ଉତ୍ତରଦାୟୀ ଥିବା ବିଧାନସଭାରେ ଭାଷା ଆଇନ ପ୍ରଣୀତ ହୋଇସାରିଛି । ଏହା ଏଯାଏଁ ଲାଗୁ ହୋଇନାହିଁ । ତାହାର କାରଣ ହେଉଛି ନିଷ୍ଠାର ଅଭାବ ଓ ଇଂରାଜୀ ପ୍ରୀତି ।


News Story - Posted on 2017-12-26

ମୋଦୀଙ୍କ ପାଇଁ ବଦଳିବ ସଂଘ!



୨୦୧୯ ସାଧାରଣ ନିର୍ବାଚନ ପୂର୍ବରୁ ସମଗ୍ର ବିଧାନସଭା ନିର୍ବାଚନରେ ବିଜେପି ବିଜୟୀ ହେବା ଦରକାର । ଏଥିପାଇଁ କଂଗ୍ରେସ କ୍ଷମତାରେ ଥିବା କର୍ଣ୍ଣାଟକ ଉପରେ ନଜର ପକାଇଛି ସଂଘ । ବିଜେପିର ମହାସଚିବ ମୁରଲୀଧର ରାଓ କର୍ଣ୍ଣାଟକର ପ୍ରତିଟି ବିଧାନସଭା କ୍ଷେତ୍ରକୁ ନେଇ ଇସ୍ତାହାର ତିଆରି କରିଛନ୍ତି । ଯଦିବି ବିଧାନସଭା କ୍ଷେତ୍ରରେ ୫୦୦ରୁ ୧୦୦୦ଲୋକଙ୍କ ସହ କଥାବାର୍ତ୍ତା କରି ମତାମତ ଆଧାରରେ ଇସ୍ତାହାର ତିଆରି ଆରମ୍ଭ ହୋଇଛି । ଯେଉଁମାନଙ୍କ ସହ କଥାବାର୍ତ୍ତା ହେବ, ସେମାନଙ୍କ ମଧ୍ୟରୁ ପ୍ରତିଟି ପ୍ରଫେସନର ଲୋକଙ୍କୁ ମେନିଫେଷ୍ଟୋ ବାଟରେ ସଂପୃକ୍ତ କରାଇବାର ଲକ୍ଷ୍ୟଧାର୍ଯ୍ୟ ହୋଇଥିôବା ଜଣାଯାଇଛି । ସଂଘର ସହରୀ ସଂଗଠନ ମୋଦୀ ସରକାରଙ୍କ ନୀତି ସହ ଛିଡାହେବେ ।


News Story - Posted on 2017-12-25

ଏକାଠି ହୁଅନ୍ତୁ ଆଂଚଳିକ ଦଳ: ନବୀନ



ଦେଶରେ ସହଯୋଗମୂଳକ ସଂଘବାଦ ବା କୋଅପରେଟିଭ ଫେଡ଼େରାଲିଜମକୁ ସୁଦୃଢ଼ କରିବା ପାଇଁ ଆଂଚଳିକ ଦଳଗୁଡ଼ିକ ମଧ୍ୟରେ ଅଧିକ ସମନ୍ୱୟ ରହିବା ଉଚିତ ବୋଲି ମତ ଦେଇଛନ୍ତି ଓଡ଼ିଶା ମୁଖ୍ୟମନ୍ତ୍ରୀ ତଥା ଶାସକ ବିଜୁ ଜନତା ଦଳର ମୁଖ୍ୟ ନବୀନ ପଟ୍ଟନାୟକ । ତାଙ୍କ ଦଳର ୨୦ଶ ପ୍ରତିଷ୍ଠା ଦିବସ ଅବ୍ୟବହିତ ପୂର୍ବରୁ ଏକ ସମ୍ବାଦ ସରବରାହ ସଂସ୍ଥାକୁ ସାକ୍ଷାତକାର ଦେଇ ସେ କହିଛନ୍ତି ଯେ ସହଯୋଗମୂଳକ ସଂଘବାଦକୁ ସୁଦୃଢ଼ କରିବା ପାଇଁ ଆଂଚଳିକ ଦଳଗୁଡ଼ିକ ମଧ୍ୟରେ ସମନ୍ୱୟ ରହିବା ଗୁରୁତ୍ୱପୂର୍ଣ୍ଣ ।


News Story - Posted on 2017-12-25

‘ଓବିସିଙ୍କ ଅଧିକାର କେବେ ଦେବେ ନବୀନ?’



ସେ କହିଛନ୍ତି ଯେ ନବୀନବାବୁ ଓ ତାଙ୍କର ବିଜୁ ଜନତା ଦଳ ଓଡ଼ିଶା ପାଇଁ ସ୍ୱତନ୍ତ୍ର ରାଜ୍ୟ ପାହ୍ୟା ଦାବି କରି ଆସୁଛନ୍ତି । ଓଡ଼ିଶାର ସ୍ଥିତି ସ୍ୱତନ୍ତ୍ର ବୋଲି ସେ ଅନୁଭବ କରୁଛନ୍ତି । ତେବେ ଏହି ସ୍ୱତନ୍ତ୍ର ସ୍ଥିତି ପାଇଁ ଓଡ଼ିଶାର ଅନ୍ୟାନ୍ୟ ପଛୁଆ ବର୍ଗଙ୍କ ପାଇଁ ସରକାରୀ ଚାକିରି କ୍ଷେତ୍ରରେ ୨୭ ପ୍ରତିଶତ ସ୍ଥାନ ସଂରକ୍ଷଣ ବ୍ୟବସ୍ଥା କାହିଁକି କରିପାରି ନାହାନ୍ତି? କେତେ କାଳ ସେ ସୁପ୍ରିମ କୋର୍ଟଙ୍କ ରାୟକୁ ଆଳ କରି ଲୋକଙ୍କୁ ଭୁତେଇ ଚାଲିବେ ବୋଲି ଶ୍ରୀକାନ୍ତ ପ୍ରଶ୍ନ କରିଛନ୍ତି । ଇନ୍ଦର ସାହାଣୀ ବନାମ ଭାରତ ସରକାର ମାମଲାରେ ସୁପ୍ରିମ କୋର୍ଟଙ୍କ ରାୟ ଉଦ୍ଧାର କରି ଶ୍ରୀକାନ୍ତ କହିଛନ୍ତି ଯେ ସ୍ୱତନ୍ତ୍ର ପରିସ୍ଥିତିରେ ସରକାର ୫୦ ପ୍ରତିଶତ ସଂରକ୍ଷଣ ସୀମା ଟପି ପାରିବେ । ଓଡ଼ିଶାର ଆର୍ଥ-ସାମାଜିକ ବ୍ୟବସ୍ଥା ସ୍ୱତନ୍ତ୍ର । ସମଗ୍ର ଦେଶରେ ତଫସିଲଭୁକ୍ତ ଜାତି ଓ ଉପଜାତିର ହାର ୨୨ ପ୍ରତିଶତ ହୋଇଥିଲାବେଳେ ଓଡ଼ିଶାରେ ଏମାନଙ୍କ ହାର ହେଉଛି ଜନସଂଖ୍ୟାର ୩୮.୫ ପ୍ରତିଶତ । ସେଥିପାଇଁ ସମ୍ବିଧାନ ଅନୁସାରେ ତଫସିଲଭୁକ୍ତ ଜାତି ଓ ଉପଜାତି ପାଇଁ ୩୮.୫ ପ୍ରତିଶତ ଆସନ ସଂରକ୍ଷିତ ରହିଛି । ଓଡ଼ିଶା ଜନସଂଖ୍ୟାର ୫୨ ପ୍ରତିଶତ ହେଲେ ଅନ୍ୟାନ୍ୟ ପଛୁଆ ବର୍ଗର ଲୋକ । ମଣ୍ଡଳ କମିଶନ ସୁପାରିଶ ଭିତ୍ତିରେ ହୋଇଥିବା ସାମ୍ବିଧାନିକ ବ୍ୟବସ୍ଥା ଅନୁଯାୟୀ ଓଡ଼ିଶା ସରକାର ଏହି ବର୍ଗ ପାଇଁ ୨୭ ପ୍ରତିଶତ ସ୍ଥାନ ସଂରକ୍ଷିତ ରଖିବା କଥା । ମାତ୍ର ନବୀନ ସରକାର ୧୭ ବର୍ଷ ଧରି କ୍ଷମତାରେ ଥିଲେ ମଧ୍ୟ ଅନ୍ୟାନ୍ୟ ପଛୁଆ ବର୍ଗର ଶିକ୍ଷିତ ଯୁବଗୋଷ୍ଠୀଙ୍କୁ ଏହି ସାମ୍ବିଧାନିକ ସୁବିଧାରୁ ବଂଚିତ ରଖିଛନ୍ତି । ଓଡ଼ିଶା ସରକାର ଚାହିଁଲେ ସୁପ୍ରିମ କୋର୍ଟରେ ଓଡ଼ିଶାର ଏହି ସ୍ୱତନ୍ତ୍ର ଆର୍ଥ-ସାମାଜିକ ସ୍ଥିତି କଥା ଉଠାଇ ଅନ୍ୟାନ୍ୟ ପଛୁଆ ବର୍ଗ ବା ଓବିସିଙ୍କ ପାଇଁ ୨୭ ପ୍ରତିଶତ ସ୍ଥାନ ସଂରକ୍ଷଣ ବ୍ୟବସ୍ଥା କରିପାରିବେ ବୋଲି ଶ୍ରୀକାନ୍ତ କହିଛନ୍ତି ।


News Story - Posted on 2017-12-25

ବିକଳ୍ପ ନାହିଁ କାହିଁକି? ଅଛି, ବୁଝନ୍ତୁ!



ଭାରତରେ ଟିନା ଫାକ୍ଟର ସମ୍ପକର୍କୀତ ଆଲୋଚନା ରାଜନୈତିକ ପୃଷ୍ଠଭୂମିରେ କେନ୍ଦ୍ରିତ ଥିବା ବେଳେ ବିଦେଶରେ ଏହାର ପ୍ରୟୋଗ ପ୍ରାୟତଃ ରାଜନୈତିକ ଅର୍ଥବ୍ୟବସ୍ଥା ପ୍ରସଙ୍ଗରେ ହୋଇଥାଏ। ଅବଶ୍ୟ ଭାରତୀୟ ଶେୟାର ବଜାରରେ ମଧ୍ୟ କାଁ ଭାଁ ଶେୟାର କିଣାବିକା ପ୍ରସଙ୍ଗରେ ଏହାର ପ୍ରଯୋଗ ଦେଖିବାକୁ ମିଳେ। ଊନ୍ନବିଂଶ ଶତାବ୍ଦୀରେ ବ୍ରିଟିଶ ଦାର୍ଶନିକ ହର୍ବଟ ସ୍ପେନସର ପ୍ରଥମେ ଏହି ଉକ୍ତିର ପ୍ରୟୋଗ କରିଥିଲେ। ସ୍ପେନସରଙ୍କ ବିଚାରରେ ବୈଷୟିକ ଓ ସାମାଜିକ ଅଗ୍ରଗତି ସମାଜର ସବୁ ସମସ୍ୟାର ସମାଧାନରେ ସହାୟକ ହେବ। ପୁଞ୍ଜିବାଦ, ମୁକ୍ତ ବଜାର ଓ ଗଣତନ୍ତ୍ରର ସମାଲୋଚକମାନଙ୍କୁ ତାଙ୍କର ଉତ୍ତର ଥିଲା, ଦେଆର ଇଜ୍ ନୋ ଅଲଟରନେଟିଭ, ଆଉ କୌଣସି ବିକଳ୍ପ ନାହିଁ। ବିଂଶ ଶତାବ୍ଦୀର ଅଶୀ ଦଶକରେ ବୈଶ୍ବିକ ପୁଞ୍ଜିବାଦ, ମୁକ୍ତ ବଜାର, ମୁକ୍ତ ବ୍ୟବସାୟର ଦୃଢ ସମର୍ଥକ ପ୍ରାକ୍ତନ ବ୍ରିଟିଶ ପ୍ରଧାନମନ୍ତ୍ରୀ ମାର୍ଗାରେଟ ଥାଚର ବଜାର ଅର୍ଥବ୍ୟବସ୍ଥାର କୌଣସି ବିକଳ୍ପ ନାହିଁ ବୋଲି ବାରମ୍ବାର ମତ ଦେଇ ଏହାକୁ ସ୍ଳୋଗାନ ଆକାରରେ ବ୍ୟବହାର କରିଥିବାରୁ କେହି କେହି ତାଙ୍କୁ ଥଟ୍ଟାରେ ଟିନା ଥାଚର ମଧ୍ୟ କହୁଥିଲେ।


News Story - Posted on 2017-12-20

ଗୀତା ପଢ଼ନ୍ତୁ ନରେନ୍ଦ୍ର ମୋଦି!



ଅଳ୍ପକେ ସମ୍ମାନ ରହିଗଲା । ଟିକେ ଏପଟସେପଟ ହୋଇଥିଲେ ତଳିତଳାନ୍ତ ହୋଇଯାଇଥାନ୍ତା । କେତେ ଲୋକ କେତେ କଥା କହିଥାନ୍ତେ । ନିଜ ଦଳ ଭିତରୁ ବି ବିରୋଧ ହୋଇଥାନ୍ତା । ବିଦ୍ରୋହର ନିଆଁ ଜଳିବା ବି ଅସମ୍ଭବ ନଥିଲା । ଏବେ ଜିତିବା ହେତୁ ପୁଣି ଥରେ ସିକନ୍ଦର! ରାଜନୀତି ଓ ପଶୁନୀତି ଭିତରେ କିଛି ପାର୍ଥକ୍ୟ ନାହିଁ । ଜୋର୍ ଯା’ର ମୁଲକ ତା’ର । ଯୋ ଜିତା ୱହି ସିକନ୍ଦର । ବଳପୂର୍ବକ ବିଜୟକୁ ବି କେହି ବିରୋଧ କରନ୍ତିନି । ବିଜୟର ବାନା ଉଡ଼ିଲେ ସବୁ ପାପ ଧୋଇଯାଏ ଯେମିତି!


News Story - Posted on 2017-12-15

‘୮୦,୦୦୦ କୋଟି ଟଙ୍କା ପାଇଛି ବିଜେପି’



ସେ କହିଛନ୍ତି ଯେ ଉପା ସମୟର ଲୋକପାଳ ଆଇନରେ ଅଫିସରମାନେ ସେମାନଙ୍କ ସଂପତ୍ତି ତାଲିକା ଦାଖଲ କରିବା ବାଧ୍ୟତାମୂଳକ ଥିଲା । କିନ୍ତୁ ମୋଦି ସରକାର ଏହାକୁ ଉଠାଇ ଦେଇଛନ୍ତି । ସେହିପରି ପୂର୍ବ ଆଇନରେ ବ୍ୟବସ୍ଥା ଥିଲା ଯେ କମ୍ପାନୀଗୁଡ଼ିକ ସେମାନଙ୍କର ଲାଭାଂଶର ୭.୫ ପ୍ରତିଶତ ରାଜନୀତିକ ଦଳଗୁଡ଼ିକୁ ଚାନ୍ଦା ଆକାରରେ ଦେଇପାରିବେ । କିନ୍ତୁ ମୋଦି ସରକାରଙ୍କ ସଂଶୋଧନ ଅନୁସାରେ କମ୍ପାନୀଗୁଡ଼ିକ ଯେତେପାର ସେତେ ଚାନ୍ଦା ଦେଇପାରିବେ । ଏହା ଦୁର୍ନୀତି ପାଇଁ ସାହାଣ ମେଲା ବୋଲି ସେ କହିଛନ୍ତି ।


News Story - Posted on 2017-12-15

ବିଜେପି ବନାମ ଶ୍ରୀମଦଭାଗବତଗୀତା



ଧର୍ମନାମରେ-ଗୋମାତାଙ୍କ ନାମରେ ଯେଉଁ ବ୍ୟକ୍ତି ପହଲୁଖାନ୍‍, ଅଖଲାଖ, ଜୁନେଦଙ୍କୁ ହତ୍ୟା କଲେ, ଯେଉଁମାନେ ଗୌରୀ ଲଙ୍କେଶଙ୍କୁ ହତ୍ୟା କଲେ, ନିକଟରେ ଯେଉଁବ୍ୟକ୍ତି ରାଜସ୍ଥାନର ରାଜସମନ୍ଦରରେ ଅଫ୍ରାଜୁଲ୍‍ ନାମକ ଜଣେ ପଚାଶ ବର୍ଷର ମୁସଲିମ୍‍ ଶ୍ରମିକଙ୍କୁ ବର୍ବରୋଚିତ ଭାବେ କୁରାଢ଼ୀରେ ହାଣି ହାଣି ଜୀଅନ୍ତା ପୋଡିଦେଲେ । ଏହା ଗୀତା ବର୍ଣ୍ଣିତ ଧର୍ମ ତ ନୁହେଁ, ବରଂ ବର୍ବରତା । ଏପରି ଚିତ୍ର ମନ୍ଦିର ନିର୍ମାଣ ନାମରେ ବାବ୍ରୀ ମସଜିଦ୍‍ ବିଧ୍ୱଂସ ସମୟର ଚତ୍ରକୁ ପ୍ରଦର୍ଶିତ କରିଥିଲା । ମଣିଷ ରକ୍ତରେ ହୋରି ଖେଳିବାର ଜହ୍ଲାଦ ପ୍ରବୃତ୍ତିକୁ ସୂଚାଇଛି ଏହା । ଧର୍ମ ଏହି ଧାରାରେ ହୋଇପାରେନା । ଈଶ୍ୱରପ୍ରାପ୍ତି ଜପ-ତପ-ମଣିଷ ହତ୍ୟାରେ ସମ୍ଭବ ନୁହେଁ । ହଁ ଏହା ସ୍ୱୀକାର୍ଯ୍ୟ ଯେ ବିଶ୍ୱାସ ଏକ ରୋଗ । ଏହି ରୋଗରେ ପୀଡ଼ିତ ଲୋକ ହିଁ ଅନ୍ୟକୁ କଷ୍ଟ ଦେଇ ଈଶ୍ୱରଙ୍କୁ ପାଇଥିବାର-ପାଇବାର ଇଚ୍ଛା ପ୍ରକାଶ କରନ୍ତି । ଧର୍ମ ନାମରେ ବର୍ବରତା ଚିତ୍ର ଆଜିଦିନରେ ଯେ ଦେଖିବାକୁ ମିଳୁଛି, ତାହା ନୁହେଁ ୧୬ଶ ଶତାବ୍ଦୀରେ ବୈଜ୍ଞାନିକ ଗାଲିଲିଓ ଯେତେବେଳେ କହିଥିଲେ-ପୃଥିବୀ ଘୂରୁଛି ବୋଲି, ସେତେବେଳେ ଚର୍ଚ୍ଚର ପାଦ୍ରୀ ବା ଧର୍ମପ୍ରଚାରକମାନେ ତାଙ୍କୁ ବଞ୍ôଚବାକୁ ଦେଇନଥିଲେ । ଆଜିଦିନରେ ଦାଭୋଲକରଙ୍କ ଭଳି ଏକାଧିକ ସତ୍ୟନିଷ୍ଠ ବ୍ୟକ୍ତିତ୍ୱ ଏହି ଧର୍ମର ଧ୍ୱଜାଧାରୀମାନେ ରାଷ୍ଟ୍ରବାଦ ନାମରେ ହତ୍ୟା କରିଛନ୍ତି ।


News Story - Posted on 2017-12-14

ଗୁଜରାଟରେ ସତ୍ତା ବଜାୟ ରଖିବ ବିଜେପି!



ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ତାଙ୍କର ଭାରତୀୟ ଜନତା ପାର୍ଟି ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଗୁଜରାଟ ବିଧାନସଭା ନିର୍ବାଚନରେ ବିଭିନ୍ନ ଏକ୍ସିଟ ପୋଲର ଆକଳନ ଅନୁସାରେ ଭାରତୀୟ ଜନତା ପାର୍ଟି କ୍ଷମତା ବଜାୟ ରଖିବ । ସିଏସଡିଏସର ଆକଳନ ଅନୁସାରେ ବିଜେପି ଗୁଜରାଟରେ ୧୧୭ ଆସନ ପାଇବ । ଗତ ନିର୍ବାଚନରେ ଏହି ଦଳ ୧୧୫ ଆସନ ପାଇଥିଲା । ସେହିପରି ଏହି ସଂସ୍ଥାର ବୁଥ ଫେରନ୍ତା ଜନମତ ଆକଳନ ଅନୁସାରେ କଂଗ୍ରେସ ୬୪ ଆସନ ପାଇବ । ଗତ ନିର୍ବାଚନରେ କଂଗ୍ରେସ ଗୁଜରାଟରେ ୬୪ ଆସନ ପାଇଥିଲା । ସିଭୋଟର ସଂସ୍ଥାର ଆକଳନ ଅନୁସାରେ ଗୁଜରାଟରେ ବିଜେପି ୧୦୮ ଓ କଂଗ୍ରେସ ୭୪ ଆସନ ପାଇବ । ସମୟ ସିଏନଏକ୍ସର ଆକଳନ ଅନୁସାରେ ବିଜେପି ୧୧୦-୧୨୦ ଓ କଂଗ୍ରେସ ୬୫-୭୫ ଆସନ ହାସଲ କରିବ । ସେହିପରି ଭିଏମଏସଆରର ଆକଳନ ହେଲା ବିଜେପି ୧୦୯ ଓ କଂଗ୍ରେସ ୭୦ ଆସନ ପାଇବ । ମୋଟ ଉପରେ ହିସାବ କଲେ ବିଜେପି ୧୧୦-୧୧୭ ଆସନ ଓ କଂଗ୍ରେସ ୬୫-୭୦ ଆସନ ହାସଲ କରିବ । ଗୁଜରାଟର ମୋଟ ଆସନ ସଂଖ୍ୟା ହେଉଛି ୧୮୨ । ସାଧାରଣ ସଂଖ୍ୟାଗରିଷ୍ଠତା ହେଉଛି ୯୨ ।


News Story - Posted on 2017-12-13

ଓଡ଼ିଶାର ୫୨ ବିଧାୟକ ଦାଗୀ!



ଏହି ଅନୁଶୀଳନରୁ ଜଣାପଡ଼ିଛି ଯେ ଶାସକ ବିଜୁ ଜନତା ଦଳର ସର୍ବାଧିକ ବିଧାୟକ ଫୌଜଦାରୀ ମକଦ୍ଦମାରେ ଜଡ଼ିତ ଅଛନ୍ତି । ଦଳର ୧୧୭ ଜଣ ବିଧାୟକଙ୍କ ମଧ୍ୟରୁ ୩୨ ଜଣଙ୍କ ବିରୋଧରେ ଫୌଜଦାରୀ ମାମଲା ଚାଲିଛି । ଏମାନଙ୍କ ମଧ୍ୟରୁ ୨୩ ଜଣଙ୍କ ବିରୋଧରେ ଗମ୍ଭୀର ଅପରାଧିକ ମାମଲା ରହିଛି । ସେହିପରି କଂଗ୍ରେସର ୧୬ ବିଧାୟକଙ୍କ ମଧ୍ୟରୁ ୯ ଜଣଙ୍କ ବିରୋଧରେ ଫୌଜଦାରୀ ମାମଲା ଚାଲିଥିବାବେଳେ ସେମାନଙ୍କ ମଧ୍ୟରୁ ୮ ଜଣଙ୍କ ବିରୋଧରେ ଗମ୍ଭୀର ଅପରାଧିକ ମକଦ୍ଦମା ବିଚାରାଧୀନ ଅଛି । ବିଜେପିର ୧୦ ବିଧାୟକଙ୍କ ମଧ୍ୟରୁ ୮ ଜଣଙ୍କ ବିରୋଧରେ ଫୌଜାଦରୀ ମାମଲା ବିଚାରାଧୀନ ଅଛି । ଏମାନଙ୍କ ମଧ୍ୟରୁ ୭ ଜଣଙ୍କ ବିରୋଧରେ ଗମ୍ଭୀର ଅପରାଧିକ ମମଲା ରହିଛି । ସେହିପରି ସମତା କ୍ରାନ୍ତି ଦଳର ୧ ଓ ୨ ଜଣ ସ୍ୱାଧୀନ ବିଧାୟକଙ୍କ ବିରୋଧରେ ମଧ୍ୟ ଅପରାଧିକ ମାମଲା ଚାଲିଥିବା ଏହି ଅନୁଶୀଳନରୁ ଜଣାପଡ଼ିଛି ।


News Story - Posted on 2017-12-12

ମନ୍ତ୍ରୀଙ୍କ ବିମାନ ଖର୍ଚ୍ଚ ୩୯.୧୨ କୋଟି ଟଙ୍କା



ସଂସଦୀୟ ବ୍ୟାପାର ମନ୍ତ୍ରୀ ଦେଇଥିବା ପରିସଂଖ୍ୟାନ ଅନୁଯାୟୀ ୨୦୧୩, ୨୦୧୪, ୨୦୧୫ ଓ ୨୦୧୭ ବର୍ଷରେ ରାଜ୍ୟର ଅନ୍ୟ କୌଣସି ମନ୍ତ୍ରୀ ରାଜ୍ୟ ବାହାରକୁ ହେଲିକପ୍ଟର କିମ୍ବା ବାୟୁଯାନରେ ଗସ୍ତ କରିନାହାନ୍ତି । କେବଳ ୨୦୧୬ରେ କୌଣସି ମନ୍ତ୍ରୀ ରାଜ୍ୟ ବାହାରକୁ ଥରେ ବିମାନ ଗସ୍ତ କରିଥିଲେ । ତେବେ ରାଜ୍ୟ ଭିତରେ ଅନ୍ୟ ମନ୍ତ୍ରୀମାନେ ୨୦୧୩ରେ ମାତ୍ର ୧୪ଥର, ୨୦୧୪ରେ ୯ ଥର, ୨୦୧୫ ଓ ୨୦୧୬ରେ ୧୮ ଥର କରି ଏବଂ ୨୦୧୭ରେ ୯ ଥର ବିମାନରେ ଗସ୍ତ କରିଛନ୍ତି ।


News Story - Posted on 2017-12-12

ସ୍ୱତନ୍ତ୍ର କୋର୍ଟରେ ହେବ ନେତାଙ୍କ ବିଚାର



୨୦୧୪ ମସିହାର ସୁଦ୍ଧାର ଦେଶର ୧୫୮୧ ଜଣ ନିର୍ବାଚିତ ଲୋକ ପ୍ରତିନିଧିଙ୍କ ବିରୋଧରେ ୧୩,୫୦୦ ଫୌଜଦାରୀ ମାମଲା ବିଚାରାଧୀନ ରହିଛି । ଏହି ବିଚାରାଧୀନ ନେତାମାନେ ସାଂସଦ ଓ ବିଧାୟକ ଅଛନ୍ତି । ଏହା ଭିତରେ ଏହି ସଂଖ୍ୟା ଆହୁରି ବଢ଼ି ଯାଇଥିବ । ଦେଶର ଗଣତନ୍ତ୍ରକୁ ଅପରାଧୀ ମୁକ୍ତ ରଖିବା ପାଇଁ ଦୋଷୀ ସାବ୍ୟସ୍ତ ନେତାମାନଙ୍କୁ ସାରା ଜୀବନ ନିର୍ବାଚନରୁ ବାସନ୍ଦ କରିବା ପାଇଁ ଭାରତର ମୁଖ୍ୟ ନିର୍ବାଚନ କମିଶନ ଗତ ମାସରେ ମତ ଦେଇଥିଲେ । ସୁପ୍ରିମ କୋର୍ଟ ନିର୍ବାଚନ କମିଶନଙ୍କ ମତାମତ ଲୋଡ଼ିବାରୁ କମିଶନ ଏହି ମତ ଉପସ୍ଥାପନ କରିଥିଲେ । କିନ୍ତୁ ବିଚାରାଧୀନ ନେତାମାନେ ବିଭିନ୍ନ କୌଶଳରେ ମାମଲାଗୁଡ଼ିକୁ ଗଡ଼େଇ ରଖି ବାରମ୍ବାର ନିର୍ବାଚିତ ହୋଇଚାଲିଛନ୍ତି । ସେମାନଙ୍କ ମାମଲାର ତୁରନ୍ତ ବିଚାର ଶେଷ ହେଲେ ସେମାନେ ଯଦି ଦୋଷୀ ସାବ୍ୟସ୍ତ ହୁଅନ୍ତି ତେବେ ସାରା ଜୀବନ ନିର୍ବାଚନରୁ ବାସନ୍ଦ ହେବେ । ଯଦି ନିର୍ଦ୍ଦୋଷ ସାବ୍ୟସ୍ତ ହୁଅନ୍ତି ତେବେ ନିର୍ବାଚନରେ ପ୍ରାର୍ଥୀ ହୋଇପାରିବେ ।


News Story - Posted on 2017-12-11

୪ ବର୍ଷରେ ୧୨୧୧ ରାସ୍ତାରୋକ



୨୦୧୪ ମସିହା ପରଠାରୁ ୦୨.୧୨.୨୦୧୭ ସୁଦ୍ଧା ରାଜ୍ୟରେ ମୋଟ ୧୨୧୧ ରାସ୍ତାରୋକ ଏବଂ ୧୦୭ ରେଳ ରୋକ ଆନ୍ଦୋଳନ ହୋଇଛି । ତନ୍ମଧ୍ୟରୁ ୨୦୧୪ ବର୍ଷରେ ରାଜ୍ୟରେ ୨୯୭ ରାସ୍ତାରୋକ ଓ ୩୯ ରେଳରୋକ ହୋଇଥିବା ବେଳେ ୨୦୧୫ ବର୍ଷରେ ୩୬୦ ରାସ୍ତାରୋକ ଏବଂ ୩୧ ରେଳରୋକ, ୨୦୧୬ ବର୍ଷରେ ୨୦୨ ରାସ୍ତାରୋକ ଏବଂ ୨୩ ରେଳରୋକ, ତଥା ୨୦୧୭ରେ ୩୫୨ ରାସ୍ତାରୋକ ଏବଂ ୧୪ ରେଳରୋକ ଆନ୍ଦୋଳନ ଅନ୍ତର୍ଭୁକ୍ତ । 


News Story - Posted on 2017-12-11

କଂଗ୍ରେସର ନୂଆ କ୍ୟାପ୍ଟେନ



କଂଗ୍ରେସ ସଭାପତି ପଦ ଅଳଂକୃତ କରିବାରେ ରାହୁଳ ହେବେ ନେହରୁ-ଗାନ୍ଧୀ ପରିବାରର ଷଷ୍ଠ ବ୍ୟକ୍ତି । ଏହି ପରିବାରର ମୋତିଲାଲ ନେହରୁ କଂଗ୍ରେସ ସଭାପତି ଥିଲେ । ପରେ ତାଙ୍କ ପୁଅ ଜବାହରଲାଲ ନେହରୁ ୩ ବର୍ଷ ପାଇଁ କଂଗ୍ରେସ ସଭାପତି ଦାୟିତ୍ୱ ତୁଲାଇଥିଲେ । ନେହରୁଙ୍କ ପରେ ତାଙ୍କ କନ୍ୟା ଇନ୍ଦିରା ଗାନ୍ଧୀ ୮ ବର୍ଷ କାଳ ଦଳୀୟ ସଭାପତି ଥିଲେ । ସେହିପରି ତାଙ୍କ ପୁଅ ରାଜୀବ ଗାନ୍ଧୀ ବି ୮ ବର୍ଷ ଏହି ପଦରେ ଥିଲେ । ସମସ୍ତଙ୍କୁ ବଳି ଯାଇ ସୋନିଆ ଗାନ୍ଧୀ ଏହି ପଦରେ ୧୯ ବର୍ଷ କାଳ ରହିଥିଲେ । ମୋଟ ଉପରେ ଏହି ପରିବାର ହାତରେ କଂଗ୍ରେସ ସଭାପତି ଦାୟିତ୍ୱ ୩୮ ବର୍ଷ ରହିଛି । କଂଗ୍ରେସ ହେଉଛି ୧୩୨ ବର୍ଷର ଏକ ରାଜନୀତିକ ଦଳ ।


News Story - Posted on 2017-12-10

ଗଣତନ୍ତ୍ରରେ ସାମନ୍ତବାଦ



ଜାତିଗତ ପ୍ରଶ୍ନ ହୁଏତ ସବୁ ସମୟରେ ବିପ୍ଳବର ରାଜନୀତି ସହ ଜଡ଼ିତ । ଧର୍ମ ଓ ଧନର ଉନ୍ମାଦ ସହ ଯୋଡ଼ିହୋଇଛି ଜାତିଗତ ବୈଷମ୍ୟ । ଏହା ସମାଜକୁ ବିନାଶ ଆଡ଼କୁ ନେଉଛି । ଏହା ସମାଜର ପୂର୍ଣ୍ଣିମା ଓ ଅମାବାସ୍ୟାର ଚିତ୍ରକୁ ଦେଖାଉଛି । ଆଜି ଏଠାରେ ପ୍ରଶ୍ନ ହେଉଛି ଏକବିଂଶ ଶତାବ୍ଦୀରେ ଆମେ ପାଦ ଥାପିଥିବା ବେଳେ ଆଦିମ ଯୁଗର ଆଦମ ଓ ହବ୍‍ବାଙ୍କ ଉପସ୍ଥିତି ସ୍ଥାନେ ସ୍ଥାନେ ଦେଖିବାକୁ ପାଉଛୁ । ଆଦମମାନେ ଯେଉଁମାନେ କି ମଣିଷ ମାଂସରେ ନିଜର ଭୋକ ମେଣ୍ଟାଉଛନ୍ତି । ମଣିଷକୁ ଉଲଗ୍ନ କରିବାରେ ଆନନ୍ଦ ପାଉଛନ୍ତି । ଅନ୍ୟକୁ ନିର୍ଯାତନା ଦେଇ ସୁଖ ପାଉଛନ୍ତି । ସେଲଫି ୱିଥ ହ୍ୟାଣ୍ଡସମ ଧାରାକୁ ଆଗକୁ ବଢ଼ାଉଛନ୍ତି । ମହଙ୍ଗି ସୁରକ୍ଷିତ ଗାଡ଼ି, ପ୍ରାଇଭେଟ୍‍ ଜେଟ୍‍, ସୁରକ୍ଷା ଗାର୍ଡ ବଳୟରେ ରହି ପ୍ରାକୃତିକ ସଂପଦକୁ ଏକଚାଟିଆ ଧନକୁବେରଙ୍କ ପାଦତଳେ ଅଜାଡ଼ି ଦେଇ ରାଷ୍ଟ୍ରଭକ୍ତିର ଗୀତ ଗାଉଛନ୍ତି । ଗ୍ୟାଙ୍ଗ୍‍ ରେପର ସଂଖ୍ୟା ବଢ଼ିଚାଲିଛି । ଅନାଚାର ମାଡ଼ିଚାଲିଛି, ଦାସଯୁଗୀୟ ସଭ୍ୟତା ଯେପରି ବଞ୍ଚିଛି ତାହା ଦେଖିବାକୁ ମିଳୁଛି । ଦଳିତ ଓ ଦୁର୍ବଳବର୍ଗଙ୍କ ବଞ୍ôଚବାର ଦୟନୀୟ ସ୍ଥିତିକୁ ଦେଖିଲେ ଜଣାପଡ଼େ । ଧନ ଲୁଟେରାଙ୍କ କବ୍‍ଜାରେ ଯେପରି ଶାସକବର୍ଗ ରହିଛନ୍ତି, ଆଉ ଏହି ବର୍ଗଙ୍କ ଆଖି ଆଗରେ ପଡ଼ୁନି ଦଳିତ ଓ ଦୁର୍ବଳବର୍ଗଙ୍କ ଦୁର୍ଦ୍ଦଶାର ସ୍ଥିତି । କେବଳ ଜାତି, ଧର୍ମକୁ ନେଇ ଭେଦଭାବ ସୃଷ୍ଟି କରି ଶାସକବର୍ଗ ଶାସନର ସୁଫଳ ନିଜ ପାଇଁ ତଥା ନିଜ ପରିବାର ପାଇଁ ଠୁଳ କରୁଛନ୍ତି । ଜାତିବାଦୀ ରାଜନୀତି ଶାସକବର୍ଗ ପାଇଁ ସୁନାର ଅଣ୍ଡା ଦେଉଥିବା କୁକୁଡ଼ା ପାଲଟିଛି । ବିରୋଧୀଙ୍କ ପାଇଁ ଏହା ମାର୍କେଟିଂର ଏକ ପଣ୍ୟ ହୋଇଛି । କେଉଁ ଅନାଦିକାଳରୁ ନିର୍ଯାତିତ ତଥା ଶୋଷଣର ଶିକାର ହୋଇ ବଞ୍ôଚରହିଥିବା ଏହି ଦଳିତ ଓ ଦୁର୍ବଳବର୍ଗଙ୍କୁ ଜାତି ରାଜନୀତିରେ ପଣ୍ୟକରି ଆଉ କେତେଦିନ ଶାସକବର୍ଗ ଡାରଉଇନଙ୍କ ବିବର୍ତ୍ତନବାଦର ଧାରାରେ ଏଦଳ ସେଦଳ ଡେଇଁ ଡେଉଁ ଠକିଚାଲିଥିବେ? ଆଉ ଦେଶରେ ଅସମାନତାରେ ପ୍ରାଚୀର ଆକାଶକୁ ଛୁଇଁବା ଭଳି ପରିବେଶ ତିଆରି କରାଯାଉଥିବ?


News Story - Posted on 2017-12-08

ସୁରାଟ ଗଲେନି ନବୀନବାବୁ?



ନବୀନବାବୁ ଯଦି ଥରଟିଏ ଗୁଜରାଟ ଯାଇଁ ସୁରାଟରେ ନିର୍ବାଚନୀ ସଭାଟିଏ କରିଥାନ୍ତେ ହୁଏତ ଅନେକ କିଛି ବଦଳିଯାଇଥାନ୍ତା । ଗୁଜରାଟରେ ରହୁଥିବା ଅଧିକାଂଶ ଓଡ଼ିଆ ହେଲେ ଗଂଜାମ ଜିଲ୍ଲାର ଲୋକ । ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ହେଲେ ଗଂଜାମର ପ୍ରତିନିଧି । ତାଙ୍କ ଦଳର ଅନ୍ୟତମ ତାରକା ସାଂସଦ ସିଦ୍ଧାନ୍ତ ମହାପାତ୍ର ହେଲେ ଗଂଜାମର ଲୋକ । ନିଜକୁ ଏକଦା ବିଜୁ ପରିବାରର ଚାକର ଭାବେ ଉପସ୍ଥାପିତ କରିଥିବା ମନ୍ତ୍ରୀ ସୂର୍ଯ୍ୟ ନାରାୟଣ ପାତ୍ର ହେଉଛନ୍ତି ଏହି ଜିଲ୍ଲାର ଲୋକ । ସେହିପରି ମନ୍ତ୍ରୀ ବିକ୍ରମ କେଶରୀ ଆରୁଖ ଓ ଉଷା ଦେବୀ ମଧ୍ୟ ଏହି ଜିଲ୍ଲାର ପ୍ରତିନିଧି । ଏମାନେ ଯଦି ଥରୁଟିଏ ଗୁଜରାଟ ଯାଇଁ ଓଡ଼ିଶା ପ୍ରତି ଅନ୍ୟାୟ କରିଥିବା ଭାରତୀୟ ଜନତା ପାର୍ଟିକୁ ଭୋଟ ନଦେବାକୁ ପ୍ରବାସୀ ଓଡ଼ିଆମାନଙ୍କୁ ଆବେଦନ କରିଥାନ୍ତେ ତେବେ ନିଶ୍ଚୟ ଗୁଜରାଟ ଭୋଟ ଫଳାଫଳ ଉପରେ ତାହାର ପ୍ରଭାବ ପଡ଼ିଥାନ୍ତା ।


News Story - Posted on 2017-12-08

ନେତାଙ୍କ ଇତିହାସ ଚର୍ଚ୍ଚା କାହିଁକି?



ଓଡ଼ିଶାରେ ଶାସନ କ୍ଷମତାରେ ଥିବା ସେହିପରି ଏକ ଦଳର ନେତାମାନେ ରାଜ୍ୟର କୃଷକ ଓ କାରିଗର କୂଳର ଦାରିଦ୍ର୍ୟ, ଦୁର୍ନୀତି, ଶୋଷଣ, ବେକାରୀ ସମସ୍ୟା, ଜାତିଭେଦ, ନାରୀ ନିର୍ଯାତନା, ବର୍ଦ୍ଧିଷ୍ଣୁ ଅପରାଧ ଆଦି ବିଷୟରେ ଚର୍ଚ୍ଚା ନକରି ଦୁଇ ହଜାର ବର୍ଷ ତଳର ଖାରବେଳଙ୍କୁ ଓଡ଼ିଆ ସ୍ୱାଭିମାନର ପ୍ରତୀକ କରି ଶହେ ବର୍ଷ ତଳେ ଜନ୍ମ ହୋଇଥିବା ବିଜୁ ପଟ୍ଟନାୟକଙ୍କ ଗୁଣଗାନ କରିବାରେ ବ୍ୟସ୍ତ ଅଛନ୍ତି । ମଜ୍ଜାର କଥା ହେଉଛି ସେ କି ସ୍ୱପ୍ନ ଦେଖିଥିଲେ ତାହା କେବେ କାହାକୁ କହି ନାହାନ୍ତି କି ତା’ ଉପରେ କିଛି ଲିଖିତ ପୁସ୍ତକ ନାହିଁ । ତାଙ୍କ ସ୍ୱପ୍ନର ରୂପରେଖ ବିଷୟରେ କେହି ସାମ୍ବାଦିକ କି ଇତିହାସକାର ସେ ବଂଚିଥିଲାବେଳେ କିଛି ଲେଖି ନାହାନ୍ତି । କିନ୍ତୁ ସେହି ଅଦେଖା ସ୍ୱପ୍ନକୁ ପୂରଣ କରିବାର ଅସମ୍ଭବ ପ୍ରତିଶ୍ରୁତିକୁ ଆଧାର କରି ବିଜୁ ଜନତା ଦଳର ନେତାମାନେ ଲୋକମାନଙ୍କୁ ୧୭ ବର୍ଷ ହେଲା ଶାସନ କଲେଣି । ଏବେ ଏହି ଦଳର କେତେକ ନେତା ପୁଣି ଇତିହାସ ବଦଳେଇବାକୁ ଉଦ୍ୟମ ଆରମ୍ଭ କରିଛନ୍ତି । ଠିକ ଭାରତୀୟ ଜନତା ପାର୍ଟିର ନେତାମାନଙ୍କ ପରି । ବିଜେଡିର ବରିଷ୍ଠ ଉପସଭାପତି ତଥା କୃଷି ମନ୍ତ୍ରୀ ଡାକ୍ତର ଦାମୋଦର ରାଉତ ଏବେ ଜୟୀ ରାଜଗୁରୁ ସ୍ୱାଧୀନତା ସଂଗ୍ରାମୀ ନଥିଲେ କହି ବିବାଦ ସୃଷ୍ଟି କରିଛନ୍ତି । ଜୟୀ ରାଜଗୁରୁ ବ୍ରିଟିଶ ଭାରତର ପ୍ରଥମ ଶହୀଦ ଥିଲେ ବୋଲି ହେଉଥିବା ଯୁକ୍ତିକୁ ସେ ଖଣ୍ଡନ କରିଛନ୍ତି । କହିଛନ୍ତି ଯେ ବକ୍ସିଙ୍କ ପାଇକ ବିଦ୍ରୋହ ହିଁ ପ୍ରଥମ ସ୍ୱାଧୀନତା ସଂଗ୍ରାମ । ଜୟୀ ସ୍ୱାଧୀନତା ପାଇଁ ବ୍ରିଟିଶ ବିରୋଧରେ ଲଢ଼େଇ କରି ନାହାନ୍ତି । ଶିକ୍ଷାରେ ପ୍ରାଣୀ ଚିକିତ୍ସକ ଓ ବୃତ୍ତିରେ ରାଜନେତା ଡାକ୍ତର ଦାମୋଦର ରାଉତ ଇତିହାସକୁ ନେଇ ଯେଉଁ ବିବାଦ ଆରମ୍ଭ କରିଛନ୍ତି ତାହା କୃଷକମାନଙ୍କ ଦାରିଦ୍ର୍ୟ ଦୂର କରିବ ଓ ସେମାନଙ୍କୁ ଆତ୍ମହତ୍ୟାରୁ ନିବୃତ୍ତ କରିବାର କି ସମ୍ଭାବନା ଅଛି? 


News Story - Posted on 2017-12-04

ସାମ୍ୟବାଦ ଆଉ କେତେ ଦୂର?



ସାମ୍ୟବାଦର ସ୍ଥିତି ଏବେ ସଂକଟରେ । ୧୯୯୧ରେ ସୋଭିଏତ୍‍ ସଂଘ ଭାଙ୍ଗିଯିବା ସାମ୍ୟବାଦର ଭବିଷ୍ୟତ ପ୍ରତି ଧକ୍‍କା ଥିଲା । ୧୯୧୭ରେ ରୁଷ୍‍ ବିପ୍ଳବ, ଭ୍ଲାଦିମିର୍‍ ଲେନିନଙ୍କ ନେତୃତ୍ୱରେ ମାର୍କ୍ସବାଦ ବିଚାର ପୁଞ୍ଜିବାଦକୁ ଆଘାତ ଦେଇଥିଲା । କମୁନିଜିମ୍‍ ବା ସାମ୍ୟବାଦ କେବଳ ରୁଷରେ ନୁହେଁ ଏକ ବିଚାରଧାରା ଭାବେ ବିଶ୍ୱରେ ପ୍ରସାରିତ ହୋଇଥିଲା । ରୁଷରେ ସାମ୍ୟବାଦୀ ଶାସନ ପ୍ରତିଷ୍ଠା ପରେ ଏକ ବିଶ୍ୱାସ ଦୃଢ଼ ହୋଇଥିଲା ଯେ, ପୁଞ୍ଜିବାଦରୁ ସୃଷ୍ଟି ଦାସତ୍ୱ ଓ ଅସମାନତା ହୁଏତ ଗୋଟିଏ ଦଶନ୍ଧି ମଧ୍ୟରେ ଶେଷ ହୋଇଯିବ । ସୋଭିଏତ୍‍ ଦେଶର ସାମ୍ୟବାଦ ଆମେରିକାର ପୁଞ୍ଜିବାଦକୁ ପରାଜିତ କରିବ ଓ ଧରାଶାୟୀ କରିବ । ବିଶ୍ୱର ଗୋଟିଏ ଭାଗ ଲୋକ ସୋଭିଏତ୍‍ ସଂଘର କମୁନିଜିମ୍‍ ବା ସାମ୍ୟବାଦ ସପକ୍ଷରେ, ଅନ୍ୟପକ୍ଷରେ ଆଉ ଗୋଟିଏ ଭାଗର ଲୋକ ସଂଯୁକ୍ତ ରାଷ୍ଟ୍ର ଆମେରିକାର ପୁଞ୍ଜିବାଦ ସପକ୍ଷରେ ରହିଲେ । ଆରମ୍ଭ ହେଲା ଆନ୍ତର୍ଜାତିକ ସ୍ତରରେ ସୋଭିଏତ୍‍ ସଂଘ ଓ ଆମେରିକା ମଧ୍ୟରେ ସାମ୍ୟବାଦ ଓ ପୁଞ୍ଜିବାଦକୁ ନେଇ ଶକ୍ତି ପରୀକ୍ଷା । ଏହା ଶୀତଳ ଯୁଦ୍ଧର ସ୍ଥିତି ସୃଷ୍ଟି କଲା । 


News Story - Posted on 2017-11-30

ଝଡ଼ିିବ କି ଭାଇଭଉଣୀଙ୍କ ଭବିଷ୍ୟତ?



ଅନୀଲ କୁମାର ପୁରୀର ପଂଚତାରକା ହୋଟେଲରେ ଯେଉଁ କାଣ୍ଡରେ ସଂଶ୍ଲୀଷ୍ଟ ଥିଲେ ସୋସିଆଲ୍ ମିଡ଼ିଆରେ ମଧ୍ୟ ଆଲୋଚନାକୁ କିଏ ଅଟଳାଇ ପାରିବ ନାହିଁ । ମେୟର ମାଧବୀଙ୍କ ସ୍ୱାମୀ ଉପାଖ୍ୟାନର ଝଡ଼ ଭିତରେ ଭାଇ ଅନୀଲ କୁମାରଙ୍କ ଝଡ଼ଟି ଆସି ପିଟି ହୋଇଯାଇଛି ବ୍ରହ୍ମପୁରର ଜନମନ ଭାବନାରେ । ଏଠାରେ ପ୍ରଶ୍ନ ଉଠୁଛି ଯେ ଏହି ଝଡ଼଼ରେ ଝଡ଼ିିପାରେ କି ଭାଇଭଉଣୀର ରାଜନୈତିକ ଭବିଷ୍ୟତ । କ୍ଷମତା ଅଳିନ୍ଦର ସତଗୁଣ ସଂପନ୍ନ ମଣିଷଟିଏ ଉନ୍ମୋଚନ କରିବା କାଠିକାର ପାଠ । କିନ୍ତୁ ଯେଉଁମାନେ ଅର୍ଥରୁ ପଦ ଓ କ୍ଷମତା ଏବଂ କ୍ଷମତାରୁ ନିଜ ସ୍ୱାର୍ଥସୁଖ ଲୋଡ଼ି ଏପରି କିଛି କର୍ମରେ ନିଜକୁ ଯୋଡ଼ି ଦିଅନ୍ତି ତା’ର ପ୍ରତିବିମ୍ବ ନିର୍ବାଚନରେ ଜଳଜଳ ହୋଇ ଦିଶିବ । ହୁଏତ ବ୍ରହ୍ମପୁରରେ ପୁଣି ଏକ ସରସ ସାରଗର୍ଭ ଆଲୋଚନା ପାଇଁ ବିଜେଡ଼ିର ଛାମୁଆ ସଂଗଠନ ଡ଼େରା ପକାଇ ପାରନ୍ତି ଆଗାମୀ ମହାନଗର କ୍ଷୀଣପଦ କୋଳେଇ ନେବାକୁ । କିନ୍ତୁ ମେୟର ମାଧବୀ ଓ ତାଙ୍କର ଭାଇଙ୍କୁ ନେଇ ଉଠିଥିବା ଝଡ଼କୁ ସମ୍ମୁଖୀନ ହେବାରେ ଶଂଖ ମଧ୍ୟ ଅସମର୍ଥ ହେବା ସୁନିଶ୍ଚିତ ।


News Story - Posted on 2017-11-30

ବିଜେପିର କଂଗ୍ରେସୀକରଣ!



୨୦୧୭ ଆରମ୍ଭରେ ଉତ୍ତର ପ୍ରଦେଶ ବିଧାନସଭା ନିର୍ବାଚନରେ କଂଗ୍ରେସ ଧରାଶାୟୀ ହୋଇଗଲା । ଗୁଜୁରାଟ ନିର୍ବାଚନ ପ୍ରଚାର ରାହୁଳଜୀଙ୍କୁ ଯଦିଓ ଜାତୀୟ ରାଜନୀତିରେ ମୋଦିଜୀଙ୍କ ବିକଳ୍ପ ଭାବେ ପ୍ରସ୍ତୁତ କରିଛି, ଏହା ସ୍ୱୀକାର କରିବାକୁ ଉଚିତ ହେବ ଯେ ଆଗାମୀ ୨୦୧୯ ନିର୍ବାଚନରେ ରାହୁଲଜୀଙ୍କ ନେତୃତ୍ୱାଧୀନ କଂଗ୍ରେସ ଏକାକୀ ମୋଦିଜୀଙ୍କୁ ମୁକାବିଲା କରିପାରିବ ନାହିଁ । ୨୦୧୪ ସାଧାରଣ ନିର୍ବାଚନ ଏହାର ଉଦାହରଣ । ୨୦୧୯ ଲୋକସଭା ନିର୍ବାଚନ ପୂର୍ବରୁ କର୍ଣ୍ଣାଟକ, ରାଜସ୍ଥାନ, ମଧ୍ୟ ପ୍ରଦେଶ ଏବଂ ଛତିଶଗଡ଼ ରାଜ୍ୟ ପାଇଁ ବିଧାନସଭା ନିର୍ବାଚନ ହେବ । ଗୁଜୁରାଟ ନିର୍ବାଚନ ଫଳାଫଳ ଏହି ବିଧାନସଭା ନିର୍ବାଚନକୁ ପ୍ରଭାବିତ କରିବ ନିଶ୍ଚୟ । ମୋଦିଜୀଙ୍କ ଲୋକପ୍ରିୟତାରେ ଆଞ୍ଚ ଆସିଲେ ହୁଏତ ରାହୁଳଜୀଙ୍କ ପାଇଁ ସ୍ୱଭାବିକ ଲାଭ ହେବ ।


News Story - Posted on 2017-11-30

ପ୍ରଧାନମନ୍ତ୍ରୀଙ୍କ ଉଦ୍ଦେଶ୍ୟ କ’ଣ?



ସୂଚନାଯୋଗ୍ୟ ଯେ ଅନେକ ସମୟରେ ନ୍ୟାୟପାଳିକା ଓ ସରକାରଙ୍କ ମଧ୍ୟରେ ସ୍ୱାର୍ଥର ସଂପର୍କ ଭିତ୍ତିରେ ସହଯୋଗମୂଳକ ସମ୍ବନ୍ଧ ସ୍ଥାପିତ ହେଲେ ସରକାର ସ୍ୱେଚ୍ଛାଚାରୀ ହୋଇଯିବାର ନଜୀର ରହିଛି । ଭାରତରେ ମଧ୍ୟ ଏହାର ଉଦାହରଣ ବିରଳ ନୁହେଁ । ଜରୁରୀକାଳୀନ ପରିସ୍ଥିତିକୁ ମଧ୍ୟ ସୁପ୍ରିମ କୋର୍ଟର ଏକ ଖଣ୍ଡପୀଠ ସମର୍ଥନ କରିଥିଲେ । ଅନେକ ସମୟରେ ସିବିଆଇ ଓ ସିଏଜି ପରି ସଂସ୍ଥା ମଧ୍ୟ ସରକାରଙ୍କ ପରିବାରର ସଦସ୍ୟ ଭାବେ କାର୍ଯ୍ୟ କରି ସାମ୍ବିଧାନିକ ମୂଲ୍ୟବୋଧର ଉଲ୍ଲଙ୍ଘନ କରିଛନ୍ତି । ସେଥିପାଇଁ ସିବିଆଇକୁ ସୁପ୍ରିମ କୋର୍ଟ ପିଞ୍ଜରାବଦ୍ଧ ଶୂଆ ଭାବେ ଅଭିହିତ କରିଥିଲେ । ସିଏଜି ମଧ୍ୟ ସରକାରଙ୍କ ଅଙ୍ଗ ଭାବେ ଅତ୍ୟନ୍ତ ଦୁର୍ବଳ ସଂସ୍ଥାରେ ପରିଣତ ହୋଇଛି । ସେହିପରି ଅନେକ ସମୟରେ କ୍ଷମତାରେ ଥିବା ନେତାମାନେ ନିର୍ବାଚନ କମିଶନ ପରି ସାମ୍ବିଧାନିକ ସଂସ୍ଥାକୁ ମଧ୍ୟ ନିଜର ସହଯୋଗୀ ବା ଅଧସ୍ତନ ସଂସ୍ଥା ଭାବେ ବ୍ୟବହାର କରିଥାନ୍ତି । ଏ ଉଦାହରଣ ମଧ୍ୟ ବିରଳ ନୁହେଁ ।


News Story - Posted on 2017-11-30

ବିଜେଡି ସଂପତ୍ତି ବଢ଼ିଛି ୭,୭୨୧%



ନିର୍ବାଚନ କମିଶନଙ୍କ ନିକଟରେ ବିଜୁ ଜନତା ଦଳ ଦାଖଲ କରିଥିବା ୧୦ ବର୍ଷର ଆୟବ୍ୟୟ ହିସାବ ଅନୁଶୀଳନ କରି ଏହି ରିପୋର୍ଟ ପ୍ରସ୍ତୁତ ହୋଇଛି । ରିପୋର୍ଟ ଅନୁସାରେ ୨୦୧୦-୧୧ରେ ଦଳର ସଂପତ୍ତି ପରିମାଣ ଥିଲା ୩.୧୭ କୋଟି ଟଙ୍କା । ୨୦୧୩-୧୪ ବର୍ଷକୁ ଏହା ୯.୨୬ କୋଟିକୁ ବୃଦ୍ଧି ପାଇଥିଲା । ୨୦୧୪-୧୫ରେ ଏହା ୧୭.୯୮ କୋଟି ଏବଂ ୨୦୧୫-୧୬ରେ ଏହା ୧୮.୭୭ କୋଟିକୁ ବୃଦ୍ଧି ପାଇଛି ।


News Story - Posted on 2017-11-19

ସଚିବଙ୍କଠାରୁ ରାଷ୍ଟ୍ରପତିଙ୍କ ଦରମା କମ୍! 



ସ୍ୱରାଷ୍ଟ୍ର ମନ୍ତ୍ରଣାଳୟ ତରଫରୁ ଯାଇଥିବା ପ୍ରସ୍ତାବକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ କ୍ୟାବିନେଟ ଅନୁମୋଦନ କଲା ପରେ ତାହା ଏକ ବିଲ୍ ରୂପରେ ସଂସଦରେ ଆଗତ ହେବ ଓ ସଂସଦ ତାହାକୁ ଗ୍ରହଣ କଲା ପରେ ଯାଇଁ ତାହା କାର୍ଯ୍ୟକାରୀ ହୋଇପାରିବ । ଦିଆଯାଇଥିବା ପ୍ରସ୍ତାବ ଅନୁସାରେ ରାଷ୍ଟ୍ରପତିଙ୍କ ମାସିକ ଦରମା ୫ ଲକ୍ଷ ଟଙ୍କା ଯାଏଁ ବୃଦ୍ଧି ହୋଇପାରିବ । ସେହିପରି ଉପରାଷ୍ଟ୍ରପତିଙ୍କ ଦରମା ମାସିକ ୩.୫ ଲକ୍ଷ ଓ ରାଜ୍ୟପାଳଙ୍କ ଦରମା ୩ ଲକ୍ଷ ଟଙ୍କା ଯାଏଁ ବୃଦ୍ଧି କରାଯାଇ ପାରିବ । 


News Story - Posted on 2017-11-15

ଭାରତରେ ଫାସିବାଦ ଓ ଅସହିଷ୍ଣୁତା!



ଗୋଟିଏ ଧର୍ମ ଓ ସଂପ୍ରଦାୟର ବିଦେଶୀ ପ୍ରଚାରକଙ୍କ ଟଙ୍କାକୁ ନେଇ ଚାନ୍ଦା ଭାବେ ଗ୍ରହଣ କରୁଥିବା ନେତା ନିଜକୁ ଧର୍ମନିରପେକ୍ଷତାର ବାର୍ତ୍ତା ଦେଉଛନ୍ତି, ଏହା ତ ସହଜରେ ସାଧାରଣରେ ଗ୍ରହଣ ହେଉନାହିଁ । ଏହାକୁ ବୁଝିବାକୁ ହେବ- ହିନ୍ଦୁତ୍ୱବାଦୀଙ୍କୁ କେବଳ ଫାସିବାଦୀ କହିଦେଲେ ଏହା ପ୍ରମାଣଯୋଗ୍ୟ ହେବନି କି ଜନତାଙ୍କ ହୃଦୟଙ୍କୁ ଛୁଇଁବନି । ଉଦାରବାଦୀଙ୍କ ଶରଣାପନ୍ନ ହେଲେ କେହି ସାମ୍ୟବାଦୀ ହୋଇପାରିବେ ନାହିଁ । ବରଂ ସୁବିଧାବାଦୀ ଓ ସଂଶୋଧନବାଦୀ ଭାବେ ପରିଚିତ ହେବେ । ପଥଚ୍ୟୁତ ଲଢ଼େଇ ଯୋଗୁଁ ସାମ୍ୟବାଦୀଙ୍କ ଏକତା ଦାନା ବାନ୍ଧୁନାହିଁ । ସାମ୍ୟବାଦୀ ବିଳାପ ନକରି ଦକ୍ଷିଣପନ୍ଥୀଙ୍କ ବିରୋଧରେ ମୁର୍ଦ୍ଦାବାଦର ନାରା ନଦେଇ ସଂଘବଦ୍ଧ ଏକତା ମାଧ୍ୟମରେ ଫାସିବାଦର ସ୍ୱରୂପ, ପୁଞ୍ଜିବାଦର କାୟା ବିସ୍ତାରକୁ ଏବଂ ଅସହିଷ୍ଣୁତା ସୃଷ୍ଟିକାରୀଙ୍କୁ ଧରାଶାୟୀ କରାଯିବା ପାଇଁ ଏକାଠି ହେବାକୁ ହେବ । ପଦପଦବୀର ପିପାସା ପଛରେ ନଗୋଡ଼ାଇ ସମାଜବାଦୀ ବିଚାରକୁ ନେଇ ଆଗକ୍‍ୁ ବଢ଼ିବାର ସମୟ ଆସିଛି । 


News Story - Posted on 2017-10-30

କଳିଙ୍ଗ ଯୁଦ୍ଧ ମିଛ- ବିଶ୍ୱଭୂଷଣ



କଳିଙ୍ଗ ଯୁଦ୍ଧରେ ଏକ ଲକ୍ଷ ବୀର ସୈନିକ ମୃତ୍ୟୁବରଣ କଲେ, ଦେଢ ଲକ୍ଷ ବନ୍ଦୀ ହେଲେ ଓ ଲକ୍ଷାଧିକ କ୍ଷତବିକ୍ଷତ ଓ ପଙ୍ଗୁ ହୋଇଗଲେ ବୋଲି ବର୍ତ୍ତମାନର ଇତିହାସରୁ ଜଣାପଡୁଛି । ଏହା ଯଦି ସତ୍ୟ ହୋଇଥାଏ, ତା’ ହେଲେ କଳିଙ୍ଗର ସେନା ବାହିନୀ ୮ କିମ୍ବା ୧୦ ଲକ୍ଷରୁ କେବେ କମ୍ ହୋଇ ନଥିବ ଓ ଏତେ ବଡ଼ ସେନା ଯେ ରଖିଥିବେ ସେ ଜଣେ ଅତି ଐଶ୍ୱର୍ଯ୍ୟଶାଳୀ ଓ ଦୁର୍ଦ୍ଦାନ୍ତ ରାଜା ବା ସମ୍ରାଟ ହୋଇଥିବା ସ୍ୱାଭାବିକ । ଆଶ୍ଚର୍ଯ୍ୟର କଥା ଯେ ଅଶୋକଙ୍କ ଶିଳାଲିପିରେ ଏକ ଲକ୍ଷ ସୈନ୍ୟଙ୍କ ମୃତ୍ୟୁ ଓ ଦେଢ଼ ଲକ୍ଷ ସୈନ୍ୟଙ୍କୁ ବନ୍ଦୀ କରିବା ସହିତ ତାଙ୍କର ସମସ୍ତ ବୀରତ୍ୱର କାହାଣି ଲିପିବଦ୍ଧ ହୋଇଛି, କିନ୍ତୁ ସେତେବେଳେ କଳିଙ୍ଗର ସେ ଶକ୍ତିଶାଳୀ ରାଜା ବା ସମ୍ରାଟ କିଏ ଥିଲେ ଲେଖା ଯାଇନାହିଁ । କୌଣସି ଐତିହାସିକ କଳିଙ୍ଗର ସେ ଶକ୍ତିଶାଳୀ ରାଜା ବା ସମ୍ରାଟ କିଏ ଥିଲେ ବୋଲି ଏ ପର୍ଯ୍ୟନ୍ତ ସଠିକ୍ ଭାବରେ କହିପାରୁନାହାନ୍ତି । ତେବେ ଅଶୋକ କାହା ସହିତ ଯୁଦ୍ଧ କରିଥିଲେ? ବିନା ପ୍ରତିପକ୍ଷ ବା ପ୍ରତିନ୍ଦ୍ୱଦୀରେ କ’ଣ କୋଉ ଯୁଦ୍ଧ ହୋଇପାରେ? ରାଜା ବା ସମ୍ରାଟ ନ ଥାଇ ଏତେ ବଡ ବିରାଟ ସେନାବାହିନୀ ଯୁଦ୍ଧକ୍ଷେତ୍ରକୁ ଆସିବା ସଂପୂର୍ଣ୍ଣ ଅବାସ୍ତବ ଓ ଅସମ୍ଭବ ବୋଲି ଶ୍ରୀହରିଚନ୍ଦନ କହିଛନ୍ତି । 


News Story - Posted on 2017-10-23

କଂଗ୍ରେସ ସହ ମେଣ୍ଟ କରିବ ବିଜେଡି! 



ତାଙ୍କର ଏଭଳି ବୟାନକୁ ଦଳର ସାଂସଦ କଳିକେଶ ସିଂହଦେଓ ଖଣ୍ଡନ କରିଛନ୍ତି । ସେ କହିଛନ୍ତି ଯେ ଓଡ଼ିଶାରେ ବିଜେପି ସହିତ ଲଢ଼ିବା ପାଇଁ ବିଜେଡିର ଶକ୍ତି ଅଛି । ଅନ୍ୟ ଯେଉଁ ରାଜ୍ୟରେ ବିଜେପି ଶକ୍ତିଶାଳୀ ସେଠାରେ ଧର୍ମନିରପେକ୍ଷ ଦଳ ଏକଜୁଟ ହୁଅନ୍ତୁ । ତେବେ ଦଳର ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କର ନିକଟତମ ବିଧାୟକ ଦେବାଶିଷ ସାମନ୍ତରାୟ କଂଗ୍ରେସ ସହିତ ମେଣ୍ଟ ସମ୍ଭାବନାକୁ ସଂପୂର୍ଣ୍ଣ ଭାବେ ଖଣ୍ଡନ କରିନାହାନ୍ତି । ପୂର୍ବରୁ ସାଂସଦ ଭର୍ତ୍ତୃହରି ମହତାବ ଏପରି ପ୍ରସ୍ତାବ ଦେବାବେଳେ ଦେବାଶିଷ ତାହାକୁ ତାଙ୍କ ବ୍ୟକ୍ତିଗତ ମନ୍ତବ୍ୟ ବୋଲି କହି କଂଗ୍ରେସ ସହିତ ମେଣ୍ଟ ସମ୍ଭାବନାକୁ ସଂପୂର୍ଣ୍ଣ ଖଣ୍ଡନ କରିଥିଲେ । ପରେ ନିଜେ ମୁଖ୍ୟମନ୍ତ୍ରୀ ଭର୍ତ୍ତୃହରିଙ୍କ ମନ୍ତବ୍ୟ ଉପରେ ପ୍ରତିକ୍ରିୟା ପ୍ରକାଶ କରି ତାଙ୍କ ଦଳ ଉଭୟ କଂଗ୍ରେସ ଓ ବିଜେପିଠାରୁ ସମଦୂରତ୍ୱ ବଜାୟ ରଖିଛି ଓ ରଖିବ ବୋଲି କହିଥିଲେ । କିନ୍ତୁ ଆଜି ଦାମଙ୍କ ବୟାନ ପରେ ଦେବାଶିଷ କହିଛନ୍ତି ଯେ ଏବେଠାରୁ ମେଣ୍ଟ କଥା ଉଠାଇବା ଠିକ ନୁହେଁ । ଏ ସଂପର୍କରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯାହା ଘୋଷଣା କରିବେ ତାହା ହିଁ ଦଳର ନିଷ୍ପତ୍ତି ହେବ ବୋଲି ସେ କହିଛନ୍ତି । ନବୀନ ଆଜି ଏ ନେଇ କିଛି କହି ନାହାନ୍ତି ।


News Story - Posted on 2017-10-21

ଏକା ଧରମା ବାଇଶି ପଳ! 



କୃଷି ମନ୍ତ୍ରୀ ଡାକ୍ତର ଦାମୋଦର ରାଉତ ଏ ସଂପର୍କରେ ଗଣମାଧ୍ୟମକୁ ପ୍ରତିକ୍ରିୟା ଦେଇ କହିଛନ୍ତି ଯେ ସେ ପାଳଗଦା ଉପରେ ଠିଆ ହୋଇଛନ୍ତି । କିଏ ଯଦି ତଳୁ ନିଆଁ ଲଗେଇଦେଲା ତେବେ ପୋଡ଼ିଯିବେ । ତାଙ୍କୁ ନିଜ ମାଟିର ଲୋକମାନେ ପ୍ରତ୍ୟାଖ୍ୟାନ କରିଦେଲେ । ଏବେ ସେ ବିହାରର ପୋଷାପୁଅ । ଓଡ଼ିଆରେ ଗୋଟେ କଥା ଅଛି- ପୋଷା ପୁଅ ଗେଂଜା ରୁଅ, ତିନି ଡାକରେ ଜବାବ ଦିଅ ।


News Story - Posted on 2017-10-21

ଦୁଇଟି ଚେହେରା ଅନେକ ପ୍ରଶ୍ନ!



ମୋଦି କି ରାହୁଳ କେହି କାହାର ବିକଳ୍ପ ହୋଇପାରିବେ ନାହିଁ । ବିଫଳତାକୁ ଉଭୟେ ମନ୍ଥନ କରୁଛନ୍ତି । ଇତିହାସର ଦୁର୍ବଳତାକୁ ଖୋଜୁଛନ୍ତି । ଆର୍‍ଏସ୍‍ଏସ୍‍ ନିଜର ବ୍ୟାପକ ମଧ୍ୟ ଦେଇ ମୋଦିଙ୍କୁ କ୍ଷମତାରେ ରହିବା ପାଇଁ ବାଟ ତିଆରି କରୁଛନ୍ତି । ଜନତାଙ୍କ ମନକୁ କିଏ କିପରି ପ୍ରଭାବିତ କରିପାରିବେ ସେଥିପାଇଁ ବାଟ ତିଆରି କରିବା ଆରମ୍ଭ କରିଛନ୍ତି । ୧୯୯୧ରେ ଦେଶରେ ଆର୍ଥିକ ସଂସ୍କାର ଆରମ୍ଭ ହୋଇଥିଲା । ଏହି ସଂସ୍କାର କାର୍ଯ୍ୟକ୍ରମ ଆରମ୍ଭ ହୋଇଥିଲା କଂଗ୍ରେସ ଶାସନ ସମୟରେ । ଆରମ୍ଭ କରିଥିଲେ ବିଶ୍ୱପ୍ରସିଦ୍ଧ ଅର୍ଥନୀତିଜ୍ଞ ଡ଼କ୍ଟର ମନମୋହନ ସିଂହ । ଶ୍ରୀ ସିଂହଙ୍କ ଏହି ଆର୍ଥିକ ସଂସ୍କାର ଏପରି ଫଳାଫଳ ଆଣିଦେଇଛି ଯେ, ଦେଶରେ ଆର୍ଥିକ ଅସମାନତା ଆକାଶ ଛୁଇଁଲାଣି । ନେତା ଓ ରାଜନୈତିକ ଦଳର ସମ୍ପତ୍ତି ବଢିଚାଲିଛି । ଲୋକ ଏଠି ଗରିବ କିନ୍ତୁ ଲୋକ ପ୍ରତିନିଧି ଏବଂ ରାଜନୈତିକ ଦଳ ଧନୀ । ଏଭଳି ବିରୋଧାଭାସକୁ ନେଇ ମୋଦିଜୀ କି ରାହୁଳ କେହି ମୁହଁ ଖୋଲୁନାହାନ୍ତି । ରାହୁଳଜୀଙ୍କ ଦଳ ଆରମ୍ଭ କରିଥିବା ଜଗତୀକରଣ, ଘରୋଇକରଣ, ଉଦାରୀକରଣ ନୀତିକୁ କାର୍ଯ୍ୟକାରୀ କରିବାରେ କୁଣ୍ଠା ପ୍ରକାଶ କରୁନାହାନ୍ତି ମୋଦିଜୀ । କାଲି ସକାଳେ ସ୍ୱଦେଶୀ ଭାବନାର କଥା କହିଥିବା ମୋଦିଜୀ ଏବେ ବିଦେଶ ଗସ୍ତରେ ଯାଇ ବିଦେଶୀ ନୀତିକୁ ଆପଣେଇବା ସହ ବିଦେଶରୁ କେତେ ଆମଦାନି ହେବ କିପରି ଭାରତ ବଜାରରେ ଅଧିକରୁ ଅଧିକ ବହୁରାଷ୍ଟ୍ରୀୟ ପୁଞ୍ଜିପତିମାନେ ତାଙ୍କ ଉତ୍ପାଦର ପସରା ମେଲାଇ ପାରିବେ ସେଥିପାଇଁ ଲାଗିପଡ଼ିଛନ୍ତି । 


News Story - Posted on 2017-10-18

ଗଂଜାମ ଖୋଜୁଛି ମାଟିର ମଣିଷ!



ବିଜୁ ବାବୁଙ୍କ ପରେ ନବୀନ ପଟ୍ଟନାୟକକୁ ରାଜନୀତିର ‘ଅ’ ଅକ୍ଷର ଶିଖାଇବାଠାରୁ କ୍ଷମତା ଗାଦିରେ ବସାଇବାରେ ଗଂଜାମର ଅବଦାନ ଅନେକ । ରାମକୃଷ୍ଣ ପଟ୍ଟନାୟକଙ୍କ ପରି ବିଚକ୍ଷଣ ରାଜନେତା ଏନଡ଼ିଏ ସହ ହାତମିଶାଇ ବିଜୁ ଜନତା ଦଳ ଗଠନରେ ମୁଖ୍ୟ ଭୂମିକା ନିର୍ବାହ କରିଥିଲେ । ନବୀନ ଆସିକାରୁ ସଂସଦକୁ ଯାଇ କେନ୍ଦ୍ରମନ୍ତ୍ରୀ ହୋଇଥିଲେ । ପରେ ବିଜେପି-ବିଜେଡ଼ି ମେଣ୍ଟର ନେତା ଭାବେ ରାଜ୍ୟ ଶାସନର ମଂଗ ଧରିଥିଲେ । ବିଡ଼ମ୍ବନାର ବିଷୟ ଥିଲା ଯେ ରାମକୃଷ୍ଣ ପଟ୍ଟନାୟକଙ୍କ ପରି ବରିଷ୍ଠ ରାଜନେତା ମଧ୍ୟ ତଡ଼଼ାଖାଇ କ୍ଷମତା ରାଜନୀତିରେ ଅସ୍ତ ହୋଇଗଲେ ନବୀନଙ୍କ ମୁଖ୍ୟମନ୍ତ୍ରୀତ୍ୱର ପ୍ରଥମ ଦଫାରେ । ରାମକୃଷ୍ଣ ପଟ୍ଟନାୟକଙ୍କ ପରି ବିଚକ୍ଷଣ ରାଜନେତାଙ୍କୁ ହଟାଇ ମଧ୍ୟ ବିଜେଡ଼ି ସୁପ୍ରିମୋ ଗଂଜାମରେ ୧୪ ବିଧାୟକଙ୍କୁ ଜିତାଇଥିଲେ । ନବୀନ ଗଂଜାମର ଆଶା, ଭାଗ୍ୟ, ଭରସା, ଭବିଷ୍ୟତ ଭାବିନେଇ ଲୋକମତ ଯେଉଁ ଅନୁପାତରେ ନବୀନଙ୍କୁ ସମର୍ଥନ ଦେଇ ଚାଲିଲେ ସେଥିରେ ଗଂଜାମର ଆଶାତୀତ ପ୍ରଗତି ହୋଇପାରିଥାନ୍ତା । କିନ୍ତୁ ନବୀନଙ୍କଠାରୁ ପ୍ରତିଦାନରେ ଗଂଜାମ ଜିଲ୍ଲାବାସୀ କିଛି ପାଇଲେ ନାହିଁ । 


News Story - Posted on 2017-10-17

ସଫଳତାର ବିରୋଧାଭାସ



ଓଡ଼ିଶାରେ ଶିଳ୍ପ କରି ନପାରି ପୋସ୍କୋ ଓ ମିତ୍ତଲ ଫେରିଗଲେ । କୌଣସି ବୃହତ ଶିଳ୍ପ ଦୁଇ ଦଶନ୍ଧିରେ ହୋଇନାହିଁ । ଏହା ବି ଏକ ସରକାରୀ ରେକର୍ଡ଼ । ରାଜ୍ୟରେ କୌଣସି ଶିଳ୍ପ ଆଇନ ମାନି ଚାଲି ନାହିଁ । ଶ୍ରମିକମାନେ ସବୁ ଶିଳ୍ପରେ ଶୋଷଣ ଓ କଷଣ ଭୋଗ କରୁଛନ୍ତି । ତାହା ଅବଶ୍ୟ ସରକାରଙ୍କୁ ଦେଖାଯାଏନି ।


News Story - Posted on 2017-10-14

ପର ଧନରେ ପଲେଇ ମା’!



ଏବେ ଚାଷୀମାନେ ପ୍ରଶ୍ନ କଲେଣି ଟଙ୍କିକିଆ ଚାଉଳର ୧୦ ଟଙ୍କିଆ ଦୁର୍ନୀତି ଓ ଘୃଣ୍ୟ ରାଜନୀତିକୁ ନେଇ । କିଲୋ ପିଛା କେନ୍ଦ୍ର ସରକାର ୨୭ ଟଙ୍କା ୯୪ ପଇସା ବହନ କରୁଥିବା ବେଳେ ରାଜ୍ୟର ୨ ଟଙ୍କା ଓ ହିତାଧିକାରୀ କିଣୁଥିବା ଟଙ୍କାଏକୁ ମିଶାଇଲେ ଏହି ଟଙ୍କିକିଆ ଚାଉଳର କିଲୋପିଛା ଦର ହେଉଛି ୩୦ ଟଙ୍କା ୯୪ ପଇସା ବା ୩୧ ଟଙ୍କା । ଯେଉଁ ମାନର ଟଙ୍କିକିଆ ଚାଉଳ ଯୋଗାଯାଉଛି ତାହା ଖୋଲା ବଜାରରେ କିଲୋ ୨୦ରୁ ୨୨ ଟଙ୍କାରେ ଉପଲବ୍ଧ ହେଉଥିବା ବେଳେ କଳା ବଜାରରେ ୧୦ରୁ ୧୫ ଟଙ୍କାରେ ମିଳୁଛି । ତେବେ ସଂଖ୍ୟାଧିକ ଚାଷୀ ପରିବାର ତଥା ସାଧାରଣ ଲୋକଙ୍କ ମଧ୍ୟରୁ ୭୩ ପ୍ରତିଶତରୁ ଅଧିକଙ୍କୁ ଯୋଗାଇବା ପାଇଁ ଏହି ଚାଉଳର କିଲୋ ପ୍ରାୟ ୩୧ ଟଙ୍କା ହେଉଛି କିପରି? ଏହି ଗୋଲକ ଧନ୍ଦା ପଛରେ ଯେ ବଡ଼ ଧରଣର ଘୋଟାଲା ରହିଛି ଏବଂ ବାର୍ଷିକ ଆମ ରାଜ୍ୟରେ ପ୍ରାୟ ୨୦୦୦ କୋଟି ଟଙ୍କାର ଦୁର୍ନୀତି ବିଭିନ୍ନ ସ୍ତରରେ ହେଉଛି ବୋଲି ଅର୍ଥନୀତି ବିଶାରଦମାନେ ଆଶଙ୍କା କରୁଛନ୍ତି । ସାରା ଦେଶରେ ଏ ଘୋଟାଲାର ପରିମାଣ କେତେ? ତେବେ ଯେଉଁସବୁ ରାଜନୈତିକ ଦଳ ଓ ତାହାର ନେତାମାନେ ନିଜକୁ ଟଙ୍କିକିଆ ଚାଉଳର ଦାତା ବୋଲି ଦାବି କରୁଛନ୍ତି ସେମାନେ ଏ ମହାଘୋଟାଲାରୁ କେତେ ପ୍ରତିଶତ ଅର୍ଥ ଚଳୁ କରୁଛନ୍ତି ତାହାର କିନ୍ତୁ କେହି ହିସାବ ଦେବାକୁ ନାରାଜ । ଏ ଟଙ୍କିକିଆ ଚାଉଳ ମୋଦିଙ୍କର ନୁହେଁ କି ନବୀନଙ୍କର ନୁହେଁ, କି ଆଉ କେଉଁ ରାଜନେତାଙ୍କ ବିଲର ନୁହେଁ, ଏ ଚାଉଳ ହେଉଛି ଚାଷୀଙ୍କର ।


News Story - Posted on 2017-10-14

ମହାଭାରତର ଶଲ୍ୟ ଓ ମୋଦୀ



ବିବିଧତାର ଏକତାକୁ ଯେଉଁ ନେତା, ଯେଉଁ ଦଳ ଭାଙ୍ଗିବାପାଇଁ ଉଦ୍ୟମ କରିଛନ୍ତି, ତାଙ୍କ ଲକ୍ଷ୍ୟ ପୂରଣ ହୋଇପାରିନି । ଜାତୀୟ ରାଜନୀତିର ପୂର୍ବାପର ଉପରେ ଦୃଷ୍ଟିପକାଇବା ବେଳେ, ମହାଭାରତର ଯୋଦ୍ଧା “ଶଲ୍ୟ” ଉପାଖ୍ୟାନ ଶୁଣାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ଆଇସିଏସ୍ଆଇର ସୁବର୍ଣ୍ଣଜୟନ୍ତୀ ସମାରୋହରେ ଯୋଗଦେଇ ବିରୋଧୀଙ୍କୁ ଶଲ୍ୟ ପ୍ରବୃତ୍ତିରେ ପୀଡିତ ବୋଲି କହିଛନ୍ତି । ପ୍ରଧାନମନ୍ତ୍ରୀ ମୋଦୀଙ୍କର ବିରୋଧୀଙ୍କ ପ୍ରତି ଏହି କଟାକ୍ଷକୁ ମହାଭାରତ ପଢ଼ିଥିବା ଓ ପଢ଼ୁଥିବା ବ୍ୟକ୍ତିମାନେ ସହଜରେ ଗ୍ରହଣ କରିପାରି ନାହିାଁନ୍ତି । ବ୍ୟାସଦେବଙ୍କ ରଚିତ ମହାଭାରତକୁ ବି. ଆର. େ·ପ୍ରା ସିରିଏଲ୍ ମାଧ୍ୟମରେ ଦର୍ଶକଙ୍କୁ ଦେଖାଇଛନ୍ତି । ଏହା ଦୂରଦର୍ଶନରେ ଏକ ଲୋକପ୍ରିୟ ସିରିଏଲ୍ ହୋଇପାରିଥିଲା ।


News Story - Posted on 2017-10-08

ସ୍ମୃତିଙ୍କ ସ୍ମୃତିନାଶ!



ସେହିପରି ଭାବେ ସ୍ମୃତି ତାଙ୍କ ଭାଷଣରେ କହିଥିଲେ ଯେ, ରାମାୟଣ ହେଉଛି ଏକ ତଥା କଥିତ ପୁରାଣ (ସୋ କଲ୍ଡ ଏପିକ୍) । ତାଙ୍କର ଏହି ମନ୍ତବ୍ୟ ଆହୁରି ଦୁଃଖ ଦେବା ସହିତ ତୀବ୍ର ପ୍ରତିକ୍ରିୟା ସୃଷ୍ଟି କରିଛି । କାରଣ ରାମାୟଣ ପରି ଏକ ମହାନ୍ ଧର୍ମଗ୍ରନ୍ଥ ପ୍ରତି ତାଙ୍କର ସନ୍ଦେହ ରହିଛି କିମ୍ବା ସ୍ମୃତି ରାମାୟଣ ଶ୍ଳୋକ ଆବୃତ୍ତି କଲେ କି ରାମାୟଣ ସଂପର୍କରେ ତାଙ୍କର ବିଶେଷ ଜ୍ଞାନ ନାହିଁ । ସେ କେବେ ରାମାୟଣ ପାଠ କରିନାହାଁନ୍ତି କିମ୍ବା ହୃଦୟ ଦେଇ ଶୁଣି ନାହାନ୍ତି କିମ୍ବା ରାମାୟଣ ଉପରେ କୌଣସି ନାଟକ ଗୀତିନାଟ୍ୟ, ରାମଲୀଳା, ସିନେମା ଓ ଟିଭି ସିରିଏଲ୍ ଉକ୍ରଣ୍ଠାର ସହ ଦେଖିନାହାନ୍ତି । ନଚେତ୍ ଏହାକୁ ତଥାକଥିତ ଧର୍ମପୁରାଣ କହିନଥାନ୍ତେ । 


News Story - Posted on 2017-10-08

ବିଚାର : ଦ୍ୱନ୍ଦ୍ୱ ଏବଂ ସଂକଟ



ବିଚାରର ମୃତ୍ୟୁ ହୋଇ ନଥାଏ । ଏହା କେବଳ ସମୟେ ସମୟେ ଅପ୍ରାସଙ୍ଗିକ ହୋଇଥାଏ କିଛି ନିର୍ଦ୍ଦିଷ୍ଟ ବିଚାରର ମଣିଷମାନଙ୍କ ପାଇଁ । ମାର୍କ୍ସବାଦ ଏକ ବିଚାର । ଏହାର ମୃତ୍ୟୁ ନାହିଁ । ପ୍ରଶ୍ନ ଉଠେ, କାହିଁକି ନାହିଁ? ଉତ୍ତର ହେଉଛି- କାହିଁକି ନା ଏହାର ଆଧାର ବିଜ୍ଞାନ । ଏହି ବାଦ କେବଳ ତର୍କ ଭିତ୍ତିରେ ନୁହେଁ, ତଥ୍ୟ ଓ ପ୍ରମାଣ ଆଧାରିତ । ସମାଜ ବ୍ୟବସ୍ଥାର କ୍ରମାନ୍ୱୟ ଚିତ୍ର ହେଉଛି- ସାମ୍ୟବାଦ ପରେ ସାମନ୍ତବାଦ ଏବଂ ସାମାନ୍ତବାଦ ପରେ ପୁଞ୍ଜିବାଦ ଆସିଥାଏ । ପୁଞ୍ଜିବାଦ ପରେ ସମାଜବାଦ ଏବଂ ସମାଜବାଦ ପରେ ସାମ୍ୟବାଦ ଆସିବ । ଏହା ହେଉଛି ସାମ୍ୟବାଦୀଙ୍କର ବିଚାର । ଅନ୍ୟପକ୍ଷରେ ଦକ୍ଷିଣପନ୍ଥୀମାନେ ଯଦିଓ ସର୍ବଧର୍ମ ସମଭାବ ଓ ବସୁଧୈବ କୁଟୁମ୍ବକମ୍‍ ଏବଂ ସର୍ବେ ଭବନ୍ତୁ ସୁଖିନଃ କଥା କହିଥାନ୍ତି; କିନ୍ତୁ ଏହା କେବଳ ଉଚାରଣରେ ସୀମିତ ଥାଏ ସିନା ଆଚରଣରେ ଦେଖିବାକୁ ମିଳିନଥାଏ । ଫଳତଃ ଏହାକୁ ନେଇ ବୈଚାରିକ ଦ୍ୱନ୍ଦ୍ୱର ଚିତ୍ର ଦେଖିବାକୁ ମିଳୁଛି । ଯେପରି ନିକଟରେ କେରଳରେ ଦକ୍ଷିଣପନ୍ଥୀ ଓ ବାମପନ୍ଥୀଙ୍କ ମଧ୍ୟରେ ହିଂସାକାଣ୍ଡ ଘଟଣା ଦେଶପାଇଁ ଉଦ୍‍ବେଗର ପ୍ରସଙ୍ଗ ହୋଇଛି । 


News Story - Posted on 2017-10-02

ଫାଲତୁ ଚର୍ଚ୍ଚା!



ଅଥଚ ତାଙ୍କ ମୃତ୍ୟୁର ଦୁଇ ଦିନ ପରଠୁଁ ସେଠା ନିର୍ବାଚନ, କିଏ କେଉଁ ଦଳରୁ ପ୍ରାର୍ଥୀ ହେବେ, କିଏ ଜିତିବେ, କିଏ ପ୍ରଚାର କରିବେ ଆଦି ବିଷୟରେ ଚର୍ଚ୍ଚା ଓ ଆଲୋଚନା ଲାଗି ରହିଛି । ସୁବଳଙ୍କ ମୃତ୍ୟୁ ପାଇଁ ତାଙ୍କ ପରିବାରଙ୍କୁ କିମ୍ବା ତାଙ୍କ ଅନୁଗାମୀମାନଙ୍କୁ ସମବେଦନା ଜଣାଇବା ବାହାନାରେ ମୂଳରୁ ଆରମ୍ଭ ହୋଇଥିବା ଏହି ନିଷ୍ଠୁର ରାଜନୀତିକ ଅଭିଯାନ ଭିତରେ ମାନବିକତାର ମୃତ୍ୟୁ ହେବା ସ୍ୱାଭାବିକ କଥା, ତା’ ସହିତ ରାଜ୍ୟର ଅନ୍ୟାନ୍ୟ ସମସ୍ୟା ମଧ୍ୟ ଗୌଣ ହୋଇଯାଇଛି । ଯେଉଁ ନିର୍ବାଚନ କେବେ ହେବ ସେଥିପାଇଁ ବିଜ୍ଞପ୍ତି ଜାରି ହୋଇନାହିଁ ତା’ ଉପରେ ଓଡ଼ିଶାର ରାଜନୀତିକ ଦଳଗୁଡ଼ିକ ଯେତେ ଗୁରୁତ୍ୱ ଦେଇ ରଣକୌଶଳ ନିର୍ଦ୍ଧାରଣ କରୁଛନ୍ତି ସେତିକି ତତ୍ପରତା ଯଦି ରାଜ୍ୟର ଶିକ୍ଷା, ସ୍ୱାସ୍ଥ୍ୟ, କୃଷି, ଅର୍ଥନୀତି, ସଂପଦ ପରିଚାଳନା ଆଦି ସଂପର୍କରେ ପ୍ରକାଶ ପାଆନ୍ତା ତେବେ ହୁଏତ ଦିନ କେଇଟାରେ ଏସବୁ ସମସ୍ୟା ଇତିହାସ ହୋଇଯାଆନ୍ତା । ମାତ୍ର, ତାହା ହୁଏ ନାହିଁ । କାରଣ ବୋଧହୁଏ ଏହି ରାଜନୀତିକ ଦଳଗୁଡ଼ିକ ଓଡ଼ିଶା ଓ ଓଡ଼ିଆଙ୍କର କୌଣସି ମୌଳିକ ସମସ୍ୟା ଦୂର ହେଉ ବୋଲି ଚାହାନ୍ତି ନାହିଁ । ଲୋକେ ଯଦି ଶିକ୍ଷିତ, ସଚେତନ, ଆତ୍ମନିର୍ଭରଶୀଳ ହୋଇଯିବେ ଆଉ ନେତାଙ୍କ ପଛରେ ଗୋଡ଼େଇବେ ନାହିଁ କି ସେମାନଙ୍କ ପତାକା ଧରିବେ ନାହିଁ । ଲୋକେ ଶିକ୍ଷିତ, ସଚେତନ ଓ ସଶକ୍ତ ହେଲେ ନେତା ଓ ବାବୁମାନଙ୍କର ଗାଲୁଆମି ଧରାପଡ଼ିବ । ଦୁର୍ନୀତି ଓ କୁପରିଚାଳନାର ଯବାବ ଦିଆଯିବ । ଲୋକେ ପ୍ରଶ୍ନ କରିବେ । ତାତିବେ, ମାତିବେ । ସେମାନଙ୍କ ଜବାବ ଦେବାକୁ ହେବ ।


News Story - Posted on 2017-10-01

ଦୁର୍ନୀତି ପାଲଟିଛି ଫୁଲ ଓ ଫଳ



ଆକାଶରେ ଉଡ଼ୁଥିବା ଚଢ଼େଇର ଉଡ଼ନ୍ତା ରାସ୍ତାକୁ ପୂର୍ବାନୁମାନ କରାଯାଇପାରେ । କିନ୍ତୁ ଦୁର୍ନୀତି ଆଚରଣ ତରିକାର ପୂର୍ବାନୁମାନ କରାଯାଇ ନପାରେ । ଏବେ ପେଟର ଭୋକଠାରୁ ବିପଜ୍ଜନକ ଅବସ୍ଥାରେ ପହଂଚିଛି ଧନ ଓ ଶରୀରର ଭୋକ । ଅଧିକରୁ ଅଧିକ ଧନ ସଂଗ୍ରହର ପିପାସା ଏବଂ ନାର ଶରୀର ପ୍ରତି ପୁରୁଷର ଆଦିମ ଭୋକ ଯେପରି ଏବେ ପଶୁତ୍ୱ ପ୍ରବୃତ୍ତି ଆଡ଼କୁ ମୁହାଁଇଛି । ଅନେକ ମହିଳା ପ୍ରକୃତି ଦ୍ୱାରା ପାଇଥିବା ନିଜ ସୌନ୍ଦର୍ଯ୍ୟକୁ ଉପଯୋଗ କରି ଆପଣାର ଆକାଂକ୍ଷାକୁ ପୂରଣ ପାଇଁ ଓଲଟା ସିଧା ନୀତିକୁ ଆପଣଉଛନ୍ତି ଯାହାକୁ ପରୋକ୍ଷରେ ଦୁର୍ନୀତି ସହ ତୁଳନା କରାଯାଇପାରେ । ଏବେ ତ ବାବାଙ୍କଠାରୁ ରାଜନେତା ଏବଂ ଅଫିସରଙ୍କଠାରୁ ପିଅନଙ୍କ ଯାଏ ସମସ୍ତଙ୍କ କାର୍ଯ୍ୟଶୈଳୀରେ ଶୁଦ୍ଧତା ଓ ସ୍ୱଚ୍ଛତା ଭୂଷଣ ହୋଇ ରହିନାହିଁ । ହୁଏତ ସମସ୍ତେ ନୁହନ୍ତି କିନ୍ତୁ ୯୦ ପ୍ରତିଶତ ସରକାରୀ କର୍ମଚାରୀ ଓ ରାଜନେତାଙ୍କ ଧନବୃଦ୍ଧିକୁ ନେଇ ଏତାଦୃଶ ଅଭିଯୋଗ ଜୋର ଧରିଛି । 


News Story - Posted on 2017-09-23

ରାଜନୀତିରେ ବଂଶବାଦ



ରାଜନୀତିରେ ବଂଶବାଦ କହିଲେ ନିଜର ବଂଶ ବା ପରିବାର ଆଧାରରେ ଦଳ ବା ସରକାରରେ ଅହେତୁକ ରାଜନୈତିକ ସୁବିଧା ପାଇବା। ଜନସାଧାରଣଙ୍କର ବିଶ୍ୱାସ ଭାଜନ ନ ହୋଇ ବିଭିନ୍ନ ପଦ ପଦବୀ ମଣ୍ଡନ କରିବା। ବଂଶବାଦ ଏହା ନୁହେଁ ଯେ, କୌଣସି ରାଜନେତାର ପୁଅ ବା ଝିଅ ରାଜନୀତି କରିବା। ଜଣେ ମୁଖ୍ୟମନ୍ତ୍ରୀ ପୁଅ ସାଂସଦ ହୋଇଗଲା ବା କୌଣସି କେନ୍ଦ୍ରମନ୍ତ୍ରୀ ପୁଅ ବିଧାୟକ ହୋଇଗଲା ବୋଲି ବଂଶବାଦର ଦ୍ୱାହି ଦେଇ ତାକୁ ବିରୋଧ କରାଯିବା ଉଚିତ‌୍‍ ନୁହେଁ। ନିର୍ବାଚନ ଲଢିବା ଏବଂ ଦେଶର ରାଜନୀତିରେ ଭାଗନେବା ହେଉଛି ସମସ୍ତଙ୍କର ଗଣତାନ୍ତ୍ରିକ ଅଧିକାର। ଦକ୍ଷତା ଆଧାରରେ କୌଣସି ବ୍ୟକ୍ତି ଜନସାଧାରଣଙ୍କର ବିଶ୍ୱାସଭାଜନ ହେଲେ ବା ସେମାନଙ୍କ ଦ୍ୱାରା ନିର୍ବାଚିତ ହେଲେ, କାହାର କହିବାର କିଛି ନାହିଁ। ଯଦି ଡାକ୍ତର ବା ଇଂଜିନିୟରଙ୍କ ସନ୍ତାନ ଡାକ୍ତର ବା ଇଂଜିନିୟର ହୋଇପାରିବେ, ତାହାହେଲେ ନେତାଙ୍କ ସନ୍ତାନ ନେତା ହେବାର ଅସୁବିଧା କେଉଁଠି ? ମାତ୍ର ଦକ୍ଷତାକୁ ଅଣଦେଖା କରି କୌଣସି ପରିବାରର ଇଚ୍ଛା ଅନୁଯାୟୀ କୌଣସି ବ୍ୟକ୍ତିଙ୍କୁ ଦଳ ବା ସରକାରରେ ଉକ୍ତ ପଦପଦବୀରେ ବସାଇବା ହିଁ ବଂଶବାଦକୁ ଦର୍ଶାଇଥାଏ।


News Story - Posted on 2017-09-22

ବିଜେଡିର ନୂଆ ଭାବମୂର୍ତ୍ତି



ସକାଳ ୭ଟା ରୁ ଦିନ ୧୨ଟା ପର୍ଯ୍ୟନ୍ତ ସାରା ଓଡ଼ିଶାରେ ବନ୍ଦ ପାଳନ କରିବାକୁ ବିଜେଡି ଡାକରା ଦେଇଥିଲା। ସେଥିପାଇଁ ଏକ ସ୍ଲୋ ମୋସନ ରାଜନୀତି କରିବାକୁ ଦଳର ସମସ୍ତ ନେତା, କର୍ମୀ ପ୍ରସ୍ତୁତ ମଧ୍ୟ ହେଲେ। କିନ୍ତୁ, ମାତ୍ର ୫ ଘଣ୍ଟା ମଧ୍ୟରେ ଦଳର ଚେହେରା ବଦଳି ଯିବା ସାଙ୍ଗେ ସାଙ୍ଗେ ଓଡ଼ିଶା ରାଜନୀତିରେ ଏକ ନୂଆ ଫର୍ଦ୍ଦ ଯୋଡି ହେଇଗଲା। ଆଉ ସେଇଟା ହେଲା ’ଗୁଣ୍ଡାଗର୍ଦ୍ଦି’। ସାଧାରଣ ଜନତାଙ୍କ ସ୍ବର ଉଠାଇବା ଲାଗି ପ୍ରଚେଷ୍ଟାରତ ବିଜେଡି ନାଁ ପୂର୍ବରୁ ’ଗୁଣ୍ଡା’ ଲାଗିବା ନିହାତି ଲଜ୍ଜାକର ବିଷୟ


News Story - Posted on 2017-09-19

ଚିଟଫଣ୍ଡ ଲିଙ୍କ: ବିଜେଡ଼ି ବିଧାୟକ ଗିରଫ



ସୂଚନା ଅନୁସାରେ ଯାଜପୁର ଜିଲ୍ଲା ବେଣାପୁରରେ ପତ୍ନୀ ଲକ୍ଷ୍ମୀବିଳାସିନୀ ବିଶ୍ୱାଳଙ୍କ ନାଁରେ ଥିବା ୩୨ ଗୁଣ୍ଠ ଜମି ସିସୋରକୁ ବିକ୍ରି କରିବାକୁ ପ୍ରଭାତ ସିସୋର ମାଲିକ ପ୍ରଶାନ୍ତ ଦାଶଙ୍କ ସହିତ କଥାବାର୍ତ୍ତା କରିଥିଲେ । ଏଥିପାଇଁ ୨୯ ଲକ୍ଷ ଟଙ୍କା ଦର ଛିଡ଼ିଥିଲା । ବିକ୍ରି କବଲା ହେବା ପୂର୍ବରୁ ସିସୋର ମାଲିକ ପ୍ରଶାନ୍ତ ଦାଶ ତାଙ୍କୁ ୨୫ ଲକ୍ଷ ଟଙ୍କାର ଚେକ୍ ଦେଇଥିଲେ । ଏହା ପ୍ରଭାତ ବିଶ୍ୱାଳଙ୍କ ନାଁରେ ଥିଲା । ପରେ କୌଣସି କାରଣରୁ ଜମି ବିକ୍ରି କବଲା ହୋଇନଥିଲା । 


News Story - Posted on 2017-09-18

ଏ ଦଳ ସେ ଦଳ ନୁହେଁ!



ଆଜି ଆୟୋଜିତ ହୋଇଥିବା ରାଜ୍ୟବ୍ୟାପୀ ହରତାଳ ସମୟରେ ବିଜେଡିର କେତେକ କର୍ମୀ ଭୁବନେଶ୍ୱରରେ ନିଜର ରୋଗାକ୍ରାନ୍ତ ଶ୍ୱଶୁରଙ୍କୁ ନେଇ ଯାଉଥିବା ଜଣେ ମହିଳାଙ୍କ କାର୍କୁ ଭଙ୍ଗାରୁଜା କରିଥିଲେ । ସେହିପରି ଅନ୍ୟ ଏକଠାରେ ରୋଗୀ ନେଇ ଯାଉଥିôବା ଏକ ଆମ୍ବୁଲାନ୍ସକୁ ବିଜେଡି କର୍ମୀମାନେ ବାଟରୁ ଫେରାଇ ଦେଇଥିଲେ । ଏହି ଘଟଣା ଉପରେ ତୀବ୍ର ପ୍ରତିକ୍ରିୟା ପ୍ରକାଶ କରିଛନ୍ତି ବିଜେଡିର କେନ୍ଦ୍ରାପଡ଼ା ସାଂସଦ ବୈଜୟନ୍ତ ପଣ୍ଡା । ସେ ନିଜ ଟୁଇଟର ଆକାଉଣ୍ଟରେ କହିଛନ୍ତି ଯେ ଏହାକୁ ମୁଁ ତୀବ୍ର ନିନ୍ଦା କରୁଛି । ମୁଁ ଆଉ ଦଳର ମୁଖପାତ୍ର ନାହିଁ । ତେଣୁ ଦଳ ତରଫରୁ ନିନ୍ଦା କରୁନାହିଁ । କୋଡ଼ିଏ ବର୍ଷ ତଳେ ନବୀନ ପଟ୍ଟନାୟକଙ୍କୁ ସହାୟତା କରି ଯେଉଁ ଦଳ ଗଢ଼ିଥିଲୁ ଏହା ସେହି ଦଳ ନୁହେଁ । ଏଥିପାଇଁ ମୁଁ ଲଜ୍ଜିତ ଓ କ୍ଷୁବ୍ଧ । ବିଜୁବାବୁ ମଧ୍ୟ ଏଇଆ କରିଥାନ୍ତେ । ଆରାମ ଚେୟାର କୌଶଳ ନିର୍ଦ୍ଧାରକ ବିଦା ହୁଅନ୍ତୁ ।


News Story - Posted on 2017-09-17

ଶ୍ରେଷ୍ଠ ପ୍ରଶାସକ ନା ଶ୍ରେଷ୍ଠ ନିଷ୍କର୍ମା?



ଓଡ଼ିଶାରେ ନିରକ୍ଷରଙ୍କ ସଂଖ୍ୟା କୋଟିଏରୁ ଅଧିକ। କିନ୍ତୁ ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ୨୦୦୧ରୁ ଗଢ଼ା ଯାଇଥିବା ରାଜ୍ୟ ସାକ୍ଷରତା ମିଶନର ବୈଠକ ଅଦ୍ୟାବଧି ବସିନାହିଁ। ରାଜ୍ୟର ସ୍ବାସ୍ଥ୍ୟସେବା ବ୍ୟବସ୍ଥାରେ ବିକାଶ ପାଇଁ ଗଢ଼ା ଯାଇଥିବା ରାଜ୍ୟ ସ୍ବାସ୍ଥ୍ୟ ମିଶନର ବି ମୁଖ୍ୟମନ୍ତ୍ରୀ ଅଧ୍ୟକ୍ଷ। ଏହି ମିଶନର ବୈଠକ ଅନ୍ତତଃପକ୍ଷେ ପ୍ରତି ୬ ମାସରେ ଥରେ ବସିବା କଥା। କିନ୍ତୁ ବର୍ଷ ବର୍ଷ ଧରି ସ୍ବାସ୍ଥ୍ୟ ମିଶନର ବୈଠକ ବସିନାହିଁ। ରାଜ୍ୟର ଆର୍ଥିକ ସମ୍ବଳକୁ ଅନୁଧ୍ୟାନ କରି ତାକୁ ସଜାଡ଼ିବା ଦିଗରେ ସ୍ବତନ୍ତ୍ର ପଦକ୍ଷେପ ନେବା ସହିତ ସୁଚିନ୍ତିତ ଯୋଜନା ପ୍ରଣୟନ ପାଇଁ ପରାମର୍ଶ ଦେବା ଲାଗି ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ଥିବା ରାଜ୍ୟ ଯୋଜନା ବୋର୍ଡର ବୈଠକ ୧୦ ବର୍ଷ ଧରି ଅନୁଷ୍ଠିତ ହୋଇନାହିଁ। ବିଧାୟକ ଦିଲିପ ରାୟଙ୍କ ଭିନ୍ନ ଭିନ୍ନ ଚାରୋଟି ପ୍ରଶ୍ନର ଉତ୍ତରରେ ବିଧାନସଭାରେ ବିଭାଗୀୟ ମନ୍ତ୍ରୀମାନେ ଦେଇଥିବା ତଥ୍ୟରୁ ଏହା ଜଣାପଡ଼ିଛି। ଏଥିରୁ ରାଜ୍ୟର ବିକାଶ ପାଇଁ ସରକାରଙ୍କ ଆନ୍ତରିକତା କେତେ ରହିଛି ତାହା ସ୍ପଷ୍ଟ ଅନୁମେୟ ବୋଲି ବିଧାୟକ ଶ୍ରୀ ରାୟ କହିଛନ୍ତି।


News Story - Posted on 2017-09-14

ଅଣ୍ଡାମାଡ଼- ୧୫ ଘଟଣାରେ ୮୯ ଗିରଫ



ତିନିବର୍ଷ ମଧ୍ୟରେ ଓଡ଼ିଶାରେ ଅନ୍ୟୁନ ୧୬ଟି ସ୍ଥାନରେ ମୁଖ୍ୟମନ୍ତ୍ରୀ, କେନ୍ଦ୍ରମନ୍ତ୍ରୀ ଓ ଅନ୍ୟ ନେତାମାନଙ୍କ ଗାଡ଼ି ଉପରକୁ ଅଣ୍ଡାମାଡ଼ ତଥା ଆକ୍ରମଣ ହୋଇଛି। ଏଥିରୁ ତିନୋଟି ଘଟଣା ବିଜେପିର ମନ୍ତ୍ରୀ ଓ ନେତାଙ୍କ ଉପରେ ହୋଇଥିବା ବେଳେ ଅବଶିଷ୍ଟ ୧୩ଟି ହୋଇଛି ବିଜେଡି ନେତାଙ୍କ ଉପରେ। ୧୫ଟି ଅଣ୍ଡାମାଡ଼ ଓ ଆକ୍ରମଣ ଘଟଣାରେ ୮୯ ଜଣ ଗିରଫ ହୋଇଥିବା ବେଳେ ଆଉ ଗୋଟିଏ ଘଟଣାରେ ଏଯାବତ‌୍‍ ପୋଲିସ କାହାକୁ ଧରିନାହିଁ। ବିଧାୟକ ଦିଲିପ ରାୟଙ୍କ ଏକ ପ୍ରଶ୍ନର ଉତ୍ତରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିଧାନସଭାରେ ଦେଇଥିବା ବିସ୍ତୃତ ତଥ୍ୟରୁ ଏହା ଜଣାପଡ଼ିଛି।


News Story - Posted on 2017-09-13

କାହାର ପ୍ରିୟ ପଣ୍ଡା ଓ ପ୍ରଧାନ?



ନଳିନୀଙ୍କ ପରି ଏହି ୪-୫ ବର୍ଷ ଭିତରେ ଭୁବନେଶ୍ୱରର ଅନାମଧ୍ୟେୟ ପଣ୍ଡା ଇନଫ୍ରା କମ୍ପାନୀ ମଧ୍ୟ ବିପୁଳ ପରିମାଣର ସରକାରୀ ଅନୁକମ୍ପା ଲାଭ କରିବାରେ ସମର୍ଥ ହୋଇଛି । କମ୍ପାନୀଟି ୨୦୦୮ ମସିହାରେ ପଂଜୀକୃତ ହୋଇଥିଲା । ଏହାର ମୋଟ ମୂଲ୍ୟ ହେଉଛି ୧୮.୪୫ କୋଟି ଟଙ୍କା । କିନ୍ତୁ ଏହାକୁ ପ୍ରାୟ ୨୦୦ କୋଟି ଟଙ୍କାର କାମ ଦିଆଯାଇଛି । ଏତେ ଟଙ୍କାର କାମ କରିବାକୁ କମ୍ପାନୀ କେଉଁଠୁ କ’ଣ ଦର୍ଶାଇ ଋଣ ପାଇଲା ତାହା ରହସ୍ୟଜନକ । ରାଜନୀତିକ ମହଲରେ ହେଉଥିବା ଚର୍ଚ୍ଚା ଅନୁଯାୟୀ ପଣ୍ଡା କମ୍ପାନୀରେ ଶାସକ ଦଳର କେତେକ ବିଧାୟକ ଓ ପୂର୍ତ୍ତ ବିଭାଗର କେତେ ଜଣ ଯନ୍ତ୍ରୀଙ୍କର ବେଆଇନ ଅର୍ଥ ଲାଗିଛି । ତେଣୁ କମ୍ପାନୀ ୨୦୦୮ ମସିହାରେ ପଂଜୀକୃତ ହୋଇଥିଲେ ବି ଏହାକୁ ବିନା ଅଭିଜ୍ଞତାରେ ଏତେ ପୋଲ କାମ ଦିଆଯାଇଛି । କମ୍ପାନୀକୁ ମାଳତୀପାଟପୁର ପୋଲ, ଜଟଣୀ ଫ୍ଲାଇ ଓଭର ବ୍ରିଜ, ସମ୍ବଲପୁର ଫ୍ଲାଇ ଓଭର ବ୍ରିଜ, ବମିଖାଲ ପୋଲ ଓ ଲିଙ୍ଗରାଜ ବିହାର ପୋଲ କାମ ଦିଆଯାଇଛି । ଏତେ ସବୁ ପୋଲ କାମ ପାଇବା ପୂର୍ବରୁ ପଣ୍ଡା କମ୍ପାନୀ ଆଉ କେତେଟା ଏହିପରି ପୋଲ ନିର୍ମାଣ କରିଛି ତାହା ବିଚାରକୁ ନିଆଯାଇଥିଲା କି ନାହିଁ ତାହା ସନ୍ଦେହଜନକ । 


News Story - Posted on 2017-09-09

ଅବକ୍ଷୟର ଦ୍ୱାର ଦେଶରେ ଭାରତ



୧୯୭୫ରେ ଦେଶରେ ଜରୁରୀ ପରିସ୍ଥିତି ଜାରି ହେଲା। ଏକଛତ୍ରବାଦ ଶାସନର ବିକଟାଳ ତାଣ୍ଡବ ଲୀଳା ଦେଖିବାକୁ ମିଳିଲା। ସଭା-ଶୋଭାଯାତ୍ରା, ତର୍କ-ବିତର୍କ ସବୁ ଉପରେ କଟକଣା ଜାରି ହେଲା। ଏହାର କିଛିଦିନ ପରେ ଜରୁରୀ ପରିସ୍ଥିତି ଅବସ୍ଥା ସୁଧୁରିଲା। ବିଶ୍ୱବିଦ୍ୟାଳୟରେ ପୁଣି ବୈଚାରିକ ଜୀବନସତ୍ତାର ଉନ୍ମେଷ ଘଟିଲା। ସୋଭିଏତ୍ ରୁଷର ପତନ ପରେ ପ୍ରଚାର ହେଲା ସାରା ବିଶ୍ୱରେ ସାମ୍ୟବାଦୀ ବିପ୍ଳବର ସ୍ୱପ୍ନ ଧ୍ୱଂସ ହୋଇଗଲା। ୧୯୮୦ରେ ସୋଭିଏତ୍ ସଂଘର ପେରେସ୍ତ୍ରୋୟିକା ଅର୍ଥାତ୍ ପୁନଃନିର୍ମାଣ ଆରମ୍ଭ ହେଲା। ୧୯୯୦ରେ ଏହି ପୁନଃନିର୍ମାଣର ଅନ୍ତିମ ଦୃଶ୍ୟ ଦେଖିବାକୁ ମିଳିଲା। ସାମ୍ୟବାଦୀ‌ ସରକାରର ପତନ ଘଟିଲା। ୧୯୮୪ରେ ଦିଲ୍ଲୀରେ ଶିଖ୍ ନରସଂହାର ଦୃଶ୍ୟ ଦେଖିବାକୁ ମିଳିଲା। କିନ୍ତୁ ଭାରତୀୟ ବିଶ୍ୱବିଦ୍ୟାଳୟ ଓ ମହାବିଦ୍ୟାଳୟମାନଙ୍କରେ ଆଦର୍ଶଗତ ବୈପ୍ଳବିକ ବିଚାରର ଶାଣିତ ସ୍ୱର ଅତୁଟ ଥିଲା।


News Story - Posted on 2017-09-07

୫ ବର୍ଷରେ ନେତାଙ୍କ ସଂପତ୍ତି ୫୦୦% ବୃଦ୍ଧି



ଏଭଳି ନେତାମାନଙ୍କ ସଂପର୍କରେ ୨୦୧୫ ଜୁନ ମାସରେ ଏକ ରିପୋର୍ଟ ପ୍ରସ୍ତୁତ କରିଥିଲା ଆସୋସିଏସନ ଫର ଡେମୋକ୍ରାଟିକ ରିଫର୍ମସ ବା ଏଡିଆର । ଏହି ସ୍ୱେଚ୍ଛାସେବୀ ସଂସ୍ଥା ଏହି ରିପୋର୍ଟକୁ କେନ୍ଦ୍ରୀୟ ପ୍ରତ୍ୟକ୍ଷ କର ବୋର୍ଡ଼ ବା ସିବିଡିଟିରେ ଦାଖଲ କରି ଏହା ଉପରେ ତଦନ୍ତ ପାଇଁ ଦାବି ଜଣାଇଥିଲା । କିନ୍ତୁ ଏହା ଉପରେ କେନ୍ଦ୍ର ସରକାର ଯେଉଁ ଉତ୍ତର ରଖିଥିଲେ ତାହା ଅତ୍ୟନ୍ତ ଅସ୍ପଷ୍ଟ । ଏପରିକି ଏହା ଉପରେ ସରକାର ତଦନ୍ତ କରିଥିଲେ କି ନାହିଁ ତାହା ମଧ୍ୟ ଜଣାଇ ନାହାନ୍ତି । ୨୦୦୯ ଓ ୨୦୧୪ ନିର୍ବାଚନରେ ଏହି ରାଜନେତାମାନେ ସେମାନଙ୍କ ନିର୍ବାଚନୀ ସତ୍ୟପାଠରେ ଉଲ୍ଲେଖ କରିଥିବା ସଂପତ୍ତି ପରିମାଣ ଭିତ୍ତିରେ ହିଁ ଏଡିଆର ଏହି ରିପୋର୍ଟ ପ୍ରସ୍ତୁତ କରିଥିଲା ।


News Story - Posted on 2017-09-07

ଚାନ୍ଦା ଆଦାୟରେ ସବା ଆଗାରେ ବିଜେପି



ଆସୋସିଏସନ ଫର୍ ଡେମୋକ୍ରାଟିକ ରିଫର୍ମସ ବା ଏଡିଆର ତରଫରୁ ଜାରି ହୋଇଥିବା ରିପୋର୍ଟ ଅନୁସାରେ ୨୦୧୪-୧୫ ବର୍ଷରେ ଜାତୀୟ ଦଳଗୁଡ଼ିକ ମୋଟ ୧୮୬୯ କୋଟି ଟଙ୍କାର ଚାନ୍ଦା ପାଇଥିଲେ । ପରବର୍ଷ ଏଥିରେ ୪୧ ପ୍ରତିଶତ ହ୍ରାସ ଘଟି ୧୦୩୩ କୋଟିରେ ପହଂଚିଥିଲା । ତେବେ ଏହାର ୮୦ ପ୍ରତିଶତ କେବଳ ବିଜେପି ଓ କଂଗ୍ରେସ ଦଳକୁ ଯାଇଛି । ଅନ୍ୟ ଜାତୀୟ ଦଳଗୁଡ଼ିକ ଭିତରେ କେବେଳ ସିପିଏମ ଏହି ବର୍ଷ ୧୦୦ କୋଟିରୁ କିଛି ଅଧିକ ଚାନ୍ଦା ପାଇଛି । ବିଜେପି ଓ କଂଗ୍ରେସ ଦାଖଲ କରିଥିବା ସେମାନଙ୍କର ଆୟସୂତ୍ର ରିପୋର୍ଟରେ ଏହି ଚାନ୍ଦାର ୭୭% ଅଜଣା ସୂତ୍ରରୁ ଆସିଥିବା ଦର୍ଶାଇଛନ୍ତି । ଏ ଦୁଇ ଦଳ ପାଇଥିବା ଚାନ୍ଦାର ଏକ ଚତୁର୍ଥାଂଶ ଖର୍ଚ୍ଚ ହୋଇନାହିଁ ।


News Story - Posted on 2017-09-03

ଦେଶ ବଦଳୁଛି, ବଦଳୁ ନାହାନ୍ତିି ନେତା



ନିକଟରେ ଫୋବର୍ସର ରିପୋର୍ଟ ଅନୁଯାୟୀ ଭାରତ ଏକ ଦୁର୍ନୀତିଗ୍ରସ୍ତ ତାଲିକାରେ ଯୋଡ଼ି ହୋଇଛି । ଗଣମାଧ୍ୟମ ସ୍ୱାଧୀନତାରେ ଭାରତ ୧୩୫ଟି ଦେଶ ତଳେ ରହିଛି । ପ୍ରଧାନମନ୍ତ୍ରୀ ମୋଦିଙ୍କ ବହୁଳ ପ୍ରଚାରିତ ସ୍ଲୋଗାନ ହେଲା ଦେଶ ବଦଳୁଛି । ହଁ ଏହା ମିଛ ନୁହେଁ । ଦେଶ ବଦଳୁଛି । ଭୟରେ ପ୍ରତିଟି ସାଧାରଣ ନାଗରିକ ପ୍ରତିଦିନ ଶଙ୍କାଗ୍ରସ୍ତ । ଏହା ଦେଶ ଦେଶବଦଳୁଥିବାର ଚିତ୍ର । କ୍ଷମତାର ଡୋରକୁ ହାତମୁଠାରେ ଜାବୁଡ଼ି ଧରି ରଖିବା ପାଇଁ ଗୋଟିଏ ଦଳ ଆଉ ଗୋଟିଏ ଦଳ ସହ ପ୍ରତିଯୋଗିତା ଚଳାଇଛି । ହୁଏତ ଏହି ପ୍ରତିଯୋଗିତାରେ ଏବେ ବିଜେପି ସର୍ବାଗ୍ରେ । ଏହା ପଛକୁ କଂଗ୍ରେସ ହୁଏତ ରହିଛି । ଏଭଳି ପ୍ରତିଯୋଗିତାରେ କ’ଣ ଭୋକିଲା ଓ ଗରିବୀ ମଣିଷର ଦୁଃଖ ଦୂର ହୋଇପାରିବ? ତା’ ଦୁର୍ଦ୍ଦଶାର ପରିବର୍ତ୍ତନ ଘଟିପାରିବ ? 


News Story - Posted on 2017-09-03

ଗଲେ ୬, ହେଲେ ୯



ପ୍ରଧାନମନ୍ତ୍ରୀଙ୍କ ନୂତନ ଭାରତ ଗଠନର ଉଦ୍ୟମକୁ ଦୃଷ୍ଟିରେ ରଖି ଏହି ଅଦଳବଦଳ କରାଯାଇଛି ବୋଲି କୁହାଯାଉଛି । ଏହି ଅଦଳବଦଳ ପୂର୍ବରୁ ରାଜୀବ ପ୍ରତାପ ରୁଡ଼ି, କାଲରାଜ ମିଶ୍ର, ବନ୍ଦାରୁ ଦତ୍ତାତ୍ରେୟ, ଫଗନ ସିଂହ କୁଲସ୍ତେ ଏବଂ ମହେନ୍ଦ୍ର ନାଥ ପାଣ୍ଡେ ପ୍ରମୁଖ ୬ ଜଣ ମୋଦି ମନ୍ତ୍ରିମଣ୍ଡଳରୁ ଇସ୍ତଫା ପ୍ରଦାନ କରିଛନ୍ତି । ଏମାନଙ୍କୁ ଦଳର ସାଂଗଠନିକ ଦାୟିତ୍ୱ ମିଳିବ ବୋଲି କୁହାଯାଉଛି । ଆଜି ପୂର୍ବରୁ କେନ୍ଦ୍ର ସରକାରରେ ପ୍ରଧାନମନ୍ତ୍ରୀ ମୋଦିଙ୍କୁ ମିଶାଇ ୭୩ ଜଣ ମନ୍ତ୍ରୀ ଥିଲେ । ଆଜିର ଅଦଳବଦଳ ପରେ ଏହି ସଂଖ୍ୟା ୭୬କୁ ବୃଦ୍ଧି ପାଇଛି ।


News Story - Posted on 2017-09-02

ସାମିଲ ହେବେ କେଉଁ ଦଳ?



ପୂର୍ବରୁ ଚର୍ଚ୍ଚା ହେଉଥିଲା ଯେ ଏହି ଅଦଳବଦଳରେ ସଂଯୁକ୍ତ ଜନତା ଦଳ, ଏଆଇଏଡିଏମକେ ଏବଂ ଶିବସେନାର କେତେକ ସାଂସଦଙ୍କୁ ମନ୍ତ୍ରିମଣ୍ଡଳରେ ଗ୍ରହଣ କରାଯିବ । କିନ୍ତୁ ଏଯାଏଁ ଏହା ସ୍ପଷ୍ଟ ହୋଇନାହିଁ । ଅଧିକନ୍ତ୍ୁ ସଂଯୁକ୍ତ ଜନତା ଦଳର ନେତା ତଥା ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ଏଭଳି ଏକ ସମ୍ଭାବନା ନେଇ ଆଲୋଚନା ହୋଇନାହିଁ ବୋଲି କହିଛନ୍ତି । ଗଣମାଧ୍ୟମ ପ୍ରତିନିଧିଙ୍କୁ ଉତ୍ତର ଦେଇ ସେ କହିଛନ୍ତି ଯେ ତାଙ୍କ ଦଳକୁ ଏଯାଏଁ ବିଧିବଦ୍ଧ ପ୍ରସ୍ତାବ ଦିଆଯାଇ ନାହିଁ । କେବଳ ଗଣମାଧ୍ୟମରେ ଏଭଳି ଚର୍ଚ୍ଚା ଚାଲିଛି । ଆଗ ପ୍ରସ୍ତାବ ଆସିଲେ ତା’ ଉପରେ ବିଚାରବିମର୍ଶ କରାଯାଇ ଯାହା କିଛି ନିଷ୍ପତ୍ତି ନିଆଯିବ । ସେହିପରି ତାଙ୍କ ଦଳର କେସି ତ୍ୟାଗୀ କହିଛନ୍ତି ଯେ ଆମ ଦଳର ସବୁ ସାଂସଦ ଦିଲ୍ଲୀରେ ଅଛନ୍ତି । କିନ୍ତୁ ମନ୍ତ୍ରିମଣ୍ଡଳରେ ଆମକୁ ସାମିଲ କରାଯିବ କି ନାହିଁ ସେନେଇ କୌଣସି ସୂଚନା ଏଯାଏଁ ମିଳି ନାହିଁ ।


News Story - Posted on 2017-08-22

ନବୀନଙ୍କ ଦୁର୍ନୀତି ବିଜେପିର ଅସ୍ତ୍ର



ଦୁର୍ନୀତି ଚରମ ସୀମାରେ ପହଞ୍ଚିଛି । ରାଜ୍ୟରେ ଯେ କୌଣସି ସରକାରୀ ଯୋଜନାର ଲାଭ ପାଇବା ପାଇଁ ବିନା ପିସିରେ କିଛି ହେଉ ନାହିଁ । ବିଳମ୍ବରେ ହେଲେ ମଧ୍ୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ତାଙ୍କ ଶାସନର ୧୭ ବର୍ଷର ଏହି ନିଛକ ସତ୍ୟକୁ ସ୍ୱୀକାର ମଧ୍ୟ କରିଛନ୍ତି । ବିଶେଷତଃ ପଞ୍ଚାୟତରାଜ ବ୍ୟବସ୍ଥା ଜରିଆରେ ବ୍ଲକ ତତ୍ୱାବଧାନରେ ଖାଦ୍ୟ ସୁରକ୍ଷା (ରାସନ କାର୍ଡ) ହିତାଧିକାରୀ ଚୟନ, ପ୍ରଧାନମନ୍ତ୍ରୀ ଆବାସ ଯୋଜନା, ସ୍ୱଚ୍ଛ ଭାରତ ଅଭିଯାନର ପାଇଖାନା ଓ ବିଭିନ୍ନ ଭତ୍ତା ବଂଟନ କ୍ଷେତ୍ରରେ ପ୍ରକୃତ ହିତାଧିକାରୀଙ୍କୁ ବଂଚିତ କରାଯାଇ ଦଳୀୟ ଭିତ୍ତିରେ ବିଜେଡ଼ି ସରକାର ଦେଉଛନ୍ତି । ଏମ୍ଜିଏନ୍ଆର୍ଇଜିଏସ୍ୟରେ ଗାଇଡ଼ଲାଇନ୍ ଅନୁସାରେ କାର୍ଯ୍ୟ କରାନଯାଇ ବ୍ୟାପକ ଦୁର୍ନୀତି କରାଯାଉଅଛି । ଲୋକଙ୍କୁ ରୋଜଗାର ଯୋଗାଇବା ଏହି ସ୍କିମ୍ର ଲକ୍ଷ୍ୟ ହୋଇଥିବା ସ୍ଥଳେ ମେସିନ୍ ବ୍ୟବହାର କରାଯାଇ ବିଲ୍ କରାଯାଉଛି । ଫଳରେ ରାଜ୍ୟର ଲକ୍ଷ ଲକ୍ଷ ଯୁବକ କାମ ନପାଇ ରାଜ୍ୟ ବାହାରକୁ ଦାଦନ ଖଟିବାକୁ ଯାଉଛି । ନିକଟରେ ସାଙ୍କେତିକ ଭାବେ ପିସି ବିରୁଦ୍ଧରେ ପଦକ୍ଷେପର ନାକଟ କରି ଲୋକଙ୍କୁ ଭୁଆଁ ବୁଲାଇବା ପାଇଁ ଚେଷ୍ଟା କରୁଛନ୍ତି ରାଜ୍ୟ ସରକାର । ପିସି ଦୁର୍ନୀତି ବନ୍ଦ ହେବା ସହ ଗତ ୧୭ ବର୍ଷରେ ଯେଉଁ ହିତାଧିକାରୀମାନେ ପିସି ଦେଇଛନ୍ତି ସେମାନଙ୍କର ବୟାନ ବିଧିବଦ୍ଧ ରେକର୍ଡ ସହ ଅଭିଯୁକ୍ତଙ୍କ ବିରୁଦ୍ଧରେ ଥାନାରେ ମାମଲା ରୁଜୁ କରି ନିରପେକ୍ଷ ତଦନ୍ତ କରିବା ପାଇଁ ବିଜେପି ରାଜ୍ୟ କାର୍ଯ୍ୟକାରିଣୀ ବୈଠକ ଦଢ଼ ଦାବି କରିଛି ।


News Story - Posted on 2017-08-22

ଫେଡେରାଲ୍ ଡେମୋକ୍ରାସି



ଜଣେ ମୁଖ୍ୟମନ୍ତ୍ରୀଙ୍କ ଭାଷଣକୁ ମୂଲ୍ୟାୟନ କରିବା ଅର୍ଥ ପ୍ରସାରଭାରତୀ ଅଧୀନସ୍ଥ ଜଣେ କର୍ମଚାରୀ ଜଣେ ମୁଖ୍ୟମନ୍ତ୍ରୀଙ୍କର ସାମ୍ବିଧାନିକ ଅଧିକାର ଉପରେ ପ୍ରଶ୍ନବାଚୀ ଉଠାଇବା ସହ ସମାନ । ହୁଏତ ପରବର୍ତ୍ତୀ ସମୟରେ ମୁଖ୍ୟମନ୍ତ୍ରୀଙ୍କ ଭାଷଣକୁ ରେକର୍ଡ କରିଥିବା କର୍ମଚାରୀ କେତେଜଣ, ସେମାନଙ୍କ ଉପରିସ୍ଥ କର୍ମଚାରୀ ଜଣାଇଥିବେ । ଉପରିସ୍ଥ କର୍ମଚାରୀମାନେ କି ପ୍ରକାରର ସିଦ୍ଧାନ୍ତ ନେଇଥିବେ ତାହା ଗଣମାଧ୍ୟମକୁ ଆସିନାହିଁ । ତେବେ ଆକାଶବାଣୀ ଓ ଦୂରଦର୍ଶନ କର୍ମଚାରୀମାନେ ମୁଖ୍ୟମନ୍ତ୍ରୀଙ୍କ ଭାଷଣକୁ ବଦଳେଇବା ପାଇଁ କହିଥିବା ଗଣମାଧ୍ୟମରେ ପ୍ରକାଶ ପାଇଛି । ଯଦି ଏପରି ହୋଇଥାଏ, ତେବେ ଏହା ମଧ୍ୟ ଏକ ଗୁରୁତର ଅପରାଧ । ମୁଖ୍ୟମନ୍ତ୍ରୀଙ୍କୁ ପ୍ରଥମେ କହିବାକୁ ସୁଯୋଗ ଦେଇ ତାଙ୍କ ଭାଷଣର ବିବାଦୀୟ ପ୍ରସଙ୍ଗଗୁଡିକୁ ନେଇ ଭାରତୀୟ ଦଣ୍ଡବିଧି ଆଇନର ବିଭିନ୍ନ ଦଫାରେ ମୋକଦ୍ଦମା ରୁଜ୍ଜୁ କରାଯାଇପାରିଥାନ୍ତା । କିନ୍ତୁ ସେପରି ନକରି ତାଙ୍କ ଭାଷଣକୁ ପ୍ରସାରଣ ନକରିବା ଦ୍ୱାରା କର୍ମଚାରୀମାନେ ଗୋଟିଏ ସରକାରର ସ୍ୱାଧୀକାର ଭଙ୍ଗ କରିଥିବା ଭଙ୍ଗ ଅଭିଯୋଗରେ ଅଭିଯୁକ୍ତ ହୋଇପାରିବେ । ତେବେ ଏପ୍ରସଙ୍ଗଟି ଅନ୍ୟକିଛି ଲୁକ୍କାୟିତ ପ୍ରସଙ୍ଗକୁ ଇଙ୍ଗିତ କରୁଛି । ମାଣିକ ସରକାରଙ୍କ ଭାଷଣରେ ଅସହିଷ୍ଣୁତା, ଅଗଣତାନ୍ତ୍ରିକ ବାକ୍ୟ, ଧର୍ମନିରପେକ୍ଷ ଭାବନା ଉପରେ ଆଘାତ, ସମାଜରେ ବିଭାଜନ ସୃଷ୍ଟି, ଗୋ-ସୁରକ୍ଷା କାର୍ଯ୍ୟକ୍ରମ ପ୍ରତି ଆକ୍ଷେପ ଆଦି ଥିଲା ବୋଲି ପ୍ରସାରଭାରତୀର ଅଧିକାରୀମାନେ କହିଥିବା ଗଣମାଧ୍ୟମଗୁଡିକରୁ ଜଣାପଡିଛି । 


News Story - Posted on 2017-08-21

ଓଡ଼ିଶାର ସ୍କାମ ସରକାର!



ଅନ୍ୟ ଏକ ମହାଦୁର୍ନୀତି ହେଉଛି ଜମି ଦୁର୍ନୀତି । ୨୦୧୦ ମସିହାରେ ସି.ଏ.ଜି. ରାଜ୍ୟରେ ଭୁବନେଶ୍ୱର ଏବଂ କଟକ ସହରରେ ୨୦୦୦ରୁ ୨୦୧୨ ମସିହାରେ ସାଧାରଣ ପ୍ରଶାସନ ବିଭାଗ, ବିଡ଼ିଏ, ସିଡ଼ିଏ ଏବଂ ଇଡ୍କୋ ଦ୍ୱାରା ହୋଇଥିବା ଜମି/ପ୍ଲଟ ଆବଣ୍ଟନ ଉପରେ ଅଡିଟ୍ କରି ରିପୋର୍ଟ ପ୍ରଦାନ କରିଥିଲେ । ଏହି ରିପୋର୍ଟରେ ଭୁବନେଶ୍ୱର ଏବଂ କଟକ ସହରରେ ଜମି ଆବଣ୍ଟନରେ ହୋଇଥିବା ବ୍ୟାପକ ଜାଲିଆତି, ବିଜେଡ଼ି ମନ୍ତ୍ରୀ, ବିଧାୟକ ଏବଂ ଅଫିସରମାନଙ୍କ ଦ୍ୱାରା ଏକାଧିକ ପ୍ଲଟ ଦାଖଲ, ପ୍ରଭାବଶାଳୀ ଲୋକମାନେ ମିଥ୍ୟା ସତ୍ୟପାଠ ଦାଖଲ କରି ଭୁବନେଶ୍ୱରରେ ପ୍ଲଟ ନେବା, ସମସ୍ତ ସରକାରୀ ନୀତିନିୟମକୁ ଉଲଘଂନ କରି ଏବଂ ଅହେତୁକ ଅନୁକମ୍ପା ପ୍ରଦର୍ଶନ କରି ରାଜ୍ୟ ସରକାର ବହୁ ଶିକ୍ଷାନୁଷ୍ଠାନ ଏବଂ ବ୍ୟାବସାୟିକ ଅନୁଷ୍ଠାନଙ୍କୁ ନାମମାତ୍ର ଦରରେ ଜମି ବଣ୍ଟନ କରିବା, ଅଚ୍ୟୁତ ସାମନ୍ତଙ୍କ କିଟ୍ ସଂସ୍ଥା ସରକାରୀ ଅଧିକାରୀଙ୍କୁ ଧରାଧରି କରି ପଟିଆ ଏବଂ ଚନ୍ଦକା ଅଂଚଳରେ ୧୦୦ଏକର ଜମି ବେଆଇନ୍ ଭାବେ ମାଡ଼ି ବସିବା ଇତ୍ୟାଦି ଉଲ୍ଲେଖ କରିବା ସହ ରାଜ୍ୟ ସରକାରଙ୍କୁ ଏହାର ବିଧିବଦ୍ଧ ତଦନ୍ତ କରି କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସୁପାରିଶ କରିଥିଲେ । ଏହାପରେ ସର୍ବସାଧାରଣରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଲା ପରେ ବରିଷ୍ଠ ପ୍ରଶାସକ ଡକ୍ଟର ତାରା ଦତ୍ତଙ୍କ ଅଧ୍ୟକ୍ଷତାରେ ଏକ ଟ୍ୟାକ୍ସ ଫୋର୍ସ କମିଟି ବସାଇଥିଲେ । ଟ୍ୟାକ୍ସ ଫୋର୍ସ ସାଧାରଣ ପ୍ରଶାସନ ବିଭାଗ, ବିଡ଼ିଏ, ସିଡ଼ିଏ ଏବଂ ହାଉସିଂ ବୋର୍ଡ଼ ଦ୍ୱାରା ହୋଇଥିବା ଜମି/ପ୍ଲଟ ଆବଣ୍ଟନ, ମନ୍ତ୍ରୀଙ୍କ ଇଚ୍ଛାଧୀନ କୋଟାରେ ଜମି ଆବଣ୍ଟନ ଇତ୍ୟାଦି ତଦନ୍ତ କରି ରାଜ୍ୟ ସରକାରଙ୍କୁ ନଭେମ୍ବର, ୨୦୧୪ରେ ରିପୋର୍ଟ ପ୍ରଦାନ କରିଥିଲେ ଏବଂ ଟ୍ୟାକ୍ସଫୋର୍ସ ଦ୍ୱାରା ହୋଇଥିବା ସମସ୍ତ ସୁପାରିଶକୁ ଡ଼ିସେମ୍ବର ୧୮, ୨୦୧୪ରେ ଅନୁଷ୍ଠିତ ରାଜ୍ୟ କ୍ୟାବିନେଟ୍ ବୈଠକରେ ଗ୍ରହଣ କରିଥିଲେ ଏବଂ ବେଆଇନ୍ ଜବର ଦଖଲକାରୀଙ୍କ ବିରୁଦ୍ଧରେ ତୁରନ୍ତ କାର୍ଯ୍ୟାନୁଷ୍ଠାନ ପାଇଁ ମୁଖ୍ୟମନ୍ତ୍ରୀ ରାଜ୍ୟବାସୀ ଜଣାଇଥିଲେ । କିନ୍ତୁ ଦୀର୍ଘ ୩ ବର୍ଷ ବିତିଯାଇଥିଲେ ମଧ୍ୟ ରାଜ୍ୟ ସରକାର ଗୋଟିଏ ବି ପ୍ଲଟ/ଜମି ଫେରାଇ ଆଣିନାହାଁନ୍ତି କି କୌଣସି ବ୍ୟକ୍ତି ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରିନାହାଁନ୍ତି ।


News Story - Posted on 2017-08-21

ନିଉ ଇଣ୍ଡିଆ ବନାମ ନୂଆ ଭାରତ



କେନ୍ଦ୍ର ସରକାରଙ୍କ ଜାତୀୟ କୌଶଳ ବିକାଶ ପରିଷଦ ଏକ ରିପୋର୍ଟରେ ଉଲ୍ଲେଖ କରିଛି ଯେ, ୨୦୨୨ ମଧ୍ୟରେ ଚାଷ କ୍ଷେତରେ କାମ କରୁଥିବା ଲୋକଙ୍କ ସଂଖ୍ୟା ୫୮ ପ୍ରତିଶତରୁ ୩୮ ପ୍ରତିଶତକୁ ହ୍ରାସ କରାଯିବ । ଆର୍ଥିକ ସଂସ୍କାରକୁ ଆଗକୁ ବଢାଇବା ଅନୁଯାୟୀ ଜାଣିଶୁଣି ଚାଷକ୍ଷେତରୁ ଗଳା ଚିପିବାକୁ ସରକାର ଗୋଟିଏ ପଟେ ପ୍ରସ୍ତୁତ ହେଉଥିବାବେଳେ ଚାଷ ଉପରେ ନିର୍ଭର କରି ନିଜର ଜୀବନ ଜୀବିକାକୁ ସୁରକ୍ଷିତ ପାଇଁ ଅହରହ ସଂଗ୍ରାମ କରୁଥିବା କୃଷକ ଓ କୃଷି ଶ୍ରମିକଙ୍କୁ ଆହୁରି ଯନ୍ତ୍ରଣା ଦେବା ପାଇଁ ସରକାର ନୀତି ତିଆରି କରୁଛନ୍ତି । ଗତ ୧୩ ବର୍ଷ ମଧ୍ୟରେ ୧୬.୨୫ କୋଟି ରୋଜଗାର ବଦଳରେ ମାତ୍ର ୧.୬ କୋଟି ରୋଜଗାର ସୃଷ୍ଟି ହୋଇଛି । ୧୯୯୦ରୁ ୨୦୧୦, ୨୦ ବର୍ଷ ମଧ୍ୟରେ କୃଷି ଉତ୍ପାଦକ ମୂଲ୍ୟର କୌଣସି ପରିବର୍ତ୍ତନ ହୋଇନାହିଁ । ଏବେ କୃଷକଙ୍କୁ କ୍ଷେତ ଛାଡ଼ିବା ପାଇଁ ପ୍ରତିକୂଳ ପରିବେଶ ତିଆରି କରାଯାଉଛି ଓ ଆୟରୁ ବଞ୍ôଚତ କରାଯାଉଛି । ସମାଜର ଅନ୍ୟବର୍ଗର ବେତନ ବଢାଯାଉଛି ଅଥଚ ସରକାର ଜାଣିଶୁଣି କ୍ଷେତରେ କାମ କରୁଥିବା ଲୋକଙ୍କ ଆୟ ବଢାଇବା ପାଇଁ ଚାହୁଁନାହାନ୍ତି । ଦେଶର ୭୦ କୋଟିରୁ ଅଧିକ ଲୋକ କୃଷି ଉପରେ ନିର୍ଭର କରନ୍ତି । ସେମାନଙ୍କ ସଂଖ୍ୟା କମାଇବା ପରେ କେଉଁଠି ନିଯୁକ୍ତି ଦେବେ ସରକାର ସେନେଇ ସ୍ପଷ୍ଟ କରୁନାହାନ୍ତି । 


News Story - Posted on 2017-08-21

ଚକଟିଲେ ଚଷୁ, ଚୁଚୁମିଲେ ତରଡ଼ା!



ସ୍ୱାଧୀନତା ଦିବସ ହେଲା, ଦେଶଭକ୍ତି ନାଁରେ ମଉଜ ମଜଲିସର ଦିନଟିଏ । ଶ୍ରେଣୀ ବିଭାଜନ ଇତ୍ୟାଦି ଜଞ୍ଜାଳରେ ନ ପଶି ଆମେ ସେଇମାନଙ୍କୁ ସାଧାରଣ ଭାରତୀୟ ବୋଲି ଭାବୁ ଯିଏ ଦେଶକୁ ମଝିରେ ରଖି ନିଜ ପାଇଁ ଅମାପ ସ୍ୱପ୍ନ ଦେଖିପାରେ । ପତାକାରେ ‘ପାଟ୍ରିଅଟିଜିମ୍’ ଦେଖେ, ଓ କ୍ରିକେଟରେ ‘ନେସନାଲିଜିମ୍’ ଖୋଜେ ।ବିଶ୍ୱସୁନ୍ଦରୀ ପ୍ରତିଯୋଗିତାର ବିଜୟକୁ ଗୌରବ ବୋଲି ଅନୁଭବ କରେ ଏବଂ ଟିଆରପି ବାଟେ ଅନର୍ ହାସଲ କରିପାରୁଥାଏ । ଏଥିପାଇଁ ଅଧିକ ମୋରାଲ୍ ଖୋଜିବା ଦରକାର ନାହିଁ । ‘ଭାରତୀୟତା’ ନାମକ ଏହି ସାଧାରଣ ପରିଚୟ ଆଗକୁ କେଉଁ ରୂପ ନେବ, ତାହା ଆଜିଠାରୁ କହିବା ପ୍ରାୟ ଅସମ୍ଭବ । କିନ୍ତୁ ଇଦାନୀଂ ସ୍ଥିତାବସ୍ଥା ଯେ ଏଇଆ, ଏକଥା ଅସ୍ୱୀକାର କରିବାନି ।


News Story - Posted on 2017-08-19

କର୍ପୋରେଟ୍‍ ଚାନ୍ଦା ବିରୋଧରେ ଆନ୍ଦୋଳନ



ରାଜନୈତିକ ଦଳଗୁଡ଼ିକ ପାଇଁ ସାଧାରଣ ନାଗରିକଙ୍କ ପକ୍ଷରୁ ଅନ୍ୟ ଯେଉଁ ଗୁରୁତ୍ୱପୂର୍ଣ୍ଣ ପ୍ରଶ୍ନ କରାଯାଇଛି ତାହା ହେଲା କାହିଁକି ସୂଚନା ଅଧିକାର ଆଇନର ଅନ୍ତର୍ଭୁକ୍ତ ହେବେନାହିଁ? ରାଜନୈତିକ ଦଳଗୁଡ଼ିକ ସୂଚନା ଅଧିକାର ଆଇନରେ ଅନ୍ତର୍ଭୁକ୍ତ ନହେବା ପାଇଁ କଂଗ୍ରେସ, ବିଜେପି ଏପରିକି ବାମଦଳ ଏକାଠି ହୋଇଛନ୍ତି । ଅରବପତି ଲୋକ ପ୍ରତିନିଧିଙ୍କ ସଂଖ୍ୟା ବଢିଚାଲିଛି । ଏହା ଦେଶ ପାଇଁ ଚିନ୍ତାର ବିଷୟ । ରାଜନୈତିକ ଦଳ ବେନାମି ଚାନ୍ଦା ଗ୍ରହଣ କରିବା ଏବଂ କର୍ପୋରେଟ ପାଣ୍ଠିକୁ ବିନା ନୀତି ନିୟମରେ ଗ୍ରହଣ କରିବା ଗଣତନ୍ତ୍ର ପାଇଁ ଏବଂ ସୁସ୍ଥ ନିରପେକ୍ଷ ନିର୍ବାଚନ ପାଇଁ ପ୍ରତିକୂଳ ବାର୍ତ୍ତା ଦେଉଛି । ରାଜନୈତିକ ଦଳଗୁଡ଼ିକ ପକ୍ଷରୁ କର୍ପୋରେଟ ପାଣ୍ଠି ଗ୍ରହଣ ବିରୁଦ୍ଧରେ ସଶକ୍ତ ଜନଆନ୍ଦୋଳନ ଆଜି ଦିନରେ ବଡ଼ ଆବଶ୍ୟକତା ବୋଲି ମତପ୍ରକାଶ ପାଇଲାଣି । କାରଣ କର୍ପୋରେଟ ପାଣ୍ଠି ହିଁ ରାଜନୈତିକ ଦଳର ସ୍ୱଚ୍ଛତା ନେଇ ପ୍ରଶ୍ନ ଉଠିଛି ।


News Story - Posted on 2017-08-17

ବିଜେପିର କର୍ପୋରେଟ ଚାନ୍ଦା ଅଧିକ



ଏଡିଆରର ସୂଚନା ଅନୁସାରେ ଏହି ୪ ବର୍ଷ ମଧ୍ୟରେ ଭାରତର ପାଞ୍ଚୋଟି ଜାତୀୟ ଦଳ ପାଇଛନ୍ତି ମୋଟ ୯୫୬.୭୭ କୋଟି ଟଙ୍କାର କର୍ପୋରେଟ ଚାନ୍ଦା । ଏହି ସମୟ ମଧ୍ୟରେ ୧୬୭ ଦାତାଙ୍କଠାରୁ କଂଗ୍ରେସ ପାଇଛି ମାତ୍ର ୧୯୮.୧୬ କୋଟି ଟଙ୍କାର କର୍ପୋରେଟ୍ ଚାନ୍ଦା । ଏହି ଚାରି ବର୍ଷର ମୋଟ କର୍ପୋରେଟ୍ ଚାନ୍ଦା ୯୫୬.୭୭ କୋଟି ଟଙ୍କାର ମାତ୍ର ୪ ପ୍ରତିଶତ ପାଇଛି ସିପିଆଇ ଏବଂ ୧୭ ପ୍ରତିଶତ ପାଇଛି ସିପିଏମ । ଏ ଚାରି ଦଳ ବ୍ୟତିତ ରାଷ୍ଟ୍ରବାଦୀ କଂଗ୍ରେସ ପାର୍ଟିକୁ ଏକ ଜାତୀୟ ଦଳ ଭାବେ ଗ୍ରହଣ କରିଛି ଏଡିଆର । ମାୟାବତୀଙ୍କ ବହୁଜନ ସମାଜ ପାର୍ଟି ଏକ ଜାତୀୟ ଦଳ ଭାବେ ସ୍ୱୀକୃତ ହୋଇଥିଲେ ହେଁ ଏହି ଦଳ ୨୦୧୨-୧୩ରୁ ୨୦୧୫-୧୬ ମଧ୍ୟରେ ୨୦ ହଜାର ଟଙ୍କା ଉପରେ କୌଣସି ଚାନ୍ଦା କାହାଠାରୁ ଗ୍ରହଣ କରିନାହିଁ ବୋଲି ଘୋଷଣା କରିଥିବାରୁ ତାହାକୁ ବିଚାରକୁ ନିଆଯାଇ ନାହିଁ ।


News Story - Posted on 2017-08-13

ଅଖଣ୍ଡ ଭାରତ - ଏକ ସଂକଳ୍ପ



ଅଖଣ୍ଡ ଭାରତ ହେଉଛି ଏକ ସାଂସ୍କୃତିକ ପରିକଳ୍ପନା, ରାଜନୈତିକ ନୁହେଁ। ତେଣୁ ଏକ ରାଜନୈତିକ ଶାସନ ବା କେନ୍ଦ୍ରୀୟ ଶାସନ ଅଧିନରେ ସମଗ୍ର ଭୂଭାଗ ରହିବ, ଏହା କେବେ ହୁଏତ ସମ୍ଭବ ହୋଇପାରେ। ଗୋଟିଏ ରାଷ୍ଟ୍ର ମଧ୍ୟରେ ଅନେକ ରାଜ୍ୟ ରହିବାଟା ମଧ୍ୟ ଏକ ସ୍ୱାଭାବିକ ପରିସ୍ଥିତି। ଅଖଣ୍ଡ ଭାରତ ପାଇଁ ସମସ୍ତ ଭୂଭାଗରେ ଲୋକଙ୍କ ମଧ୍ୟରେ ସାଂସ୍କୃତିକ ଏକାତ୍ମତାର ଭାବନା ରହିବା ଅନିବାର୍ଯ୍ୟ। କିଛି ଲୋକ ବିଭାଜନକୁ ପଥରର ଗାର ବୋଲି ଭାବନ୍ତି। ସେମାନଙ୍କର ସେ ପ୍ରକାରର ଦୃଷ୍ଟିକୋଣ ସର୍ବଥା ଅନୁଚିତ। ମନରେ ମାତୃଭୂମି ପ୍ରତି ପ୍ରଖର ଭକ୍ତି ନଥିବାର ଏହା ପରିଚାୟକ। ପରମାତ୍ମା ଏ ଦେଶକୁ ଗୋଟିଏ କରି ଗଢିଛନ୍ତି। ତାକୁ ଆମେ ଭାଗ ଭାଗ କରି ବାଂଟି ଦେଇ ପାରିବା ନାହିଁ। ଏହାକୁ ଆମେ ବିଭାଜିତ କରିପାରିବା ନାହିଁ, କାରଣ ଏହା ଦେବତାଙ୍କ ଦ୍ୱାରା ନିର୍ମିତ ପବିତ୍ର ତ୍ରିଭୂଜ। ଆଜି ଯଦି ଭାରତ ନିଜର ମୂଳ ରୂପରେ ଅଖଣ୍ଡିତ ହୋଇ ରହିଥା’ନ୍ତା ତେବେ ସାରା ବିଶ୍ୱରେ କେବଳ ସର୍ବବୃହତ‌୍‍ ଶକ୍ତି ହୋଇଥାନ୍ତା ସେତିକି ନୁହେଁ, ବରଂ ସଂସାରରେ ସୁଖଶାନ୍ତି ସ୍ଥାପନାରେ ତାହାର ବିଶେଷ ଭୂମିକା ଥା’ନ୍ତା। ତେଣୁ ପ୍ରତ୍ୟେକ ଭାରତୀୟମାନଙ୍କ ମଧ୍ୟରେ ଅଖଣ୍ଡ ଭାରତ ସଂକଳ୍ପନାର ଚିତ୍ର ସର୍ବଦା ଜାଗ୍ରତ ହେବା ଆବଶ୍ୟକ। ଦେଶ ବିଭାଜନର କାରଣ ଓ ପରିଣାମ ସମ୍ୱଦ୍ଧରେ ବିସ୍ତୃତ ବିଶ୍ଳେଷଣ କରି ଭାରତବର୍ଷକୁ ପୁନଃ ଅଖଣ୍ଡ କରିବାର ଚେଷ୍ଟା ସମସ୍ତ ଦେଶଭକ୍ତମାନଙ୍କ ଦ୍ୱାରା ହେବା ଉଚିତ‌୍‍। ‘ମୁଁ ମଧ୍ୟ ସେହି ଭାଗ୍ୟବାନ‌୍‍ ଲୋକଙ୍କ ମଧ୍ୟରେ ଜଣେ ହେବି’ - ପ୍ରତ୍ୟେକ ଭାରତବାସୀ ଏହି ସଂକଳ୍ପ ଗ୍ରହଣ କରିବା ଉଚିତ‌୍‍।


News Story - Posted on 2017-08-13

ବଢ଼ୁଛି ରାଜନୀତିକ ହିଂସା-ପ୍ରତିହିଂସା



ଆଜି ଦିନରେ ସେଦିନର ମହାଭାରତ ବର୍ଣ୍ଣିତ ରାଜନୈତିକ ଷଡ଼ଯନ୍ତ୍ରଜନିତ ହତ୍ୟା ଓ ଭୀମଙ୍କର ମିଛ ସ୍ୱର ଦେଖିବାକୁ ମିଳୁଛି ଦେଶରେ। କେରଳ ହେଉ ଅବା ପଶ୍ଚିମବଙ୍ଗ ଅବା ବିହାର, ଛତିଶଗଡ଼ ଏପରିକି ଆମ ଓଡ଼ିଶାରେ ମଧ୍ୟ ରାଜନୈତିକ ହିଂସା ଓ ପ୍ରତିହିଂସାର ଦୃଶ୍ୟ ବଢିବାରେ ଲାଗିଛି। ପ୍ରଥମେ କେରଳର ଉଦାହରଣକୁ ନିଆଯାଇପାରେ। କେରଳରେ ୩ ଦଶନ୍ଧି ଧରି ରାଜନୀତିରେ ହିଂସା ଓ ପ୍ରତିହିଂସା ବଢିଚାଲିଛି। ବିଜେପିର ରାଷ୍ଟ୍ରୀୟ ଅଧ୍ୟକ୍ଷ ଅମିତ୍ ଶାହା ଓ ବରିଷ୍ଠ ନେତା ତଥା ମନ୍ତ୍ରୀ ଅରୁଣ ଜେଟଲୀ ଗତ ଏକମାସ ଧରି ବିବୃତ୍ତି ଦେଇଚାଲିଛନ୍ତି ଯେ, କେରଳରେ ସଂଘ ପରିବାରର ଅସଂଖ୍ୟ କାର୍ଯ୍ୟକର୍ତ୍ତା ଗ୍ରାମପନ୍ଥୀମାନଙ୍କର ହିଂସାର ଶିକାର ହେଉଛନ୍ତି। ଗଣମାଧ୍ୟମର ଗୋଟିଏ ବଡ଼ ଅଂଶ ଭୀମଙ୍କ ଭୂମିକା ପାଳନ କରି କେବଳ ସଂଘ ପରିବାର ଉପରେ ବାମପନ୍ଥୀଙ୍କର ଆକ୍ରମଣ ଚାଲିଛି ବୋଲି ପ୍ରଚାର କରୁଛନ୍ତି। ବିଜେପି ଏହି ପ୍ରଚାରକୁ ଦୋହରାଇ ଚାଲିଛି। ଏହା ସତ୍ୟ ଯେ, ସମସ୍ତ ଗଣମାଧ୍ୟମ ଏହି ଅର୍ଦ୍ଧସତ୍ୟ ଓ ଅତିରଞ୍ଜିତ ସମ୍ୱାଦ ପରିବେଷଣ ଠାରୁ ଦୂରରେ ରହିଛନ୍ତି। ସତ୍ୟ ହେଉଛି ଉଭୟ ସଂଘ ପରିବାରର ସଦସ୍ୟ ଓ ସିପିଆଇଏମ‍୍‌ ସଦସ୍ୟ ଉଭୟେ ଏହି ହିଂସା ରାଜନୀତିର ଶିକାର ହୋଇଛନ୍ତି। ସୂଚନା ଅଧିକାର ଆଇନ‍୍‌ ବଳରେ ମିଳିଥିବା ତଥ୍ୟ ଅନୁଯାୟୀ ୨୦୧୬ର ୧୩ ଫେବୃୟାରୀରେ ଆର‍୍‌ଏସ‍୍‌ଏସ‍୍‌ର ସୁଜିତ ନାମକ ଜଣେ କାର୍ଯ୍ୟକର୍ତ୍ତା ହତ୍ୟାର ଶିକାର ହେଲେ। ୧୮ ମେ’ରେ  ସିପିଆଇଏମ‍୍‌ର ସି.ରବୀନ୍ଦ୍ରନ‍୍‌ ହତ୍ୟାର ଶିକାର ହେଲେ। ୧୧ ଜୁଲାଇରେ ସିପିଏମ‍୍‌ର ଏନ‍୍‌. ଧନରାଜ ହତ୍ୟାର ଶିକାର ହୋଇଥିବାବେଳେ ୪ ସେପ୍ଟେମ୍ୱରରେ ଆର‍୍‌ଏସ‍୍‌ଏସ‍୍‌ର ଜଣେ କର୍ମକର୍ତ୍ତା ବିନିସ ହତ୍ୟାର ଶିକାର ହୋଇଥିଲେ। ୨୦୧୭ର ୧୮ ଜାନୁଆରୀରେ ଆର‍୍‌ଏସ‍୍‌ଏସ‍୍‌ର ସନ୍ତୋଷ, ୧୨ ମଇରେ ଆର‍୍‌ଏସ‍୍‌ଏସ‍୍‌ର ବିଜୁ ହତ୍ୟାର ଶିକାର ହୋଇଥିବାବେଳେ ଅନନ୍ତୁ ଅଶୋକଲ‍୍‌ ସିପିଏମ‍୍‌ର ହତ୍ୟାର ଶିକାର ହୋଇଥିଲେ। ୨୯ ଜୁଲାଇରେ ଆର‍୍‌ଏସ‍୍‌ଏସ‍୍‌ର ରାଜେଶ‍୍‌ ହତ୍ୟାର ଶିକାର ହୋଇଛନ୍ତି। କେବଳ କେରଳ ନୁହେଁ, ପଶ୍ଚିମବଙ୍ଗରେ ତୃଣମୂଳ କଂଗ୍ରେସ ଏବଂ ସିପିଆଇଏମ‍୍‌ କର୍ମୀଙ୍କ ମଧ୍ୟରେ ହିଂସା-ପ୍ରତିହିଂସାର ରାଜନୀତି ଥମୁନାହିଁ। ବିହାର ଓ ଛତିଶଗଡ଼ରେ ଏତାଦୃଶ ହିଂସାର ରାଜନୀତି ଚାଲିଛି।


News Story - Posted on 2017-08-13

ଦେଶ ପାଇଁ ମରିନାହାନ୍ତି, ଦେଶ ପାଇଁ ବଂଚିବା



ପାଟନା ସହରର ପୁରୁଣା ସଚିବାଳୟ ଭବନ ସମ୍ମୁଖରେ ଧୋତି କୁର୍ତ୍ତା ଏବଂ ମୁଣ୍ଡରେ ଗାନ୍ଧି ଟୋପି ପିନ୍ଧିଥିବା ସ୍କୁଲ ପିଲାମାନଙ୍କର ଏକ ବିଶାଳ ମାଟି ନିର୍ମିତ ପ୍ରତିମୂର୍ତ୍ତୀ ରହିଛି। ଏହି ପ୍ରତିମୂର୍ତ୍ତୀରେ ସବୁଠୁ ଆଗରେ ଥିବା ପିଲାଟି ଧୋତି କୁର୍ତ୍ତା ସହ ଗାନ୍ଧି ଟୋପି ପିନ୍ଧିଥିବା ବେଳେ ତା ପଛରେ ଆହୁରି ଛ’ ଜଣ ପିଲା ଅଛନ୍ତି। ଆଗ ପିଲାଟି ହାତରେ ପତାକା ଧରିଥିବା ବେଳେ  ତା ପଛରେ ଥିବା ପଡି ଯାଇଥିବା କିମ୍ୱା ପତାକାକୁ ଜାବୁଡି ଧରିଥିବା ଦେଖିବାକୁ ମିଳେ ଏହି ପିଲାମାନେ ଭାରତ ଛାଡ ଆନ୍ଦୋଳନ ସମୟରେ ପତାକା ଉଡାଇବା ପାଇଁ ଉଦ୍ୟମ କରିବା ବେଳେ ସେମାନଙ୍କୁ ଅତ୍ୟନ୍ତ ନିର୍ଦ୍ଦୟଭାବେ ହତ୍ୟା କରାଯାଇଥିଲା। ଏହି ପ୍ରତିମୂର୍ତ୍ତୀରେ ଭାରତ ଛାଡ ଆନ୍ଦୋଳନର ଆତ୍ମା ରହିଛି। ଏହା ଭାରତୀୟ ସ୍ୱାଧୀନତା ଆନ୍ଦୋଳନରେ ବିବିଧତାର  ବଳିଦାନକୁ ଦର୍ଶାଇଥାଏ।


News Story - Posted on 2017-08-10

ଓଡ଼ିଆ ଡାକ୍ତର ସ୍ୱରୂପ ମିଶ୍ର କେନିୟା ସାଂସଦ



୧୯୬୫ ମସିହାରେ ଜନ୍ମିତ ଡାକ୍ତର ମିଶ୍ର ଓଡ଼ିଶାର ବ୍ରହ୍ମପୁରସ୍ଥିତ ଏମକେସିଜି ମେଡିକାଲ କଲେଜରୁ ଡାକ୍ତରୀ ପାଶ‌୍‍ କରିବା ପରେ ପ୍ରଥମେ ମୁମ୍ୱାଇରେ କାର୍ଯ୍ୟ କରୁଥିଲେ। କିନ୍ତୁ ୧୯୯୭ ମସିହାରେ ସେ ଓ ତାଙ୍କର ପତ୍ନୀ ପଲ୍ଲବୀ ମିଶ୍ର ଚାକିରି ସନ୍ଧାନରେ କେନିୟା ଚାଲିଯାଇଥିଲେ। ସେତେବେଳେ ସେମାନଙ୍କ ନିକଟରେ ମାତ୍ର ୫୦୦ ଡଲାର ଥିଲା। ଏବେ ସେମାନେ କେନିୟା ଓ ରୁଆଣ୍ଡାରେ ୧୦୦ ନିୟୁତ ଡଲାର ମୂଲ୍ୟର ଏକାଧିକ ଡାକ୍ତରଖାନାର ମାଲିକ। ସେମାନଙ୍କର ମେଡିହିଲ‌୍‍ ନାମରେ ଏକ କମ୍ପାନୀ ଅଛି। ଏହି ଗୋଷ୍ଠୀ କେନିୟା ଓ ରୁଆଣ୍ଡାରେ ଏକାଧିକ ଡାକ୍ତରଖାନା ପ୍ରତିଷ୍ଠା କରିଛନ୍ତି।


News Story - Posted on 2017-08-07

ସୁଲତାନତ ନାହିଁ, ତଥାପି ସୁଲତାନ!



ଯେଉଁ କଂଗ୍ରେସ ନେତାମାନେ ଭାବୁଛନ୍ତି ଯେ ଦଳ ଏବେ ବି ସରକାରରେ ଅଛି ସେମାନଙ୍କୁ କଟାକ୍ଷ କରି ସେ କହିଛନ୍ତି ଯେ ସୁଲତାନତ ଚାଲିଗଲାଣି, ତଥାପି ଆମେ ଭାବୁଛୁ ଆମେ ସୁଲତାନ ରହିଛୁ । ଆମେ କିପରି ଭାବୁଛୁ, କିପରି କାମ କରୁଛୁ, କିପରି ସମସ୍ୟା ଉତ୍ଥାପନ କରୁଛୁ ଏବଂ କିପରି ଭାବ ବିନିମୟ କରୁଛି ସେସବୁକୁ ପୂରା ବଦଳାଇବାକୁ ହେବ ।


News Story - Posted on 2017-08-06

କିଏ କରିଛି କ୍ରସଭୋଟିଂ?



ବିଜେଡିରୁ କ୍ରସଭୋଟିଂ ଚର୍ଚ୍ଚାକୁ କିନ୍ତୁ ଅସ୍ୱୀକାର କରିନାହିଁ ବିଜୁ ଜନତା ଦଳ । ଦଳର ବରିଷ୍ଠ ନେତା ତଥା କୃଷିମନ୍ତ୍ରୀ ଡାକ୍ତର ଦାମୋଦର ରାଉତ କ୍ରସଭୋଟିଂକୁ ସ୍ପଷ୍ଟ ଭାଷାରେ ସ୍ୱୀକାର କରିନଥିଲେ ବି କହିଛନ୍ତି ଯେ ଯଦି କେହି କ୍ରସଭୋଟିଂ କରିଥିବେ ତେବେ ସେ ଟଙ୍କା ନେଇ ସେପରି କରିଥିବେ, ବିବେକ ଅନୁସାରେ କରି ନଥିବେ । ଯେଉଁମାନେ ଟଙ୍କା ନେଇ ରାଜନୀତି କରୁଛନ୍ତି ସେମାନେ କି ପ୍ରକାର ରାଜନୀତିଜ୍ଞ? 


News Story - Posted on 2017-08-05

ବିଜେପିର ପଲିଟିକାଲ୍‍ ମ୍ୟାଚ୍‍ ଫିକ୍ସିଂ



ଏହା ପରେ ବି ଦେଶର ଲୋକ କ୍ଷମତାସୀନ ଦଳ ସହ ରହିଛନ୍ତି । କେବେ ଚିନ୍ତା କରାଯାଇଛି କି ୪ ଦଶକ ମଧ୍ୟରେ ହଠାତ୍‍ ୪୦ ବର୍ଷ ମଧ୍ୟରେ ରାଷ୍ଟ୍ରୀୟ ସ୍ୱୟଂ ସେବକ ସଂଘ କିପରି ଯୋଜନାବଦ୍ଧ ମାଧ୍ୟମରେ ଦେଶବାସୀଙ୍କ ହୃଦୟକୁ ବଦଳେଇବା ପାଇଁ କାମ କରୁଛି ଏବଂ ବଦଳାଇ ପାରିଛି । ଦେଶ ବାହାରେ ଯେଉଁ ସମର୍ଥନ ଶକ୍ତି ସଂଘପ୍ରତି ରହିଛି ତାଙ୍କର କ’ଣ ଅବଦାନ? ସଂଘର ବିଦେଶୀ ନେଟୱାର୍କ ଏବଂ ଦେଶର ଦୀନନାଥ ବତ୍ରାଙ୍କୁ ଜାଣନ୍ତି କି? ୮୮ ବର୍ଷ ବୟସର ଦୀନନାଥ ବତ୍ରା ଏବେ ଏହି ବିଶାଳ ବୃକ୍ଷର ଫଳ ଖାଉଛନ୍ତି । ଯାହାର ବୀଜ ରୋପଣ ସେ ୧୯୬୬ରେ କରିଥିଲେ । ୨୦୧୯ରେ ଲୋକ ଆର୍‍ଏସ୍‍ଏସ୍‍ ସହ ସମ୍ବନ୍ଧ, ଶିକ୍ଷା, ସଂସ୍କୃତି, ଉତ୍‍ଥାନର ମୁଖ୍ୟ ଦୀନନାଥ ବତ୍ରାଙ୍କୁ ସେଯାଏ ଠିକ୍‍ ଭାବେ ଜାଣିବେ । ଲୋକ ଏହାକୁ ଠିକ୍‍ ଭାବେ ମାନିବେ ଓ ଗ୍ରହଣ କରିବେ । ଯାହା ସଂଘ ସମର୍ଥକଙ୍କ ଇଣ୍ଡିଆ କହିବ ଏବଂ ଯେଉଁ ପୁନଃରଚିତ ପାଠ୍ୟ ପୁସ୍ତକରେ ଲେଖା ହେବ! ୧୯୬୦ରେ ଦୀନନାଥ ବତ୍ରା କୁରୁକ୍ଷେତ୍ରର ଗୀତା ସିନିୟର ସ୍କୁଲ୍‍ରେ ନିଯୁକ୍ତ ହୋଇଥିଲେ । ଏହା ସେହି ଗୀତା ସ୍କୁଲ ଯାହାର ପ୍ରତିଷ୍ଠା ମାଧବ ରାଓ ସଦାଶିବ ରାଓ ଗୋଲୱାଲକର ଥିଲେ । ୧୯ ନଭେମ୍ବର ୧୯୪୬ରେ ସେ ଏହାର ପ୍ରତିଷ୍ଠା କରିଥିଲେ ।


News Story - Posted on 2017-08-04

ବିଜେଡିରେ ବୈଜୟନ୍ତ ଏକଘରିଆ!



ତାଙ୍କର ଏହି ଅଭିଯୋଗକୁ ଖଣ୍ଡନ କରିବାକୁ ଯାଇଁ ବୈଜୟନ୍ତଙ୍କ ରାଜନୀତିକ ସଚିବ କହିଥିଲେ ଯେ ରାଜନୀତିରେ ଅପ୍ରାସଙ୍ଗିକ ହୋଇପଡ଼ିଥିବା ଅଜିତ ଯୋଗୀ ଅନ୍ୟ କାହାର ଭଡ଼ାଟିଆ ସାଜି ଏପରି ଅମୂଳକ ଅଭିଯୋଗ ଉଠାଇଛନ୍ତି । ତେବେ ଏ ପ୍ରସଙ୍ଗରେ ଖୋଦ ବୈଜୟନ୍ତ ଏପର୍ଯ୍ୟନ୍ତ ତୁଣ୍ଡ ନଫିଟାଇବା ରାଜନୀତିକ ମହଲରେ ଚର୍ଚ୍ଚାର ବିଷୟ ହୋଇଛି । ଅନ୍ୟାନ୍ୟ ଅନେକ ପ୍ରସଙ୍ଗରେ ଟୁଇଟ କରି ପ୍ରତିକ୍ରିୟା ପ୍ରକାଶ କରୁଥିବା ସାଂସଦ ଏ କ୍ଷେତ୍ରରେ କାହିଁକି ନୀରବ ରହିଛନ୍ତି ତାହାକୁ ନେଇ ବିଭିନ୍ନ ମହଲରେ ସନ୍ଦେହ ସୃଷ୍ଟି ହୋଇଛି । 


News Story - Posted on 2017-08-03

ପଣ୍ଡା-ପାଣ୍ଡିଆନ ଯୁଦ୍ଧାରମ୍ଭ!



ଯୋଗୀଙ୍କର ଏହି ଅଭିଯୋଗ ରାଜ୍ୟର କେତେକ ଖବରକାଗଜରେ ପ୍ରକାଶ ପାଇବା ପରେ ତାଙ୍କ ମାଲିକାନାଧୀନ ଓଟିଭିରେ ପଣ୍ଡାଙ୍କ ରାଜନୀତିକ ସଚିବ ଜ୍ୟୋତି ଘୋଷ ଏହି ଅଭିଯୋଗକୁ ଖଣ୍ଡନ କରିବା ସହିତ ଏହା ପଛରେ ଓଡ଼ିଶା ମୁଖ୍ୟମନ୍ତ୍ରୀଙ୍କ ଦପ୍ତରର ଜଣେ ଅଣଓଡ଼ିଆ ଅଧିକାରୀଙ୍କ ଭୂମିକା ରହିଛି ବୋଲି ପାଲଟା ଅଭିଯୋଗ କରିଛନ୍ତି । ଓଟିଭିରେ ପ୍ରସାରିତ ତାଙ୍କ ପ୍ରତିକ୍ରିୟା ଅନୁସାରେ ଇମ୍ଫା ଏକ ପବ୍ଲିକ ଲିମିଟେଡ଼ କମ୍ପାନୀ । ସେଥିରେ ଯେକେହି ଶେୟାର କିଣି ପାରିବେ । ପି. ଚିଦାମ୍ବରମ ହେଉଛନ୍ତି ଇମ୍ଫାର ଓକିଲ । କିନ୍ତୁ କାର୍ତ୍ତି ଚିଦାମ୍ବରମଙ୍କ ସହିତ କମ୍ପାନୀର କିଛି ସଂପର୍କ ନାହିଁ । ତୃତୀୟ ମହଲାର ଜଣେ ଦୁର୍ନୀତିଗ୍ରସ୍ତ ଓଡ଼ିଆ ଅଧିକାରୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ବିଭିନ୍ନ ପ୍ରସଙ୍ଗରେ ବିଭ୍ରାନ୍ତ କରୁଥିବା ନେଇ ବୈଜୟନ୍ତ ଅଭିଯୋଗ କରିଥିବାରୁ ସେ ଏଭଳି କରାଇଛନ୍ତି । ଅଜିତ ଯୋଗୀ ଏହିପରି ଭଡ଼ାଟିଆଙ୍କ ବନ୍ଧୁକ କାନ୍ଧରେ ପକାଇଛନ୍ତି ବୋଲି ସେ କହିଛନ୍ତି । ତୃତୀୟ ମହଲାର ଏହି ଅଫିସରଙ୍କ ନାମ ପ୍ରକାଶ କରିନଥିଲେ ବି ଜ୍ୟୋତି ଘୋଷ ଯାହାଙ୍କୁ ଇଙ୍ଗିତ କରିଛନ୍ତି ସେ ମୁଖ୍ୟମନ୍ତ୍ରୀଙ୍କୁ ବ୍ୟକ୍ତିଗତ ସଚିବ ଭି. କାର୍ତ୍ତିକୟନ ପାଣ୍ଡିଆନ ବୋଲି ରାଜନୀତିକ ମହଲ ବିଶ୍ୱାସ କରୁଛନ୍ତି ।


News Story - Posted on 2017-08-03

ପ୍ରଣବ ଦା’ଙ୍କୁ ମୋଦିଙ୍କ ଚିଠି



ଆପଣଙ୍କ ରାଜନୈତିକ ଯାତ୍ରା ଏବଂ ଆପଣଙ୍କ ରାଷ୍ଟ୍ରପତିତ୍ୱ ସମୟରେ, ରାଷ୍ଟ୍ରର କଲ୍ୟାଣକୁ ଆପଣ ସବୁଠାରୁ ଉପରେ ରଖିଥିଲେ । ନବସୃଜନକୁ ଅନୁମୋଦନ ଏବଂ ଯୁବ ପ୍ରତିଭାକୁ ପ୍ରୋତ୍ସାହନ ଦେଉଥିବା କାର୍ଯ୍ୟକ୍ରମ ଏବଂ ଉପକ୍ରମ ପାଇଁ ଆପଣ ରାଷ୍ଟ୍ରପତି ଭବନକୁ ଉନ୍ମୁକ୍ତ କରିଥିଲେ ।
ଆପଣ ଏପରି ଏକ ପିଢ଼ିର ରାଜନେତାଙ୍କ ପ୍ରତିନିଧିତ୍ୱ କରିଥାନ୍ତି ଯାହାଙ୍କ ପାଇଁ ରାଜନୀତିର ଅର୍ଥ ହେଉଛି ନିଃସ୍ୱାର୍ଥ ଭାବେ ସମାଜ ପାଇଁ କାମ କରିବା । ଆପଣ ଭାରତର ଲୋକମାନଙ୍କ ପାଇଁ ମହାନ ପ୍ରେରଣାର ଉତ୍ସ । ଜଣେ ରାଷ୍ଟ୍ରପତି ଯେ’କି ଜଣେ ଉଦାର ଜନ ସେବକ ଏବଂ ଅସାଧାରଣ ନେତା ଥିଲେ, ଭାରତ ସବୁବେଳେ ଆପଣଙ୍କୁ ନେଇ ଗର୍ବ କରିବ ।


News Story - Posted on 2017-08-01

କେଉ ଦଳ ପାଇବ ଘଡ଼େଇ-ଶକ୍ତି?



ଏକଦା ଜିଲା ରାଜନୀତିରେ ଅଖଣ୍ଡ ପ୍ରଭାବ ଥିବା ପ୍ରଫୁଲ ବାବୁ ନିଜ ରାଜନୈତିକ ଜୀବନର ଅନ୍ତ ପୂର୍ବରୁ ପୂର୍ବରୁ ନିଜର ଉତ୍ତରାଧିକାରୀ ବାଛିବାକୁ ଯାଇଁ ୨୦୦୯ ମସିହାରେ କୋରାଇ ବିଧାନସଭା ଆସନରୁ ନିଜର ପୁତ୍ର ପ୍ରତିରଞ୍ଜନ(ଡ୍ୟାନି)ଙ୍କୁ ବିଧାୟକ ଭାବେ ଅବସ୍ଥାପିତ କରାଇଥିଲେ। ଇଂଜିନିୟର ପ୍ରୀତି ପିତାଙ୍କ ପଦାଙ୍କ ଅନୁସରଣ କରି ରାଜନୀତିରେ ସଫଳତା ପରେ ସଫଳତା ପାଇବାକୁ ଲାଗିଲେ। କିନ୍ତୁ ସମୟର ପରିବର୍ତ୍ତନ ସଙ୍ଗେସଙ୍ଗେ ପ୍ରଫୁଲଙ୍କ ରାଜନୈତିକ କୂଟନୈତିକ ଧାରାରୁ ଆଉପାଦେ ଆଗକୁ ଯାଇ ଡ୍ୟାନି ନିଜର ଏକ ସ୍ୱତନ୍ତ୍ର ଯୁବ ବାହିନୀ ମାଧ୍ୟମରେ କୋରେଇ ରାଜନୀତିରେ ଏକ ଭିନ୍ନ ଶାସନ ଆରମ୍ଭ କରିବାକୁ ଲାଗିଲେ। ପିତା-ପୁତ୍ରଙ୍କ ରାଜନୈତିକ ବିଚାରଧାରାରେ କିଛିଟା ପାର୍ଥକ୍ୟର କଥା ଜିଲ୍ଲା ରାଜନୀତିରେ ଗୋଟିଏ ସମୟରେ ଖୁବ ଚର୍ଚ୍ଚା ମଧ୍ୟ ହୋଇଥିଲା। ବିଜେଡିର ଅନ୍ୟତମ ସଂଖ୍ୟାଲଘୁ ନେତା ହୁସେନ ରବି ଗାନ୍ଧୀଙ୍କ ଉପରେ ଡ୍ୟାନି ବାହିନୀ ପକ୍ଷରୁ ଆକ୍ରମଣ ଉଭୟ ପିତା-ପୁତ୍ରଙ୍କ ପାଇଁ କିଛି ସମୟ ପାଇଁ ସମସ୍ୟା ସୃଷ୍ଠି କରିଥିଲା। ପରବର୍ତ୍ତୀ ସମୟରେ ପ୍ରଫୁଲ ଘଡାଇଙ୍କୁ ପ୍ୟାରୀ ମହାପାତ୍ରଙ୍କ ଦ୍ୱାରା ଆୟୋଜିତ ମଧ୍ୟରାତ୍ର ଷଡ଼ଯନ୍ତ୍ର ଅଭିଯୋଗରେ ମନ୍ତ୍ରୀପଦ ହରାଇବାକୁ ପଡିଥିଲା।


News Story - Posted on 2017-07-29

ନିଜ ଭିତରେ ନିଆଁ ସହ ସଂଗ୍ରାମ



ଆଜି ଏଭଳି ଏକ ସମୟ, ଯେଉଁ ସମୟରେ ଏକାକୀ ନିଃସଙ୍ଗତାକୁ ନେଇ ନ୍ୟାୟ ନପାଇ ଆତ୍ମହତ୍ୟା କରିବାକୁ ବାଧ୍ୟ। ଆଉ ଆଜି ଏପରି ଏକ ସମୟ, ଯଦି ଉପଦ୍ରବ ବା ଗଣ୍ଡଗୋଳ ସ୍ଥାନ ନଜାଣି ଚାଲିଗଲ ତ, ହତ୍ୟାର ଶିକାର ହୋଇପାର। ଆଜି ଏପରି ଏକ ସମୟ, ଯେଉଁ ସମୟରେ ଜଣେ ମଣିଷ ଆଉ ଜଣେ ମଣିଷକୁ ଶିକାର କରୁଛି, ଠିକ୍ ଜଙ୍ଗଲରେ ବଳଶାଳୀ ପଶୁ ଯେପରି ଦୁର୍ବଳକୁ ଶିକାର କରିଥାଏ। ସଭ୍ୟତାର ଉତ୍କର୍ଷରେ ପାଦ ଥାପିଲା ପରେ ବି ଜଙ୍ଗଲୀ ଜନ୍ତୁଙ୍କ ହାବଭାବ ଓ ସ୍ୱଭାବ ଏବେ ମଣିଷଠାରୁ ଦେଖିବାକୁ ମିଳୁଛି। ଉପଦ୍ରବର ଜନ୍ମ ଭୂମିରୁ ଆକାଶ ଯାଏ ସବୁଠି ଦୃଶ୍ୟମାନ। ମଣିଷ ତ ଭୂମିରୁ ଆକାଶ ଯାଏ ଘର ନିର୍ମାଣ କଲାଣି। ଅତୀତର ସମସ୍ତ ପାଚେରୀକୁ ଭାଙ୍ଗି ନିଜର ଅଧିକାରକୁ ସାବ୍ୟସ୍ତ କରୁଛି। ସଂପର୍କ, ଚିନ୍ତା ଏବଂ ଅନୁଭବକୁ ଜାହିର‍୍‌ କରୁଛି। ଆମ ଦେଶ ତ ଏବେ ଏକ ଜୀବନ୍ତ ସାମାଜିକ ପ୍ରୟୋଗଶାଳା ପାଲଟିଛି, ଯେଉଁଠି ନୂଆ ନୂଆ ମଣିଷକୁ ନିର୍ମାଣ କରାଯାଉଛି।


News Story - Posted on 2017-07-29

ନବୀନ ଭଣ୍ଡଙ୍କ ପିସି କାରବାର!



ନବୀନ ପଟ୍ଟନାୟକଙ୍କ ମୁଖ୍ୟମନ୍ତ୍ରିତ୍ୱରେ ଏହି ଦୁର୍ନୀତି ବ୍ୟାପକ ହୋଇଛି। ସରକାରୀ ସଂସଦର ସୀମାହୀନ ଲୁଟ‌୍‍ ସରକାରୀ କାର୍ଯ୍ୟାଳୟରେ ଖୁଲାମଖୁଲା ଦୁର୍ନୀତି ଭୟାନକ ରୂପ ନେଇଛି। ଏହି ଦୁର୍ନୀତି ବିରୁଦ୍ଧରେ ବିଭିନ୍ନ ସ୍ତରରେ ତୀବ୍ର ପ୍ରତିକ୍ରିୟା ପ୍ରକାଶ ପାଇବା ଏବଂ ଏହା ବିରୁଦ୍ଧରେ ଲଗାତର ଅଭିଯୋଗ ହେଲା ପରେ ମଧ୍ୟ ସରକାରୀ କାର୍ଯ୍ୟାନୁଷ୍ଠାନ ଗ୍ରହଣ ନ ମରିବା ଯୋଗୁଁ ସରକାର ବଦନାମ ହେଲା ପରେ ନବୀନ ପଟ୍ଟନାୟକ ତାଙ୍କର ତଥାକଥିତ ନିର୍ମଳ ଭାବମୂର୍ତ୍ତି ରକ୍ଷା କରିବାକୁ ଯାଇ ଦୁର୍ନୀତି ବନ୍ଦ କରିବାକୁ ଆହ୍ୱାନ ଦେଇଛନ୍ତି। ବାସ୍ତବରେ ରାଜ୍ୟରେ ଦେଖା ଦେଇଥିବା ବ୍ୟାପକ ହରିଲୁଟ‌୍‍, ଖଣି ଦୁର୍ନୀତି, ଜମି ଦୁର୍ନୀତି, ଚିଟ‌୍‍ଫଣ୍ଡ ଘୋଟାଲା, ଡାଲି ଦୁର୍ନୀତିର ଉନ୍ମାଦତା ହେଉଛନ୍ତି ନବୀନ ପଟ୍ଟନାୟକ। ଏହିସବୁ ଦୁର୍ନୀତି ସମ୍ପର୍କରେ ବାରମ୍ୱାର ଅଭିଯୋଗ ସତ୍ତ୍ୱେ ସେ ଏହାର ତଦନ୍ତ କରାଇ ନାହାଁନ୍ତି କି କାର୍ଯ୍ୟାନୁଷ୍ଠାନ ଗ୍ରହଣ କରିନାହାଁନ୍ତି ବରଂ ଦୁର୍ନୀତିଗ୍ରସ୍ତ ଅଧିକାରୀ, ମନ୍ତ୍ରୀ, ବିଧାୟକମାନଙ୍କୁ ସୁରକ୍ଷା ଦେଇ ଆସିଛନ୍ତି।


News Story - Posted on 2017-07-28

୭୦ ବର୍ଷରେ ୨୫ ପ୍ରଧାନମନ୍ତ୍ରୀ ବିଦା



୧୯୯୦ ଅକ୍ଟୋବରରେ ପ୍ରଥମ ଥର ପାଇଁ ପ୍ରଧାନମନ୍ତ୍ରୀ ଭାବେ ନିର୍ବାଚିତ ହୋଇଥିଲେ ନବାଜ ଶରିଫ । କିନ୍ତୁ ୧୯୯୩ ମସିହାରେ ରାଷ୍ଟ୍ରପତି ଗୁଲାମ ଇଶାକ୍ ଖାଁ ତାଙ୍କ ସରକାରକୁ ବରଖାସ୍ତ କରିଥିଲେ । ତେବେ ପରେ ପାକିସ୍ତାନର ସୁପ୍ରିମ କୋର୍ଟ ଶରିଫଙ୍କୁ ପୁଣି ଥରେ ଶରିଫଙ୍କ ସରକାରକୁ ଗାଦିନସିନ କରିଥିଲେ । କିନ୍ତୁ ତକ୍ରାଳୀନ ସେନାଧ୍ୟକ୍ଷ ଜେନେରାଲ ୱାହିଦ କାକର ୧୯୯୩ ଜୁଲାଇ ୧୮ ତାରିଖରେ ଉଭୟ ରାଷ୍ଟ୍ରପତି ଗୁଲାମ ଇଶାକ୍ ଖାଁ ଏବଂ ପ୍ରଧାନମନ୍ତ୍ରୀ ନବାଜ ଶରିଫଙ୍କୁ ଇସ୍ତଫା ଦେବାକୁ ବାଧ୍ୟ କରିଥିଲେ । ଶରିଫଙ୍କ ଇସ୍ତଫା ପରେ ମୋଇନୁଦ୍ଦିନ ଅହମଦ କ୍ୟୁରେଶୀଙ୍କୁ କାମଚଳା ପ୍ରଧାନମନ୍ତ୍ରୀ କରାଯାଇଥିଲା ।


News Story - Posted on 2017-07-28

ଦୁର୍ନୀତି ଦୋଷରେ ହଟିଲେ ନବାଜ ଶରିଫ



ନିଷ୍ପତ୍ତି ଶୁଣାଇଥିବା ବିଚାରପତି କହିଛନ୍ତି ଶରିଫ ପାକିସ୍ଥାନୀ ସଂସଦ ଓ ଅଦାଲତ ଆଗରେ ସଚ୍ଚୋଟ ଆଚରଣ ପ୍ରଦର୍ଶନ କରିାହାନ୍ତି । ତାଙ୍କୁ ପାନାମା ମାମଲାରେ ପ୍ରଧାନମନ୍ତ୍ରୀ ପଦ ପାଇଁ ଅଯୋଗ୍ୟ ଘୋଷିତ କରାଯାଉଛି । ପାକିସ୍ଥାନ ସମ୍ବିଧାନର ଅନୁଚ୍ଛେଦ ୬୨ ଓ ୬୩ ଆଧାରରେ ସୁପ୍ରିମକୋର୍ଟ ବେଞ୍ଚ ୫-୦ରେ ବହୁମତ ସହ ପ୍ରଧାନମନ୍ତ୍ରୀ ପଦ ପାଇଁ ଅଯୋଗ୍ୟ ଘୋଷିତ କରିଛନ୍ତି । ନବାଜ ଶରିଫ ଓ ତାଙ୍କ ପରିବାର ନାମରେ ବିଦେଶରେ କୋଟିକୋଟି ଟଙ୍କାର ସଂପତ୍ତି ଥିବା ପାନାମା ପେପରରେ ଲିକ୍ ହୋଇଥିଲା । ଶରିଫ କହିଥିଲେ ଯେ ଏହା ତାଙ୍କର ବ୍ୟବସାୟରୁ ଉପାର୍ଜିତ ହୋଇଛି । କିନ୍ତୁ ସେ ଏହିସବୁ ସଂପତ୍ତି ବିଷୟରେ ପୂର୍ବରୁ ଘୋଷଣା କରିନଥିଲେ ।


News Story - Posted on 2017-07-27

ସମୟ କଳିବ ନୀତୀଶଙ୍କ ଲାଭକ୍ଷତି



ସେ କ’ଣ ବୁଝିଲେ ଯେ ଏବର ବିଜେପି ଓ ନରେନ୍ଦ୍ର ମୋଦି ୨୦୧୩ର ବିଜେପି ଓ ନରେନ୍ଦ୍ର ମୋଦିଙ୍କଠାରୁ ସଂପୂର୍ଣ୍ଣ ଅଲଗା? ନରେନ୍ଦ୍ର ମୋଦି ଓ ତାଙ୍କ ନେତୃତ୍ୱାଧୀନ ଭାରତୀୟ ଜନତା ପାର୍ଟି କ’ଣ ଦେଶରେ ସାଂପ୍ରଦାୟିକ ରାଜନୀତି କରନ୍ତି ନାହିଁ? ସେମାନେ କ’ଣ ହିନ୍ଦୁତ୍ୱକୁ ପ୍ରସଙ୍ଗ କରି ଦେଶରେ ଜନ-ବିଭାଜନ ସୃଷ୍ଟି କରୁ ନାହାନ୍ତ? ଗାଈଙ୍କ ସୁରକ୍ଷା ଆଳରେ ନିରପରାଧ ମଣିଷମାନଙ୍କୁ ହତ୍ୟା କରୁ ନାହାନ୍ତି? ପ୍ରଧାନମନ୍ତ୍ରୀ ମୋଦି ଏହା ବିରୋଧରେ ଯେତେ ଯାହା କହିଲେ ବି ଏଭଳି ଅପରାଧ ଓ ଉତ୍ତେଜନା ସୃଷ୍ଟି କରୁଥିବା ହିନ୍ଦୁତ୍ୱବାଦୀ ଶକ୍ତିଙ୍କୁ ବିଜେପି ଓ ସଂଘ ପରିବାର ସାମାଜିକ ଓ ରାଜନୀତିକ ବାସନ୍ଦ କରିଛନ୍ତି କି?


News Story - Posted on 2017-07-25

ଗଢ଼ିବା ଚାଲ ଏକବିଂଶ ଶତାବ୍ଦୀର ଭାରତ!



ରାଷ୍ଟ୍ର ନିର୍ମାଣ କେବଳ ସରକାରଙ୍କ ଦ୍ୱାରା କରାଯାଇନଥାଏ । ସରକାର ସହାୟକ ହୋଇପାରେ, ସମାଜର ଉଦ୍ଯୋଗୀ ଏବଂ ସୃଜନାତ୍ମକ ପ୍ରବୃତ୍ତିକୁ ଦିଗ ଦେଖାଇପାରେ, ପ୍ରେରଣା ସାଜିପାରେ । ରାଷ୍ଟ୍ରନିର୍ମାଣର ଆଧାର-ରାଷ୍ଟ୍ରୀୟ ଗୌରବ । ଆମେ ଗର୍ବିତ ଭାରତର ମାଟି ଓ ପାଣିକୁ ନେଇ; ଆମେ ଗର୍ବିତ ଭାରତର ବିବିଧତା, ସର୍ବଧର୍ମ ସମଭାବ ଏବଂ ସମାବେଶୀ ବିଚାରଧାରାକୁ ନେଇ; ଆମେ ଗର୍ବିତ ଭାରତର ସଂସ୍କୃତି, ପରମ୍ପରା ଏବଂ ଆଧ୍ୟାତ୍ମ ପ୍ରତି; ଆମେ ଗର୍ବିତ ଦେଶର ପ୍ରତ୍ୟେକ ନାଗରିଙ୍କ ପ୍ରତି; ଆମେ ଗର୍ବିତ ନିଜ କର୍ତ୍ତବ୍ୟ ନିର୍ବାହ ପ୍ରତି, ଏବଂ ଆମେ ଗର୍ବିତ ପ୍ରତ୍ୟେକ ଛୋଟରୁ ଛୋଟ କାମକୁ ନେଇ ଯାହା ଆମେ ପ୍ରତିଦିନ କରିଥାଉ ।


News Story - Posted on 2017-07-24

ବହୁଳତାବାଦ ଭାରତର ଆତ୍ମା



ଭାରତର ଆତ୍ମା ବହୁଳତାବାଦ ଏବଂ ସହିଷ୍ଣୁତାରେ ରହିଛି । ଭାରତ କେବଳ ଏକ ଭୌଗଳିକ ସତ୍ତା ନୁହେଁ । ଏଥିରେ ବିଚାର, ଦର୍ଶନ, ବୌଦ୍ଧିକତା, ଔଦ୍ୟୋଗିକ ପ୍ରତିଭା, ଶିଳ୍ପ, ନବସୃଜନ ଏବଂ ଅନୁଭବର ଇତିହାସ ସାମିଲ୍ ରହିଛି । ଶତାବ୍ଦୀ ଶତାବ୍ଦୀ ଧରି ବିଭିନ୍ନ ବିଚାରକୁ ଆତ୍ମସ୍ଥ କରି ଆମ ସମାଜର ବହୁଳତାବାଦ ନିର୍ମିିତ ହୋଇଛି । ସଂସ୍କୃତି, ସମ୍ପ୍ରଦାୟ ଏବଂ ଭାଷାର ବିବିଧତା ହିଁ ଭାରତକୁ ସ୍ୱତନ୍ତ୍ର କରିଥାଏ । ଆମକୁ ସହିଷ୍ଣୁତାରୁ ଶକ୍ତି ମିଳିଥାଏ । ଏହା ଶହ ଶହ ବର୍ଷ ଧରି ଆମ ସାମୂହିକ ଚେତନାର ଅଂଶବିଶେଷ ହୋଇ ରହିଆସିଛି । ଜନ ସମ୍ବାଦର ବିଭିନ୍ନ ଦିଗ ରହିଛି । ଆମେ ତର୍କ-ବିତର୍କ କରିପାରିବା, ଆମ ସହମତ ହୋଇପାରିବା କିମ୍ବା ଆମେ ଅସହମତ ହୋଇପାରିବା । କିନ୍ତୁ ଆମେ ବିବିଧ ବିଚାରର ଆବଶ୍ୟକ ଉପସ୍ଥିତିକୁ ଅସ୍ୱୀକାର କରିପାରିବା ନାହିଁ । ଅନ୍ୟଥା ଆମର ବିଚାର ପ୍ରକ୍ରିୟାର ମୌଳିକ ସ୍ୱରୂପ ନଷ୍ଟ ହୋଇଯିବ ।


News Story - Posted on 2017-07-23

‘ତର୍କ, ଚର୍ଚ୍ଚା ଓ ଭିନ୍ନମତ ହିଁ ଗଣତନ୍ତ୍ର’



ଭାରତର ସଂସଦୀୟ ଗଣତନ୍ତ୍ରରେ ସଂସଦର କାର୍ଯ୍ୟ ହେଉଛି ଆଇନ ପ୍ରଣୟନ । ଆଇନ ପ୍ରଣୟନ ପୂର୍ବରୁ ବିତର୍କ ଓ ଆଲୋଚନା ହୋଇଥାଏ । ବିତର୍କ, ଆଲୋଚନା ଓ ଭିନ୍ନମତ ହେଉଛି ସଂସଦୀୟ ଗଣତନ୍ତ୍ରର ମୂଲ୍ୟବୋଧ । ସଭ୍ୟମାନେ ଏହି ଦାୟିତ୍ୱ ଭୁଲିଯିବା ଉଚିତ ନୁହେଁ । ଅଧ୍ୟାଦେଶ କେବଳ ଅତି ଜରୁରୀ ଆବଶ୍ୟକତା ସମୟରେ ଜାରି କରାଯିବା ଉଚିତ । 


News Story - Posted on 2017-07-23

କୋଟିପତି ଓ ଦାଗୀ ନେତା ଅଧିକ



ସଦ୍ୟତମ ତଥ୍ୟ ଯାହା ଆସୋସିଏସନ ଫର‍୍‌ ଡେମୋକ୍ରାଟିକ୍ ରାଇଟ‍୍‌ ପକ୍ଷରୁ ପ୍ରକାଶ ପାଇଛି ତାହା ସଂସଦୀୟ ଗଣତନ୍ତ୍ରର ମୂଲ୍ୟବୋଧର ଅବକ୍ଷୟକୁ ସୂଚାଇଛି। ଯେଉଁଠି ଲୋକ ଗରିବ ଓ ନିରୀହ ସେଠାରେ ସେମାନଙ୍କ ଦ୍ୱାରା ନିର୍ବାଚିତ ପ୍ରତିନିଧି କୋଟିପତି ଓ ଦାଗୀ। ରାଷ୍ଟ୍ରପତି ପ୍ରାର୍ଥୀଙ୍କୁ ଭୋଟ ଦେଇଥିବା ମୋଟ ସାଂସଦ ଓ ବିଧାୟକଙ୍କ ମଧ୍ୟରୁ ୭୫ ପ୍ରତିଶତ କୋଟିପତି ଓ  ୩୩ ପ୍ରତିଶତ ଦାଗୀ। ଯେଉଁମାନଙ୍କ ନାମରେ ଅପରାଧିକ ମାମଲା ରହିଛି ଯାହା ସେମାନେ ପ୍ରାର୍ଥୀହେବା ପୂର୍ବରୁ ସତ୍ୟପାଠରେ ସୂଚାଇଛନ୍ତି। ୧୩୦ କୋଟି ଜନସଂଖ୍ୟା ବିଶିଷ୍ଟ ଆମ ଏ ଭାରତ ବର୍ଷରେ ୭୫ କୋଟି ଲୋକ ପ୍ରତିଦିନ ୨୦ ଟଙ୍କାରେ ଜୀବିକା ନିର୍ବାହ କରିଥାନ୍ତି। ଅଥଚ ସଂସଦ ଓ ବିଧାନସଭାରେ ସେମାନେ ନିର୍ବାଚିତ କରିଥିବା ପ୍ରତିନିଧିଙ୍କ ମଧ୍ୟରୁ ୭୫ ପ୍ରତିଶତ ହେଉଛନ୍ତି କୋଟିପତି।


News Story - Posted on 2017-07-22

ଆଇନ୍‍ର ଆଶ୍ରୟ ନେବ ବିଜେଡି



ବିଜୁ ଜନତା ଦଳର ନିର୍ବାଚନକାଳୀନ ଖର୍ଚ୍ଚ ସଂପର୍କରେ ବିଜେପି ଯେଉଁ ଅଭିଯୋଗ ଆଣିଛି ତାହାକୁ ଦଳ ପକ୍ଷରୁ ଦୃଢ଼ ଖଣ୍ଡନ କରାଯିବା ସହ ଏହା ସଂପୂର୍ଣ୍ଣ କପୋଳକଳ୍ପିତ ଓ ଉଦ୍ଦେଶ୍ୟ ପ୍ରଣୋଦିତ ବୋଲି ସ୍ପଷ୍ଟ କରିଦିଆଯାଉଛି । ଏହା ବିରୋଧରେ ଆଇନର ଆଶ୍ରୟ ନେବାକୁ ଦଳ ନିଷ୍ପତ୍ତି ନେଇଛି । 


News Story - Posted on 2017-07-22

ସ୍ଥିତି ପରଖିବ କଂଗ୍ରେସ କମିଟି



ରାଜ୍ୟ କଂଗ୍ରେସର ଘରବୁଡି ପାଣି ଆଣ୍ଠୁଏ ହେଲାଣି । ପିସିସି ନେତୃତ୍ୱ ପରିବର୍ତ୍ତନ ସଂକ୍ରାନ୍ତରେ ସ୍ଥିତି ନେଡିଗୁଡ କହୁଣିକୁ ବୋହିଗଲାଣି । ହାଇକମାଣ୍ଡ ଏ ଦିଗରେ କୌଣସି ପଦକ୍ଷେପ ଗ୍ରହଣ ନକରି ସମୟ ଗଡାଇ ଚାଲିଛନ୍ତି । ପିସିସି ନେତୃତ୍ୱ ପରିବର୍ତ୍ତନ ପ୍ରସଙ୍ଗରେ ଦାବି ଜୋର ଧରିଥିବା ବେଳେ ସ୍ଥିତି ଆକଳନ ପାଇଁ ଏଆଇସିସି ୩ ଜଣିଆ ପର୍ଯ୍ୟବେକ୍ଷକ ଟିମ ଗଠନ କରିଛି । ଟିମ୍ ଓଡ଼ିଶା ଆସି ସ୍ଥିତି ଆକଳନ କରିବ ।


News Story - Posted on 2017-07-22

ଏମାନେ ଭୋଟଦେଇ ଜାଣନ୍ତିନି!



ରାଷ୍ଟ୍ରପତି ନିର୍ବାଚନରେ କ୍ରସ ଭୋଟିଂ ହେଲା । ଭୋଟ ନାକଚ ହେଲା ବି । ଏହି ନିର୍ବାଚନରେ ସାଂସଦ ଓ ବିଧାୟକମାନେ ଭୋଟ ଦେଇଥାନ୍ତି । ସେମାନଙ୍କ ଭୋଟ ନାକଚ ହେବା ଜନ ସାଧାରଣଙ୍କ ମହଲରେ ଭ୍ରୁକୁଞ୍ଚନ ସୃଷ୍ଟି କରିଛି । ଏହି ମାନ୍ୟବର ସାଂସଦ ଓ ବିଧାୟକମାନେ କ’ଣ ଭୋଟ ଦେଇ ଜାଣିନାହାନ୍ତି? ନା ଜାଣିଶୁଣି ସେମାନେ ଭୋଟ ନାକଚ କରିଛନ୍ତି? ମୋଟ ୨୧ ଜଣ ସାଂସଦ ଓ ୫୬ ଜଣ ବିଧାୟକଙ୍କ ଭୋଟ ନାକଚ ହୋଇଥିଲା । 


News Story - Posted on 2017-07-22

ରାମନାଥ ରାଷ୍ଟ୍ରପତି



ସେ ନିଜର ପିଲାଦିନ କଥା ମନେ ପକାଇ କହିଛନ୍ତି, ଆଜି ଦିଲ୍ଲୀରେ ବର୍ଷା ହେଉଛି । ମୁଁ ଛୋଟ ପିଲା ଥିଲାବେଳେ ଯେତେବେଳେ ବର୍ଷା ହୁଏ ଆମର କାଦୁଅ କାନ୍ଥ ଓ ଚାଳଛପର ଘରେ ବର୍ଷା ଝରେ । ଆମେ ଭାଇଭଉଣୀମାନେ ଘରର ଗୋଟିଏ କୋଣରେ ଠିଆ ହୋଇ ବର୍ଷା ଛାଡ଼ିବା ଯାଏ ଅପେକ୍ଷା କରୁ । ଆଜି ବି ଆମ ଦେଶରେ ଏମିତି ଅନେକ ରାମନାଥ କୋବିନ୍ଦ ଅଛନ୍ତି ଯେଉଁମାନଙ୍କ ଘରେ ବର୍ଷା ଝରୁଛି, ଯେଉଁମାନେ ବର୍ଷାରେ ଭିଜିଭିଜି ଦିନ ଯାକ କଠିନ ପରିଶ୍ରମ କରୁଛନ୍ତି ସନ୍ଧ୍ୟାରେ ଓଳିଏ ପେଟପୂରା ଖାଇବା ପାଇଁ । ମୁଁ ଏହି ପରିଶ୍ରମୀ ଲୋକମାନଙ୍କର ପ୍ରତିନିଧିତ୍ୱ କରେ ।


News Story - Posted on 2017-07-22

୧୮୫୭ ନୁହେଁ ୧୮୧୭!



ବ୍ରିଟିଶ ଉପନିବେଶବାଦ ବିରୋଧରେ ୧୮୫୭ ମସିହାରେ ହୋଇଥିôବା ସିପାହୀ ବିଦ୍ରୋହକୁ ପରେ ଦେଶର ପ୍ରଥମ ସ୍ୱାଧୀନତା ସଂଗ୍ରାମ ଭାବେ ବର୍ଣ୍ଣନା କରାଯାଇଥିଲେ ବି ଏହାର ପ୍ରାୟ ୪୦ ବର୍ଷ ପୂର୍ବରୁ ଓଡ଼ିଶାରେ ବକ୍ସି ଜଗବନ୍ଧୁଙ୍କ ନେତୃତ୍ୱରେ ବ୍ରିଟିଶ ଶାସନ ବିରୋଧରେ ସଶସ୍ତ୍ର ବିଦ୍ରୋହ ସଂଘଟିତ ହୋଇଥିଲା । ୧୮୧୭ ମସିହାର ଏହି ପାଇକ ବିଦ୍ରୋହକୁ ବହୁ ଐତିହାସିକ ଓ ଗବେଷକ ଏହାକୁ ବ୍ରିଟିଶ ଶାସନ ବିରୋଧରେ ପ୍ରଥମ ସଂଗଠିତ ବିଦ୍ରୋହ ଭାବେ ବର୍ଣ୍ଣନା କରିଛନ୍ତି । ଆଜି ବି ବକ୍ସି ଜଗବନ୍ଧୁଙ୍କ ବୀରତ୍ୱର କାହାଣୀ ଓଡ଼ିଆ ଲୋକମାନଙ୍କୁ ଅନୁପ୍ରାଣୀତ କରୁଛି । ଏବେ ସମୟ ଆସିଛି ଓଡ଼ିଶାର ଗୋଟିଏ ପିଢ଼ିର ଏହି ସଂଗ୍ରାମ ଓ ତ୍ୟାଗର କାହାଣୀ ଇତିହାସରେ ଯଥାର୍ଥ ମାନ୍ୟତା ପାଉ ।


News Story - Posted on 2017-07-17

ଯୁଦ୍ଧ ଉନ୍ମାଦନା ପଛରେ କିଏ?



ବିଶ୍ୱରେ ଆଜି ଦିନରେ ବି ୧୨୦ କୋଟି ଲୋକ ଭୋକରେ ଜୀବନ ବିତାଉଛି, ୫୦ ଲକ୍ଷ ଶିଶୁ ପ୍ରତିବର୍ଷ ଅପପୁଷ୍ଟିରେ ମୃତ୍ୟୁବରଣ କରୁଛନ୍ତି। ପ୍ରତିଦିନ ବିଶ୍ୱରେ ୨୨ ହଜାର ଶିଶୁ ଦାରିଦ୍ର୍ୟ ଓ ଭୋକରେ ଆଉଟୁପାଉଟୁ ହୋଇ ଆଖି ବୁଜୁଛନ୍ତି।  ପ୍ରତି ୧ ମିନିଟରେ ୧୫ ଜଣ ଶିଶୁ ଦୁନିଆ ଦେଖିବା ଆଗରୁ ମୃତ୍ୟୁବରଣ କରୁଛନ୍ତି। ବିଶ୍ୱର ୮୬.୩ କୋଟି ଲୋକ ଦୁର୍ଗନ୍ଧ ପରିବେଶରେ ବସ୍ତିରେ ଜୀବନ ବିତାନ୍ତି। ୭୯.୫ କୋଟି ଲୋକ ପେଟପୁରା ଦୁଇଓଳା ଖାଇବାକୁ ପାଆନ୍ତି ନାହିଁ। ୧୬୦ କୋଟି ଲୋକଙ୍କର ମୁଣ୍ଡ ଗୁଞ୍ଜିବା ପାଇଁ ଘରଟିଏ ନାହିଁ। ଅଥଚ ଦେଶ ଦେଶ ମଧ୍ୟରେ ଯୁଦ୍ଧାସ୍ତ୍ର କାହା ପାଖରେ କେତେ, ଏହାକୁ ନେଇ ଶକ୍ତି ପରୀକ୍ଷା ଚାଲିଛି। ଗୋଟିଏ ଦେଶ ଆଉ ଗୋଟିଏ ଦେଶକୁ  ସୈନ୍ୟବଳ ଓ ପରମାଣୁ ଶକ୍ତି ଦେଖାଇ ଭୟଭୀତ କରାଉଛି। ମଣିଷ ହତ୍ୟା ଯେପରି ସଉକରେ ପରିଣତ ହୋଇଛି। ଏହା ପଛରେ ସାମ୍ରାଜ୍ୟବାଦୀ ଆମେରିକା ଭଳି ଦେଶର ପ୍ରମୁଖ ଭୂମିକା ରହିଥିବା ସମୀକ୍ଷା ରିପୋର୍ଟରୁ ଜଣାପଡ଼ିଛି। ପ୍ରତ୍ୟେକ ଦେଶ କୌଣସି ନା କୌଣସି ନୂଆ ଅସ୍ତ୍ର ଆମଦାନି  କରିବା ସହ ନିଜ ଶକ୍ତି ପ୍ରଦର୍ଶନ ଉଦ୍ଦେଶ୍ୟରେ ଅନ୍ଧ ରାଷ୍ଟ୍ରବାଦୀ ତତ୍ତ୍ୱର ଗୁଣ କୀର୍ତ୍ତନ କରୁଛନ୍ତି। ପ୍ରଚାର କରାଯାଉଛି ଅସ୍ତ୍ର ଦ୍ୱାରା ଦେଶ ଶକ୍ତିଶାଳୀ ହେବ। ଦେଶର ସୁରକ୍ଷା ସୁଦୃଢ ହେବ। ପରମାଣୁ ଶକ୍ତିରେ ଦେଶ ବଳିୟାନ ବୋଲି ପ୍ରମାଣ କରିବା ଦୌଡ଼ରେ ପ୍ରତିଟି ରାଷ୍ଟ୍ର ଅଛନ୍ତି। ମାନବତା ବିରୋଧୀ ମଣିଷ ହତ୍ୟା ବେପାରର ରାସ୍ତାକୁ ସୁଗମ କରିବା ପାଇଁ ରାଷ୍ଟ୍ର ନାମରେ ସାଧାରଣ ନାଗରିକଙ୍କ ସହମତିକୁ ଗୋଟା ଯାଉଛି। ଯେପରି ରାଷ୍ଟ୍ରବାଦ ନାମରେ ଅନ୍ଧ ରାଷ୍ଟ୍ରବାଦର ଗୁଣକୀର୍ତ୍ତନ ଜୋର‍୍‌ଦାର ହେବ ଓ ସୁନିଶ୍ଚିତ ହେବ।


News Story - Posted on 2017-07-15

ପିସି ପ୍ରସଙ୍ଗ- ନବୀନଙ୍କ ନୂଆ ଚାଲ୍‌



ସାଂପ୍ରତିକ ରାଜନୀତିର ଆଧାର ହେଉଛି ପିସି କାରବାର। ଏହା ଦୁଃଖଦାୟକ ହେଲେ, ମଧ୍ୟ ସତ୍ୟ। ସଂପ୍ରତି ରାଜନୀତି ବ୍ୟୟବହୁଳ ହୋଇଯାଇଛି। ନେତାମାନେ ବେଶୀ ଦୃଶ୍ୟମାନ ହେଉଛନ୍ତି। ଳୋକମାନଙ୍କ ସହ ବେଶୀ ରହୁଛନ୍ତି। ବହୁ ବର୍ଷ ପୂର୍ବରୁ ଏପରି ନଥିଲା। ନେତାମାନେ ତୃଣମୂଳରେ ଏତେ ସକ୍ରିୟ ନଥିଲେ। ନିର୍ବାଚନ ପୂର୍ବରୁ ହାଉଜାଉ ହେଉଥିଲେ। ଯେ ଜିତିଲା ସେ ବେଳେ ବେଳେ ଅଞ୍ଚଳକୁ ଆସୁଥିଲା, ଯେ ହାରିଲା ପ୍ରାୟତଃ ନିଷ୍କ୍ରିୟ ରହୁଥିଲା। ଏବେ ହାରିବା ଓ ଜିତିବା ଉଭୟ କ୍ରିୟାଶୀଳ ରହୁଛନ୍ତି। ଏହା ଗଣତନ୍ତ୍ର ପାଇଁ ଭଲ କି ଖରାପ, ତାହା ଅନ୍ୟ ଏକ ପ୍ରସଙ୍ଗ। ତେବେ ଏହା ଜଣେ ନେତା ପାଇଁ ଯଥେଷ୍ଟ ଚାପ ସୃଷ୍ଟି କରୁଛି। ଲୋକପ୍ରତିନିଧି ନିଜର ଲୋକସଂପର୍କ ବଜାୟ ରଖିବାକୁ ବହୁତ ପରିଶ୍ରମ କରୁଛି। ଲୋକସଂପର୍କ ଓ ପ୍ରଗତି ଭିନ୍ନ କଥା। ସଂପ୍ରତି ଲୋକସଂପର୍କର ରକ୍ଷଣାବେକ୍ଷଣ ପ୍ରଗତି କ୍ଷେତ୍ରରେ ବାଧା ସୃଷ୍ଟି କରୁଛି। ଲୋକସଂପର୍କ ବଜାୟ ରଖିବା, ଲୋକମାନଙ୍କୁ ନିଜ ପକ୍ଷରେ ବାନ୍ଧି ରଖିବା, ନିୟମିତ ସେମାନଙ୍କ ସହ ସଂଯୁକ୍ତ ହୋଇ ରହିବା; ଏକ ବ୍ୟୟବହୁଳ ବ୍ୟାପାର। ଏଇ ଲୋକସଂପର୍କ ରଖିବା ପାଇଁ ଏଜେନ୍ସୀ ବ୍ୟବସ୍ଥା କରାଯାଇଛି। ଉପରୁ ତଳ ପର୍ଯ୍ୟନ୍ତ ଏଜେଣ୍ଟ ନିଯୁକ୍ତ କରାଯାଇଛି। ସେମାନେ ହେଲେ ସ୍ତର ସ୍ତରର କର୍ମୀ। ସେମାନଙ୍କୁ ପୋଷିବାକୁ ପଡୁଛି। କେହି ମାହାଳିଆରେ କର୍ମୀ ହୁଅନ୍ତି ନାହିଁ। ସେମାନେ ସିଧାସଳଖ କ୍ଷମତାର ଅଂଶୀଦାର ହୁଅନ୍ତି। କ୍ଷମତା ଗାଡ଼ିଆର ରୋହି, ଭାକୁର ନହେଲେ ମଧ୍ୟ ମହୁରାଳି ଜଣେ ଯଦି ନ ପାଇବ, ସେ କାହିଁକି କର୍ମୀ ହେବ?


News Story - Posted on 2017-07-15

ମୋଦି କ’ଣ କୋଲଗେଟ୍‌ ପେଷ୍ଟ?



ତଥାପି ମୋଦି ସରକାରଙ୍କ ଉପରେ ଏତେ ଅଧିକ ଲୋକ ଆସ୍ଥା ସ୍ଥାପନ କରିବା କୋଲଗେଟ୍‌ ଦାନ୍ତଘଷା ପେଷ୍ଟ ଉପରେ ଅଧିକ ଭାରତୀୟଙ୍କ ଆସ୍ଥା ପରି କଥା! ବିଜ୍ଞାପନ ଓ ପ୍ରଚାର ମାଧ୍ୟମରେ ଭାରତୀୟ ଲୋକମାନଙ୍କୁ ଯେ ଭୁଲ ବାଟେର ଭୁଆଁ ବୁଲେଇ ହୁଏ ତାହା ବାବା ରାମଦେବ ବହୁ ପୂର୍ବରୁ ପ୍ରମାଣିତ କରିସାରିଛନ୍ତି। ଆଉ ସେ ନିଜେ ବି ତାଙ୍କ ପାତଞ୍ଜଳି ଉତ୍ପାଦ ସମୂହ ବଜାରୀକରଣ ପାଇଁ କିଛି କମ ପ୍ରଚାର କରୁ ନାହାନ୍ତି!


News Story - Posted on 2017-07-15

ଭର୍ତ୍ତୃହରି ଖୋଲିଲେ ବୋଫର୍ସ ପେଡ଼ି!



ପୁଣି ଥରେ ବୋଫର୍ସ ଦୁର୍ନୀତିର ତଦନ୍ତ ଆରମ୍ଭ କରିପାରେ କେନ୍ଦ୍ରୀୟ ତଦନ୍ତ ବ୍ୟୁରୋ ବା ସିବିଆଇ। ସେଥିପାଇଁ ସରକାରଙ୍କଠାରୁ ଅନୁମତି ମଗାଯିବ। ସଂସଦର ପବ୍ଲିକ ଆକାଉଣ୍ଟ କମିଟିର ନିର୍ଦ୍ଦେଶକ୍ରମେ ଏହି ନିଷ୍ପତ୍ତି ନିଆଯାଇଛି। କମ୍ପଟ୍ରୋଲର ଆଣ୍ଡ ଅଡିଟର ଜେନେରାଲ ବା ସିଏଜିଙ୍କ ରିପୋର୍ଟ ଉପରେ ତର୍ଜମା କରୁଥିବା ପବ୍ଲିକ ଆକାଉଣ୍ଟସ କମିଟି ବା ପିଏସି ଏହି ଦୁର୍ନୀତିର ସାନି ତଦନ୍ତ ପାଇଁ ନିର୍ଦ୍ଦେଶ ଦେଇଛନ୍ତି।


News Story - Posted on 2017-07-11

ନବୀନ ଶାସନର ପିସି ସଂସ୍କୃତି



ରାଜ୍ୟର ଦୁର୍ନୀତି ବିରୁଦ୍ଧରେ ତଦନ୍ତ ପାଇଁ ମୁଖ୍ୟମନ୍ତ୍ରୀଙ୍କ ଅଧୀନରେ ଦୁଇଟି ସଂସ୍ଥା ରାଜ୍ୟ ଭିଜିଲାନ୍ସ ଏବଂ କ୍ରାଇମ ବ୍ରାଞ୍ଚ କାମ କରୁଛନ୍ତି। କିନ୍ତୁ ମୁଖ୍ୟମନ୍ତ୍ରୀଙ୍କ ଲଗାତର ହସ୍ତକ୍ଷେପ ଏବଂ ଦୁର୍ନୀତିଗ୍ରସ୍ତ ଉଚ୍ଚ ପଦସ୍ଥ ଅଧିକାରୀଙ୍କୁ ସୁରକ୍ଷା ଦେବା ଯୋଗୁଁ ଦୁଇଟି ସଂସ୍ଥା ଦୁର୍ନୀତି ବିରୋଧରେ ଉଲ୍ଲେଖନୀୟ ପଦକ୍ଷେପ ଗ୍ରହଣ କରିପାରି ନାହାଁନ୍ତି। ଡ଼ାଲି ଦୁର୍ନୀତି, ଶକ୍ତି ବିଭାଗର ଦୁର୍ନୀତି, ଓମ‌୍‍ଫେଡ଼ ଦୁର୍ନୀତି, ଭୁବନେଶ୍ୱର-କଟକ ଜମି ଦୁର୍ନୀତି, ଘଙ୍ଗାପାଟଣା ଜମି ଦୁର୍ନୀତି ଇତ୍ୟାଦି ତଦନ୍ତ ହୋଇପାରି ନାହିଁ। ମୁଖ୍ୟମନ୍ତ୍ରୀ ଅନୁମତି ନ ଦେବାରୁ ୧୦ ଜଣ ଦୁର୍ନୀତିଗ୍ରସ୍ତ ଆଇ.ଏ.ଏସ‌୍‍.ଙ୍କ ବିରୁଦ୍ଧରେ ସମସ୍ତ ପ୍ରମାଣ ଥାଇ ମଧ୍ୟ ଭିଜିଲାନ୍ସ ତଦନ୍ତ କରିପାରୁ ନାହିଁ।


News Story - Posted on 2017-07-08

ଯେଉଁଠି ଉପଦ୍ରବ ସେଇଠି ହିଟ‍୍‌ଲର



ହିଟଲର ନିଜକୁ ପ୍ରୋଜେକ୍ଟ କରୁଥିଲେ ଯେ, ସେ ଲୋକଙ୍କର ନେତା, ସେ ସମସ୍ତଙ୍କ ସହ ସମସ୍ତଙ୍କର ବିକାଶ ଚାହାନ୍ତି। ସୁଖରେ ସମସ୍ତେ ସହାବସ୍ଥାନ କରନ୍ତୁ ଏହା ଥିଲା ତାଙ୍କର ଧର୍ମ ଓ କର୍ମ ବୋଲି ସେ ଘୋଷଣା କରୁଥିଲେ। ଏ ହିଟଲରଙ୍କ ଏହି ଛଦ୍ମ ପ୍ରୋଜେକ୍ଟକୁ ପ୍ରଚାର କରି ଜନମତ ଏକାଠି କରୁଥିଲେ ତାଙ୍କର ପ୍ରଚାର ମନ୍ତ୍ରୀ ଗୋଏବଲ‍୍‌ସ। ହିଟଲର ନିଜକୁ ଜର୍ମାନୀର ଅଧିନାୟକ ହେବା ପାଇଁ ୮ ବର୍ଷ ପୂର୍ବରୁ ନିଜର ସୈନ୍ୟ ବାହିନୀ ନିର୍ମାଣ କରିଥିଲେ। ଯାହାକୁ ସଂକ୍ଷିପ୍ତରେ ଏସ‍୍‌ଏସ‍୍‌ କୁହାଯାଉଥିଲା। ନିଜର ସୈନ୍ୟବାହିନୀ ଏବଂ ସଂଗଠନ ଦ୍ୱାରା ତାଙ୍କୁ ହେଲ‍୍‌ ହିଟଲର ଭାବେ କୁହାଯାଉଥିଲା। ସେ ଏଥିରେ ଆନନ୍ଦ ପାଉଥିଲେ। ନିଜ ସଂଗଠନ ଓ ସେନାଙ୍କ ଦ୍ୱାରା ହେଲ‍୍‌ ହିଟଲର ଭାବେ ଅଭିବାଦନ ଗ୍ରହଣ କଲାବେଳେ ସେ ଗର୍ବ ଅନୁଭବ କରୁଥିଲେ।


News Story - Posted on 2017-07-07

କେତେ ପ୍ରାସଙ୍ଗିକ ସ୍ୱତନ୍ତ୍ର ପାହ୍ୟା ଦାବି?



ଭାରତୀୟ ସମ୍ୱିଧାନରେ ଦେଶର କୌଣସି ରାଜ୍ୟ ପାଇଁ ‘ସ୍ୱତନ୍ତ୍ର ପାହ୍ୟା’ର ନିୟମ ଓ ବ୍ୟବସ୍ଥା ନାହିଁ। କିନ୍ତୁ ସେଂଟ୍ରାଲ ପ୍ଲାନ ଆସିଷ୍ଟାନ୍ସ ବଳରେ ରାଜ୍ୟଗୁଡ଼ିକ ପାଇଁ ସ୍ୱତନ୍ତ୍ର ପାହ୍ୟା ସୁବିଧା ଉପଲବ‌୍‍ଧି ପାଇଁ ଜାତୀୟ ଯୋଜନା କମିଶନ ଅନୁମୋଦନ କ୍ରମେ ‘ନ୍ୟାସନାଲ ଡେଭଲପ‌୍‍ମେଂଟ କାଉନସିଲ’ କୌଣସି ପ୍ରଦେଶକୁ ସ୍ୱତନ୍ତ୍ର ପାହ୍ୟା ପ୍ରଦାନ କରିବାକୁ କେତୋଟି ଦିଗ ଉପରେ ଗୁରୁତ୍ୱ ଦେଇଛନ୍ତି। ସେଗୁଡ଼ିକ ହେଉଛି-ପର୍ଯ୍ୟାପ୍ତ ପାହାଡ଼ିଆ ଓ ପ୍ରତିକୂଳ ପରିବେଶ, ସ୍ୱଳ୍ପ ସଂଖ୍ୟକ ଲୋକ ରହୁଥିବା ଅଂଚଳ, ଆଦିବାସୀ ଅଧ୍ୟୁସିତ ଅଂଚଳ, ଦେଶର ସୀମାନ୍ତରେ ରହୁଥିବା ନିଷାଧାଂଚଳ, ଆର୍ଥିକ ଓ ଭିତ୍ତିଭୂମି ଦୁର୍ବଳ ଥିବା ଅଂଚଳ ଓ ଆବଶ୍ୟକ ପ୍ରାକୃତିକ ସମ୍ପଦ ନଥିବା ଅଂଚଳ। ୨୦୦୯ରେ ଗାଡଗିଲ ଫର୍ମୁଲା ଅନୁସାରେ ଏସବୁ ଅସୁବିଧା ଥିବା ପ୍ରଦେଶଗୁଡ଼ିକୁ କେନ୍ଦ୍ର ସରକାର ୩୦ ପ୍ରତିଶତ ପର୍ଯ୍ୟନ୍ତ ସ୍ୱତନ୍ତ୍ର ଆର୍ଥିକ ସହାୟତା ପ୍ରଦାନ କରିବେ। ଯୋଜନା କମିଶନ ଏବଂ ଚତୁର୍ଦ୍ଦଶ ଆର୍ଥିକ ଆୟୋଗଙ୍କ ନିଷ୍ପତି କ୍ରମେ କେନ୍ଦ୍ରୀୟ ନୀତି ଆୟୋଗ ସ୍ୱତନ୍ତ୍ର ପାହ୍ୟା ଅନ୍ତର୍ଭୁକ୍ତ ରାଜ୍ୟଗୁଡ଼ିକୁ ୩୨ରୁ ୪୨ ପ୍ରତିଶତ ପର୍ଯ୍ୟନ୍ତ ସହାୟତା ପ୍ରୟୋଗ କରିବାକୁ ନିର୍ଦ୍ଦେଶ ଦେଇଥିଲେ। କେତେକ ଆର୍ଥିକ ଅସ୍ୱଚ୍ଛଳ ରାଜ୍ୟକୁ କେନ୍ଦ୍ରୀୟ ସହାୟତା ୯୦ ପ୍ରତିଶତ ପ୍ରଦାନ କରାଯାଉଥିବାବେଳେ ସଂପୃକ୍ତ ରାଜ୍ୟ ସରକାର ୧୦ ପ୍ରତିଶତ ଆର୍ଥିକ ସହାୟତା ଯୋଗାଇର ବ୍ୟବସ୍ଥା ହୋଇଛି।


News Story - Posted on 2017-07-05

ବିରୋଧ ପାଇଁ ବିରୋଧ



ଜିଏସ‌୍‍ଟି କାର୍ଯ୍ୟକାରୀ ହେବା ପୂର୍ବରୁ ବିଧେୟକ ପ୍ରସ୍ତୁତି ଏବଂ ପାରିତ ହେବା ବେଳେ ଭାରତ ବର୍ଷର ପ୍ରାୟତଃ ସମସ୍ତ ରାଜନୈତିକ ଦଳ ସମର୍ଥନ କରି ଆସିଛନ୍ତି। ସେମାନଙ୍କର ଅଧିକାଂଶ ମତାମତ ସେଥିରେ ସ୍ଥାନିତ ହୋଇଛି। ଆବଶ୍ୟକତା ଅନୁସାରେ ବିଭିନ୍ନ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳର ସରକାରମାନେ ଏହାକୁ ଅନୁମୋଦନ କରି ସାରିଛନ୍ତି। କିନ୍ତୁ ଏହା ସତ୍ତ୍ବେ କଂଗ୍ରେସ ଏହି ଉତ୍ସବକୁ ବର୍ଜନ କରିବା ଯେତିକି ଦୁର୍ଭାଗ୍ୟଜନକ ସେତିକି ରାଜନୈତିକ ଉଦ୍ଦେଶ୍ୟ ପ୍ରଣୋଦିତ। ରାହୁଳ ଗାନ୍ଧୀ ଏହାକୁ ଅଧା ସମର୍ଥନ ବୋଲି କହିଛନ୍ତି। ଅଧା ସମର୍ଥନ ହୋଇଥିଲେ ତାହା କିପରି ରାଷ୍ଟ୍ରପତିଙ୍କ ଅନୁମୋଦନ ଲାଭକଲା? ସାମ୍ୱିଧାନିକ ବ୍ୟବସ୍ଥା ସମ୍ପର୍କରେ ତାଙ୍କର ଅଜ୍ଞାନତାକୁ ସୂଚିତ କରୁଛି। ମଧ୍ୟରାତ୍ରୀର ଉତ୍ସବକୁ ଏକ ତାମ‌୍‍ସା ବୋଲି କହି ସେ ସଂସଦ ଓ ରାଷ୍ଟ୍ରପତିଙ୍କ ଅବମାନନା କରିଛନ୍ତି।


News Story - Posted on 2017-07-05

ତାରିଖ ଯାହାକୁ ବିଜେପି ମନେ ପକାଏ



ଏପରି ଏକ ତାରିଖ ଯାହାକୁ ବିଜେପି ବିଶେଷ ଭାବେ ମନେ ପକାଇଥାଏ ଓ ପସନ୍ଦ କରିଥାଏ। ଏହି ତାରିଖ ବିଜେପିକୁ କ୍ଷମତାସୀନ କରିବାରେ ଓ ଦେଶ ଆଗରେ କଂଗ୍ରେସ ପ୍ରତି ଭୟ ସୃଷ୍ଟି କରିବାରେ ସହାୟକ ହୋଇଛି। ଏହି ତାରିଖ ଦିନ କଂଗ୍ରେସ କେତେ ଭୟଙ୍କର, ଗଣତନ୍ତ୍ର ପ୍ରତି ବିପଦ ତାହାକୁ ସ୍ମରଣ କରାଇ ଦେବାରେ ବିଜେପି ଦଳର କର୍ମୀଠୁ ନେତାମାନେ ଜୋର‍୍‌ଦାର‍୍‌ ଉଦ୍ୟମ କରିଥାନ୍ତି। ତାରିଖ ଜୁନ‍୍‌ ୨5, ସ୍ୱାଧୀନ ଗଣତାନ୍ତ୍ରିକ ଭାରତ ଇତିହାସରେ ଏହି ତାରିଖ କଳାଦିନ ଭାବରେ ଲିପିବଦ୍ଧ। ୧୯୭୫ ମସିହା ଏହି ତାରିଖରେ ଦେଶରେ ଏକ ନିର୍ବାଚିତ ସରକାର ନିର୍ବାଚନକୁ ନିଷିଦ୍ଧ କରି ଲୋକଙ୍କ ସାମ୍ୱିଧାନିକ ଅଧିକାର ଛଡ଼ାଇ ନେବାର ଘୋଷଣା କରିଥିଲା। ଏହି ସମୟରେ ପ୍ରଧାନମନ୍ତ୍ରୀ ଥିଲେ ଶ୍ରୀମତୀ ଇନ୍ଦିରା ଗାନ୍ଧି। ଇନ୍ଦିରାଜୀଙ୍କ ଦ୍ୱାରା ଜାରି କରାଯାଇଥିବା ଜରୁରୀ ପରିସ୍ଥିତିର ଏହି ସମୟକୁ ମନେ ପକାଯାଇଥାଏ। ଯେତେଦିନ ଯାଏ ଦେଶରେ ଜରୁରୀ ପରିସ୍ଥିତି ଜାରି ରହିଥିଲା ସେତେଦିନ ଯାଏ ଦେଶରେ ଏହାର ଗୁଣଗାନ କରୁଥିବା ଲୋକଙ୍କ ସଂଖ୍ୟା କମ‍୍‌ ନଥିଲା। କ୍ଷମତାସୀନ ଦଳ କୌଣସି ନା କୌଣସି ପ୍ରକାରରେ ଏହି ପରିସ୍ଥିତି ସହ ଯୋଡ଼ି ହୋଇ ଏଥିରୁ ଫାଇଦା ଗୋଟାଇବାକୁ ପଛାଇନଥିଲା। ଭୟରେ ଦେଶର କିଛି ନାଗରିକ ଏହି ପରିସ୍ଥିତିକୁ ସମର୍ଥନ କରୁଥିଲେ। ମିଡ଼ିଆ ଏହି ଫାଇଦା ଗୋଟାଇବାରେ ପଛରେ ପଡ଼ି ନଥିଲା। ଜରୁରୀ ପରିସ୍ଥିତି ବିରୋଧରେ ସ୍ୱର ଉଠାଇଥିବା କୁଲଦୀପ ନାୟାରଙ୍କ ଭଳି ସାମ୍ୱାଦିକ କମ‍୍‌ ଥିଲେ। କିନ୍ତୁ ସରକାରଙ୍କ ଏହି ଜରୁରୀ ପରିସ୍ଥିତି ଜାରି ନୀତିକୁ ପ୍ରଶଂସା କରୁଥିବା ସାମ୍ୱାଦିକ ସେଦିନ କମ‍୍‌ ନଥିଲେ।  ଆଜି ଦିନରେ ବିଜେପି ଯେଭଳି ଏହି ଦିନର କଳା ଅଧ୍ୟାୟକୁ ବଖାଣୁଛି ଓ ଦେଶବାସୀଙ୍କ ଆଗରେ ସେଦିନର ଜରୁରୀ କାଳୀନ ପରିସ୍ଥିତି ବେଳର ଦମନକୁ ଆଖି ଆଗରେ ରଖୁଛି ତାହା କେବଳ କଂଗ୍ରେସକୁ ଲୋକଙ୍କ ଠାରୁ ଦୂରେଇ ଦେବା ପାଇଁ ରାଜନୈତିକ ଉଦ୍ଦେଶ୍ୟରେ ଉପସ୍ଥାପନ କରୁଥିବା ମନେହୁଏ।


News Story - Posted on 2017-07-05

‘ଓଡ଼ିଶା ଦୁର୍ଗତି ପାଇଁ ବିଜେଡ଼ି-ବିଜେପି ଦାୟୀ’



ରାଜ୍ୟରେ ହୋଇଥିବା ଖଣି ମହା ଦୁର୍ନୀତିରେ ଜଷ୍ଟିସ ଶାହା କମିଶନ ସିବିଆଇ ତଦନ୍ତ ପାଇଁ ସୁପାରିଶ କରିଥିଲା ବେଳେ କେନ୍ଦ୍ର ବିଜେପି ସରକାର ନିରବ କାହିଁକି? ଅମିତ ଶାହାଙ୍କ ପ୍ରଥମ ଓଡ଼ିଶା ଗସ୍ତ ଅବକାଶରେ ହୋଇଥିବା ତଥାକଥିତ ମହାସମାବେଶର ମହାସଂଗ୍ରାମ ଆହ୍ୱାନ ପରେ ଚିଟଫଣ୍ଡ ଦୁର୍ନୀତିରେ ସିବିଆଇ ତଦନ୍ତ ଶିଥିଳ ପଡ଼ିଯାଇଥିଲା କାହିଁକି? ଅମିତ ଶାହାଙ୍କୁ ଓଡ଼ିଶା ଗସ୍ତ ଅବସରରେ ଭାରତୀୟ ଜନତା ପାର୍ଟିକୁ ଏଭଳି ପ୍ରଶ୍ନ ପଚାରିଛି ପ୍ରଦେଶ କଂଗ୍ରେସ।


News Story - Posted on 2017-06-28

ପ୍ରଧାନମନ୍ତ୍ରୀଙ୍କ ମନ ଦୁଃଖ!



ପ୍ରଧାନମନ୍ତ୍ରୀ ବହୁତ ଲୋକଙ୍କୁ ଜାଣିଛନ୍ତି। ଗତଥର ରୁଷିଆରେ ଗୋଟିଏ ସୁନ୍ଦରୀ ତରୁଣୀକୁ ଦେଖି ଫଟକରି ଚିହ୍ନିପକେଇଲେ! କହିଲେ, ତମ ଟୁଇଟର୍ ଫଟୋରେ ତମେ ଗୋଟିଏ ନୀଳ ଛତା ସହିତ ଅଛ ନା!


News Story - Posted on 2017-06-27

କେତେ ହେଲେ କେଜାଣି?



ଗଲାଣି ତ ଗଲା କଥା, ଏବେ ଏତେ ଚିନ୍ତା କିଆଁ? ପଳେଇବା କଥା ସମସ୍ତଙ୍କ ମନରୁ ପାସୋରି ହୋଇଯାଏ। କେହି ମନେ ରଖନ୍ତିନି। ପୁରୁଣା ଦିନର ଭଲ କଥା ମନରେ ରହିଲେ ବାହାସ୍ଫୋଟ ମାରିହୁଏ, ଖରାପ କଥା ଥିଲେ ମନ ଖୁରେଇ ବିଦାରି ହୁଏ। ଏପ୍ରକାର ଭେଲ କଥା କେହି ପଚାରିଲେ କ’ଣ ହେଲେ ଗୋଟେ କହିଦେଇକି ମ୍ୟାନେଜ‌୍‍ କରିନେବାକୁ ହୁଏ। ଆଉ ରାଜନୀତି କ୍ଷେତ୍ରରେ ଏ ଫର୍ମୁଲା ଆପ୍ଲାଏ କରିବା ସବୁଠାରୁ ଉତ୍ତମ। କରି ତ ଆସୁଛନ୍ତି।


News Story - Posted on 2017-06-24

ନବୀନଙ୍କ ୩ ଟି- ଠକାମୀର ନୂତନ ପ୍ରୟାସ



ବାସ୍ତବରେ ଶାସନ ବ୍ୟବସ୍ଥା ଗ୍ରହଣ କରିବା ଆରମ୍ଭରୁ ନବୀନ ପଟ୍ଟନାୟକ ତାଙ୍କ ସରକାର ଏକ ସ୍ୱଚ୍ଛ ଏବଂ ଦୁର୍ନୀତିମୁକ୍ତ ଶାସନ ପ୍ରତି ପ୍ରତିଜ୍ଞାବଦ୍ଧ ବୋଲି ପ୍ରଚାର କରାଇ ଆସିଛନ୍ତି। ଦୁର୍ନୀତି ଅଭିଯୋଗରେ କିଛି ମନ୍ତ୍ରୀଙ୍କୁ ପଦଚ୍ୟୁତ କରିବା ବା କିଛି ଆଇ.ଏ.ଏସ‌୍‍. ଅଫିସରଙ୍କୁ ଗିରଫ କରି ଜେଲ‌୍‍ ପଠାଇବା ଇତ୍ୟାଦି କରି ସେ ନିଜକୁ ଦୁର୍ନୀତିମୁକ୍ତ ଶାସନ ବ୍ୟବସ୍ଥା ପାଇଁ ଅଙ୍ଗୀକାରବଦ୍ଧ ବୋଲି ଗଣମାଧ୍ୟମରେ ବ୍ୟାପକ ପ୍ରଚାର କରାଇ ନିଜର ସ୍ୱତନ୍ତ୍ର ପରିଚୟ ସୃଷ୍ଟି କରି ଆସିଛନ୍ତି। କିନ୍ତୁ ପରବର୍ତ୍ତୀ ପର୍ଯ୍ୟାୟରେ ନବୀନ ବାବୁଙ୍କ ଅସଲ ଚେହେରା ଲୋକ ଲୋଚନକୁ ଆସିବାରେ ଲାଗିଛି। ଖଣି ଦୁର୍ନୀତିର ତଦନ୍ତକୁ ଚାପିଦେବା, ଭୁବନେଶ୍ୱର ଏବଂ କଟକରେ ଜମି ଆବଣ୍ଟନରେ ହୋଇଥିବା ଜାଲିଆତିରେ ସମ୍ପୃକ୍ତ ବିଧାୟକ ଏବଂ ଅଫିସରଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ନ ହେବା, ୭୦୦ କୋଟି ଟଙ୍କାର ଡ଼ାଲି ଦୁର୍ନୀତିରେ ସମ୍ପୃକ୍ତ ଆଇ.ଏ.ଏସ‌୍‍. ଅଫିସରଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରାନଯିବା, ଶାସନ ବ୍ୟବସ୍ଥାରେ ମୂଳରୁ ଚୂଳ ପର୍ଯ୍ୟନ୍ତ ଦୁର୍ନୀତି, ଅର୍ଥ ହରିଲୁଟ‌୍‍ ତଦନ୍ତ ନହେବା ଇତ୍ୟାଦି ମୁଖ୍ୟମନ୍ତ୍ରୀଙ୍କର ଅସଲ ଚେହେରା ଲୋକଲୋଚନକୁ ଆସିବାରେ ଲାଗିଛି। ନବୀନ ବାବୁ ସର୍ବସାଧାରଣରେ ଯେପରି ନିଜକୁ ସ୍ୱଚ୍ଛ ବୋଲି ପ୍ରତିପାଦିତ କରନ୍ତି, ବାସ୍ତବ ଚିତ୍ର ଠିକ ସେଇଆ ନୁହେଁ। ସ୍ୱଚ୍ଛତା ନାମରେ ସେ ତାଙ୍କର େସ୍ୱଚ୍ଛଚାରୀ ଏବଂ ମନୋମୁଖୀ ଶାସନକୁ ବଳବତ୍ତର କରି ରଖିବାରେ ସମର୍ଥ ହୋଇ ଆସିଛନ୍ତି। ଲୋକଙ୍କର ରାଜନୈତିକ ଚେତନାର ଅଭାବ, ଗଣମାଧ୍ୟମରେ ବ୍ୟାପକ ମିଛ ପ୍ରଚାରକୁ ଆୟୁଧ କରି ସେ ଯାବତୀୟ ଦୁର୍ନୀତି ଏବଂ ଘୋଟାଲା, ଲୁଟ‌୍‍ କରି ମଧ୍ୟ ତାଙ୍କର ଶାସନ ବ୍ୟବସ୍ଥାକୁ ସ୍ୱଚ୍ଛ କରି ଜନ ସମର୍ଥନ ଗୋଟାଇବାରେ ସମର୍ଥ ହୋଇଛନ୍ତି।


News Story - Posted on 2017-06-24

ମୀରା ଅଧିକ ଯୋଗ୍ୟ, କିନ୍ତୁ ହାରିବେ



ରାଷ୍ଟ୍ରପତି ନିର୍ବାଚନରେ ଗୁଗଲି ଛାଡ଼ିଛନ୍ତି ବିରୋଧୀ। ବିଜେପି ନେତୃତ୍ୱାଧୀନ ଏନଡିଏ ପ୍ରାର୍ଥୀ ରାମନାଥ କୋବିନ୍ଦଙ୍କ ବିରୋଧରେ ଲଢ଼ିବା ପାଇଁ ପୂର୍ବତନ ବାଚସ୍ପତି ମୀରା କୁମାରଙ୍କୁ ବିରୋଧୀ ମେଣ୍ଟ ପ୍ରାର୍ଥୀ ମନୋନୀତ କରାଯାଇଛି। ମୀରା ବି ଦଳିତ ବର୍ଗ ନେତ୍ରୀ। ଶିକ୍ଷା, ଦୀକ୍ଷା, ଅଭିଜ୍ଞତା ଓ ହାସଲ ସବୁଥିରେ ସେ କୋବିନ୍ଦଙ୍କଠାରୁ ଆଗରେ। ତଥାପି ରାମଙ୍କ ସପକ୍ଷରେ ୮ ଲକ୍ଷରୁ ଅଧିକ ଭୋଟମୂଲ୍ୟ ହିସାବ ହୋଇଥିବାବେଳେ ମୀରାଙ୍କ ସପକ୍ଷରେ ୩.୫ ଲକ୍ଷ ଭୋଟମୂଲ୍ୟ ରହିଛି। ତେଣୁ ସେପରାସ୍ତ ହେବା ନିଶ୍ଚିତ। ତେବେ ଏଠି ବିଜୟ ପରାଜୟ ଲକ୍ଷ୍ୟ ନୁହେଁ, ଆଦର୍ଶର ଲଢ଼େଇ ମୁଖ୍ୟ କଥା ବୋଲି ନିଜେ ମୀରା କହିଛନ୍ତି।


News Story - Posted on 2017-06-22

ହିନ୍ଦୁତ୍ୱବାଦୀ ହିନ୍ଦୁ ଦର୍ଶନ ବିରୋଧୀ



ଶ୍ରୀମଦ‍୍‌ ଭାଗବତ ହେଉଛି ହିନ୍ଦୁ ଦର୍ଶନର ପ୍ରମୁଖ ଗ୍ରନ୍ଥ। ଭାଗବତରେ ବର୍ଣ୍ଣିତ ଅଛି ‘ଅଥ ମାଂ ସର୍ବଭୂତେଷୁ ଭୂତାତ୍ମାନଂ କୃତାଳୟଂ, ଅର୍ହୟେତ ଦାନମାନାଭ୍ୟାଂ ମୈତ୍ର୍ୟା ଅଭିନ୍ନେନ ଚକ୍ଷୁଷା।’  ଅର୍ଥାତ୍ ଭଗବାନ କହୁଛନ୍ତି- ‘ମୁଁ ସମସ୍ତ ପ୍ରାଣୀଙ୍କର ହୃଦୟରେ ରହିଛି। ତେଣୁ ସକଳ ପ୍ରାଣୀଙ୍କୁ ନିଜ ଠାରୁ ପୃଥକ୍ ମନେନକରି ସମସ୍ତଙ୍କୁ ମିତ୍ର ମଣି ଦାନ ଓ ସମ୍ମାନ ସହକାରେ ପୂଜାକଲେ ବା ସେବାକଲେ ମୋତେ ପୂଜା ବା ସେବା କରିବା ସହ ସମାନ ହେବ।’


News Story - Posted on 2017-06-22

ଶ୍ୟାମାପ୍ରସାଦ ମୁଖାର୍ଜୀଙ୍କ ସ୍ମରଣେ



ସ୍ୱାଧୀନ ଭାରତରେ ସ୍ୱରାଜ, ସ୍ୱଦେଶୀ ଓ ସ୍ୱତନ୍ତ୍ରର ପ୍ରତିଷ୍ଠା ପାଇଁ ଯେଉଁଁ କେତେଜଣ ମହାମନିଷୀ  ଆଜୀବନ ଅଭିଯାନ ଚଳାଇଥିଲେ ସେମାନଙ୍କ ମଧ୍ୟରେ ଡ. ଶ୍ୟାମାପ୍ରସାଦ ମୁଖାର୍ଜୀ ଅନ୍ୟତମ। ୧୯୦୧ ମସିହା ଜୁଲାଇ ୬ ତାରିଖରେ ତାଙ୍କର ଜନ୍ମ ଏବଂ ୧୯୫୩ ମସିହା ଜୁନ‌୍‍ ୨୬ ତାରିଖରେ ତାଙ୍କର ମୃତ୍ୟୁ ହୋଇଥିଲା। ଏହି ୫୨ ବର୍ଷର ସ୍ୱଳ୍ପକାଳୀନ ଆୟୁ ଭିତରେ ଡ. ଶ୍ୟାମାପ୍ରସାଦ ସାରା ଦେଶପାଇଁ ଯେଉଁ ଦଃୁସାହସିକ ପଥ ପ୍ରଦର୍ଶନ କରିଯାଇଛନ୍ତି ତାହା ଦେଶର ଇତିହାସରେ ସ୍ୱର୍ଣ୍ଣାକ୍ଷରରେ ଲିପିବଦ୍ଧ ହୋଇ ରହିଥିବ।


News Story - Posted on 2017-06-21

ମୋଦିଙ୍କ ଜାତିବାଦ- କୋବିନ୍ଦ ରାଷ୍ଟ୍ରପତି



ରାଷ୍ଟ୍ରପତି ନିର୍ବାଚନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଖେଳିଥିବା ଦଳିତ କାର୍ଡ଼ କାମ ଦେଇଛି। ଦଳିତ ନେତା ତଥା ବିହାର ରାଜ୍ୟପାଳ ରାମନାଥ କୋବିନ୍ଦଙ୍କୁ ଏନଡିଏ ପ୍ରାର୍ଥୀ କରିବା ପରେ ଅଣଏନଡିଏ ଦଳରେ ଫାଟ ସୃଷ୍ଟି ହୋଇଛି। ଏନଡିଏ ବାହାରେ ଥିବା କେତେକ ଦଳ ତାଙ୍କ ପ୍ରାର୍ଥିତ୍ବକୁ ସମର୍ଥନ କରିଥିବାବେଳେ ଅନ୍ୟ କେତେକ ତାଙ୍କୁ ପ୍ରଶଂସା କରି ସମର୍ଥନର ସଂକେତ ଦେଇଛନ୍ତି। ସେହିପରି ଏନଡିଏର ଏକ ଗୁରୁତ୍ୱପୂର୍ଣ୍ଣ ଅଂଶୀଦାର ଶିବସେନା ମଧ୍ୟ ପୂର୍ବ ନିଷ୍ପତ୍ତିରୁ ଓହରିଯାଇ କୋବିନ୍ଦଙ୍କୁ ସମର୍ଥନ କରିବାକୁ ଘୋଷଣା କରିଛି।


News Story - Posted on 2017-06-20

ଏଇଟା କ’ଣ ନ୍ୟୁଜ୍‌?



ସତକଥା। ତୋ ମୋ କଥା ହୋଇଥିଲେ ଅଲଗା କଥା ହୋଇଥାନ୍ତା। ତୁ ଥରେ ମୁଖ୍ୟମନ୍ତ୍ରୀଙ୍କୁ ଟୁଇଟ୍ କରି ତୋର କୌଣସି ଅସୁବିଧା ଜଣେଇ ଦେଖିଲୁ! ସେଇ ଏକା ଉତ୍ତର ସମସ୍ତଙ୍କୁ ମିଳେ ଆଉ ତୋତେ ବି ମିଳିବ - ଆପଣଙ୍କ ସମସ୍ୟା ସଂପୃକ୍ତ ବିଭାଗକୁ ଜଣାଇ ଦିଆଯାଇଛି। ତାପରେ ତୁ ସଂପୃକ୍ତ ବିଭାଗକୁ ଖୋଜୁଥା! କିରେ ମୁଖ୍ୟମନ୍ତ୍ରୀଙ୍କର ସିନା ଟୁଇଟର ଚଲାଇବା ପାଇଁ ଲୋକ ଅଛନ୍ତି, ସଂପୃକ୍ତ ମନ୍ତ୍ରୀମାନେ କ’ଣ ଲୋକ ରଖିଛନ୍ତି?


News Story - Posted on 2017-06-19

ସତ୍ୟମେବ ଜୟତେ!



କୁଆଡେ଼ ଆମର ଗୋଟେ ଅଲିଖିତ ନିୟମ ଅଛି। ମନ୍ତ୍ରୀ ହେଲେ ସତ କି ମିଛ ଯାହା ହେଉ ପଛେ, ଏ ଅଖଞ୍ଜ ଅନୁଭବ କେହି ବାକ୍ୟରେ ପ୍ରକାଶ କରି ପାରିବେନି। ‘କ୍ୟାଟେଲ କ୍ଲାସ‌୍‍’ କହି ଶଶି ଥାରୁର‌୍‍ ଏକା ସମସ୍ୟାରେ ପଡ଼ିଲେନି କି? ଏତତ‌୍‍ ନିୟମର ମୂଳସୂତ୍ର କେହି ଜାଣନ୍ତିନି, ମାତ୍ର ‘ସତ୍ୟମ‌୍‍ ବ୍ରୁୟାତ‌୍‍ ପ୍ରିୟମ‌୍‍ ବ୍ରୁୟାତ ମା ବ୍ରୁୟାତ‌୍‍ ସତ୍ୟମପ୍ରିୟ’ ବାଣୀକୁ ଭକ୍ତି ସହକାରେ ଭାରତୀୟମାନେ ପାଳନ କରନ୍ତି। ମାଛିକି ମ’ ନକହୁଥିବା ଏପରି ସାଧୁମାନେ ଯତ୍ରତତ୍ର ସର୍ବତ୍ର ଦେଖାଯା’ନ୍ତି। ଲୋକେ ବିଶ୍ୱାସ କରନ୍ତି ଯେ ମିଡିଆ ଦ୍ୱାରା ସବୁ ସମ୍ଭବ। କିଛି ମିଡିଆରେ ପ୍ରକାଶ ହେଲେ, ଜୀବନ-ଉନ୍ମାଦନା ସରିଯାଏ ଯେମିତି।


News Story - Posted on 2017-06-19

ମୋଦୀ ମାହାତ୍ମ୍ୟ!



ଦେଖ ମୁନ୍ନା, ପ୍ରଧାନମନ୍ତ୍ରୀ ପୋଷ୍ଟ ଖାଲି ହେଲେ ଆଉ ଯାହାକୁ ସେ ପୋଷ୍ଟ ମିଳୁ କି ନ ମିଳୁ, ତୋତେ ସେ ଚାକିରି ମିଳିବାର ସମ୍ଭାବନା ନାହିଁ। ତେଣୁ ତୋତେ ଯେଉଁ ଚାକିରି ମିଳିବା କଥା କିନ୍ତୁ ମିଳୁନାହିଁ, ସେ କଥା ଚିନ୍ତା କର। ତୋ ଭବିଷ୍ୟତ କଥାରେ ମୁଣ୍ଡ ନ ପୂରାଇ, ନେତାଙ୍କ ଭବିଷ୍ୟତ ବିଷୟରେ କାହିଁକି ମୁଣ୍ଡ ପୂରାଉଛୁ?


News Story - Posted on 2017-06-18

ମୋଦୀଙ୍କ ମାୟା ସରକାର!



ଗତ ତିନି ବର୍ଷରେ ଗୋଟିଏ ଉଦ୍ଭଟ ଚିତ୍ର ନିଶ୍ଚୟ ପ୍ରତିଭାତ ହୋଇଛି। ସରକାର ମାନେ ମୋଦୀ ଓ ମୋଦୀ ମାନେ ସରକାର। ଦଳରେ ଦଳ ନାହିଁ, ବଳ ପ୍ରମାଣ ହୁଏ ମାଡ଼ଧରରେ। ଏ ଧାରଣା ଜନ-ବିଶ୍ୱାସରେ ସମୃଦ୍ଧ। ବିଗତ ବର୍ଷଗୁଡ଼ିକରେ ଆଇଡିଆ ଆମଦାନି ଓ ୟୁପିଏ ସରକାରର ଯୋଜନାକୁ କପି-ପେଷ୍ଟ‌୍‍ କରି ତାକୁ ସଂସ୍କୃତରେ ଛୁଙ୍କ ଦେବା ବା ସେହିପରି କାର୍ଯ୍ୟଗୁଡ଼ିଏ ହୋଇଛି ମୋଦୀ ‘ସଫଳତା’ର ଉଦାହରଣ। ସେଥିରୁ ଗୋଟିଏ : ‘ନମାମି ଗଙ୍ଗେ’- କି ଆଡ଼ମ୍ୱରରେ ଆରମ୍ଭ ନ ହେଲା ଟି! ଛଟେଇଙ୍କିଏ ପାଣି ବି ସଫା ହୋଇନି, ଗଙ୍ଗାର କ୍ୟାବିନେଟ‌୍‍ ମନ୍ତ୍ରୀ ଉମା ଭାରତୀ ପ୍ରଧାନମନ୍ତ୍ରୀଙ୍କ ବିରୋଧରେ ମନଖୋଲା ଗପ ଆରମ୍ଭ କରି ଦେଇଛନ୍ତି।


News Story - Posted on 2017-06-16

କିଏ ହେବେ ରାଷ୍ଟ୍ରପତି?



ସେହିପରି ବରିଷ୍ଠ ବିଜେପି ନେତା ତଥା ପୂର୍ବତନ ଉପପ୍ରଧାନମନ୍ତ୍ରୀ ଲାଲକୃଷ୍ଣ ଆଡ଼ଭାନୀଙ୍କୁ ରାଷ୍ଟ୍ରପତି କରିବା ପାଇଁ ବିଜେପି ସାଂସଦ ଶତ୍ରୁଘ୍ନ ସିହ୍ନା ଲବି ଆରମ୍ଭ କରିଦେଇଛନ୍ତି। ସେ ଲାଲକୃଷ୍ଣଙ୍କ ରାଷ୍ଟ୍ରପତି କରିବା ପାଇଁ ବିଭିନ୍ନ ଦଳକୁ ପ୍ରସ୍ତାବ ଦେଇଛନ୍ତି। ତାଙ୍କ ପଛରେ ବିଜେପିର ବହୁ ସାଂସଦଙ୍କ ସମର୍ଥନ ରହିଛି ବୋଲି ସିହ୍ନା ଦାବି କରିଛନ୍ତି। ତେବେ ପ୍ରଧାନମନ୍ତ୍ରୀ ମୋଦି ଏହି ପଦରେ ତାଙ୍କର ବଚସ୍କରଙ୍କୁ ଅବସ୍ଥାପିତ କରିବା ପାଇଁ ଅଧିକ ଆଗ୍ରହୀ ହୋଇପାରନ୍ତି। ଯିଏ ତାଙ୍କର ପ୍ରତି କଥାରେ ହଁ ମାରିବ ସେଭଳି ରାଷ୍ଟ୍ରପତି ପ୍ରାର୍ଥୀ ଖୋଜିବା ପାଇଁ ମୋଦି ବିଜେପି ସଭାପତି ଅମିତ ଶାହାଙ୍କୁ ଦାୟିତ୍ବ ଦେଇଛନ୍ତି।


News Story - Posted on 2017-06-16

ନ୍ୟାୟ ମାଗିଲେ ମାଓବାଦୀ!



କାଳିଅପାଣି ପୁଲିସ ୩ ଜଣ ଯୁବକକୁ ମାଓବାଦୀ ବୋଲି ଦର୍ଶାଇ କୋର୍ଟ ଚାଲାଣ କରିବା ପରେ ସେମାନଙ୍କୁ ଯାଜପୁର ଜେଲ ହାଜତକୁ ପଠାଇ ଦିଆଯାଇଛି। ସୁକିନ୍ଦା ଖଣି ଉପତ୍ୟାକାର କମର୍ଦା ଖଣି କାର୍ଯ୍ୟାଳୟ ସମ୍ମୁଖରେ ଚାକିରୀ ଦାବିରେ ଧରଣାରେ ବସିଥିବା ବେଳେ ପୁଲିସ ସେମାନଙ୍କୁ ଉଠାଇ ଆଣିଥିଲା। ଥାନା କେସନ‌୍‍ଂ ୩୬/୧୭ରେ ମାଓବାଦୀ ନାମରେ ଗିରଫ ହୋଇ ଜେଲ ହାଜତକୁ ଯାଇଥିବା ଯୁବକ ତିନି ଜଣ ହେଲେ  ମୟୁରଭଞ୍ଜ ଜିଲା କରଞ୍ଜିଆ ଶ୍ୟାମ ମୁର୍ମୁର ପୁଅ ରବି ମୁର୍ମୁ, କେନ୍ଦୁଝର ଜିଲା ଶାଳିଶୁଆଁର ଇଶ୍ୱର ମାଝୀୀ ପୁଅ ରମେଶ, ଯାଜପୁର ଜିଲା କାଳିଆପାପାଣି ଥାନା ଅନ୍ତର୍ଗତ ଖରଖରି ଗାଁର ଜୟରାମ ମହାନ୍ତଙ୍କ ପୁଅ ଅଭିମନ୍ୟୁ। ଏମାନଙ୍କ ନାମରେ ଦେଶଦ୍ରୋହ ଠାରୁ ଆରମ୍ଭ କରି ସରକାରୀ ବିରୋଧୀ ଷଡ଼ଯନ୍ତ୍ର, ଅପରାଧୀକ କାଣ୍ଡ ଘଟାଇବାକୁ ଯୋଜନା, ଦଙ୍ଗା, ଅସ୍ତ୍ର ଶସ୍ତ୍ରରେ ସଜ୍ଜିତ ହେବା, ଅପରାଧ ଘଟାଇବା ପାଇଁ ବେଆଇନ ସମାବେଶ କରିବା, ଭୟ ଦେଖାଇବା ଭଳି ମାରାତ୍ମକ ଦଫା ଲଗାଯାଇଛି।


News Story - Posted on 2017-06-15

ବାଂଲାଦେଶୀ ଚିହ୍ନଟ ହେବେ କି?



ଓଡ଼ିଶାରେ ବଙ୍ଗଳାଦେଶୀ ଚିହ୍ନଟ ହେବା ପ୍ରସଙ୍ଗ ଏବେ ଚର୍ଚ୍ଚାକୁ ଆସିଛି। ଏହି ପ୍ରସଙ୍ଗ ନୂଆ ନୁହେଁ, ଦେଶ ସ୍ୱାଧୀନ ହେବା ପରଠାରୁ ଏହା ଚର୍ଚ୍ଚାର ପରିଧିକୁ ଆସିଥିଲା ବେଳେ ବଙ୍ଗଳାଦେଶ ଗଠନ ହେବା ପରଠାରୁ ଅର୍ଥାତ‌୍‍ ୧୯୭୧ ପରଠାରୁ ଏହା ଜୋର‌୍‍ଦାର ହୋଇଛି। ଏହା ପୂର୍ବରୁ ସେହି ଭୂଖଣ୍ଡର ନାମଥିଲା ପୂର୍ବ ପାକିସ୍ତାନ। ଭାରତ- ବଙ୍ଗଳାଦେଶ ସୀମାରେ ଯେତେ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଥିଲେ ହେଁ ବଙ୍ଗଳାଦେଶୀ ଅନୁପ୍ରବେଶକାରୀମାନେ ଭାରତବର୍ଷକୁ ପଶି ଆସୁଛନ୍ତି ଏବଂ ସେହି କ୍ରମରେ ଓଡ଼ିଶାକୁ ସେମାନଙ୍କର ପରବର୍ତ୍ତୀ ବାସସ୍ଥାନଭାବେ ବାଛିନେଉଛନ୍ତି। ପୂର୍ବରୁ କେବଳ ହିନ୍ଦୁମାନେ ସେଠାରୁ ଆସୁଥିଲା ବେଳେ ୧୯୭୧ ପରବର୍ତ୍ତୀ ସମୟରେ ଉଭୟ ହିନ୍ଦୁ ଓ ମୁସଲମାନ ଉଭୟ ଆସୁଛନ୍ତି। କିଛିଦିନ କଷ୍ଟେମଷ୍ଟେ ରହିଗଲାପରେ ସେମାନେ ଏଠାକାର ଭୋଟର ହୋଇଯାଇଛନ୍ତି। ମୂଳତଃ ବିଦେଶୀ ହୋଇଥିଲେ ବି ସେମାନେ ଏ ଦେଶରେ ନାଗରିକ ଭାବେ ସବୁ ସୁବିଧା ହାସଲ କରୁଛନ୍ତି। ଏପରିକି ନିର୍ବାଚନରେ ପ୍ରତିଦ୍ୱନ୍ଦ୍ୱିତା ମଧ୍ୟ କରୁଛନ୍ତି। ଏକଥା ସମସ୍ତେ ଜାଣନ୍ତି। କିନ୍ତୁ କ୍ରମାଗତ ଭାବେ ଓଡ଼ିଶାରେ ସେମାନଙ୍କର ଅନୁପ୍ରବେଶ ଘଟୁଥିଲେ ବି ତାହାକୁ ରୋକାଯାଇ ପାରୁନାହିଁ। କେତେକ ଘଟଣାରେ ସେମାନେ ରାଜ୍ୟ ତଥା ଦେଶ ବିରୋଧି କାର୍ଯ୍ୟ କରୁଥିବାର ପ୍ରମାଣ ମିଳୁଛି, ମାତ୍ର ସେମାନଙ୍କ ଅନଧିକାର ପ୍ରବେଶ ଏବଂ କାର୍ଯ୍ୟକଳାପ ଉପରେ ପ୍ରତିବନ୍ଧକ ଲଗାଯାଉନାହିଁ। ସେମାନେ ମୁକ୍ତ ଏବଂ ନିର୍ଭିକ, ସେମାନଙ୍କ ପ୍ରାଦୁର୍ଭାବ ଯୋଗଁୁ ଓଡ଼ିଶାର କେତେକ ସ୍ଥାନରେ ମୂଳ ବାସୀନ୍ଦାମାନେ ତ୍ରାହି ତ୍ରାହି ଡାକିଲେଣି। ମାତ୍ର ସରକାର ଓ ପ୍ରଶାସନ ନିଦାବିଷ୍ଣୁ। ବହୁ ବିଳମ୍ୱ ହୋଇଥିଲେ ବି ଇତିମଧ୍ୟରେ କେନ୍ଦ୍ର ସରକାର ଓଡ଼ିଶାରେ ଏମାନଙ୍କୁ ଚିହ୍ନଟ କରିବାକୁ ପଦକ୍ଷେପ ନେଇଛନ୍ତି। ଏହା ଅତ୍ୟନ୍ତ ସ୍ୱାଗତଯୋଗ୍ୟ, କିନ୍ତୁ ଏଠାରେ ରହୁଥିବା ସବୁ ବଙ୍ଗଳାଦେଶୀଙ୍କୁ ଚିହ୍ନଟ କରାଯିବ କି ନାହିଁ, ତାହା ଗୁଞ୍ଜରଣ ସୃଷ୍ଟି କରୁଛି। ଜାଣିବା ଶୁଣିବା ଲୋକମାନେ ଘୋର ଚିନ୍ତା ପ୍ରକଟ କରିଛନ୍ତି।


News Story - Posted on 2017-06-10

ବିଜେପିରେ ମିଶିବେ ବୈଜୟନ୍ତ!



କିନ୍ତୁ ବୈଜୟନ୍ତ ବିଜେପିରେ ଯୋଗଦେଲେ ଓଡ଼ିଶାରେ ଦଳ ନେତା ହେବେ କି ଦିଲ୍ଲୀରେ ଦଳର ମୁହଁ ହେବେ ସେନେଇ ସମ୍ଭବତଃ କିଛି ଠିକ ହୋଇନାହିଁ। କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ନିଜକୁ ଦଳର ମୁଖ୍ୟମନ୍ତ୍ରୀ ପ୍ରାର୍ଥୀ ଭାବେ ଉପସ୍ଥାପିତ କରୁଥିବାରୁ ବୈଜୟନ୍ତ ବିଜେପିରେ ମିଶିଲେ କେନ୍ଦ୍ରରେ ମନ୍ତ୍ରୀ ହୋଇପାରନ୍ତି। ମାତ୍ର ସେଥିପାଇଁ ତାଙ୍କୁ ଆଉ ଥରେ ନିର୍ବାଚିତ ହେବାକୁ ପଡ଼ିବ। ବୈଜୟନ୍ତ ଯଦି ଆବଶ୍ୟକ ସଂଖ୍ୟକ ସାଂସଦଙ୍କୁ ନେଇ ବିଜେପିରେ ଯୋଗଦେବେ ତେବେ ଅଲଗା କଥା। ମାତ୍ର ସେ ଏକଲା ବିଜେଡି ଛାଡ଼ି ବିଜେପିରେ ଯୋଗଦେଲେ ସାଂସଦ ପଦ ଚାଲିଯିବାର ଆଶଙ୍କା ଅଧିକ।


News Story - Posted on 2017-06-10

କିଏ ବଦଳିବେ? ସେ ନା ଏମାନେ?



ଏବେ କଥା ଉଠୁଛି, ଏମାନେ ଯାହା ଲେଖିଲେ ତାହା ବିଜେଡି ସୁପ୍ରିମୋ ନବୀନ ପଟ୍ଟନାୟକ ଏବଂ ତାଙ୍କର କେତେକ ଘନିଷ୍ଟ ସହଚରଙ୍କ ପାଇଁ ଅଡ଼ୁଆ ପରିସ୍ଥିତି ସୃଷ୍ଟି କରିପାରିଥାଏ, ମାତ୍ର ସେମାନେ ଯାହା କହିଲେ ତାହା ମିଛ କି? ବିଜେଡି ସରକାରରେ କ’ଣ ସବୁ ଠିକ ଚାଲିଛି? ଅଫିସରମାନେ ଦୁର୍ନୀତି କରୁ ନାହାନ୍ତି? ମନ୍ତ୍ରୀମାନେ ସବୁ ଗାନ୍ଧୀ ଓ ଗୋପବନ୍ଧୁ ହୋଇଯାଇଛନ୍ତି? ବିଜୁବାବୁଙ୍କ ଭଳି ଘରଦ୍ୱାର ବିକି ଜନସେବା କରୁଛନ୍ତି? ବାସ୍ତବରେ ଏ ତିନି ଜଣ ସାଂସଦ ଯାହା ବହୁ ବିଳମ୍ୱରେ କହିଲେ ତାହା ବହୁ ପୂର୍ବରୁ ଦଳର ଅନ୍ୟତମ ବରିଷ୍ଠ ନେତା ତଥା ମନ୍ତ୍ରୀ ଡାକ୍ତର ଦାମୋଦର ରାଉତ ବହୁବାର କହିଛନ୍ତି। ତଥାପି ଦଳ ବଦଳି ନାହିଁ କି ନବୀନବାବୁ ବଦଳି ନାହାନ୍ତି। ଏଥର ଯେ ସେ ବଦଳିବେ ଓ ତାଙ୍କ ସରକାରର ନୀତି ବଦଳିବ ତାହା କେହି ଆଶା କରନ୍ତି ନାହିଁ। ବରଂ ଯେଉଁମାନେ ସତ କଥା କହିଛନ୍ତି ସେମାନଙ୍କୁ ବଦଳାଇବାକୁ ସେ ତାଙ୍କ ପାଇଁ ମଙ୍ଗଳକର ବୋଧ କରିପାରନ୍ତି।


News Story - Posted on 2017-06-02

ମୋଦି ମହାତ୍ମା!



ଏହା ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଆହୁରି ଏପରି ଅନେକ ବିଶେଷଣ ମିଳିଛି। ଯୋଗଗୁରୁ ବାବା ରାମଦେବ ମୋଦିଙ୍କୁ ରାଷ୍ଟ୍ରଋଷି ଭାବେ ବର୍ଣ୍ଣନା କରିଛନ୍ତି। ମୋଦି ରାମଦେବଙ୍କର ଗୋଟେ କାରଖାନା ଉଦଘାଟନକୁ ଯିବାର ଥିଲା। ତାହାର ବିଜ୍ଞାପନରେ ରାମଦେବ ମୋଦିଙ୍କୁ ରାଷ୍ଟ୍ରଋଷି ଭାବେ ବର୍ଣ୍ଣନା କରିଥିଲେ। ଅନ୍ୟ କେହି ତାଙ୍କୁ ସର୍ଦ୍ଦାର ବଲ୍ଲଭଭାଇ ପଟେଲଙ୍କ ସହିତ ମଧ୍ୟ ତୁଳନା କରିଛନ୍ତି। ସର୍ଦ୍ଦାର ଲୌହପୁରୁଷ ଥିଲେ। ୟେ କାଳେ ଲୌହ ମାନବ, ବିକାଶ ପୁରୁଷ! ନିର୍ବାଚନ ସମୟରେ ହର ହର ମୋଦି ସ୍ଲୋଗାନ ଜରିଆରେ ତାଙ୍କୁ ଭଗବାନ ଶିବଙ୍କ ସହିତ ତୁଳନା କରାଗଲା। ନିର୍ବାଚନ ପରେ କେହିକେହି ତାଙ୍କୁ ସ୍ବାମୀ ବିବେକାନନ୍ଦଙ୍କ ସହିତ ମଧ୍ୟ ତୁଳନା କଲେ।


News Story - Posted on 2017-06-02

ନବୀନ କ୍ୟାବିନେଟରେ କଂଗ୍ରେସ ନେତା!



ଓଡ଼ିଶା ଜନ୍ମିତ ସାମ ପିତ୍ରୋଡ଼ାଙ୍କୁ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ ଦରିଆପାରି କଂଗ୍ରେସର ଅଧ୍ୟକ୍ଷ ନିଯୁକ୍ତ କରିବା ପରେ ଓଡ଼ିଶା ସରକାରରେ ସେ ଉପଭୋଗ କରୁଥିବା କ୍ୟାବିନେଟ ପାହ୍ୟା ରହିବା କେତେ ଯୁକ୍ତିଯୁକ୍ତ ସେନେଇ ଚର୍ଚ୍ଚା ଆରମ୍ଭ ହୋଇଯାଇଛି। କଂଗ୍ରେସ ଦଳର ଏକ ଗୁରୁତ୍ୱପୂର୍ଣ୍ଣ ପଦବୀ ପାଇବା ପରେ ପିତ୍ରୋଡ଼ା ସ୍ୱତଃ ଓଡ଼ିଶା ସରକାରଙ୍କ ପଦ ତ୍ୟାଗ କରିବା ଉଚିତ ବୋଲି ଫେସ‌୍‍‌୍‍ବୁକ‌୍‍ ଓ ଟୁଇଟର ଭଳି ସୋସିଆଲ ମିଡିଆରେ ମତ ପ୍ରକାଶ ପାଇଛି। ସେ େସ୍ୱଚ୍ଛାରେ ପଦତ୍ୟାଗ ନକଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ତାଙ୍କ ନିଯୁକ୍ତି ରଦ୍ଦ କରିବା ଉଚିତ ବୋଲି କେତେକ ଲୋକ ମତ ପ୍ରଦାନ କରିଛନ୍ତି।


News Story - Posted on 2017-06-02

ଲୋକଙ୍କ ଟଙ୍କାରେ ମୋଦି କୀର୍ତ୍ତନ!



ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ ପରିଚାଳିତ ଜାତୀୟ ଗଣତାନ୍ତ୍ରିକ ମେଂଟ (ଏନଡିଏ) ସରକାରଙ୍କ ତିନି ବର୍ଷ ପୂର୍ତ୍ତିର୍ ଅବସରରେ ଓଡ଼ିଶା ସମେତ ବିଭିନ୍ନ ରାଜ୍ୟ ଓ କେନ୍ଦ୍ରଶାସିତ ଅଂଚଳରେ ମୋଦି ଉତ୍ସବ ଏବଂ ସବ‌୍‍ କା ସାଥ‌୍‍ ସବ‌୍‍ କା ବିକାଶ ସମ୍ମିଳନୀମାନ ଅନୁଷ୍ଠିତ ହେଉଛି। ଓଡ଼ିଶାରେ ଜୁନ‌୍‍ ୨ ତାରିଖରୁ ମୋଦି ଉତ୍ସବ ଆରମ୍ଭ ହେବ। ଏହା ତିନିଟି ପର୍ଯ୍ୟାୟରେ ରାଜ୍ୟର ୭୫ଟି ସ୍ଥାନରେ ଆୟୋଜିତ ହେବ। ଏସବୁ ଉତ୍ସବ ବା ପ୍ରକୃତ ଅର୍ଥରେ ମୋଦି ସଂକୀର୍ତ୍ତନ କାର୍ଯ୍ୟକ୍ରମ ପାଇଁ ଦେଶର ବିଭିନ୍ନ ସାଧାରଣ ଉଦ୍ୟୋଗ ବିପୁଳ ଅର୍ଥ ଖଚ୍ଚ କରିବେ। ସେମାନଙ୍କୁ ସେହି ନିର୍ଦ୍ଦେଶ ଦିଆଯାଇଛି।


News Story - Posted on 2017-05-29

ହିଂସା ଓ ଅସହିଷ୍ଣୁତାରୁ ମୁକ୍ତି କେବେ?



ଧର୍ମର ଚାରିପାଦ ହେଉଛି ଦୟା, ଦାନ, ତପ ଓ ସତ୍ୟ। ଏହାକୁ କିନ୍ତୁ ଏହି ନେତା ଭାଷଣର ପ୍ରସଙ୍ଗ କରିଥାନ୍ତି, କିନ୍ତୁ ରାଜନୀତିର କଥାକୁ ଏଇ ନେତାମାନେ ଅଲୋଡ଼ା କରିଦେଇଛନ୍ତି। ସଦାଚାର, ସଦ‍୍‌ଭାବନା, ସଚ୍ଚରିତ୍ର, ସଜ୍ଜନ ଓ ସତ୍ୟ କଥନ ଯେପରି ବାଟ ହୁଡ଼ିଯାଇଛି ଏହି ନେତାମାନଙ୍କ ପାଖରୁ। ଭୋଟ ଗୋଟାଇ କ୍ଷମତାର ଚୌକିକୁ ପାଇବାର ଲକ୍ଷ୍ୟରେ ଚାଲିଛି ମଣିଷମରା ଅଭିଯାନ। ମଣିଷ ରକ୍ତରେ ହୋରି ଖେଳି କ୍ଷମତା ଆହରଣ କରିବା ଯେପରି ସୂତ୍ର ଓ ମନ୍ତ୍ର ପାଲଟିଛି ଏହି ନେତାମାନଙ୍କ ପାଇଁ। ଆଜିର ପ୍ରଧାନମନ୍ତ୍ରୀ ଏସବୁ ଦେଖୁଛନ୍ତି। କିନ୍ତୁ ମୁହଁଖୋଲି କହିପାରୁନାହାନ୍ତି। ଏଭଳି ହିଂସା ଓ ହିଂସାତ୍ମକ ଆଚରଣକୁ ଦମନ କରିବା ପାଇଁ ସମର୍ଥ ହୋଇପାରିନାହାନ୍ତି। ଦୁର୍ଗୁଣ-ଦୁର୍ବଳତାକୁ ଦେଖୁଛନ୍ତି ମୋଦିଜୀ। ସେ ଜାଣୁଛନ୍ତି ପ୍ରତିଶ୍ରୁତି ଓ ପ୍ରଦର୍ଶନରେ ତାଙ୍କ ଯୋଜନାର ଲକ୍ଷ୍ୟରେ କେତେ ବ୍ୟବଧାନ ରହିଛି। ଯାହାକୁ ସେ ଶାସନର ୩ବର୍ଷ ମଧ୍ୟରେ ଦୂର କରିପାରିନାହାନ୍ତି। ସମସ୍ତଙ୍କ ପେଟକୁ ମୁଠାଏ ଖାଇବାକୁ ମିଳିବାର ଗ୍ୟାରେଣ୍ଟି ଯେଉଁ ଦେଶରେ ସରକାର ଦେଇପାରିନାହାନ୍ତି ସେହି ଦେଶରେ ସରକାରରେ ପୂର୍ବରୁ ଓ ଆଜି ଦିନରେ ଥିବା ନେତା କ୍ଷମତା ଦୌଡ଼ରେ ମଜ୍ଜି ରହି ହିଂସାର ବାତାବରଣ ତିଆରି କରୁଛନ୍ତି। ନୈତିକତାର ଠିକାଦାରମାନେ ଗୋରକ୍ଷା ଓ ଧର୍ମରକ୍ଷା ନାମରେ କିପରି ସ୍ଥାନେ ସ୍ଥାନେ ଭାରତର ମାଟିକୁ ରକ୍ତରଞ୍ଜିତ କରୁଛନ୍ତି। ବୈଜ୍ଞାନିକ ସାଂସ୍କୃତିକ ବିଚାରକୁ ପଛକୁ କିପରି ଠେଲି ଦିଆଯାଇ ପୌରାଣିକ ଗାଥାକୁ ଗୌରବ ମଣ୍ଡିତ କରିବା ପାଇଁ କିପରି ଚାଲିଛି ଉଦ୍ୟମ।


News Story - Posted on 2017-05-26

ହେଲେ କେତେ ନହେଲେ କେତେ?



ଭାରତୀୟ ଗଣତନ୍ତ୍ରରେ ଯେତିକି ବିଲକ୍ଷଣ ସମସ୍ତେ ଦେଖୁଛନ୍ତି, ତାହା ହେଲା ଯେଉଁମାନେ ଶାସନରେ ପହଞ୍ଚି ପାରୁଛନ୍ତି ସେମାନେ ଯେମିତି ହେଲେ ବିଧି ଢଙ୍ଗ ପ୍ରକାର ଉପାୟ ବାହାର କରି ଖଜଣା ଲୁଟିବେ। ତେଣୁ ଧରି ନିଆଯାଇଛି ଯେ ଶାସନର ଛାୟା-ଅର୍ଥ ଲୁଣ୍ଠନ। ସରକାର ନାନା ଉପାୟରେ ନାଗରିକଙ୍କୁ ଲୁଟୁଥିବେ, ‘ସେବକ’ ସରକାରକୁ ଲୁଟୁଥିବେ। କିଛି ଢଙ୍ଗ ରଙ୍ଗ ସଜଡ଼ା ଯାଇପାରେ, ମାତ୍ର ଏ କାଳ-ଚକ୍ର ବନ୍ଦ ହେବାର ନାହିଁ।


News Story - Posted on 2017-05-26

ମୋଦି ସରକାରଙ୍କ ତିନି ବର୍ଷ



ନରେନ୍ଦ୍ର ମୋଦୀ ପ୍ରଧାନମନ୍ତ୍ରୀ ହେବା ଆଗରୁ ୧୫ ବର୍ଷ ଧରି ଗୁଜୁରାଟ ପ୍ରଦେଶର ମୁଖ୍ୟମନ୍ତ୍ରୀ ପଦରେ ଥିଲେ ଏବଂ ତାଙ୍କରି କାର୍ଯ୍ୟକାଳ ଭିତରେ ଗୁଜୁରାଟ ପ୍ରଦେଶରେ ଚୌତରଫା ବିକାଶ ସାଧିତ ହୋଇଥିଲା। ଦୀର୍ଘ ଦିନର ପ୍ରଶାସନିକ ଅଭିଜ୍ଞତା ସାଙ୍ଗକୁ ଭାଜପା ପରି ଏକ ରାଷ୍ଟ୍ରବାଦୀ ଦଳର ନେତାଭାବେ ମୋଦିଜୀ ପ୍ରଥମେ ଦେଶରେ ଏକ ସ୍ଥିର ଓ ନିରଙ୍କୁଶ ସରକାର ପ୍ରତିଷ୍ଠା କରିପାରିଛନ୍ତି। ଭାଜପା ସହିତ ଅନ୍ୟ କେତୋଟି ଛୋଟ ଛୋଟ ଦଳ ଏନ‌୍‍ଡିଏରେ ସାମିଲ‌୍‍ ଥିବାରୁ ସେମାନଙ୍କୁ ମଧ୍ୟ ମନ୍ତ୍ରିମଣ୍ଡଳରେ ସ୍ଥାନ ମିଳିଛି। ମାତ୍ର ବାଜପେୟୀଙ୍କ ଶାସନ କାଳରେ ଦେଖା ଦେଇଥିବା ରାଜନୈତିକ ଚାପ ଏବଂ ଅସ୍ଥିରତା ଆଜିର ସରକାର ଉପରେ ନାହିଁ। ମନ୍ତ୍ରିମଣ୍ଡଳ ଗଠନ ସମୟରେ ସୁରେଶ ପ୍ରଭୁ, ମନୋହର ପାରିକର, ଜେନେରାଲ ବିକେ ସିଂହଙ୍କ ପରି ବିଶିଷ୍ଟ ବିଶେଷଜ୍ଞମାନଙ୍କୁ ମନ୍ତ୍ରିମଣ୍ଡଳରେ ସ୍ଥାନ ଦେଇ ସେମାନଙ୍କର ଜ୍ଞାନ ଓ ଅନୁଭୂତିକୁ ଦେଶ ଗଠନ କାର୍ଯ୍ୟରେ ବିନିଯୋଗ କରାଯାଇଛି।


News Story - Posted on 2017-05-25

ଖେଳ ବଦଳୁଛି!



ହେଲେ ବିଜେପି ନେତାଙ୍କ ଏଭଳି ମତ ମନ୍ତବ୍ୟ ରାଜନୈତିକ ପର୍ଯ୍ୟବେକ୍ଷକ ମହଲକୁ ଯେତିକି ବିସ୍ମିତ ଓ ଆନ୍ଦୋଳିତ କରୁଛି, ସାଧାରଣ ଭୋଟର ଓ ମୂଳ ବିଜେପି କର୍ମକର୍ତ୍ତାଙ୍କୁ ସେତିକି ବ୍ୟଥିତ ଓ ବିଚଳିତ କଲାଣି। କେବଳ ସେତିକି ନୁହେଁ, ଗତ କିଛି ଦିନ ଧରି ବିଜେଡି ନେତାମାନଙ୍କୁ ଦଳକୁ ନେଇ ବିଜେପି ଯେଭଳି ଉତ‌୍‍ଫୁଲ୍ଲିତ ହୋଇପଡୁଛି, ଏ ଚର୍ଚ୍ଚା ତୃଣମୂଳସ୍ତରରେ ଓ ଗାଁ ଗଣ୍ଡାରେ ଭିନ୍ନ ଆଲୋଚନା ଲାଗି ଭଲ ଖୋରାକ ଯୋଗାଇଛି। ପ୍ରଶ୍ନ ଉଠିଲାଣି, ବିଜେଡି ନେତାଙ୍କୁ ନେଇ ଆଗାମୀ ଦିନରେ କ’ଣ ବିଜେପି ବିଜେଡିର ବି ଟିମ‌୍‍ ଭାବେ ଉଭା ହେବ କି? ଯେଉଁ ବଜେଡି ନେତା ଓ ସରକାରକୁ ଦୁର୍ନୀତିଗ୍ରସ୍ତ କହି ବିଜେପି ଜନମତ ତିଆରି କରୁଛି, ସେହି ଷ୍ଟାମ୍ପମରା ନେତାଙ୍କୁ ନେଇ ବିଜେପି ନୂଆ ଓଡିଶା ଗଠନ କରିବା ସ୍ୱପ୍ନ ଦେଖାଉଛି, ତାହା ପ୍ରତାରଣା ନୁହେଁ ତ ? ସମାନ୍ତରାଳ ଭାବେ ବର୍ଷ ବର୍ଷ ଧରି ବିଜେପିରେ ଥିବା ମୂଳ କର୍ମୀ ବି ସେମାନଙ୍କ ଭବିଷ୍ୟତ ନେଇ ଚିନ୍ତାକରିବା ସହିତ ଦଳୀୟ ନେତାଙ୍କୁ ସନ୍ଦେହ କଲେଣି।


News Story - Posted on 2017-05-25

ନବୀନ-ନବୀନ ଭାଇ-ଭାଇ!



ଜିନ୍ଦଲ ଗୋଷ୍ଠୀକୁ ରାଜ୍ୟ ସରକାର ଅନୁଗୋଳ, ଯାଜପୁର, କେନ୍ଦୁଝର ଓ ଝାରସୁଗୁଡ଼ା ଆଦି ଜିଲ୍ଲାରେ ଲକ୍ଷାଧିକ କୋଟି ଟଙ୍କାର ଖଣି ଓ ଜମି ଯୋଗାଇ ଦିଆଯାଇଛି। ଏହା ବିରୋଧରେ ପରିବେଶ ଆଇନ ଉଲ୍ଲଙ୍ଘନଠାରୁ ଆରମ୍ଭ କରି ଅନ୍ୟ ବହୁ ଅଭିଯୋଗ ରହିଥିଲେ ବି ନବୀନ ପ୍ରଶାସନ କାର୍ଯ୍ୟାନୁଷ୍ଠାନ ଗ୍ରହଣ କରିନାହାନ୍ତି। ଓଲଟି କମ୍ପାନୀକୁ ପୁଣି ଜଗତସିଂହପୁର ଜିଲ୍ଲାର ପୋସ୍କୋ ଜମି ଦେବା ପାଇଁ ମସୁଧା ଚାଲିଛି। ଓଡ଼ିଶା ସରକାରଙ୍କ ଅସହଯୋଗ ଯୋଗୁଁ ଭାରତବର୍ଷର ସବୁଠୁ ବଡ଼ ବିଦେଶୀ ପୁଂଜି ପ୍ରକଳ୍ପ ପୋସ୍କୋ ଫେରିଯିବା ପରେ ପାରାଦୀପ ନିକଟରେ ଏହି ପ୍ରକଳ୍ପ ପାଇଁ ଅଧିଗୃହୀତ ହୋଇଥିବା ପ୍ରାୟ ୩୦୦୦ ଏକର ଜମି ଜିନ୍ଦଲକୁ ଦେବା ପାଇଁ ସରକାରୀ ସ୍ତରରେ ଉଦ୍ୟମ ଆରମ୍ଭ ହୋଇଛି।


News Story - Posted on 2017-05-23

ପ୍ରତିଶ୍ରୁତି ଫଳ ଧରୁନି!



ଏହିପରି ଘରୋଇ ଦୂରସଂଚାର କମ୍ପାନୀ କଲ‍୍‌ ଡ୍ରପ‍୍‌ ମାଧ୍ୟମରେ କୋଟି କୋଟି ଟଙ୍କା ଲୁଟ‍୍‌ କରୁଥିଲେ ହେଁ, ଏହି ଲୁଟ‍୍‌କୁ ବନ୍ଦ କରିବା ପାଇଁ ପଦକ୍ଷେପ ନେଇଥିବାର ଉଦାହରଣ ୩ ବର୍ଷରେ ମିଳି ପାରିନି। ବଢ଼ୁଛି ସାଇବର ଅପରାଧ। ଏହାକୁ ନିୟନ୍ତ୍ରଣ କରିବାରେ ସଶକ୍ତ ଭୂମିକା ପାଳନ କରିନାହାନ୍ତି ମୋଦି ସରକାର। ବଢ଼ିଛି ରେଳ ବିଭାଗରେ ପ୍ରିମିୟମ‍୍‌, ତତ୍କାଳ ଏବଂ ସାଧାରଣ ଯାତ୍ରୀ ଭଡ଼ା। କଞ୍ଚା ତେଲ ଆନ୍ତର୍ଜାତୀୟ ବଜାର ଦର ୧୦ ଗୁଣ କମ‍୍‌ ଥିଲେ ହେଁ ଭାରତରେ ଏହି ଦର ହ୍ରାସ ପାଉନି। ଘରୋଇ ତୈଳ କମ୍ପାନୀ ମୁନାଫା ଗୋଟାଇବାରେ ସରକାର ପରୋକ୍ଷରେ ସହଯୋଗର ହାତ ବଢ଼ାଇଥିବା ସୂଚନା ମିଳେ। ଫଳରେ ଦରଦାମ ହ୍ରାସ ପାଇବା ପରିବର୍ତ୍ତେ ବଢ଼ିଚାଲିଛି। ଏହିପରି ଷ୍ଟେଟ‍୍‌ ବ୍ୟାଙ୍କ ଅଫ୍ ଇଣ୍ଡିଆରେ ନ୍ୟୁନତମ ଟଙ୍କା ଜମା କରିବା ଏବଂ ଏଟିଏମ‍୍‌ରୁ ଟଙ୍କା ଉଠାଣରେ ଟିକସ ଦେବା ଭଳି ନୂଆ ନିୟମ ଲାଗୁ କରାଯାଇଛି। ଉଚ୍ଚତର ଶିକ୍ଷା ପ୍ରତିଷ୍ଠାନ ଜେଏନ‍୍‌ୟୁରେ ଶିଖ୍ ସଂଖ୍ୟା ହ୍ରାସ କରାଯାଇଥିବା ବେଳେ ପଞ୍ଜାବ ବିଶ୍ୱବିଦ୍ୟାଳୟ ଭଳି ବିଶ୍ୱବିଦ୍ୟାଳୟରେ ଫିସ‍୍‌ ହାର ବୃଦ୍ଧି କରାଯାଇଛି। ଏହାଫଳରେ ଆର୍ଥିକ ଦୁର୍ବଳ ଶ୍ରେଣୀର ଛାତ୍ରଛାତ୍ରୀମାନେ ସରକାରୀ ଶିକ୍ଷାନୁଷ୍ଠାରେ ନାମ ଲେଖାଇ ପଢ଼ିବା କଷ୍ଟସାଧ୍ୟ ହେବ। ହୁଏତ ମୋଦିଜୀଙ୍କ ‘ଅଚ୍ଛେ ଦିନ’ର ଘୋଷଣାକୁ ଦେଶର ୩୧ ପ୍ରତିଶତ ଲୋକ ବିଶ୍ୱାସ କରିଛନ୍ତି। ଅବଶିଷ୍ଟ ୬୯ ପ୍ରତିଶତ ଲୋକ ବିଶ୍ୱାସ କି ସମର୍ଥନ ନକଲେ ସରକାରଙ୍କର ଯାଏ ଆସେ ନାହିଁ।


News Story - Posted on 2017-05-21

ଇଭିଏମ ସନ୍ଦେହ ଦୃଢ଼ କଲେ ଇସିଆଇ!



ସନ୍ଦେହ ହେଉଛି ଇଭିଏମ ନିର୍ମାଣ ସମୟରେ ଯଦି କୌଣସି ଦଳ ନିର୍ମାଣରେ ସଂପୃକ୍ତ କିଛି କର୍ମଚାରୀଙ୍କୁ ଧରି ସର୍କିଟ ବା ମଦରବୋର୍ଡ଼ ବା ଚିପ୍ସର କୋଡ଼ ବଦଳାଇ ଭୋଟ ହଡ଼ପ ଷଡ଼ଯନ୍ତ୍ର କରିବ ତାହା ଧରାପଡ଼ିବାର ସମ୍ଭାବନା କେତେ? ଭୋଟ ପୂର୍ବରୁ କମିଶନ ସବୁ ଇଭିଏମ ଯାଞ୍ଚ କରି ନଥାନ୍ତି। ଭୋଟରେ ବ୍ୟବହୃତ ସବୁ ଇଭିଏମ ମଧ୍ୟ ସବୁ ବୁଥରେ ଉପଯୁକ୍ତ ବୈଜ୍ଞାନିକ ପଦ୍ଧତିର ଯାଞ୍ଚ ହୋଇ ନଥାଏ। କାରଣ ଭାରତବର୍ଷର ପ୍ରାୟ କୌଣସି ଭୋଟ ଗ୍ରହଣ କେନ୍ଦ୍ରରେ ଇଭିଏମ ସଂପର୍କୀତ ଜ୍ଞାନକୌଶଳ ଜାଣିଥିବା ବ୍ୟକ୍ତି ନଥାନ୍ତି। ଭୋଟ ପରିଚାଳନା ପାଇଁ ନିଯୁକ୍ତ କର୍ମଚାରୀ ହୁଅନ୍ତୁ କି ରାଜନୀତିକ ଦଳର ଏଜେଣ୍ଟ କେହି ଇଭିଏମ ପ୍ରଯୁକ୍ତି ବିଷୟରେ ବିଶେଷ ଜ୍ଞାନର ଅଧିକାରୀ ନୁହନ୍ତି। ତେଣୁ ଏହାର ଯାଞ୍ଚ କେବଳ ଉପର ଠାଉରିଆ ଭାବରେ ହିଁ ହୋଇଥାଏ। ସେମାନେ ୫ କି ୧୦ କି ୧୫ ଭୋଟ ଯାଏଁ ଯାଞ୍ଚ କରିଥାନ୍ତି। କିନ୍ତୁ ତା’ଠୁଁ ଅଧିକ ଭୋଟ କ୍ଷେତ୍ରରେ ଯଦି ଭୋଟ ହଡ଼ପ କୋଡ଼ ପ୍ରୋଗ୍ରାମ ହୋଇଥାଏ?  


News Story - Posted on 2017-05-20

ସଲାକୁସ୍ତି!



ନାଟକ, ଯାତରା ଓ ସିନେମାରେ ନାୟକ ଓ ଖଳନାୟକ ଲଢ଼େଇ ଅନେକେ ଦେଖିଥିବେ। ଖଳନାୟକ ଯେତେ ପିଟିଲେ, ଗୁଳି ମାରିଲେ କି ବୋମା ଫୁଟେଇଲେ ବି ନାୟକର କିଛି ହେଉ ନଥିବ। ନାୟକର ମାଡ଼ରେ କିନ୍ତୁ ଖଳନାୟକ ଅଖଞ୍ଜ ହୋଇଯାଉଥିବ କିମ୍ୱା ପ୍ରାଣ ହରାଉଥିବ। ଗୋଟେ ଗୋଟେ ଦୃଶ୍ୟରେ ଏକା ନାୟକକୁ ଘେରି ରହିଥିବେ ଡଜନ ଡଜନ ଗୁଣ୍ଡା। ନାୟକ ଥିବ ନିରସ୍ତ୍ର। ଗୁଣ୍ଡାଙ୍କ ହାତରେ ଅନେକ ରକମର ଅସ୍ତ୍ରଶସ୍ତ୍ର। ତଥାପି ଗୁଣ୍ଡାମାନେ ପାରିବେନି, ନାୟକ ଅକ୍ଷତ ରହି ସମସ୍ତଙ୍କୁ ନିପାତ କରୁଥିବ।


News Story - Posted on 2017-05-15

ଓଡ଼ିଶା ଶାସନ ଏତେ ଖରାପ!



୨୦୧୬ ମସିହାରେ ପିଏସି ତରଫରୁ ହୋଇଥିବା ସୁଶାସନ ସର୍ଭେରେ ଓଡ଼ିଶା ୧୭ଟି ବଡ଼ ରାଜ୍ୟଙ୍କ ମଧ୍ୟରେ ୧୫ ନମ୍ୱର ସ୍ଥାନ ପାଇଥିଲା। ସେଥର ତେଲେଙ୍ଗାନାକୁ ସର୍ବେକ୍ଷଣରେ ସାମିଲ କରାଯାଇ ନଥିଲା। ସେଥର ମଧ୍ୟ ଓଡ଼ିଶାର ସ୍ଥାନ ତଳ ଆଡ଼ୁ ତୃତୀୟ ଥିଲା, ଏଥର ମଧ୍ୟ ସେହି ସ୍ଥାନରେ ରହିଛି। ଓଡ଼ିଶାରେ ୨୦୦୦ ମସିହାରୁ ଏକ ସ୍ଥିର ଓ ଦୃଢ଼ ସରକାର ରହିଛି। ବିଜୁ ଜନତା ଦଳର ସୁପ୍ରିମୋ ନବୀନ ପଟ୍ଟନାୟକ ଏହି ୧୭ ବର୍ଷ ଧରି ମୁଖ୍ୟମନ୍ତ୍ରୀ ରହିଛନ୍ତି। ରାଜ୍ୟବାସୀଙ୍କୁ ସୁଶାସନ ଦେବା ଆଳରେ ସେ କେତେ ଥର କେତେ ମନ୍ତ୍ରୀଙ୍କୁ ବଦଳାଇଛନ୍ତି। କେତେ ନୂଆ ନୂଆ ଯୋଜନା ଓ ସଂସ୍କାର ଆଣିଛନ୍ତି ବୋଲି ଦାବି କରିଛନ୍ତି। ତଥାପି ଅମଲାତନ୍ତ୍ର ନିୟନ୍ତ୍ରଣରେ ରହିଥିବା ଶାସନ ବ୍ୟବସ୍ଥାର ମାନରେ କୌଣସି ଉନ୍ନତି ଆସି ନଥିବା ଏହି ସର୍ବେକ୍ଷଣରୁ ସୁରାକ ମିଳୁଛି।


News Story - Posted on 2017-05-15

ନବୀନଙ୍କୁ କାହିଁକି ଭେଟିଲେ ସୌମ୍ୟ?



ସୌମ୍ୟ ଓ ନବୀନଙ୍କ ସାକ୍ଷାତକାରରେ କାଳେ ମଧ୍ୟସ୍ଥତା କରିଥିଲେ ବାଲେଶ୍ବରର ବିଜେଡି ସାଂସଦ ରବୀନ୍ଦ୍ର ଜେନା। ରବୀନ୍ଦ୍ର ଉଭୟ ଖଣ ଦୁର୍ନୀତି ଓ ଚିଟ ଫଣ୍ଡ ଦୁର୍ନୀତିରେ ଜଣେ ଅଭିଯୁକ୍ତ। ନିକଟରେ ସେ ରାଜ୍ୟର ଏକ ଟେଲିଭିଜନ ଚାନେଲର ପରିଚାଳନା ଭାର ହାତକୁ ନେଇଥିବା ଶୁଣାଯାଉଛି। ସେ ନିଜେ ଜଣେ ଶିଳ୍ପପତି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସହିତ ତାଙ୍କର ନିବିଡ଼ ଯୋଗସୂତ୍ର। ସୌମ୍ୟଙ୍କ ଭଳି ଜଣେ ପ୍ରତିଷ୍ଠିତ ସଂପାଦକ ତଥା ଓଡ଼ିଶାର ଏକ ନମ୍ବର ଗଣମାଧ୍ୟମ ବ୍ୟକ୍ତିତ୍ବ ଚାହିଁଥିଲେ ମୁଖ୍ୟମନ୍ତ୍ରୀଙ୍କୁ ସିଧାସଳଖ ଫୋନ କରି ଭେଟିପାରିଥାନ୍ତେ। ସେଥିପାଇଁ ରବୀନ୍ଦ୍ର ଜେନାଙ୍କ ସହାୟତା କାହିଁକି ନେଲେ ତାହା ମଧ୍ୟ ଅନେକଙ୍କ ପାଇ ଅଡ଼ୁଆ ପ୍ରଶ୍ନ ହୋଇରହିଛି। ଏହି ସାକ୍ଷାତକାର ପଛରେ କୌଣସି ବ୍ୟକ୍ତିଗତ ବ୍ୟାବସାୟିକ କିମ୍ବା ସଂପତ୍ତି ଜନିତ ଉଦ୍ଦେଶ୍ୟ ରହିଥାଇପାରେ ବୋଲି ମଧ୍ୟ ଚର୍ଚ୍ଚା ଚାଲିଛି।


News Story - Posted on 2017-05-14

ଯୈସାକୁ ତୈସା



ଇତିହାସ ଦେଖିଲେ ଯାହା ଜଣା ପଡେ଼, ପାକିସ୍ତାନ ସହିତ କାଶ୍ମୀରର ସଂପର୍କ ଆଉ ଧର୍ମ ଉପରେ ନିର୍ଭର ନକରି, ଧର୍ମର ବିକଳ ରୂପ ସନ୍ତ୍ରାସବାଦ ଆଡ଼କୁ ଢଳି ସାରିଛି। ଆରମ୍ଭରୁ ବହୁ ଦଶକ ଯାଏ ଝଣଝଣ କରୁଥିବା ‘ପ୍ଲେବିସାଇଟ‌୍‍’ (ଗଣମତ) କି ‘ସେଲ୍ଫ-ଡିଟରମିନେସନ‌୍‍’ (ଆତ୍ମ-ନିର୍ଦ୍ଧାରଣ) କଥା ଆଉ ଶୁଭୁନାହିଁ। ସେମିତି ମଧ୍ୟ, ୧୯୭୧ର ପୂର୍ବପାକିସ୍ତାନ ବଙ୍ଗାଳୀ ବିଦ୍ରୋହ ଏବଂ ତତ‌୍‍ଜନିତ ଦେଶ ବିଭାଜନ ପ୍ରସଙ୍ଗ ପାକିସ୍ତାନ ତରଫରୁ ଏବେ ଆଉ ଉଲ୍ଲେଖ କରାଯାଉ ନାହିଁ। କାରଣ ଖୋଜିବାକୁ ହେଲେ ଦୁଇ ଦେଶର ରାଜନୈତିକ ରୂପ ବିଚାର କରିବାକୁ ପଡ଼ିବ। କାଶ୍ମୀର ପାଇଁ ‘ସେଲ୍ଫ-ଡିଟରମିନେସନ‌୍‍’ ନାଁ ଧରି ଚିତ୍କାର କରୁଥିବା ପାକିସ୍ତାନର ଗଣତନ୍ତ୍ରର ପ୍ରକାଶ ହିଁ ନାହିଁ। କିନ୍ତୁ ଭାରତରେ ଗଣତନ୍ତ୍ର ଓ ବାକ‌୍‍ସ୍ୱାଧୀନତା ଅନାହତ ଥିବାରୁ ଏଠିକାର ରାଜନୀତିକ ଦଳଗୁଡ଼ିକ ବହୁ ଭୁଲାଯୋଗ୍ୟ ଅତୀତକୁ ଲୋକଙ୍କୁ ବାରମ୍ୱାର ମନେ ପକାଇବାରେ ଲାଗିଥା’ନ୍ତି।


News Story - Posted on 2017-05-13

ହ୍ୟାକାଥନରୁ ହଟିଲେ ନିର୍ବାଚନ କମିଶନ!



ନିକଟରେ ଅନୁଷ୍ଠିତ ହୋଇଯାଇଥିବା ବିଧାନସଭା ନିର୍ବାଚନରେ ବ୍ୟବହୃତ ଇଲେକଟ୍ରୋନିକ ଭୋଟିଂ ମେସିନ ବା ଇଭିଏମକୁ ଟାମ୍ପର କରାଯାଇଛି କି ନାହିଁ ତାହା ପ୍ରମାଣିତ କରିବାକୁ ରାଜନୀତିକ ଦଳଗୁଡ଼ିକୁ ସୁଯୋଗ ଦିଆଯିବ ବୋଲି ଘୋଷଣା କରିଛନ୍ତି ଭାରତର ମୁଖ୍ୟ ନିର୍ବାଚନ କମିଶନ। କିନ୍ତୁ ଇଭିଏମକୁ ଟାମ୍ପର କରାଯାଇ ପାରିବ କି ନାହିଁ ସେ ସଂପର୍କରେ ହ୍ୟାକାଥନ ଆୟୋଜନ କରିବାକୁ ଆମ‌୍‍ ଆଦମୀ ପାର୍ଟି ବା ଆପ‌୍‍ କରିଥିବା ଦାବି ଓ ପୂର୍ବରୁ କମିଶନ ଘୋଷଣା କରିଥିବା ପ୍ରସ୍ତାବ ନେଇ କମିଶନ କିଛି କହିନାହିଁ।


News Story - Posted on 2017-05-11

ନିରଂଜନଙ୍କୁ ଶକ୍ତି ଦେବେ ନବୀନ!



ରାଜ୍ୟରେ ବିଜେପି ଉଠିବା ପରେ ତାହା ଉଭୟ କଂଗ୍ରେସ ଓ ବିଜେଡିକୁ ରାଜନୀତିର ଗୋଟିଏ ପଟକୁ ଠେଲି ଦେଇଛି। ଏଣୁ ଏବେ ବିଜୁ ଜନତା ଦଳ ପାଇଁ କଂଗ୍ରେସ ଶକ୍ତିଶାଳୀ ହେବାର ଆବଶ୍ୟକତା ସୃଷ୍ଟି ହୋଇଛି। ପଂଚାୟତ ନିର୍ବାଚନରେ କଂଗ୍ରେସ ଭୋଟ ବିଜେପିକୁ ପଳାଇଲା ବୋଲି କୁହାଯାଉଛି। ତାହାକୁ ରୋକିପାରିଲେ ବିଜେପିର ଅଭିବୃଦ୍ଧି ସହଜ ହେବ ନାହିଁ। ଏହି ଉଦ୍ଦେଶ୍ୟରେ ବିଜେଡି ସୁପ୍ରିମୋ ରାଜ୍ୟରେ କଂଗ୍ରେସକୁ ଶକ୍ତିଶାଳୀ କରିବା ପାଇଁ ଭିତରେ ଭିତରେ ନିରଂଜନଙ୍କୁ ସମର୍ଥନ କରିପାରନ୍ତି। କେଇ ମାସ ପୂର୍ବରୁ ସାଂସଦ ଭର୍ତ୍ତୃହରି ମହତାବ ମଧ୍ୟ ପରିବର୍ତ୍ତିତ ପରିସ୍ଥିତିରେ କଂଗ୍ରେସ ସହିତ ମେଣ୍ଟ କରିବା କଥା କହିଥିଲେ।


News Story - Posted on 2017-05-11

ମୁଖ୍ୟମନ୍ତ୍ରୀ ହେବାକୁ ଆଗ୍ରହ ନାହିଁ: ଜୁଆଲ



ବିଧାନସଭା ନିର୍ବାଚନ ଆହୁରି ପ୍ରାୟ ୨ ବର୍ଷ ଥିଲାବେଳେ ବରିଷ୍ଠ ବିଜେପି ନେତା ତଥା କେନ୍ଦ୍ର ମନ୍ତ୍ରୀ ଜୁଆଲ ଓରାମ ଓଡ଼ିଶାର ମୁଖ୍ୟମନ୍ତ୍ରୀ ପଦ ପାଇଁ ଲାଳାୟିତ ନୁହନ୍ତି ବୋଲି କହିଛନ୍ତି। ରାଉରକେଲାରେ ସାମ୍ୱାଦିକମାନଙ୍କୁ ସେ କହିଛନ୍ତି ଯେ ମୁଖ୍ୟମନ୍ତ୍ରୀ ପଦ ପାଇଁ ସେ ଆଦୌ ଆଗ୍ରହୀ ନୁହନ୍ତି। ତେବେ ଦଳ ଯଦି ତାଙ୍କୁ ସେହି ଦାୟିତ୍ୱ ଦିଏ ତାହା ଅଲଗା କଥା।


News Story - Posted on 2017-05-10

ବିଜେଡିରେ ଷଡ଼ଯନ୍ତ୍ରକାରୀଙ୍କ ରାଜୁତି!



ଷଡ଼ଯନ୍ତ୍ରକାରୀଙ୍କ କବ୍ଜାରେ ବିଜୁ ଜନତା ଦଳ! ସାଂସଦ ବୈଜୟନ୍ତ ପଣ୍ଡାଙ୍କର ଏ ସଂପର୍କୀତ ଟୁଇଟ ପରେ ପୂର୍ବତନ କୋରାପୁଟ ସାଂସଦ ଜୟରାମ ପାଙ୍ଗୀ ମଧ୍ୟ ଏହି ଅଭିଯୋଗ କରିଛନ୍ତି। ପାଙ୍ଗି ବିଜେଡି ଛାଡ଼ି ବିଜେପିରେ ଯୋଗଦେଇଛନ୍ତି। ପାଙ୍ଗି ବିଜେପିରେ ଯେଗାଦେବା ପରେ ସାଂଦ ପଣ୍ଡା ପୁଣି ଥରେ ଟୁଇଟ‌୍‍ କରି ନିଜର ପୂର୍ବ କଥା ଦୋହରାଇଛନ୍ତି।


News Story - Posted on 2017-05-10

ଆପ୍‌ କଲା ଇଭିଏମ ଟାମ୍ପର!



ଇଲେକ‌୍‍ଟ୍ରୋନିକ ଭୋଟିଂ ମେସିନ ବା ଇଭିଏମକୁ ଯେକୌଣସି ନିର୍ଦ୍ଦିଷ୍ଟ ଦଳ ସପକ୍ଷରେ ଟାମ୍ପର କରାଯାଇ ପାରିବ। ଏଥିପାଇଁ ମାତ୍ର ୯୦ ସେକେଣ୍ଡ ଦରକାର। ମ ୯ ତାରିଖର ଦିଲ୍ଲୀ ବିଧାନସଭା ଗୃହରେ ଏକଥାର ପ୍ରମାଣ ପ୍ରଦର୍ଶନ କରିଛନ୍ତି ଆମ‌୍‍ ଆଦମୀ ପାର୍ଟି ବା ଆପ‌୍‍ ବିଧାୟକ ସୌରଭ ଭରଦ୍ୱାଜ। ସେ ଜଣେ କଂପ୍ୟୁଟର ଇଂଜିନିଅର। ଆପ‌୍‍ରେ ମିଶିବା ପୂର୍ବରୁ ସେ ଦେଶ ଓ ବିଦେଶର ବହୁ ନାମୀଦାମୀ କଂପ୍ୟୁଟର ସଂସ୍ଥାରେ କାମ କରିଛନ୍ତି।


News Story - Posted on 2017-05-09

ବିଦ୍ରୋହ ଆଉ କେତେ ବାଟ?



ପ୍ରଥମେ ସୁନ୍ଦରଗଡ଼, ତା’ପରେ ସମ୍ୱଲପୁର, ସୋନପୁର ଓ କଳାହାଣ୍ଡି। ଏବେ ଯାଜପୁର। ମନ୍ତ୍ରିମଣ୍ଡଳ ଅଦଳବଦଳ ପରେ ଏସବୁ ଜିଲ୍ଲାର ବିଜେଡି ନେତାମାନେ ଅସନ୍ତୋଷ ଜାହିର କରିଛନ୍ତି। ସେମାନଙ୍କ ଅସନ୍ତୋଷ ବିଦ୍ରୋହର ରୂପ ନେଇପାରେ ବୋଲି ଆଶଙ୍କା କରାଯାଉଛି। ତେବେ ଅସନ୍ତୁଷ୍ଟଙ୍କ ସହିତ ମୁଖ୍ୟମନ୍ତ୍ରୀ ଆଲୋଚନା କରିବେ ବୋଲି କହିଛନ୍ତି ଦଳୀୟ ମୁଖପାତ୍ର ପ୍ରତାପ ଦେବ।


News Story - Posted on 2017-05-07

ମସ୍ତିଷ୍କହୀନ କସରତ!



ନବକଳେବର ଭିତ୍ତିଭୂମି ଦୁର୍ନୀତି, ପୁରୀ ପୌରପାଳିକାର ଜମି ଦୁର୍ନୀତି, ସ୍ୱର୍ଗଦ୍ୱାରା ଜମି ଦୁର୍ନୀତି, ଗୁନ ସିଂହାରି ହତ୍ୟାକାଣ୍ଡ, ଗାୟତ୍ରୀ ପଣ୍ଡା ‘ନିରୋଳାରେ ଆସ’ ପରି କେତେକ ଚର୍ଚ୍ଚିତ ପ୍ରସଙ୍ଗ କ’ଣ କାହାର ନିର୍ମଳ ଭାବମୂର୍ତ୍ତି ହୋଇପାରେ? ଯେଉଁ ନେତା ଏସବୁ ବିବାଦ ଘେରରେ କେତେବେଳେ ନା କେତେବେଳେ ପଡ଼ିଛନ୍ତି ସେ ନବୀନ ସରକାରଙ୍କ ଭାବମୂର୍ତ୍ତି ସୁଧାରିବେ ନା ଅଧିକ ଅଳିଆ କରିବେ? ସେହିପରି ଡାଲି ଦୁର୍ନୀତି, ଭଦ୍ରକ ପୌରସଭା ସରଂଜାମ କିଣା ଦୁର୍ନୀତି, ବରପଦା ଇଂଜିନିଅରିଂ କଲେଜ ଜମି ଦୁର୍ନୀତି ଆଦି ବିବାଦରେ ଜଡ଼ିତ ନେତା କିପରି ନବୀନ ସରକାରଙ୍କ ଭାବମୂର୍ତ୍ତି ସଫା କରିବେ? ଭୁବନେଶ୍ୱରରେ ହୋଟେଲ ଜମି ଦୁର୍ନୀତି ଉପରେ ଚର୍ଚ୍ଚା ହେଲେ ସରକାରଙ୍କର ଲାଭ ହେବ କି? ଗଣଶିକ୍ଷା ବିଭାଗର ଆଲମାରି କିଣା ଦୁର୍ନୀତି, ପରୀକ୍ଷା ବିଭ୍ରାଟ ଆଦି ପ୍ରସଙ୍ଗ କାହା ସପକ୍ଷରେ ଯିବ? କମ୍ପାନୀଙ୍କୁ ଚାନ୍ଦା ମାଗିବାର ଷ୍ଟିଙ୍ଗ ଅପରେସନ ବିବାଦରେ ପଡ଼ିବା କ’ଣ ନିର୍ମଳ ଭାବମୂର୍ତ୍ତି?


News Story - Posted on 2017-05-05

କାହାକୁ ଫେରେଇନେବେ, କାହାକୁ ତଡ଼ିବେ?



ଦିଲ୍ଲୀପ ରାୟଙ୍କ ପରି ପୂର୍ବତନ ଅର୍ଥମନ୍ତ୍ରୀ ପ୍ରଫୁଲ୍ଲ ଘଡ଼ାଇ ମଧ୍ୟ ନବୀନଙ୍କର ଏହି ସଂକେତକୁ ସାଦରେ ଗ୍ରହଣ କରିଛନ୍ତି। ସେ କହିଛନ୍ତି ଯେ ଭୁଲବୁଝାମଣା ଯୋଗୁଁ ଦଳ ତାଙ୍କୁ ଛାଡ଼ିଦେଇଥିଲେ ବି ସେ ଏଯାଏଁ ଦଳ ଛାଡ଼ି ନାହାନ୍ତି। ଏବେ ବି ସେ ବିଜେଡି ପାଇଁ କାମ କରୁଛନ୍ତି। ଦଳ ଯଦି ତାଙ୍କୁ ଅଧିକ ଦାୟିତ୍ୱ ଦେବ ତେବେ ସେ ତାହା ତୁଲାଇବାକୁ ପ୍ରସ୍ତୁତ ଅଛନ୍ତି। ନବୀନ ଜଣେ ଆଶ୍ଚର୍ଯ୍ୟଜନକ ନେତା ବୋଲି ମନ୍ତବ୍ୟ ଦେଇ ସେ ଦଳରୁ ବହିଷ୍କୃତ ହୋଇଥିଲେ।


News Story - Posted on 2017-05-04

ଅକଳରେ ପଡ଼ିବ ବିଜେଡି!



ଆସନ୍ତା ରାଷ୍ଟ୍ରପତି ନିର୍ବାଚନରେ ସମସ୍ତଙ୍କୁ ଆଶ୍ଚର୍ଯ୍ୟ କଲା ଭଳି ପ୍ରାର୍ଥୀ ଦେଇପାରେ ଭାରତୀୟ ଜନତା ପାର୍ଟି। ଅଣବିଜେପି ଦଳଗୁଡ଼ିକର ମହାମେଣ୍ଟ ଉଦ୍ୟମକୁ ଦୁର୍ବଳ କରିବା ସଙ୍ଗେସଙ୍ଗେ ଓଡ଼ିଶାରେ ଶାସକ ବିଜୁ ଜନତା ଦଳକୁ ଅଡ଼ୁଆରେ ପକାଇବା ପାଇଁ ଭାରତୀୟ ଜନତା ପାର୍ଟି ନେତୃତ୍ୱାଧୀନ ରାଷ୍ଟ୍ରୀୟ ଗଣତାନ୍ତ୍ରିକ ସାମ୍ମୁଖ୍ୟ ବା ଏନଡିଏ ଝାଡ଼ଖଣ୍ଡ ରାଜ୍ୟପାଳ ତଥା ଓଡ଼ିଶାର ପୂର୍ବତନ ମନ୍ତ୍ରୀ ଦ୍ରୌପଦୀ ମୁର୍ମୁଙ୍କୁ ରାଷ୍ଟ୍ରପତି ପ୍ରାର୍ଥୀ କରିପାରେ ବୋଲି ଏବେ ରାଜଧାନୀ ଦିଲ୍ଲୀରେ ଚର୍ଚ୍ଚା ଚାଲିଛି।


News Story - Posted on 2017-05-03

ଆପ୍‌ ସ୍ବପ୍ନର ଅପମୃତ୍ୟୁ ଆସନ୍ନ!



ଦଳ ଏବେ ତା’ର ତ୍ରୁଟି ସୁଧାରିବ ବୋଲି ଘୋଷଣା କରିଛନ୍ତି କେଜ୍ରିୱାଲ। ଦଳ ବହୁତ ଭୁଲ କରିଛି ବୋଲି ସ୍ବୀକାର କରିଛନ୍ତି। ମାତ୍ର, ତାଙ୍କର ଏହି ସ୍ବୀକାରୋକ୍ତି ଓ ଦଳର ପୁନର୍ବିନ୍ୟାସ ଉପରେ ଅନେକ କଥା ନିର୍ଭର କରେ। ନହେଲେ ହୁଏତ ଆପ୍‌ ସହିତ ଜନ୍ମ ନେଇଥିବା ବିକଳ୍ପ ରାଜନୀତି ସ୍ବପ୍ନର ଖୁବଶୀଘ୍ର ଅପମୃତ୍ୟୁ ଘଟିବା ନିଶ୍ଚିତ।


News Story - Posted on 2017-05-03

ଲୋକଙ୍କର କିଛି ଅଧିକାର ନାହିଁ!



ମୋଦି ସରକାରଙ୍କ ମତରେ ଲୋକମାନଙ୍କର କୌଣସି ପରମ ବା ସ୍ୱୟଂସଂପୂର୍ଣ୍ଣ ଅଧିକାର ନାହିଁ। ସେମାନଙ୍କ ଶରୀର ଉପରେ ମଧ୍ୟ ସେମାନଙ୍କର ଅଧିକାର ନାହିଁ। ଏପରିକି କେତେକ କ୍ଷେତ୍ରରେ ସେମାନଙ୍କର ଜୀବନର ଅଧିକାରକୁ ମଧ୍ୟ ସରକାର ନେଇଯାଇ ପାରନ୍ତି। ସୁପ୍ରିମ କୋର୍ଟରେ ସରକାରଙ୍କର ଏହି ମତ ଉପସ୍ଥାପନ କରିଛନ୍ତି ଆଟର୍ଣ୍ଣି ଜେନେରାଲ ମୁକୁଳ ରୋହତଗୀ।


News Story - Posted on 2017-05-01

ଭାରତରେ ଭ୍ରାତୃଘାତୀ ଯୁଦ୍ଧ



ସରକାର ବିକାଶମୂଳକ ଯୋଜନା ନାମରେ ଆଦିବାସୀ ଓ ଦଳିତବର୍ଗଙ୍କର ଜଳ, ଜମି ଓ ଜଙ୍ଗଲ ଉପରେ ଥିବା ଅଧିକାରକୁ ଛଡ଼ାଇ ନେଉଥିବା କାରଣକୁ ନେଇ ବିଦ୍ରୋହ ବହ୍ନି ଜଳୁଛି। ଏହି ବିଦ୍ରୋହର ବହ୍ନିଶିଖାକୁ ଲିଭାଇବା ପାଇଁ ଦମନ ନୀତିକୁ ଆପଣେଇ ସରକାର ସଶସ୍ତ୍ର ପୋଲିସ, ଅର୍ଦ୍ଧସାମରିକ ବାହିନୀ ଓ ସାମରିକବାହିନୀ ନିୟୋଜିତ କରୁଛନ୍ତି। କିନ୍ତୁ ସରକାର ଏହି ସଶସ୍ତ୍ର ବଳଦ୍ୱାରା ଦେଖା ଦେଇଥିବା ବିଦ୍ରୋହର ବହ୍ନିର ଅନ୍ତ ଘଟାଇ ପାରିବେ ନାହିଁ! ବନ୍ଧୁକ ଉପରେ ଭରସା କରି ସରକାର ଜନଅସନ୍ତୋଷ ବା ବିଦ୍ରୋହକୁ ଦୂର କରିପାରିବେ ନାହିଁ ବୋଲି ବହୁବାର ପ୍ରମାଣିତ ହୋଇଛି। ସରକାର ନିଜ ରିପୋର୍ଟରେ ଏହାକୁ ମାନିଛନ୍ତି। ନିକଟରେ ଛତିଶଗଡ଼ରେ ଘଟିଥିବା ମାଓବାଦୀ ହିଂସା ଏହାର ଅନ୍ୟ ଏକ ଉଦାହରଣ। ଦୀର୍ଘ ୪ ଦଶନ୍ଧିରୁ ଅଧିକ ସମୟ ଧରି ଆଦିବାସୀ, ଦଳିତ ସରକାରଙ୍କ ତ୍ରୁଟିପୂର୍ଣ୍ଣ ନୀତି ବିରୁଦ୍ଧରେ ସ୍ୱର ଉତ୍ତୋଳନ କରିଚାଲିଛନ୍ତି। ବେଆଇନ‌ ଘୋଷିତ ମାଓବାଦୀ ସଂଗଠନ ଏହି ଜନଅସନ୍ତୋଷକୁ ପୁଞ୍ଜିକରି ସରକାରୀ ଦମନ ନାମରେ ସଶସ୍ତ୍ର ପ୍ରତିରୋଧର ରାସ୍ତାକୁ ଆପଣେଇଛି। ହିଂସା ଓ ପ୍ରତିହିଂସାର ରାସ୍ତା ଦେଶର ବିକାଶ ପାଇଁ ସବୁଠୁ ବଡ଼ ବାଧକ।


News Story - Posted on 2017-05-01

ଭିଆପି ନୁହେଁ ଇପିଆଇ!



ସରକାରୀ ନିଷ୍ପତି ଦ୍ବାରା ଲାଲବତୀ ନିଷେଧ କରାଯିବା ତ ପ୍ରଶାସନିକ ବ୍ୟବସ୍ଥାର ଗୋଟିଏ ଅଙ୍ଗ। କିନ୍ତୁ ନିଷ୍ଠାପୂର୍ବକ ଆମ ମନରୁ ମଧ୍ୟ ଏହାକୁ ଦୂର କରିବା ଆବଶ୍ୟକ। ଆମେ ସମସ୍ତେ ସଚେତନତାର ସହିତ ଯଦି ଚେଷ୍ଟା କରିବା ତେବେ ମନରୁ ମଧ୍ୟ ଏହା ହଟିଯିବ। ନୂତନ ଭାରତ ଗଠନ କରିବା ଚିନ୍ତାଧାରାର ପ୍ରମୁଖ ଉଦ୍ଦେଶ୍ୟ ହେଲା ଦେଶରେ ଭିଆଇପି ପରିବର୍ତେ ଇପିଆଇକୁ ମହତ୍ବ ଦିଆଯାଉ। ଭିଆଇପି ବଦଳରେ ଇପିଆଇ କହିବାରେ ମୋର ବିଚାର ଅତି ସ୍ପଷ୍ଟ- ଏଭ୍ରି ପର୍ସନ ଇଜ ଇମ୍ପୋର୍ଟାଣ୍ଟ। ପ୍ରତ୍ୟେକ ବ୍ୟକ୍ତିର ମହତ୍ବ ଅଛି, ପ୍ରତ୍ୟେକ ଲୋକର ମାହାତ୍ମ୍ୟ ଅଛି। ଯଦି ଆମେ ୧୫ କୋଟି ଦେଶବାସୀଙ୍କର ମହତ୍ବକୁ ସ୍ବୀକାର କରିବା ଆଉ ସେମାନଙ୍କର ମାହାତ୍ମ୍ୟକୁ ସ୍ବୀକାର କରିବା ତେବେ ମହାନ ସ୍ବପ୍ନଗୁଡ଼ିକ ସାକାର କରିବା ପାଇଁ କେତେ ବଡ଼ ଶକ୍ତି ଯେ ଏକଜୁଟ୍ ହୋଇଯିବ। ଆମେ ସମସ୍ତେ ମିଳିମିଶି ଏହା କରିବାକୁ ପଡ଼ିବ।


News Story - Posted on 2017-05-01

କୃପାଳୁଜୀ ପ୍ରତି କାହିଁକି ଏ କୃପା?



ସୂଚନା ଅଧିକାର ଆଇନ‌୍‍ ବଳରେ ମିଳିଥିବା ତଥ୍ୟ ଅନୁଯାୟୀ ୨୦୦୭ ମସିହା ସେପ୍ଟେମ୍ବର ୨୫ ତାରିଖରେ ସଦ୍ୟ ପଞ୍ଜିକୃତ ହୋଇଥିବା ନୂଆଦିଲ୍ଲୀସ୍ଥିତ ଜଗତ‌୍‍ଗୁରୁ କୃପାଳୁ ଯୋଗ ଟ୍ରଷ୍ଟ ଓଡ଼ିଶାରେ ଏକ ବୈଦିକ ବିଶ୍ୱ ବିଦ୍ୟାଳୟ ସ୍ଥାପନ ସହିତ ଆୟୁର୍ବେଦିକ ଚିକିତ୍ସାଳୟ ଖୋଲିବା ପାଇଁ ରାଜ୍ୟ ସରକାରର ଉଚ୍ଚଶିକ୍ଷା ବିଭାଗକୁ ୧୦୦ ଏକର ଜମି ପାଇଁ ସେହିବର୍ଷ ଅକ୍ଟୋବର ମାସରେ ଦୁଇଟି ଦରଖାସ୍ତ କରିଥିଲେ। ଉକ୍ତ ସଂସ୍ଥାକୁ ଜମି ଦେବା ପାଇଁ ତତ୍କାଳୀନ ଉଚ୍ଚଶିକ୍ଷା ବିଭାଗୀୟ ମନ୍ତ୍ରୀ ଅହେତୁକ ମନୋଭାବ ପ୍ରଦର୍ଶନ ସହ ସରକାରଙ୍କୁ ସୁପାରିଶ କରିଥିଲେ। ଆବେଦନର ଠିକ‌୍‍ ମାସକ ମଧ୍ୟରେ ଉକ୍ତ ସଂସ୍ଥାକୁ ଜମି ପ୍ରଦାନ ପାଇଁ କଟକ ଜିଲ୍ଲାର ବାଙ୍କି ତହସିଲ‌୍‍ ଅଧୀନରେ ଜମି ଅଧିଗ୍ରହଣ ପ୍ରକ୍ରିୟା ଆରମ୍ଭ ହୋଇଥିଲା। ତତ୍କାଳୀନ ବାଙ୍କି ତହସିଲ‌୍‍ଦାର ଦୁଇଟି ମିସ‌୍‍କେସ‌୍‍ (୩୧୧/୦୭-୦୮ ଏବଂ ୩୧୨୧/୦୭-୦୮) କରି ବାନରା ମୌଜାରେ ୧୦୦ ଏକର ସରକାରୀ ଜମି ପ୍ରଦାନର ପ୍ରକ୍ରିୟା ଆରମ୍ଭ କରିଥିଲେ। ଉକ୍ତ ମୌଜାରେ ଥିବା ଅତ୍ୟନ୍ତ ମୂଲ୍ୟବାନ ଗୋଚର ଜମିକୁ ଡିରିଜର୍ଭ ବା ବେସଂରକ୍ଷିତ କରି ଉକ୍ତ ଟ୍ରଷ୍ଟକୁ ଦେବା ପାଇଁ ଜିଲ୍ଲାପାଳଙ୍କୁ ପ୍ରସ୍ତାବ ଦେଇଥିଲେ।


News Story - Posted on 2017-04-29

ନେତାଙ୍କୁ ପ୍ରଶ୍ନ କରନ୍ତୁ



ଯେତେବେଳେ ଜଣେ ଆମର ଭବିଷ୍ୟତର ଦାୟିତ୍ବ ନେଉଛନ୍ତି ସେହି ସମୟରେ ଆମେ କେବେ ନିଜକୁ ପ୍ରଶ୍ନ କରିଛୁ କି? ଉକ୍ତ ବ୍ୟକ୍ତିଙ୍କ ଲକ୍ଷ୍ୟ ଓ ଆଭିମୁଖ୍ୟ କ’ଣ ? ସେହି ଲକ୍ଷ୍ୟଗୁଡିକୁ ହାସଲ କରିବା ପାଇଁ କେତେ ଦିନ ସମୟ ଲାଗିବ? ସେହି ଲକ୍ଷ୍ୟଗୁଡିକ ହାସଲ ପାଇଁ କ’ଣ ସବୁ ପଦକ୍ଷେପ ନେବେ? ସେହି ପଦକ୍ଷେପ ନେବା ସମୟରେ ଆମକୁ କ’ଣ ସବୁ ସୁବିଧା ଆଉ ଅସୁବିଧାଗୁଡିକର ସମ୍ମୁଖୀନ ହେବାକୁ ପଡିବ? ସେହି ପଦକ୍ଷେପ ଦ୍ବାରା କେତେ ଲୋକ ନିୟୋଜିତ ହେବେ, କେବେ ହେବେ, କେତେ ଅର୍ଥ ଖର୍ଚ୍ଚ ହେବ, କେଉଁଠୁ ସେହି ଅର୍ଥ ଆସିବ? ଏମିତି ଅନେକ ପ୍ରଶ୍ନ ନିଜେ ନିଜକୁ ପ୍ରଶ୍ନ କରିଛୁ କି?


News Story - Posted on 2017-04-28

ଭିଆଇପି ସଂସ୍କୃତିକୁ ଧକ‌୍‍କା



ଶୁଭାରମ୍ଭ, ଅଧା କାର୍ଯ୍ୟ ସହ ସମାନ। ଏହା ହେଉଛି ଜଣେ ଗ୍ରୀକ ଦାର୍ଶନିକଙ୍କ ଉକ୍ତି। ଲାଲବତି ସଂସ୍କୃତିର ବିଲୋପ ପାଇଁ କେନ୍ଦ୍ର ମନ୍ତ୍ରିମଣ୍ଡଳ ନେଇଥିବା ନିଷ୍ପତି ଏକ ସଂଗ୍ରାମର ଶୁଭାରମ୍ଭ। ୨୦୧୭ ଏପ୍ରିଲ ୧୯ ତାରିଖ ବୁଧବାର ଦିନ କେନ୍ଦ୍ର କ୍ୟାବିନେଟ ମୋଟର ଯାନ ନିୟମରେ ସଂଶୋଧନ କରି ରାଷ୍ଟ୍ରପତି, ଉପରାଷ୍ଟ୍ରପତି ଏବଂ ପ୍ରଧାନମନ୍ତ୍ରୀଙ୍କ ସମେତ ସମସ୍ତ ଗାଡିରୁ ଲାଲ ଓ ଅନ୍ୟ ରଙ୍ଗର ବତିର ବ୍ୟବହାରକୁ ଉଚ୍ଛେଦ କରିଛନ୍ତି। ଏହି ନିଷ୍ପତି ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟ୍ୱିଟ କରି ଉଲ୍ଲେଖ କରିଛନ୍ତି ଯେ, ସବୁ ଭାରତୀୟ ହେଉଛନ୍ତି ସ୍ୱତନ୍ତ୍ର ଏବଂ ସବୁ ଭାରତୀୟ ଜଣେ ଜଣେ ଭିଆଇପି।


News Story - Posted on 2017-04-28

‘ତୁରନ୍ତ ଲୋକପାଳ ନିଯୁକ୍ତ କର’



ଲୋକସଭାରେ କେହି ବିରୋଧୀ ଦଳ ନେତା ନଥିଲେ ବି ଆଉ କାଳ ବିଳମ୍ୱ ନକରି ତୁରନ୍ତ ଲୋକପାଳ ନିଯୁକ୍ତ କରିବାକୁ ମୋଦି ସରକାରଙ୍କୁ ନିର୍ଦ୍ଦେଶ ଦେଇଛନ୍ତି ସୁପ୍ରିମ କୋର୍ଟ। ଚଳିତ ଲୋକସଭାରେ କଂଗ୍ରେସ ମୁଖ୍ୟ ବିରୋଧୀ ଦଳ ହୋଇଥିଲେ ବି ନିୟମ ଅନୁଯାୟୀ ଏହାର ନେତା ବିରୋଧୀ ଦଳ ମାନ୍ୟତା ପାଇନାହାନ୍ତି। ସେଥିପାଇଁ ଦଳ ନିକଟରେ ଆବଶ୍ୟକ ସଂଖ୍ୟା ନାହିଁ। ନିୟମ ଅନୁସାରେ ଲୋକସଭାର ମୋଟ ସଦସ୍ୟ ସଂଖ୍ୟାର ୧୦ ପ୍ରତିଶତରୁ ଅଧିକ ସଦସ୍ୟ ଥିଲେ ଗୋଟିଏ ଦଳକୁ ବିରୋଧୀ ଦଳ ମାନ୍ୟତା ମିଳେ। ଏବେ ଲୋକସଭାର ୫୪୭ ସଦସ୍ୟଙ୍କ ମଧ୍ୟରେ କଂଗ୍ରେସର ସଦସ୍ୟ ସଂଖ୍ୟା ମାତ୍ର ୪୪।


News Story - Posted on 2017-04-27

ଜାନକୀଙ୍କ ଭବିଷ୍ୟବାଣୀ ଓ ପ୍ୟାରୀ



ଜାନକୀ ବଲ୍ଲଭ ପଟ୍ଟନାୟକ ଓରଫ ଜାନକୀବାବୁ ହେଉଛନ୍ତି ପ୍ରଜ୍ଞାପୁରୁଷ। ସେ ଥିଲେ ଏକାଧାରରେ ଜଣେ ସଂଗ୍ରାମୀ ସାମ୍ୱାଦିକ, ସାହିତ୍ୟିକ, ସଂସ୍କୃତିପ୍ରେମୀ ଓ ସମାଜ ସଂସ୍କାରକ। ପଦ ପଦବୀ ଦୃଷ୍ଟିରୁ ଜାନକୀବାବୁ ହେଉଛନ୍ତି ଓଡ଼ିଶାର ସବୁଠାରୁ ସଫଳତମ ରାଜନେତା। ଏପରିକି ତାଙ୍କ ପଛରେ ପଦପଦବୀ ଗୋଡାଉଥିବାର ପ୍ରତ୍ୟୟ ହୋଇଥାଏ। ଗୋଟିଏ ନିର୍ବାଚନରେ ପରାଜୟ ପରେ ଜାନକୀ ବାବୁଙ୍କର ରାଜନୈତିକ ଜୀବନର ଅନ୍ତଃ ଘଟିଗଲା ବୋଲି ପ୍ରଚାର ହୁଏ। ମାତ୍ର ପରବର୍ତ୍ତୀ ସମୟରେ ଦଳୀୟ ପଦବୀ ହେଉ କିମ୍ୱା ସାମ୍ୱିଧାନିକ ପଦବୀରେ ହେଉ ସେ ଅଧିଷ୍ଠିତ ହୁଅନ୍ତି। ସେ ସବୁ ପ୍ରକାର ପଦପଦବୀରେ ଅଧିଷ୍ଠିତ ହୋଇଛନ୍ତି। ଓଡ଼ିଶାରେ ତିନିଥର ମୁଖ୍ୟମନ୍ତ୍ରୀ, ବିରୋଧି ଦଳ ନେତା, ବହୁବାର ପ୍ରଦେଶ କଂଗ୍ରେସ କମିଟି ସଭାପତି, କେନ୍ଦ୍ରରେ କ୍ୟାବିନେଟ‌୍‍ ପାହ୍ୟା ମନ୍ତ୍ରୀ, ଏ.ଆଇ.ସି.ସି. ବୈଠକରେ ଅଧ୍ୟକ୍ଷତା କରିବା ସହିତ ସେ ମଧ୍ୟ ଆସାମ ପରି ରାଜ୍ୟର ରାଜ୍ୟପାଳ ଦାୟିତ୍ୱ ତୁଲାଇଥିଲେ।


News Story - Posted on 2017-04-27

ଉପରାଷ୍ଟ୍ରପତି ହେବେ ଏସି ଜମିର!



ଓଡ଼ିଶା ରାଜ୍ୟପାଳ ତଥା ନାଗାଲାଣ୍ଡର ବରିଷ୍ଠ କଂଗ୍ରେସ ନେତା ଏସସି ଜମିରଙ୍କୁ ଭାରତର ପରବର୍ତ୍ତୀ ରାଷ୍ଟ୍ରପତି ପ୍ରାର୍ଥୀ କରିବା ସପକ୍ଷରେ ମତ ଦେଇଛି ରାଷ୍ଟ୍ରୀୟ ସ୍ୱୟଂସେବକ ସଂଘ। ସଂଘ ପ୍ରାୟୋଜିତ ଭାରତୀୟ ଜନତା ପାର୍ଟି ଏବେ କେନ୍ଦ୍ରୀୟ ଶାସନ କ୍ଷମତାରେ ରହିଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପୂର୍ବରୁ ସଂଘର ପ୍ରଚାରକ ଥିଲେ। ଜମିର ଯଦି ଉପରାଷ୍ଟ୍ରପତି ହୁଅନ୍ତି ତେବେ ସେ ହେବେ ଏହି ପଦ ପାଇବାରେ ଉତ୍ତରପୂର୍ବାଂଚଳର ପ୍ରଥମ ନେତା।


News Story - Posted on 2017-04-27

ଇଭିଏମ ସନ୍ଦେହ ହଟିବ ତ?



ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ ବୈଠକରେ ଭୋଟର ଭେରିଫାଏଡ‌୍‍ ପେପର ଅଡିଟ‌୍‍ ଟ୍ରେଲ‌୍‍ (ଭିଭିପାଟ‌୍‍) ମେସିନ‌୍‍ କ୍ରୟ ପ୍ରସ୍ତାବକୁ ମଞ୍ଜୁରି ମିଳିଛି। ଏଥିପାଇଁ ନିର୍ବାଚନ କମିଶନଙ୍କ ତରଫରୁ ୨୦୧୩ ମସିହାରୁ ସରକାରଙ୍କୁ ଅନୁରୋଧ କରାଯାଉଥିଲା। କେନ୍ଦ୍ରର ଏହି ନିଷ୍ପତ୍ତି ପରେ କମିଶନ କହିଛନ୍ତି ଯେ ୨୦୧୯ ସାଧାରଣ ନିର୍ବାଚନରେ ସବୁ ଇଭିଏମରେ ଭିଭିପିଏଟି ଲାଗିବ।


News Story - Posted on 2017-04-27

‘ବିଜେପି ହିନ୍ଦୁ ଧର୍ମର କଳଙ୍କ’



ସେ କହିଛନ୍ତି, ‘ବିଜେପି ପାଇଁ ଓଡ଼ିଶା ସରକାର ଖରାପ, ବଙ୍ଗଳା ସରକାର ଖରାପ, ବିହାର ସରକାର ଖରାପ..ସବୁ ଅଣ-ବିଜେପି ସରକାର ଖରାପ। ତେବେ ସମସ୍ତଙ୍କୁ ଖରାପ କହୁଥିବା ଦଳ କେତେ ଭଲ?’ ବିଜେପି ଦେଶରେ ହିନ୍ଦୁ ଧର୍ମ ପାଳନ କରୁନାହିଁ ବୋଲି ଅଭିଯୋଗ କରି ମମତା କହିଛନ୍ତି ଯେ ବିଜେପି ନେତାମାନେ ହିନ୍ଦୁ ଧର୍ମର କଳଙ୍କ। ସେମାନେ ସମସ୍ତଙ୍କୁ ସାଙ୍ଗରେ ନେବାକୁ ଚାହାନ୍ତି ନାହିଁ। ଏହି ଦଳ ହିନ୍ଦୁ ଧର୍ମର ନୀତି ଓ ଆଦର୍ଶ ବିରୋଧରେ କାର୍ଯ୍ୟ କରୁଛି ବୋଲି ସେ ଅଭିଯୋଗ କରିଛନ୍ତି।


News Story - Posted on 2017-04-27

ଭୋଟ୍‌ ବ୍ୟାଙ୍କ୍‌ ଉପରେ ଆଖି!



ଓଡ଼ିଶାରେ କଂଗ୍ରେସ ଓ ବିଜେଡିର ଦଳିତ, ଆଦିବାସୀ ଓ ପଛୁଆ ବର୍ଗ ଭୋଟ ବ୍ୟାଙ୍କ ଭାଙ୍ଗିବାକୁ ଉଦ୍ୟମ ଆରମ୍ଭ କରିଛି ଭାରତୀୟ ଜନତା ପାର୍ଟି। ଭୁବନେଶ୍ୱରରେ ଆରମ୍ଭ ହାଇଥିବା ଦଳର ଜାତୀୟ କାର୍ଯ୍ୟକାରିଣୀ ପୂର୍ବରୁ ଦଳ ଗ୍ରହଣ କରିଥିବା କେତେକ ନିଷ୍ପତ୍ତିରୁ ଏହି ସଂକେତ ମିଳୁଛି।


News Story - Posted on 2017-04-27

ଆମ୍ୱେଦକର ପ୍ରାସଙ୍ଗିକ କାହିଁକି ?



ଡଃ ଆମ୍ୱେଦକରଙ୍କର ଆଜି ୧୨୬ତମ ଜୟନ୍ତୀ। ଭାରତ ବର୍ଷରେ ଦଳିତ ନିଷ୍ପେଷିତ ଓ ବଂଚିତମାନଙ୍କର ଜଣେ ଅବିସମ୍ୱାଦିତ ନେତା ଭାବେ ସେ ସର୍ବଜନ ବିଦିତ। କେବଳ ଭାରତ ନୁହେଁ ବହୁ ଆଫ୍ରିକୀୟ ଓ ଲାଟିନ‌୍‍ ଆମେରିକୀୟ ଦେଶରେ ମଧ୍ୟ ତାଙ୍କୁ ଜଣେ ବିପ୍ଳବୀ ରାଷ୍ଟ୍ରନୀତିଜ୍ଞ ରୂପେ ତାଙ୍କୁ ଗ୍ରହଣ କରାଯାଉଛି। ସମୟ ବିତିବା ସହିତ ତାଙ୍କ ଜୀବନ ଓ ଦର୍ଶନର ପ୍ରାସଂଙ୍ଗିକତା ଅଧିକରୁ ଅଧିକ ବଢିଛି। ଅଧିକାର ଓ ଦାବୀ ହାସଲ ଦିଗରେ ତାଙ୍କର ଶିକ୍ଷା ଓ ଦର୍ଶନ ‘ଶିକ୍ଷିତ ହୁଅ, ସଂଗଠିତ ହୁଅ ଓ ବିଦ୍ରୋହ କର’ ଅଧିକାରରୁ ବଂଚତି ଲୋକମାନଙକ ପାଇଁ ଏକ ମାର୍ଗଦର୍ଶିକା ରୂପେ କାର୍ଯ୍ୟକରୁଛି। ଭାରତରେ ସାମାଜିକ ନ୍ୟାୟ ପ୍ରତିଷ୍ଠା ଉଦ୍ୟମ କ୍ଷେତ୍ରରେ ତାଙ୍କୁ ଜଣେ ଅଗ୍ରଦୂତ ଏବଂ ପ୍ରତୀକ ରୂପେ ଗ୍ରହଣ କରାଯାଉଛି।


News Story - Posted on 2017-04-27

ଇଭିଏମ‌୍‍ ସୁରକ୍ଷାର ବିଶେଷତ୍ୱ



ଗତ କିଛିଦିନ ମଧ୍ୟରେ ଇଲେକ‌୍‍ଟ୍ରୋନିକ ଭୋଟିଂ ମେସିନ‌୍‍(ଇଭିଏମ‌୍‍)କୁ ନେଇ ସାଧାରଣଜନତାଙ୍କ ମଧ୍ୟରେ ଉଠୁଥିବା ପ୍ରଶ୍ନର ଉତ୍ତରରେ ନିର୍ବାଚନ ଆୟୋଗଙ୍କ ପକ୍ଷରୁ କୁହାଯାଇଛି ଯେ ଇସିଆଇ-ଇଭିଏମ‌୍‍ ଏବଂ ତା’ସହିତ ସମ୍ୱନ୍ଧିତ ସମସ୍ତ ପ୍ରଣାଳୀ ସୁଦୃଢ଼, ସୁରକ୍ଷିତ ଏବଂ ଟାମ୍ପରିଂରୁ ମୁକ୍ତ।


News Story - Posted on 2017-04-10

ମହାନଦୀ ଶୁଖିଲା, ଜଳିବ କିରାସିନି



ପଂଚାୟତ ନିର୍ବାଚନ ପୂର୍ବରୁ ଶାସକ ବିଜେଡି ମହାନଦୀ ପ୍ରସଙ୍ଗକୁ ନେଇ ବେଶ‌୍‍ କିଛିଦିନ ରାଜ୍ୟ ରାଜନୀତି ପାଣିପାଗକୁ ସରଗରମ‌୍‍ ରଖିଥିଲା। ଏଭଳି ଏକ ସମ୍ୱେଦନଶୀଳ ପ୍ରସଙ୍ଗ ନେଇ ଅତି ସହଜରେ ପଂଚାୟତ ବୈତରଣୀ ପାର ହେବା ପାଇଁ ଚେଷ୍ଟା କରୁଥିଲା। ସେଥିପାଇଁ ବିଭିନ୍ନ ଜିଲ୍ଲାରେ ବିକ୍ଷୋଭ ଓ କଳସ ଶୋଭାଯାତ୍ରା ଦଳ ପକ୍ଷରୁ କରାଯାଇଥିଲା। ମାତ୍ର, କିଛିଦିନ ପରେ ଏହି ପ୍ରସଙ୍ଗ ମହାନଦୀ ଜଳରେ ଭାସିଗଲା। ଏହାପରେ ପଂଚାୟତ ନିର୍ବାଚନ ଆସିଲା। ଦଳ ପୁଣି ଥରେ ଅଭୁତପୂର୍ବ ସଫଳତା ପାଇବ ବୋଲି ଆଶା କରୁଥିଲା। ମାତ୍ର, ସାଧାରଣ ଜନତା ବିଜେପିକୁ ଭୋଟ‌୍‍ ଦେଇ ବିଜେଡିକୁ ସରପ୍ରାଇଜ‌୍‍ ଗିଫ୍ଟ ପ୍ରଦାନ କରିଦେଲ। ଫଳରେ ଦଳ ପଂଚାୟତ ବୈତରଣୀ ପାର କରିଥିଲେ ବି ପୂର୍ବ ଥର ଭଳି ଅତି ସହଜରେ ନୁହେଁ। ବରଂ  ବଡ କଷ୍ଟରେ କୂଳ ଲଂଘି ପାରିଲା।


News Story - Posted on 2017-04-07

ଉପରେ ଧର୍ମର ଧ୍ୱଜା, ନିମ୍ନରେ ବିକାଶ!



ଉତ୍ତର ପ୍ରଦେଶରୁ ଛତିଶଗଡ଼, ମହାରାଷ୍ଟ୍ରରୁ ଗୋଆ ଯାଏଁ, ସବୁଠି ଏବେ ବିକାଶର ଧ୍ୱନି ପରିବେର୍ତ୍ତ ଶୁଭୁଛି ରାଷ୍ଟ୍ରବାଦର ନାରା। ଧର୍ମର ଧ୍ୱଜା ଉଡ଼ାଇ ଚାଲିଛନ୍ତି ହିନ୍ଦୁତ୍ୱବାଦୀ ସଂଗଠନ। ହିନ୍ଦୁତ୍ୱବାଦୀଙ୍କ ରାଷ୍ଟ୍ରବାଦର ଧ୍ୱନି ଆଗରେ ଜାତିବାଦ ଓ ଧର୍ମନିରପେକ୍ଷତାବାଦ ଗୌଣ ହୋଇପଡ଼ିଛି। ବିଜେପିର ମାତୃ ସଂଗଠନ ଭାବେ ପରିଚିତ ରାଷ୍ଟ୍ରୀୟ ସ୍ୱୟଂସେବକ ସଂଘ ସମଗ୍ର ଦେଶର ନାଗରିକଙ୍କ ପାଖରେ ରାଷ୍ଟ୍ରବାଦ ବିକାଶ ଯୋଜନାଠାରୁ ଅଧିକ ଗୁରୁତ୍ୱପୂର୍ଣ୍ଣ ବୋଲି ବାର୍ତ୍ତା ଦେବାରେ ସଫଳ ହୋଇଥିବା ମନେହୁଏ। ସଂଘର ଶାଖା ୧୯୭୭ରେ ୧୦ ହଜାର ଥିଲା। ୧୯୮୫ରେ ୨୦ ହଜାର, ୧୯୮୮ରେ ୨୫ ହଜାର, ୧୯୯୫ରେ ୩୦୨୮୮, ୨୦୧୦ରେ ୩୯୮୯୭, ୨୦୧୨ରେ ୪୦୯୨୨, ୨୦୧୩ରେ ୪୪୯୮୨, ୨୦୧୪ରେ ୫୧୩୩୫ ଏବଂ ୨୦୧୫ରେ ଆର‍୍‌ଏସ‍୍‌ଏସ‍୍‌ର ଶାଖା ସଂଖ୍ୟା ୫୬୮୫୯କୁ ବୃଦ୍ଧି ପାଇଥିଲା। ୧୯୨୫ରେ ମହାରାଷ୍ଟ୍ରର ପୁନେ ଠାରେ ଆତ୍ମପ୍ରକାଶ କରିଥିବା ଆର‍୍‌ଏସ‍୍‌ଏସ‍୍‌ର ଶାଖା ସଂଖ୍ୟା ଦିନକୁ ଦିନ ବୃଦ୍ଧି ପାଉଛି। ଦୁର୍ବଳ ହେଉଛି ଧର୍ମନିରପେକ୍ଷ ଓ ପ୍ରଗତିଶୀଳ ଶକ୍ତି।


News Story - Posted on 2017-04-07

ଓଡ଼ିଶା- ସୁଯୋଗର ଦୁରୁପଯୋଗ



ସାଧାରଣରେ ଧାରଣା ଯେ, ମୁଖ୍ୟମନ୍ତ୍ରୀଙ୍କ ଦେହ ଭଲ ନାହିଁ। ତାଙ୍କ ଆଚରଣରୁ ଏହା ସ୍ପଷ୍ଟ ଜଣାପଡୁଛି। ସେ ଯେତେ ସଫେଇ ଦେଲେ ମଧ୍ୟ ଲୋକେ ବୁଝିବାକୁ ନାରାଜ। ଶାସନ ମୁଖ୍ୟ ରୋଗଗ୍ରସ୍ତ ଓ ଶାସନ ମଧ୍ୟ ରୋଗୀଣା। ଉଭୟଙ୍କର ଏହି ଛବି ସରକାର ଓ ଦଳ ପାଇଁ ଶୁଭଙ୍କର ନୁହେଁ। ସରକାର ଗୋଟିଏ ପରେ ଗୋଟିଏ ଭୁଲ‌୍‍ କରି ଚାଲିଛନ୍ତି। ଯେଉଁ ବିକଳରେ ନିଜ ଦଳକୁ ସୁରକ୍ଷିତ କରିବାକୁ ସରକାର ପଞ୍ଚାୟତ ନିର୍ବାଚନ ଆଇନରେ ସଂଶୋଧନ ଆଣିଲେ, ଏବଂ ହାଇକୋର୍ଟ ଦ୍ୱାରା ଭତ୍ସିତ ହେଲେ, ସେଥିରୁ ସରକାରର ଦେବାଳିଆ ସ୍ଥିତି ଜଣାପଡୁଛି। ଦିନଥିଲା ଯେତେବେଳେ ଅନ୍ୟ ଦଳରୁ ବିଜେଡିକୁ ଆସୁଥିଲେ, ସେତେବେଳେ ବାଡ଼ ଦେବା ଦରକାର ପଡୁନଥିଲା। ଏବେ ଦରକାର ପଡୁଛି ମାନେ ଦଳର ଅସହାୟତା ବାରି ହୋଇପଡୁଛି। ଦଳ ଏତେ ଅସହାୟ ଓ ଦଳପତି ଏବେ ଦୁର୍ବଳ ଯେ ଆବଶ୍ୟକତା ଥିଲେ ମଧ୍ୟ ମନ୍ତ୍ରୀମଣ୍ଡଳ ଅଦଳ ବଦଳ କରିପାରୁନାହାନ୍ତି। ଡର ଲାଗୁଛି। ଯାହା କୁହାଯାଏ, ଯୋ ଡରଗୟା ୱ ମରଗୟା। ଅବସ୍ଥା ଏଭଳି ହୋଇଛି। ଏହି ପ୍ରକ୍ରିୟାରେ ସରକାର ଦୁର୍ବଳ ହୋଇଛି ଏବଂ ତା’ର ସିଧାସଳଖ ପ୍ରଭାବ ପଡୁଛି ଓଡ଼ିଶା ଉପରେ। ଓଡ଼ିଶା ଭାଗ୍ୟର ବହୁ ମୂଲ୍ୟ ସମୟ ନଷ୍ଟ ହେବାକୁ ଯାଉଛି। ଏହାକୁ ଭରଣା କରିବ 


News Story - Posted on 2017-04-05

କଲାମଙ୍କ ନେତୃତ୍ବ ପାଠ



‘ନେତା ହେବ କେମିତି? ଅମୁକ ଭାଇ ଯେମିତି!’ ସ୍ଳୋଗାନକାରୀଙ୍କୁ ଅମୁକ ଭାଇଙ୍କ ନେତା ସୁଲଭ ବିଶେଷ ଗୁଣ କଥା ପଚାରିଲେ ତାଙ୍କର ବାହୁବଳୀ ଚରିତ୍ର ସହିତ ସେ ନିର୍ବାଚନରେ କିପରି ଅଜସ୍ର ଟଙ୍କା ଖର୍ଚ୍ଚ କରି ପାରିବେ, ମଦର ବନ୍ୟାରେ ଭସାଇ ଦେଇ ପାରିବେ, ସେ ସମ୍ପର୍କରେ ବେଧଡକ କହିବେ। ଏହି ଗୁଣ ଥାଇ ନିର୍ବାଚନରେ ପ୍ରାର୍ଥୀ ହେବା ସମ୍ଭବ, ନେତା ନୁହେଁ। ତାମିଲନାଡୁର ଏକ ଅଖ୍ୟାତ ପଲ୍ଲୀର ଏକ ସାଧାରଣ ପରିବାରରେ ଜନ୍ମିତ ଓ ଦେଶର ସର୍ବୋଚ୍ଚ ପଦ ଅଳଙ୍କୃତ କରିଥିବା ପୂର୍ବତନ ରାଷ୍ଟ୍ରପତି ଏପିଜେ ଅବଦୁଲ କଲାମ ବିଭିନ୍ନ କ୍ଷେତ୍ରରେ ସଫଳ ନେତୃତ୍ବ ଦେଇ ଜନସାଧାରଣଙ୍କ ପ୍ରିୟଭାଜନ ହୋଇ ପାରିଥିଲେ। ନିଶ୍ଚିତ ଭାବେ ତାଙ୍କ ନିକଟରେ ଉପର ବର୍ଣ୍ଣିତ ଗୁଣଗୁଡିକ ନଥିଲା। ଜଣେ ନେତା ପାଖରେ କି କି ଗୁଣ ରହିବା ଆବଶ୍ୟକ, ସେ ସମ୍ପର୍କରେ କଲାମଙ୍କ ମତ ସମସ୍ତଙ୍କର ପ୍ରଣିଧାନଯୋଗ୍ୟ।


News Story - Posted on 2017-04-01

୨୦୧୭ ନିର୍ବାଚନରେ ପ୍ରସଙ୍ଗ କ’ଣ ଥିଲା?



୨୦୧୭ର ନିର୍ବାଚନ ସୋସିଆଲ୍ ମିଡିଆ ଯଥା ଫେସବୁକ, ଟ୍ବିଟର୍, ହ୍ବାଟସ୍ଆପ୍ ଏବଂ ଇମେଲ୍ ତଥା ଏସ୍ଏମ୍ଏସର ଭୂମିକାକୁ ରେଖାଙ୍କିତ କରିଛି। ସଂଗଠନ, କାର୍ଯ୍ୟକର୍ତ୍ତା ତଥା ଜନସାଧାରଣଙ୍କ ସହିତ ସଂପର୍କ ରଖିବାରେ ଏବଂ ଦ୍ରୁତଗତିରେ ସମ୍ବାଦ ପ୍ରସାରଣ କରିବାରେ ଏହାର ଭୂମିକା ସମସ୍ତେ ଅନୁଭବ କରିଛନ୍ତି। ଏପରିକି ଫଟୋସପ୍ ମାଧ୍ୟମରେ ମିଥ୍ୟା ଚିତ୍ର ଏବଂ ମିଥ୍ୟା ଘଟଣା ପରିବେଷଣ କରିବା ତଥା ଜନମତକୁ ବିଭ୍ରାନ୍ତ କରି ବ୍ୟକ୍ତିର ଚରିତ୍ର ସଂହାର, ଘଟଣାକୁ ଭିନ୍ନ ରୂପରେ ପ୍ରଚାର, ମିଥ୍ୟା ପ୍ରଶଂସା ଏବଂ ହିଂସା ଇତ୍ୟାଦି ପ୍ରସାର କରିବାରେ ସୋସିଆଲ୍ ମିଡିଆର ଗୁରୁତ୍ବପୂର୍ଣ୍ଣ ଭୂମିକା ରହିଛି। ଆଗାମୀ ଦିନରେ ଯେ କୌଣସି ରାଜନୈତିକ ଦଳ ପାଇଁ ସୋସିଆଲ୍ ମିଡିଆର ବ୍ୟବହାର ଅପରିହାର୍ଯ୍ୟ ବୋଲି ଏହି ନିର୍ବାଚନ ପ୍ରମାଣିତ କରିଛି।


News Story - Posted on 2017-03-31

ଅଭିମନ୍ୟୁଙ୍କୁ ମାରିଲେ କେମିତି ନବୀନ?



ସେହି ସରକାରୀ ଫାଇଲକୁ ଲେଉଟାଇଲେ ଜଣାଯିବ ଯେ ଯେଉଁ ଭୁବନେଶ୍ୱର ମହାନଗର ନିଗମର ମେୟର ଉପରୋକ୍ତ ସଡ଼କକୁ କବି ଅଭିମନ୍ୟୁଙ୍କ ନାମରେ କରିବାକୁ ୨୦୦୩ରେ ପ୍ରସ୍ତାବ ଦେଇଥିଲେ, ସେ ହଁି ମଦର ଟେରେସାଙ୍କ ନାମରେ ଏହାକୁ ପୁନଃନାମିତ କରିବାକୁ ପ୍ରସ୍ତାବ ଦେଇଛନ୍ତି। ଏ କଥାକୁ ସ୍ପଷ୍ଟ ଭାବରେ ଫାଇଲରେ ଉଲ୍ଲେଖ କରି ପୂର୍ତ୍ତବିଭାଗର ସୁପରିଣ୍ଟେଣ୍ଡେଣ୍ଟ ଇଂଜିନିୟର ୨୦୧୬ ସେପ୍ଟେମ୍ୱର ୨ ତାରିଖରେ ଅଭିମନ୍ୟୁ ସାମନ୍ତସିଂହାର ମାର୍ଗକୁ ପୁନଃନାମକରଣ କରି ମଦର ଟେରେସାଙ୍କ ନାମରେ କରିବାକୁ ପ୍ରସ୍ତାବ ଦେଲେ। ସେହି ୨ ତାରିଖରେ ବିଭାଗୀୟ ଅତିରିକ୍ତ ଶାସନ ସଚିବ, ଶାସନ ସଚିବ, ଅତିରିକ୍ତ ମଖ୍ୟ ଶାସନ ସଚିବ ତଥା ଉନ୍ନୟନ କମିଶନର ଓ ଖୋଦ‌୍‍ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଫାଇଲରେ ଦସ୍ତଖତ କରିଛନ୍ତି।


News Story - Posted on 2017-03-31

କ’ଣ ଭୁଲ କହିଲେ ବୈଜୟନ୍ତ?



ସାଂସଦ ବୈଜୟନ୍ତ ପଣ୍ଡା ଓ ନରେନ୍ଦ୍ର ସ୍ବାଇଁ ଯାହା କହିଛନ୍ତି ତାହା ଯେ ଏ ଦୁହିଁଙ୍କ ଆଗରୁ କେହି କହି ନଥିଲେ ତାହା ନୁହେଁ। ଏ ଦୁହେଁ ଯାହା କହିଛନ୍ତି ସମାନ ଶବ୍ଦରେ ନହେଲେ ବି ଠିକ ସେଇ ସମାନ କଥା ବହୁବାର କହିଛନ୍ତି ଦଳର ବରିଷ୍ଠ ଉପସଭାପତି ତଥା ମନ୍ତ୍ରୀ ଡାକ୍ତର ଦାମୋଦର ରାଉତ। ବିଷ୍ଣୁଙ୍କୁ କିଏ ଜିଲ୍ଲା ସଭାପତି କଲା ମୁଁ ଜାଣିନି, ଅମୁକ ଲୋକ କେମିତି ଟିକେଟ ପାଇଲେ ମୁଁ ଜାଣିନି, ଦଳ ବିଷୟରେ ମତେ କେହି କିଛି ପଚାରନ୍ତିନି, ସରକାରରେ ଅଫିସରରାଜ ଚାଲିଛି, ମୋ କଥା କେହି ଶୁଣୁ ନାହାନ୍ତି, ଜନସେବା ପାଇଁ ବିଜୁବାବୁ କୋଟିପତିରୁ କୋଠି ବିକିବା ସ୍ତରକୁ ଖସିଥିଲେ କିନ୍ତୁ ଆଜିର ବିଜେଡି ନେତାମାନେ କୋଠିହୀନରୁ କୋଟିପତି ହୋଇଗଲେଣି, ବ୍ୟାପକ ଦୁର୍ନୀତି ଓ ପ୍ରିୟାପ୍ରୀତି ତୋଷଣ ଯୋଗୁଁ ସରକାରୀ କାର୍ଯ୍ୟକ୍ରମ ଲୋକଙ୍କ ନିକଟରେ ପହଂଚୁନାହିଁ, ଅନୁଭବର ଶାସନ ନଚାଲି ଅନୁମାନର ଶାସନ ଚାଲିଛି- ଏମିତି ଅନେକ କଥା ସେ କହିଛନ୍ତି ଯାହା ଗଲା ୧୭ ବର୍ଷ ଭିତରେ ଗଣମାଧ୍ୟମ ଓ ରାଜନୀତି କ୍ଷେତ୍ରରେ ଚର୍ଚ୍ଚାର ବିଷୟ ହୋଇଛି। ତାହା ଯଦି ଡାକ୍ତର ରାଉତଙ୍କର ଦଳୀୟ ଶୃଙ୍ଖଳା ଭଙ୍ଗ ନଥିଲା ବୈଜୟନ୍ତଙ୍କର ଟୁଇଟ୍‌ ଓ ଲେଖା କିପରି ସେଇଆ ହେବ?


News Story - Posted on 2017-03-30

ବିଜେଡି- ସ୍ଥିତି ସମ୍ଭାଳିବାର ବେଳ



ଓଡିଶା ରାଜନୀତି ଏକ ନାଟକୀୟ ମୋଡ ପରିବର୍ତ୍ତନ କରୁଥିବା ସମୟରେ ପ୍ୟାରୀମୋହନ ମହାପାତ୍ରଙ୍କ ବିୟୋଗ ହୋଇଛି। ନବେ ଦଶକ ପରେ ଉଭୟ ପ୍ରଶାସନିକ ଓ ରାଜନୈତିକ କ୍ଷେତ୍ରରେ ତାଙ୍କର ପ୍ରଭାବ ଦେଖିବାକୁ ମିଳିଥିଲା। ୨୦୦୨ରୁ ୨୦୧୨ ମସିହା ପର୍ଯ୍ୟନ୍ତ ସେ ଥିଲେ କ୍ଷମତା ଇନ୍ଦ୍ରପ୍ରସ୍ଥର ଏକ ସ୍ଥାୟୀ ସିଂହାସନ। ୨୦୦୦ ମସିହାରେ ବିଜୁ ପଟ୍ଟନାୟକଙ୍କ ପ୍ରମୁଖ ସହଯୋଗୀ କୁହାଯାଉଥିବା ବିଜୟ ମହାପାତ୍ରଙ୍କ ଟିକେଟ‌୍‍ କାଟିବା, ଦିଲ୍ଲୀପଙ୍କୁ ଦଳରୁ ଦୂରେଇ ରଖିବା ଥିଲା ତାଙ୍କର ପ୍ରାଥମିକ ରାଜନୈତିକ ଚାଲ‌୍‍। ପଡୋଶୀ ଆନ୍ଧ୍ରରେ କଂଗ୍ରେସର ଉତ‌୍‍ଥାନ ସାଙ୍ଗକୁ ସର୍ବଭାରତୀୟ ସ୍ତରରେ କଂଗ୍ରେସ ସରକାର ଗଠନ କରିବା ନେଇ ଆଗୁଆ ବାସ୍ନା ବାରିଦେବା ହିଁ ତାଙ୍କ ରାଜନୈତିକ ପରିପକ୍ୱତାକୁ ସୂଚାଇଥାଏ। ପ୍ରଥମ ଦଫାରେ ମାତ୍ର ୪ ବର୍ଷରେ ବିଧାନସଭା ଭାଙ୍ଗି ନିର୍ବାଚନକୁ ଯିବା ନିଷ୍ପତ୍ତି ହିଁ ବିଜେଡିର ଲମ୍ୱା ଶାସନର ମୂଳଦୁଆ ପକାଇଥିଲା। ୨୦୦୮ ମସିହା କନ୍ଧମାଳ ଦଙ୍ଗା ପରେ ମେଣ୍ଟ ଭାଙ୍ଗିବା ନିଷ୍ପତ୍ତି ବି ଥିଲା ତାଙ୍କର। ୨୦୦୯ରେ ୨୮ ନୂଆ ମୁହଁକୁ ସ୍ଥାନ ଦେବା ଥିଲା ମହାପାତ୍ରଙ୍କର ନିଷ୍ପତ୍ତି। ସେହି ସମୟରେ ବିଜୁ ଜନତା ଦ

News Story - Posted on 2017-03-28

ବିଭାଜିତ ହେବ ବିଜେଡି!



ବିଜୁ ଜନତା ଦଳ ଭାଙ୍ଗିଯିବ। ଏହାର ନାଁ ଓ ଚିହ୍ନ ନେଇଯିବ ବିଜେପି। ଦଳର ଜଣେ ସାଂସଦ ଏଥିରେ ସହଯୋଗ କରିବେ। ଦଳୀୟ ସାଂସଦ ତଥା ଲୋକସଭାରେ ଦଳର ମୁଖ୍ୟ ଛାଟିଆ ତଥାଗତ ସତପଥୀଙ୍କର ଏହି ଟୁଇଟ‌୍‍ ଏବେ ରାଜ୍ୟ ରାଜନୀତିରେ ନିଆଁ ଲଗାଇ ଦେଇଛି। ଚର୍ଚ୍ଚା ଆରମ୍ଭ ହୋଇଯାଇଛି, ସତରେ କ’ଣ ବିଜେପି ଏପରି ଉଦ୍ୟମ କରୁଛି? ସତରେ କ’ଣ ନବୀନ ପଟ୍ଟନାୟକଙ୍କ ହାତମୁଠା ଏତେ ଦୁର୍ବଳ ଯେ ସାଂସଦ ଓ ବିଧାୟକମାନେ ଦଳ ଛାଡ଼ି ପଳାଇବେ? ଦଳର ଅଫିସିଆଲ ମତ ହେଲା, ନା, ଏଭଳି ହେବାର ସମ୍ଭାବନା ନାହିଁ।


News Story - Posted on 2017-03-28

ପଡ଼ୋଶୀ ନେତା ଅଧିକ ଦକ୍ଷ!



ଛତିଶଗଡ଼ରୁ ଓଡ଼ିଶା ଦେଇ ପ୍ରବାହିତ ହେଉଥିବା ମହାନଦୀର ଉପର ମୁଣ୍ଡରେ ଛତିଶଗଡ଼ ସରକାର ୮ଟି ବୃହତ‌୍‍ ଜଳସେଚନ ପ୍ରକଳ୍ପ ଓ ୨୯ଟି ମଧ୍ୟମ ଜଳସେଚନ ପ୍ରକଳ୍ପ ତଥା ବ୍ୟାରେଜ‌୍‍ ନିର୍ମାଣ କରିଛନ୍ତି। ଏହାବ୍ୟତୀତ ଆଉ ୪ଟି ବୃହତ‌୍‍ ଜଳସେଚନ ପ୍ରକଳ୍ପ ଲାଗି ବ୍ୟାରେଜ‌୍‍ ନିର୍ମାଣାଧୀନ ଅବସ୍ଥାରେ ରହିଛି। ଏହାଛଡ଼ା ୩୫ଟି ଶିଳ୍ପ ସଂସ୍ଥାକୁ ଜଳଯୋଗାଣ ନିମନ୍ତେ ଛତିଶଗଡ଼ ସରକାର ହୀରାକୁଦର ଉପର ମୁଣ୍ଡରେ ମହାନଦୀରେ ମଧ୍ୟ ଆଉ ୬ଟି ବ୍ୟାରେଜ‌୍‍ ନିର୍ମାଣ କରିଛନ୍ତି। ବିଜେପି ବିଧାୟକ ଦିଲିପ ରାୟଙ୍କ ଏକ ପ୍ରଶ୍ନର ଉତ୍ତରରେ ଏହି ତଥ୍ୟ ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ।


News Story - Posted on 2017-03-28

ବାମବାଦ- ପନ୍ଥୀ ବିଫଳ, ପନ୍ଥା ନୁହେଁ!



ଆଜି ଦେଶରେ ଏପରି ଏକ ସ୍ଥିତି ଉତ୍ପନ୍ନ ହୋଇଛି, ଯେଉଁ ସମୟରେ ଦେଶରେ ଭୋକିଲା, ବେକାରି ଓ ଭିକାରିଙ୍କ ସଂଖ୍ୟା ବୃଦ୍ଧି ପାଇଛି। କର୍ପୋରେଟ‍୍‌ ଜଗତର ଶୋଷଣ ସୀମାଚିତ ହେବାରେ ଲାଗିଛି। ଦେଶର ନିର୍ବାଚିତ ସରକାର କର୍ପୋରେଟ ତୋଷଣ ସହ ନିଜକୁ ଯୋଡିଛନ୍ତି। ସେହି ସମୟରେ ବାମଦଳର ସାଂଗଠନିକ ଓ ଆନ୍ଦୋଳନର ଶକ୍ତି ହ୍ରାସ ପାଇବା ଶୋଷିତ ଓ ନିର୍ଯାତିତ ମଣିଷଙ୍କ ପାଇଁ ପ୍ରତିକୂଳ ବାର୍ତ୍ତା ଦେଇଛି। ରାଷ୍ଟ୍ର, ରାଷ୍ଟ୍ରବାଦ, ଆମ୍ୱେଦକରବାଦ‍୍‌, ଦଳିତବାଦ, ହିନ୍ଦୁତ୍ୱବାଦ ଓ ସଂଖ୍ୟାଲଘୁ ତୁଷ୍ଟିକରଣକୁ ନେଇ ଜନମତ ବିଭାଜିତ। ଉତ୍ତର ପ୍ରଦେଶ ନିର୍ବାଚନ ଫଳାଫଳ ବାମଦଳ ପାଇଁ ସମୀକ୍ଷା ପ୍ରସଙ୍ଗ ହୋଇଛି। ଯେଉଁ ସମୟରେ ଜାତିବାଦୀ ସମୀକରଣ ଓ ମୁସଲମାନ ଭୋଟବ୍ୟାଙ୍କର ସୁଦୃଢ଼ିକରଣକୁ ବିଜେପି ନିଷ୍କ୍ରିୟ କରିପାରିଛି।


News Story - Posted on 2017-03-25

ବିଜେଡି ସର୍କାରରେ ବିଜୁଙ୍କୁ ଧୋକ୍କା!



ବିଜୁ ପଟ୍ଟନାୟକଙ୍କ ନାମରେ ଦୁଇ ବର୍ଷ ତଳେ ରାଜ୍ୟ ସରକାର ଆରମ୍ଭ କରିଥିବା ବିଜୁ ଆତ୍ମ-ନିଯୁକ୍ତି ଯୋଜନା ଏ ପର୍ଯ୍ୟନ୍ତ କାର୍ଯ୍ୟକାରୀ ହୋଇନାହିଁ। ବିଜେପି ବିଧାୟକ ଦିଲିପ ରାୟଙ୍କ ଏକ ପ୍ରଶ୍ନର ଉତ୍ତରରେ ମାନ୍ୟବର ଅଣୁ, କ୍ଷୁଦ୍ର ଓ ମଧ୍ୟମ ଉଦ୍ୟୋଗ ମନ୍ତ୍ରୀ ଯୋଗେନ୍ଦ୍ର ବେହେରା ବିଧାନସଭାରେ ଦେଇଥିବା ଉତ୍ତରରୁ ଏହା ଜଣାପଡ଼ିଛି।


News Story - Posted on 2017-03-25

ଲୋକଙ୍କ ପ୍ରତି ଏତେ ଦରଦ!



ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରାୟ ୯ ବର୍ଷ ଧରି ଲୋକଙ୍କ ଆପତ୍ତି ଅଭିଯୋଗ ଶୁଣିବା ପାଇଁ ସଚିବାଳୟ ନିକଟରେ ଥିବା ମୁଖ୍ୟମନ୍ତ୍ରୀଙ୍କ ଅଭିଯୋଗ ପ୍ରକୋଷ୍ଠକୁ ଆସିନାହାନ୍ତି। ଶେଷଥର ଲାଗି ମୁଖ୍ୟମନ୍ତ୍ରୀ ଏହି ଅଭିଯୋଗ ପ୍ରକୋଷ୍ଠକୁ ଆସିଥିଲେ ୨୦୦୮ ଅଗଷ୍ଟ ୧୬ ତାରିଖରେ। ବିଜେପି ବିଧାୟକ ଦିଲିପ ରାୟଙ୍କ ଏକ ପ୍ରଶ୍ନର ଉତ୍ତରରେ ସାଧାରଣ ଅଭିଯୋଗ ଓ ପେନ‌୍‍ସନ‌୍‍ ପ୍ରଶାସନ ମନ୍ତ୍ରୀ ଯୋଗେନ୍ଦ୍ର ବେହେରା ଦେଇଥିବା ତଥ୍ୟରୁ ଏହା ଜଣାପଡ଼ିଛି।


News Story - Posted on 2017-03-24

ଟଙ୍କା ଖାଇ ଗୋଡ଼ାଏ!



‘ଟଙ୍କା ମୁହଁ କରିଦିଏ ବଙ୍କା’ - ଏ ଆପ୍ତବାକ୍ୟଟି କେବଳ ଓଡ଼ିଶାରେ କି ଭାରତରେ ନୁହେଁ - ସମଗ୍ର ବିଶ୍ୱରେ ପ୍ରଚଳିତ। ବିଭିନ୍ନ ଦେଶରେ ଅର୍ଥର ବିଭିନ୍ନ ରୂପ ଅଛି। ଆଉ ମଧ୍ୟ କୁହାଯାଏ, ଅର୍ଥରୁ ଅନର୍ଥ। ଏବେ ଟଙ୍କା ଛଡ଼ା ମୁଣ୍ଡରେ ଆଉ କିଛି ନାହିଁ, ମୁଣ୍ଡରେ ଟଙ୍କା ଚିନ୍ତା ରହିଲେ ବୁଦ୍ଧି ଆସିବ ନାହିଁ। ମଣିଷ ନିର୍ବୁଦ୍ଧିଆ ହେଲେ ସବୁ ବିପଦରେ ପଡ଼ିବ।


News Story - Posted on 2017-03-23

ବିଜୁଙ୍କ ନାମରେ ୧୧ ଯୋଜନା



ବିଭିନ୍ନ ବିଶିଷ୍ଟ ବ୍ୟକ୍ତି ଓ ମହାପୁରୁଷଙ୍କ ନାମରେ ନାମିତ ୨୭ଟି କେନ୍ଦ୍ରୀୟ ଓ ରାଜ୍ୟ ଯୋଜନା ଓଡ଼ିଶାରେ ଚାଲିଛି। ଏହି ଯୋଜନାଗୁଡ଼ିକ ମଧ୍ୟରୁ ୧୧ଟି ପୂର୍ବତନ ମୁଖ୍ୟମନ୍ତ୍ରୀ ବିଜୁ ପଟ୍ଟନାୟକଙ୍କ ନାମରେ ନାମିତ ହୋଇଥିବା ବେଳେ ଉତ୍କଳ ଗୌରବ ମଧୁସୂଦନ ଦାସଙ୍କ ନାମରେ ଗୋଟିଏ, ଉତ୍କଳମଣି ଗୋପବନ୍ଧୁ ଦାସଙ୍କ ନାମରେ ଗୋଟିଏ ଯୋଜନା ଅଛି। ବିଜେପି ବିଧାୟକ ଦିଲିପ ରାୟଙ୍କ ଏକ ପ୍ରଶ୍ନର ଉତ୍ତରରେ ଯୋଜନା ଓ ସଂଯୋଜନ ମନ୍ତ୍ରୀ ଉଷା ଦେବୀ ବିଧାନସଭାରେ ଦେଇଥିବା ତଥ୍ୟରୁ ଏହା ଜଣାପଡ଼ିଛି।


News Story - Posted on 2017-03-22

ନବୀନ ଡର ଛାଡ଼ିଲାଣି!



ଏଥରବି ନବୀନ ପହଂଚିଥିଲେ ଦିଲ୍ଲୀରେ। କିନ୍ତୁ ବଦଳି ଯାଇଥିଲା ପୂର୍ବର ସେ ଚିତ୍ର। ତାଙ୍କ ଚାରିପାଖ ଥିଲା ଶୂନଶାନ, କୁହୁଡ଼ିଆ, ଧୂଆଁଳିଆ। କ’ଣ ହେଲା କେଜାଣି? ଅଣମୌସୁମୀରେ ବି ପାଗ ବିଗିଡ଼ିଗଲା ବିଲକୁଲ। ବସନ୍ତରେ ବି ଘୋଟିଗଲା ଜାଡ଼ ଶୀତ। ପତ୍ରଝଡ଼ା ଥୁଂଟା ବରଗଛ ପରି ନବୀନ ଏୟାରପୋର୍ଟରୁ ସଂସଦ ଭବନ, ପୁଣି ପାର୍ଲାମେଂଟ ଫାଟକରୁ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀଙ୍କ ପର୍ଯ୍ୟନ୍ତ, ଯିବା ବାଟରେ ନଥିଲେ କେହି ଜଣେ ସହଚର କି ସହଯୋଗୀ। ଲାଗୁଥିଲା ନବୀନ ହୋଇଯାଇଛନ୍ତି ଅସ୍ତଗାମୀ, ଅସ୍ପୃଶ୍ୟ। ଯେଉଁ ରାଜକୁମାରୀଙ୍କ ପାଇଁ ଦିନେ ଲାଗି ଯାଉଥିଲା ସ୍ୱୟଂମ୍ୱର। ଯାହାଙ୍କ ଚାରିପାଖେ ଘେରି ଯାଉଥିଲେ ହଜାର ହଜାର ସୁଢ଼ଳ, ସୁଠାମ ଓ ସୁନ୍ଦର ରାଜକୁମାରମାନେ। ସେଦିନ କିନ୍ତୁ ତାଙ୍କୁ ତାଙ୍କ ଦଳୀୟ ସହଯୋଗୀ ସାଂସଦମାନେ ବିଚାରିଥିଲେ-ନା ଇଏ ରାଜକୁମାରୀ ଆମ ପାଇଁ ଆଉ ଶୁଭ ନୁହେଁ, ନବୀନ ଉଆଁସୀକନ୍ୟା। ଧେତ‌୍‍...ଅଲୋଡ଼ାର ଆଉ ସ୍ୱାଦ କି ?


News Story - Posted on 2017-03-21

କିଛି ନଜାଣି ଶାସନକର୍ତ୍ତା!



ରାଜ୍ୟର ମୁଖ୍ୟମନ୍ତ୍ରୀ କେଉଁସବୁ କମିଟି, କମିଶନ‌୍‍, ବୋର୍ଡ, କର୍ତ୍ତୃପକ୍ଷ, ମିଶନ‌୍‍, ପରିଷଦ ଆଦିର ସଦସ୍ୟ ଓ ଅଧ୍ୟକ୍ଷ ରହିଛନ୍ତି ସେ ସଂକ୍ରାନ୍ତରେ ଓଡ଼ିଶା ସରକାରଙ୍କ ନିକଟରେ ତଥ୍ୟ ନାହିଁ। ଏ ପ୍ରସଙ୍ଗରେ ବିଜେପି ବିଧାୟକ ଦିଲିପ ରାୟ ବିଧାନସଭାରେ ସିଧାସଳଖ ମୁଖ୍ୟମନ୍ତ୍ରୀଙ୍କୁ ପ୍ରଶ୍ନ କରିଥିବା ବେଳେ ତାହାର ଉତ୍ତର ଦେବା ପାଇଁ ଯୋଜନା ଓ ସଂଯୋଜନ ବିଭାଗକୁ ଦାୟିତ୍ୱ ଦିଆଯାଇଥିଲା। ବିଭାଗୀୟ ମନ୍ତ୍ରୀ ଉଷା ଦେବୀ ଏହାର ଉତ୍ତରରେ କହିଛନ୍ତି ‘ତଥ୍ୟ ସଂଗ୍ରହ କରାଯାଉଅଛି’।


News Story - Posted on 2017-03-20

କାହିଁକି ପସନ୍ଦ ନିଃସଙ୍ଗ ନେତା?



ଅବିବାହିତ ବା ଚିର କୁମାର ରହିବା ଅନେକ ନେତାଙ୍କ ପାଇଁ ଏକ ରାଜନୀତିକ କୌଶଳରେ ପରିଣତ ହୋଇଛି। ସେମାନ କଥାଛଳରେ ସଫଳତାର ସହିତ ପ୍ରଚାର କରିପାରିଛନ୍ତି ଯେ ଯେଉଁମାନ ଅବିବାହିତ ବା ସ୍ତ୍ରୀ-ଛଡ଼ା ସେମାନେ ଦୁର୍ନୀତିଗ୍ରସ୍ତ ନୁହନ୍ତି। ଓଡ଼ିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବାହାସାହା ହୋଇନାହାନ୍ତି ବୋଲି ସଂଖ୍ୟାଧିକ ଓଡ଼ିଆ ତାଙ୍କୁ ଦୁର୍ନୀତିମୁକ୍ତ ସାର୍ଟିଫିକେଟ ଦିଅନ୍ତି। ଏ ପ୍ରଶ୍ନ ପଡ଼ିଲେ ଲୋକ ଓଲଟି ପଚାରନ୍ତି, ତାଙ୍କର କୋଉ ସ୍ତ୍ରୀମାଇପ ଅଛନ୍ତି ଯେ ସେ ଖାଇବେ?


News Story - Posted on 2017-03-18

ଏସବୁ କ’ଣ ଧଳା ଟଙ୍କା?



ଉତ୍ତର ପ୍ରଦେଶ ବିଧାନସଭା ନିର୍ବାଚନରେ ଦଳଗୁଡ଼ିକ ଖର୍ଚ୍ଚ କରିଛନ୍ତି ପ୍ରାୟ ୫୫୦୦ କୋଟି ଟଙ୍କା। ଏଥିରୁ ପ୍ରାୟ ୧୦୦୦ କୋଟି ଟଙ୍କା ସିଧାସଳଖ ‘ଭୋଟ‌୍‍ ପାଇଁ ନୋଟ’ ଭାବରେ ବଣ୍ଟା ଯାଇଛି। ମୋଟ ଖର୍ଚ୍ଚ ମଧ୍ୟରେ ମଦ ଓ ମାଂସ ଭୋଜି ମଧ୍ୟ ଅନ୍ତର୍ଭୁକ୍ତ। ଏକ ସର୍ବେକ୍ଷଣରୁ ଏହି ହିସାବ ବାହାରିଛି। ସର୍ବେକ୍ଷଣରେ ଭାଗ ନେଇଥିବା ଅନ୍ୟୁନ ଏକତୃତୀୟାଂଶ ଭୋଟର ଭୋଟ ପୂର୍ବରୁ ନଗଦ ଟଙ୍କା ନହେଲେ ମଦ ପାଇଥିବା ସ୍ୱୀକାର କରିଛନ୍ତି। ତେବେ ମୋଦିଙ୍କ ବିମୁଦ୍ରାକରଣ ପରେ ଦଳଗୁଡ଼ିକ ଏତେ ଟଙ୍କା ଖର୍ଚ୍ଚ କରିବାକୁ ପାଇଲେ କେଉଁଠୁ? ଏସବୁ କ’ଣ ଧଳାଟଙ୍କା? ଏ ଟଙ୍କା କ’ଣ ପରାଜିତ ଦଳଗୁଡ଼ିକ ଖର୍ଚ୍ଚ କରିଛନ୍ତି? ବିଜୟୀ ଦଳ କ’ଣ କିଛି ଖର୍ଚ୍ଚ କରିନାହିଁ? ମୋଦି ଲହର ପଛରେ ଏ ଟଙ୍କାର ଭୂମିକା କ’ଣ? ଏହି ସେର୍ଭେ ରିପୋର୍ଟ ଭିତ୍ତିରେ ଲୋକମାନେ ଏସବୁ ପ୍ରଶ୍ନର ଉତ୍ତର ଖୋଜିବା ଉଚିତ।


News Story - Posted on 2017-03-17

ଇଭିଏମ- ଜାଲିଆତି ଅଭିଯୋଗର ଇତିବୃତ୍ତ



ଭୋଟ କାଗଜ ଦ୍ୱାରା ଭୋଟ‌୍‍ ଗ୍ରହଣ କ୍ଷେତ୍ରରେ କେତେକ ସମସ୍ୟା ରହିଥିବାରୁ ଡିସେମ୍ୱର ୧୯୭୭ରେ ଇଲେକ‌୍‍ଟ୍ରୋନିକ୍ସ ଭୋଟିଂ ମେସିନ‌୍‍(ଇଭିଏମ‌୍‍) ପ୍ରଚଳନ କରିବା ଲାଗି ନିର୍ବାଚନ କମିଶନ ନିଷ୍ପତି ନେଇଥିଲେ। ଏ ସମ୍ପର୍କରେ ୧୯୮୮ ଡିସେମ୍ୱରରେ ସଂସଦରେ ଏକ ବିଧେୟକ ଆଗତ ହୋଇଥିଲା। ଜନପ୍ରତିନିଧି ଆଇନ ୧୯୫୧ରେ ଏକ ଅତିରିକ୍ତ ଧାରା ସଂଯୋଗ କରାଯାଇଥିଲା, ଯାହା ଇଭିଏମ‌୍‍ ବ୍ୟବହାର ଲାଗି ଭାରତୀୟ ନିର୍ବାଚନ କମିଶନ‌୍‍ଙ୍କୁ କ୍ଷମତା ପ୍ରଦାନ କରିଥିଲା। ଏହି ଆଇନ ବଳରେ ୧୫ ମାର୍ଚ୍ଚ, ୧୯୮୯ ଠାରୁ ନିର୍ବାଚନ ସମୟରେ ଇଭିଏମ‌୍‍ ବ୍ୟବହାର ଆଇନ କାର୍ଯ୍ୟକାରୀ ହେଲା। ଏହାପରେ ଜାନୁଆରୀ ୧୯୯୦ରେ ଭାରତ ସରକାର ଏକ ନିର୍ବାଚନ ସଂସ୍କାର କମିଟି ଗଠନ କରିଥିଲେ। ଏହି କମିଟି ଏକ ବିଶେଷଜ୍ଞ କମିଟି ଗଠନ କରିଥିଲା। ବିଶେଷଜ୍ଞ କମିଟି ଆବଶ୍ୟକ ତର୍ଜମା କରିବା ପରେ ଇଭିଏମ‌୍‍ ଦ୍ୱାରା ଭୋଟ‌୍‍ ଗ୍ରହଣ ସମ୍ପୂର୍ଣ୍ଣ ସୁରକ୍ଷିତ ବୋଲି ରିପୋର୍ଟ ଦେଇଥିଲେ। ଏହାପରେ ଏପ୍ରିଲ‌୍‍ ୧୯୯୦ରୁ ଇଭିଏମ‌୍‍ ଦ୍ୱାରା ଭୋଟ‌୍‍ ଗ୍ରହଣ ବ୍ୟବସ୍ଥା କାର୍ଯ୍ୟକାରୀ କରାଯାଇଥିଲା।


News Story - Posted on 2017-03-16

ସମାଜବାଦର ଅଗ୍ରଦୂତ



ଡ. ଲୋହିଆଙ୍କ ଅକାଳ ବିୟୋଗ ଏବଂ ସୋସାଲିଷ୍ଟ ପାର୍ଟିରେ ବିଭାଜନ ଦ୍ୱାରା ସମାଜବାଦୀ ଆନ୍ଦୋଳନ ଓ ରାଜନୀତି ବାଧାପ୍ରାପ୍ତ ହେଲା। ୧୯୭୪ରେ ଦେଶରେ ଭ୍ରଷ୍ଟାଚାର ବିରୋଧରେ ଯୁବ ଛାତ୍ର ଆନ୍ଦୋଳନ ଲୋକନାୟକ ଜୟପ୍ରକାଶ ନାରାୟଣଙ୍କ ନେତୃତ୍ୱରେ ବ୍ୟାପକ ହେଲା। ଓଡ଼ିଶାରେ ମୋ ପରି ଛାତ୍ର ନେତାମାନେ ପରିବର୍ତ୍ତନକାମୀ ଆନ୍ଦୋଳନର ଦିଗ‌୍‍ଦର୍ଶକ ରୂପେ ଋଷି ପ୍ରତିମ ବିପ୍ଳବୀ ନବକୃଷ୍ଣ ଚୌଧୁରୀ ଓ ରବି ରାୟଙ୍କୁ ଗ୍ରହଣ କରିଥିଲୁ ଯେହେତୁ ନବବାବୁଙ୍କ ପ୍ରଚଣ୍ଡ ନୈତିକତା ଓ ସମାଜବାଦ ପ୍ରତି ପ୍ରତିବଦ୍ଧତା ଓ ତାଙ୍କର ପଥ ଅନୁସରଣରେ ଥିବା ସଂପୂର୍ଣ୍ଣ କ୍ରାନ୍ତିର ପ୍ରବକ୍ତା ରବି ରାୟଙ୍କ ଜୟପ୍ରକାଶଙ୍କ ସମ୍ପୂର୍ଣ୍ଣ କ୍ରାନ୍ତି ପ୍ରତି ଆସ୍ଥା ଥିଲା। ଜରୁରୀ ପରିସ୍ଥିତି ଜାରି ହେଲା ଦେଶରେ ୧୯୭୫ ଜୁନ‌୍‍ ୨୫ରେ। ମୋ ପରି ହଜାର ହଜାର ଯୁବ ଛାତ୍ରଙ୍କ ସମେତ ଜୟପ୍ରକାଶ, ରବି ରାୟ, ବିଜୁ ପଟ୍ଟନାୟକଙ୍କ ପରି ଶହ ଶହ ନେତାମାନେ ଜେଲ‌୍‍ରେ ରହିଲେ।


News Story - Posted on 2017-03-13

ଜିତିଲ, ଏବେ କହିବା କଥା କର!



ପ୍ରଥମେ ସ୍ବଚ୍ଛ ଶାସନ ମାନେ କ’ଣ ତାହା ବୁଝିବାକୁ ପଡିବ। ସ୍ବଚ୍ଛର ଅର୍ଥ ହେଲା ସମସ୍ତେ ସବୁ କଥା ଦେଖିପାରୁଥିବେ, ଶୁଣି ପାରୁଥିବେ, ଅନୁଭବ କରିପାରୁଥିବେ। ଶାସନ ଭିତରେ ଥିବା ଲୋକଟି ଯାହା ଦେଖିପାରୁଥିବେ, ଶୁଣି ପାରୁଥିବେ, ଅନୁଭବ କରିପାରୁଥିବେ ବାହାରେ ଥିବା ଲୋକଟି ମଧ୍ୟ ଏକ ପ୍ରକାର ଅନୁଭୂତି ପାଉଥିବେ। ଉତ୍ତରଦାୟୀର ଅର୍ଥ ହେଲା ଯାହା ସବୁ କାର୍ଯ୍ୟକ୍ରମ ହାତକୁ ନିଆଯାଉଛି ସେଥିପାଇଁ ଦାୟୀ ରହିବା।


News Story - Posted on 2017-03-10

ବିଦାୟ ସଂକେତ ପାଇଲେଣି!



ରାଜ୍ୟରେ ସଦ୍ୟ ସମାପ୍ତ ହୋଇଥିବା ତ୍ରିସ୍ତରୀୟ ନିର୍ବାଚନର ପରିଣାମ ପ୍ରକାଶ ପାଇବା ପରେ ବୋଧହୁଏ ମୁଖ୍ୟମନ୍ତ୍ରୀ ତଥା ବିଜୁ ଜନତା ଦଳର ସୁପ୍ରିମୋ ନବୀନ ପଟ୍ଟନାୟକଙ୍କ ମନରେ ଟିକେ ଛନକା ପଶି ଯାଇଛି! ସେ ବୋଧହୁଏ ଆଶଙ୍କା କରୁଛନ୍ତି ଏହା ଯଦି ଓଡ଼ିଶାର ଗ୍ରାମାଞ୍ଚଳ ଜନମତର ବାସ୍ତବ ପ୍ରତିଫଳନ ହୋଇଥାଏ ତେବେ ହୁଏତ ୨୦୧୯ ବିଧାନସଭା ନିର୍ବାଚନ ତାଙ୍କ ପାଇଁ ପରାଜୟରେ ପରିଣତ ହୋଇପାରେ। ଏଇ ଆଭାସ ବୋଧହୁଏ ସେ ପାଇଛନ୍ତି। ନହେଲେ କାହିଁକି କେହି କିଛି ନପଚାରିଲେ ବି ସେ ନିର୍ବାଚନ ପରିଣାମ ପ୍ରକାଶ ପରେ ଦେଇଥିବା ପ୍ରତିକ୍ରିୟାରେ କହିଲେ ଯେ ୨୦୧୯ ନିର୍ବାଚନରେ ବି ଆମେ ପୁଣି ଥରେ ଜିତି ସରକାର ଗଢ଼ିବୁ? ପଂଚାୟତ ନିର୍ବାଚନ ସହିତ ବିଧାନସଭା ନିର୍ବାଚନର କିଛି ସଂପର୍କ ନାହିଁ। ପୁଣି ବିଧାନସଭା ନିର୍ବାଚନ ଆହୁରି ୨ ବର୍ଷ ବାକି। ସେତେବେଳେ ସେ ଏଭଳି ଆଶାବାଦୀ ଦୃଢ଼ୋକ୍ତି ପ୍ରକାଶ କରିବା ପଛରେ ତାଙ୍କର କି ପ୍ରକାର ମାନସିକତା ଲୁଚି ରହିଛି?


News Story - Posted on 2017-03-08

ସରକାରୀ ସନ୍ତ୍ରାସ ନୁହେଁ କି?



ଏହି ଖଣ୍ଡପୀଠ ନାଗାଲାଣ୍ଡ ଓ ମିଜୋରାମ‍୍‌ରେ ଯେଭଳି ସରକାର ଆତଙ୍କବାଦୀଙ୍କ ସହ ରାଜନୈତିକ ଆଲୋଚନା କରୁଛନ୍ତି, ସେହିଭଳି ଭିନ୍ନ ରାଜନୈତିକ ମତ ରଖୁଥିବା ମାଓବାଦୀଙ୍କ ସହ ସରକାର ଆଲୋଚନା କରିବା ପାଇଁ ନିର୍ଦ୍ଦେଶ ଦେଇଥିଲେ। ସରକାରୀ ଓକିଲ ଖଣ୍ଡପୀଠଙ୍କ ନିର୍ଦ୍ଦେଶକୁ ଉଚ୍ଚ ସ୍ତରରେ ପହଞ୍ଚାଇବାକୁ ପ୍ରତିଶ୍ରୁତି ଦେଇଥିଲେ। ପୁଲିସ‍୍‌ ଓ ଅର୍ଦ୍ଧସାମରିକ ବାହିନୀକୁ କିପରି ଜାତି ଓ ଧର୍ମ ଆଧାରରେ ବ୍ୟବହାର କରି ନିରୀହ ଲୋକଙ୍କୁ ମାଓବାଦୀ ଓ ଆତଙ୍କବାଦୀ ନାମରେ ହତ୍ୟା କରାଯାଉଛି, ବସ୍ତରର ଏହି ଘଟଣା ତାହା ସୂଚାଇ ଦିଏ। ପଚରାଉଚୁରା ଓ ଅନୁସନ୍ଧାନ ନାମରେ ନିରୀହ ଲୋକଙ୍କୁ ନିର୍ଯାତନା ଦେବା ପୁଲିସର ପ୍ରମୁଖ କାମ ହୋଇଛି। ହାଜତରେ ବିଚାରାଧୀନ ବନ୍ଦୀମାନଙ୍କ ସଂଖ୍ୟା ବୃଦ୍ଧି ପାଉଛି। ଏହାସହ ଯୋଡ଼ି ହୋଇଯାଇଛି ମିଛ ମାମଲା ଓ ମିଛ ଏନ‍୍‌କାଉଣ୍ଟର ଭଳି ଘଟଣା।


News Story - Posted on 2017-03-07

ନିର୍ବାଚନ ଧର୍ମଯୁଦ୍ଧ ନୁହେଁ !



ଜର୍ମାନୀର ହିଟ‌୍‍ଲର ଆର୍ଯ୍ୟଜାତି ଶ୍ରେଷ୍ଠ ଜାତି, ସମାଜବାଦର ଧ୍ୱନିଦେଇ ପୁଞ୍ଜିବାଦ ସାମ୍ରାଜ୍ୟବାଦର ଶେଷ ଅସ୍ତ୍ର ଫାସିବାଦ ଆଣିଥିଲେ। ଇତିହାସ ତାଙ୍କୁ କ୍ଷମାଦେଲାନି - ସେ ଆତ୍ମହତ୍ୟା କଲେ। ଆଜି ଫାସିବାଦ ଏକ ନୂଆ ରୂପ, ନୂଆ ଢାଞ୍ଚା, ନୂଆ କୌଶଳରେ ପ୍ରବେଶ କରିସାରିଛି। ଧର୍ମ ଜାତି ସଂପ୍ରଦାୟ ନାଁରେ ଶାନ୍ତି-ପ୍ରଗତି-ବିକାଶ ନାଁରେ ସାଂପ୍ରଦାୟିକ ଫାସିବାଦର ବିଷାକ୍ତ ବିଷମଞ୍ଜି ବୁଣାଯାଇ ଛୋଟଛୋଟ ଗଛ ଉଠିଲାଣି। ଧର୍ମ ନାଁରେ ଦଙ୍ଗା-ଯୁଦ୍ଧ-ଅଧର୍ମ ବଢି ଚାଲିଛି, ଦେଶ ତମାମ‌୍‍ ଜାଲିଆତିର ଜାଲ ବିଛାଯାଇଛି। ଜନଗଣ ଜଳକା ହୋଇ ଅନେଇଛନ୍ତି। କ୍ଷମତା ଓ ଅର୍ଥ ନେତାମାନଙ୍କୁ ପାଗଳ କରିଦେଇଛି। ଶେଷକୁ ଇଶ୍ୱର-ଆଲ୍ଲା-ଯୀଶୁ-ବୁଦ୍ଧକୁ ମଧ୍ୟ ବ୍ୟବହାର କରି ସାରିଲେଣି। ଛଦ୍ମବେଶୀର ମୁଖା ସବୁଠୁ ଭୟଙ୍କର।


News Story - Posted on 2017-03-06

ନେତାଙ୍କୁ ଚିହ୍ନିପାରିଲେନି!



ଏ ବିରୋଧୀ ଦଳିଆ ଓ ଆଉ ପଞ୍ଝାଏ ପଙ୍ଗପାଳ ସାମ୍ୱାଦିକ ଏବେ ଫମ୍ପା ଚିତ୍କାର କରି ଚାଲିଛନ୍ତି ଯେ ଆମ ନେତାଙ୍କର ଲୋକପ୍ରିୟତା କମିଗଲାଣି। ଏମାନଙ୍କର ତ ଆଉ କିଛି କାମ ନାହିଁ, ସେଥିପାଇଁ ଏମାନେ ସଜ ମାଛରେ ପୋକ ପକେଇ ଚାଲିଛନ୍ତି! ଏ ରାଜ୍ୟରେ ଯେଉଁ ବିକାଶର ଜୟଯାତ୍ରା ଚାଲିଛି, ସେଇଟା କାହା ଯୋଗୁଁ? ବିକାଶ କ୍ଷେତ୍ରରେ ଆମ ନେତାଙ୍କ ସରକାର ମାଇଲଖୁ‍ଂଟ ପରେ ମାଇଲଖୁଂଟ ପୋତି ମାଡି ଚାଲିଛନ୍ତି। ଲୋକମାନେ କ’ଣ ସେ କଥା ଦେଖିପାରୁନାହାନ୍ତି! ଲୋକଙ୍କର ଜନ୍ମଠାରୁ ମଶାଣିକୁ ଯିବା ପର୍ଯ୍ୟନ୍ତ ଖାଲି ଯୋଜନା ପରେ ଯୋଜନା ସେ କରି ଚାଲିଛନ୍ତି। ସେ ଯୋଜନାର ସିଡିରେ ଯେ ଥରେ ଚଢିଲା ସେ ଆରାମରେ ଯାଇ ଶ୍ମଶାନରେ ପହଂଚିଯିବ ସିନା, ଆଉ ସେଥିରୁ ଓହ୍ଲାଇ ପାରିବ ନାହିଁ! ତଥାପି ଏ ହତଭାଗା ଜାତି ଆମ ନେତାଙ୍କୁ ଚିହ୍ନିପାରିଲା ନାହିଁ!


News Story - Posted on 2017-03-04

କହିବାକୁ ସୁସ୍ଥ, ଦେଖିବାକୁ ନୁହେଁ!



କିନ୍ତୁ ସେ ଯେ ଅସୁସ୍ଥ ଏକଥା ଗଲା ପ୍ରାୟ ତିନି ବର୍ଷ ଧରି ତାଙ୍କ ଦଳ ଓ ସରକାର ଭିତରେ ଆଲୋଚିତ ହୋଇଚାଲିଛି। ପ୍ରାୟ ତିନି ବର୍ଷ ତଳେ ଏ ବିଷୟରେ ପ୍ରଥମେ ଏକ ଛୋଟ ଖବର ପ୍ରକାଶ ପାଇଥିଲା ନବୀନଙ୍କ ବିଜୁ ଜନତା ଦଳର ବରିଷ୍ଠ ନେତା ତଥା ତାଙ୍କ ମନ୍ତ୍ରିମଣ୍ଡଳର ଜଣେ ବରିଷ୍ଠ ସଦସ୍ୟ ଡାକ୍ତର ଦାମୋଦର ରାଉତଙ୍କ ପ୍ରତିଷ୍ଠିତ ସଂଚାର ଖବରକାଗଜରେ। ଏହା ପରେ ସେ ସିରୋହସିସ ଅଫ ଲିଭର ରୋଗରେ ପୀଡ଼ିତ ବୋଲି ବିଭିନ୍ନ ମହଲରେ ଚର୍ଚ୍ଚା ହୋଇଥିଲା।


News Story - Posted on 2017-03-03

ମହିଳା ସଂରକ୍ଷଣ ଆଇନ କେବେ?



୧୯୩୧-୩୨ରେ ଲର୍ଡ ଲିଥିୟନ‍୍‌ କମିଟି ମହିଳାଙ୍କୁ ମତାଧିକାର ଦେବା ପାଇଁ ଦୁଇଟି ସର୍ତ୍ତ ନିର୍ଦ୍ଧାରଣ କରିଥିଲେ। ଏହା ଭେଦଭାବ ସମ୍ୱଳିତ ଥିଲା। ଏହି ଦୁଇଟି ସର୍ତ୍ତ ମଧ୍ୟରେ ଥିଲା ପଢିଲେଖିଥିବାର ଯୋଗ୍ୟତା ଏବଂ ଅନ୍ୟଟି ହେଲା ମହିଳା ଜଣକ କାହାର ପତ୍ନୀ ହୋଇଥିବା ଆବଶ୍ୟକ। ବିଧବା କିମ୍ୱା ଅବିବାହିତ ମହିଳାଙ୍କୁ ମତାଧିକାର ସାବ୍ୟସ୍ତ କରିବାରୁ ବଞ୍ଚିତ କରାଯାଇଥିଲା। ମତାଧିକାର ପାଇଁ ମହିଳାମାନଙ୍କର ଦୀର୍ଘଦିନର ସଂଘର୍ଷ ପରେ ମହିଳାଙ୍କ ପାଇଁ ରାଜନୈତିକ ପ୍ରତିନିଧିତ୍ୱ ହାସଲ ପାଇଁ ଦ୍ୱିତୀୟ ସଂଘର୍ଷର ଫର୍ଦ୍ଦ ଆରମ୍ଭ ହୋଇଥିଲା। ୧୯୫୨ ଠାରୁ ସମାନୁପାତିକ ପ୍ରତିନିଧିତ୍ୱ ଦାବି ନେଇ ମହିଳାମାନଙ୍କ ପକ୍ଷରୁ ଦାବି ହେଉଥିଲେ ହେଁ ପୁରୁଷ କୈନ୍ଦ୍ରିକ ତଥା ଋଢିବାଦୀ ସମାଜ ବ୍ୟବସ୍ଥା ମହିଳାଙ୍କୁ ରାଜନୈତିକ କ୍ଷେତ୍ରରେ ସମାନ ପ୍ରତିନିଧିତ୍ୱର ସୁଯୋଗ ଦେଉନାହିଁ। ଏକ ଉନ୍ନତ ରାଷ୍ଟ୍ର ନିର୍ମାଣ ପାଇଁ ସମାନ ପ୍ରତିନିଧିତ୍ୱର ଆବଶ୍ୟକତା ଓ ଗୁରୁତ୍ୱ ରହିଥିଲେ ହେଁ ଦେଶର ପ୍ରମୁଖ ରାଜନୈତିକ ଦଳ ନିଜ ନିର୍ବାଚନୀ ଇସ୍ତାହାରରେ ଓ ନିର୍ବାଚନ ସଭାରେ ମହିଳାଙ୍କୁ ସମାନ ଅଧିକାର ଦେବାର କଥା କହୁଥିଲେ ହେଁ ବାସ୍&#


News Story - Posted on 2017-03-02

ଶାସନ ବୁଝିଲେ ଦେଶ ବଢ଼ିବ



ଗଣତନ୍ତ୍ର ଶାସନରେ ଯେତେବେଳେ ଶାସନ ବ୍ୟବସ୍ଥାରେ ଶାସକଙ୍କର ଦୂରଦୃଷ୍ଟି ନ ଥାଏ, ସେମାନେ ପ୍ରଜାମାନଙ୍କ ଭିତରେ କଳି ଓ ଝଗଡା ଲଗାଇଥା’ନ୍ତି। କାରଣ ସପକ୍ଷରେ ଥିବା ପ୍ରଜାମାନେ ନିଜ ଶାସକଙ୍କ ଅପମାନ ସହ୍ୟ କରିପାରନ୍ତି ନାହିଁ। ବିପକ୍ଷ ପ୍ରଜା ତ ସବୁବେଳେ ଶାସନ ବ୍ୟବସ୍ଥା ସୁଦୃଢ ହେଉ ଏବଂ ପରବର୍ତ୍ତୀ ସମୟରେ କ୍ଷମତା ମିଳିବ ବୋଲି ଚାପ ସୃଷ୍ଟି କରିବେ। ସବୁଠାରୁ ବଡ କଥା ହେଲା ଯେ ଏହି ପ୍ରକ୍ରିୟାରେ ସପକ୍ଷ ଏବଂ ବିପକ୍ଷ ବୁଝିପାରନ୍ତି ନାହିଁ ଯେ ଏ ଲଢେଇରେ କେବଳ ସେମାନେ ହିଁ ବ୍ୟବହୃତ ହେଉଛନ୍ତି। ସୁବିଧାରେ ଥିବା ଗୋଷ୍ଠୀ ଆନ୍ଦୋଳନକୁ ଆସିବେ ନାହିଁ। କାରଣ ଆନ୍ଦୋଳନରେ ଜୀବନ ଚାଲିଯିବାର ଭୟ ରହିଛି।


News Story - Posted on 2017-03-01

ଜନ ଆକ୍ରୋଶର ପରିଣାମ



ସଦ୍ୟ ସମାପ୍ତ ପଞ୍ଚାୟତ ନିର୍ବାଚନର ଫଳାଫଳ ସମସ୍ତଙ୍କୁ ଚକିତ କରିଛି। ରାଜନୈତିକ ନେତା ଏବଂ ରାଜନୀତି ସମୀକ୍ଷକମାନେ ଏହି ଅବିଶ୍ୱସନୀୟ ଫଳାଫଳର କାରଣ ଖୋଜିବାରେ ବ୍ୟସ୍ତ। କିନ୍ତୁ ଗୋଟିଏ ବର୍ଗ ଆଶ୍ଚର୍ଯ୍ୟ ହେଉ ନାହାନ୍ତି। ସାଧାରଣ ଭୋଟର ବର୍ଗ ତାଙ୍କର ବହୁ ଦିନର ପୁଞ୍ଜିଭୂତ ଆବେଗକୁ ମତଦାନ ମାଧ୍ୟମରେ ସାବ୍ୟସ୍ତ କରି ବେଶ‌୍‍ ଆଶ୍ୱସ୍ତ  ଅଛନ୍ତି।


News Story - Posted on 2017-02-28

ହଳାହଳ ବିଷ!



ଆଜି ଦେଶରେ ଜାତି, ଧର୍ମକୁ ନେଇ ଭେଦଭାବର ନାରକୀୟ ଚିତ୍ର ଦେଖିବାକୁ ମିଳୁଛି। ସ୍ୱାଧୀନତାର ୭୦ ବର୍ଷ ପରେ ଧର୍ମାନ୍ଧତା, ଜାତିଆଣବାଦ ଏବଂ ଅନ୍ଧବିଶ୍ୱାସର ବଳୟରୁ ଦେଶର ସାଧାରଣ ନାଗରିକ ମୁକ୍ତ ହୋଇପାରୁନାହାନ୍ତି। ଧର୍ମ ଓ ଜାତି ନାଁରେ ଚାଲିଛି ଶୋଷଣ ଓ ନିର୍ଯାତନା। ପ୍ରାୟୋଜିତ କୋଳାହଳହରେ ହଜିଯାଉଛି  ସାଧାରଣ ନାଗରିକର ମୌଳିକ ଅଧିକାର। ସାଧାରଣ ନାଗରିକ ସମ୍ୱିଧାନ ପ୍ରଦତ୍ତ ଗଣତାନ୍ତ୍ରିକ ଅଧିକାର ପାଇବାରୁ ବଞ୍ଚିତ ହେଉଛନ୍ତି। ସରକାରରେ ଥିବା ରାଜନୈତିକ ଦଳ ନିଜର ସଂକୀର୍ଣ୍ଣ ରାଜନୈତିକ ସ୍ୱାର୍ଥ ହାସଲ ପାଇଁ ଧର୍ମ, ଜାତି, ଗୋଷ୍ଠୀ ଆଧାରରେ ସମାଜକୁ ବିଭକ୍ତ ଓ ବିଭ୍ରାନ୍ତ କରୁଛନ୍ତି। ବିଦ୍ୱେଷ ଓ ଭେଦଭାବର ବିଷମଞ୍ଜି ବୁଣି ଲୋକଙ୍କ ମଧ୍ୟରେ ସଶକ୍ତ ଭାବେ ଥିବା ମଣିଷପଣିଆକୁ ଦୁର୍ବଳ କରି ଚାଲିଛନ୍ତି।


News Story - Posted on 2017-02-28

ମୁଖ୍ୟମନ୍ତ୍ରୀ କ’ଣ ଅଜ୍ଞ?



ଓଡ଼ିଶା ପୁଲିସରେ କେତେ ପଦବୀ ଖାଲିଅଛି, ରାଜ୍ୟରେ କେତେ ଲୋକ ଆତ୍ମହତ୍ୟା କରୁଛନ୍ତି ଓ ରାଜ୍ୟ ଗସ୍ତରେ କେଉଁ କେନ୍ଦ୍ରମନ୍ତ୍ରୀ ଆସୁଛନ୍ତି ତାହାର ତଥ୍ୟ ସରକାରଙ୍କ ନିକଟରେ ନାହିଁ। ଏ ପ୍ରସଙ୍ଗରେ ବିଜେପି ବିଧାୟକ ଦିଲିପ ରାୟ ବିଧାନସଭାରେ ପଚାରିଥିବା ତିନୋଟି ପୃଥକ‌୍‍ ପୃଥକ‌୍‍ ପ୍ରଶ୍ନର ସମାନ ଉତ୍ତର ଦେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି, ତଥ୍ୟ ସଂଗ୍ରହ କରାଯାଉଅଛି।


News Story - Posted on 2017-02-28

ଚେତ, ଶିଖ, ବଦଳ!



ଆନୁଷ୍ଠାନିକ ଭାବେ ପ୍ରକାଶ ପାଇଛି ରାଜ୍ୟ ତ୍ରିସ୍ତରୀୟ ନିର୍ବାଚନ ଫଳାଫଳ। ତୃଣମୂଳ ସ୍ତରୀୟ ଗଣତନ୍ତ୍ରର ଏହି ଫଳ ଶାସକ ବିଜୁ ଜନତା ଦଳ ପାଇଁ ସତର୍କ ଘଣ୍ଟି ହୋଇଥିବାବେଳେ ପ୍ରମୁଖ ବିରୋଧୀ ଦଳ କଂଗ୍ରେସ ପାଇଁ ଚେତାବନୀ ଶୁଣାଇଛି। ଏଯାଏଁ ମଝିରେ ବିଜେଡିର ହାତ ଧରି କେଇଟା ନିର୍ବାଚନରେ ସଫଳତା ହାସଲ କରିଥିଲେ ମଧ୍ୟ ରାଜ୍ୟ ରାଜନୀତିରେ ପ୍ରାୟତଃ ତିନି ନମ୍ୱର ସ୍ଥାନରେ ଥିିବା ଭାରତୀୟ ଜନତା ପାର୍ଟି ଏବେ ଦୁଇ ନମ୍ୱର ପର୍ଯ୍ୟାୟକୁ ଉନ୍ନୀତ ହୋଇ ଉଭୟ କଂଗ୍ରେସ ଓ ବିଜେଡିର ଶକ୍ତ ପ୍ରତିଦ୍ୱନ୍ଦ୍ୱୀ ଭାବେ ଉଭା ହୋଇଛି।


News Story - Posted on 2017-02-26

ପାଣ୍ଡିଆନଙ୍କ ପରାଜୟ!



ଦଳର ଏହି ଅଧୋଗତି ବିଜେଡି ନେତାମାନଙ୍କୁ ଯେତିକି ବାଧି ନାହିଁ ତା’ଠାରୁ ଆଶଙ୍କା ବଢ଼ାଇଛି ବିଜେପିର ଆଶାତୀତ ସଫଳତା। ମିତ୍ରରୁ ଶତ୍ରୁ ପାଲଟିଥିବା ବିଜେପି ୨୦୧୨ ପଂଚାୟତ ନିର୍ବାଚନରେ ମାତ୍ର ୩୬ଟି ଜିଲ୍ଲା ପରିଷଦ ଆସନ ପାଇଥିଲା। ଏଥର ଏହାର ଆସନ ସଂଖ୍ୟା ୨୯୩କୁ ବୃଦ୍ଧି ପାଇଛି। କଂଗ୍ରେସକୁ ତୃତୀୟ ସ୍ଥାନକୁ ଠେଲି ବିଜେପି ଏବେ ରାଜ୍ୟର ଦୁଇ ନମ୍ବର ଦଳରେ ପରିଣତ ହୋଇଛି। କେନ୍ଦ୍ରରେ ଏବେ  ନରେନ୍ଦ୍ର ମୋଦିଙ୍କ ବିଜେପି ନେତୃତ୍ବାଧୀନ ଏନଡିଏ ସରକାର। ରାଜ୍ୟରେ ବିଜେପି ଶକ୍ତିଶାଳୀ ହେଲେ ବିଜେଡି ପରି ଆଂଚଳିକ ଦଳ ପାଇ ବିପଦ ବଢ଼ିବା ଆଶଙ୍କା ଅଧିକ। ଖଣି ଦୁର୍ନୀତି, ଚିଟ୍‌ ଫଣ୍ଡ ଦୁର୍ନୀତି, ଡାଲି ଦୁର୍ନୀତି, ଜଙ୍ଗଲ ଦୁର୍ନୀତି, ଶିଳ୍ପ ପ୍ରଦୂଷଣ, ନକ୍ସଲବାଦୀଙ୍କ ସହିତ ଭିତିରି ସଂପର୍କ ଆଦି ଅନେକ ପ୍ରସଙ୍ଗରେ କେନ୍ଦ୍ର ଚାହିଁଲେ ନବୀନ ପଟ୍ଟନାୟକଙ୍କ ସମେତ ତାଙ୍କର ଅନେକ ଅନୁଗତ ନେତା ଓ ବାବୁ କଠାଗଡ଼ାର ଠିଆ ହେବାର ଆଶଙ୍କା ରହିଛି। ସେଥିପାଇଁ ଏମାନେ ଏବେ ଛାନିଆ। ସେଇଥିପାଇଁ ଲୋକଙ୍କର ଅଧିକ ନିକଟତର ହେବାକୁ ଓ ସେମାନଙ୍କ ସହିତ ନରମ ବ୍ୟବହାର କରିବାକୁ ସେ ବିଧାୟକମାନଙ୍କୁ ପରାମର୍ଶ ଦେଇଛନ୍ତି। ଉଦ୍ଦେଶ୍ୟ କେ&


News Story - Posted on 2017-02-23

ଆନ୍ଦୋଳନ ଚାଲୁ ରଖ!



ଉଦାହରଣ ସ୍ୱରୂପ- ଓଡ଼ିଶାରେ ସମାଜ, ପ୍ରଜାତନ୍ତ୍ର, ମାତୃଭୂମି, ଆଶା ପ୍ରମୁଖ ସଂବାଦପତ୍ରଗୁଡ଼ିକର ସଂଧ୍ୟାରେ ଗୋଟିଏ ସଂସ୍କରଣ ପ୍ରକାଶ ପାଇବା ଦ୍ୱାରା ସାରା ଓଡ଼ିଶାର ଲୋକମାନେ ସକାଳୁ ରାଜ୍ୟର ବିଭିନ୍ନ କୋଣଅନୁକୋଣର ସଂବାଦ ପାଇପାରୁଥିଲେ। ଏବେ ପାଖାପାଖି ୪୧ଟି ଦୈନିକ, ୪୦ଟି ସାପ୍ତାହିକ, ପାକ୍ଷିକ ଓ ଅସଂଖ୍ୟ ମାସିକ, ତ୍ରୟୋମାସିକ, ବାର୍ଷିକ ସଂବାଦପତ୍ର ପତ୍ରିକା ଏବଂ ଇଂରାଜି, ହିନ୍ଦି ସଂବାଦପତ୍ର ସଂଖ୍ୟା ମଧ୍ୟ କମ ନୁହେଁ। ଜାତୀୟ ସଂବାଦପତ୍ରର କିଛି ସଂସ୍କରଣ ମଧ୍ୟ ଓଡ଼ିଶାରୁ ପ୍ରକାଶପାଉଛି। ବହୁ ଟିଭିଚାନେଲ ରାତିଦିନ ୨୪ ଘଣ୍ଟା ଚାଲିଛି। ଲୋକେ କ’ଣ ଦେଖିବେ କ’ଣ ପଢ଼ିବେ- ବଡ଼ ଦ୍ୱନ୍ଦ୍ୱରେ ପଡ଼ିଯାଇଛନ୍ତି।


News Story - Posted on 2017-02-23

ମହାନଦୀ- ଓଡ଼ିଶାର ଅସ୍ବଚ୍ଛ ରଣନୀତି



ଏହାପରେ ବିରୋଧୀ ଦଳର ନେତା ଏକ ସର୍ବଦଳୀୟ ବୈଠକ ଡାକି ମହାନଦୀର ଉପର ମୁଣ୍ଡରେ ନିର୍ମାଣାଧୀନ ସମସ୍ତ ପ୍ରକଳ୍ପ ବନ୍ଦ ରଖିବାକୁ ଛତିଶଗଡ଼ ସରକାରଙ୍କୁ ନିର୍ଦ୍ଦେଶ ଦେବାକୁ ରାଷ୍ଟ୍ରପତିଙ୍କୁ ସ୍ମାରକପତ୍ର ପ୍ରଦାନ କରିଥିଲେ। ଏହାପରେ ଉକ୍ତ ସମସ୍ୟାର ସମାଧାନ ପାଇଁ କେନ୍ଦ୍ର ଜଳସମ୍ପଦ ମନ୍ତ୍ରୀ ୧୭.୯.୨୦୧୬ରେ ଛତିଶଗଡ଼ ଏବଂ ଓଡ଼ିଶା ରାଜ୍ୟର ପ୍ରତିନିଧିମାନଙ୍କର ଏକ ବୈଠକ ଡ଼ାକିଥିଲେ। ଉକ୍ତ ବୈଠକରେ ମହାନଦୀ ଜଳ ବିବାଦ ସମ୍ପର୍କରେ ବିସ୍ତୃତ ଆଲୋଚନା ହେଲା ପରେ ସର୍ବସମ୍ମତି କ୍ରମେ କେତେଗୁଡ଼ିଏ ନିଷ୍ପତ୍ତି ନିଆଯାଇଥିଲା ଯଥା : ଜଳ ସମ୍ପଦ ମନ୍ତ୍ରଣାଳୟର ସ୍ୱତନ୍ତ୍ର କାର୍ଯ୍ୟନିର୍ବାହୀ ଅଧିକାରୀ ଡକ୍ଟର ଅମରଜିତ‌୍‍ ସିଂଙ୍କ ସଭାପତିତ୍ୱରେ ଏକ ସ୍ୱତନ୍ତ୍ର କମିଟି ଗଠନ କରାଯିବ। ଉକ୍ତ କମିଟି ଓଡ଼ିଶା ଏବଂ ଛତିଶଗଡ଼ରେ ବୈଷୟିକ କମିଟିର ଅନୁମୋଦନ କ୍ରମେ ସରିଥିବା ବା ନିର୍ମାଣଧୀନ ଥିବା ଜଳ ସମ୍ପଦ ପ୍ରକଳ୍ପ ଗୁଡ଼ିକର ତାଲିକା ପ୍ରସ୍ତୁତ କରିବ। ଉକ୍ତ କମିଟି ସାତଦିନ ମଧ୍ୟରେ ରିପୋର୍ଟ ପ୍ରଦାନ କରିବେ। ମହାନଦୀ ଅବବାହିକାରେ କେତେ ଜଳ ରହୁଛି, ଏହାର ଅଧ୍ୟୟନ ରୁର‌୍‍କିସ୍ଥିତ ନ୍ୟାସନାଲ  ଇନ‌୍‍ଷ୍ଟିଚ୍ୟୁଟ‌୍‍ ଅଫ ହା&#


News Story - Posted on 2017-02-22

ସମୀକ୍ଷା କରିବାର ବେଳ



2017 ଫେବୃଆରିରେ ହୋଇଥିବା ପଂଚାୟତ ନିର୍ବାଚନରେ ଭାଜପାକୁ ବିପୁଳ ସଫଳତା ମିଳିଛି। ଓଡ଼ିଶାକୁ ଏକ ବିକଳ୍ପ ଦଳର ଆବଶ୍ୟକତା ଥିଲା। ତାହା ହିଁ ଭାରତୀୟ ଜନତା ପାର୍ଟି (ଭାଜପା) ବୋଲି ଓଡ଼ିଶାର ବିପୁଳ ସଂଖ୍ୟକ ଭୋଟର ବିବେଚନା କରିଛନ୍ତି। ଏ କଥା ବେଶ୍ ସ୍ପଷ୍ଟ ଯେ ଯେଉଁ ଭୋଟ୍‌ଗୁଡ଼ିକ କଂଗ୍ରେସକୁ ଯାଉଥିଲା, ତାହା ସବୁ ଏଥର ଭାଜପା ଝୁଲିରେ ପଡ଼ିଛି। କଂଗ୍ରେସକୁ ଭୋଟ୍ ଦେବାଟା ଗୋଟାପଣେ ବୃଥା ବୋଲି ଭୋଟରମାନେ ସ୍ଥିର ନିଶ୍ଚିତ ହୋଇଯାଇଛନ୍ତି। କାରଣ କଂଗ୍ରେସରେ ନେତା ନାହାନ୍ତି କି ନୀତି ନାହିଁ। କିନ୍ତୁ ଭାଜପାରେ ସେଇ ଅଭାବ ପୂରଣ କରିଛନ୍ତି କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ରାଜ୍ୟ ଭାଜପାର କୌଣସି ପଦପଦବୀରେ ନଥାଇ ବି ସେ ଦଳର ଭାବୀ ମୁଖ୍ୟମନ୍ତ୍ରୀ ପ୍ରାର୍ଥୀ ବୋଲି ଜନମାନସରେ ପ୍ରତିଭାତ ହେଲେଣି।


News Story - Posted on 2017-02-21

ଅସହିଷ୍ଣୁଙ୍କ ଅହଂକାର!



ଏହି ଦଳର କର୍ମୀ ପାକିସ୍ଥାନୀ ଗୁପ୍ତଚୋର ସଂସ୍ଥାକୁ ଗୁପ୍ତ ତଥ୍ୟ ଦେଉଥିବା ବେଳେ ଧରାପଡ଼ିବା ଘଟଣା ଏମାନଙ୍କର ମୁଖା ଖୋଲି ଦେଇଛି। ମଧ୍ୟ ପ୍ରଦେଶ ପୋଲିସ ପାକିସ୍ତାନ ପାଇଁ କାମ କରୁଥିବା 11 ଜଣଙ୍କୁ ଗିରଫ କରିବା ଆଉ ଏଥିରେ ଧ୍ରୁବ ସାକ୍ସେନା ନାମକ ଜଣେ ବିଜେପି କାର୍ଯ୍ୟକର୍ତ୍ତା ଧରାପଡିବା ପରେ ଏବେ ପୂରା ଚୁପ ହୋଇଯାଇଛନ୍ତି ଅନ୍ଧ ଭକ୍ତ ତଥା ଆତ୍ମଘୋଷିତ ରାଷ୍ଟ୍ରବାଦୀ। ଦୁଇ ତିନି ବର୍ଷ ଧରି ସରକାରଙ୍କ କାର୍ଯ୍ୟକଳାପକୁ ପ୍ରଶ୍ନ କଲେ ସଙ୍ଗେ ସଙ୍ଗେ ଦେଶଦ୍ରୋହୀର ପ୍ରମାଣପତ୍ର ବାଣ୍ଟୁଥିଲେ ଏହି ଆଇଏସଆଇ ମାର୍କା ଦଳର ନେତା ଓ ସ୍ତାବକମାନେ। କିନ୍ତୁ ଯେତେବେଳେ ନିଜ ଦଳର କାର୍ଯ୍ୟକର୍ତ୍ତା ଦେଶଦ୍ରୋହୀ କାର୍ଯ୍ୟରେ ଲିପ୍ତ ଥିବା ଧରାପଡ଼ିଲା ଆରଏସ୍ଏସ୍ ମୁଖିଆ ଭାଗବତଙ୍କର ବୁଦ୍ଧି ଉଦୟ ହେଲା ଓ ସେ କହିଲେ ଯେ କେହି କାହାର ଦେଶପ୍ରେମ ଆଉ ରାଷ୍ଟ୍ରବାଦକୁ ନେଇ ପ୍ରମାଣପତ୍ର ବାଣ୍ଟିପାରିବ ନାହିଁ। ଆଜି ନିଜ ପରିବାରର ସଦସ୍ୟ ଧରାପଡିଗଲେ ବୋଲି ପୂରା ୟୁ ଟର୍ଣ୍ଣ।


News Story - Posted on 2017-02-16

ମଣିମା, ହେଜିବେ କି?



ଶିକ୍ଷକମାନଙ୍କୁ କା’ ସରକାର ବାରମ୍ବାର ପ୍ରତାରିତ କରିଛି? ପଟ୍ଟନାୟକ ସରକାର ନା ପାଣ୍ଡିଆନ ସରକାର? ସେମାନେ ଗଲା ଦଶନ୍ଧିଏ ଧରି ପାଠପଢ଼ା ଛାଡ଼ି ଆନ୍ଦୋଳନରେ ମାତିଛନ୍ତି। ସରକାର ଆଜି ଦେବେ କାଲି ଦେବେ କହି ଭଣ୍ଡଉଛନ୍ତି। ଯାହା ଦେଉଛନ୍ତି ନ୍ୟାୟୋଚିତ ହେଉ ନାହିଁ। ଯଦି ଶିକ୍ଷକମାନେ ଭୁଲ, ଯଦି ସେମାନେ ଶିକ୍ଷା ସହାୟକ ହେବାକୁ ଆସି ଶିକ୍ଷକ ଦରମା ଦାବି କରୁଛନ୍ତି ତେବେ ତାଙ୍କୁ ନକାଢ଼ି ରଖିଛି କିଏ? ପଟ୍ଟନାୟକ ସରକାର ନା ପାଣ୍ଡିଆନ ସରକାର? କିଏ ଏମାନଙ୍କ ଭିତରୁ କହିପାରିବେ ଓଡ଼ିଶାରେ କେତେ ପ୍ରକାର ଶିକ୍ଷକ ଓ ଅଧ୍ୟାପକ ଅଛନ୍ତି? ବ୍ଲକ ଗ୍ରାଣ୍ଟ, ନନ-ବ୍ଲକଗ୍ରାଣ୍ଟ, ୩୯୯, ୪୭୦...ଧେତ୍‌ ମୁଣ୍ଡରେ ପଶୁନି!


News Story - Posted on 2017-02-16

ପ୍ରକୃତରେ ହାରୁଛି କିଏ?



ଅଜୟ ଭାଇକୁ କ୍ରିକେଟ୍ ବିଷୟରେ କିଛି ଜଣାନାହିଁ ମ! ଖେଳ ସରିଲା ପରେ ସମସ୍ତେ ଯେତେବେଳେ ଖେଳ ବିଷୟରେ ଆଲୋଚନା କରନ୍ତି ସେତେବେଳେ ସେ କିନ୍ତୁ ଚୁପ୍ ରହେନା! ଯଦି ଇଣ୍ଡିଆ ଜିତି ଯାଇଥିବ, ତେବେ ତା’ର ସେଇ ଏକା ଟିପ୍ପଣୀ। ସବୁବେଳେ ଆସେ - କି ମାଡ଼ କିରେ ! କାରଣ ତାକୁ ଜଣାଥାଏ, ଇଣ୍ଡିଆ ଜିତିଛି ମାନେ ଇଣ୍ଡିଆ ତରଫରୁ କେହି ଜଣେ ନିଶ୍ଚୟ ବାଡ଼େଇଥିବ!


News Story - Posted on 2017-02-13

୬୦ ଲକ୍ଷ ଚଳୁ କରି ସରପଂଚ!



୨୦୦୭ ମସିହାରେ କଟକ ଜିଲ୍ଲା ବଡମ୍ବା ବ୍ଲକ୍‌ ଅନ୍ତର୍ଗତ ବଡ କମ୍ବିଲୋ ପଂଚାୟତର ସରପଂଚ ହୋଇଥିଲେ ରୀନାରାଣୀ ପୁହାଣ, ସ୍ବାମୀ ରତ୍ନାକର ପୁହାଣ। ୨୦୧୨ ମସିହାର ରୀନାଙ୍କ ସ୍ବାମୀ ରତ୍ନାକର ପୁହାଣ ବଡ କମ୍ବିଲୋ ପଂଚାୟତର ସରପଂଚ ହେଲେ। ୨୦୧୭ ମସିହା ନିର୍ବାଚନରେ ପୁଣି ଥରେ ରୀନାରାଣୀ ପୁହାଣ ଏହି ପଂଚାୟତର ସରପଂଚ ପଦ ପାଇଁ ପ୍ରତିଦ୍ବନ୍ଦ୍ବିତା କରୁଛନ୍ତି।


News Story - Posted on 2017-02-11

ସ୍ବଚ୍ଛ ପ୍ରାର୍ଥୀଙ୍କୁ ବାଛ!



ଏହାକୁ କଳୁଷିତ ନ କରି ନିର୍ବାଚନକୁ ନିରପେକ୍ଷ ରଖିବା ପାଇଁ ଅାମ ସରକାର ଅାଦର୍ଶ ଅାଚରଣ ବିଧି ଲାଗୁ କରିଛନ୍ତି। ସେଥିପାଇଁ ଅାମର ଅାଇନ ଅଛି। ଲାଂଚ ନେଇ ଭୋଟ ଦେବା ଦଣ୍ଡନୀୟ ଅପରାଧ। ଅଜିର ଦୁନିଅାରେ ଯେତେବେଳେ ନିଜର ସମ୍ପର୍କୀୟମାନେ ଅର୍ଥ ଏବଂ ସ୍ବାର୍ଥ ପାଇଁ ନିଜ ଲୋକଙ୍କଠାରୁ ଦୂରେଇ ଯାଅାନ୍ତି, ସେତେବେଳେ କ୍ଷମତା ଲୋଭୀ ନେତା ବୋଲାଉ ଥିବା ବ୍ୟକ୍ତିମାନେ ମଦ ଏବଂ ଟଙ୍କାରେ ଭୋଟ କିଣି ଥାନ୍ତି। ଦେଶରୁ କଳାଧନ ନିବାରଣ କରିବା ପାଇଁ ବିମୁଦ୍ରୀକରଣ ପଦକ୍ଷେପ ନିଅାଯାଇଥିଲା ବେଳେ ଅାମେ ସମସ୍ତେ ବହୁତ ଅସୁବିଧାରେ ସମୁଖୀନ ହୋଇଛେ। ଏହା ପରେ ଯଦି ଅାମେ ଭୋଟ ପାଇଁ ନୋଟ ନେବା ତେବେ ଅାମେ କଳାଧନକୁ ସ୍ବାଗତ କରିବା। କାରଣ ନିର୍ବାଚନରେ ଯେଉଁମାନେ ଅର୍ଥ ଖର୍ଚ୍ଚ କରିଥାନ୍ତି ସେମାନେ କଳା ଓ ଦୁର୍ନୀତି ଟଙ୍କା ଖଟାଇଥାନ୍ତି।


News Story - Posted on 2017-02-11

ବ୍ରହ୍ମପୁରରେ ପାସ୍ପୋର୍ଟ ସେବା କେବେ?



୨ ଜାନୁଆରି ୨୦୧୭ରେ ଆମ୍ଭେ ଭୁବନେଶ୍ବରରେ ଭିସା ଫାସିଲିଟେସନ କେନ୍ଦ୍ର ବିଷୟରେ ଲେଖିଥିଲୁ ଏବଂ ଓଡ଼ିଶାରେ କାହିଁକି ମାତ୍ର ଗୋଟିଏ ପାସ୍ପୋର୍ଟ ସେବାକେନ୍ଦ୍ର ରହିଛି ବୋଲି ପ୍ରଶ୍ନ କରିଥିଲୁ। ତେବେ ସବୁଠୁ ଆଶ୍ଚର୍ଯ୍ୟର କଥା ହେଉଛି, ଓଡ଼ିଶାର ଅନ୍ୟତମ ପ୍ରାଚୀନ ସହର (କଟକ, ପାରଳାଖେମୁଣ୍ଡି, ଜୟପୁର, ବାରିପଦା ଭଳି) ବ୍ରହ୍ମପୁରରେ କାହିଁକି ପାସ୍ପୋର୍ଟ ସେବା କେନ୍ଦ୍ର ଖୋଲିବାକୁ ସରକାର ନିଷ୍ପତ୍ତି ନେଲେ ନାହିଁ ? ସେହି ଅଞ୍ଚଳର ଭୋଟରମାନେ ବିଜୁ ଜନତା ଦଳକୁ ଭୋଟ୍ ଦେଉଥିବାରୁ ବୋଧ ହୁଏ, କେନ୍ଦ୍ର ସରକାରଙ୍କ ଆକ୍ରୋଶର ଶିକାର ହୋଇଛନ୍ତି। ତା’ଛା ଓଡ଼ିଆରେ କଥା ଅଛି, ଛୁଆ ନକାନ୍ଦିଲେ, ମାଆ ଥନରୁ ଖୀର ବି ଖୋଇନଥାଏ। ସମୂହ ସ୍ବାର୍ଥ ପାଇଁ ଦାବି କରିବାର ପ୍ରବୃତ୍ତି ବ୍ରହ୍ମପୁରିଆଙ୍କର ଘୋର ଅଭାବ ରହିଛି। ସଂସ୍କୃତି ସମ୍ପନ୍ନ ଗଂଜାମ ଜିଲ୍ଲା ଆଜି ଦେଶର ଏକ ଅଗ୍ରଣୀ ଜିଲ୍ଲାରେ ପରିଣତ ହୋଇ ନପାରିବାର କାରଣ ଆଉ କ’ଣ ହୋଇପାରେ, ତାହା ଆପଣମାନେ କହିବେ।


News Story - Posted on 2017-02-06

ତଦନ୍ତ ହେବ ବିଜେଡି ଲିଙ୍କ୍‌!



ଗ୍ରୀନ ରେ ଇଣ୍ଟର୍ନେସନାଲ ଚିଟ‌୍‍ ଫଣ୍ଡ ସଂସ୍ଥାର ମୁଖ୍ୟ ମିର ସାହିରୁଦ୍ଦିନଙ୍କୁ ସିବିଆଇ ୬ ଦିନ ନିଜ ହେପାଜତକୁ ନେବା ପରେ ଶାସକ ବିଜୁ ଜନତା ଦଳର କେତେକ ନେତାଙ୍କ ଘରେ ଭାଳେଣି ପଡ଼ିଯାଇଛି। ଜଳେଶ୍ୱର ଓ ବାଲେଶ୍ୱରରେ ତାଙ୍କର ବେଆଇନ କାରବାରକୁ ରାଜନୀତିକ ସୁରକ୍ଷା ଯୋଗାଇଥିବା ନେତାଙ୍କ ନାଁ କାଳେ ସେ ଜେରାବେଳେ କହିଦେବେ ସେଇ ଆଶଙ୍କା ଘାରିଛି ଜିଲ୍ଲାର କେତେକ ବିଜେଡି ନେତାଙ୍କୁ। ଗ୍ରୀନ ରେ କମ୍ପାନୀର ଏକ ଶାଖା କମ୍ପାନୀକୁ ମଧ୍ୟ ଉଦଘାଟନ କରିଥିଲେ ଶାସକ ଦଳର ଜଣେ ପ୍ରଭାବଶାଳୀ ନେତା। ସେ ମଧ୍ୟ ଏବେ ସିବିଆଇ ନଜରରେ।


News Story - Posted on 2017-02-06

ଗାଁ ଭୋଟ୍‌- କିଏ କେତେ ପାଣିରେ?



ତେଣୁ ଏ ପଞ୍ଚାୟତ ନିର୍ବାଚନ କେବଳ ପତିଆରାର ଲଢେଇ ପାଲଟି ଯାଇଛି। ଏକାଧିକ ସ୍ପର୍ଶକାତର ପ୍ରସଙ୍ଗ କେଉଁଠି ନା କେଉଁଠି କୋଣଠେସା ହୋଇଯାଉଛି, ଯାହା ଗଣତନ୍ତ୍ର ପ୍ରତି ଉପହାସ ବୋଲି କହିଛନ୍ତି ରାଜ୍ୟର ପ୍ରାକ୍ତନ ଅର୍ଥମନ୍ତ୍ରୀ ପଞ୍ଚାନନ କାନୁନଗୋ। ତାଙ୍କ ମତ ସହ ସଂପୂର୍ଣ୍ଣ ଏକମତ ହେବା ସହ ମଦ, ମାଂସ ଓ ନାନା ସରକାରୀ ଲଲିପପ‌୍‍ ପ୍ରୟୋଗ କରାଯାଇ ଭୋଟରଙ୍କୁ ପ୍ରଭାବିତ କରାଯାଉଛି ବୋଲି ମୋ ସହର ସଂପର୍କକୁ କହିଛନ୍ତି ବରି  ସାମ୍ୱାଦିକ ରବିଦାସ। ସରକାରୀ କଳର ପ୍ରୟୋଗ କେବଳ ଯେ ରାଜ୍ୟ ଶାସନରେ ଥିବା ବିଜେଡି କରୁଛି ତାହା ନୁହେଁ, କେନ୍ଦ୍ରରେ ସରକାର ଥିବା ବିଜେପି ମଧ୍ୟ କେଉଁଠି ନା କେଉଁଠି ଏହି ଧାରାରେ ସାମିଲ ହୋଇଯାଇଛି।


News Story - Posted on 2017-02-05

ଗ୍ରୀନ ରେ ବି  ବିଜେଡି ସଂଯୋଗ!



ଦୀର୍ଘ ଦୁଇ ବର୍ଷ ସଫଳତାର ସହିତ ଗିରଫଦାରି ଏଡ଼ାଇ ମୁକ୍ତ ଭାବେ ଘୂରି ବୁଲୁଥିିବା ଗ୍ରୀନ ରେ ଇଣ୍ଟର୍ନେସନାଲ ଲିମିଟେଡ ଚିଟ‌୍‍ ଫଣ୍ଡ ସଂସ୍ଥାର ପରିଚାଳନା ନିଦ୍ଦେର୍ଶକ ମିର‌୍‍ ସାହିରୁଦ୍ଦିନ ଶେଷରେ ଧରା ପଡ଼ିଛନ୍ତି। କେନ୍ଦ୍ରୀୟ ତଦନ୍ତ ବ୍ୟୁରୋ ବା ସିବିଆଇର ଅଧିକାରୀମାନେ ତାଙ୍କୁ କୋଲକାତାରୁ ଗିରଫ କରିଛନ୍ତି। ଗ୍ରୀନ ରେ ଇଣ୍ଟର୍ନେସନାଲର ମୁଖ୍ୟ କାର୍ଯ୍ୟାଳୟ ବାଲେଶ୍ୱର ଜିଲ୍ଲା ଜଳେଶ୍ୱରରେ। ଏହି ସଂସ୍ଥା ବେଆଇନ ଚିଟ‌୍‍ ଫଣ୍ଡ କାରବାର ମାଧ୍ୟମରେ ଓଡ଼ିଶା, ଛତିଶଗଡ଼, ଝାଡ଼ଖଣ୍ଡ ଆଦି ରାଜ୍ୟରୁ ସହସ୍ରାଧିକ କୋଟି ଟଙ୍କା ଠକି ନେଇଥିବା ଅଭିଯୋଗ ରହିଛି।


News Story - Posted on 2017-02-03

ଦୁର୍ନୀତି ପାଇଁ ମୋଦିଙ୍କ ଫନ୍ଦି!



ରାଜନୀତିକ ଦଳଗୁଡ଼ିକୁ ମିଳୁଥିବା ବିପୁଳ ପରିମାଣର ଚାନ୍ଦା ସଂପର୍କରେ ଲୋକଙ୍କୁ ନଜଣାଇବା ପାଇଁ ଫନ୍ଦି କରିଛନ୍ତି ମୋଦି ସରକାର। ୨୦୧୭-୧୮ ବଜେଟରେ ୨ ହଜାର ଟଙ୍କାରୁ ଅଧିକ ଚାନ୍ଦା ନଗଦ ଆକାରରେ ଗ୍ରହଣ ନକରିବା ପାଇଁ ବ୍ୟବସ୍ଥା କରାଯାଇଥିଲେ ମଧ୍ୟ ନିର୍ବାଚନୀ ବଣ୍ଡ ମାଧ୍ୟମରେ ଦଳଗୁଡ଼ିକୁ ବିପୁଳ ଚାନ୍ଦା ଗ୍ରହଣ କରିବାକୁ ଅନୁମତି ଦିଆଯାଇଛି। ବଣ୍ଡ ମାଧ୍ୟମରେ ମିଳୁଥିବା ଚାନ୍ଦାର ସୂତ୍ର ଗୁପ୍ତ ରହିବ ବୋଲି ସରକାର ସର୍ତ୍ତ ରଖିଛନ୍ତି।


News Story - Posted on 2017-01-31

ସହନାବବତୁ, ସହନୌ ଭୁନକ୍ତୁ!



ସ୍ୱାଧୀନ ଭାରତରେ ପ୍ରଥମ ଥର ବଜେଟ‌୍‍ ଅଧିବେଶନ ନିର୍ଦ୍ଧାରିତ ସମୟ ପୂର୍ବରୁ ଉପସ୍ଥାପିତ ହେଉଛି ଏବଂ ସାଧାରଣ ବଜେଟ‌୍‍ ସହିତ ରେଳ ବଜେଟର ବିଲୟ ଘଟିଛି। ଭାରତର ସଭ୍ୟତା ସହନାବବତୁ, ସହନୌ ଭୁନକ୍ତୁ ଭଳି ମହାନ ସିଦ୍ଧାନ୍ତ ଦ୍ୱାରା ପ୍ରେରିତ। ସଂସଦର ବଜେଟ ଅଧିବେଶନକୁ ଉଦେବାଧନ ଦେଇ ଏହା କହିଛନ୍ତି ରାଷ୍ଟ୍ରପତି ପ୍ରଣବ ମୁଖାର୍ଜୀ।


News Story - Posted on 2017-01-30

ମୋଦିଙ୍କ ମୁହଁରେ ବିଜେପି କଳା!



ଗତ ନଭେମ୍ୱର ୮, ୨୦୧୬ରେ ପ୍ରଧାନମନ୍ତ୍ରୀ ୫୦୦ ଏବଂ ୧୦୦୦ ଟଙ୍କିଆ ନୋଟ‌୍‍କୁ ଅଚଳ କରାଯିବା ସମ୍ପର୍କରେ ଘୋଷଣା କରିବାର ଠିକ ଦୁଇଦିନ ପରେ ତଥା ନଭେମ୍ୱର ୧୦, ୨୦୧୬ରେ କେତେକ ବିରୋଧୀ ରାଜନୈତିକ ଦଳ ଅଭିଯୋଗ କରିଥିଲେ ଯେ, ପଶ୍ଚିମବଙ୍ଗ ବିଜେପି ରାଜ୍ୟ ସଭାପତି ବ୍ୟାଙ୍କରେ କୋଟି କୋଟି ଟଙ୍କା ଜମା କରିଛନ୍ତି। ପ୍ରଧାନମନ୍ତ୍ରୀଙ୍କ ବିମୁଦ୍ରାକରଣ ନିଷ୍ପତ୍ତି ସେ ଆଗତୁରା ଜାଣିପାରୁଥିବାରୁ ଏତେଗୁଡ଼ିଏ ଟଙ୍କା ବ୍ୟାଙ୍କରେ ଜମା କରିବାରେ ସକ୍ଷମ ହେଲେ। ଏପରି ଅଭିଯୋଗକୁ ଭିତ୍ତିହୀନ ଦର୍ଶାଇ ପଶ୍ଚିମବଙ୍ଗ ରାଜ୍ୟ ସଭାପତି କହିଥିଲେ ଯେ, ଦଳକୁ ଆସିଥିବା ସମସ୍ତ ଅନୁଦାନକୁ ଠିକ ଭାବେ ଗ୍ରହଣ କରାଯାଇ ରସିଦ ଦିଆଯାଇଛି ଏବଂ ବିଜେପି କାର୍ଯ୍ୟାଳୟରେ ଏହା ଅନୁଧ୍ୟାନ ପାଇଁ ଉନ୍ମୁକ୍ତ ରହିଛି।


News Story - Posted on 2017-01-30

ମୁକୁ-ପପୁ ଯୁଦ୍ଧରେ ହାରିବ ଆଇଓସିଏଲ!



ଏବେ କେନ୍ଦ୍ରରେ ପେଟ୍ରୋଲିୟମ ଓ ପ୍ରାକୃତିକ ବାଷ୍ଫ ମନ୍ତ୍ରୀ ଥିିବା ବିଜେପି ନେତା ଧର୍ମେନ୍ଦ୍ର ପ୍ରଧାନ ଓଡ଼ିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କର ବିକଳ୍ପ ହେବାକୁ ଜୋରଦାର ପ୍ରୟାସ ଆରମ୍ଭ କରିଛନ୍ତି। ତେଣୁ ସେ ନବୀନଙ୍କର ବିଭିନ୍ନ ତ୍ରୁଟିକୁ ତୀବ୍ର ସମାଲୋଚନା କରୁଛନ୍ତି। ରାଜ୍ୟରେ ନବୀନଙ୍କ ବିଜୁ ଜନତା ଦଳକୁ ଟକ୍କର ଦେବା ପାଇଁ ସେ ଗତ ଦୁଇ ବର୍ଷ ଧରି ଅତିମାତ୍ରାରେ ସକ୍ରିୟ ଥିବା ଲକ୍ଷ୍ୟ କରାଯାଉଛି। ଏହି ପୃଷ୍ଠଭୂମିରେ ଆଇଓସିଏଲକୁ ଭାଟ‌୍‍ ଛାଡ଼ ନିଷ୍ପତ୍ତି ପ୍ରତ୍ୟାହାର ନୋଟିସ ଏକ ରାଜନୀତିକ ଖେଳ ଭାବେ ବିଚାର କରାଯାଉଛି। ସରକାର ଏହି ନିଷ୍ପତ୍ତି କାର୍ଯ୍ୟକାରୀ କଲେ ଧର୍ମେନ୍ଦ୍ରଙ୍କର କ୍ଷତି ହେଉ କି ନହେଉ ପାରାଦୀପ ତୈଳ ବିଶୋଧନାଗାରର ନିଶ୍ଚୟ କ୍ଷତି ହେବ ବୋଲି କମ୍ପାନୀ କର୍ତ୍ତୃପକ୍ଷ ଆଶଙ୍କା ପ୍ରକାଶ କରୁଛନ୍ତି।


News Story - Posted on 2017-01-28

ପଂଚାୟତରେ କୋଟିପତିଙ୍କ କସରତ!



ସାମ୍ୱିଧାନିକ ପଂଚାୟତିରାଜ ବ୍ୟବସ୍ଥାରେ କ୍ଷମତା, ପାଣ୍ଠି ଓ ଯୋଜନାର ବିକେନ୍ଦ୍ରୀକରଣ ଉପରେ ଗୁରୁତ୍ୱ ଦିଆଯାଇଥିଲେ ହେଁ ଓଡ଼ିଶାରେ ଏଯାଏଁ ଏହା ପୂର୍ଣ୍ଣାଙ୍ଗ ରୂପେ କାର୍ଯ୍ୟକାରୀ ହୋଇନାହିଁ। ବ୍ଲକ ଓ ଜିଲ୍ଲା ପ୍ରଶାସନ ଜରିଆରେ ଅନେକ କାମ ହେଉଛି। ସବୁଥିରେ ପର୍ସେଣ୍ଟ କାରବାର। ସରପଂଚ, କନିଷ୍ଠ ଯନ୍ତ୍ରୀ, ସହାୟକ ଯନ୍ତ୍ରୀ, ହିସାବ ରକ୍ଷକ, ବିଡିଓ, ବ୍ଲକ ଅଧ୍ୟକ୍ଷ, ବିଧାୟକ ସମସ୍ତଙ୍କର ପର୍ସେଣ୍ଟ ହିସାବ ହୁଏ।


News Story - Posted on 2017-01-26

କଳାଟଙ୍କାରେ ଧଳାଶାସନ!



୨୦୧୬ ନଭେମ୍ୱର ୮ ତାରିଖ ସନ୍ଧ୍ୟାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦୁର୍ନୀତି ଓ କଳାଧନ ବିରୋଧରେ ତାଙ୍କର ତଥାକଥିତ ସର୍ଜିକାଲ ଷ୍ଟ୍ରାଇକ‌୍‍ ଘୋଷଣା କରିବା ସମୟରେ ତାଙ୍କର ଭକ୍ତଗଣ କହିଥିଲେ ଏହା ହେଉଛି ଏକ ଐତିହାସିକ ମାଷ୍ଟର ଷ୍ଟ୍ରୋକ‌୍‍! ଲୋକେ ବୁଝିଲେ ମାଷ୍ଟର ଷ୍ଟ୍ରୋକ‌୍‍ ମାନେ ଏହା ନିଶ୍ଚୟ ସଫଳ ହେବ, ଦେଶରୁ ଦୁର୍ନୀତି ହଟିଯିବ, କଳାଧନ ଲୋପ ପାଇବ। କିନ୍ତୁ ଏହାର ଅଢ଼େଇ ମାସ ପରେ କ’ଣ ଦେଖିବାକୁ ମିଳୁଛି? ଦୁର୍ନୀତି ତ ଦୂର ହୋଇନାହିଁ। କଳାଧନ ବି ପୁଳାପୁଳା ଖର୍ଚ୍ଚ ହେଉଛି। ବିଶ୍ୱାସ ହେଉ ନଥିଲେ ସଂପ୍ରତି ୫ ରାଜ୍ୟରେ ଅନୁଷ୍ଠିତ ହେଉଥିବା ବିଧାନସଭା ନିର୍ବାଚନକୁ ଅନୁଧ୍ୟାନ କରନ୍ତୁ।


News Story - Posted on 2017-01-25

ଦଳ-ଦୁର୍ନୀତିର ଉତ୍ସ!



ଏହି ୧୧ ବର୍ଷ ମଧ୍ୟରେ ଦେଶର ଜାତୀୟ ଓ ଆଂଚଳିକ ଦଳଗୁଡ଼ିକ ମୋଟ ୧୧,୩୬୬.୩୪ କୋଟି ଟଙ୍କାର ଚାନ୍ଦା ପାଇଥିବା ଦର୍ଶାଇଛନ୍ତି। ଏହା ମଧ୍ୟରେ ଜଣା ସୂତ୍ରରୁ ୧୮୩୫.୬୩ କୋଟି ଟଙ୍କାର ଚାନ୍ଦା ଆସିଥିବା ଦର୍ଶାଯାଇଛି। ଏହା ସେମାନଙ୍କ ମୋଟ ଆୟର ମାତ୍ର ୧୬ ପ୍ରତିଶତ। ସେହିପରି ଏହି ସମୟ ମଧ୍ୟରେ ସେମାନେ ବ୍ୟାଙ୍କ ସୁଧ, ସଂପତ୍ତି ବିକ୍ରି, ସଭ୍ୟ ଚାନ୍ଦା ଆଦି ଅନ୍ୟାନ୍ୟ ଜଣା ସୂତ୍ରରୁ ୧୬୯୮.୭୩ କୋଟି ଟଙ୍କା ଆୟ କରିଥିବା ଦର୍ଶାଇଛନ୍ତି। ଏହା ସେମାନଙ୍କ ମୋଟ ଆୟର ୧୫ ପ୍ରତିଶତ।


News Story - Posted on 2017-01-24

ସନ୍ଧ୍ୟାରେ ଦିନେ ଗଲି...



ମୁଁ କହିଲି, ନାଇଁ ନାଇଁ ମୁଁ ତାଙ୍କ କଥାରେ ଦ୍ବିମତ କେଉଁଠି? ଆମେ ପଞ୍ଚାୟତ ନିର୍ବାଚନ ଲଢ଼ିବୁ, ଟଙ୍କା ବାଣ୍ଟିବୁ, ଭୋଜି ଦେବୁ। ଇନ୍ଦିରା ଆବାସ କରେଇଦେବୁ ବୋଲି ସମସ୍ତଙ୍କୁ ମିଛ ପ୍ରତିଶ୍ରୁତି ଦେବୁ। ତା’ହେଲେ ସିନା ଆମର ଶକ୍ତି କେତେ ଜଣାପଡିବ! ତା’ପରେ 2019 ବେଳକୁ 10/12 ସିଟ୍ ଜିତିବାକୁ ଆଶା କରିବୁ? ସେ ଭୁଲ କେଉଁଠି କହିଲେ? ତେବେ ମୋର ଗୋଟିଏ ଜିନିଷ ଯୋଗୁ ତମ ମହାପାତ୍ର ବାବୁ ସାର୍‌ଙ୍କ ଉପରେ ରାଗ ଲାଗେ।


News Story - Posted on 2017-01-21

ରାଷ୍ଟ୍ର ନୁହେଁ, ଲୋକ ସାର୍ବଭୌମ



୨୦୦୮ ମସିହାରେ ସୂଚନା ଅଧିକର ଆଇନ ଅଧୀନରେ ଗୋଆ ରାଜ୍ୟପାଳଙ୍କ ଦପ୍ତର ଜନ କର୍ତ୍ତୃପକ୍ଷ ନୁହଁନ୍ତି ଏବଂ ତାଙ୍କ ଦପ୍ତର ତଥ୍ୟ ଦେବାପାଇଁ ବାଧ୍ୟ ନୁହଁନ୍ତି ପ୍ରସଙ୍ଗରେ ହୋଇଥିବା କେସ‌୍‍ (ରିଟ‌୍‍ ପିଟିସନ‌୍‍ ସଂଖ୍ୟା ୪୭୮/୨୦୦୮)ର ଶୁଣାଣୀ କରି ବମ୍ୱେ ଉଚ୍ଚ ନ୍ୟାୟାଳୟ ରାଜ୍ୟପାଳ ସାର୍ବଭୌମତ୍ୱ କ୍ଷମତାର ଅଧିକାରୀ ନୁହଁନ୍ତି ବୋଲି କହିଥିଲେ। ସମ୍ୱିଧାନ ଅନୁଯାୟୀ ଦେଶର ନାଗରିକମାନଙ୍କ ହାତରେ ସାର୍ବଭୌମ କ୍ଷମତା ରହିଛି। ରାଜ୍ୟପାଳଙ୍କୁ କେତେଗୁଡ଼ିଏ କାର୍ଯ୍ୟ ନିର୍ବାହ ପାଇଁ ଦାୟିତ୍ୱ ଦିଆଯାଇଛି ଏବଂ କେତେଗୁଡ଼ିଏ ସ୍ୱତନ୍ତ୍ର କ୍ଷମତାଏବଂ ସୁରକ୍ଷା ଦିଆଯାଇଛି। ସୂଚନା ଅଧିକାର ଆଇନର ଧାରା ୮(୧)କୁ ବାଖ୍ୟା କରି ବମ୍ୱେ ହାଇକୋର୍ଟ କହିଥିଲେ ଯେ, ଯେଉଁ ସୂଚନା ପ୍ରକଟନ ଦ୍ୱାରା ଦେଶର ସାର୍ବଭୌମତ୍ୱ ଓ ଅଖଣ୍ଡତା କ୍ଷୁର୍ଣ୍ଣ ହେବ, ତେବେ ଉକ୍ତ ତଥ୍ୟ ପ୍ରଦାନ କରାଯାଇ ପାରିବ ନାହିଁ। ତେଣୁ ରାଜ୍ୟପାଳ ବା ରାଷ୍ଟ୍ରପତିଙ୍କର କେବଳ ସାର୍ବଭୌମ କାର୍ଯ୍ୟ ସମ୍ପର୍କିତ ତଥ୍ୟ ଛାଡ଼ି ଅନ୍ୟ ସମସ୍ତ ତଥ୍ୟ ସୂଚନା ଅଧିକାର ଆଇନ ବଳରେ ନାଗରିକଙ୍କୁ ପ୍ରଦାନ କରାଯାଇପାରିବ।


News Story - Posted on 2017-01-19

ବଦଳିବ ସୁନ୍ଦରଗଡ଼ ସ୍ଥିତି!



ସୁନ୍ଦରଗଡ଼ ରାଜନୈତିକ ଜିଲ୍ଲାରେ ବିଜେଡ଼ିରେ ବିଭିନ୍ନ ଗୋଷ୍ଠୀର ଅଭ୍ୟୁଦୟ ହୋଇ ସାରିଥିବା ବେଳେ ଏହା ଦ୍ୱାରା ତୃଣମୂଳ ସଂଗଠନ ମଧ୍ୟ ପ୍ରଭାବିତ ହେବାରେ ଲାଗିଛି। ଖୋଦ‌୍‍ ସଭାପତି ମଙ୍ଗଳାବାବୁଙ୍କ ନିର୍ବାଚନ ମଣ୍ଡଳୀରେ ଦଳୀୟ କନ୍ଦଳ ସାଙ୍ଗଠାନିକ ସ୍ଥିତିରେ ବିପର୍ଯ୍ୟୟ ସୃଷ୍ଟି କରିଥିବା ବେଳେ ସୁନ୍ଦରଗଡ଼ ଓ ତଳସରା ନିର୍ବାଚନମଣ୍ଡଳୀରେ ପଂଚାୟତ ଓ ବ୍ଲକ ସ୍ତରୀୟ ସଙ୍ଗଠନ ଉଦବେଗଜନକ ସ୍ଥିତିରେ ପହଂଚିଛି। ମଙ୍ଗଳାବାବୁ ପୁନର୍ବାର ସଭାପତି ପଦ ମଣ୍ଡନ କରିବାର ପ୍ରାୟ ବର୍ଷେ ଅତିକ୍ରାନ୍ତ ହୋଇଗଲାଣି। କିନ୍ତୁ ସାଙ୍ଗଠାନିକ ସ୍ଥିତିରେ କୌଣସି ସୁଧାର ହୋଇ ପାରିନି। ଏହାକୁ ଦୃଷ୍ଟିରେ ରଖି ଦଳର ହାଇକମାଣ୍ଡ ଦଳୀୟ କନ୍ଦଳ ଦୂର କରି ସଙ୍ଗଠନ ସୁଦୃଢ କରିବାକୁ ଜିଲ୍ଲାକୁ କେତେକ ପର୍ଯ୍ୟବେକ୍ଷକ ପଠାଇ ବିଗତ କିଛିମାସ ଧରି ଉଦ୍ୟମ ଚଳାଇବା ଫଳରେ ଦଳୀୟ ପ୍ରଚାର ପ୍ରସାର ତଥା ସଭାସମିତି ଏବଂ ବିଭିନ୍ନ କାର୍ଯ୍ୟକ୍ରମ ଆୟୋଜନରୁ ଦଳର ସ୍ଥିତି ପୂର୍ବାପେକ୍ଷା ମଜବୁତ‌୍‍ ହୋଇଥିବାର ଜଣାଯାଏ।


News Story - Posted on 2017-01-14

ଚୁପ୍ କାହିଁକି ରାଷ୍ଟ୍ରବାଦୀ?



କିନ୍ତୁ ସେ ରାଷ୍ଟ୍ରପିତାଙ୍କ ପ୍ରତି ଆମେରିକାର ଏହ କମ୍ପାନୀର ଏ ପ୍ରକାର ଅପମାନ ସମୟରେ ନୀରବ କାହିଁକି? ତାଙ୍କ ଭକ୍ତମାନେ ବି କାହିଁକି ନୀରବ? ରାଷ୍ଟ୍ରୀୟ ସ୍ବୟଂସେବକ ସଂଘ ଗଲା କୁଆଡ଼େ? ଆମାଜନ କମ୍ପାନୀ ଯଦି କୌଣସି ହିନ୍ଦୁ ଦେବାଦେବୀଙ୍କ ଚିତ୍ର ଚପଲରେ ଛାପିଥାନ୍ତା ବିଜେପି, ଶିବସେନା ଓ ଆରଏସଏସ ତଥା ମୋଦି ଭକ୍ତମାନେ ଏଯାଏଁ କ’ଣ ଚୁପ୍‌ ରହିଥାନ୍ତେ? ରାଷ୍ଟ୍ରପିତାଙ୍କ ପ୍ରତି ଅପମାନ ସମୟରେ ମୋହନ ଭଗବତ କାହିଁକି ଚୁପ୍? ମୋଦି କାହିଁକି ଚୁପ୍? ଅମିତ ଶାହା କାହିଁକି ଚୁପ୍? କୁଆଡ଼େ ଗଲେ ବିଶ୍ବ ହିନ୍ଦୁ ପରିଷଦ ଓ ବଜରଙ୍ଗ ଦଳର ଯୋଦ୍ଧାଗଣ?


News Story - Posted on 2017-01-12

ସିବିଆଇ ଯିବ କି ନବୀନ ନିବାସ?



ତଦନ୍ତ ଆରମ୍ଭ ହେଲାଣି ତିନି ବର୍ଷ ତଳୁ। ସିବିଆଇ ଆଜି ଚଢ଼ାଉ କରିଛି ସରୋଜ ସାହୁଙ୍କ ଘରେ। ସରୋଜ ସାହୁ ହେଲେ ବଜୁ ଜନତା ଦଳର ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କର ସହଯୋଗୀ, ତାଙ୍କ ଅଧିସ୍ବୀକୃତ ସ୍ବାକ୍ଷରକର୍ତ୍ତା। ସରୋଜ ମଧ୍ୟ ଏକଦା ବିଜୁ ଜନତା ଦଳର ଅଫିସ ସଂପାଦକ ଥିଲେ। ନବୀନ ନିବାସର ସେ ଜଣେ ନିୟମିତ କର୍ମଚାରୀ। ଦଳର ସମସ୍ତ ପ୍ରଚାର ସାମଗ୍ରୀ ତାଙ୍କ ମାର୍ଫତରେ ପ୍ରସ୍ତୁତ ଓ ବଣ୍ଟନ କରାଯାଇଥାଏ। ସେ ହିଁ ବାଣ୍ଟିଥାନ୍ତି ଦଳୀୟ ପାଣ୍ଠି।


News Story - Posted on 2017-01-09

କନ୍ଧଙ୍କ ଗଣତନ୍ତ୍ର, ଅନ୍ୟଙ୍କ ଜଣତନ୍ତ୍ର!



ଆଗକୁ ରାଜ୍ୟରେ ହେବାକୁ ଯାଉଛି ତ୍ରିସ୍ତରୀୟ ପଂଚାୟତ ନିର୍ବାଚନ। ରାଜ୍ୟ ନିର୍ବାଚନ କମିଶନ ନିର୍ଘଣ୍ଟ ଜାରି କରିସାରିଲେଣି। ଏବେ ବିଭିନ୍ନ ଦଳରେ ଚାଲିଛି ପ୍ରାର୍ଥୀ ଚୟନ। ପ୍ରାର୍ଥୀ ଚୟନ କରୁଛନ୍ତି ଦଳର ଉପରକୁ ଉପର ନେତା। ଦଳର ବ୍ଲକ, ଜିଲ୍ଲା ଓ ରାଜ୍ୟ ସ୍ତରୀୟ ନେତାମାନେ ଯାହାକୁ ସମର୍ଥନ କରୁଛନ୍ତି ସେଇ ଲୋକମାନେ ବିଭିନ୍ନ ସ୍ତରର ପଂଚାୟତିରାଜ ସଂସ୍ଥା ପାଇଁ ପ୍ରାର୍ଥୀ ହେଉଛନ୍ତି। ଦଳର ବିଧାୟକ, ସାଂସଦ ଏବଂ ସର୍ବୋପରି ମୁଖିଆଙ୍କ ନିଷ୍ପତ୍ତି ଏ କ୍ଷେତ୍ରରେ ସବୁଠୁ ଗୁରୁତ୍ବପୂର୍ଣ୍ଣ। ବ୍ଲକ ସଭାପତି ବାଛିଥିଲେ ବି ବିଧାୟକ ଓ ଜିଲ୍ଲା ସଭାପତି କାଟିଦେଇ ପାରନ୍ତି। ଜିଲ୍ଲା ସଭାପତିଙ୍କ ତାଲିକାକୁ ରାଜ୍ୟ ସଭାପତି ବଦଳାଇ ଦେଇ ପାରନ୍ତି।


News Story - Posted on 2017-01-05

ରାଜନୀତି ହିଁ ଦୁର୍ନୀତିର ଗଙ୍ଗୋତ୍ରୀ!



ଆଜି ଦିନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ବିହାର ମୁଖ୍ୟମନ୍ତ୍ରୀ ନୀତିଶ କୁମାର, ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଅଖିଳେଶ ଯାଦବ, ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ସୁଶ୍ରୀ ମମତା ବାନାର୍ଜୀ ଏବଂ ଓଡ଼ିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ମନ୍ତ୍ରୀମଣ୍ଡଳରେ ଦାଗୀ ବା ଅପରାଧ ପୃଷ୍ଠଭୂମିମୁକ୍ତ ମନ୍ତ୍ରୀ ନଥିବା ସ୍ପଷ୍ଟ। ଆସୋସିଏସନ‍୍‌ ଅଫ୍ ଡେମୋକ୍ରାଟିକ୍ ରିଫର୍ମ (ଏଡିଆର‍୍‌) ନିକଟରେ ନେତାଙ୍କ ଅପରାଧ ପୃଷ୍ଠଭୂମି ଥିବା ସଂପର୍କରେ ସୂଚନା ଦେଇଛି। ସୂଚନା ଅନୁଯାୟୀ କଂଗ୍ରେସ ଦଳର ୪୪ ଜଣ ସାଂସଦଙ୍କ ମଧ୍ୟରୁ ୮ ସାଂସଦ, ଏଆଇଡିଏମ‍୍‌କେର ୩୭ ସାଂସଦଙ୍କ ମଧ୍ୟରୁ ୬, ଶିବସେନାର ୧୮ରୁ ୧୫ ଏବଂ ଟିଏମ‍୍‌ସିର ୩୪ ସାଂସଦଙ୍କ ମଧ୍ୟରୁ ୭ ସାଂସଦଙ୍କ ନାମରେ ଅପରାଧିକ ମାମଲା ରହିଛି। କ୍ଷମତାସୀନ ହେବା ପାଇଁ ରାଜନେତାମାନେ ଅପରାଧୀଙ୍କ ସହାୟତା ନେଉଛନ୍ତି। କଳାଟଙ୍କା ରଖିଥିବା ଦୁର୍ନୀତିଗ୍ରସ୍ତଙ୍କଠାରୁ ଚାନ୍ଦା ନେଉଛନ୍ତି। ରାଜନୀତି ସ୍ୱଚ୍ଛ ହେଲେ ହିଁ ଦୁର୍ନୀତି ଓ କଳାଧନ ନିୟନ୍ତ୍ରଣ ହୋଇପାରିବ।


News Story - Posted on 2017-01-04

ଶୀତ ରାତି



‘ତମର ଧାରଣା ଭୁଲ। ଅନ୍ୟାନ୍ୟ ରାଜ୍ୟମାନଙ୍କର ଯେଉଁ ଆନ୍ଦୋଳନ ହେଉଛି ସେଥିରେ ମୁଖ୍ୟତଃ ବଡ଼ଚାଷୀ ଥାଆନ୍ତି ଏବଂ ସେମାନଙ୍କର ଦାବି ଓ ଓଡ଼ିଶାର କୃଷକଙ୍କ ଦାବି ଅନେକାଂଶରେ ମେଳ ଖାଏନାହିଁ। ତା’ଛଡ଼ା ତମକୁ କିଏ କହିଲା ଯେ ଓଡ଼ିଶାରେ କୃଷକ ଆନ୍ଦୋଳନ ହୁଏ ନାହିଁ? ଅଧିକାଂଶ ରାଜନୈତିକ ଦଳଙ୍କର କୃଷକ ସଂଗଠନ ଅଛି। ସେମାନେ ବି ବିଭିନ୍ନ ସମୟରେ ତାଙ୍କ ଦାବି ନେଇ ଆନ୍ଦୋଳନ କରନ୍ତି। ହଁ, ଫରକଟା ଏତିକି ଯେ ସେମାନଙ୍କର ନିଜସ୍ବ ସମ୍ବାଦପତ୍ର ନାହିଁ ଯେ ସେମାନଙ୍କ ଆନ୍ଦୋଳନ ଖବର ପ୍ରଥମ ପୃଷ୍ଠାରେ ବଡ଼ ବଡ଼ ଅକ୍ଷରରେ ଛପା ହେବ। ସେମାନଙ୍କର ନିଜସ୍ବ ଟିଭି ଚାନେଲ୍ ନାହିଁ ଯେ ଆନ୍ଦୋଳନ ଠାରୁ ଲଗାତର ତିନିଦିନ ପ୍ରାଇମ୍ ଟାଇମରେ ସେହି ଆନ୍ଦୋଳନର ଚର୍ଚ୍ଚା ହେବ, ଯେମିତି ସୌମ୍ୟବାବୁ କଲେ।’


News Story - Posted on 2017-01-03

ନିର୍ବାଚନରେ ଧର୍ମ ନିଷିଦ୍ଧ



ଏକ ଗୁରୁତ୍ୱପୂର୍ଣ୍ଣ ଘଟଣାକ୍ରମରେ ଜାତି, ଧର୍ମ, ବର୍ଣ୍ଣ, ସଂପ୍ରଦାୟ ଓ ଭାଷା ଭିତ୍ତିରେ ଭୋଟ ପାଇଁ ପ୍ରଚାରକୁ ନିଷିଦ୍ଧ କରିଛନ୍ତି ସୁପ୍ରିମ କୋର୍ଟ। ଏକ ମାମଲାର ବିଚାର କରି ସୁପ୍ରିମ କୋର୍ଟ କହିଛନ୍ତି ଯେ ଭାରତୀୟ ସମ୍ୱିଧାନ ଅନୁସାରେ ଦେଶର ନିର୍ବାଚନ ହେଉଛି ଧର୍ମନିରପେକ୍ଷ। ଏକ ଧର୍ମନିରପେକ୍ଷ ନିର୍ବାଚନ ବ୍ୟବସ୍ଥାରେ ଧର୍ମ ଓ ସଂପ୍ରଦାୟର କୌଣସି ସ୍ଥାନ ନାହିଁ।


News Story - Posted on 2016-12-30

‘ସଂକୀର୍ଣ୍ଣ ଦେଶପ୍ରେମୀ ହୁଅନା’



ସନ୍ଦେହ କରିବା, ଅରାଜି ହେବା ଓ ବିତର୍କ କରିବାର ବୌଦ୍ଧିକ ଅଧିକାର ହେଉଛି ଗଣତନ୍ତ୍ରର ଗୁରୁତ୍ୱପୂର୍ଣ୍ଣ ସ୍ତମ୍ଭ। ଯେକୌଣସି ମୂଲ୍ୟ ଦେଇ ଏହାର ସୁରକ୍ଷା କରାଯିବା ଉଚିତ ବୋଲି ମତ ଦେଇଛନ୍ତି ରାଷ୍ଟ୍ରପତି ପ୍ରଣବ ମୁଖାର୍ଜୀ। ସାରା ଦେଶରେ ଅସହିଷ୍ଣୁତା ଓ ବିଭାଜନବାଦୀ ରାଜନୀତି ନେଇ ସାମାଜିକ ଗଣମାଧ୍ୟମରେ ଚଚ୍ଚାର୍ର ଲହର ବନ୍ଦ ହୋଇନଥିବାବେଳେ ରାଷ୍ଟ୍ରପତିଙ୍କର ଏଭଳି ମନ୍ତବ୍ୟ ଦେଶ ପାଇଁ ଗୁରୁତ୍ୱପୂର୍ଣ୍ଣ ବାର୍ତ୍ତା ବହନ କରୁଛି।


News Story - Posted on 2016-12-27

ମେୟର ଏବେ ହଟ୍‌ ଟପିକ୍‌!



ଆପଣ ତ ଅବିବାହିତ, ବୟସ ଗଡ଼ିଯିବା ସତ୍ତ୍ବେ। ମନସୁଖ ତ ଭୁବନେଶ୍ବର ମହାନଗର ନିଗମର କ୍ଷମତା ଓ ମେୟର ପଦବୀର ଗ୍ଲାମରରୁ ମିଳିଯାଉଛି। କିନ୍ତୁ ଦେହସୁଖ? ଏଇ ସୁଖ ପାଇଁ ଆପଣ କୋଉଠି କ’ଣ କରନ୍ତି ସେ ନେଇ ଅନେକ ଆଡ଼େ ଅନେକ ଚର୍ଚ୍ଚା। ଆପଣଙ୍କ ସହପାଠୀ ଓ ସାଙ୍ଗମାନେ ସେମାନଙ୍କ ସାଙ୍ଗ ମହଲରେ ସବୁ ଗୁମର ଖୋଲିଲେଣି। ଭୁବନେଶ୍ବରର କେଉଁ ୱାର୍ଡ଼ରେ କାହା ସହିତ ଆପଣଙ୍କର ସଂପର୍କ ଏଭଳି ମଜାଦାର, ସେ ଖବର ବି ଏବେ ରାଜଧାନୀର ସବୁ ଖଟିରେ ହଟ୍‌ ଟପିକ୍‌।


News Story - Posted on 2016-12-25

କା’ ସାର୍ଟିଫିକେଟ‌୍‍ ଠିକ୍‌?



ସିଏଜିଙ୍କ ପରି ଏକ ପେସାଦାର ସାମ୍ବିଧାନିକ ସଂସ୍ଥା ରାଜ୍ୟ ସରକାରଙ୍କୁ ଯେଉଁ ସାର୍ଟିଫିକେଟ ଦେଇଛି ଏ ସରକାରର ବାସ୍ତବ ଆକଳନ ନା ରାଜନୀତିକ ସୌଜନ୍ୟରୁ କେନ୍ଦ୍ରମନ୍ତ୍ରୀ କେଇ ଜଣ ଦେଇଥିବା ପ୍ରଶଂସା?


News Story - Posted on 2016-12-24

ଗୀତ ନୟା ଗାତା ହୁଁ



ବାଜପାୟୀଙ୍କ ଅସାଧାରଣ ବ୍ୟକ୍ତିତ୍ବ ଭାରତ ବର୍ଷକୁ ବଳୀୟାନ କରିଥିଲା, ଦଳମତ ନିର୍ବିଶେଷରେ ସମସ୍ତଙ୍କର ପ୍ରିୟ ଭାଜନ ହୋଇପାରିଥିଲେ। ଏବେବି ତାଙ୍କର ଏକାବନ କବିତା ପାଠକଙ୍କ ମନରେ ଶୀହରଣ ସୃଷ୍ଟି କରେ। ଝୂକ ନେହିଁ ସକତେ, କଦମ ମିଲାକର ଚଲନା ହୋଗା, ଏକ ବରଷ ବିତ ଗୟା, ମେରା ପରିଚୟ, ଆଓ ମନକି ଗାଂଠେ ଖୋଲେ, ଦୋ ଅନୁଭୂତିଆଁ,  ଦୁଧ ମେ ଦରାର ପଡ଼ଗଏ, କଦମ ମିଲାକର ଚଲନା ହୋଗା, ମନାଲି ମତ ଯଈଓ ଇତ୍ୟାଦି ତାଙ୍କର ଅନବଦ୍ୟ ସୃଷ୍ଟି। ଊଂଚାଇ କବିତାରେ ତାଙ୍କର ହୃଦୟର କଥା ‘ମେରେ ପ୍ରଭୁ ! ମୁଝେ  ଇତିନା ଊଂଚାଇ କଭି ମତ ଦେନା ଗୈରୋ କୋ ଗଲେ ନା ଲଗା ସକୁ’ ଚମତ୍କାର କାବ୍ୟିକ ଅଭିପ୍ରକାଶ। ଜୀବନର ଶେଷ ମୁହୂର୍ତ୍ତ ପର୍ଯ୍ୟନ୍ତ ଯେତେ ବିପଦ ଆସିଲେ ମଧ୍ୟ ହାତପାତି କାହାକୁ ଭିକ୍ଷା ମାଗିବେ ନାହିଁ, ଆଦର୍ଶ ଓ ସଂଘର୍ଷର ରାସ୍ତାରୁ ବିଚ୍ୟୁତ ହେବେ ନାହିଁ। ତାଙ୍କ କବିତାରୁ ଏହା ସ୍ପଷ୍ଟ ପ୍ରମାଣ ମିଳେ ଯାହାକୁ ସେ ଅନେକ ଥର ଉଚ୍ଚାରଣ କରିଛନ୍ତି, ‘ହାର ନହିଁ ମାନୁଗା... କାଲ କେ କପାଲ ପର ଲିଖତା -ମିଟାତା ହୁଁ ଗୀତ ନୟା ଗାତା ହୁଁ ’।


News Story - Posted on 2016-12-24

ବାଜପେୟୀ ଭାରତର ଶ୍ରେଷ୍ଠ ପ୍ରଧାନମନ୍ତ୍ରୀ!



ତାଙ୍କ ମତରେ, ‘ଭାରତ କୌଣସି ଏକ ଭୂଖଣ୍ଡର ନାମ ନୁହେଁ, ବରଂ ଏହା ଜୀବନ୍ତ ଚଳନ୍ତା ରାଷ୍ଟ୍ର ପୁରୁଷ। ହିମାଳୟ ଏହାର ମସ୍ତକ, ଗୌରୀଶଙ୍କର ଏହାର ଶିଖା। କାଶ୍ମୀର ଏହାର ମୁକୁଟ, ବଂଗ ଓ ପଂଜାବ ଏହାର ବିଶାଳ ସ୍କନ୍ଧ। ବିନ୍ଧ୍ୟାଚଳ କଟି, ନର୍ମଦା ମେଖଳା। ପୂର୍ବ ଓ ପଶ୍ଚିମଘାଟ ପର୍ବତମାଳା ଦ୍ୱୟ ଏହାର ଦୁଇଟି ବିଶାଳ ଜଙ୍ଘ। କନ୍ୟାକୁମାରୀ ଏହାର ଚରଣ। ସାଗର ଏହାର ପାଦ ଧୌତ କରେ। ପାବସର କଳା ମେଘମାଳା ଏହାର କୁନ୍ତଳ କେଶରାଶି। ନିତିପ୍ରତି ସୂର୍ଯ୍ୟ-ଚନ୍ଦ୍ର ଏହାର ଆରତି କରନ୍ତି। ଇଏ ବନ୍ଦନର ଭୂମି; ଅଭିନନ୍ଦନର ଭୂମି। ଇଏ ତର୍ପଣର ଭୂମି, ଇଏ ଅର୍ପଣର ଭୂମି। ଏହାର ପ୍ରତ୍ୟେକ ରେଣୁରେ ନାଚନ୍ତି ଶଙ୍କର, ଜଳ ବୁନ୍ଦାରେ ବହେ ଗଂଗାର ଅବିରଳ ଧାର। ଆମେ ଏହାରି ପାଇଁ ବଞ୍ଚିବା, ଏହାର ପାଇଁ ମରିବା !’


News Story - Posted on 2016-12-24

୨୦୧୬- ଓଡ଼ିଶା ରାଜନୀତିର ସାରାଂଶ



ପାଜେରୋ ବିବାଦ, ଅଣ୍ଡାମାଡର ପର୍ବ। ପୁଣି ନଗଡ଼ାର ନଗ୍ନ ରୂପ ସାଙ୍ଗକୁ ଜାପାନୀ ଜ୍ୱରର ଶିଶୁହନ୍ତା ରୂପ ଏବଂ କନ୍ଧମାଳର ମିଥ୍ୟା ଏନକାଉଣ୍ଟର। ସବୁଥିରେ ଫସିଥିଲା ନବୀନଙ୍କ ସରକାର। ଜଗନ୍ନାଥଙ୍କ ପରେ ମହାନଦୀ ଓ ହୀରାକୁଦ ଓଡ଼ିଆଙ୍କ ଦୁର୍ବଳତା। ଆଉ ଏହାର ଫାଇଦା ନେଇଥିଲେ ନବୀନ। ରାଜ୍ୟ ହରାଇଲା ଲୁଲୁ ଭାଇଙ୍କୁ। ଗଣତନ୍ତ୍ରର ଅପମାନ ହେଲା ଶୀତ ଅଧିବେଶନରେ। ଚାଷୀ ହକ‌୍‍ ଜାହିର କରିବାକୁ ଯାଇ ସରକାରଙ୍କ ଦମନଲୀଳା ଯୋଗୁଁ ରାଜଧାନୀର ପ୍ରବେଶ ଦ୍ୱାରରୁ ଫେରିଗଲେ। ଏତେସବୁ ବିଷୟ ଥାଇ ବି ଓଡ଼ିଶା ରାଜନୀତି ଆକାଶରେ ବିରୋଧର ସୂର୍ଯ୍ୟ ସଠିକ‌୍‍ ଭାବରେ ଉଇଁଲା ନାହିଁ। ଆଶା କରିବା ୨୦୧୭ରେ ତାହାର ପୁନରାବୃତ୍ତି ନହେଉ।


News Story - Posted on 2016-12-19

ଖିଆଲୀ ରାଜା ଓ ଭାଟ ପାରିଷଦ



ବିଚରା ରକ୍ଷୀ ସିପାହୀଟି ଥରି ଥରି କହିଲା, ଛାମୁ ନିଘୋଡ ନିଦରେ ଶୋଇପଡିଥିଲେ। ସେଥିପାଇଁ ମଣିମାଙ୍କୁ ଉଠାଇବାକୁ ମୋର ସାହସ ହେଲାନାହିଁ। ରକ୍ଷୀ ବିଚରା ମନକୁ ମନ କହୁଥାଏ, ରଜାଙ୍କୁ ନିଦରୁ ଉଠାଇଥିଲେ ସେ କ’ଣ ତା ମୁଣ୍ଡ ରଖିଥାନ୍ତେ! ତାକୁ ତୁରନ୍ତ ଚାକିରୀରୁ ବରଖାସ୍ତ କରିବାକୁ ହୁକୁମ‌୍‍ ଦେଇଥାନ୍ତେ। ସେ ଯାହାହେଉ, ପ୍ରଧାନମନ୍ତ୍ରୀଙ୍କ ଆଡୁ ଯେତେବେଳେ ଖବର ଆସିଲାଣି, ରଜା ଆଉ ଶୋଇପାରୁଛନ୍ତି ନା ରହିପାରୁଛନ୍ତି! ଏଡେବଡ ସୁନ୍ଦର ନିଦଟା ଏ ପ୍ରଧାନମନ୍ତ୍ରୀ ଭାଙ୍ଗିଦେଲେ! ପୁଣି ଶୋଇପଡିବାକୁ ଭାରି ଇଚ୍ଛା ହେଉଥିଲେ ବି ଶୋଇ ହେଉନାହିଁ। ଏ କଥା ଯଦି ଏ ଚଣ୍ଡାଳ ବିରୋଧୀ ଦଳିଆ, ଆଉ ଗଣମାଧ୍ୟମବାଲା ଜାଣିଯିବେ, ତୁଚ୍ଛାରେ ହଲାପଟା କରିବେ। ପ୍ରଧାନମନ୍ତ୍ରୀଙ୍କଠାରୁ ଖବର ପାଇ ସୁଦ୍ଧା ମୁଁ କେମିତି ଶୋଇ ପଡିଲି ବୋଲି ମୋ ଉପରକୁ ଝାମ୍ପିପଡିବେ। ନା ସେ ଯାଗାକୁ ଯିବାକୁ ହେବ। ରଜା ତାଙ୍କର ପାତ୍ରମନ୍ତ୍ରୀ ଓ କର୍ମଚାରୀମାନଙ୍କୁ ଖବର ଦେଲେ ଓ ରାତି ଡେରି ହୋଇଯାଇଥିଲେ ସୁଦ୍ଧା ଡାକ୍ତରଖାନାକୁ ଯାଇ ସବୁ ଦେଖି ଫେରିଆସିଲେ। ଅସମୟରେ ନିଦ ଭାଙ୍ଗିଥିବାରୁ ସମସ୍ତଙ୍କ ଉପରେ ଖାଲି ରାଗରେ ବିରିବିରି ହେଉଥାନ୍ତି। ଉଆସକୁ ଫେ


News Story - Posted on 2016-12-19

ବେନାମୀ ଚାନ୍ଦା ନିଷିଦ୍ଧ କର!



ସରକାରଙ୍କର ଏହି ସ୍ପଷ୍ଟୀକରଣ ପରେ ପରେ ମୁଖ୍ୟ ନିର୍ବାଚନ କମିଶନ ସରକାରଙ୍କୁ ଉପରୋକ୍ତ ପ୍ରସ୍ତାବ ଦେଇଛନ୍ତି। ସରକାରଙ୍କୁ ନିର୍ବାଚନ କମିଶନ ଲେଖିଥିବା ଚିଠିରେ ଉଲ୍ଲେଖ କରିଛନ୍ତି ଯେ ରାଜନୀତିକ ଦଳଗୁଡ଼ିକୁ ୨ ହଜାରରୁ ଅଧିକ ଟଙ୍କାର ବେନାମୀ ଚାନ୍ଦାକୁ ନିଷିଦ୍ଧ କରିବା ପାଇଁ ଆବଶ୍ୟକ ଆଇନରେ ସଂଶୋଧନ କରାଯାଉ। ତା’ ସହିତ ଯେଉଁ ପଂଜୀକୃତ ରାଜନୀତିକ ନିର୍ବାଚନ ଲଢ଼ୁ ନାହାନ୍ତି କିମ୍ୱା ଲୋକସଭା ଓ ବିଧାନସଭାରେ ଯେଉଁ ଦଳଗୁଡ଼ିକର ଉପସ୍ଥିତି ନାହିଁ ସେମାନଙ୍କୁ ଆୟକର ଛାଡ଼ ସୁବିଧାରୁ ବଂଚିତ କରାଯାଉ। ପ୍ରଚଳିତ ଆଇନ ଅନୁସାରେ ଖାସ‌୍‍ ଆୟକର ଛାଡ଼ ପାଇବା ପାଇଁ ଅନେକ ଲୋକ ରାଜନୀତକ ଦଳ ପଂଜୀକରଣ କରିପାରନ୍ତି ବୋଲି କମିଶନ ଆଶଙ୍କା ପ୍ରକାଶ କରିଛନ୍ତି।


News Story - Posted on 2016-12-18

ଦଳ କାହିଁକି ବାଦ?



ଡିସେମ୍ୱର ୧୬ ତାରିଖରେ ଅର୍ଥ ମନ୍ତ୍ରଣାଳୟର ସଚିବ ହସମୁଖ ଆଧିଆ କହିଥିଲେ ଯେ ରାଜନୀତିକ ଦଳଗୁଡ଼ିକ ଡିସେମ୍ୱର ୩୦ ତାରିଖ ଭିତରେ ପୁରୁଣା ନୋଟ‌୍‍ରେ ଯେତେ ଟଙ୍କା ବ୍ୟାଙ୍କ ଆକାଉଣ୍ଟରେ ଜମା କଲେ ବି ଟିକସ ଦେବେ ନାହିଁ। କାରଣ ଆୟକର ଆଇନ ଅନୁସାରେ ପଂଜୀକୃତ ରାଜନୀତିକ ଦଳଗୁଡ଼ିକ ଆୟକର ପରିସରରୁ ମୁକ୍ତ ରହିଛନ୍ତି। ଆଧିଆ କହିଥିଲେ ଯେ ନେତାମାନେ ଯଦି ନିଜର ବ୍ୟକ୍ତିଗତ ଖାତାରେ ଟଙ୍କା ଜମା କରିବେ ତେବେ ଆୟର ହିସାବ ଦେବେ ଓ ହିସାବକୁ ଆସୁଥିବା ଆୟ ଉପରେ ଆୟକର ଦାଖଲ କରିବେ। କିନ୍ତୁ ସେମାନେ ସେମାନଙ୍କ ପୁରୁଣା ଟଙ୍କାକୁ ଦଳୀୟ ଖାତାରେ ଜମା କଲେ ତାହା ଉପରେ ଆୟକର ହିସାବ ହେବ ନାହିଁ।


News Story - Posted on 2016-12-15

ଘମଣ୍ଡ ଭାଙ୍ଗିଲା କି?



ବିମୁଦ୍ରୀକରଣ ପ୍ରସଙ୍ଗରେ ସଂସଦର କାର୍ଯ୍ୟ ମାସେ ହେଲା ଅଚଳ। କାରଣ ଏ ପ୍ରସଙ୍ଗରେ ବିରୋଧୀ ଦଳ ପ୍ରଧାନମନ୍ତ୍ରୀଙ୍କଠାରୁ ଜବାବ ମାଗିଛି। ପ୍ରଧାନମନ୍ତ୍ରୀ ଚାହିଁଥିଲେ ପ୍ରଥମ କିମ୍ବା ଦ୍ବିତୀୟ ଦିନ ଜବାବ ରଖିପାରିଥାନ୍ତେ। କିନ୍ତୁ ସେ ତାହା କଲେ ନାହିଁ। ବରଂ ତାଙ୍କର ଜଣେ ମନ୍ତ୍ରୀ ଭେଙ୍କେୟାହ ନାଇଡ଼ୁ କହିଲେ ବିମୁଦ୍ରୀକରଣ ହେଉଛି ଅର୍ଥ ମନ୍ତ୍ରଣାଳୟର କଥା। ଅର୍ଥମନ୍ତ୍ରୀ ଜବାବ ଦେବେ। ବିରୋଧି ପକ୍ଷ ଏଥିରେ ରାଜି ହେଲେ ନାହିଁ। ବାଚସ୍ପତି ନଭେମ୍ବର ୧୬ ତାରିଖରୁ ଏଯାଏଁ ଲୋକସଭାକୁ ଠିକରେ ଚଳାଇ ନାହାନ୍ତି। ଦି’ ଚାରି ଜଣ ବିରୋଧ ସାଂସଦ ଟିକେ ହୋହାଲ୍ଲା କଲେ ଗୃହକୁ ମୁଲତବୀ କରିଦିଆଯାଇଛି। ଠିକ୍‌ ଓଡ଼ିଶା ବିଧାନସଭା ପରି।


News Story - Posted on 2016-12-13

ଏ ମୃତ୍ୟୁ ସେ ମୃତ୍ୟୁ ନୁହେଁ!



କେବଳ ଏଇ ଦୁଇଟି ଘଟଣାରେ ନୁହେଁ, ଏହିପରି ଦୁର୍ଘଟଣାଜନିତ ମୃତ୍ୟୁରେ ଅନୁକମ୍ପା ସହାୟତା ଘୋଷଣା କରିବାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଅତ୍ୟନ୍ତ ବାଛବିଚାର ନୀତି ଅବଲମ୍ବନ କରି ଆସୁଛନ୍ତି। ପୂର୍ବରୁ ମଧ୍ୟ ଓଡ଼ିଶାର ବହୁ ଲୋକ ଡଙ୍ଗାବୁଡ଼ିରେ ପ୍ରାଣ ହରାଇଛନ୍ତି। କେତେ ଲୋକଙ୍କୁ ମିଳିଛି ମୁଖ୍ୟମନ୍ତ୍ରୀଙ୍କ ସହାୟତା? ହୀରାକୁଦ ଜଳଭଣ୍ଡାର ଦୁର୍ଘଟଣା ଘଟଣାକୁ ଛାଡ଼ିଦେଲେ ଆଉ ବୋଧେ କୌଣସି ଜଳବୁଡ଼ି ମୃତ୍ୟୁ ପାଇଁ ମୁଖ୍ୟମନ୍ତ୍ରୀଙ୍କ ଅନୁକମ୍ପା ଭଣ୍ଡାର ଖୋଲି ନାହିଁ। ଖୋଲିଲେ ବି କେତେ ଲୋକଙ୍କ ପାଇଁ ଖୋଲିବ? ଓଡ଼ିଶା ଏକ ଉପକୂଳିଆ ରାଜ୍ୟ। ଏହାର ୪୮୭ କିଲୋମିଟର ବ୍ୟାପୀ ସମୁଦ୍ର କୂଳ। ଆଭ୍ୟନ୍ତରରେ ଅନେକ ନଦୀ ଓ ପୋଖରୀ। ଏଠି ଜଳରେ ବୁଡ଼ି ପ୍ରତିବର୍ଷ ଶହଶହ ଲୋକଙ୍କ ମୃତ୍ୟୁ ଘଟେ। କିଛି ଲୋକଙ୍କ ପାଇଁ ସରକାର ସହାୟତା ଦିଅନ୍ତି, ଅଧିକ ଲୋକ ବାଦ ପଡ଼ନ୍ତି।


News Story - Posted on 2016-12-10

ସଂସଦର ସମାଧି!



ଭାରତୀୟ ଗଣତନ୍ତ୍ର ବରିଷ୍ଠ ହେଲାବେଳକୁ ଅଧିକରୁ ଅଧିକ କନିଷ୍ଠମାନେ ସଂସଦକୁ କବ୍ଜା କରିବାରେ ଲାଗିଛନ୍ତି। ଆଉ ଏଇ ପରିବର୍ତ୍ତନ ଭିତରେ ମାଡ଼ ଖାଇ ଯାଉଛି ଗଣତନ୍ତ୍ର। ଆଜିକାଲି ସଂସଦ ଆଉ ବିତର୍କ ଓ ଆଇନ ପ୍ରଣୟନର ସଭା ହୋଇ ରହିନାହିଁ। ଏହା ଏକ ଅଚଳ ଇମାରତେର ପରିଣତ ହୋଇଗଲାଣି। ଏଭଳି ଅବକ୍ଷୟ ଭାରତରେ ଗଣତନ୍ତ୍ରର ଖୋଳପା ଭିତରେ ଏକଛତ୍ରବାଦକୁ ପୁଷ୍ଟ କରି ଚାଲିଛି।


News Story - Posted on 2016-12-08

ଜୟାଙ୍କ ପରେ ଏଆଇଏଡିଏମକେ ଭାଗ୍ୟ



କ୍ଷମତା ଯୁଦ୍ଧର ଏହି ସମ୍ଭାବ୍ୟ ଦୃଶ୍ୟ ସଂପର୍କରେ ଆଭାସ ମିଳିଲାଣି। ଜୟାଙ୍କ ମହାପ୍ରୟାଣର ମାତ୍ର ୨ ଘଣ୍ଟା ଭିତରେ ଶଶିକଳାଙ୍କ ମଧ୍ୟରାତ୍ର ଷଡ଼ଯନ୍ତ୍ର ଜରିଆରେ ପନିରେସଲଭାମ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିଥିଲେ। ଏହାକୁ ଦଳର ଅନେକ ବିଧାୟକ ଓ ମନ୍ତ୍ରୀ ସନ୍ଦେହ ଚକ୍ଷୁରେ ଦେଖୁଛନ୍ତି। ସେମାନଙ୍କର ସନ୍ଦେହ ପନିରେସଲଭାମଙ୍କୁ ମୁଖ୍ୟମନ୍ତ୍ରୀ କରାଇ ଶଶିକଳା ନିଜେ ଏଆଇଏଡିଏମକେର ସର୍ବଶକ୍ତିମାନ ନେତ୍ରୀ ହେବାକୁ ଯୋଜନା କରିଛନ୍ତି। ଉଭୟ ଶଶିକଳା ଓ ପନିରସେଲଭାମ ଗୋଟିଏ ଜାତିର। ଉଭୟ ହେଉଛନ୍ତି ଥେବର। ଜୟା ଥିଲେ ବ୍ରାହ୍ମଣ।


News Story - Posted on 2016-12-08

ଭଲ ପାଇବାକୁ ଭୟ!



ଏମିତି ଏକ ଭୟ ଏବେ ଓଡ଼ିଶା ଶାସନ କଳକୁ ଯେତିକି ଆକ୍ରାନ୍ତ କରିଛି ଓଡ଼ିଶାବାସୀଙ୍କୁ ମଧ୍ୟ ସେତିକି ଅସୁବିଧାରେ ପକାଇଛି। ଏଠି ମୁଖ୍ୟମନ୍ତ୍ରୀ ଓ ମନ୍ତ୍ରୀମାନଙ୍କ ସୁରକ୍ଷା ନେଇ ପୁଲିସ ଓ ପ୍ରଶାସନକୁ ଅଧିକ ଚିନ୍ତା, ଅଧିକ ଡର। ଲୋକଙ୍କ ସୁରକ୍ଷା କଥା ଚିନ୍ତା କରିବାକୁ ବେଳ କମ୍‌। ଅଫିସରଙ୍କ ସୁରକ୍ଷା ପାଇଁ କମ୍‌ କସ୍‌ରତ୍‌ ଚାଲି ନାହିଁ। ଲୋକେ ଅସୁବିଧା ଭୋଗିଲେ କ’ଣ ହେଲା? ସେମାନେ କ’ଣ ନିର୍ବାଚିତ ରାଜା କି? ସେମାନେ ତ’ କେବଳ ଭୋଟର୍‌! ଭୋଜି ଖାଇ ବା ଉପହାର ନେଇ ଭୋଟ ଦେଲା ପରେ ତାଙ୍କ କାମ ଶେଷ! ତା’ ପରେ ଶାସନ କରିବେ ସରକାର, ମନକୁ ଯେମିତି ପାଇଲା ସେମିତି! ଲୋକପ୍ରିୟତାର ତ’ ଗୋଟେ ଫାଇଦା ଅଛି!


News Story - Posted on 2016-12-06

ଲୌହ ପ୍ରଜାପତି!



ଜୟା କେବଳ ଏକ ନାଁ ନୁହେଁ। ଏକ ବ୍ରାଣ୍ଡ। ତାମିଲନାଡ଼ୁର ସବୁଠୁ ଲୋକପ୍ରିୟ ବ୍ରାଣ୍ଡର ନାଁ। ଜୟାଲଳିତା ଜୟରମଣ। ପୁରଚି ତଲାଇବି। ଆମ୍ମାୟାର। ଲୌହ ପ୍ରଜାପତି। ତାଙ୍କ ପରଲୋକ ଗମନ କଥା ଶୁଣି ପ୍ରାଣୋତ୍ସର୍ଗ କରିବାକୁ ବି ପଛେଇ ନାହାନ୍ତି ଲୋକେ। ତାଙ୍କ ଦେହ ଖରାପ ଶୁଣି ଅନେକ ଘରେ କାନ୍ଦବୋବାଳି ପଡ଼ିଥିଲା। ଅନେକ ଗାଁ ଓ ସହରରେ ଆୟୋଜିତ ହୋଇଥିଲା ଜୟାଙ୍କ ପାଇଁ ଯଜ୍ଞ। ସେ ୭୫ ଦିନ ଚିକିତ୍ସାଧୀନ ରହିଲେ। ଏଇ ଅଢ଼େଇ ମାସ ଧରି କେବେ ବି ଚେନ୍ନାଇର ଆପୋଲୋ ହସ୍ପିଟାଲ ସାମ୍ନାରୁ ହଟି ନଥିଲେ ତାଙ୍କ ସମର୍ଥକ। ସମର୍ଥକ ନୁହନ୍ତି ତ ଆଜିକାଲିର ଭାଷାରେ ଭକ୍ତ, ଅନୁଗାମୀ।


News Story - Posted on 2016-12-03

ବିଜୁବାବୁ- ଏକ ଆଇଟମ ଗୀତ!



ଯେଉଁ ମଞ୍ଚରେ ମୋ ଦେଶର ମହାମହିମ ଉପରାଷ୍ଟ୍ରପତି ମୁଖ୍ୟ ଅତିଥି ଓ ମୋ ରାଜ୍ୟର ମୁଖିଆ ମଞ୍ଚାସୀନ ଥିଲେ ସେହି ମଞ୍ଚରେ ‘ହାଏ ହାଏରେ ଟାଟୁବାଲି ...’, ସମ୍‌ଥିଙ୍ଗ ସମ୍‌ଥିଙ୍ଗ’ ଆଦି ଓଡ଼ିଆ ସିନେମାର ଆଇଟମ୍ ଗୀତରେ ସିନେ ତାରକା ଦର୍ଶକଙ୍କର କେନ୍ଦ୍ରବିନ୍ଦୁ ଥିଲେ। ଏହିପରି କରାଯାଏ ପ୍ରବାଦ ପୁରୁଷଙ୍କୁ ଶ୍ରଦ୍ଧାଞ୍ଜଳୀ? ଏହା କ’ଣ ଆପଣଙ୍କ ନିର୍ଦ୍ଦେଶରେ ହୋଇଥିଲା? ଯଦି ହୋଇଥାଏ ତେବେ ଏହାଠାରୁ ଲଜ୍ଜାର ବିଷୟ ଆଉ କ’ଣ ହୋଇପାରେ? ଯଦି ନୁହେଁ ତେବେ ଯଥାଶୀଘ୍ର କାର୍ଯ୍ୟାନୁଷ୍ଠାନ ହେଉ।


News Story - Posted on 2016-12-01

ବିଜେପିର ଜମି ଟଙ୍କା କଳା ନା ଧଳା?



ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନୋଟ‍୍‌ ଅଚଳ ନିଷ୍ପତ୍ତି ନେବାର ଅଳ୍ପ କିଛି ଦିନ ପୂର୍ବରୁ ତାଙ୍କର ଭାରତୀୟ ଜନତା ପାର୍ଟି ବିଭିନ୍ନ ରାଜ୍ୟରେ କୋଟିକୋଟି ଟଙ୍କାର ଜମି କିଣିଛି। ନୋଟ‍୍‌ ଅଚଳ ହେବା ଆଗରୁ ବିଜେପି ନିଜର କଳାଧନକୁ ଏହି ଉପାୟରେ ଧଳା କରିଛି ବୋଲି ଅଭିଯୋଗ କରିଛି କଂଗ୍ରେସ। ଦଳର ମୁଖପାତ୍ର ରଣଦୀପ ସିଂହ ସୁରଜୱାଲା ଏ ନେଇ ଏକ ସାମ୍ୱାଦିକ ସମ୍ମିଳନୀରେ କେତେକ ନଥିପତ୍ର ମଧ୍ୟ ଦେଖାଇଛନ୍ତି। ନଥିପତ୍ର ଅନୁସାରେ ଓଡ଼ିଶାରେ ବିଜେପି କେନ୍ଦ୍ରାପଡ଼ା, ଜଗତସିଂହପୁର ଓ ବ୍ରହ୍ମପୁର ଆଦି ପ୍ରାୟ ୧୮ ସ୍ଥାନରେ ବଡ଼ବଡ଼ ଜମି କିଣିଛି।


News Story - Posted on 2016-11-30

ବିଜେପିର ଢାଲ ଗୋମାତା!



ଯେଉଁ ଦଳିତ ନିମ୍ନବର୍ଗର ଲୋକମାନେ ପୁରୁଷାନୁକ୍ରମରେ ବର୍ଷ ବର୍ଷ ଧରି ଗୋରୁ, ଛେଳି, ମେଣ୍ଢା, ମଇଁଷି ଏପରିକି ବିଭିନ୍ନ ପ୍ରକାର ସାପର ଚମଡା ଛଡାଇ ଜୀବିକା ନିର୍ବାହ କରିଥାନ୍ତି ଏବଂ ସେଇ ମଲା ପଶୁର ମାଂସ ଭକ୍ଷଣ କରନ୍ତି ସେମାନଙ୍କ ଉପରେ କ୍ରୁର ବ୍ୟବହାର କରିବାର କିଛି କାରଣ ନାହିଁ। ବରଂ ସେମାନେ ମଲା ଗାଈ ଗୋରୁ, ଛେଳି, ମେଣ୍ଢା ଆଦିର ମାଂସ ଭକ୍ଷଣ କରି ମୋଦିଙ୍କ ‘ସ୍ୱଚ୍ଛ ଭାରତ ଅଭିଯାନ’ରେ ମୁଖ୍ୟ ଭୂମିକା ପାଳନ କରୁଛନ୍ତି। ଅଥଚ ହିନ୍ଦୁତ୍ୱକୁ ରକ୍ଷା କରିବା ପାଇଁ ଠିକା ନେଇଥିବା ଅତ୍ମଘୋଷିତ ହିନ୍ଦୁ ଧ୍ୱଜାଧାରୀ ମୌଳବାଦୀ ସଂଗଠନଗୁଡ଼ିକ ବାରମ୍ୱାର ଏହି ଦଳିତମାନଙ୍କ ଉପରେ ଆକ୍ରମଣ କରୁଛନ୍ତି। କିଛି ଦିନ ତଳେ ଗୁଜରାଟରେ ୪ ଜଣ ଦଳିତ ଯୁବକଙ୍କୁ ଗୋରୁର ଚମଡା ଛଡେଇବା ଅଭିଯୋଗରେ ଉଲଗ୍ନ କରି ମାଡ଼ ମରାଗଲା। ମଧ୍ୟ ପ୍ରଦେଶରେ ଦୁଇ ଜଣ ମହିଳା ମଇଁଷି ମାଂସ ଘରେ ରଖିଥିବା ଅଭିଯୋଗରେ ଅତ୍ୟାଚାରର ଶିକାର ହେଲେ। ଏହି ରାଜ୍ୟଗୁଡ଼ିକରେ ଦୀର୍ଘ ଦିନ ଧରି ବିଜେପି ସରକାର ଚାଲିଛି। ଏହାପୂର୍ବରୁ ହାଇଦ୍ରାବାଦ ବିଶ୍ବବିଦ୍ୟାଳୟର ଗବେଷଣା ଛାତ୍ର ରୋହିତ ଭେମିଲା ନିମ୍ନବର୍ଗର ହୋଇଥିବାରୁ ହିନ୍ଦୁତ୍ୱର ଆତ୍ମଘୋଷିତ ଅଭିଭାବ


News Story - Posted on 2016-11-26

ଓଡ଼ିଶା ସରକାର କେତେ ସ୍ବଚ୍ଛ?



ଅକ୍ଟୋବର 12, 2005ରୁ ଓଡ଼ିଶା ସମେତ ସମଗ୍ର ଦେଶରେ କାର୍ଯ୍ୟକାରୀ ହୋଇ ଅାସୁଥିବା ସୂଚନା ଅଧିକାର ଅାଇନକୁ ଇତି ମଧ୍ୟରେ ଏଗାର ବର୍ଷ ଅତିକ୍ରାନ୍ତ ହୋଇଯାଇଛି। ଏହି ଅାଇନ ଜନସାଧାରଣଙ୍କର ସମସ୍ୟା ସମାଧାନ କରିବା ଏବଂ ଦୁର୍ନୀତି ବିରୋଧୀ ଲଢ଼େଇର ଏକ ଅସ୍ତ୍ର ହୋଇଯାଇଛି କହିଲେ ଅତ୍ୟୁକ୍ତି ହେବନାହିଁ। ପ୍ରଶାସନିକ କାର୍ଯ୍ୟକଳାପ, ନିଷ୍ପତ୍ତି ଗ୍ରହଣ କରିବା ପ୍ରକ୍ରିୟା, ସରକାରୀ ଉନ୍ନୟନମୂଳକ କାର୍ଯ୍ୟରେ ହେଉଥିବା ବ୍ୟାପକ ଅନିୟମିତତା, ଜାଲିଅାତି, ସରକାରୀ ଅର୍ଥ ହରିଲୁଟ୍ ସମ୍ପର୍କରେ ଏହି ଅାଇନ ଦ୍ବାରା ନାଗରିକମାନେ ସଚେତନ ହୋଇପାରୁଛନ୍ତି ଏବଂ ଏହାର ପ୍ରତିକାର ପାଇଁ ପ୍ରଚେଷ୍ଟା ମଧ୍ୟ କରିଚାଲିଛନ୍ତି। ଏହି ଏଗାର ବର୍ଷ ମଧ୍ୟରେ ରାଜ୍ୟ ସରକାରଙ୍କ ତରଫରୁ ଉକ୍ତ ଅାଇନକୁ ଅକାମୀ କରିବା ପାଇଁ ଯେତିକି ହୀନ ଚକ୍ରାନ୍ତ ଜାରି ରହିଛି, ସେହିପରି ଅାଇନକୁ ସଠିକ୍ ରାସ୍ତାରେ କାର୍ଯ୍ୟକାରୀ କରାଇବା ପାଇଁ ସୂଚନାଧିକାର କର୍ମୀ ଏବଂ ସାଧାରଣ ଲୋକଙ୍କର ସଂଗ୍ରାମ ଅବ୍ୟାହତ ରହିଛି ଅାଇନର ବ୍ୟାପକ ପ୍ରୟୋଗ ଯୋଗୁଁ ସରକାରୀ ସ୍ତରରେ ମନଇଚ୍ଛା ଏବଂ ଖାମଖିଅାଲି ନିଷ୍ପତ୍ତିରେ ଭଟ୍ଟା ପଡ଼ିଛି ଏବଂ ଦୁର୍ନୀତିଗ୍ରସ୍ତ ସରକାରୀ &


News Story - Posted on 2016-11-24

ମହାନଦୀ- କାମ ସରିବା ପରେ ବିରୋଧ!



କେନ୍ଦ୍ରୀୟ ଜଳ ଆୟୋଗଙ୍କ ଠାରୁ ସୂଚନା ଅଧିକାର ଆଇନ ବଳରେ ମାନବାଧିକାର କର୍ମୀ ଶ୍ରୀ ଅଖଣ୍ଡ ପ୍ରକଳ୍ପ ସମ୍ପର୍କିତ ତଥ୍ୟ ମାଗିଥିଲେ। ମିଳିଥିବା ତଥ୍ୟ ଅନୁସାରେ ମଧ୍ୟପ୍ରଦେଶ ଠାରୁ ଅଲଗା ହେବା ପରେ ଛତିଶଗଡ ଭାଗରେ ୪୦ରୁ ଅଧିକ ଜଳସେଚନ ପ୍ରକଳ୍ପ ପଡିଥିଲା। ସେଗୁଡିକ ସବୁ ମହାନଦୀ ଅବାବାହିକାରେ ନିର୍ମାଣ ହୋଇଛି। ୨୦୦୩ ମସିହା ଠାରୁ ଆଜି ପର୍ଯ୍ୟନ୍ତ ୧୫ଟି ବୃହତ ଓ ମଧ୍ୟମ ଜଳସେଚନ ପ୍ରକଳ୍ପ ନିର୍ମାଣ ପାଇଁ ଅନୁମତି ପାଇଛି। ଆଉ ୭ଟି ପ୍ରକଳ୍ପକୁ ଏବେ କେନ୍ଦ୍ରୀୟ ଜଳ ଆୟୋଗଙ୍କ ମୂଲ୍ୟାୟନ କରୁଛି।


News Story - Posted on 2016-11-21

ହାୟରେ ହତଭାଗ୍ୟ ମଣିଷ!



ଏଇଠି ଆସେ ମାନବିକ ଅଧିକାରର କଥା। ମାନବିକ ଅଧିକାର ଏକ ମୁଖରୋଚକ ପଦ। ସମୟକ୍ରମେ ମାନବିକ ଅଧିକାରର ତାଲିକା ଲମ୍ୱା ହୋଇଚାଲିଛି। କିନ୍ତୁ ତା ସହିତ କମି ଯାଉଛି ତା’ର ବଞ୍ଚିବାର ସାଧନ, ମଉଳିଯାଉଛି ତା’ର ଜୀବନର ଆଶା, ସଂକୁଚିତ ହୋଇଚାଲିଛି ତା’ର ଅଧିକାର। ମାନବ ସଭ୍ୟତାର ଇତିହାସରେ ମାନବିକ ଅଧିକାରର ରେକର୍ଡ ଭାରି ଖରାପ। ଇତିହାସକୁ ଘାଣ୍ଟ। ସରଳ ସାବଲୀଳ ଜୀବନର ଉଦାହରଣ କମ। ବେଶୀ ଭାଗ ହେଉଛି ଉପିୀଡିତ ହେଉଥିବା ମଣିଷ ଜୀବନର କଥା। ପ୍ରାଚୀନ ମିଶରର ପିରାମିଡ ଦେଖି ଆମେ ଚମତକୃତ ହେଉ। ମିଶରର ସର୍ବବୃହତ ପିରାମିଡର ନିର୍ମାତା ଖୁଫୁ ଆମ ସ୍ମରଣକୁ ଆସନ୍ତି। କିନ୍ତୁ କିଏ କ’ଣ ଭାବେ ଏହି ବିରାଟ ଇମାରତର ନିର୍ମାଣ ପାଇଁ କୋଡିଏ ବର୍ଷରେ ଲକ୍ଷାଧିକ ଲୋକ ମୃତ୍ୟୁବରଣ କରିଥିଲେ! ରାଜାଙ୍କ ଅହମିକା..ସେ ମୃତ୍ୟୁ ପରେ ମଧ୍ୟ ଏହି ପିରାମିଡ ମଧ୍ୟରେ ସୁରକ୍ଷିତ ରହିବେ। ସେଥିପାଇଁ ଲକ୍ଷ ଲକ୍ଷ ପ୍ରଜା ପ୍ରାଣବଳି ଦେଲେ ତ କ’ଣ ହୋଇଗଲା?


News Story - Posted on 2016-11-08

ମଧ୍ୟାହ୍ନରେ ସୂର୍ଯ୍ୟାସ୍ତ



ଲୁଲୁ ଥିଲେ ଦଳମତ ନିର୍ବିଶେଷରେ ଯୁବ ଓ ଛାତ୍ର ଗୋଷ୍ଠୀର ପ୍ରିୟ। ଏହାର କାରଣ ସମ୍ଭବତଃ ସେ ଥିଲେ ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କର ଦ୍ବିତୀୟ ଅବତାର। ବିଜୁବାବୁ ଯେମିତି ଯୁବାବସ୍ଥାରେ ଅଦ୍ୟମ ଉତ୍ସାହ, ଉଦ୍ଦିପନା ଓ ସାହସର ପରିଚୟ ଦେଇ ଯାଇଛନ୍ତି, ଲୁଲୁଙ୍କଠାରେ ମଧ୍ୟ ତାହା ଲକ୍ଷ୍ୟ କରିଛନ୍ତି ଲୋକମାନେ। ସମସ୍ୟା ଓ ଅସୁବିଧାରେ ପଡ଼ିଥିବା ଲୋକମାନଙ୍କୁ ହାତଖୋଲା ସହାୟତା, ଲୋକଙ୍କ ସେବା କରିବାକୁ ଚାହୁଁଥିବା ଯୁବକ ଓ ଛାତ୍ରଙ୍କୁ ସବୁ ପ୍ରକାର ଆର୍ଥିକ ଓ ରାଜନୀତିକ ପ୍ରୋତ୍ସାହନ, ରୋକଠୋକ କଥାବାର୍ତ୍ତା, ଯାହା କହିବା ତାହା କରିବା, ଶାରୀରିକ ଅସୁସ୍ଥତାକୁ ପଛରେ ପକାଇ ଓଡ଼ିଶା ବୁଲିବା ପରି ଅନେକ ଗୁଣ ଓ କର୍ମ ଯାହା ବିଜୁଙ୍କଠାରେ ଥିଲା ତାହା ଲୁଲୁଙ୍କଠାରେ ମଧ୍ୟ ଲକ୍ଷ୍ୟ କରାଯାଇଛି। ବୋଧହୁଏ ସେଇଥିପାଇଁ ସେ ମାତ୍ର ତିନି ଥର ବିଧାୟକ ଥିଲେ ବି ତାଙ୍କ ପାଇଁ ଶୋକପ୍ରକାଶ କରିଛି ସମଗ୍ର ଓଡ଼ିଶା।


News Story - Posted on 2016-11-07

ଗୋଚ୍ଛି କଟାକଟି ଆରମ୍ଭ!



ଆଗକୁ ପଞ୍ଚାୟତ ନିର୍ବାଚନ। ଆଉ ପ୍ରାୟ ମାସକ ପରେ ରାଜ୍ୟ ନିର୍ବାଚନ କମିଶନ ପଞ୍ଚାୟତ ନିର୍ବାଚନ ପାଇଁ ବିଜ୍ଞପ୍ତି ଜାରି କରିବେ। ନୂଆ ବର୍ଷ ଆରମ୍ଭରେ ରାଜ୍ୟରେ ପଞ୍ଚାୟତ ନିର୍ବାଚନ ଅନୁଷ୍ଠିତ ହେବାକୁ ଯାଉଛି। ପଞ୍ଚାୟତ ନିର୍ବାଚନ ପାଇଁ ମଧ୍ୟ ସବୁ ଦଳ ଊଣା ଅଧିକେ ପ୍ରସ୍ତୁତି ଆରମ୍ଭ କରିଦେଲେଣି। ତେବେ ଗୋଡ଼ଟଣା ରାଜନୀତି ସବୁ ଦଳ ପାଇଁ ଅଡ଼ୁଆ ସୃଷ୍ଟି କରିବାକୁ ଯାଉଛି। ଯାହାକୁ ନେଇ ସବୁ ରାଜନୈତିକ ଦଳର ମୁଣ୍ଡବ୍ୟଥା।


News Story - Posted on 2016-11-07

ନବୀନଙ୍କ ପାଇଁ ମେଣ୍ଟ ଏକ ଝୁଲଣା!



ମହାମେଣ୍ଟ ନେଇ ଭର୍ତ୍ତୃହରି ମହତାବଙ୍କ ଇଙ୍ଗିତ ରାଜନୀତିକ ସମୀକ୍ଷକମାନଙ୍କୁ ନୂତନ ସମୀକରଣର ପରିକଳ୍ପନା କରିବା ପାଇଁ ଯଥେଷ୍ଟ ଖୋରାକ୍ ଯୋଗାଇଛି। ଅନୁଶୀଳନ ଅନୁଯାୟୀ ଯଦି ବିଜେଡ଼ି ମହାମେଣ୍ଟରେ ସାମିଲ‍୍‌ ହୁଏ ତେବେ ରାଜ୍ୟରେ ବିଜେପି ପୂର୍ବାପେକ୍ଷା ଆହୁରି ଶକ୍ତିଶାଳୀ ହୋଇଉଠିବ। ନବୀନ ଆଉ ରାଜନୀତିର କଚ୍ଚା ଖେଳାଳୀ ହୋଇନାହାନ୍ତି। ସେ ଏବେ ଖାଲି ରାଜ୍ୟ ନୁହେଁ ଜାତୀୟ ରାଜନୀତିର ବି ମହାନ ଖେଳୁଆଡ଼। ତେଣୁ ନବୀନ ମହାମେଣ୍ଟରେ ସାମିଲ‍୍‌ ହେବାର ନିଷ୍ପତ୍ତି ନେଇ ବୋକାମିର ପରିଚୟ ଦେବେ ବୋଲି ବିଶ୍ବାସଯୋଗ୍ୟ ନୁହେଁ। ବରଂ ସେ ନିଜର ସ୍ବାର୍ଥ ଦୃଷ୍ଟିରୁ ୨୦୧୯ ନିର୍ବାଚନ ପର୍ଯ୍ୟନ୍ତ ଜାତୀୟ ଦଳଗୁଡ଼ିକୁ ଝୁଲାଇ ରଖିବେ।


News Story - Posted on 2016-11-07

କଥା କୋଉ ମାରଗରେ ଗଲା?



କଂଗ୍ରେସ ସହିତ ମେଣ୍ଟ ସମ୍ଭାବନାକୁ ନବୀନ ଖଣ୍ଡନ କରିବା ସତ୍ତ୍ବେ କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏହାକୁ ଏକ ପ୍ରସଙ୍ଗ ଭାବେ ଉଜ୍ଜୀବୀତ ରଖିଲେ। ଭର୍ତ୍ତୃହରି ଯାହା କହିଲେ ତାହା ନବୀନଙ୍କ ମତ, ଏଥିରୁ ତାଙ୍କର କଂଗ୍ରେସ ସହିତ ଥିବା ଭିତିରି ସଂପର୍କ ଜଣାପଡ଼ିଲା ବୋଲି ସେ କହିଲେ। ସତରେ ଯଦି ବିଜେଡି ଓ କଂଗ୍ରେସ ସହିତ ମେଣ୍ଟ ହୁଏ ତେବେ ବିଜେପି ତାହାକୁ ସ୍ବାଗତ କରିବ ବୋଲି ସେ କହିଲେ। ଏଭଳି ସୁଯୋଗ ମିଳିଲାରୁ ଓଡ଼ିଶାର ସାମ୍ବାଦିକମାନେ ମଧ୍ୟ ଏହି ଚର୍ଚ୍ଚାକୁ ବଜାୟ ରଖିଲେ। ଜନତା ପରିବାରରୁ କଂଗ୍ରେସ ପରିବାରକୁ ଲମ୍ଫ ଦେଇଥିବା ଶ୍ରୀକାନ୍ତ ଜେନାଙ୍କଠାରୁ ସାମ୍ବାଦିକମାନେ କଥା ଆଦାୟ କଲେ- ସେ କହିଲେ, ଏହା ଅସମ୍ଭବ, ସେଭଳି ସମ୍ଭାବନା ସଂପୂର୍ଣ୍ଣ କାଳ୍ପନିକ।


News Story - Posted on 2016-11-07

ଚାଲିଗଲେ ଓଡ଼ିଶାର ଚିରସ୍ଥାୟୀ ଯୁବନେତା!



ଯଦିଓ ସେ କଂଗ୍ରେସ ଦଳରେ ଥିଲେ ତଥାପି ରାଜ୍ୟର ଅନ୍ୟ ସବୁ ଦଳରେ ଥିଲେ ଲୁଲୁଙ୍କର ସମର୍ଥକ ଓ ପ୍ରଶଂସକ। ସ୍ବର୍ଗତ ବିଜୁ ପଟ୍ଟନାୟକଙ୍କ ପରେ ଯଦି ଓଡ଼ିଶାର କୋଣ ଅନୁକୋଣରେ କାହାର କିଛିଟା ଲୋକପ୍ରିୟତା ଓ ବ୍ୟକ୍ତିଗତ ସଂଗଠନ ଥିଲା ବା ଅଛି ତେବେ ସେ ହେଉଛନ୍ତି ଲୁଲୁ ମହାପାତ୍ର, ଶୁଭ ନାମ ଲଲାଟେନ୍ଦୁ ବିଦ୍ୟାଧର ମହାପାତ୍ର।


News Story - Posted on 2016-11-05

ନାଟକ ଥିଲା ‘ଜନମତ ଲୋଡ଼ା’



ସେପ୍ଟେମ୍ୱର ୧୯ ତାରିଖରେ ସୂଚନା ଅଧିକାର ଆଇନ‌୍‍ ବଳରେ ଜଳସମ୍ପଦ ବିଭାଗକୁ ମହାନଦୀ ଜଳ ବିବାଦ ସମ୍ପର୍କରେ କେତେଗୁଡ଼ିଏ ତଥ୍ୟ ଯଥା-ମହାନଦୀ ପ୍ରସଙ୍ଗରେ କେଉଁ କେଉଁ ସଂଗଠନ କି କି ପ୍ରକାରର ମତାମତ ଦେଇଥିଲେ, କେଉଁସବୁ ମତାମତକୁ ରାଜ୍ୟ ସରକାର ଗ୍ରହଣ କରିଥିଲେ, ତ୍ରିପାକ୍ଷିକ ଆଲୋଚନାରେ ରାଜ୍ୟ ସରକାର ତାଙ୍କ ସପକ୍ଷରେ କି କି ଦଲିଲ ଉପସ୍ଥାପନ କରିଥିଲେ ଇତ୍ୟାଦି ମଗାଯାଇଥିଲା। ଅକ୍ଟୋବର ୨୬ ତାରିଖରେ ଜଳସମ୍ପଦ ବିଭାଗର ମୁଖ୍ୟଯନ୍ତ୍ରୀଙ୍କ କାର୍ଯ୍ୟାଳୟରୁ ଯୋଗାଇ ଦିଆଯାଇଥିବା ତଥ୍ୟରେ ସମୁଦାୟ ୨୨୧ଟି ସଂଗଠନ ଦ୍ୱାରା ଦିଆଯାଇଥିବା ସେମାନଙ୍କର ମତାମତ କପି ପ୍ରଦାନ କରିଥିଲେ ଏବଂ ଅନ୍ୟ କୌଣସି ତଥ୍ୟ ପ୍ରଦାନ କରିନଥିଲେ। ଏଥିରୁ ସ୍ପଷ୍ଟ ହେଲା ଯେ ମହାନଦୀ ଜଳ ବିବାଦ ପ୍ରସଙ୍ଗରେ ରାଜ୍ୟବାସୀ ମତାମତ ଲୋଡ଼ିବା ମୁଖ୍ୟମନ୍ତ୍ରୀଙ୍କର ଏକ ଡ଼୍ରାମା ଥିଲା। ସାଧାରଣ ଲୋକଙ୍କର ମହାନଦୀ ପାଇଁ ଥିବା ଅହେତୁକ ଭାବାବେଗକୁ ନିଜ ସପକ୍ଷରେ ନେବା ପାଇଁ ମୁଖ୍ୟମନ୍ତ୍ରୀ ଏହିଭଳି ମତାମତର ଆହ୍ୱାନ କରିଥିଲେ। ବାସ୍ତବରେ ଲୋକଙ୍କ ମତାମତ ପ୍ରତି ସରକାରଙ୍କର କୌଣସି ଖାତିର ନଥିଲା। ମହାନଦୀ ଜଳ ବିବାଦ ସମ୍ପର୍କରେ ରାଜ୍ୟ ସରକ


News Story - Posted on 2016-11-04

କ୍ରୋମ ଲୁଟ୍‌ରେ ବିଜେପି-ବିଜେଡି ଭାଗୀଦାର!



ଗତ ୨୦୧୪ ମସିହା ସେପ୍ଟେମ୍ୱର ୧୫ ତାରିଖରେ ବନ୍ଦ ଥିବା ଏହି ଖଣିରୁ ଚୋରାରେ କ୍ରୋମାଇଟ ଚାଲାଣ କରୁଥିବା ବେଳେ ସଂପୃକ୍ତ କମ୍ପାନୀର ୪ଟି ଡମ୍ଫରକୁ ସ୍ଥାନୀୟ ଲୋକ ଧରି ପୋଲିସ ଜିମା ଦେଇଥିଲେ। ସେତେବେଳେ ଫେକର କମ୍ପାନୀର କାରନାମାକୁ ନେଇ ଚାଚଂଲ୍ୟ ସୃଷ୍ଟି ହୋଇଥିଲା। ଏହାର  ନିର୍ଦ୍ଦେଶକ ଜଣେ ପୂର୍ବତନ ସାସଂଦଙ୍କ ସମ୍ପର୍କୀୟ ହୋଇଥିବାରୁ ରାଜନୈତିକ ଚାପ ପ୍ରୟୋଗ କରି ଏହି ଘଟଣାକୁ ଚାପି ଦିଆଯାଇଥିଲା। ଉଲ୍ଲେଖଯୋଗ୍ୟ ଯେ ଫେକର କମ୍ପାନୀ ମାଲିକମାନଙ୍କ ସହ ସଂପୃକ୍ତ ରାମଦାସ ଅଗ୍ରୱାଲ ରାଜସ୍ଥାନରୁ ଭାରତୀୟ ଜନତା ପାର୍ଟିର ରାଜ୍ୟସଭା ସଦସ୍ୟ ଅଛନ୍ତି। ସେ ଏହି ଦଳର କୋଷାଧ୍ୟକ୍ଷ ପଦ ମଧ୍ୟ ପାଇଥିଲେ। ଏହି ଦଳ ସହିତ ରାଜ୍ୟର ଶାସକ ବିଜୁ ଜନତା ଦଳର ୨୦୦୯ ମସିହା ଯାଏଁ ମେଣ୍ଟ ଥିଲା। ଏବେ ବି ଏହି ଦଳର ବହୁ ଗୁରୁତ୍ବପୂର୍ଣ୍ଣ ନେତାଙ୍କ ସହିତ ରାଜ୍ୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କର ଘନିଷ୍ଟ ସଂପର୍କ ରହିଛି। ଫେକର କମ୍ପାନୀର ବହୁ ନିର୍ଦ୍ଦେଶକ ଶରାଫ ସାଙ୍ଗିଆଧାରୀ ଥିଲେ ମଧ୍ୟ ବିଜୁ ଜନତା ଦଳର ସାଂସଦ ତଥା ଆଇନଜୀବୀ ପିନାକୀ ମିଶ୍ର ମଧ୍ୟ ଏହାର ବୋର୍ଡ଼ ଅଫ ଡିରେକ୍ଟର ସଦସ୍ୟ ଅଛନ୍ତି। ଓଡ଼ିଶାର ପୂର୍ବତନ ମୁଖ୍ୟ &


News Story - Posted on 2016-11-02

କୋଣାର୍କ ଉତ୍ସବରେ ବି ବିଜୁକୀର୍ତ୍ତନ!



ଏତଦ ବ୍ୟତିତ କୋଣାର୍କ ଉତ୍ସବରେ ପ୍ରଥମ ଥର ପାଇଁ ଯୋଡି ହୋଇଛି ସାଇକଲ ରାଲି। ପର୍ଯ୍ୟଟନ ବିଭାଗର ସହାୟତାରେ କୋଣାର୍କ ପ୍ରେସ‌୍‍ କ୍ଲବ ପକ୍ଷରୁ ଆୟୋଜିତ ଏହି ସାଇକଲ ରାଲି ମୁକ୍ତାକାଶ ରଙ୍ଗମଞ୍ଚ ପରିସରରୁ ବାହାରି ମା’ ରାମଚଣ୍ଡୀଙ୍କ ପୀଠରେ ଶେଷ ହେବ।  ଡିସେମ୍ୱର ୧ ତାରିଖ ଠାରୁ ପ୍ରତ୍ୟହ ସନ୍ଧ୍ୟା ୬ ଟାରୁ ୮ଟା ୩୦ ମିନିଟ ପର୍ଯ୍ୟନ୍ତ  ମୁକ୍ତାକାଶ ରଙ୍ଗମଞ୍ଚରେ ଦୁଇଟି ପର୍ଯ୍ୟାୟରେ ଶାସ୍ତ୍ରୀୟ ନୃତ୍ୟ ସଂଗୀତର ମହା କୁମ୍ଭରେ ପ୍ରତେହ୍ୟ ଓଡିଶୀ ନୃତ୍ୟ ସହିତ ବିଭିନ୍ନ ରାଜ୍ୟର ଶାସ୍ତ୍ରୀୟ ନୃତ୍ୟ ପ୍ରଦର୍ଶିତ ହେବ। ଏଥିରେ ୬ ପ୍ରକାର ନୃତ୍ୟ ଯଥା ଓଡିଶୀ, କୁଚିପୁଡି, ମୋହୀନିଆଟମ, ଭାରତନାଟ୍ଟ୍ୟମ‌୍‍, କଥକ, ମଣିପୁରୀ,  ନୃତ୍ୟ ପରିବେଷଣ କରାଯିବ। ଏତଦବ୍ୟତିତ ଅତିଥି ନୃତ୍ୟ ଶିଳ୍ପୀ ଭାବେ ଇଣ୍ଡୋନେସିଆର ନୃତ୍ୟଶିଳ୍ପୀମାନେ ଉତ୍ସବର ଉଦଯାପନୀ ଦିବସର ପ୍ରଥମାର୍ଘରେ ବିଜୁ ପଟ୍ଟନାୟକଙ୍କ ବୀରତ୍ୱର ଗାଥାକୁ ନୃତ୍ୟ ମାଧ୍ୟମରେ ପ୍ରଦର୍ଶନ କରିବେ। ଏହି ଉତ୍ସବ  ଦେଖିବା ନିମନ୍ତେ ମେକ‌୍‍ ଇନ‌୍‍ ଓଡିଶାର ୬୦୦ ପ୍ରତିନିଧି ଡିସେମ୍ୱର ୧ ଓ ୨ ତାରିଖରେ କୋଣାର୍କ ଆସିବା ପାଇଁ ସ୍ୱତନ୍ତ୍ର ବ୍ୟବସ୍ତା ହୋଇଛି।


News Story - Posted on 2016-11-01

ନବୀନ ଓଡ଼ିଶା- କୃଷିରେ ୨୧, ଶିଳ୍ପରେ ୧୧



ତାଙ୍କ ମୁଖ୍ୟମନ୍ତ୍ରିତ୍ବ ସମୟରେ ଓଡ଼ିଶା କୃଷି ଓ ଶିଳ୍ପ କ୍ଷେତ୍ରରେ ପ୍ରବଳ ପ୍ରଗତି କରିଛି ବୋଲି ବିଜେଡ଼ି ନେତା ନବୀନ ପଟ୍ଟନାୟକ ଓ ତାଙ୍କ ଗ୍ୟାଙ୍ଗର ସଦସ୍ୟମାନେ ଦାବି କରୁଥିବାବେଳେ ବାସ୍ତବ ସ୍ଥିତି ଅନ୍ୟପ୍ରକାର। ଯୋଜନା କମିଶନ ସ୍ଥାନରେ ଗଠିତ ହୋଇଥିବା ନିତି ଆୟୋଗ ଏବଂ ବିଶ୍ବ ବ୍ୟାଙ୍କର ସଦ୍ୟତମ ରିପୋର୍ଟ ଅନୁସାରେ କୃଷି ଓ ଶିଳ୍ପ କ୍ଷେତ୍ରରେ ଓଡ଼ିଶାର ସ୍ଥାନ ଜାତୀୟ ସ୍ତରରେ ତଳକୁ ତଳକୁ ଖସିବାରେ ଲାଗିଛି। ଏଠାରେ କୃଷି ସଂସ୍କାର ପ୍ରାୟତଃ ଆରମ୍ଭ ହୋଇନଥିବାବେଳେ ଶିଳ୍ପ ଓ ବ୍ୟବସାୟ ଜଗତ ମଧ୍ୟ ମୁହଁ ମୋଡ଼ିବା ଆରମ୍ଭ କଲେଣି।


News Story - Posted on 2016-10-30

ମହାନଦୀ-ଅଜ୍ଞତାର ସ୍ବୀକାରୋକ୍ତି



ଓଡ଼ିଆରେ ଗୋଟେ କଥା ଅଛି- ଛୁଞ୍ଚିରେ ଛିଡ଼ିବା କାମ ଶାବଳରେ ହୁଏନା। ମହାନଦୀ ପ୍ରସଙ୍ଗରେ ବିଜୁ ଜନତା ଦଳ ଛୁଞ୍ଚି ଛାଡ଼ି ଶାବଳ ଧରିଛି। ଖାସ୍ ରାଜନୀତିକ ଉଦ୍ଦେଶ୍ୟ ରଖି ବିଜୁ ଜନତା ଦଳ ଓ ଏହି ଦଳର ସରକାର ଏହି ପ୍ରକ୍ରିୟାରେ ଆପଣାର ଅଜ୍ଞତା ଓ ଅପାରଗତାକୁ ବି ପଦାରେ ପକାଇ ଚାଲିଛନ୍ତି। ମହାନଦୀ ଜଳବଣ୍ଟନ ସମସ୍ୟା ସମାଧାନ କରିବା ପରିବର୍ତ୍ତେ ଯେକୌଣସି ପ୍ରକାରେ ଏହି ପ୍ରସଙ୍ଗକୁ ଆଗାମୀ ପଂଚାୟତ ଓ ପୌର ନିର୍ବାଚନ ଏବଂ ଦରକାର ହେଲେ ୨୦୧୯ ବିଧାନସଭା ନିର୍ବାଚନ ଯାଏଁ ଜିଆଁଇ ରଖିବାକୁ ଫନ୍ଦିଫକର କରାଯାଇଛି। ସେଥିପାଇଁ ରାଜ୍ୟ ରାଜକୋଷରୁ କେଇ ଲକ୍ଷ କି କେଇ କୋଟି ପାଣିରେ ପଡ଼ିଲେ ବି ଯାଏଆସେ ନାହିଁ। ଦଳର ସ୍ବାର୍ଥ ନା!


News Story - Posted on 2016-10-24

ଜୁଏଲଙ୍କ ଅଡ଼ୁଆ ଭିତରେ ମୁସ୍କିଲ!



୧୯୯୦ ରୁ ୧୯୯୮ ପର୍ଯ୍ୟନ୍ତ ଦୁଇ ଦୁଇ ଥର ବିଧାୟକ ଏବଂ ୧୯୯୮, ୧୯୯୯,୨୦୦୪ ଏବଂ ୨୦୧୪ ଚାରି ଚାରି ଥର ଲୋକସଭା ସାଂସଦ ଭାବେ ନିର୍ବାଚିତ ହୋଇ ନିଜର ଅସୀମ ଆଧିପତ୍ୟ ତଥା ପ୍ରଚଣ୍ଡ ଲୋକପ୍ରିୟତାର ପ୍ରମାଣ ଦେଇଥିଲେ ଜୁଏଲ‌୍‍ ବାବୁ। ୧୯୯୯ରେ ଅଟଳ ବିହାରୀ ବାଜପେୟୀଙ୍କ ସରକାରରେ ସର୍ବପ୍ରଥମ ଭାବେ ଆଦିବାସୀ କଲ୍ୟାଣ ମନ୍ତ୍ରଣାଳୟ ଖୋଳାଯାଇ ଶ୍ରୀ ଓରାମଙ୍କୁ କ୍ୟାବିନେଟ‌୍‍ ମନ୍ତ୍ରୀ କରାଯାଇଥିଲା। ପୁନର୍ବାର ମୋଦୀ ସରକାରରେ ସେହି ପଦବୀ ମିଳିଥିବା ବେଳେ ସେ ରାଜ୍ୟ ବିଜେପି ସଭାପତି ଏବଂ କେନ୍ଦ୍ରୀୟ ଉପ-ସଭାପତି ଦାୟିତ୍ୱ ତୁଳାଇବା ସହ ଅନେକ ପଦପଦବୀ ମଣ୍ଡନ କରିଛନ୍ତି। ତେବେ ଲମ୍ୱା ରାଜନୈତିକ ତଥା ସାଂଗଠାନିକ ଅଭିଜ୍ଞତା ସତ୍ତ୍ୱେ ଜିଲ୍ଳାରେ ସାଙ୍ଗଠାନିକ ସ୍ଥିତିକୁ ସଜାଡ଼ିବାରେ ବିଫଳ ହେଉଥିବା ସମୀକ୍ଷାରୁ ଜଣାପଡ଼ିଛି।


News Story - Posted on 2016-10-24

ନବୀନ ମାନି ନାହାନ୍ତି ବିଜୁ ଆଇନ!



ବାପା ବିଜୁ ପଟ୍ଟନାୟକଙ୍କ ସ୍ବପ୍ନକୁ ସାକାର କରିବାକୁ ଅହରହ ଉଦ୍ୟମ ଚଳାଇଛନ୍ତି ବୋଲି ଦାବି କରୁଥିବା ଓଡ଼ିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଇତିମଧ୍ୟରେ ଶାସନ କ୍ଷମତାରେର ୧୭ ବର୍ଷ ପୂରଣ କରିବାକୁ ଯାଉଥିଲେ ହେଁ ବିଜୁବାବୁଙ୍କ ଅମଳରେ ପ୍ରଣୀତ ହୋଇଥିବା ଅଗ୍ନି ନିରାପତ୍ତା ଆଇନକୁ ଠିକଣା ଭାବେ କାର୍ଯ୍ୟକାରୀ କରି ନାହାନ୍ତି। ଯେଉଁଥିପାଇଁ ସମ୍‌ ହସ୍ପିଟାଲେର ଅଗ୍ନି ନିରାପତ୍ତା ବ୍ୟବସ୍ଥା ନଥିଲେ ମଧ୍ୟ ଅଗ୍ନିଶମ ବିଭାଗ ଏହା ବିରୋଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିପାରି ନାହିଁ।


News Story - Posted on 2016-10-23

ଅତନୁଙ୍କୁ ଢାଲ କଲେ ନବୀନ!



ସ୍ୱାସ୍ଥ୍ୟ ବିଭାଗରେ କିଛି ଠିକ‌୍‍ ଠାକ‌୍‍ ଚାଲି ନଥିଲା। ନଗଡ଼ାଠାରୁ ସମ ଘଟଣା ପର୍ଯ୍ୟନ୍ତ ଅନୁଧ୍ୟାନ କଲେ ଏହା ସ୍ପଷ୍ଟ ଜଣାପଡେ଼। ଏପରିକି ଦାନ ମାଝି ଘଟଣାରେ ଓଡ଼ିଶା ସମଗ୍ର ବିଶ୍ୱରେ ନିନ୍ଦିତ ହାଇଥିଲା। କିନ୍ତୁ ମୁଖ୍ୟମନ୍ତ୍ରୀ ସାଜିଥିଲେ ନିଦାବିଷ୍ଣୁ। ଅନ୍ଧ ଧ୍ରୁତରାଷ୍ଟ୍ର ପରି ପୁତ୍ରମୋହରେ ବିମୋହିତ ଥିଲ ମୁଖ୍ୟମନ୍ତ୍ରୀ। କିନ୍ତୁ ସମ‌୍‍ ଘଟଣାରେ ଆଉ ସମ୍ଭାଳି ହେଲାନି। କାରଣ ଏହି ଘଟଣାରେ ତାଙ୍କ ବିଭାଗର ଭୂମିକା ମଧ୍ୟ ସନ୍ଦେହ ଘେରକୁ ଆସିଲା। ମୁଖ୍ୟମନ୍ତ୍ରୀ ନିଜେ ହେଉଛନ୍ତି ରାଜ୍ୟର ଗୃହମନ୍ତ୍ରୀ। ଏହି ବିଭାଗ ଅଧୀନସ୍ତ ଅଗ୍ନିଶମ ସେବା ପ୍ରଶାସନର ଅବହେଳା ଓ ଦୁର୍ନୀତିମୂଳକ ଦୁରଭିସନ୍ଧି ମଧ୍ୟ ଏହି ଘଟଣାରେ ପଦାକୁ ଆସିଲା। ସମ୍‌ ହସ୍ପିଟାଲର ଅଗ୍ନି ନିରାପତ୍ତା ସାର୍ଟିଫିକେଟ ନାହିଁ ବୋଲି ମୁଖ୍ୟମନ୍ତ୍ରୀଙ୍କ ବିଭାଗ ୨୦୧୩ ମସିହାରୁ ଜାଣିଥିବା ସତ୍ତ୍ବେ ହସ୍ପିଟାଲ ବିରୋଧରେ ମୁଖ୍ୟମନ୍ତ୍ରୀଙ୍କ ତରଫରୁ କୌଣସି ଦୃଷ୍ଟାନ୍ତମୂଳକ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନଥିଲା। ତେଣୁ ଏ ଘଟଣାରେ ବିରୋଧୀ ସ୍ବାଭାବିକ ଭାବେ ମୁଖ୍ୟମନ୍ତ୍ରୀଙ୍କ ଇସ୍ତଫା ମଧ୍ୟ ଦାବି କଲେ। ବାଣ ନିଜ ଆଡ଼କୁ ଆସୁĜ


News Story - Posted on 2016-10-22

ଆଉ ସମସ୍ତେ ନୀତିବାନ!



ନବୀନଙ୍କ ଏଇ ପାଳିରେ ସବୁ ବଡ଼ ବିଭ୍ରାଟ ହେଉଛି ନବକଳେବର କେଳେଙ୍କାରି। ସାଢ଼େ ଚାରି କୋଟି ଓଡ଼ିଆଙ୍କ ବିଶ୍ୱାସ ଓ ଭାବାବେଗ ସହିତ ଜଡ଼ିତ ଜଗନ୍ନାଥଙ୍କ ନବ କଳେବର ପର୍ବରେ ମହା ବିଭ୍ରାଟ ପରିଲକ୍ଷିତ ହୋଇଥିଲା। ନବ କଳେବର ଭିତ୍ତିଭୂମି ନିର୍ମାଣ ଦୁର୍ନୀତି, ଦାରୁ ଚିହ୍ନଟ, ବ୍ରହ୍ମ ପରିବର୍ତ୍ତନ, ଦଇତାଙ୍କ ବ୍ଲାକ୍ମେଲ, ପାଉଣା ବୃଦ୍ଧି ଆଦି ଅନେକ ଘଟଣାରେ ସରକାର ବଦନାମ ହୋଇଥିଲେ। ଗତ ଦୁଇ ବର୍ଷ ରଥଯାତ୍ରା ସମୟରେ ମଧ୍ୟ ଅନେକ ବିଭ୍ରାଟ ପରିଲକ୍ଷିତ ହୋଇଥିଲା। ଜଗନ୍ନାଥଙ୍କ ସେବାପୂଜାରେ ନବୀନଙ୍କ ଅମଳରେ ଅଗଣତି ବିଭ୍ରାଟ ଘଟିଛି। ତଥାପି ସେଥିପାଇଁ କୌଣସି ମନ୍ତ୍ରୀ ଏଯାଏଁ ନୈତିକ ଦାୟିତ୍ୱ ବହନ କରି ଇସ୍ତଫା ଦେଇ ନାହାନ୍ତି।


News Story - Posted on 2016-10-20

ନୂଆ ଆଞ୍ଚଳିକ ଦଳ- ଦୁଇ ଧାରୁଆ ଖଣ୍ଡା



ଭାରତ ପରି ଏକ ସାଂସ୍କୃତିକ ତଥା ଜୀବନଶୈଳୀ ବିବିଧତା ଭିତ୍ତିକ ବୃହତ ଗଣତାନ୍ତ୍ରିକ ରାଷ୍ଟ୍ରରେ ଆଞ୍ଚଳିକ ଦଳମାନଙ୍କରେ ଆବଶ୍ୟକତା ଅଛି କି ? ଏହି ଦଳମାନେ ଜାତୀୟ ସ୍ୱାର୍ଥରେ ଅନ୍ତରାୟ ହୁଅନ୍ତି କି? ଏହିପରି ଅନେକ ଅମୀମାଂସିତ ପ୍ରଶ୍ନ ରହିଛି। ଏହା ସ୍ୱୀକାର୍ଯ୍ୟ ଯେ ସମୟ ସମୟରେ ଆଞ୍ଚଳିକ ଦଳମାନଙ୍କ ମଙ୍ଗୁଆଳରେ ଉପସ୍ଥାପିତ ହେଉଥିବା ରାଜ୍ୟ ସ୍ୱାର୍ଥ ଓ ଜାତୀୟ ସ୍ୱାର୍ଥ ଭିତରେ ବିରୋଧାଭାସ ଦେଖା ଯାଇଥାଏ। ବର୍ତ୍ତମାନର ତାମିଲନାଡୁ ଓ କର୍ଣ୍ଣାଟକ ମଧ୍ୟରେ ଜଳ ବିବାଦ ବା ଆମ ରାଜ୍ୟ ଓଡିଶା ଓ ଛତିଶଗଡ ମଧ୍ୟରେ ଜଳ ବିବାଦ ଜାତୀୟ ଓ ରାଜ୍ୟମାନଙ୍କର ସ୍ୱାର୍ଥ ଭିତରେ ରହିଥିବା ବିରୋଧାଭାସର ଉଦାହରଣ। ଏହା ସତ୍ତ୍ୱେ ଗଣତନ୍ତ୍ରର ସାମଗ୍ରିକ ସଫଳତା ପାଇଁ ବିବିଧ ଆଞ୍ଚଳିକ ଦଳ ଭିତ୍ତିକ ବ୍ୟବସ୍ଥାର ଆବଶ୍ୟକତା ରହିଛି।


News Story - Posted on 2016-10-18

କ’ଣ କରୁଥିଲେ ନବୀନ?



ପ୍ରଧାନମନ୍ତ୍ରୀଙ୍କ ଦପ୍ତର ବାରମ୍ବାର ନବୀନ ନିବାସକୁ ଫୋନ ଲଗାଇ ବିଫଳ ହେଲା ପରେ ଓଡ଼ିଶା ପୁଲିସକୁ ଖବର କଲେ। ଶେଷରେ ବଡ଼ ପୁଲିସ ଅଧିକାର ନବୀନ ନିବାସ ଯାଇଁ ବାବୁଙ୍କୁ ସମ୍‌ ହସ୍‌ପିଟାଲ ଦୁର୍ଘଟଣା, ଦେଢ଼ ଡଜନ ଲୋକଙ୍କ ମୃତ୍ୟୁ ଓ ପ୍ରଧାନମନ୍ତ୍ରୀଙ୍କ ଟେଲିଫୋନ କଥା କହିଲେ। ସେତେବେଳକୁ ରାତି ପ୍ରାୟ ସାଢ଼େ ୧୧ଟା। ପ୍ରଧାନମନ୍ତ୍ରୀଙ୍କ ସହିତ ଯୋଗାଯୋଗ ହେଲା ଓ ରାତି ୧୨ଟା ବେଳକୁ ରୋଗୀ ଦେଖିବାକୁ କ୍ୟାପିଟାଲ ହସ୍‌ପିଟାଲ ବାହାରିଲେ। ସେଠାରେ ୧୦-୧୫ ମିନିଟ ରହି ପୁଣି ନବୀନ ନିବାସ ଫେରି ଆସିଲେ।


News Story - Posted on 2016-10-18

ବନ୍ଦ ହେଉ ବନ୍ଦ!



ଗାଡି ବା ଅଟୋରିକ୍ସା ଚାଳକଟି ନିଜେ ମାଡଖାଇବା ତାକୁ ଯେତିକି ବାଧେ ନାହିଁ, ତାକୁ ବେଶି ବାଧେ ଯେତେବେଳେ ହାତଯୋଡି କାକୁତି ମିନତି ହୋଇ ଯେତେ ପ୍ରାର୍ଥନା କଲେ ସୁଦ୍ଧା ତା ଜୀବନର ସମ୍ୱଳ ଗାଡିଟିକୁ ଆନ୍ଦୋଳନକାରୀମାନେ ତଡା ଓ ବାଡିରେ ପିଟି, ସବୁ କାଚ ଭାଙ୍ଗି ଦେବା ସହିତ ତାକୁ ଅକାମୀ କରି ଦିଅନ୍ତି ଓ ଫେରିଯିବା ପାଇଁ ସୁଯୋଗ ଦିଅନ୍ତି ନାହିଁ। ଅନେକ ସମୟରେ ଦିଚକିଆ ଯାନରେ ଯାଉଥିବା ବ୍ୟକ୍ତି ମଧ୍ୟ ଏଥିରୁ ବାଦ‌୍‍ ପଡନ୍ତି ନାହିଁ। କାର‌୍‍ କିମ୍ୱା ଅଟୋରିକ୍ସାରେ ଡାକ୍ତରଖାନାକୁ ଯାଉଥିବା, ଆଶୁ ଚିକିତ୍ସା ପାଇବାକୁ ଥିବା ରୋଗୀ ମଧ୍ୟ ଏଥିରୁ ଛାଡ ପାଏ ନାହିଁ। ରୋଗୀର ବାହାନା କରି ସେ ଖସି ଯିବା ପାଇଁ ଚାହୁଛି ବୋଲି କହି ତା ଉପରେ ଆକ୍ରମଣ ହୁଏ। ରୋଗୀ ଯଦି ଦୈବାତ‌୍‍ ମୃତ୍ୟୁ ବରଣ କରେ, ବନ୍ଦ ପାଇଁ ନୁହେଁ, ତା ଅବସ୍ଥା ଗୁରୁତର ଥିବାରୁ ସେ ମରିଗଲା ବୋଲି ସଫେଇ ଦିଆଯାଏ। ଆନ୍ଦୋଳନକାରୀ ନେତାଗଣ ପ୍ରତ୍ୟକ୍ଷ ଓ ପରୋକ୍ଷ ଭାବରେ ସବୁ ଦେଖି ଓ ଜାଣି ସୁଦ୍ଧା ସ୍ୱତଃସ୍ଫୁର୍ତ୍ତ ଜନସମର୍ଥନ କଥା କହି ବାହାସ୍ପୋଟ ମାରନ୍ତି। ନିଜର ରାଜନୈତିକ କିମ୍ୱା ସଂଗଠନର ସ୍ୱାର୍ଥ ପାଇଁ ଏତେବଡ ପ୍ରତାରଣା ସେମାନେ କି ଭଳି କରିପାରୁଛନ୍ତି!&nb


News Story - Posted on 2016-10-18

କୋହଳ କାହିଁକି ସୂଚନା କମିଶନ?



ଆଇନରେ ଏପରି ବ୍ୟବସ୍ଥା ଥିବା ସତ୍ତ୍ୱେ ସୂଚନା କମିଶନ‌୍‍ ଏତେ କମ‌୍‍ ସଂଖ୍ୟକ କେସ‌୍‍ରେ ଜନ ସୂଚନା ଅଧିକାରୀଙ୍କ ବିରୁଦ୍ଧରେ ଦଣ୍ଡବିଧାନ କରୁଛନ୍ତି କାହିଁକି ଏବଂ ସମସ୍ତ ଆଇନଗତ ବିଧି ବ୍ୟବସ୍ଥାକୁ ଉଲ୍ଲଂଘନ କରି ବର୍ଷ ବର୍ଷ ଧରି ସୂଚନା ପ୍ରଦାନ କରି ନଥିବା ଜନସୂଚନା ଅଧିକାରୀଙ୍କ ବିରୁଦ୍ଧରେ ଦଣ୍ଡବିଧାନ କରିନଥାନ୍ତି କାହିଁକି? ଏଠାରେ କେତୋଟି କେସ‌୍‍ର ଉଦାହରଣ ଦିଆଯାଇପାରେ। ବାଲେଶ୍ୱର ଜିଲ୍ଲାର ଅନୁଜ ମହାପାତ୍ର ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀଙ୍କ କାର୍ଯ୍ୟାଳୟକୁ ତା ୧୫.୧୧.୨୦୧୩ରିଖରେ ସୂଚନା ଅଧିକାର ଆଇନ ବଳରେ ବର୍ଷକ ତଳେ ସେ କରିଥିବା ଅଭିଯୋଗ ଉପରେ ହୋଇଥିବା କାର୍ଯ୍ୟାନୁଷ୍ଠାନ ସମ୍ପର୍କିତ ତଥ୍ୟ ମାଗିଥିଲେ। କୌଣସି ଉତ୍ତର ନ ପାଇବାରୁ ଶ୍ରୀ ମହାପାତ୍ର ପ୍ରଥମ ଅପିଲ କତ୍ତୃର୍ପକ୍ଷଙ୍କ ନିକଟରେ ପ୍ରଥମ ଅପିଲ କରିଥିଲେ। ପ୍ରଥମ ଅପିଲ କତ୍ତୃର୍ପକ୍ଷ ମଧ୍ୟ ଉକ୍ତ କେସ‌୍‍ର ଶୁଣାଣୀ କରିଥିଲେ। ଫଳରେ ସେ ସୂଚନା କମିଶନଙ୍କ ନିକଟରେ ତା ୩୧.୦୩.୨୦୧୪ରେ ଦ୍ୱିତୀୟ ଅପିଲ କରିଥିଲେ। ହାରାହାରି ଦୁଇ ବର୍ଷ ପରେ ସୂଚନା କମିଶନର ଶ୍ରୀମତୀ ଶଶୀ ବିନ୍ଧାଣୀ ଦ୍ୱିତୀୟ ଅପିଲ‌୍‍ ସଂଖ୍ୟା ୮୮୫/୨୦୧୪ର ଶୁଣା


News Story - Posted on 2016-10-18

ପୁଣି ଆରମ୍ଭ ରାମ-ରାଜନୀତି!



ମନ୍ଦିର ନହେଲା ନାହିଁ ମ୍ୟୁଜିୟମ ହେଉ। ହିନ୍ଦୁ ଭାବାବେଗ ଜଗାଇବାକୁ ଏଇ କୌଶଳ କରିଛି କେନ୍ଦ୍ର। ଉତ୍ତର ପ୍ରଦେଶ ନିର୍ବାଚନକୁ ଦୃଷ୍ଟିରେ ରଖି ଅଯୋଧ୍ୟାରେ ଏକ ରାମାୟଣ ମ୍ୟୁଜିୟମ ପ୍ରତିଷ୍ଠା କରିବାକୁ ନିଷ୍ପତ୍ତି ନେଇଛନ୍ତି କେନ୍ଦ୍ରର ବିଜେପି ନେତୃତ୍ୱାଧୀନ ମୋଦି ସରକାର। ଅଯୋଧ୍ୟାରେ ରାମ ମନ୍ଦିର ନିର୍ମାଣ ଭାରତୀୟ ଜନତା ପାର୍ଟିର ଏକ କୌଳିକ ମୁଦ୍ଦା। ବିଜେପିର ଏହି କୌଶଳକୁ କଂଗ୍ରେସ ତୀବ୍ର ନିନ୍ଦା କରିଛି।


News Story - Posted on 2016-10-16

ଅନୁଗତ ସୂଚନା କମିଶନ!



ବିଗତ ଏକ ବର୍ଷରେ ସୂଚନା କମିଶନର ଶ୍ରୀ ଏଲ‌୍‍. ଏନ‌୍‍. ପଟ୍ଟନାୟକ ଗୋଟିଏ ମାସରେ ମାତ୍ର ୧୫ ଦିନ କେସ‌୍‍ ଶୁଣାଣୀ କରିଥିଲା ବେଳେ ଅନ୍ୟ ଜଣେ କମିଶନର‌୍‍ ଶ୍ରୀମତୀ ଶଶୀ ବିନ୍ଧାଣୀ ମାତ୍ର ୧୦ ଦିନ କେସ‌୍‍ ଶୁଣାଣୀ କରିଛନ୍ତି। ସେହିପରି ଶ୍ରୀ ପଟ୍ଟନାୟକ ମାସକୁ ୧୬୨ଟି କେସ‌୍‍ ଶୁଣାଣୀ କରି ମାତ୍ର ୩୫ଟି କେସ‌୍‍ ଫଇସଲା କରିଛନ୍ତି। ଅର୍ଥାତ‌୍‍ ଦିନକୁ ମାତ୍ର ଦୁଇଟି କେସ‌୍‍ ଫଇସଲା କରନ୍ତି। ସେହିପରି ଶ୍ରୀମତୀ ବିନ୍ଧାଣୀ ମାସକୁ ୧୭୫ଟି କେସ‌୍‍ ଶୁଣାଣୀ କରି ମାତ୍ର ୩୧ଟି କେସ‌୍‍ ଫଇସଲା କରିବାରେ ସମର୍ଥ ହୋଇଛନ୍ତି। ଅର୍ଥାତ‌୍‍ ସେ ଦିନକୁ ହାରାହାରି ତିନୋଟି କେସ‌୍‍ ଫଇସଲା କରିଛନ୍ତି। ସମାନ ଦରମା, ଭତ୍ତା ଏବଂ ଅନ୍ୟାନ୍ୟ ଆନୁସଙ୍ଗିକ ସୁବିଧା ପାଇ ମହାରାଷ୍ଟ୍ର ମୁଖ୍ୟ ସୂଚନା କମିଶନର‌୍‍ ଗୋଟିଏ ଦିନରେ ୪୯ଟି କେସ‌୍‍ ଫଇସଲା କରୁଥିଲା ବେଳେ ଆମ ରାଜ୍ୟର ସୂଚନା କମିଶନର‌୍‍ମାନେ ଦିନକୁ ମାତ୍ର ୨ଟି କେସ‌୍‍ ଫଇସଲା କରିବାରେ ସକ୍ଷମ ହେଉଛନ୍ତି କାହିଁକି?


News Story - Posted on 2016-10-16

ଗରିବ କହିବା ପାପ, କରିବା ନୁହେଁ!



ଏହା ସତ୍ତ୍ବେ ସେ ଲୋକଙ୍କର ପ୍ରିୟ ହୋଇପାରିଛନ୍ତି। ଓଡ଼ିଆଙ୍କ ଭାଷା ନବୁଝି ଓଡ଼ିଆଙ୍କ ମନ ଜିଣି ପାରିଛନ୍ତି। କାରଣ ସେ ଓଡ଼ିଶାର ଅଧାରୁ ଅଧିକ ଲୋକଙ୍କ ଘରେ ବସେଇ ଖାଇବାକୁ ଦଉଛନ୍ତି, ଭିକାରୀ ବା ବୁଢ଼ାବଢ଼ୀଙ୍କ ପରି। କର୍ମ ଅଳସୁଆ ଓଡ଼ିଆଙ୍କ ପାଇଁ ନବୀନ ପଟ୍ଟନାୟକଙ୍କଠାରୁ ଅଧିକ ପ୍ରିୟ ମୁଖମନ୍ତ୍ରୀ କେହି ହୋଇ ନପାରନ୍ତି। ମଜ୍ଜାର କଥା ହେଉଛି ବିଜୁବାବୁ ଦେହତ୍ୟାଗ କଲା ପର୍ଯ୍ୟନ୍ତ ନବୀନ ମଧ୍ୟ ଓଡ଼ିଆଙ୍କ ପରି କର୍ମ ଅଳସୁଆ ଥିଲେ ଓ ବାପା ଟଙ୍କାରେ ଚଳୁଥିଲେ!


News Story - Posted on 2016-10-14

ଜନ ସଂପର୍କ ନା ଗାତପଶା ଚାଲ୍‌!



ଗାନ୍ଧୀ ଜୟନ୍ତୀରୁ ଆରମ୍ଭ ହୋଇ ଏହି ଜନସଂପର୍କ ଯାତ୍ରା ଲୋକମାନ୍ୟ ଜୟ ପ୍ରକାଶ ନାରାୟଣଙ୍କ ଜୟନ୍ତୀରେ ଶେଷ ହେଉଥିଲା। ୨୦୧୭ରେ ଯେହେତୁ ପଞ୍ଚାୟତ ନିର୍ବାଚନ ନବୀନ ଏହି ଜନସଂପର୍କ ଯାତ୍ରାକୁ ମାସିକିଆ କରିଦେଲେ, ଅକ୍ଟୋବର ୨ ରୁ ନଭେମ୍ବର ୨। ହେଲେ ସଂପର୍କର ନାଁ ଗନ୍ଧ ଦେଖିବାକୁ ମିଳିଲାନି। କିଏ କାହା ସହ କି ସଂପର୍କ ଯୋଡୁଛି , ଆମ ଛୋଟ ମୁଣ୍ଡରେ କିଛି ପଶୁନି। ଖୋଦ ନବୀନ ରାଜଧାନୀରେ ୧୨ ହାତ ବାଟ କଡ଼ା ସୁରକ୍ଷାରେ ଚାଲିଗଲେ। ରାଜ୍ୟର ଆଉ କୁଆଡେ ତାଙ୍କ ପାଦ ପଡ଼ିଲାନି। ହଁ ସିଏ ଜିତିଥିବା ଗଞ୍ଜାମ ଜିଲ୍ଲାରେ ବି ଅଢେଇ ମିନିଟିଆ ଜନସଂପର୍କ ଯାତ୍ରାଟିଏ କଲେ।


News Story - Posted on 2016-10-09

ବିଜୁମୂର୍ତ୍ତି ସବୁ ବେଆଇନ!



ଏହି ମୂର୍ତ୍ତିଗୁଡ଼ିକ ବିଜୁ ଜନତା ଦଳ କିମ୍ବା ତାଙ୍କ ପୁଅ ନବୀନ ପଟ୍ଟନାୟକଙ୍କ ନିଜସ୍ବ ପାଣ୍ଠିରେ ନିର୍ମିତ ହୋଇନାହିଁ। ଏସବୁ ସରକାରୀ ପାଣ୍ଠିରେ ତିଆରି ହୋଇଛି, ସରକାରୀ ଜାଗାରେ ସରକାରୀ ଖର୍ଚ୍ଚରେ ପ୍ରତିଷ୍ଠା କରାଯାଇଛି। ବିଜୁ ପଟ୍ଟନାୟକଙ୍କ ନାଁରେ ବିଜୁ ଜନତା ଦଳ ଗଢ଼ା ଯାଇଥିବାରୁ ସରକାରୀ ଖର୍ଚ୍ଚରେ ବିଜୁ ପଟ୍ଟନାୟକଙ୍କ ପ୍ରତିମୂର୍ତ୍ତି ପ୍ରତିଷ୍ଠା କରିବା ବିଜୁ ଜନତା ଦଳର ପ୍ରଚାର ବ୍ୟତିତ ଅନ୍ୟ କିଛି ନୁହେଁ। ଭାରତର ନିର୍ବାଚନ କମିଶନଙ୍କ ନିକଟରେ ଏସବୁର ଭିଡ଼ିଓ ଓ ସ୍ଥିର ଚିତ୍ର ସମେତ ଅନ୍ୟାନ୍ୟ ପ୍ରମାଣ ଦାଖଲ କରାଗଲେ କମିଶନ ଦୁଇଟି ନିର୍ଦ୍ଦେଶ ଦେବାର ସମ୍ଭାବନା ଅଛି। ମୁକ୍ତ ଓ ଅବାଧ ନିର୍ବାଚନ ତଥା ସବୁ ଦଳଙ୍କୁ ସମାନ ରଣଭୂମି ଯୋଗାଇବାର ନୀତରେ କମିଶନ ହୁଏତ ରାଜ୍ୟ ସାରା ସରକାରୀ ଖର୍ଚ୍ଚରେ ଯେତେ ବିଜୁମୂର୍ତ୍ତି ପ୍ରତିଷ୍ଠା କରାଯାଇଛି ସବୁଗୁଡ଼ିକୁ ଭାଙ୍ଗିଦେବାକୁ ନିର୍ଦ୍ଦେଶ ଦେବେ ନହେଲେ ବିଜୁ ଜନତା ଦଳର ନାମରୁ ବିଜୁ ନାମ ହଟାଇବାକୁ କହିପାରନ୍ତି।


News Story - Posted on 2016-10-06

କିଏ ନବୀନଙ୍କ ରକ୍ଷାକବଚ!



ନବୀନ ନିଜେ କେଉଁ ବା କାହାର କବଚ ପିନ୍ଧିଛନ୍ତି ତାହା ସେ କାହାକୁ କହି ନାହାନ୍ତି। କହିବେ ବି ନାହିଁ। କାରଣ ସେ ଅନ୍ୟର କବଚ ପିନ୍ଧି ନେତା ହୋଇଛନ୍ତି ବୋଲି ଜଣାପଡ଼ିବା ତାଙ୍କର ପୌରୁଷତ୍ବ(?) ପ୍ରତି ଅପମାନ ହୋଇପାରେ। ତେଣୁ ସେ ମଝିରେ ମଝିରେ ତାଙ୍କର କବଚ ବଦଳାଇଥାନ୍ତି। ଏଠି ତାଙ୍କର ମୁଖ୍ୟ ଉପଦେଷ୍ଟା ବା ପ୍ରଧାନ କର୍ମଚାରୀଙ୍କୁ କବଚ ଭାବେ ଗ୍ରହଣ କରାଯାଇଛି। ବାସ୍ତବରେ ଓଡ଼ିଶାର ପ୍ରାୟ ଏକ କୋଟି ବୋକା ଲୋକ ନବୀନଙ୍କ କ୍ଷମତାର କବଚ ହୋଇଥିଲେ ହେଁ ଏହା ଗୋଟେଇଗାଟେଇ ତାଙ୍କ ଥାଳିରେ ସଜେଇଥିବା ଲୋକ ହିଁ ହେଉଛନ୍ତି ନବୀନଙ୍କର ପ୍ରକୃତ ରକ୍ଷା କବଚ। ପ୍ରଥମେ ଜନତା ଦଳ ଭାଙ୍ଗି ବିଜୁ ଜନତା ଦଳ ଗଠନ କରିବା କ୍ଷେତ୍ରରେ ଅଗ୍ରଣୀ ଭୂମିକା ଗ୍ରହଣ କରିଥିବା ବିଜୟ ମହାପାତ୍ର ଥିଲେ ସେଇ କବଚ। କିନ୍ତୁ ବିଧାନସଭା ନିର୍ବାଚନ ଲଢ଼ିବା ପୂର୍ବରୁ ୨୦୦୦ ମସିହାରେ ନବୀନ ତାଙ୍କୁ ଏମିତି ପାନେ ଦେଲେ ଯେ ଏହି ବିଚକ୍ଷଣ ରାଜନେତା ଏବେ ବି ଉଠିବାର ବୁଦ୍ଧି ପାଉ ନାହାନ୍ତି। ଏହା ପରେ ଅବସରପ୍ରାପ୍ତ ଆଇଏଏସ ପ୍ୟାରୀ ମୋହନ ମହାପାତ୍ରଙ୍କୁ ନବୀନ ନିଜର କବଚ କରି ପିନ୍ଧିଥିଲେ। ଯିଏ ଯାହା କହିଲା ସେ ସବୁବେଳେ ଶହୀଦ ନଗରକୁ ଆଙ୍ଗୁଳି ଦେଖେଇ ଦ


News Story - Posted on 2016-10-05

ବଳ ଖଟାଇବ ବିଜେପି



ଆଗାମୀ ପଞ୍ଚାୟତ ନିର୍ବାଚନ ପାଇଁ ଦଳ ରଣନୀତି ପ୍ରସ୍ତୁତ କରିଛି। ଦଳର ରାଜ୍ୟ କାର୍ଯ୍ୟକାରିଣୀ ବୈଠକରେ ଦଳର ପଦାଧିକାରୀ ଓ ଜିଲ୍ଲା ସଭାପତିମାନେ ଉପସ୍ଥିତ ରହି ପଞ୍ଚାୟତ ନିର୍ବାଚନ ପାଇଁ ରଣନୀତି ପ୍ରସ୍ତୁତ କରିଥିଲେ। ବୈଠକରେ ଦୁଇ କେନ୍ଦ୍ରମନ୍ତ୍ରୀ ଜୁଏଲ‍୍‌ ଓରାମ‍୍‌ ଓ ଧର୍ମେନ୍ଦ୍ର ପ୍ରଧାନଙ୍କ ସମେତ, ରାଜ୍ୟ ସଭାପତି ବସନ୍ତ ପଣ୍ଡା, କନକବର୍ଦ୍ଧନ ସିଂହଦେଓ, ସୁରେଶ ପୂଜାରୀ, କେନ୍ଦ୍ରୀୟ ନେତା ଅରୁଣ ସିଂହଙ୍କ ସମେତ ବହୁ ଆଗଧାଡ଼ିର ନେତା ଓ ବିଧାୟକମାନେ ଉପସ୍ଥିତ ମଧ୍ୟ ଥିଲେ। ଦଳର ପୂର୍ବତନ ସଭାପତିମାନେ ପଞ୍ଚାୟତ ନିର୍ବାଚନରେ ଦଳର କ’ଣ ସମସ୍ୟା ରହିଥାଏ, କ’ଣ କରାଗଲେ ସ୍ଥିତି ମଜବୁତ୍ ହୋଇପାରିବ ଆଦି ବିଷୟରେ ଆଲୋକପାତ କରିଥିଲେ। ଏଥବରେ ଚୂଡ଼ାନ୍ତ ରଣନୀତି ପ୍ରସ୍ତୁତ ହୋଇଥିଲା। ଏହାଛଡ଼ା ରାଜ୍ୟ ସରକାରଙ୍କ ବିରୋଧରେ ଦଳ ପକ୍ଷରୁ ରାଜନୈତିକ ପ୍ରସ୍ତାବ ମଧ୍ୟ ଆଗତ କରାଯାଇଥିଲା।


News Story - Posted on 2016-10-04

ଅମଲାତନ୍ତ୍ରର ଶୂଳି ଚଢ଼ିଲେ ବିଧାୟକ!



ଯେତେବେଳେ ବିଧାନସଭାରେ ଏହା ଉପସ୍ଥାପିତ ଓ ଆଲୋଚିତ ହେଲା, ଏଥିରେ ବିଧାନସଭାର ମାନ୍ୟବର ସଦସ୍ୟମାନେ ସେମାନଙ୍କର ବିଧାୟକୀୟ ବିଜ୍ଞତା ମିଶାଇ ପାରିଥାନ୍ତେ। ଏହାର ସଂଶୋଧନ କରିଥାନ୍ତେ କିମ୍ୱା ଏହାକୁ ପ୍ରତ୍ୟାଖ୍ୟାନ କରି ଓଡ଼ିଶା ସରକାରୀ ଭାଷା ଆଇନ‌୍‍ ୧୯୫୪ ର ଉଲ୍ଲଂଘନକାରୀଙ୍କ ପ୍ରତି ଦଣ୍ଡବିଧାନର ବ୍ୟବସ୍ଥା ସହ ପୁନର୍ବାର ଗୃହରେ ଉପସ୍ଥାପନ ପାଇଁ ସରକାରଙ୍କୁ ନିର୍ଦ୍ଦେଶ ଦେଇପାରିଥାନ୍ତେ। ସେମାନେ ତାହା କଲେ ନାହିଁ। ଭିନ୍ନ ଭାବେ କହିଲେ, ଓଡ଼ିଆ ଭାଷାଦ୍ରୋହୀ ଅଣଓଡ଼ିଆ ଅମଲାମାନେ ତିଆରି କରିଥିବା ଆଇନକୁ ଆମ ବିଧାୟକମାନେ ଅକ୍ଷରେ ଅକ୍ଷରେ ମାନିନେଲେ। ତେଣୁ, ଏହା ହିଁ କହିବାକୁ ହେବ ଯେ, ଭାଷା ଅଧ୍ୟାଦେଶରେ ବିଧାୟକୀୟ ବିଜ୍ଞତା ନଥିଲା ଓ ସେହି ଅଧ୍ୟାଦେଶ ଯେତେବେଳେ ଆଇନ‌୍‍ ହେଲା, ତହିଁରେ ମଧ୍ୟ ବିଧାୟକୀୟ ବିଜ୍ଞତା ରହିଲା ନାହିଁ। ଓଡ଼ିଆଭାଷା ବିରୋଧୀ ଅମଲାତନ୍ତ୍ର ଆମ ଆଇନ ପ୍ରଣେତାମାନଙ୍କ ବିଧାୟକୀୟ ବିଜ୍ଞତାକୁ ଆଇନ‌୍‍-ପ୍ରଣୟନ-ଶୈଳୀର ଶୁଳିରେ ଏମିତି ଚଢ଼େଇଦେଲା ଯେ, ଓଡ଼ିଆଭାଷା ପଛକେ ରସାତଳକୁ ଯାଉ, ଏମାନେ କେହି ବି ସେହି ଶୂଳିରୁ ଖସିବାକୁ ସମର୍ଥ ହେଲେ ନାହିଁ।


News Story - Posted on 2016-10-03

କଲେଜ ନିର୍ବାଚନ କେତେ ଜରୁରୀ?



କହିବା ବାହୁଲ୍ୟ ଯେ, ମେଧାବୀ ଛାତ୍ରମାନଙ୍କ ରାଜନୀତି ପ୍ରତି ଏଭଳି ବିମୁଖତାର ସୁଯୋଗ ନେଉଛନ୍ତି ଅଣମେଧାବୀ ଛାତ୍ରଛାତ୍ରୀ। ଏହାଛଡା ଦୀର୍ଘଦିନର ଚାକିରୀ ପରେ ଅବସର ନେଉଥିବା ଅଫିସର ଓ କର୍ମଚାରୀମାନେ ନିର୍ବାଚନ ରାଜନୀତିରେ ସାମିଲ ହୋଇଯାଉଛନ୍ତି। ୬୦ ବର୍ଷ ବୟସ ପରେ ସେମାନେ ରାଜନୀତିରେ ପ୍ରବେଶ କରୁଛନ୍ତି- ବିଧାୟକ ଓ ସାଂସଦ ହେଉଛନ୍ତି, ସରପଞ୍ଚ, ସମିତିସଭ୍ୟ, ଜିଲ୍ଲା ପରିଷଦ ସଭ୍ୟ ଏବଂ ଜିଲ୍ଲା ପରିଷଦ ଅଧ୍ୟକ୍ଷ ମଧ୍ୟ ହେଉଛନ୍ତି। ଏପରି ନିର୍ବାଚିତ ପ୍ରତିନିଧିମାନଙ୍କର କାର୍ଯ୍ୟଦକ୍ଷତା ଯାହା ହେଉନା କାହିଁକି ଏମାନେ ଅଧିକ ସମାଲୋଚନାର ଶରବ୍ୟ ହେଉଛନ୍ତି। ରାଜନୈତିକ ବିଶାରଦମାନେ ଏହାକୁ ପସନ୍ଦ କରୁନାହାଁନ୍ତି। ଅପରପକ୍ଷରେ ଛାତ୍ରଜୀବନରୁ ରାଜନୀତିରେ ସାମିଲ‌୍‍ ହୋଇଥିବା ଅଥବା ଛାତ୍ରସଂସଦ ନିର୍ବାଚନରେ ସଫଳ ହୋଇଥିବା ରାଜନେତାମାନେ ଏପରି ସମାଲୋଚନାର ଶିକାର ହୁଅନ୍ତି ନାହିଁ। ଏମାନେ ବିଧାୟକ ଓ ସାଂସଦ ଭାବେ ନିର୍ବାଚିତ ହେଲାପରେ ତାହା ତାଙ୍କର ଦୀର୍ଘ ଦନର ପରିଶ୍ରମର ଫଳ ବୋଲି କୁହାଯାଇଥାଏ। ତେବେ ମେଧାବୀ ଛାତ୍ରମାନେ ଏ ଦିଗରେ ଆଗ୍ରହୀ ହେଲେ ଦେଶ ଓ ରାଜ୍ୟ ଅଧିକ ଲାଭବାନ ହେବ। ସମ୍ପୃକ୍ତି ě


News Story - Posted on 2016-10-01

ଦାମ ବିରୋଧୀଙ୍କୁ ବିଷ୍ଣୁଙ୍କ ପୁରସ୍କାର!



ପାରାଦୀପରେ ଡାକ୍ତର ଦାମୋଦର ରାଉତଙ୍କକୁ ଧୀରେ ଧୀରେ ପ୍ରଭାବହୀନ କରିବା ପାଇଁ ଜଗତସିଂହପୁର ଜିଲ୍ଲା ବିଜେଡି ସଭାପତି ତଥା ରାଜ୍ୟସଭା ସଦସ୍ୟ ବିଷ୍ଣୁ ଦାସ ଗୋଟି ଚଳେଇବା ଆରମ୍ଭ କରିଛନ୍ତି। ତାଙ୍କର ଦାମ ବିରୋଧୀ ଷଡ଼ଯନ୍ତ୍ର ପ୍ରତି ଦଳର ରାଜ୍ୟ ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କର ମଧ୍ୟ ସମର୍ଥନ ଥିବା ଜଣାପଡ଼ୁଛି। ଦାମଙ୍କ କଟ୍ଟର ବିରୋଧୀ ଭାବେ ଜଣାଶୁଣା ସନ୍ତୋଷ ପଟ୍ଟନାୟକଙ୍କ ସମର୍ଥକମାନଙ୍କୁ ଜିଲ୍ଲା ବିଜେଡିର ଗୁରୁତ୍ବପୂର୍ଣ୍ଣ ପଦ ଦିଆଯିବା ଘଟଣାରୁ ପାରାଦୀପର ରାଜନୀତିକ ସମୀକ୍ଷକମାନେ ଏହା ଅନୁମାନ କରୁଛନ୍ତି।

 


News Story - Posted on 2016-09-30

ନୀତି ବଦଳିଲା, ସଂଯମ ତୁଟିଲା



ଯାହା କୁହାଯାଉଥିଲା ତାହା କରି ଦେଖେଇଦେଲେ ଭାରତୀୟ ସେନା। ସେପ୍ଟେମ୍ୱର ୨୮-୨୯ ମଧ୍ୟରାତିରେ ପାକିସ୍ତାନ ଅଧିକୃତ କାଶ୍ମୀର ଭିତରେ ପଶି ଆତଙ୍କବାଦୀଙ୍କ ଆଡ୍ଡା ଉପରେ ସର୍ଜିକାଲ ଆକ୍ରମଣ କରିଛନ୍ତି ଭାରତର ଦୁର୍ଦ୍ଧଷ ପାରା କମାଣ୍ଡୋ ବାହିନୀ। ପାକିସ୍ତାନ କିଛି ଜାଣିବା ପୂର୍ବରୁ ଏହାର ପ୍ରତ୍ୟକ୍ଷ ପ୍ରୋତ୍ସାହନରେ ନିୟନ୍ତ୍ରଣ ରେଖା ନିକଟରେ ଚାଲିଥିବା ୭ଟି ଆତଙ୍କବାଦୀ ଆଡ୍ଡା ଧ୍ୱଂସ ହୋଇଯାଇଛି ଏବଂ ନିପାତ ହୋଇଛନ୍ତି ଭାରତକୁ ଅନୁପ୍ରବେଶ କରିବାକୁ ଅପେକ୍ଷା କରିଥିବା ପ୍ରାୟ ୪୦ ଆତଙ୍କବାଦୀ। ସେନାର ଏହି ଅପରେସନ ସଂପର୍କରେ ଗଣମାଧ୍ୟମକୁ ଆନୁଷ୍ଠାନିକ ଭାବେ ସୂଚନା ଦେଇଛନ୍ତି ସାମରିକ ଅଭିଯାନର ମହାନିଦ୍ଦେର୍ଶକ ଲେଫଟନାଣ୍ଟ ଜେନେରାଲ ରଣବୀର ସିଂହ।


News Story - Posted on 2016-09-26

ମହାଗାଲୁଆଙ୍କ ମହାପ୍ରସଙ୍ଗ ମହାନଦୀ!



ଏଇ ତିନିଟି ବାକ୍ୟ ବ୍ୟତିତ ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ତାଙ୍କ ନନ୍ଦିଭୃଙ୍ଗୀମାନଙ୍କ ନିକଟରେ ମହାନଦୀ ଉପରେ ଆଉ କ’ଣ କିଛି ଜ୍ଞାନ ଓ ସୂଚନା ନାହିଁ? ଥିଲେ ତ’ ଏତେ ବିତର୍କରେ ସେସସବୁ ପଦାକୁ ଆସନ୍ତା! ଛତିଶଗଡ଼ ଯୋଗୁଁ ଓଡ଼ିଶାରେ ମହାନଦୀ ଶୁଖିଯିବ ବୋଲି ଓଡ଼ିଶା ସରକାର କେମିତି ଓ ଯେଉଁ ତଥ୍ୟ ଆଧାରରେ ଜାଣିଲେ ତାହା ତ ଅନ୍ତତଃ ପଦାକୁ ଆସିବା କଥା! ନା ସେମିତି କିଛି ତଥ୍ୟ ମୂଳରୁ ନାହିଁ? ବିନା ତଥ୍ୟ ଓ ପ୍ରମାଣରେ ସରକାର କେମିତି ମହାନଦୀକୁ ଓଡ଼ିଶାର ଏହା ମହାପ୍ରସଙ୍ଗରେ ପରିଣତ କରିଛନ୍ତି? ନବୀନବାବୁ ଓ ତାଙ୍କ ବିଜୁ ଜନତା ଦଳର ଏହି ପ୍ରସଙ୍ଗ ପାଇଁ ଓଡ଼ିଶା ଲୋକଙ୍କର କେତେ ସମୟ ନଷ୍ଟ ହୋଇଛି? ଗଣମାଧ୍ୟମର କେତେ କାଗଜ ଓ ପ୍ରସାରଣ ସମୟ ଯାଇଛି? ସରକାରଙ୍କର କେତେ ଟଙ୍କା ଖର୍ଚ୍ଚ ହୋଇ ଏହାକୁ ଏକ ରାଜନୀତିକ ପ୍ରସଙ୍ଗରେ ପରିଣତ କରାଯାଇଛି?


News Story - Posted on 2016-09-25

ମହାନଦୀ ଧୂଆଁବାଣ



ଅାଶଙ୍କା ସତ ହେଲା। ଛତିଶଗଡ଼ କଦଳୀ ଖାଇ ଚୋପା ଧରେଇଦେଲା ଓଡ଼ିଶାକୁ। ଭୁବନେଶ୍ବର ଫେରି ମୁଖ୍ୟମନ୍ତ୍ରୀ କହିଲେ – ‘ଦୁର୍ଭାଗ୍ୟଜନକ’ ଭାବେ କେନ୍ଦ୍ର ପାତରଅନ୍ତର କରିଛି। ତାହା କେବେ କେମିତି ହେଲା, ବିସ୍ତାରିତ ଭାବେ ବର୍ଣ୍ଣନା ନ କରି କେନ୍ଦ୍ର ସରକାର ଛତିଶଗଡ଼ ପ୍ରକଳ୍ପଗୁଡ଼ିକୁ ତୁରନ୍ତ ବନ୍ଦ କରୁ ବୋଲି ଅାମ ମୁଖ୍ୟମନ୍ତ୍ରୀଙ୍କ ବରାଦକୁ କେନ୍ଦ୍ର ଓ ଉକ୍ତ ସରକାର ସେଇ ବୈଠକରେ ମନା କରିଦେଲେ।

 


News Story - Posted on 2016-09-25

ପାକିସ୍ତାନକୁ ମୋଦିଙ୍କ ବାକ୍ୟବାଣ



ଉରି ସେନା ଶିବିର ଉପରେ ପାକ୍ ତାଲିମପ୍ରାପ୍ତ ଆତଙ୍କବାଦୀଙ୍କ ଆକ୍ରମଣ ପରେ ପ୍ରଥମ ଥର ପାଇଁ ଏକ ସାଧାରଣ ସଭାରେ ଉଦବୋଧନ ଦେଇଛନ୍ତି ପ୍ରଧାନମନ୍ତ୍ରୀ ମୋଦି। ପାକିସ୍ତାନକୁ ଲକ୍ଷ କରି ସେ କହିଛନ୍ତି ଯେ ତୁମେ ପୂର୍ବ ବଙ୍ଗକୁ ସମ୍ଭାଳି ପାରିଲ ନାହିଁ। ଏବେ ଅଧିକୃତ କାଶ୍ମୀରକୁ ସମ୍ଭାଳି ପାରୁନାହଁ। ଗିଲଗିଟ‍୍‌, ପାଖତୁନଖାୱାକୁ ସମ୍ଭାଳି ପାରୁ ନାହିଁ। ତୁମେ ବେଲୁଚିସ୍ତାନକୁ ସମ୍ଭାଳି ପାରୁ ନାହିଁ। ଅଥଚ କାଶ୍ମୀର ନେବାକୁ କହୁଛ?


News Story - Posted on 2016-09-23

ଶାସକ ଦଳର ସାରଥୀ ସାଜିଛି ପୋଲିସ‌୍‍!



ଏସ‌୍‍ପି ଆଶିଷ ସିଂହଙ୍କ ଅପରେସନ‌୍‍ କ୍ଲିନ‌୍‍, ଏନ‌୍‍କାଉଣ୍ଟର ସବୁକିଛି ବିଜେଡ଼ିର ନିର୍ବାଚନୀ ପୂର୍ବ ପ୍ରସ୍ତୁତି ବୋଲି ବର୍ତ୍ତମାନ ଜିଲ୍ଲାରେ ଆଲୋଚନାର ବିଷୟ ହୋଇଛି। ଆଜିସୁଦ୍ଧା ଅପରେସନ‌୍‍ କ୍ଲିନ‌୍‍ରେ ବିଜେଡ଼ି ଦଳର କୌଣସି ବ୍ୟକ୍ତି ଗିରଫ ହୋଇନଥିବା ବେଳେ କଂଗ୍ରେସ ଦଳର ମଙ୍ଗୁଆଳ ସାଜିଥିବା ପୂର୍ବତନ ସାନଖେମୁଣ୍ଡି ବିଧାୟକ ରମେଶ ଜେନା ବିଭିନ୍ନ ମାମଲାରେ ଜେଲ‌୍‍ରେ ଭର୍ତ୍ତି ହୋଇଛନ୍ତି। ବିଜେପିର ମଙ୍ଗ ଧରିଥିବା ପୂର୍ବତନ ମେୟର ଶିବଶଙ୍କର ଦାଶ(ପିଣ୍ଟୁ) ମଧ୍ୟ ବିଭିନ୍ନ ମାମଲାରେ ଜେଲ‌୍‍ରେ ଭର୍ତ୍ତି ହୋଇଛନ୍ତି। ଯାହାଫଳରେ ଗିରଫ ଭୟରେ ଏମାନଙ୍କ ସମର୍ଥକମାନେ ମଧ୍ୟ ଆତ୍ମଗୋପନ କରିଛନ୍ତି।


News Story - Posted on 2016-09-23

ମାଳତୀ ଓ ଅନ୍ନପୂର୍ଣ୍ଣାଙ୍କୁ ଓଡ଼ିଶାର ଅସମ୍ମାନ!



ରାଜ୍ୟ ସରକାର ସ୍ବାଧୀନତା ସଂଗ୍ରାମରେ ଓିଶାର ଯୋଗଦାନ ସମ୍ପର୍କରେ ସ୍ବାଧୀନତାର 70 ବର୍ଷ ପରେ ବି ସଠିକ ତଥ୍ୟ ରଖିନାହାନ୍ତି। ଫଳରେ ବିପ୍ଳବିଣୀ ମାଳତୀ ଚୌଧୁରୀ, ଅନ୍ନପୂର୍ଣ୍ଣା ମହାରାଣା, ଉତ୍ତରା ଚୌଧୁରୀ, ଗୋଦାବରୀ ଦେବୀ, କିରଣଲେଖା ମହାନ୍ତି, ସୁଭଦ୍ରା ମହତାବ, ଗୁଣମଞ୍ଜରୀ ଦାସ, ଶକୁନ୍ତଳା ଦାସ, କୃଷ୍ଣକାମିନୀ ଦେବୀ, ସୁଶୀଳା ଦେବୀ, ଅଧରମଣୀ ଦେବୀ, ପ୍ରିୟମ୍ବଦା ଦେବୀ, ଶୋଭା ଦେବୀ, ବାସନ୍ତୀ ମହାପାତ୍ର, ମଙ୍ଗଳା ସେନଗୁପ୍ତା, ଛାୟା ଦେବୀ, ପ୍ରିୟମ୍ବଦା ଦାସ, ଶୋଭାବତୀ ପଣ୍ଡାଙ୍କ ସମେତ ବହୁ ଆଗଧାିର ସ୍ବାଧୀନତା ସଂଗ୍ରାମୀଙ୍କ ନାମ ବିଧାନସଭାରେ ଉପସ୍ଥାପିତ ସରକାରୀ ତାଲିକାରେ ନାହିଁ। ଏମିତିକି ପୁଲିସ ଗୁଳିରେ ରକ୍ତତୀର୍ଥଥ ଇରମରେ ସହିଦ ହୋଇଥିବା ମହିଳା ସଂଗ୍ରାମୀ ପରି ବେୱାଙ୍କ ନାମ ମଧ୍ୟ ସରକାର ଉଚ୍ଚାରଣ କରିବାକୁ ଭୁଲି ଯାଇଛନ୍ତି।


News Story - Posted on 2016-09-22

ଭୋଟ ବ୍ୟାଙ୍କରେ ତାଲା ପଡ଼ିବ କି?



ଧର୍ମାନ୍ତରିକରଣ ଯୋଗୁଁ ସେମାନଙ୍କ ସଂଖ୍ୟା ବଢିଛି। ସେଥିପାଇଁ ହିନ୍ଦୁ ସମାଜ ହିଁ ଦାୟୀ। ଆମେ ଆମର ପରିବାର, ପୁଅ  ଓ ଝିଅମାନଙ୍କ ପାଖରେ ଘରେ ବସି ରହିଲୁ। ପାଖରେ ଥିବା ହରିଜନ ବସ୍ତିର ଲୋକଙ୍କ ନିକଟକୁ ଗଲୁ ନାହିଁ। ସେମାନଙ୍କର ଅଭାବ ଅସୁବିଧା କଥା ବୁଝିଲୁ ନାହିଁ। ସେମାନଙ୍କୁ ଅଛୁଆଁ କହି ଘୃଣାକଲୁ। ଯାହା ଫଳରେ ସେମାନେ ଅନ୍ୟ ଧର୍ମର ପ୍ରଲୋଭନର ଶିକାର ହୋଇ ଧର୍ମାନ୍ତରିତ ହେଲେ। ଆମ ଭିତରେ ଥିବା ସାମାଜିକ ବିଷମତା ହିଁ ଏହାର ପ୍ରଧାନ କାରଣ ଅଟେ, ଏହା ଆମକୁ ସ୍ୱୀକାର କରିବାକୁ ପଡିବ। ବର୍ଣ୍ଣଭେଦ, ଜାତିଭେଦ ଓ ଅସ୍ପୃଶ୍ୟତା  ଏ ସାମାଜିକ ବିଷମତାରୁ ହିଁ ଆବିଷ୍କାର ହୋଇଛି। ଆଜି ମଧ୍ୟ ଆମ ସମାଜରେ ବିଚରଣ କରିବା ସମୟରେ ଏହି ପ୍ରଶ୍ନ ଆମକୁ କୁଠାର ଘାତ କରୁଛି, ଏହା ଆମେ ସମସ୍ତେ ଅନୁଭବ କରିଥିବା ଆମ ସମାଜରେ ବିଷମତାର ଏକ ଅତ୍ୟନ୍ତ ଦୁଃଖଦ ଏବଂ ଦୁର୍ଭାଗ୍ୟପୂର୍ଣ୍ଣ ଆରମ୍ଭ ଅସ୍ପୃଶ୍ୟତା କାରଣରୁ ହୋଇଥିଲା। ବହୁ ବିଚାରବନ୍ତ ଲୋକ କୁହନ୍ତି ଯେ, ପ୍ରାଚୀନ କାଳରେ